Mohamed
Hussein
13
يوليو 2017·
زمان كانت القوى
الإستعماريه لما تحب تحتل دوله من الدول كانت بتجّيش الجيوش و ماتدخلشي الدوله دي إلا
على جثث أولادها و شبابها , لحد ما ظهر في منطقة الشرق الأوسط 3 حاجات عجيبه , حاجات
تستحق التوقف و التأمل و ( البصق ) لحد ماريقك ينشف , و تقدر تعمل ( بيبي ) كمان لو
عايز
.
1- ظهور جماعه
إرهابيه دوليه , ممكن تستعين بأي قوه استعماريه على ( بلدها ) و الوطن اللي هي عايشه
فيه , و هتلاقي منهم اللي بيقول يد الله مع أمريكا , و ربنا بيبارك خطوات حلف الناتو
, و تبقى الجيوش النظاميه لدولنا العربيه اسمها ميليشيات , و الإرهابيين و من وراهم
جيوش القوى الإستعماريه اسمهم المنقذين , جيوش التحرر ,الفرسان !! .
.
2- ظهور مجموعه
رائعه من شمامي الكوله , محدثي الثقافه , معدومي الفكر و الوطنيه و النخوه , اللي هتلاقيه
مثلا بيقولك ( مصر ماضاعتش إلا لما حكمها مصريين !! ) , وسينا لو كانت فضلت تحت الإحتلال
الصهيوني كان زمانها بقت حته من أوروبا , الجملتين دول مالهمشي تفسير غير الترحيب بالإحتلال
و الإستعمار , يا مراحب يا مراحب , و تلاقي الواد بيشتغل لامؤاخذه و هو أصلا لامؤاخذه
و امه عارفه إنه لامؤاخذه , بس بيعتبر إن حكاية ( اللامؤاخذه ) دي هي نوع من الفكر
العميق الجواني , أه و عهد الله زي ما بقولكو كده , يعني المرقعه بقت وجهة نظر و منهج
فكري .
.
3- ظهور البترول
في جزيره العرب و معاه ظهور الأمراء و الأسر الحاكمه , اللي أجبرو كل القوى الإستعماريه
التاريخيه على تغيير قواعد اللعبه , و ليه تجيب جيوشك و تحاربنا عشان تسرق ثرواتنا
؟ دي فكرة قديمه و عقيمه يا راجل , و ممكن يموت لك اتنين تلاته جنود , انت تخليك قاعد
زي مانت في التكييف و احنا هنبعت لك جواب متبرفن نقولك لو سمحت بليز من فضلك تعالى
اعمل قاعده عسكريه عندنا , أقولك ؟ خليهم قاعدتين تلاته و خد كل الفلوس اللي انت عايزها
, هنبعتها لحد عندك , و هنبوس ايدك ورجلك و نبعت لك قلوب و دباديب , دبدوبي دبدوبي
, و نجيب بقى الأمريكان و البريطانيين و الفرنساويين و الأتراك ( الدوله العثمانيه
) و الإيرانيين ( دولة الفرس ) لحد عندنا , هه ؟ لسه فيه حد من عربجية التاريخ مابعتوش
له جوابات متبرفنه ؟ .
.
الحقيقه إن أفة
منطقتنا العربيه البائسه , مش في رشوه و فساد و محسوبيه و تعليم و صحه و طرق و كباري
, كل ده مقدور عليه و نقدر نحله و نتعامل معاه , أفتنا الحقيقه هما التلاته اللي فوق
, و رابعهم إسرائيل ( و رابعهم كلبهم ) .
.
فلما أقول لحضرتك
إن مصر انتصرت و بتنتصر و هتنتصر في أصعب معركه بتخوضها في تاريخها , ابقى صدّق و قول
حاضر و بس .
مصر انتصرت و هتنتصر
عشان عندها أعظم جيوش الكون و عندها شعب أغلبه رجالة , لا إرهابي خاين ولا عيل لامؤاخذه
قالع البنطلون .
.....................................................................................................................
Mohamed
Hussein
12
يوليو 2017·
ومن أخبارنا العاجله
, و نتيجة لعجز لبن الحمير التركي الشهي عن تغطية احتياجات المواطنين في امبراطورية
قطر العظمي المترامية الاطراف , فقد قامت حكومة امبراطورية قطر العظمي باستيراد 4 ألاف
بقره بالطائره من ألمانيا , مع توقعات بمنحهم الجنسيه القطريه .
