صباح الخير , وبعد ما تبين للأستاذ الشيخ المهندس خالد عبد الله إن حملة حمدين صباحي مش مدعومه من إيران , وبعد ما تبين لفضيلة جناب اللي خلفوه إن الإخوان هما اللي نايمين في حضن إيران , وبعد ما تبين لميتين أم معاليه إن البرادعي مش صناعه أمريكيه ولا يحزنون والدليل إنه ممسكش حاجه ولا كسب من الليله دي غير تشويه لشخصه وأولاده , أدعوك يا فضيلة الشيخ المعرض تنقل سفالتك وحقارتك ناحية باسم يوسف , عشان هو أراجوز وبهلوان وعميل للموساد وسلاحف النينجا , أه يا سيدي باسم يوسف الساخر المبدع هو السبب في إنهيار الجنيه المصري وهو اللي بيشحت على مصر وبيبيعها جمله وقطاعي , وهو السبب في انهيار السياحه وتعطيل الملاحه بقناة السويس , بيقولك يا شيخ إن قبطان سفينه كبيره عملاقه ( أد كداهو ) كان جاي من نواحي امريكا كده وبعدين عدّل اتجاه الدفه ناحية الشروق الغربي وقرر إنه يروح من طريق رأس الرجاء الصالح عشان ميجيش ناحية قناة السويس , ولما الواد بليه سأله إنت عملت كده ليه يا أسطى ؟ , قال له احتمال واحنا بنعدي القناه أنشغل بالضحك على إيفيهات باسم يوسف وأرشق بالسفينه في مبنى مجلس محلي مدينة السويس !!.
.
محمد حسين
ليست هناك تعليقات:
إرسال تعليق