سايق عليكي النبي
حكاي بقول حواديت
حلوه وملتوته
وانتي اللي وسط البيت
مزروعه بنوته
كل البلاد حواديت
ودي أحلى حدوته
*****
فيها النسيم بيدور
يطلع بألف سؤال
عصفور وكان محفور
فوق الجبين ياخال
القلب عود بنور
واللحن ميت موال
سرق الجمال فرعون
ماخلى فيها جمال
*****
سرقوا حيطان القصر
واللقمه والمايه
سرقوا جناح النسر
سرقوا المراكبيه
وانتي اللي جبتيهم
وانتي اللي سيبتيهم
فاكره الأمل فيهم ؟
هو انتي غاليه يا مصر
غير بس ف عنيه ؟!
*****
يا أم الجمال الصبي
والحسن رباني
سايق عليكي النبي
ما تخلفي تاني
.................
ليست هناك تعليقات:
إرسال تعليق