.
ثم قام المواطنون
في امبراطورية قطر العظمي باستقبال الأبقار و زفّها في الشارع على أنغام أغنية يا بقره
صبّي لبن صبّي لبن ( مش عارف الأبقار ممكن تصب ايه تاني غير اللبن ؟ عايزها تصب بيبسي
مثلا ؟ أنا أبغي قهوه , و انا عايز سحلب )
.
و في سياق متصل
فقد صرح مصدر رفض الإفصاح عن إسمه أن حديثا جانبيا دار بين بقرتين أثناء زفافهما في
سيارات مغلقه في شوارع الدوحه
بقره 1 : بقولك
ايه يا بقره
بقره 2 : أنا مش
بقره على فكره , احنا مش بقر .
.
بقره 1 : أومال
مين البقر ؟
بقره 2 : بصي يا
حبيبتي من الشباك الصغير اللي في العربيه ده و انتي تشوفي البقر بحق ربنا .
.......................................................................................................................
Mohamed
Hussein
12
يوليو 2017·
حبيبي ؟
- نعم يا حبيبتي
.
بص بقى و ركّز
معايا ,عشان شكلي قدام صاحباتي الأنتيم وعشان مايقولوش علينا بيئه .
- أؤمريني طبعا
.
.
بص يا حبيبي و
احفظ كويس , الطعميه اسمها جرين برجر , و البطن المنفوخه من الحمل اسمها بيبي بامب
, و قنديل البحر اسمه جيلي فيش و العيل الشقي اسمه نوتي .
- مممممممم طب
و الممبار اسمه ايه ؟
.
هااااااا , مش
عارفه
- بقولك ايه يا
حياتي ؟
.
نعم يا حبيبي
- هي أم عوجة اللسان
دي جايالك إقامه ولا فيسيتور ؟!
.
يعني ايه مش فاهمه
؟
- يعني عايز ألحق
أخد دش و أروح شغلي , قومي اتحرّكي هاتي لي فالنه و لباس .
.........................................................................................................
Mohamed
Hussein
12
يوليو 2017·
مصر تنتصر
.
في الحدوته اللي
دايره حاليا مابين التحالف الرباعي من جهه و كشك الخليج اللي محمي بالأمريكان و الأتراك
و الإيرانيين من جهه , هو ايه اللي بيحصل بالظبط ؟ و أيا ما تكون النتايج بتاعة اجتماع
النهارده , اللي بيحصل باختصار إن مصر بتنتصر , مصر المنتصر الوحيد , مصر تغنّي منفرده
, إزاي بقى ؟
.
1- بص يا سيدي
, الحدوته دي هتسمع فيها إسم 7 دول , مصر و السعوديه و الإمارات و أمريكا و قطر و تركيا
و إيران , فيه 6 دول منهم إيديهم ملطخه بالدماء , بشكل او أخر , 6 دول اتوسخو بدعم
الإرهاب , على رأسهم أمريكا ( الراعي الرسمي للإرهاب في العالم ) و قطر و تركيا ( الإتنين
صبيان المعلمه ) حتى السعوديه و الإمارات إيديهم اتوسخت و معاهم إيران طبعا , الدوله
الوحيده على الإطلاق في الدول السبعه اللي إيديها نضيفه هي مصر , الدوله الوحيده اللي
عنيها مش مكسوره قدام أي اجتماع ولا قدام أي شعب من شعوب المنطقه .
.
2- من 3 سنين و
احنا صوتنا اتنبح لأشقائنا في السعوديه و الإمارات , بلاش تمشو وراء الشاذ , بطّلو
الهبل اللي بتعملوه في سوريا , ماتصرفوش فلوسكو على الخراب , ولا حياة لمن تنادي ,
بعدها سلمان راح يرقص قدام الشاذ , و وقتها لما كانت مصر تطلّع بيان بس تدين دعم قطر
للإرهاب نلاقي مجلس التعاون الخليجي بيجتمع مخصوص عشان يستنكر بيان مصر !! , النهارده
قطر مرشحه بقوه لطردها من مجلس التعاون .
