البرادعي ؟

تصحيح بسيط للبوست الأخير إعمالا لمبدأ الرجوع للحق فضيله , ولاد الحلال قالولي إيه علاقة البرادعي وصباحي بموضوع النائب العام , كلموني عن تغريده وتدوينه بيقولو إن إقالته غير قانونيه وترسيخ لدولة اللا قانون , نفس الكلام اللي كتبته الصبح............... ماعلينا ,
.
إنما إحنا دلوأتي قدام مشكله عويصه , بقى يا ناس رئيس دوله وخليفة المسلمين هو القائد الأعلى للجيش والشرطه وعنده صلاحيات الرئيس والبرلمان وورا

ه جماعه وحزب وناس تاكل الحديد تاكل الزلط , وباقي له يومين وصورته تنزل عالجنيه ومع ذلك معرفش ينفذ قراره بإقالة النائب العام في حين إن تغريدة البرادعي رجعته لمكتبه ؟! على كده احنا جامدين أوي , وصباحي المفروض يبعت أصغر صبي من صبيانه يحكم مصر بدل مرسي ,
.
طب والله أنا خايف البرادعي يكتب تغريده بالليل يقول فيها ( أنا محمد البرادعي أعلن الحرب على إسرائيل ) ونصحى الصبح نلاقي الجيش بتاعنا بيحارب عالجبهه برغم معارضة الرئيس ووزير الدفاع ومجلس الأمن القومي , إعقل يا برادعي والنبي مصر مش جاهزه للحرب , هو عشان ربنا فاتح عليك وعندك حساب عبى تويتر وفولورز هتسيئ استخدام صلاحياتك ! ........................................أصحاب العقول في أجازه مفتوحه حتى إشعار أخر.
.
محمد حسين