Mohamed Hussein
12 يونيو
ياللي فتحت البتاع فتحك على مقفول
.
وايه يابني دليلك إن نظام مبارك راجع من تاني ؟ قال : الدليل إن علاء عبد الفتاح خد حبس 15 سنه !.
طب يابني لو علاء اتعادت محاكته و خد براءه أو السيسي أصدر قرار بالإفراج عنه هتقول ان نظام مبارك كان راجع بس رجع في كلامه و مارجعش أو رجع من رجوعه و قرر إنه مايرجعش ؟
.
طب يا حماده تعالى هقولك كلمه في ودنك , الحاله الوحيده اللي انا هشك فيها ان نظام مبارك راجع فعلا هي إن السيسي يستخدم صلاحيات مباشره للإفراج عن علاء و زمايله , ساعتها هقولك البس بقى و خلّيك جاهز و مستعد عشان هتركب المرجيحه .
Mohamed Hussein
12 يونيو
هه , هه , هه , عمر عفيفي بيتوعّد بثورة جديد , واعره وشديده , وبيقول إنه هيقودها بنفسه و بيهدد السيسي ( إنت طبعا عارف مين هو عمر عفيفي يا سيسي ؟ , عمر عفيفي اللي حديقة البيت الأبيض اشتكت منه , عمر عفيفي اللي كان باقي له يومين وصورته تنزل عالدولار )!! ............ طب هتقودها بنفسك من أمريكا بالريموت كونترول ولا هتنزل مصر يا كتكوت ؟
التاريخ بيعيد نفسه يا ولاد , والثوره الجديده بتاعة عمر بيه عفيفي هتبقى شبه الحملات الصليبيه كده , الفرق الوحيد المره دي إن اللي هيقود الحمله هو ( فرجينيا جميلة الجميلات ) ........... في ليلهٍ أقلُ بهاءً من ليلتنا هذه يا فرجينيا قصدي يا عمر , سوفَ تأتينَ إلى خيمة فرج , و هتطلعي من عنده تقولي ( أستر عليا ربنا يستر عليك يا بيه )
Mohamed Hussein
12 يونيو
ماجستير في علاء عبد الفتاح
.
- أستاذ علاء عبد الفتاح اللي كل بوستاته وتصريحاته فيها تحريض صريح ضد الدوله أو الجيش و يوم ما يبقى مؤدب أوي بيتكلم عن أبائنا وأجدادنا العره اللي المفروض نكسر رجليهم .
- أستاذ علاء عبد الفتاح اللي مش عاجبه لا جيش ولا شعب و كام جيل كده مش ماليين عينيه .
.
- أستاذ علاء عبد الفتاح اللي خرق قانون التظاهر عامدا متعمدا بنفس أم طريقه الصدر المفتوح و البلطجه و احنا أصلنا مايهمناش قوانين ولا حكومه وبالتالي حط إيده في حنك الأسد
.
- أستاذ علاء عبد الفتاح مسجون بموجب مخالفه للقانون ( ياكشي يكون رمى ورقه في الشارع والقانون بيمنع كده ) .
.
- استاذ علاء عبد الفتاح مسجون من قبل السيسي مايبقى رئيس واللي بيحكم في قضيته قاضي مش مهندس ديكور ولا ظابط في المخابرات العامه .
.
- أستاذ علاء عبد الفتاح صدر ضده حكم غيابي و ده بيبقى اقصى حكم وبعد كده بتتعاد المحاكمه وغالبا هياخد سنتين او حتى يطلع براءه .
.
- أستاذ علاء عبد الفتاح لما يطلع براءه مش هيبطل يلعن دين أم الشعب عاللي فيه وحضرتك مش هتبطل تقول دولة مبارك راجعه .
.
- أستاذ علاء عبد الفتاح لو عيّناه وزير لشئون الشباب و الثوره وميدان التحرير برضه مش هنعجبه ولا نعجب سيادتك .
.
- استاذ علاء عبد الفتاح جايز يكون اتظلم بس غيره اتظلم اكتر انما مش معروفين ولا لهم شلة مقاطيع يدافعو عنهم
.
- أستاذ علاء عبد الفتاح لما يتحكم عليه حكم غيابي فده لا يعني عودة نظام مبارك ولا نظام كليوباترا و شجرة الدر .
.
- يا بقره افهم بقى , أنا لو اسمي عبد الفتاح السيسي وفاسد وابن صرمه هطلّع علاء براءه وكل الثورجيه ولا مؤاخذه , و همسكه وزاره وبعد كده هاخدكو على حجري وامسّكو سلك الكهربا , دي أسهل حاجه ممكن يعملها الفاسد الفلولي الي هو انا .
.
- لأ هبسطهالك , حضرتك لما يكون الإخوان بغبائهم المزمن بيعرفو يركبوكو مره واتنين وتلاته وعشره على سهوه يبقى ركوبكو مفيش اسهل منه ..اذا كان الخروف عرف يروّضك ويركب على ضهرك , يبقى البني أدم الذكي لو فاسد ممكن يعمل فيك ايه ؟
.
يارب بقى ألحق أخلص رسالة الماجستير في علاء عبد الفتاح عشان اتفرغ للدكتوراه عن أحمد ماهر قبل ما داعش تكون وصلت البصره في جنوب العراق !!..
Mohamed Hussein
11 يونيو
عندنا هنا درجة الحراره بتبقى الساعه 12 بالليل 45 , الساعه 12 الضهر بقى بتبقى 55 أو 65 ( ما بنعدّش يا جيمي ) , أنا كده محتاج أركّب تكييف سبليت 2 حصان في سقف العربيه عشان يجيب تأثير , يا إما أروح الشغل الضهر وانا راكب التلاجه !!.
Mohamed Hussein
11 يونيو
بعد 3 سنين ونص من الهري المتصل , حاسس إني محتاج أروح في نوم عميق أو غيبوبه صغيره كده , ألاقيش حد في حضراتكو يعملّي تنويم طغطاطيسي ؟ كلنا على فكره محتاجين حكاية الطغطاطيسي دي , أو حد يديني حقنة بنج تنيمني لمدة شهر , بس إزاي هنام شهر من غير لا اكل ولا شرب ؟ دانا كده ممكن أموت , خلاص تاهت و لقيناها , أنا أبقى أصح مره كل يوم أشرب سجاره وانام تاني .
Mohamed Hussein
11 يونيو
محافظه صلاح الدين و تكريت سقطو هما كمان في إيد داعش , جنود جيش بريمر بينسحبو و يسيبو أسلحتهم لبتوع داعش !! حكومة المالكي متواطئه والخراب التام للعراق هو اللي مقصود , و بتوع داعش لما بيلاقو حد بيفجّرو راسه و يصوروه ( بيقولو بنطبق عليه حد الرده ) !!.
لو مصر فكرت تلعب أي دور في العراق و لو حتى دور سياسي هتعمل ايه ؟ هتتعامل مع مين ؟ مع حكومة المالكي ولا مع طهران ولا مع أمريكا ولا مع الإرهابيين ؟ هتعمل ايه مصر و انت ماتعرفشي مين مع مين ومين بينام في حضن مين ؟!
.
للأسف , العراقيين الشرفاء , أهل العراق الطيبين , اللي بيخافو عالأرض والعرض مالهمشي جبهه محدده و واضحه , واللي ظاهرين عالساحه حكومه عميله و تنظيم إرهابي عميل , العراق وصلت لمرحله ماينفعشي فيها غير الدعاء ........ يارب سلِّم .
.
الحمد لله على نعمه و عطاياه , شعب مصر و جيشها , و كفى بها نعمه !!
Mohamed Hussein
11 يونيو
فقيره يا مصر لو مالك
ما يكفي بنوك بحجم النيل
و ليه حالك يكون حالك
يا قايده للوجود قناديل ؟!
.
ولادك كارهه ليه ولادتك
و كارهه تفوقي م الغُمّه ؟
و ليه بتعومي على عومهم
ده حتى اليأس مش عادتك
و هما سواعي مش هما !!.
.
.
محمد حسين
Mohamed Hussein
11 يونيو
السيسي راح المستشفى و زار الست اللي اتعرضت للتحرش في التحرير , قال لها هنجيب لك حقك , كده بصره يا معلم , ولا بلاش بصره دي عشان مانبقاش بنتدخّل في الشأن العراقي .
فيه كام عيل اتقبض عليهم و هيتنفخو نفخة البلالين في عيد الميلاد , بس النفخه الاكبر هتكون من نصيب اللي صور الواقعه , فلان الفلاني اللي ماعرفشي اسمه , السيناريو هيكون كالتالي :
الواد ده هيجيبوه و هيسألوه كام سؤال , ليه يابني مادفعتش عن الست بدل ما تصورها ؟ مش هيرد ( تربيه دعوه جهاد ) , طب ليه صورت الست و جسمها و ماجبتش وشوش الكلاب اللي بتتحرش بيها ؟ مش هيرد ( تربيه دعوه جهاد ) , طب ليه الفيديو خلال ثواني وصل لشبكة رصد ؟ مش هيرد ( تربيه دعوه جهاد ) , انت بتشتغل مع مين يابني ؟ مش هيرد ( تربيه , دعوه , جهاد ) ........... ممممممممم وبس بقى , باب الأوضه هيتقفل لمدة 10 دقايق , وبعدها هيطلع ناس معاهم قايمه بأسماء و عنواين المتحرشين بالكامل .
.
ده توقعي , ولو انا مكان السيسي هلاقيها فرصه مناسبه جدا إني أجيب جون بمنتهى الحرفنه , يتهيألي السيسي حريف و ستات مصر و بناتها مستنيين الحكم يا عبد الفتاح ( الجون ) .
Mohamed Hussein
11 يونيو
موضوع للهري اليومي
.
هو انا صحيح مابحبّوش الواد ده , لسانه طويل و زفر و تحس إنه متربي في زريبه وغالبا كده ما بيستحماش , إنما ليه 15 سنه يا حضرة سعادة البيه القاضي ؟!.
ده السيسي لسه ماكملشي 3 ايام في الحكم ولو كان السيسي جوز امك و مخنوق منه أوي كده ماكنتش لبسته في الحيطه بالشكل ده .
.
الساده البهوات اللي شايفين القضاء مسيس و إن القاضي بتاع النهارده مثلا بيشتغل جنايني عند عبد الفتاح السيسي بعد الضهر و بياخد عرقه أخر كل شهر , شغّلو أم الطاسه اللي في دماغكو دي , هو الراجل القاضي الجنايني ده لو حب يكرم صاحب البيت ( و ولي نعمه ) يقوم يحكم على علاء عبد الفتاح ب 15 سنه ؟ و يبدأ صاحب البيت حكمه بقى بمحاربة طواحين الهواء والعالم الإفتراضي ومنظمات المجتمع المعرفشي ايه ؟ ماكان كفايه سنتين تلاته لو كان الغرض هو ابعاد علاء عبد الفتاح يعني , مع اني مش عارف تأثير علاء عالسيسي ايه لو طلع براءه ؟ .
.
لو حضرتك شايف إن القضاء مسيس لصالح السيسي فانا ممكن اتهبل زيك واقولك لأ , القضاء مسيس ضده , وحكم النهارده دليل , بس انا مش عبيط ومش هقولها , ولو عايز الحقيقه بجد فانا هقولهالك يارب تقتنع .
.
الحقيقه بتقول إن أحكام القضاء إحنا اللي خليناها مسيسه مش القاضي , يعني الفلولي عايز مبارك يطلع براءه و يقول الراجل كتر خيره مسجون بقاله 3 سنين و اشمعنى فلان بره وهو لأ ؟ , وبتاع 6 ابريل والثورجي عايز الثورجيه براءه ويقول إشمعى الإخوان طلعو والفلول ؟ والإخوانجي عايز قياداته براء و هكذا ... إحنا اللي عقولنا بقت مسيسه في كل حاجه , يا مؤمن هنروح بعيد ليه ؟ دانا بدوّر على شقه في مدينة نصر و ظهرت قدامي شقه في رابعه قلت لمراتي لأ على جثتي , قالت لي ليه ؟ مممممممممممممم قلت لها مش عارف , مالقتشي رد !!.
Mohamed Hussein
10 يونيو
خلاص يا ولاد , الحمد لله , اتعشو انتو بقى و عشّو العيال و نامو و انتو متطمنين , ماتقلقوش من موضوع العراق , أمريكا وعدت الحكومه العراقيه إنها هتتدخل لمحاربة الإرهابيين ولاد الحرام بتوع داعش !! .
.
هنا بقى المنطق جاله إسهال مش تسلخات , واللي كان بيشم في كيس كوله و مش فاضي و مايعرفشي مين هي أمريكا ؟ ... أقوله أنا , أمريكا دي يا مولانا هي صاحبة مصنع البونبون اللي هتعمله عشان أطفالنا يشتروه و ياكلوه و يجيلهم تسوس في سنانهم وهي صاحبة مصنع معجون السنان اللي هنشتريه برضه عشان نعالج تسوس الأسنان اللي عند ولادنا , و هي اللي بتسلّح داعش وهي اللي هتحاربها , وتقريبا كده والله اعلم امريكا اكتشفت ان فيه بيتين تلاته في العراق لسه ماتدمّروش و كام برميل بترول باقيين في القعر فقالت تنزل بقى و تعمل وش نضافه , عشان أمريكا متدينه و مؤمنه بالله و عارفه إن النضافه من الإيمان , فقررت إنها تجيب العراق عالبلاطه , على رأي محمد صبحي ( أون سيراميك ) !!.