.
3- قدام كل الشعوب
الخليجيه , مصر هي المنتصر الوحيد , أي مواطن خليجي عاقل هيقول مصر كان معاها حق ,
احنا غلط , كنا غلط لما ماسمعناش كلامها .
.
4- مصر مادخلتشي
تحالف حقيقي مع حد ولا حاجه , احنا دخلنا عشان نفكك المكعبات , من سنتين كان التحالف
ضدنا شامل كل الدول اللي اسمها مذكور فوق , كلها , احنا عملناهم فريقين ضد بعض بشكل
ما .
.
5- الموقف السعودي
و الإماراتي ماتغيرش نتيجة تغّير في الموقف الأمريكي , مش ده السبب الرئيسي لأن أمريكا
نفسها موقفها ماتغيرش كتير ( هي بتلعب في الفريقين ) , إنما اعتقادي ان التغير الحاد
في الموقف السعودي الإماراتي هيكون بسبب ان مصر قدمت لهم أدله بتقول إن نفس الكشك الخليجي
بيتواطئ ضدهم و إن الدور كان جاي عليهم .
.
6- يكفينا جدا
في الموقف الحالي , إن اللي كانو واقفين ضدنا اتكشفو قدام بعض , مش هينفع السعوديه
تدعم قناة الخنزيره تاني ولا هينفع مجلس التعاون يطلع يدين مصر لما تلعن جدود أبو قطر
( رفع الغطاء الخليجي عن قطر ) .
.
7- حكاية حماس
و الشاذ اللي بيحكم كشك الخليج , اللي ايديهم غرقانه في دم ولادنا , قلنا ألف مره
, لا حركة حماس ولا كشك الخليج مُعْجزين لمصر , يعني مفيش أسهل من فعصهم , إنما هما
الإتنين كانو فخ لدخول جيش مصر في حرب إقليميه , كشك الخليج محمي بقاعده عسكريه أمريكيه
, و الأتراك و الإيرانيين جنودهم شوية مرتزقه ممكن ييجو في أي مكان ( زي ما حصل )
, و حركة حماس محمية بغطاء صهيوني كامل , ماوقعناش في الفخ , و أدارنا المعركه بدبلوماسيه
و إحتراف .
.
8- أخيرا بقى
, الأدله اللي عند مصر و اللي أكيد قدمتها للأمم المتحده و المجتمع الدولي , الأدله
دي معناها إن الفخ مبقاش فخ , هيبقى من حقنا ندوس عالصراصير في الوقت اللي نختاره و
قدام العالم كله , يعني مش هنقول طائرات مجهوله و لا تعلن جماعة أبو جلمبو مسئوليتها
عن الحادث , مصر مابتسيبش تار ولادها و ساعة الحساب قرّبت , كان لازم الأرض تكون مُعدّه
لكده , و هو ده الفرق بين الشجاعه و الغشوميه .
................................................................................................................
Mohamed
Hussein
11
يوليو 2017·
مالك يا عم قاعد
سرحان و قلقان كده ليه , و بنادي عليك مابتردش ؟
- بصراحه قريت
خبر إن وزير التعليم هيعلن أسماء الأوائل بتوع الثانويه العامه النهارده , و من ساعتها
و انا مطرطق وداني و حاطط إيدي على قلبي وبقول يارب .
.
ليه كده بس ؟
- أصلي نفسي أوي
أسمع اسم لوجي بنتي في أوائل الثانويه , الطالبه لجين محمد .
.
ما شاء الله تبارك
الله , هي لوجي كانت في علمي ولا أدبي ؟
- لا حضرتك هي
كانت في رابعه ابتدائي بس أنا اللي مستعجل شويه .
..................................................................................................................
Mohamed
Hussein
11
يوليو 2017·
تعيين الجينرال
التركي طيب اورال حاكما عسكريا في قطر !! .
.
طيب تمام أوي
كده قطر فيها أكبر
قاعده عسكريه أمريكيه خارج الولايات المتحده
و فيها حاكم عسكري
تركي و قوات تركيه
و فيها ميليشات
من إيران .
.
