يالله اضحكي

شفت ناس كتير بتضحك
كل ضحكه وليها معنى
اللي تضحك باشتياق
واللي تضحك كبرياء
واللي ضحكتها بريئه
واللي ضحكتها جريئه
واللي تضحك بابتسامه
واللي ضحكتها علامه
واللي تضحك والسلام
واللي تضحك من سكات
إلا انتي...مصر دايما..ذي مانتي
كل ضحكاتك أهات
ترجع الضحكه بألام
.
علمتيني البكا قبل الكلام
علمتيني إذاي أقوم
بس نسيتي تشرحيلي
إذاي أنام ؟
شوفتي في عيوني الدليل ؟
.
يالله اضحكي
ولا أقولك
مش هقولك
خلينا فاليل الطويل
مش تضحكي