لو أنك تقرأ أفكاري

لو أنكَ تقرأُ أفكاري
وتعيدُ كتابةَ تاريخي
فاكتبْ في أول صفحاتي
أني أشتاقُ إلى نفسي
وأحنُ لأيامي الأولى
واكتبْ في أخرِ صفحاتي
أني أشتاقُ إلى ذاتي !
.
.
.
كفايه سكوت
ياناس عايمه
في بحر الموت
ده بحر جبان
لافيه شُطأن ولا ربّان
في إيده قرار
ولا إنذار
يسمّع صوت
.
ومركبنا ماهوش مركب
ياناس مركبنا مش مركب
مفيش مركب
ده شكله تابوت
كفايه سكوت
.
.
.
لو أني أعلمُ أن الصمتَ
سيصنعُ مني إنساناً
لتركتُ لساني يتحجّرْ
لوأني أعلم أن الصمت
يعيدك يا وطني صلباً
لمنحتكَ صمتي بل أكثرْ
.
.
.
رئيس داخل على بيتنا
يعايرنا بلقمتنا
وناس نايمه
وناس تايهه
وناس عاشقه حكايتنا
وناس تانيه بتدّبح
وبتسبح
وبتصبح
صباح الخير يا خيبتنا
صباح الخييييييييييييييير يا خيبتنا
.
محمد حسين