خلاويص ..لسه.......بلاليص...لسه
خلاويص ...لسه....بلاليص....لسه
.
عبي فبطنك يابلاص........
أوعى تقولي كفايه خلاص
لسه هتاخد فيها كتير....
بكره هتكبر...
تكبر تكبر......
تكبر تكبر....
تكبر تبقى أد الزير !
.
خلاويص...لسه......بلاليص...لسه
.
لسه التوته هتطرح ورد...
والجميزه تجيب تفاح
والأخوان مفتاح الخير.....
أوعى تفرط في المفتاح
.
لسه العسكر يحمو الثورة....
والثوار ينكشحو لبره
أصلك واحد مالشطار
ملعون ديك أم الثوار
.
خلاويص ...لسه....بلاليص...لسه
.
لسه الفرخه فحجم الفيل...
نهر النيل أد النملايه
والله حكايتك يابلاص....
تنفع تبقى أحلى حكايه
.
لسه العسكر جايب خيره...
واللي يموت بقى خيره فغيره
لحمه رخيص و هياكلو الدود...
واللي بدقن بريحة العود
بكره هيكبر يبقى أمير....
وانت هتكبر أد الزير
بطنك تبلع ميت تمساح
والأخوان مفتاح الخير.....
اوعى تفرط في المفتاح
.
خلاويص ...لسه....بلاليص...لسه
.
يابلاص ياحبيب المولا
ياللي طفولتك رمز الأوله
والأبريق أبو نص جناح
الأخوان تمساح الخير
أوعى تفرط فالتمساح !
ليست هناك تعليقات:
إرسال تعليق