Mohamed Hussein
10 يونيو
الرئيس التونسي: زيارتي لمصر مرهونه بحقوق الانسان و أتمني الحريه للشعب المصري !!.
.
سبحان العاطي الوهاب بعد الشبشب و القبقاب , المرزوقي يا ولاد بعد ما كان بيتصرمح في شوارع باريس وخماراتها و مأجرين له أوضه فوق ستوديو الجزيره بقى رئيس تونس و عايز يعلمنا الحريه .
ده على أساس إن مصر بترفّص برجليها طول الليل ومش راضيه تنام عشان انت مازرتهاش ؟ , و عاملي فيها زعيم , فاكر نفسه فلاديمير بوتين , يخيبك يا بعيد , دانت لو جيت مصر هتكتشف إن محدش عارفك أساسا ولا حتى عبد الفتاح السيسي هيبقى عارفك , وهيبقى شكلك وحش كده لما تلاقي الراجل بيطبطب على كتفك ويسألك : أومال الكابتن منين ماتعرفناش ؟!.
Mohamed Hussein
10 يونيو
حالة حرب
.
.
الحرب ضد الإرهاب المدعوم من أمريكا لسه ماخلصتش , محتاجه النفس الطويل , و جيشنا مش هنسيبه في مهب الريح لشوية إرهابيين و لا شوية كولجيه , للأسف فترة تجنيدي الإحتياطي خلصت من 3 سنين ومبقاش عندي حاجه أقدمها للجيش غير عقلي و قلمي , وانا وعقلي وقلمي تحت أمر جيشك يا مصر .
.
زمن الغرغره السياسيه والمناهده العبيطه انتهى خلاص , مش هسمح لأي حد من الأصدقاء مهما كانت غلاوته إنه ينطق كلمة عسكر عندي تاني , هلعن جدود أهله قبل ماعمله بلوك , عندك رئيس دوله اسمه عبد الفتاح السيسي انتقده زي مانت عايز لكن جيش مصر لأ , ألف خط أحمر , يكفيه شرفا إن مافهوش عسكري واحد خاين لتراب بلده .
.
حيطان البيت وعمدانه أهم من الديكورات و الكرانيش يا بهوات , و ملعون أبوها الديموقراطيه الأمريكاني .
Mohamed Hussein
10 يونيو
و قالك العراق تعلن حالة الإستعداد القصوى و تدعو الشعب للتسلّح لمواجهة إرهاب داعش !!............. ممممممم تدعو الشعب للتسلح ؟! كده تبقى قراية الفاتحه وَجَبِت يا عطيه .
دعوة الشعب للتسلح يعني تصريح واضح وصريح من الدوله ( بين قوسين ) للشعب إنه يمشي بال أر بي جي في الشارع , واللي زعلان من جاره شويه يقتله ويقول ده من داعش واللي مش طايق مراته يفرّغ فيها الألي ويقول داعشيه حقيره , هتبقى مجزره يا مولانا , اللي فات حماده واللي جاي حماده مش لاقيين دراعه اليمين .
.
خربوها ولاد الكلب , كلاب أمريكا وكلاب إيران اللي هي أصلا في الأصل كلب أمريكا برضه ( بس أهو توزيع أدوار ) , و بغداد اللي هي عاصمة الدوله العباسيه بجلالة قدرها , عاصمة الحضاره والثقافه في العالم بقت مرتع بأمر بالأمريكان , الدوله اللي تدعو الشعب فيها للتسلح ماتبقاش دوله ولا حتى قبيله .
.
المهم بقى يعني , البقر ولاد البقر أحفاد البقر اللي بالتأكيد هيخلفولنا بقر صغير , اللي اتعلمو على إيد شوية بقر كبير و قريو في كتب البقره المقدسه , واللي بيعلّمو تلامذتهم و أولادهم إزاي يبقو بقر أد الدنيا , ... هه ؟ عرفتو يعني إيه جيش مصر ولا لسه ؟!!.
Mohamed Hussein
10 يونيو
أه ده حقيقي بس حضرتك اللي مش مصدق , بتعشق إنك تغمّى عنيك عشان ماتشوفشي الحقيقه , أه الإخوان بيدعمو اللي بتعمله داعش الإرهابيه , أه بيعتبروهم مجاهدين و فرحانين أوي بإرهابهم في العراق ... أه الإرهاب الدولي كالجسد الواحد يشد بعضه بعضا , و الكلب الكلب ياهوووووووه مايعضّش ودن أخوه ............يارب تصدق بقى .
.
أه الجماعه الإرهابيه اللي بتقتل و تكفّر و تكدب أكتر ما بتستحمى ممكن تعمل أي حاجه تانيه , أه اللي بيحرق الجامعه وممتلكات الدوله والشعب واللي بيستعدي عليك الأجانب و الناتو ماعندوش مانع إنه يتأجر شوية بلطجيه عشان يتحرشو ببنت في التحرير و هو يصورهم ويبعت صورهم لرصد ...أه السفاله عندهم مكتملة الأركان , يارب تصدق بقى .
.
يا ناشط فيس بوكي حرام عليك الساقيه اللي بتلف فيها بقالك سنه دي , إقلعْ غُمَاك يا تور وارفض تلف !!.
Mohamed Hussein
10 يونيو
سؤالين لأصدقائي الأعزاء بتوع ( البرادعي راجع )
.
سؤال رقم 1
هو ليه مولانا البرادعي اللي اعلن قبل انتخابات الرئاسه 2012 إنها مسرحيه وانه مش هيشترك في مسرحيه بالشكل ده , ليه بقى قبل بنتيجة المسرحيه و بعت تهنئه لمرسي لما فاز ب 50 % , وليه ماكتبشي حرفين تلاته عن انتخابات 2014 ولا بارك للسيسي وعمل نفسه من كوريا ؟!.
.
سؤال رقم 2
أسيادنا الإعلاميين الثورجيه اللي صورهم كانت بعرض الشارع في انتخابات 2012 , اللي قادو معركة اللمون الشهيره واساميهم بقت تتردد في شبكة رصد وقناة الجزيره ( الإعلاميين الشرفاء ) , ليه فرحو لما فاز واحد من جماعه ارهابيه ( كان أخره يشيل جزمه المرشد ) و بقى رئيس مصر ( كانو بيقولو عليه مرشح الثوره ) ومافرحوش لما واحد من ولادها اللي بجد فاز ؟ وليه مادعموش حمدين و عصرو على نفسهم لمون ؟...هو مرسي الإرهابي كان مرشح الثوره وحمدين اللي ثورجي من يوم ماتولد كان مرشح راكب في حنفية المطبخ ؟!!.
.
مممممممممم مش عايز أسمع الإجابه أصلي عارفها كويس , دايما مالهاش علاقه بالسؤال , هتقولو : #عبث , #موجهه , #عبيد_البياده , #الثوره_لازم_تحكم , و #البرازيل_هتفوز_بكاس_العالم !!.
Mohamed Hussein
10 يونيو
تنظيم داعش في الموصل , سيطر عالمدينه واطلق سراح الإرهابيين , حد لسه عايز ديموقراطيه أمريكاني قبل مانقفل المحل ياخوانا ؟! .
.
ابقى اسأل بقى مراكز حقوق الإنسان الأمريكيه عن العراق , أو اسأل الرئيس الأمريكي نفسه عن النعيم اللي بتعيشه العراق من 10 سنين في مستنقع الرفاهيه الأمريكاني , ولا بلاش , أسأل قناة الجزيره هي كانت بتعمل إيه بالظبط أيام الغزو الأمريكي للعراق , اسألها كانت بتنزل في نصاص الليالي تروح فين وترجع بعد الفجر سكرانه طينه ؟! .
.
إحنا أسفين مستر بريزيدنت أوباما , ريلي سوري , مصر خارج اللعبه , إحنا خرجناها بإدينا فحقك علينا , تقول ايه بقى ؟ أصلنا شعب فقري ومالناش في الخير بتاعكو ولا بنحب ساندوتشات الهامبورجر و لا أزايز الكاتشب , و ليبيا بعد إذنك يعني يا مولانا أوباما خليفة المسلمين هنخرجها من نفس اللعبه , أصلها حدودنا الغربيه , وألف كيلو بينا مش شويه , يعني مضطرين , كمّل إنت لعبتك في العراق لحد ما مصر تفوق بس وتشرب قهوتها .
Mohamed Hussein
9 يونيو
عايز تضحك من قلبك ؟ روح شبكة رصد , عايز تفرفش كده و تنسى هموم الدنيا ؟ عليك وعلى شبكة رصد , عايز حاجه تسليك و تكون مجانيه وأجدع من أجدع كيس فشار ؟ هي مافيش غيرها شبكة رصد .
........ 6 مليون مشترك !! , والبوستات كالتالي بالترتيب
1- صوره ل 7 أنفار وعيل صغير على شط ترعه والعنوان ( مسيره رافضه للإنقلاب في أسيوط ) .
.
2- صوره ل 6 أنفار واتنين ستات وموتوسيكل ( مسيره رافضه للإنقلاب في الشرقيه ) .
.
3- صوره لبتاع 11 موتوسيكل على فزبه على عجله في فرح الواد حوكشه باين ( مسيره بالدراجات البخاريه رافضه للإنقلاب ) .
.
4- بوست مكتوب : عبد العزيزر يؤكد أن 7% فقط من الناخبين هم من أدلو بأصواتهم في الإنتخابات الأخيره !! ............. طب عبد العزيز جاب الرقم منين ؟ هو عبد العزيز ده اسمه راجل ولا اسم شارع ؟!.
.
5- خبر مكتوب : 25 منظمه حقوقيه يؤكدون على وجود 9 حالات تحرش في احتفالات التحرير أمس !! ............... وهما 25 منظمه حقوقيه كانو بيعملو ايه في التحرير امبارح ؟ مش انتو بتقولو الميادين فاضيه والصور بتاعة الناس دي فوتو شوب بتاع خالد يوسف ؟ وبعدين هما 24 منظمه بقى وعدد حالات التحرش 8 أنا عاددهم بنفسي ولو مش مصدقني هات الدليل اللي يكدبني !!.
.
6- ماعرفشي مين كده عضو التحالف ضد الإنقلاب يؤكد : أيام السيسي معدوده !! ............. مش السيسي مات 7 مرات قبل كده يا جدعان ؟!
.................................................
وفي نهاية كل بوست من البوستات دي هتلاقي كذا ألف لايك وكذا ألف شير , وعهد الله الأدمن بتاع رصد لو عمل بيبي في بوست من بوستاته هيتعمل ألف شير للبيبي المقدس بتاعه ده , وفي النهايه بيزعلو لما نقول خرفان ؟!!.
Mohamed Hussein
9 يونيو
تفتق ذهن أصدقائي الغاليين ( الأذكياء ) إن أمن الدوله هو المسئول عن حالات التحرش اللي بتحصل في مصر من 2011 عشان الناس ( البنات والستات تحديدا ) يخافو وماينزلوش الميادين !! .
.
طب قبل 2011 يا ترى كان مين الراعي الرسمي للتحرش في مصر ؟ طب أمن الدوله بيرعى التحرش عشان الناس ماتنزلش بقاله 3 سنين وفي كل مره الناس بتنزل والستات في المقدمه ( يعني ماخافوش ) بس لسه أمن الدوله بترعى التحرش برضه طب أمن الدوله بيرعى التحرش و يصوره و يبعته لشبكة رصد على طول ؟ عشان كده هما أول ناس بينشروه صح ؟ إنما الإخوان بتوع ربنا ومايعملوش كده يا سعاد , و لما أمن الدوله بيرعى التحرش عشان الناس ماتنزلش قامو الستات قررو انهم ينزلو ويرقصو في الشارع كمان بس أمن الدوله لسه بيرعى التحرش
.
أصلك مش واخد بالك , أمن الدوله يعني النظام القديم اللي هو بتاع مبارك اللي بيحكم مصر لحد النهارده ( أه والختمه الشريفه ) وهو بقى بيرعى التحرش في الحفلات اللي بيعملها مؤيدين السيسي اللي هو ابن مبارك بس عشان الناس ماتنزلش والستات بالذات ولا يحتفلو ولا حاجه .
.............................................
لو حد في حضراتكو فاهم حاجه من الكلام اللي فوق ده اللي هو ( بنات أفكار ) أصدقائي الأذكياء يبقى يفهمني , أصل أنا رأيي غير كده خالص , أنا رأيي إن الديناصورات والسلعوه هما اللي بيرعو التحرش من 2011 ق.م ( قبل الميلاد ) !!.
.