صعبان عليا أوي
أوي حال الخرفان الضاني اللي عايشين في قطر أو أي مكان تاني في العالم , هيبرّرو حكاية
ان الكشك الخليجي يتحوّل لمبلوله عمومي إزاي ؟! تعالو نشوف كده الإحتمالات :
.
- لو هيبرروها
بإن قطر بتتعرض لمؤامره لانها بتنصر القضيه الفلسطينيه و هتحرر قدس امهم ؟ مش هينفع
, عشان قطر محميه بقاعده عسكريه أمريكيه و اسرائيل هي البنت المدلله لأمريكا .
.
لو هيبرروها بإن
قطر تحمل لامؤاخذه لواء الحرب السنيه ضد الشيعه و العلويين و الترباتاتو ؟ , برضه مش
هينفع , عشان القوات الإيرانيه موجوده في الدوحه مش في السنبلاوين ولا مغاغه .
.
لو هيبرروها بإن
قطر تنتصر لمبادي الإسلام و التدين و الأخلاق الحميده ؟ , برضه و عهد الله ما هينفع
, عندهم قوات من الدوله اللي بتسمح بجواز المثليين و فيها بيوت دعاره اكتر من أكشاك
السجاير .
.
ههههههههههههه
معادله بنت ميتين كلب صعبه , بس لذيذه , قلبي عندكو يا خرفان كوكب الأرض .
...........................................................................................................
Mohamed
Hussein
11
يوليو 2017·
في الحدوته , مولانا
الشيخ اللي مابيغلطش أبدا , و الإعلام اللامؤاخذه النزيه .
.
فيه قصه كده منسوبه
للعظيم الراحل د مصطفى محمود , عن توقيت و سبب و بداية إلحاده , القصه بتقول انه كان
متعود يروح يسمع خطبه دينيه من أحد المشايخ كل يوم , لحد ما في يوم الشيخ قال لهم كل
واحد يجيب معاه بكره ورقه و قلم عشان هقولكو على كلمات تكتبوها هتطرد الصراصير اللي
موجوده و منتشره في بيوتنا , مصطفى محمود ماكدبش خبر و جاب الورقه و القلم و كتب ورا
الشيخ , شوية ايات قرأنيه على أدعيه على ألفاظ مش مفهومه ( تعويذه يعني ) , الشيخ قالهم
الورقه دي تطبقوها و تعلقوها في البيت و تاني يوم مش هتلاقو صراصير في الشقه , مصطفى
محمود عمل كده و تاني يوم لقى الصراصير زي ماهي و معششه حتى في ورقة التعويذه ذات نفسها
!! .
.
انا عايز من القصه
دي حاجه واحده بس , مبدأ الثقه العمياء اللي خلت شاب اسمه مصطفى محمود يوصل للمستوى
ده من إلغاء عقله , الثقه دي جت منين ؟ جت على مراحل , مولانا الشيخ بيكلمهم عن بر
الوالدين و طاعة الله و الأمر بالمعروف , بيقول كلام حلو أوي يهز الوجدان , مره في
اتنين في عشره , لحد ما بقى مولانا الشيخ في نظر مصطفى محمود شخص تقي عارف ربنا و عالم
كبير مابيغلطش أبدا .
.
هو ده بالظبط اللي
حصل مثلا مع يوسف القرضاوي , بهاليل القرضاوي سمعو منه مره و اتنين و عشره و خمسين
كلام حلو , عن سيدنا النبي و الصحابه و الخير و الصلاه , لحد ماوصلو معاه لمرحلة الثقه
العمياء , فلما يطلع عليهم يوسف القرضاوي يقول لهم ان قتال الجنود في مصر وليبيا و
سوريا و اليمن حلال يبقى حلال , لما يقولهم ان حلف الناتو ده حد جميل ولازم ييجي ,
يبقى حد جميل ولازم ييجي , لما يقول لهم ان ربنا بيبارك خطوات الأمريكان و شئ رائع
اننا نقعد في قطر محميين بقاعده عسكريه أمريكيه , يقولو أمين .
.
