مجنون وعقلي عندها
والصبر فاق لحدود
والمايه من بدعها
تسقي الغريب وتجود
وتفوت على اللي انظلم
ترمي السلام ماتعود
.
أصل إنتي مجنونه
ومجننه ناسك
عايشه بنص العقل
وبعشر احساسك
قولي لي لو تعرفي
وكتمتي أنفاسك.
غميت أنا عينيكي
مين اللي جه وباسك ؟
.
يا مصر قلبك حجر
وفليلي هاجراني
صعبه وفيكي العبر
بس انتي وحشاني
.
أنا الغريب بالذات
عاشقك بصوت وسكات
وإن مت فيكي ساعات
برجع واموت تاني
ليست هناك تعليقات:
إرسال تعليق