شطه كاتشب كل شي

في المطاعم الخليجيه يدخل الزبون ويطلب ساندوتش , يسأله العامل ( شطه كاتشب كل شي ؟) يرد الزبون ( شطه كاتشب كل شي ) , الموضوع بقى ستامبه متكرره ذي سلامو عليكم ......عليكم السلام , والزبون مبيفكرش هو عايز شطه ولا لأ ؟ عايز كاتشب أد إيه ؟ ولا بيفتكر أصلا هو الساندوتش اللي طالبه محتاج كاتشب ولا لأ.
.
وفي الفيس بوك المصري , تلاقي اتنين بيتكلمو عن الدستور , واحد يقول للتاني (أنا عايز الشريعه الإسلاميه) ي

قوم التاني يرد عليه (أنا عايز الشريعه الإسلاميه) , سلامو عليكم.... عليكم السلام , ولو واحد لسانه طويل ذي حالاتي دخل في الحوار وسأل سؤال بسيط ( إنتو عايزين الشريعه الإسلاميه بتاعت مين ؟ ) , تلاقي الرد المفحم ( بتاعة ربنا يا جدع ) , تصدقو إنتو كده طمنتوني أنا كنت فاكركو عايزين الشريعه الإسلاميه بتاعة بنها ! , وكان الغرض من سؤالي إنتو عايزين شريعه الإخوان ولا السلفيين ولا الجهاديين ولا الصوفيين ولا الأزهر ؟ يعني شريعة البلكيمي وعبد المنعم الشحات ولا صبحي صالح وصفوت حجازي ولا عبود وطارق الزمر ولا عبد الماجد ولا أحمد الطيب ؟!.
.
إنما عموما عشان تريح نفسك إعمل روحك ميت وعيش ذي الناس , إدخل المطعم وقول شطة كاتشب كل شي وإدخل الدستور وقول شريعه إسلاميه , بس وحياة والدك يا شيخ إوعى تتلخبط وتدخل المطعم تقول للعامل عايز ساندوتش يالشريعه الإسلاميه ولا تدخل الدستور وتقول عايزين نطبق نظام الشطه كاتشب كل شي !!
.
محمد حسين