و زي ما طالب العلم
الأهبل بيقعد قدام الشيخ النصاب و هو فاتح بؤه , نفس القصه بتتكرر قدام الإعلام العربي
و الغربي , هنا الإعلام بيبقى الشيخ , اللي بيكتسب ثقة القارئ و المستمع بنفس الطريقه
, شوية مصداقيه في الأول مع شوية أخبار و تقارير محترفه , كده خدنا الزبون على حجرنا
, لما نقوله بقى اللي حصل في مصر انقلاب يبقى انقلاب , لما نقوله مصر هتعلن افلاسها
بكره الصبح يبقى مش هيطلع عليها يوم التلات , لما نقوله الطيارات الرافال دي مضروبه
و الفتيس بتاعها بيقفش يبقى بيقفش .
.
أصدقائي الأعزاء
, تلتين المعركه اللي خضناها و بنخوضها اسمها العقل , يعني تمتلك تلتين أسلحتك يوم
ما تمتلك عقلك و تفهم , تفهم ايه ؟ تفهم ان مفيش شيخ ولا عالم ولا أي مخلوق ينفع تقعد
قدامه وانت لاغي عقلك مهما كانت درجة الثقه , تفهم إن الإعلام العربي و الغربي و القنوات
و الجرايد العالميه كلها مملوكه لرجال اعمال و حكومات و بيديرها في الخفاء أجهزة مخابرات
دول , خصوصا البريطانيه و الأمريكيه , تفهم إن إيد قطر بنت الوسخه مش مطلوقه لشراء
مؤسسات إعلاميه عالميه بدون علم و مباركة أجهزة المخابرات اللي قلت لك عليها , و يوم
ما هنفهم يوم ما هننتصر .
..................................................................................................................
Mohamed
Hussein
11
يوليو 2017·
سنه واحده في الجيش
المصري
.
قبل مادخل الجيش
ماكنتش عيل سوسو ولا توتو , انا بشتغل تقريبا من سن 6 سنين و لحد ما خلصت الجامعه
, كل المهن الصعبه و الدنيا و اللي تحت الدنيا بشويه , طول الفتره دي معرفشي يعني ايه
مصيف , ولا حتى روحت جمصه , الشوكلاته ماكنتش شوفتها حتى تاريخه , كان أخرنا البتاعه
دي اللي اسمها العسليه ( ماعرفش أصلا تتصنف تبع ايه ) يعني رايح لهم وانا مفحوت و عودي
ناشف و زي الفل , أتاري ان اللي فات ده كان حماده و سنة الجيش حماده تاني خالص .
.
من أول مركز التدريب
لحد ما تاخد شهادتك و تمشي , ايه ده انت بتصحى الساعه 8 ؟ لا الرفاهيه دي مش عندنا
, الصحيان الساعه كذا و الطابور كذا و الفطار كذا , الجو برد أوي ؟ هتطلع الطابور بشورت
و تي شيرت الساعه 5 الصبح , مفيش حاجه اسمها الجو تلج , ايه الخضار اللي بتاكله ده
؟ مش عارف له اسم ؟ ولا احنا والله , سمّيه اي حاجه ياكشي تسميه زوربيح أو سميه نحمده
, هو عموما شبة الملوخيه شويه , أقولك حاجه ؟ سمّيه ملوخيه .
.
في الجيش المصري
بتتعلم إن السرير و المرتبه و المخده و التكييف و المروحه و الشقه المقفوله عليك مش
من أساسيات الحياه , تعرف تعيش من غيرهم , في الحرب مش هيبقى معاك سرير و مرتبه , نقوم
ايه بقى يا معلم ؟ نقوم نعلّمك , ونخلّيك تطلع مشروع تدريب , هتبقى في قلب الصحرا
, هتنام عالرمل ( ده السرير بتاعك ) , و تبص لفوق و انت نايم , شايف السما ؟ أهي دي
الغطا بتاعك , حط أي حاجه تحت دماغك و اعملها مخده , متخافش , مش هتموت من غير البطانيه
الأسباني ولا المرتبه الأمريكي .
.
راكب عربيه مكشوفه
تماما و بتتحرك من منطقه لمنطقه لمدة ساعتين تلاته و المطر نازل عليك سيول ؟ ماينزل
المطر ؟ فين السؤال ؟ يابني فين السؤال ؟!.
.