يارب يارب يارب أنا كده محتاج مراره ستانلستيل عشان أعرف أكمّل .... #مكملين
Mohamed Hussein
9 يونيو
مجموعه من الشباب العاطل الفاشل المعقد اتحرشو ببنت امبارح وجردوها من ملابسها , البنت مالهاش أي ذنب , أي بنت من حقها تنزل الشارع و تحتفل و تفرح أو تتظاهر و تعتصم , البنت هي الضحيه و أي حد يقول غير كده يبقى حيوان بالمعني الكامل للكلمه , دي اسمها أبجديات الإنسانيه يعني ألف باء .
.
إنما ايه علاقة السيسي بالليله دي ؟ هو ابن السيسي كان مع المتحرشين ؟ طب ابن اخته جايز كان بيتحرش بالبنت ؟ طب الحكومه كانت بترعى المتحرشين وعامله حواليهم كردون عشان يتحرشو براحتهم ( يعني التحرش ده إرادة دوله ) ؟ يا ساده يا بهوات , ميدان التحرير هتفضل له قدسيته مهما حصل ومايعيبشي الميدان أبدا إن من وسط ألاف البشر اللي بيتجمعو فيه بيدخله 5 عيال صيّع ( بالمناسبه ممكن ب 500 جنيه تتأجر 5 عيال عواطليه عشان يدخلو ويتحرشو وتصورهم وتنزل الصور في شبكة رصد عادي جدا ) , ومكانشي عيب في الميدان ولا في ثورة يناير لما كان التحرش بيحصل أحيانا ( و على مدار 3 سنين ) , ولو واحد دخل جامع وسرق النجفه أو تحرش ببنت حتى جوه الجامع ده لا يبطل الصلاه في الجامع بعد كده ولا يعيب المسجد نفسه .
.
انتو عايزين الحق والعدل ولا هي شعارات كدّابه وانتو عايزين تصطادو ؟!............أتمنى تطبيق عقوبة الإعدام على المتحرشين في محاكمة عاجله و علنيه حفاظا على كرامة المرأه و البنت المصريه , مطلوب سيف قوي وناجز لاحقاق العدل والأمن في مصر يا عبد الفتاح ( لا يضرُّكم مَنْ ضل إذا اهتديتم ) .
Mohamed Hussein
9 يونيو
رسميا , إبراهيم محلب يشكل أول حكومه في عهد عبد الفتاح السياسي , كده يبقى فيه اتنين أقوياء ماسكين السلطه في مصر ( السيسي و محلب ) , إردمو بالتراب بقى على الدوله الرخوه اللي إيديها بترتعش و بتخاف تاخد قرار عشان الفيس بوك هيقول كذا أو الجرايد هتكتب عننا كذا , أو أمريكا هتقول كذا ومراكز حقوق الإنسان هيبقى تقريرها كذا , مصر تحديدا ماينفعشي يحكمها نظام بيتكسف .
.
يا ساده خدو قرارتكو لفرض هيبة الدوله على أرض الواقع , وماتبصوش لكلام الناس طالما القرار شايفينه صح و في مصلحة الغلابه في البلد دي , في النهايه انتو اللي هتشيلو الليله و ساعة الحساب ( قدام ربنا وقدام الشعب ) انتو اللي هتتحاسبو مش الناشط الفيس بوكي ولا الأستاذ جمال عيد !! , و اللي إيده في النار غير اللي إيده في الفيس بوك !!..
Mohamed Hussein
9 يونيو
حلم و حقيقه و أمنيه .
.
الحلم
كنت بحلم ييجي علينا اليوم واشوف رئيس مصري فاسد في السجن و جه اليوم وبقيت شايف اتنين منهم مرميين ورا القضبان (دي أخرة المشي البطّال ) , إنما كان حلمي الأكبر إني أشوف رئيس مصري سابق رجع شغله زي أي حد محترم في الدوله بعد ما سلّم السلطه لفارس جديد , و ربنا حقق لي حلمي ده برضه , من بكره هتلاقو راجل محترم نازل من عربيته و رايح شغله , ولو معاك واحد صاحبك أجنبي وشوفت المشهد ده ابقى شاور له على عدلي منصور وقول له الراجل المحترم ده اللي رايح شغله في المحكه الدستوريه كان رئيس مصر لمدة سنه .
.
الحقيقه
سيبك بقى من حكاية مين ركب على ضهر الثوره ومين كان عايز يروح بيها فين ؟ إنما الحقيقه لولا ثورة يناير وثورة يونيو كان زمانا مش عارفين إن الإخوان جماعه إرهابيه ماعندهمشي أدنى انتماء لمصر ولا عندهم كوادر ينفعو حتى في مجلس محلي كفر صقر , و لولا ثورة يناير وثورة يونيو مكناش عرفنا إن السلفيين مش علماء ولا لحمتهم مسمومه و إنهم شوية أفاقين تُجّار دين مش أكتر , و لولا ثورة يناير وثورة يونيو مكناش سمعنا عن واحد اسمه عبد الفتاح السيسي , وكان زمان مصر دلوأتي بيحكمها فخامة الرئيس محمد حسني مبارك في فترة ولايته السابعه واللي بيتعهّد فيها بمواصلة مسيرته في محاربة الفساد ( تصفيق حاد ) !! , أو كان زمان مصر بيحكمها فخامة الرئيس جمال مبارك في فترة ولايته الأولى اللي بيتعهد فيها باستكامل مسيرة والده فقيد الأمه العربيه والإسلاميه ( تصفيق حاد ) !!.
.
أمنيه ........... أو نداء أخير
لأصدقائي الأعزاء بتوع ( البرادعي راجع ) , ده النداء الأخير , من فضلك انزل الشارع وسط الناس و خد لك كرسي في البرلمان أو عشره أو 100 , على أد ما تقدر خد , أصلها كراسي ولازم تتملي يا مولانا , و لو حضرتك سبت كرسي فاضي هيجي غيرك يقعد عليه , و غيرك ده ممكن يبقى فلول أو إخوان , ساعتها مش هيبقى من حقك تتكلم , من فضلك سيب أم الفيس و العالم الإفتراضي و شمّر بنطلونك وانزل انتخابات البرلمان والمحليات عشان يبقى لك صوت في مصر وإلا ماتزعلش لو الحكومات الجايه نسيتك تماما واعتبرتك شخص افتراضي مالهوش وجود !!.
Mohamed Hussein
8 يونيو
ملتزم الصمت
.
وفضلت انا بقى ملتزم الصمت , وقافل بؤي بشريط بلاستر من بتاع الكراتين , وكل شويه أعدّي على واحد من اصحابي في الفيس الاقيه كاتب .. 10 مليون جنيه في حفلة ليه ؟ ليه ندفع 10 مليون جنيه ؟ كتير اوي 10 مليون جنيه يا كفره ؟ مش كنتو بتقولو هنتقشف تقومو تصرفو 10 مليون جنيه ؟ المهم بقى وانا معدّي و كل مالاقي بوست زي كده أقوم مملّس على شعر صاحب البوست وسايبه وماشي , مانا مش عارف اتكلم عشان البلاستر أو مش عايز .
.
طب يا مولانا انت عايز تعزم رؤساء ووزراء وملوك ازاي ؟ نجيب بلاص جبنه قديمه و مشنتين عيش ونقعد الوفود على جسر ترعه ونقول لهم كلو بقى ؟
.
طب انت عارف الحفله دي يعني ايه ؟! ............. يعني 10 مليون جنيه اتصرفو عشان السيسي يوقع استلام السلطه من عدلي منصور ؟ لأ يا أذكى خواتك , استلام السلطه بيكلف الدوله قلم بيك ب جنيه ونص ده لو قررنا يعني نشتري قلم جديد .
.
الحفله دي يا ناشط يا مثقف يا بتاع ( عبث ) بتقول باختصار رساله واضحه وبسيطه ممكن يشوفها الأعمى بس الكولجي لأ , بتقول إن البلد اللي تستضيف وفود رفيعي المستوى من عشرات الدول مع بعض و تعرف تأمنهم دي بلد فيها أمن , بتقول إن البلد اللي حضر تسليم السلطه فيها مئات المسئولين من مختلف دول العالم دي بلد فيها استقرار , تقول إن الحفله اللي نقلتها عشرات القنوات دي بتاعة بلد فيها انتخابات و انتقال سلمي للسلطه مش انقلاب عسكري !!.
.
الكلام ده بقى يتترجم لمليارات مش ملايين , ماهو مفيش مستثمر اجنبي هيجيلك وهو شاكك في الوضع الأمني عندك أو في استقرار بلدك السياسي ( راس المال جبان ) , إنما كده انت وصلت رسالتك صح و جبت جون بكعب رجليك من نص الملعب , ضربت 3 عصافير بحجر واحد ولا عزاء للإخوان والكولجيه .
Mohamed Hussein
8 يونيو
هههههههههههههه لقد هرمنا يا ولاد من أجل هذه اللحظه , الجزيره كاتبه عنوان رئيسي على شاشتها ( الرئيس المصري الجديد عبد الفتاح السيسي يستقبل وفود الدول المشاركه في حفل تسلمه السلطه ) !! , مممممممم مفيش كلمة انقلاب ؟ ولا رئيس الإنقلابيين ؟ .
ماحنا قلنا إن مصر دي كبيره اوي و مش هتتكسر بسبب قطر و لا بسبب غزّه , وكل الحكايه إن قطر كانت محتاجه غزّه !!.
Mohamed Hussein
8 يونيو
بنات مصر و ستاتها زي العسل , هما هما مابيتغيروش والنبي لو قام 100 زلزال , و حفلة تنصيب رئيس زيها زي أي فرح بيحضروه أو يتفرجو عليه , أهو البنات لقطو صورة المتحدث العسكري الحليوه وهو لابس بدله مدني في حفلة النهارده من وسط ألاف البشر , و عمّالين يشيروها من بعض ( الواد مز مفيش كلام ) , وعلى أخر النهار كده هتلاقيهم بيتكلمو عن ربطة الطرحه بتاعة الحاجه انتصار , و هتلاقي واحده بتقول للتانيه في جلسة نميمه : البوفيه مكانشي أد كده ياختي !!.
Mohamed Hussein
8 يونيو
اللهم لك الفضل والمنه .
.
في السنه اللي فاتت كان عدلي منصور ( الرئيس ) يمشي قدام و السيسي ( وزير الدفاع ) وراه , و حتى بعد الإنتخابات و هما داخلين المحكمه الدستوريه عدلي منصور قدام ( الرئيس حتى الأن ) والسيسي وراه ( لسه مابقاش رئيس رسمي ) , وهما طالعين من المحكمه بقى السيسي قدام ( الرئيس ) و عدلي منصور ورا ( الرئيس السابق ) ............... مممممممممممم دي اسمها بروتوكولات و زوق واتيكيت مش طابونة العيش اللي حكمتنا سنه كامله .
.
في المناظره الشهيره بين ابو الفتوح و عمرو موسى كنت وقتها ميّال لابو الفتوح ( أه كنت مغفل وحمار شبه الأستاذ بلال فضل كده ) , وفي المناظره سألو ابو الفتوح لو بقيت رئيس هتمارس عملك منين ؟ قال لهم من البيت ومش هروح قصر الرئاسه ولما سألو عمرو موسى قال لا طبعا انا رئيس مصر و مصر اسم كبير همارس عملي من قصر الرئاسه اللي يليق باسم مصر واستقبل فيه الوفود , وقتها بس عرفت ان ابو الفتوح ينفع يشتغل عربجي مش رئيس دوله بحجم مصر ... و عرفت إن فيه فرق كبيييييييييييييييير بين واحد بيعرف يلعب سياسه و واحد بيعرف يلعب في مناخيره .
.
و إجمالا يعني الكام سنه اللي فاتت أكدولي إن الإخوان بتاريخهم وكوادرهم وسلطاتهم وبباغنوجهم أخرهم كده أخرهم يعني يعملو فرقة كشافه ويزرعو شجرتين قدام مدرسه ابتدائي !!.
.
Mohamed Hussein
8 يونيو
صباح الخير
.
سيبك من الحفله والضيوف والمعازيم , سيبك من الوفد الفلاني والمسئول العلاني , ركّز كده في عيلة عبد الفتاح السيسي , مراته و ولاده وشوف صورتهم وهما قاعدين , أدب , إنضباط , مفيش هلفطه في الكلام , ولا عيل بيريّل وهو قاعد , و لا حد طلع يجري يفتح التلفزيون عشان ابوه هيطلع عالشاشه ولا حد طلع قال أبويا حفيد سيدنا محمد ولا حفيد جنكيز خان , كل واحد قاعد و مشبّك إيديه في بعض و قافل شفايفه و تقريبا كده السيسي مكدّرهم !!.
Mohamed Hussein
7 يونيو
على صفحة قناة الجزيره خبر بتاريخ النهارده !! ::: حزب الاستقلال يطرح مبادرة سياسية للخروج من الأزمه تتضمن إلغاء الانتخابات الرئاسية الأخيرة وتشكيل مجلس رئاسي مدني برئاسة مرسي !! ( انتهى الخبر )... ممممممم استقلال ؟!! مبادره ؟!! أزمه ؟!! مرسي ؟!!... اللهم طولك يا روح.
