صباح الخير , استكمالا لمسلسل الوقاحه والسفاله والجهل اللي يتعبى في زكايب , هتلاقيهم ناشرين صورتين جنب بعض للمقارنه في الأولى مثلا ( حذاء رسول الله ) وفي التاينه صوره لمذيعه ( ليبراليه طبعا ) , أو صوره ( للمصحف الشريف ) وفي التانيه رئيس أمريكا وهكذا , و40 ألف لايك لحذاء رسول الله , الحقيقه أنا معرفش إن العرب أيام رسول الله كانو يعرفو سر التحنيط وبالتالي قدرو يحنطو حذاء رسول الله وردائه , ثانيا أنا من وسط مئات ويمكن ألاف الأحاديث اللي سمعتها عن رسول الله معرفش فيهم حديث بيقول أن رسول الله كان يشير إلى حذاءه ويقول ( حذائي هذا أفضل من الليبراليين الذين سيأتون في مصر بعد 1500 سنه !! ) , لكن أعرف إن ربنا سبحانه وتعالى قال ( ولقد كرمنا بني أدم ) , ومعرفش إنه يجوز أبدا وضع المصحف في مقارنه مع أي حاجه تانيه , وبعد كده بالتأكيد هنحطه في مقارنه مع الإنجيل ! , مفيش كده أبدا , مفيش جهل وكهنوت وغباوه وإتجار بأيات الله وكتبه ورسله بالشكل ده , عمرها ما حصلت والله , بأبي أنت وأمي يا رسول الله , اللهم إني أعوذ بك من هذا الشرك والجهل القادم إلينا في جماجم الإخوان والسلفيين !!.
.
محمد حسين
ليست هناك تعليقات:
إرسال تعليق