التعليم والترتيب

من يومين ..نشرت مجلة ( فورين بوليسى) تقرير بيصنف مصر بأنها أسوا بلد ف العالم من حيث جودة التعليم ، مصر احتلت المركز ال 118 بجدارة واستحقاق ، الخبر ده انا ماشفتش حد يعلق عليه ، وماشفتش رد فعل زى اللى حصل لما مصر اتغلبت من غانا 6 الاسبوع اللى فات، مع انه خبر كارثى بكل المقاييس ، لأن التعليم هو نقطه انطلاق اى بلد ف الدنيا. وعشان نعرف قد ايه احنا بنبص للموضوع ده بلامبالاة ، مراسل المجله ف القاهرة بيسأل احد المواطنين:- ايه تعليقك ان مصر ترتيبها 118 ع العالم ف التعليم؟ الراجل بصله وضحك وقال له:- على الأقل احنا لينا ترتيب فى أى حاجة ، حتى لو كنا فى القاع. محمد عبد العزيز