................
أهما الإخوان وقناة الجزيره بيفكروني بنكته سمعتها زمان , بيقولك يا سيدي واحد أحول و واحد اهبل فتحو مطعم يعملو فيه طعميه , فكان الأحول يعمل عجينة الطعميه بإيده كده و ييجي يحطها في الزيت المغلي تقوم واقعه على الأرض , يقوم الأهبل يقول تششششششششش !!.
Mohamed Hussein
7 يونيو
و كل ما تلاقي نفسك متضايق شويه أو مخنوق أو محبط أو مش واخد حظك من الدنيا وخايف ماتوصلشي للمركز الي بتحلم بيه ابقى افتكره و هو بيقول ( القمح مش محتاج صوامع القمح محتاج صوامع ) !! , هههههههههههههههههه أهو ده كان بيشتغل رئيس مصر بعد الضهر , وتسألني حضرتك انتو نزلتو ليه في 30 يونيو ؟؟ يا سيد احنا نزلنا عشان خاطر مصر ماتنزلش أكتر من كده .
Mohamed Hussein
7 يونيو
ابعت يا رب
.
على صفحة الحريه والعداله ناشرين مقال لمحمد الجوادي ( المنظّر بتاع الإخوان ) بيتكلم فيه عن سر لون بشرة السيسي السمره في خطابه الأخير.
.
وقال محمد الجوادي ( بعد ما فطر بساندوتشين بانجو ) إن السر في لون بشرة السيسي السمره إنه عمل عملية تقشير لبشرة الوجه اتكلفت 10 مليون جنيه ( مليون يورو ) وان مرحلة البشره السمره دي مرحله من مراحل التقشير لتفتيح لون البشره !!
............................
ممممممممممم يا دكتور محمد عمليات تفتيح لون البشره بالتقشير بتتعمل في مصر عند أي دكتور جلديه ب 75 يورو و 2 كيلو سمك بوري , والحلاقين في بعض الصالونات الكبيره ممكن يعملوهالك على فكره .
و بصفتي صيدلي أد الدنيا عايز أقولك إنك مش محتاج حتى 75 يورو ولا تروح لكوافير m&s اللي في مصر الجديده , إنت يكفيك جدا تطلع يومين جمصه و تنزل البحر من غير ماتستخدم واقي شمس , يعني 12 جنيه اجره الميكروباس رايح جاي و 10 جنيه شمسيه في اليومين .... وتبقى عملت تقشير لبشرتك وتوصل للون الأسمر ده ب 22 جنيه , كنت هحترمك أكتر لو كنت قلت إن السيسي قعد يومين في جمصه قبل مايقول خطابه الأخير !! .
.
ولما انت تكون المنظّر بتاع الإخوان يبقى لهم حق شباب الإخوان ينفخو التبن من مناخيرهم وهما ماشيين في الشارع و يقولو مرسي راجع !!.
Mohamed Hussein
6 يونيو
في الأفراح عندنا في البلد بيبقى البوفيه متكلّف بصراحه , يعني بيبقو عاملين محشي ولحمه و كفته و مكرونه و رز و بطاطس شيبسي و بتبقى ليله يا عمده والمعازيم بقى ياكلو و يلغوصو براحتهم ....
يا ترى الحفله بتاعة بعد بكره اللي هيحضرها ملوك ورؤساء و وفود من كل القرى والنجوع والدول ومعازيم مالهمشي أول من أخر , يا ترى هيعملو محشي وكفته ورز وبطاطس شيبسي و الناس هتاكل وتلغوص ولّا هيمشّوها ساندوتشات بسطرمه وجبنه رومي ؟!........... طب لحقو جابو عم البيلي الطبّاخ اللي بنجيبه عندنا في الأفراح ؟ الراجل ده موهوب وشاطر جدا على فكره , بيشتغل في تركيب كابلات التليفونات بس لما بيجيله فرح أو حفله بيبقى طباخ عادي يعني .
Mohamed Hussein
6 يونيو
قطر بعتت وفد لمصر يستفسر ( هما ليه ماتعزموش في حفلة بعد بكره ) !!.......حقك علينا يا تميم انت وامك , تلاقي الراجل المنسق بتاع الحفله مسك كتاب أطلس اللي فيه دول العالم وقال يبدأ من الدول الأكبر في التاريخ و المساحه و عدد السكان و وصل لرقم 210 ومالقاش اسم قطر !!.
واسرائيل اتصلت بتسأل لنفس السبب , طب ليه ييجي وفد قطري و مكالمه اسرائيليه ؟ كان يكفي الوفد أو المكالمه وتسأل عن الإتنين ولا هي تكلفه عالفاضي ؟!.
و بعدين ماهو مستشار وزير خارجيه امريكا هيحضر وأكيد هيبقى يحكي لكو كل التفاصيل في أول سهرايه ( حمره ) , هو الصاحب له عند صاحبه ايه غير كاس و مزّه وشوية نميمه ؟!.
Mohamed Hussein
6 يونيو
ماعرفشي أهو مجرد اعتقاد , يتهيألي إن بداية استقرار الاوضاع في سوريا كان مرتبط بشكل ما باستقرارها في مصر , شعبية السيسي الجارفه في السنه اللي فاتت كانت بتقول إنه هيفوز بالرئاسه مفيش كلام يعني هو الرئيس , طب هل حصل أي تنسيق أمني أو مخابراتي بين مصر وسوريا الفتره الي فاتت ؟ ممممممممم ماعرفش , كل اللي أعرفه إن سوريا ومصر هما الدراعين الباقيين في الوطن العربي بعد ما العراق راحت في الوبا , قصدي راحت ضحية الديموقراطيه الأمريكاني وساندوتشات الهامبورجر , يارب ترجع لنا بغداد بالسلامه ويحفظ مصر وسوريا من شر النعيم بتاع أوباما !! , .......................... و لو مرّه هبّ النسيم في حَلَبْ لازم يغنّي ويقول حلايب !!.
Mohamed Hussein
6 يونيو
فيه ايه في الفيس يا جدعان ؟ كل شويه تيجي رساله ( الحساب غير متاح ) , أعمل لايك على أي تعليق الاقي اللايك اتشال ...كأن فيه حد بسم الله الرحمن الرحيم ماشي ورايا يلغي اللايكات .
Mohamed Hussein
5 يونيو
هحكي لك يا صاحبي حكايه , بس لازم تفهم إن تعاطفك لوحده مش كفايه .
.
كان يا ما كان في سالف العصر والأوان , كان فيه واحد صيدلي طلع عين أهله عشان يخلص الجامعه , أصله كان عايش عالعيش والدمعه , مولود من عيله فقيره وابوه قبل مايموت ماسابلهمشي خميره .
.
صاحبنا الصيدلي قال يسافر و يعافر , مكانشي يعرف إن الغربه دي لها ناب وحافر , و جريت سنين وراها سنين و عداد العمر شغّال , و بعد ماتجوز وجاب عيال بدأت الشركه اللي شغال فيها في مرحلة التطوير , ومش أي تطوير ده التطوير الكبير , أيوه يعني ( ديفيلوبمينت ) يا مولانا , ماتيجي تشتغل حدانا ؟! .
.
و وصل بيه الحال بعد ما كان صيدلي أد الدنيا و بقّال إنه بقى يلم الزباله ( ده بجد مش قواله ) و يشيل الكراتين يعني كمان عتّال , و يكنس الصيدليه عشان مفيش عامل , مانت لازم في كل موقف تتصرف وتتعامل .
وأخر حاجه بقى في سياسة التطوير هي إنك تبعت تقارير وتعمل تقارير وتاكل تقارير و تبيع للناس تقارير , مش قلت لكو إن ده التطوير الخطير ؟!
.
صاحبنا قال جاااااااااي و بقى ماسكه الصداع كأنه مخبر في أمن الدوله من ياقة قميصه , و لازق في قفاه زي الأتب , طب على مين اللوم والعتب ؟!.
Mohamed Hussein
5 يونيو
كان عندي واحد من الأصدقاء ( عملت له بلوك ) , كل شويه يبعت لي رساله عالشات و لنك فيديو , قال اتفرج عليا وانا في قناة فرانس 24 , اقرا البوست بتاعي وقولي ايه رأيك ؟ , شوفت المقاله بتاعتي دي ؟ , يسقط يسقط حكم العسكر , نحن لا نعترف بأي انتخابات تحت حكم العسكر , ........... مممممممم أه بيشتغل عضو في حركة ماعرفشي إيه كده التحرير في فرنسا .
.
النمره غلط يا حبوب , بس عارف ليه انا عملت لك بلوك ؟ عشان بالنسبالي يعني اللي قاعد يتكلم عن ثوره في باريس والشانزليزيه و بيجاهد على قناة فرانس 24 مايفرقش أي حاجه عن اللي قاعد يتكلم عن شرعية وانقلاب وبيجاهد في شوارع الدوحه وعلى قناة الجزيره , واللي بيقول مرسي راجع زيه بالظبط زي اللي بيقول البرادعي راجع !!.
.
...... إحنا تقريبا كنا مجرد سبوبه عشان ناس تطلع في التلفزيونات وتجاهد من وراء البحار , تتاجر في الثورات والشعارات ومستقبل الأمم ودم الشهدا وقوت الغلابه .
Mohamed Hussein
5 يونيو ·
في السنه اللي الإخوان حكمو فيها مصر كانو عاملين زي الراجل اللي بيقول لمحمد صبحي في المسرحيه ( ماتقدرش ) !! , يابني مصر مش للبيع و قطر مش هتنفعكو ( ماتقدرش ) , يابني قطر دي اللي بيشوفها عالخريطه بيفتكرها دبانه ( ماتقدرش ) , يابني هننفخكو في 30 يونيو والشعب هيدوسو على دماغكو بالجزمه ( ماتقدرش ) , يابني هنرجعكو السجون تاني و بهاليلكو الكبار هيهربو ( ماتقدرش ) .
و لحد النهارده لسه عايشين في نفس الدور و يقولك مرسي راجع واحنا هنوريكو يا إنقلابيين ( ماتقدرش ) , مع إن و عزة جلالة الله الإخوان أخرهم يطلعو في البلكونه بالفالنه الحمالات و السر الإلهي يطلع على طول أو عالأقل عضم صدرهم هيسوّس !!.
Mohamed Hussein
5 يونيو
أثر الباركينول ( حبوب الصراصير )
.
في صفحة الحريه والعداله نشرو خطاب قالو إنه متسرب للبهلول مرسي , في الخطاب ده مرسي بيتكلم عن ( الثوار ) ولا مؤاخذه والثوره السلميه ( ولا مؤاخذه برضه ) واننا ماضون على الدرب ومستمرون على العهد بلا بلا بلا .
.
إنما الحاجه الأكثر بهلله من خطاب البهلول الكبير هي تعليقات البهاليل الصغيرين ,
و دي عينة من التعليقات :
doaa ibrahim ... الشعب يجدد البيعه للرئيس !!.. هي كانت بيعه ولا انتخابات يا دعاء؟
.
مخلص لله : و بعدين يا عم مرسي , ناس كتير ماتت والعدد كل مادا بيزيد !! ........ العدد بيزيد إزاي يا عم مخلص ؟ هو اعتصام رابعه مش اتفض من سنه ؟ أه نسيت إنتو بتحسبو أي إخوانجي يموت في حادثة موتوسيكل أو يغرق في الترعه من ضمن العدد .
.
الدر المنثور : شعب جاهل متخلف ............ممممممممم البؤ ده بتاع 6 إبريل والكولجيه على فكره .
.
emad hassan : أنا رئيسي الريس مرسي ............وانا رئيسي الريس متقال يا عماد .
.
mahmoud sabry :مرسي رئيس الأشراف والسيسي رئيس الراقصات .......... ماتقولشي كده على حزب النور يا محمود عيب , دول علماء الأمه والعلماء لحومهم مسمومه .
.
عبد الوهاب جريد : و الله انني كلما ذكرت هذا الرجل او شفته او حتى سمعت اسمه يتردد على افواه الناس ان عيوني تذرف دمعها وان له محبه عندي لم يسبقه احد ابدا ..سوى الله ورسوله
....................... طب وسيدنا أبو بكر ياعبوهاب ؟ يعني بتحب مرسي اكتر من الصحابه والمبشرين بالجنه ؟ أصبأت يابن أبي جريد ؟!.
...................................
...................................
رأيي الشخصي بقى , إن الناس فاهمه كلمة بحث علمي غلط خالص , مش شرط أبدا في البحث العلمي إن يكون فيه واحد لابس بالطو أبيض و وراه حاجات عماله تنفجر , يعني مثلا لو صيدلي عايز يعمل بحث عن أثر حبوب الباركينول ( حبوب الصراصير ) على العقل البشري فهو مش محتاج معمل ولا بالطو ولا test tubes ولا متبرعين , هو بس يدخل صفحة الحريه والعداله , ياخد بوست زي بتاع مرسي ده بالتعليقات الي عليه و يطبعه ويكتب عليه من بره ( رسالة ماجسيتر في أثر الباركينول على عقول البشر ) !!.
