علموه ان دينه بكره راجع
مش بدقن
مش بسبحه
راجع بسلسلة
بموضه فاضحه
على كل ناصية شاب صايع
علموه ان دينه بكره راجع
مش نقاب
مش حجاب
او جسم مستور بجلباب
راجع بماسكره
راجع بروج
ومايوه ماشي فى كل شارع
علموه ان دينه بكره راجع
مش قال الله وقال الرسول
مش شريعه وتغييب عقول
راجع بخفة بشكل كوووول
وركعتين فى اي جامع
علموه ان دينه بكره راجع
مش بعفة او طهاره
مش بغيره يا 100 خساره
راجع ببوسة بحضن دافي
بفن فاضح فى المضاجع
علموه ان دينه بكره راجع
مش مهم انطق شهاده
او انى احرص على كل عباده
المهم اكون قياده
اعمل تويته فى كل ساعه
علموه ان دينه بكره راجع
أحمد عبد السيد
ليست هناك تعليقات:
إرسال تعليق