اختبار نفسى(مكون من 7 أسئلة، اختر اجابة واحدة فقط)
____________
A-مارأيك فى محمد مرسى:-
____________________
1-قائد محنك 2- مش عاجبنى بس لازم نديله فرصة 3- استبن ومالوش فيها 4- مرسى لاشرعية له
B- من المسئول عن الفوضى الحالية
______________________________
1-جبهة الانقاذ 2- فلول النظام السابق 3- الكل مشترك فى المسئولية 4- الاخوان
C-مارأيك فى عصام سلطان
_________________________
1-راجل كويس 2- مناضل 3- ساعات مابيعجبنيش 4- عصفورة لأمن الدولة
D-مارأيك فى العصيان المدنى
__________________________
1-دى اسمها بلطجة 2- متفهم مطالبهم بس عيب برضو 3- وسيلة للتعبير عن الغضب 4- حق أصيل كفله القانون
E- مارأيك فى تعامل الشرطة الحالى مع المظاهرات
_______________________________________
1- لازم يضربوا بيد من حديد 2- عنف زائد احيانا بس ده لان المتظاهرين هم اللى بيبدأوا 3- غير مقبول طبعا 4- الداخلية بلطجية
F-ايه رأيك فى عبد الناصر
__________________
1- ديكتاتور ظالم 2- الله يرحمه بقا 3- رغم اخطائه الا انه قائد 4- الزعيم الحقيقى
G-بتشوف قناة مصر 25؟
_____________________
1- باستمرار 2- أحيانا 3- ساعات بشوف هما بيقولوا ايه 4- هو انا عبيط اشوف قناة وسخة كده
______________________________________________
اعط لنفسك درجة واحدة عن كل اجابة رقمها (1) ودرجتين عن كل اجابة رقمها
(2) وثلاث درجات عن كل اجابة رقمها (3) و اربع درجات عن كل اجابة رقمها (4)
_______________________
النتائج:- اذا تراوحت درجاتك مابين (1-7) فانت اخوانجى ولاشك،تسمع الكلام
ولاتجادل، تدافع عن مرسى مهما اخطأ.،عندك مايشبه جنون الاضطهاد،نظرتك
للدنيا أحادية الابعاد، لاتقبل بالتنوع والاختلاف...أصولى متحفظ الى حد
كبير
.اذا تراوحت درجاتك بين (7-14) فانت من فصيلة(انا مش اخوان بس
بحترمهم على فكرة) مواقفك وسطية عموما، تحب ابو الفتوح وعمرو خالد وايمن
نور ، متحفظ فى حياتك، حريتك لها سقف ،انت غالبا منظم فى حياتك، ولكنك
مراوغ الى حد كبير،لاتترك فرصة دون ان تنتهزها ،غير مندفع ولست متهوراً .
-اذا كانت درجاتك بين (14-21) فأنت شخص هوائى متقلب الاطوار،تحزن بسرعة
وبقوة ثم تهدأ بسرعة،تضحك بشدة ثم تكتئب دون سبب واضح،لك مواقف ثورية لكنك
احيانا تميل الى الاستقرار ،لكنك على الرغم من ذلك (مش مايع)
-اذا كانت
درجاتك بين(22-28)، فأنت مثال للشاب الثورى، الرافض لكل انواع
القيودـليبرالى الفكر،مؤمن بقضيتك، صعب المراس، وصعب اقناعك برأى
مخالف،متهور الى حد كبير لكنك على الرغم من تهورك فانت رومانسى وحالم فى
كثير من الاوقات.
_________________
اعداد:- محمد عبد العزيز
ليست هناك تعليقات:
إرسال تعليق