12 يونيو
ياللي فتحت البتاع فتحك على مقفول
.
وايه يابني دليلك إن نظام مبارك راجع من تاني ؟ قال : الدليل إن علاء عبد الفتاح خد حبس 15 سنه !.
طب يابني لو علاء اتعادت محاكته و خد براءه أو السيسي أصدر قرار بالإفراج عنه هتقول ان نظام مبارك كان راجع بس رجع في كلامه و مارجعش أو رجع من رجوعه و قرر إنه مايرجعش ؟
.
طب يا حماده تعالى هقولك كلمه في ودنك , الحاله الوحيده اللي انا هشك فيها ان نظام مبارك راجع فعلا هي إن السيسي يستخدم صلاحيات مباشره للإفراج عن علاء و زمايله , ساعتها هقولك البس بقى و خلّيك جاهز و مستعد عشان هتركب المرجيحه .
Mohamed Hussein
12 يونيو
هه , هه , هه , عمر عفيفي بيتوعّد بثورة جديد , واعره وشديده , وبيقول إنه هيقودها بنفسه و بيهدد السيسي ( إنت طبعا عارف مين هو عمر عفيفي يا سيسي ؟ , عمر عفيفي اللي حديقة البيت الأبيض اشتكت منه , عمر عفيفي اللي كان باقي له يومين وصورته تنزل عالدولار )!! ............ طب هتقودها بنفسك من أمريكا بالريموت كونترول ولا هتنزل مصر يا كتكوت ؟
التاريخ بيعيد نفسه يا ولاد , والثوره الجديده بتاعة عمر بيه عفيفي هتبقى شبه الحملات الصليبيه كده , الفرق الوحيد المره دي إن اللي هيقود الحمله هو ( فرجينيا جميلة الجميلات ) ........... في ليلهٍ أقلُ بهاءً من ليلتنا هذه يا فرجينيا قصدي يا عمر , سوفَ تأتينَ إلى خيمة فرج , و هتطلعي من عنده تقولي ( أستر عليا ربنا يستر عليك يا بيه )
Mohamed Hussein
12 يونيو
ماجستير في علاء عبد الفتاح
.
- أستاذ علاء عبد الفتاح اللي كل بوستاته وتصريحاته فيها تحريض صريح ضد الدوله أو الجيش و يوم ما يبقى مؤدب أوي بيتكلم عن أبائنا وأجدادنا العره اللي المفروض نكسر رجليهم .
- أستاذ علاء عبد الفتاح اللي مش عاجبه لا جيش ولا شعب و كام جيل كده مش ماليين عينيه .
.
- أستاذ علاء عبد الفتاح اللي خرق قانون التظاهر عامدا متعمدا بنفس أم طريقه الصدر المفتوح و البلطجه و احنا أصلنا مايهمناش قوانين ولا حكومه وبالتالي حط إيده في حنك الأسد
.
- أستاذ علاء عبد الفتاح مسجون بموجب مخالفه للقانون ( ياكشي يكون رمى ورقه في الشارع والقانون بيمنع كده ) .
.
- استاذ علاء عبد الفتاح مسجون من قبل السيسي مايبقى رئيس واللي بيحكم في قضيته قاضي مش مهندس ديكور ولا ظابط في المخابرات العامه .
.
- أستاذ علاء عبد الفتاح صدر ضده حكم غيابي و ده بيبقى اقصى حكم وبعد كده بتتعاد المحاكمه وغالبا هياخد سنتين او حتى يطلع براءه .
.
- أستاذ علاء عبد الفتاح لما يطلع براءه مش هيبطل يلعن دين أم الشعب عاللي فيه وحضرتك مش هتبطل تقول دولة مبارك راجعه .
.
- أستاذ علاء عبد الفتاح لو عيّناه وزير لشئون الشباب و الثوره وميدان التحرير برضه مش هنعجبه ولا نعجب سيادتك .
.
- استاذ علاء عبد الفتاح جايز يكون اتظلم بس غيره اتظلم اكتر انما مش معروفين ولا لهم شلة مقاطيع يدافعو عنهم
.
- أستاذ علاء عبد الفتاح لما يتحكم عليه حكم غيابي فده لا يعني عودة نظام مبارك ولا نظام كليوباترا و شجرة الدر .
.
- يا بقره افهم بقى , أنا لو اسمي عبد الفتاح السيسي وفاسد وابن صرمه هطلّع علاء براءه وكل الثورجيه ولا مؤاخذه , و همسكه وزاره وبعد كده هاخدكو على حجري وامسّكو سلك الكهربا , دي أسهل حاجه ممكن يعملها الفاسد الفلولي الي هو انا .
.
- لأ هبسطهالك , حضرتك لما يكون الإخوان بغبائهم المزمن بيعرفو يركبوكو مره واتنين وتلاته وعشره على سهوه يبقى ركوبكو مفيش اسهل منه ..اذا كان الخروف عرف يروّضك ويركب على ضهرك , يبقى البني أدم الذكي لو فاسد ممكن يعمل فيك ايه ؟
.
يارب بقى ألحق أخلص رسالة الماجستير في علاء عبد الفتاح عشان اتفرغ للدكتوراه عن أحمد ماهر قبل ما داعش تكون وصلت البصره في جنوب العراق !!..
Mohamed Hussein
11 يونيو
عندنا هنا درجة الحراره بتبقى الساعه 12 بالليل 45 , الساعه 12 الضهر بقى بتبقى 55 أو 65 ( ما بنعدّش يا جيمي ) , أنا كده محتاج أركّب تكييف سبليت 2 حصان في سقف العربيه عشان يجيب تأثير , يا إما أروح الشغل الضهر وانا راكب التلاجه !!.
Mohamed Hussein
11 يونيو
بعد 3 سنين ونص من الهري المتصل , حاسس إني محتاج أروح في نوم عميق أو غيبوبه صغيره كده , ألاقيش حد في حضراتكو يعملّي تنويم طغطاطيسي ؟ كلنا على فكره محتاجين حكاية الطغطاطيسي دي , أو حد يديني حقنة بنج تنيمني لمدة شهر , بس إزاي هنام شهر من غير لا اكل ولا شرب ؟ دانا كده ممكن أموت , خلاص تاهت و لقيناها , أنا أبقى أصح مره كل يوم أشرب سجاره وانام تاني .
Mohamed Hussein
11 يونيو
محافظه صلاح الدين و تكريت سقطو هما كمان في إيد داعش , جنود جيش بريمر بينسحبو و يسيبو أسلحتهم لبتوع داعش !! حكومة المالكي متواطئه والخراب التام للعراق هو اللي مقصود , و بتوع داعش لما بيلاقو حد بيفجّرو راسه و يصوروه ( بيقولو بنطبق عليه حد الرده ) !!.
لو مصر فكرت تلعب أي دور في العراق و لو حتى دور سياسي هتعمل ايه ؟ هتتعامل مع مين ؟ مع حكومة المالكي ولا مع طهران ولا مع أمريكا ولا مع الإرهابيين ؟ هتعمل ايه مصر و انت ماتعرفشي مين مع مين ومين بينام في حضن مين ؟!
.
للأسف , العراقيين الشرفاء , أهل العراق الطيبين , اللي بيخافو عالأرض والعرض مالهمشي جبهه محدده و واضحه , واللي ظاهرين عالساحه حكومه عميله و تنظيم إرهابي عميل , العراق وصلت لمرحله ماينفعشي فيها غير الدعاء ........ يارب سلِّم .
.
الحمد لله على نعمه و عطاياه , شعب مصر و جيشها , و كفى بها نعمه !!
Mohamed Hussein
11 يونيو
فقيره يا مصر لو مالك
ما يكفي بنوك بحجم النيل
و ليه حالك يكون حالك
يا قايده للوجود قناديل ؟!
.
ولادك كارهه ليه ولادتك
و كارهه تفوقي م الغُمّه ؟
و ليه بتعومي على عومهم
ده حتى اليأس مش عادتك
و هما سواعي مش هما !!.
.
.
محمد حسين
Mohamed Hussein
11 يونيو
السيسي راح المستشفى و زار الست اللي اتعرضت للتحرش في التحرير , قال لها هنجيب لك حقك , كده بصره يا معلم , ولا بلاش بصره دي عشان مانبقاش بنتدخّل في الشأن العراقي .
فيه كام عيل اتقبض عليهم و هيتنفخو نفخة البلالين في عيد الميلاد , بس النفخه الاكبر هتكون من نصيب اللي صور الواقعه , فلان الفلاني اللي ماعرفشي اسمه , السيناريو هيكون كالتالي :
الواد ده هيجيبوه و هيسألوه كام سؤال , ليه يابني مادفعتش عن الست بدل ما تصورها ؟ مش هيرد ( تربيه دعوه جهاد ) , طب ليه صورت الست و جسمها و ماجبتش وشوش الكلاب اللي بتتحرش بيها ؟ مش هيرد ( تربيه دعوه جهاد ) , طب ليه الفيديو خلال ثواني وصل لشبكة رصد ؟ مش هيرد ( تربيه دعوه جهاد ) , انت بتشتغل مع مين يابني ؟ مش هيرد ( تربيه , دعوه , جهاد ) ........... ممممممممم وبس بقى , باب الأوضه هيتقفل لمدة 10 دقايق , وبعدها هيطلع ناس معاهم قايمه بأسماء و عنواين المتحرشين بالكامل .
.
ده توقعي , ولو انا مكان السيسي هلاقيها فرصه مناسبه جدا إني أجيب جون بمنتهى الحرفنه , يتهيألي السيسي حريف و ستات مصر و بناتها مستنيين الحكم يا عبد الفتاح ( الجون ) .
Mohamed Hussein
11 يونيو
موضوع للهري اليومي
.
هو انا صحيح مابحبّوش الواد ده , لسانه طويل و زفر و تحس إنه متربي في زريبه وغالبا كده ما بيستحماش , إنما ليه 15 سنه يا حضرة سعادة البيه القاضي ؟!.
ده السيسي لسه ماكملشي 3 ايام في الحكم ولو كان السيسي جوز امك و مخنوق منه أوي كده ماكنتش لبسته في الحيطه بالشكل ده .
.
الساده البهوات اللي شايفين القضاء مسيس و إن القاضي بتاع النهارده مثلا بيشتغل جنايني عند عبد الفتاح السيسي بعد الضهر و بياخد عرقه أخر كل شهر , شغّلو أم الطاسه اللي في دماغكو دي , هو الراجل القاضي الجنايني ده لو حب يكرم صاحب البيت ( و ولي نعمه ) يقوم يحكم على علاء عبد الفتاح ب 15 سنه ؟ و يبدأ صاحب البيت حكمه بقى بمحاربة طواحين الهواء والعالم الإفتراضي ومنظمات المجتمع المعرفشي ايه ؟ ماكان كفايه سنتين تلاته لو كان الغرض هو ابعاد علاء عبد الفتاح يعني , مع اني مش عارف تأثير علاء عالسيسي ايه لو طلع براءه ؟ .
.
لو حضرتك شايف إن القضاء مسيس لصالح السيسي فانا ممكن اتهبل زيك واقولك لأ , القضاء مسيس ضده , وحكم النهارده دليل , بس انا مش عبيط ومش هقولها , ولو عايز الحقيقه بجد فانا هقولهالك يارب تقتنع .
.
الحقيقه بتقول إن أحكام القضاء إحنا اللي خليناها مسيسه مش القاضي , يعني الفلولي عايز مبارك يطلع براءه و يقول الراجل كتر خيره مسجون بقاله 3 سنين و اشمعنى فلان بره وهو لأ ؟ , وبتاع 6 ابريل والثورجي عايز الثورجيه براءه ويقول إشمعى الإخوان طلعو والفلول ؟ والإخوانجي عايز قياداته براء و هكذا ... إحنا اللي عقولنا بقت مسيسه في كل حاجه , يا مؤمن هنروح بعيد ليه ؟ دانا بدوّر على شقه في مدينة نصر و ظهرت قدامي شقه في رابعه قلت لمراتي لأ على جثتي , قالت لي ليه ؟ مممممممممممممم قلت لها مش عارف , مالقتشي رد !!.
Mohamed Hussein
10 يونيو
خلاص يا ولاد , الحمد لله , اتعشو انتو بقى و عشّو العيال و نامو و انتو متطمنين , ماتقلقوش من موضوع العراق , أمريكا وعدت الحكومه العراقيه إنها هتتدخل لمحاربة الإرهابيين ولاد الحرام بتوع داعش !! .
.
هنا بقى المنطق جاله إسهال مش تسلخات , واللي كان بيشم في كيس كوله و مش فاضي و مايعرفشي مين هي أمريكا ؟ ... أقوله أنا , أمريكا دي يا مولانا هي صاحبة مصنع البونبون اللي هتعمله عشان أطفالنا يشتروه و ياكلوه و يجيلهم تسوس في سنانهم وهي صاحبة مصنع معجون السنان اللي هنشتريه برضه عشان نعالج تسوس الأسنان اللي عند ولادنا , و هي اللي بتسلّح داعش وهي اللي هتحاربها , وتقريبا كده والله اعلم امريكا اكتشفت ان فيه بيتين تلاته في العراق لسه ماتدمّروش و كام برميل بترول باقيين في القعر فقالت تنزل بقى و تعمل وش نضافه , عشان أمريكا متدينه و مؤمنه بالله و عارفه إن النضافه من الإيمان , فقررت إنها تجيب العراق عالبلاطه , على رأي محمد صبحي ( أون سيراميك ) !!.
Mohamed Hussein
10 يونيو
الرئيس التونسي: زيارتي لمصر مرهونه بحقوق الانسان و أتمني الحريه للشعب المصري !!.
.
سبحان العاطي الوهاب بعد الشبشب و القبقاب , المرزوقي يا ولاد بعد ما كان بيتصرمح في شوارع باريس وخماراتها و مأجرين له أوضه فوق ستوديو الجزيره بقى رئيس تونس و عايز يعلمنا الحريه .
ده على أساس إن مصر بترفّص برجليها طول الليل ومش راضيه تنام عشان انت مازرتهاش ؟ , و عاملي فيها زعيم , فاكر نفسه فلاديمير بوتين , يخيبك يا بعيد , دانت لو جيت مصر هتكتشف إن محدش عارفك أساسا ولا حتى عبد الفتاح السيسي هيبقى عارفك , وهيبقى شكلك وحش كده لما تلاقي الراجل بيطبطب على كتفك ويسألك : أومال الكابتن منين ماتعرفناش ؟!.
Mohamed Hussein
10 يونيو
حالة حرب
.
.
الحرب ضد الإرهاب المدعوم من أمريكا لسه ماخلصتش , محتاجه النفس الطويل , و جيشنا مش هنسيبه في مهب الريح لشوية إرهابيين و لا شوية كولجيه , للأسف فترة تجنيدي الإحتياطي خلصت من 3 سنين ومبقاش عندي حاجه أقدمها للجيش غير عقلي و قلمي , وانا وعقلي وقلمي تحت أمر جيشك يا مصر .
.
زمن الغرغره السياسيه والمناهده العبيطه انتهى خلاص , مش هسمح لأي حد من الأصدقاء مهما كانت غلاوته إنه ينطق كلمة عسكر عندي تاني , هلعن جدود أهله قبل ماعمله بلوك , عندك رئيس دوله اسمه عبد الفتاح السيسي انتقده زي مانت عايز لكن جيش مصر لأ , ألف خط أحمر , يكفيه شرفا إن مافهوش عسكري واحد خاين لتراب بلده .
.
حيطان البيت وعمدانه أهم من الديكورات و الكرانيش يا بهوات , و ملعون أبوها الديموقراطيه الأمريكاني .
Mohamed Hussein
10 يونيو
و قالك العراق تعلن حالة الإستعداد القصوى و تدعو الشعب للتسلّح لمواجهة إرهاب داعش !!............. ممممممم تدعو الشعب للتسلح ؟! كده تبقى قراية الفاتحه وَجَبِت يا عطيه .
دعوة الشعب للتسلح يعني تصريح واضح وصريح من الدوله ( بين قوسين ) للشعب إنه يمشي بال أر بي جي في الشارع , واللي زعلان من جاره شويه يقتله ويقول ده من داعش واللي مش طايق مراته يفرّغ فيها الألي ويقول داعشيه حقيره , هتبقى مجزره يا مولانا , اللي فات حماده واللي جاي حماده مش لاقيين دراعه اليمين .
.
خربوها ولاد الكلب , كلاب أمريكا وكلاب إيران اللي هي أصلا في الأصل كلب أمريكا برضه ( بس أهو توزيع أدوار ) , و بغداد اللي هي عاصمة الدوله العباسيه بجلالة قدرها , عاصمة الحضاره والثقافه في العالم بقت مرتع بأمر بالأمريكان , الدوله اللي تدعو الشعب فيها للتسلح ماتبقاش دوله ولا حتى قبيله .
.
المهم بقى يعني , البقر ولاد البقر أحفاد البقر اللي بالتأكيد هيخلفولنا بقر صغير , اللي اتعلمو على إيد شوية بقر كبير و قريو في كتب البقره المقدسه , واللي بيعلّمو تلامذتهم و أولادهم إزاي يبقو بقر أد الدنيا , ... هه ؟ عرفتو يعني إيه جيش مصر ولا لسه ؟!!.
Mohamed Hussein
10 يونيو
أه ده حقيقي بس حضرتك اللي مش مصدق , بتعشق إنك تغمّى عنيك عشان ماتشوفشي الحقيقه , أه الإخوان بيدعمو اللي بتعمله داعش الإرهابيه , أه بيعتبروهم مجاهدين و فرحانين أوي بإرهابهم في العراق ... أه الإرهاب الدولي كالجسد الواحد يشد بعضه بعضا , و الكلب الكلب ياهوووووووه مايعضّش ودن أخوه ............يارب تصدق بقى .
.
أه الجماعه الإرهابيه اللي بتقتل و تكفّر و تكدب أكتر ما بتستحمى ممكن تعمل أي حاجه تانيه , أه اللي بيحرق الجامعه وممتلكات الدوله والشعب واللي بيستعدي عليك الأجانب و الناتو ماعندوش مانع إنه يتأجر شوية بلطجيه عشان يتحرشو ببنت في التحرير و هو يصورهم ويبعت صورهم لرصد ...أه السفاله عندهم مكتملة الأركان , يارب تصدق بقى .
.
يا ناشط فيس بوكي حرام عليك الساقيه اللي بتلف فيها بقالك سنه دي , إقلعْ غُمَاك يا تور وارفض تلف !!.
Mohamed Hussein
10 يونيو
سؤالين لأصدقائي الأعزاء بتوع ( البرادعي راجع )
.
سؤال رقم 1
هو ليه مولانا البرادعي اللي اعلن قبل انتخابات الرئاسه 2012 إنها مسرحيه وانه مش هيشترك في مسرحيه بالشكل ده , ليه بقى قبل بنتيجة المسرحيه و بعت تهنئه لمرسي لما فاز ب 50 % , وليه ماكتبشي حرفين تلاته عن انتخابات 2014 ولا بارك للسيسي وعمل نفسه من كوريا ؟!.
.
سؤال رقم 2
أسيادنا الإعلاميين الثورجيه اللي صورهم كانت بعرض الشارع في انتخابات 2012 , اللي قادو معركة اللمون الشهيره واساميهم بقت تتردد في شبكة رصد وقناة الجزيره ( الإعلاميين الشرفاء ) , ليه فرحو لما فاز واحد من جماعه ارهابيه ( كان أخره يشيل جزمه المرشد ) و بقى رئيس مصر ( كانو بيقولو عليه مرشح الثوره ) ومافرحوش لما واحد من ولادها اللي بجد فاز ؟ وليه مادعموش حمدين و عصرو على نفسهم لمون ؟...هو مرسي الإرهابي كان مرشح الثوره وحمدين اللي ثورجي من يوم ماتولد كان مرشح راكب في حنفية المطبخ ؟!!.
.
مممممممممم مش عايز أسمع الإجابه أصلي عارفها كويس , دايما مالهاش علاقه بالسؤال , هتقولو : #عبث , #موجهه , #عبيد_البياده , #الثوره_لازم_تحكم , و #البرازيل_هتفوز_بكاس_العالم !!.
Mohamed Hussein
10 يونيو
تنظيم داعش في الموصل , سيطر عالمدينه واطلق سراح الإرهابيين , حد لسه عايز ديموقراطيه أمريكاني قبل مانقفل المحل ياخوانا ؟! .
.
ابقى اسأل بقى مراكز حقوق الإنسان الأمريكيه عن العراق , أو اسأل الرئيس الأمريكي نفسه عن النعيم اللي بتعيشه العراق من 10 سنين في مستنقع الرفاهيه الأمريكاني , ولا بلاش , أسأل قناة الجزيره هي كانت بتعمل إيه بالظبط أيام الغزو الأمريكي للعراق , اسألها كانت بتنزل في نصاص الليالي تروح فين وترجع بعد الفجر سكرانه طينه ؟! .
.
إحنا أسفين مستر بريزيدنت أوباما , ريلي سوري , مصر خارج اللعبه , إحنا خرجناها بإدينا فحقك علينا , تقول ايه بقى ؟ أصلنا شعب فقري ومالناش في الخير بتاعكو ولا بنحب ساندوتشات الهامبورجر و لا أزايز الكاتشب , و ليبيا بعد إذنك يعني يا مولانا أوباما خليفة المسلمين هنخرجها من نفس اللعبه , أصلها حدودنا الغربيه , وألف كيلو بينا مش شويه , يعني مضطرين , كمّل إنت لعبتك في العراق لحد ما مصر تفوق بس وتشرب قهوتها .
Mohamed Hussein
9 يونيو
عايز تضحك من قلبك ؟ روح شبكة رصد , عايز تفرفش كده و تنسى هموم الدنيا ؟ عليك وعلى شبكة رصد , عايز حاجه تسليك و تكون مجانيه وأجدع من أجدع كيس فشار ؟ هي مافيش غيرها شبكة رصد .
........ 6 مليون مشترك !! , والبوستات كالتالي بالترتيب
1- صوره ل 7 أنفار وعيل صغير على شط ترعه والعنوان ( مسيره رافضه للإنقلاب في أسيوط ) .
.
2- صوره ل 6 أنفار واتنين ستات وموتوسيكل ( مسيره رافضه للإنقلاب في الشرقيه ) .
.
3- صوره لبتاع 11 موتوسيكل على فزبه على عجله في فرح الواد حوكشه باين ( مسيره بالدراجات البخاريه رافضه للإنقلاب ) .
.
4- بوست مكتوب : عبد العزيزر يؤكد أن 7% فقط من الناخبين هم من أدلو بأصواتهم في الإنتخابات الأخيره !! ............. طب عبد العزيز جاب الرقم منين ؟ هو عبد العزيز ده اسمه راجل ولا اسم شارع ؟!.
.
5- خبر مكتوب : 25 منظمه حقوقيه يؤكدون على وجود 9 حالات تحرش في احتفالات التحرير أمس !! ............... وهما 25 منظمه حقوقيه كانو بيعملو ايه في التحرير امبارح ؟ مش انتو بتقولو الميادين فاضيه والصور بتاعة الناس دي فوتو شوب بتاع خالد يوسف ؟ وبعدين هما 24 منظمه بقى وعدد حالات التحرش 8 أنا عاددهم بنفسي ولو مش مصدقني هات الدليل اللي يكدبني !!.
.
6- ماعرفشي مين كده عضو التحالف ضد الإنقلاب يؤكد : أيام السيسي معدوده !! ............. مش السيسي مات 7 مرات قبل كده يا جدعان ؟!
.................................................
وفي نهاية كل بوست من البوستات دي هتلاقي كذا ألف لايك وكذا ألف شير , وعهد الله الأدمن بتاع رصد لو عمل بيبي في بوست من بوستاته هيتعمل ألف شير للبيبي المقدس بتاعه ده , وفي النهايه بيزعلو لما نقول خرفان ؟!!.
Mohamed Hussein
9 يونيو
تفتق ذهن أصدقائي الغاليين ( الأذكياء ) إن أمن الدوله هو المسئول عن حالات التحرش اللي بتحصل في مصر من 2011 عشان الناس ( البنات والستات تحديدا ) يخافو وماينزلوش الميادين !! .
.
طب قبل 2011 يا ترى كان مين الراعي الرسمي للتحرش في مصر ؟ طب أمن الدوله بيرعى التحرش عشان الناس ماتنزلش بقاله 3 سنين وفي كل مره الناس بتنزل والستات في المقدمه ( يعني ماخافوش ) بس لسه أمن الدوله بترعى التحرش برضه طب أمن الدوله بيرعى التحرش و يصوره و يبعته لشبكة رصد على طول ؟ عشان كده هما أول ناس بينشروه صح ؟ إنما الإخوان بتوع ربنا ومايعملوش كده يا سعاد , و لما أمن الدوله بيرعى التحرش عشان الناس ماتنزلش قامو الستات قررو انهم ينزلو ويرقصو في الشارع كمان بس أمن الدوله لسه بيرعى التحرش
.
أصلك مش واخد بالك , أمن الدوله يعني النظام القديم اللي هو بتاع مبارك اللي بيحكم مصر لحد النهارده ( أه والختمه الشريفه ) وهو بقى بيرعى التحرش في الحفلات اللي بيعملها مؤيدين السيسي اللي هو ابن مبارك بس عشان الناس ماتنزلش والستات بالذات ولا يحتفلو ولا حاجه .
.............................................
لو حد في حضراتكو فاهم حاجه من الكلام اللي فوق ده اللي هو ( بنات أفكار ) أصدقائي الأذكياء يبقى يفهمني , أصل أنا رأيي غير كده خالص , أنا رأيي إن الديناصورات والسلعوه هما اللي بيرعو التحرش من 2011 ق.م ( قبل الميلاد ) !!.
.
يارب يارب يارب أنا كده محتاج مراره ستانلستيل عشان أعرف أكمّل .... #مكملين
Mohamed Hussein
9 يونيو
مجموعه من الشباب العاطل الفاشل المعقد اتحرشو ببنت امبارح وجردوها من ملابسها , البنت مالهاش أي ذنب , أي بنت من حقها تنزل الشارع و تحتفل و تفرح أو تتظاهر و تعتصم , البنت هي الضحيه و أي حد يقول غير كده يبقى حيوان بالمعني الكامل للكلمه , دي اسمها أبجديات الإنسانيه يعني ألف باء .
.
إنما ايه علاقة السيسي بالليله دي ؟ هو ابن السيسي كان مع المتحرشين ؟ طب ابن اخته جايز كان بيتحرش بالبنت ؟ طب الحكومه كانت بترعى المتحرشين وعامله حواليهم كردون عشان يتحرشو براحتهم ( يعني التحرش ده إرادة دوله ) ؟ يا ساده يا بهوات , ميدان التحرير هتفضل له قدسيته مهما حصل ومايعيبشي الميدان أبدا إن من وسط ألاف البشر اللي بيتجمعو فيه بيدخله 5 عيال صيّع ( بالمناسبه ممكن ب 500 جنيه تتأجر 5 عيال عواطليه عشان يدخلو ويتحرشو وتصورهم وتنزل الصور في شبكة رصد عادي جدا ) , ومكانشي عيب في الميدان ولا في ثورة يناير لما كان التحرش بيحصل أحيانا ( و على مدار 3 سنين ) , ولو واحد دخل جامع وسرق النجفه أو تحرش ببنت حتى جوه الجامع ده لا يبطل الصلاه في الجامع بعد كده ولا يعيب المسجد نفسه .
.
انتو عايزين الحق والعدل ولا هي شعارات كدّابه وانتو عايزين تصطادو ؟!............أتمنى تطبيق عقوبة الإعدام على المتحرشين في محاكمة عاجله و علنيه حفاظا على كرامة المرأه و البنت المصريه , مطلوب سيف قوي وناجز لاحقاق العدل والأمن في مصر يا عبد الفتاح ( لا يضرُّكم مَنْ ضل إذا اهتديتم ) .
Mohamed Hussein
9 يونيو
رسميا , إبراهيم محلب يشكل أول حكومه في عهد عبد الفتاح السياسي , كده يبقى فيه اتنين أقوياء ماسكين السلطه في مصر ( السيسي و محلب ) , إردمو بالتراب بقى على الدوله الرخوه اللي إيديها بترتعش و بتخاف تاخد قرار عشان الفيس بوك هيقول كذا أو الجرايد هتكتب عننا كذا , أو أمريكا هتقول كذا ومراكز حقوق الإنسان هيبقى تقريرها كذا , مصر تحديدا ماينفعشي يحكمها نظام بيتكسف .
.
يا ساده خدو قرارتكو لفرض هيبة الدوله على أرض الواقع , وماتبصوش لكلام الناس طالما القرار شايفينه صح و في مصلحة الغلابه في البلد دي , في النهايه انتو اللي هتشيلو الليله و ساعة الحساب ( قدام ربنا وقدام الشعب ) انتو اللي هتتحاسبو مش الناشط الفيس بوكي ولا الأستاذ جمال عيد !! , و اللي إيده في النار غير اللي إيده في الفيس بوك !!..
Mohamed Hussein
9 يونيو
حلم و حقيقه و أمنيه .
.
الحلم
كنت بحلم ييجي علينا اليوم واشوف رئيس مصري فاسد في السجن و جه اليوم وبقيت شايف اتنين منهم مرميين ورا القضبان (دي أخرة المشي البطّال ) , إنما كان حلمي الأكبر إني أشوف رئيس مصري سابق رجع شغله زي أي حد محترم في الدوله بعد ما سلّم السلطه لفارس جديد , و ربنا حقق لي حلمي ده برضه , من بكره هتلاقو راجل محترم نازل من عربيته و رايح شغله , ولو معاك واحد صاحبك أجنبي وشوفت المشهد ده ابقى شاور له على عدلي منصور وقول له الراجل المحترم ده اللي رايح شغله في المحكه الدستوريه كان رئيس مصر لمدة سنه .
.
الحقيقه
سيبك بقى من حكاية مين ركب على ضهر الثوره ومين كان عايز يروح بيها فين ؟ إنما الحقيقه لولا ثورة يناير وثورة يونيو كان زمانا مش عارفين إن الإخوان جماعه إرهابيه ماعندهمشي أدنى انتماء لمصر ولا عندهم كوادر ينفعو حتى في مجلس محلي كفر صقر , و لولا ثورة يناير وثورة يونيو مكناش عرفنا إن السلفيين مش علماء ولا لحمتهم مسمومه و إنهم شوية أفاقين تُجّار دين مش أكتر , و لولا ثورة يناير وثورة يونيو مكناش سمعنا عن واحد اسمه عبد الفتاح السيسي , وكان زمان مصر دلوأتي بيحكمها فخامة الرئيس محمد حسني مبارك في فترة ولايته السابعه واللي بيتعهّد فيها بمواصلة مسيرته في محاربة الفساد ( تصفيق حاد ) !! , أو كان زمان مصر بيحكمها فخامة الرئيس جمال مبارك في فترة ولايته الأولى اللي بيتعهد فيها باستكامل مسيرة والده فقيد الأمه العربيه والإسلاميه ( تصفيق حاد ) !!.
.
أمنيه ........... أو نداء أخير
لأصدقائي الأعزاء بتوع ( البرادعي راجع ) , ده النداء الأخير , من فضلك انزل الشارع وسط الناس و خد لك كرسي في البرلمان أو عشره أو 100 , على أد ما تقدر خد , أصلها كراسي ولازم تتملي يا مولانا , و لو حضرتك سبت كرسي فاضي هيجي غيرك يقعد عليه , و غيرك ده ممكن يبقى فلول أو إخوان , ساعتها مش هيبقى من حقك تتكلم , من فضلك سيب أم الفيس و العالم الإفتراضي و شمّر بنطلونك وانزل انتخابات البرلمان والمحليات عشان يبقى لك صوت في مصر وإلا ماتزعلش لو الحكومات الجايه نسيتك تماما واعتبرتك شخص افتراضي مالهوش وجود !!.
Mohamed Hussein
8 يونيو
ملتزم الصمت
.
وفضلت انا بقى ملتزم الصمت , وقافل بؤي بشريط بلاستر من بتاع الكراتين , وكل شويه أعدّي على واحد من اصحابي في الفيس الاقيه كاتب .. 10 مليون جنيه في حفلة ليه ؟ ليه ندفع 10 مليون جنيه ؟ كتير اوي 10 مليون جنيه يا كفره ؟ مش كنتو بتقولو هنتقشف تقومو تصرفو 10 مليون جنيه ؟ المهم بقى وانا معدّي و كل مالاقي بوست زي كده أقوم مملّس على شعر صاحب البوست وسايبه وماشي , مانا مش عارف اتكلم عشان البلاستر أو مش عايز .
.
طب يا مولانا انت عايز تعزم رؤساء ووزراء وملوك ازاي ؟ نجيب بلاص جبنه قديمه و مشنتين عيش ونقعد الوفود على جسر ترعه ونقول لهم كلو بقى ؟
.
طب انت عارف الحفله دي يعني ايه ؟! ............. يعني 10 مليون جنيه اتصرفو عشان السيسي يوقع استلام السلطه من عدلي منصور ؟ لأ يا أذكى خواتك , استلام السلطه بيكلف الدوله قلم بيك ب جنيه ونص ده لو قررنا يعني نشتري قلم جديد .
.
الحفله دي يا ناشط يا مثقف يا بتاع ( عبث ) بتقول باختصار رساله واضحه وبسيطه ممكن يشوفها الأعمى بس الكولجي لأ , بتقول إن البلد اللي تستضيف وفود رفيعي المستوى من عشرات الدول مع بعض و تعرف تأمنهم دي بلد فيها أمن , بتقول إن البلد اللي حضر تسليم السلطه فيها مئات المسئولين من مختلف دول العالم دي بلد فيها استقرار , تقول إن الحفله اللي نقلتها عشرات القنوات دي بتاعة بلد فيها انتخابات و انتقال سلمي للسلطه مش انقلاب عسكري !!.
.
الكلام ده بقى يتترجم لمليارات مش ملايين , ماهو مفيش مستثمر اجنبي هيجيلك وهو شاكك في الوضع الأمني عندك أو في استقرار بلدك السياسي ( راس المال جبان ) , إنما كده انت وصلت رسالتك صح و جبت جون بكعب رجليك من نص الملعب , ضربت 3 عصافير بحجر واحد ولا عزاء للإخوان والكولجيه .
Mohamed Hussein
8 يونيو
هههههههههههههه لقد هرمنا يا ولاد من أجل هذه اللحظه , الجزيره كاتبه عنوان رئيسي على شاشتها ( الرئيس المصري الجديد عبد الفتاح السيسي يستقبل وفود الدول المشاركه في حفل تسلمه السلطه ) !! , مممممممم مفيش كلمة انقلاب ؟ ولا رئيس الإنقلابيين ؟ .
ماحنا قلنا إن مصر دي كبيره اوي و مش هتتكسر بسبب قطر و لا بسبب غزّه , وكل الحكايه إن قطر كانت محتاجه غزّه !!.
Mohamed Hussein
8 يونيو
بنات مصر و ستاتها زي العسل , هما هما مابيتغيروش والنبي لو قام 100 زلزال , و حفلة تنصيب رئيس زيها زي أي فرح بيحضروه أو يتفرجو عليه , أهو البنات لقطو صورة المتحدث العسكري الحليوه وهو لابس بدله مدني في حفلة النهارده من وسط ألاف البشر , و عمّالين يشيروها من بعض ( الواد مز مفيش كلام ) , وعلى أخر النهار كده هتلاقيهم بيتكلمو عن ربطة الطرحه بتاعة الحاجه انتصار , و هتلاقي واحده بتقول للتانيه في جلسة نميمه : البوفيه مكانشي أد كده ياختي !!.
Mohamed Hussein
8 يونيو
اللهم لك الفضل والمنه .
.
في السنه اللي فاتت كان عدلي منصور ( الرئيس ) يمشي قدام و السيسي ( وزير الدفاع ) وراه , و حتى بعد الإنتخابات و هما داخلين المحكمه الدستوريه عدلي منصور قدام ( الرئيس حتى الأن ) والسيسي وراه ( لسه مابقاش رئيس رسمي ) , وهما طالعين من المحكمه بقى السيسي قدام ( الرئيس ) و عدلي منصور ورا ( الرئيس السابق ) ............... مممممممممممم دي اسمها بروتوكولات و زوق واتيكيت مش طابونة العيش اللي حكمتنا سنه كامله .
.
في المناظره الشهيره بين ابو الفتوح و عمرو موسى كنت وقتها ميّال لابو الفتوح ( أه كنت مغفل وحمار شبه الأستاذ بلال فضل كده ) , وفي المناظره سألو ابو الفتوح لو بقيت رئيس هتمارس عملك منين ؟ قال لهم من البيت ومش هروح قصر الرئاسه ولما سألو عمرو موسى قال لا طبعا انا رئيس مصر و مصر اسم كبير همارس عملي من قصر الرئاسه اللي يليق باسم مصر واستقبل فيه الوفود , وقتها بس عرفت ان ابو الفتوح ينفع يشتغل عربجي مش رئيس دوله بحجم مصر ... و عرفت إن فيه فرق كبيييييييييييييييير بين واحد بيعرف يلعب سياسه و واحد بيعرف يلعب في مناخيره .
.
و إجمالا يعني الكام سنه اللي فاتت أكدولي إن الإخوان بتاريخهم وكوادرهم وسلطاتهم وبباغنوجهم أخرهم كده أخرهم يعني يعملو فرقة كشافه ويزرعو شجرتين قدام مدرسه ابتدائي !!.
.
Mohamed Hussein
8 يونيو
صباح الخير
.
سيبك من الحفله والضيوف والمعازيم , سيبك من الوفد الفلاني والمسئول العلاني , ركّز كده في عيلة عبد الفتاح السيسي , مراته و ولاده وشوف صورتهم وهما قاعدين , أدب , إنضباط , مفيش هلفطه في الكلام , ولا عيل بيريّل وهو قاعد , و لا حد طلع يجري يفتح التلفزيون عشان ابوه هيطلع عالشاشه ولا حد طلع قال أبويا حفيد سيدنا محمد ولا حفيد جنكيز خان , كل واحد قاعد و مشبّك إيديه في بعض و قافل شفايفه و تقريبا كده السيسي مكدّرهم !!.
Mohamed Hussein
7 يونيو
على صفحة قناة الجزيره خبر بتاريخ النهارده !! ::: حزب الاستقلال يطرح مبادرة سياسية للخروج من الأزمه تتضمن إلغاء الانتخابات الرئاسية الأخيرة وتشكيل مجلس رئاسي مدني برئاسة مرسي !! ( انتهى الخبر )... ممممممم استقلال ؟!! مبادره ؟!! أزمه ؟!! مرسي ؟!!... اللهم طولك يا روح.
................
أهما الإخوان وقناة الجزيره بيفكروني بنكته سمعتها زمان , بيقولك يا سيدي واحد أحول و واحد اهبل فتحو مطعم يعملو فيه طعميه , فكان الأحول يعمل عجينة الطعميه بإيده كده و ييجي يحطها في الزيت المغلي تقوم واقعه على الأرض , يقوم الأهبل يقول تششششششششش !!.
Mohamed Hussein
7 يونيو
و كل ما تلاقي نفسك متضايق شويه أو مخنوق أو محبط أو مش واخد حظك من الدنيا وخايف ماتوصلشي للمركز الي بتحلم بيه ابقى افتكره و هو بيقول ( القمح مش محتاج صوامع القمح محتاج صوامع ) !! , هههههههههههههههههه أهو ده كان بيشتغل رئيس مصر بعد الضهر , وتسألني حضرتك انتو نزلتو ليه في 30 يونيو ؟؟ يا سيد احنا نزلنا عشان خاطر مصر ماتنزلش أكتر من كده .
Mohamed Hussein
7 يونيو
ابعت يا رب
.
على صفحة الحريه والعداله ناشرين مقال لمحمد الجوادي ( المنظّر بتاع الإخوان ) بيتكلم فيه عن سر لون بشرة السيسي السمره في خطابه الأخير.
.
وقال محمد الجوادي ( بعد ما فطر بساندوتشين بانجو ) إن السر في لون بشرة السيسي السمره إنه عمل عملية تقشير لبشرة الوجه اتكلفت 10 مليون جنيه ( مليون يورو ) وان مرحلة البشره السمره دي مرحله من مراحل التقشير لتفتيح لون البشره !!
............................
ممممممممممم يا دكتور محمد عمليات تفتيح لون البشره بالتقشير بتتعمل في مصر عند أي دكتور جلديه ب 75 يورو و 2 كيلو سمك بوري , والحلاقين في بعض الصالونات الكبيره ممكن يعملوهالك على فكره .
و بصفتي صيدلي أد الدنيا عايز أقولك إنك مش محتاج حتى 75 يورو ولا تروح لكوافير m&s اللي في مصر الجديده , إنت يكفيك جدا تطلع يومين جمصه و تنزل البحر من غير ماتستخدم واقي شمس , يعني 12 جنيه اجره الميكروباس رايح جاي و 10 جنيه شمسيه في اليومين .... وتبقى عملت تقشير لبشرتك وتوصل للون الأسمر ده ب 22 جنيه , كنت هحترمك أكتر لو كنت قلت إن السيسي قعد يومين في جمصه قبل مايقول خطابه الأخير !! .
.
ولما انت تكون المنظّر بتاع الإخوان يبقى لهم حق شباب الإخوان ينفخو التبن من مناخيرهم وهما ماشيين في الشارع و يقولو مرسي راجع !!.
Mohamed Hussein
6 يونيو
في الأفراح عندنا في البلد بيبقى البوفيه متكلّف بصراحه , يعني بيبقو عاملين محشي ولحمه و كفته و مكرونه و رز و بطاطس شيبسي و بتبقى ليله يا عمده والمعازيم بقى ياكلو و يلغوصو براحتهم ....
يا ترى الحفله بتاعة بعد بكره اللي هيحضرها ملوك ورؤساء و وفود من كل القرى والنجوع والدول ومعازيم مالهمشي أول من أخر , يا ترى هيعملو محشي وكفته ورز وبطاطس شيبسي و الناس هتاكل وتلغوص ولّا هيمشّوها ساندوتشات بسطرمه وجبنه رومي ؟!........... طب لحقو جابو عم البيلي الطبّاخ اللي بنجيبه عندنا في الأفراح ؟ الراجل ده موهوب وشاطر جدا على فكره , بيشتغل في تركيب كابلات التليفونات بس لما بيجيله فرح أو حفله بيبقى طباخ عادي يعني .
Mohamed Hussein
6 يونيو
قطر بعتت وفد لمصر يستفسر ( هما ليه ماتعزموش في حفلة بعد بكره ) !!.......حقك علينا يا تميم انت وامك , تلاقي الراجل المنسق بتاع الحفله مسك كتاب أطلس اللي فيه دول العالم وقال يبدأ من الدول الأكبر في التاريخ و المساحه و عدد السكان و وصل لرقم 210 ومالقاش اسم قطر !!.
واسرائيل اتصلت بتسأل لنفس السبب , طب ليه ييجي وفد قطري و مكالمه اسرائيليه ؟ كان يكفي الوفد أو المكالمه وتسأل عن الإتنين ولا هي تكلفه عالفاضي ؟!.
و بعدين ماهو مستشار وزير خارجيه امريكا هيحضر وأكيد هيبقى يحكي لكو كل التفاصيل في أول سهرايه ( حمره ) , هو الصاحب له عند صاحبه ايه غير كاس و مزّه وشوية نميمه ؟!.
Mohamed Hussein
6 يونيو
ماعرفشي أهو مجرد اعتقاد , يتهيألي إن بداية استقرار الاوضاع في سوريا كان مرتبط بشكل ما باستقرارها في مصر , شعبية السيسي الجارفه في السنه اللي فاتت كانت بتقول إنه هيفوز بالرئاسه مفيش كلام يعني هو الرئيس , طب هل حصل أي تنسيق أمني أو مخابراتي بين مصر وسوريا الفتره الي فاتت ؟ ممممممممم ماعرفش , كل اللي أعرفه إن سوريا ومصر هما الدراعين الباقيين في الوطن العربي بعد ما العراق راحت في الوبا , قصدي راحت ضحية الديموقراطيه الأمريكاني وساندوتشات الهامبورجر , يارب ترجع لنا بغداد بالسلامه ويحفظ مصر وسوريا من شر النعيم بتاع أوباما !! , .......................... و لو مرّه هبّ النسيم في حَلَبْ لازم يغنّي ويقول حلايب !!.
Mohamed Hussein
6 يونيو
فيه ايه في الفيس يا جدعان ؟ كل شويه تيجي رساله ( الحساب غير متاح ) , أعمل لايك على أي تعليق الاقي اللايك اتشال ...كأن فيه حد بسم الله الرحمن الرحيم ماشي ورايا يلغي اللايكات .
Mohamed Hussein
5 يونيو
هحكي لك يا صاحبي حكايه , بس لازم تفهم إن تعاطفك لوحده مش كفايه .
.
كان يا ما كان في سالف العصر والأوان , كان فيه واحد صيدلي طلع عين أهله عشان يخلص الجامعه , أصله كان عايش عالعيش والدمعه , مولود من عيله فقيره وابوه قبل مايموت ماسابلهمشي خميره .
.
صاحبنا الصيدلي قال يسافر و يعافر , مكانشي يعرف إن الغربه دي لها ناب وحافر , و جريت سنين وراها سنين و عداد العمر شغّال , و بعد ماتجوز وجاب عيال بدأت الشركه اللي شغال فيها في مرحلة التطوير , ومش أي تطوير ده التطوير الكبير , أيوه يعني ( ديفيلوبمينت ) يا مولانا , ماتيجي تشتغل حدانا ؟! .
.
و وصل بيه الحال بعد ما كان صيدلي أد الدنيا و بقّال إنه بقى يلم الزباله ( ده بجد مش قواله ) و يشيل الكراتين يعني كمان عتّال , و يكنس الصيدليه عشان مفيش عامل , مانت لازم في كل موقف تتصرف وتتعامل .
وأخر حاجه بقى في سياسة التطوير هي إنك تبعت تقارير وتعمل تقارير وتاكل تقارير و تبيع للناس تقارير , مش قلت لكو إن ده التطوير الخطير ؟!
.
صاحبنا قال جاااااااااي و بقى ماسكه الصداع كأنه مخبر في أمن الدوله من ياقة قميصه , و لازق في قفاه زي الأتب , طب على مين اللوم والعتب ؟!.
Mohamed Hussein
5 يونيو
كان عندي واحد من الأصدقاء ( عملت له بلوك ) , كل شويه يبعت لي رساله عالشات و لنك فيديو , قال اتفرج عليا وانا في قناة فرانس 24 , اقرا البوست بتاعي وقولي ايه رأيك ؟ , شوفت المقاله بتاعتي دي ؟ , يسقط يسقط حكم العسكر , نحن لا نعترف بأي انتخابات تحت حكم العسكر , ........... مممممممم أه بيشتغل عضو في حركة ماعرفشي إيه كده التحرير في فرنسا .
.
النمره غلط يا حبوب , بس عارف ليه انا عملت لك بلوك ؟ عشان بالنسبالي يعني اللي قاعد يتكلم عن ثوره في باريس والشانزليزيه و بيجاهد على قناة فرانس 24 مايفرقش أي حاجه عن اللي قاعد يتكلم عن شرعية وانقلاب وبيجاهد في شوارع الدوحه وعلى قناة الجزيره , واللي بيقول مرسي راجع زيه بالظبط زي اللي بيقول البرادعي راجع !!.
.
...... إحنا تقريبا كنا مجرد سبوبه عشان ناس تطلع في التلفزيونات وتجاهد من وراء البحار , تتاجر في الثورات والشعارات ومستقبل الأمم ودم الشهدا وقوت الغلابه .
Mohamed Hussein
5 يونيو ·
في السنه اللي الإخوان حكمو فيها مصر كانو عاملين زي الراجل اللي بيقول لمحمد صبحي في المسرحيه ( ماتقدرش ) !! , يابني مصر مش للبيع و قطر مش هتنفعكو ( ماتقدرش ) , يابني قطر دي اللي بيشوفها عالخريطه بيفتكرها دبانه ( ماتقدرش ) , يابني هننفخكو في 30 يونيو والشعب هيدوسو على دماغكو بالجزمه ( ماتقدرش ) , يابني هنرجعكو السجون تاني و بهاليلكو الكبار هيهربو ( ماتقدرش ) .
و لحد النهارده لسه عايشين في نفس الدور و يقولك مرسي راجع واحنا هنوريكو يا إنقلابيين ( ماتقدرش ) , مع إن و عزة جلالة الله الإخوان أخرهم يطلعو في البلكونه بالفالنه الحمالات و السر الإلهي يطلع على طول أو عالأقل عضم صدرهم هيسوّس !!.
Mohamed Hussein
5 يونيو
أثر الباركينول ( حبوب الصراصير )
.
في صفحة الحريه والعداله نشرو خطاب قالو إنه متسرب للبهلول مرسي , في الخطاب ده مرسي بيتكلم عن ( الثوار ) ولا مؤاخذه والثوره السلميه ( ولا مؤاخذه برضه ) واننا ماضون على الدرب ومستمرون على العهد بلا بلا بلا .
.
إنما الحاجه الأكثر بهلله من خطاب البهلول الكبير هي تعليقات البهاليل الصغيرين ,
و دي عينة من التعليقات :
doaa ibrahim ... الشعب يجدد البيعه للرئيس !!.. هي كانت بيعه ولا انتخابات يا دعاء؟
.
مخلص لله : و بعدين يا عم مرسي , ناس كتير ماتت والعدد كل مادا بيزيد !! ........ العدد بيزيد إزاي يا عم مخلص ؟ هو اعتصام رابعه مش اتفض من سنه ؟ أه نسيت إنتو بتحسبو أي إخوانجي يموت في حادثة موتوسيكل أو يغرق في الترعه من ضمن العدد .
.
الدر المنثور : شعب جاهل متخلف ............ممممممممم البؤ ده بتاع 6 إبريل والكولجيه على فكره .
.
emad hassan : أنا رئيسي الريس مرسي ............وانا رئيسي الريس متقال يا عماد .
.
mahmoud sabry :مرسي رئيس الأشراف والسيسي رئيس الراقصات .......... ماتقولشي كده على حزب النور يا محمود عيب , دول علماء الأمه والعلماء لحومهم مسمومه .
.
عبد الوهاب جريد : و الله انني كلما ذكرت هذا الرجل او شفته او حتى سمعت اسمه يتردد على افواه الناس ان عيوني تذرف دمعها وان له محبه عندي لم يسبقه احد ابدا ..سوى الله ورسوله
....................... طب وسيدنا أبو بكر ياعبوهاب ؟ يعني بتحب مرسي اكتر من الصحابه والمبشرين بالجنه ؟ أصبأت يابن أبي جريد ؟!.
...................................
...................................
رأيي الشخصي بقى , إن الناس فاهمه كلمة بحث علمي غلط خالص , مش شرط أبدا في البحث العلمي إن يكون فيه واحد لابس بالطو أبيض و وراه حاجات عماله تنفجر , يعني مثلا لو صيدلي عايز يعمل بحث عن أثر حبوب الباركينول ( حبوب الصراصير ) على العقل البشري فهو مش محتاج معمل ولا بالطو ولا test tubes ولا متبرعين , هو بس يدخل صفحة الحريه والعداله , ياخد بوست زي بتاع مرسي ده بالتعليقات الي عليه و يطبعه ويكتب عليه من بره ( رسالة ماجسيتر في أثر الباركينول على عقول البشر ) !!.
ليست هناك تعليقات:
إرسال تعليق