الجميل بقى و اللي
يضحكو في الليله دي , ان سلاحي أصلا خدمات طبيه و ملحق على فرقة مشاه , يعني أساسا
مليش تسليح , و في الحرب مش احنا اللي بنحارب , و مع ذلك اتفحتنا شامي و مغربي , و
اتعلمنا و عودنا نشف ( حتى في طبيعة شغلنا ) .
.
هما كام حاجه بيعملو
منك بني أدم وبيخلّو جيش بلدك اسمه ( مصنع الرجال ) , ماتشتكيش من أي حاجه , جمّد قلبك
في أي موقف , لو وقعت قدامك مشكله لازم تتصرّف .
.
الحقيقه مش أسلحتك
و طياراتك و دباباتك و صواريخك و سفنك الحربيه اللي عامله خرم في نفوخ كلاب السكك اللي
حوالينا ( و صبيانهم اللي عندنا ) , أكتر حاجه بتوجهم هي طبيعة المقاتل المصري نفسه
, عزيمته , وطنيته , قوة احتماله .
..............................................................................................................
Mohamed
Hussein
10
يوليو 2017·
فيه مشهد بفتكره
و أشوفه قدام عيني كتير , مشهد في فيلم لفريد شوقي , لما كان شيخ صيادين السمك في قريه
من القرى , و لقيو شنطة فلوس و وصيه , المهم ان شنطة الفلوس دي هتكون من حق الست اللي
تعترف انها كانت على علاقه بالراجل الغريب اللي مات عالطريق و بالتالي فالواد اللي
خلفته ده ابن الراجل الغريب , يعني ابن حرام مصفي , بعد شويه في احداث الفيلم بييجي
عيل مايع و صايص كده كان عايش بره , عرف الحكايه و قال لأمه : طب ايه المشكله لما تقولي
انك تعرفي الراجل الغريب اللي مات و تبقى شنطة الفلوس من حقنا ؟ بلاش جهل و تخلف بقى
.
.
الحقيقه الواد
المايع الصايص ده بشوف منه كتير عالفيس بوك , النهارده مثلا لقيت واحد ( مصري ) كاتب
تعليق على صفحة أحد الأصدقاء بيقول فيه ( مصر ماخربتشي إلا لما حكمها المصريين !!
) , الجمله دي إجمالا ملهاش غير ترجمه واحده , ماتحتملش ترجمتين أصلا , الترجمه بتقول
إن الإستعمار و احتلال الأوطان ده أجمل شئ في الدنيا , بلاش جهل و تخلف , و ايه يعني
لما الاستعمار يحتلنا و نغتني و نكسب شنطة الفلوس و نبقى ولاد حرام مصفي ؟! .
.
مع إن ترجمة كلمة
استعمار في أي كتاب في الدنيا بتقول إنها نهب ثروات و طمس هويه و تجريف الأوطان ( و
قتل الشعوب و تجويعها ) , يعني مفيش مستعمر بتصعب عليه حال الناس في دوله فيقول هروح
احتلها بقى عشان أنتشلها من الضياع و أحولها لسنغافوره لأن أنا ك ( مستعمر ) مابعرفش
انام طول الليل من كُتر الشحتفه عالبلد الفلانيه دي , إنما نقول إيه للعيال ولاد التيت
و البانجو اللي فتّح في شوارع مصر ؟! .
..............................................................................................................
Mohamed
Hussein
10
يوليو 2017·
أقوى 10 جيوش في
العالم
.
موقع جلوبال فاير
باور نشر قايمته الدوريه بترتيب جيوش العالم , مصر احتلت المرتبه العاشره بدل ال11
.
.
الخروف الإرهابي
إجمالا في أي دوله عربيه بيستاء جدا من الأخبار اللي زي كده , ليه بقى ؟ لأن منهج جماعة
الإخوان الارهابيه بيقول ببساطه إن جيوش الدول ( اللي هما عايشين فيها و بيحملو جنسيتها
) هي حائط الصد و العائق الوحيد قدام نشر فكرهم الوثني الصهيوني و الوصول للحكم , طب
ده الخروف أومال الكولجي هيعمل ايه ؟ هيستاء جدا برضه , طب ليه ؟ عشان الكولجي هو الحمار
اللي بقاله 7 سنين مركوب من الخروف , الخروف يقول ( حا يا حمار ) و الحمار يقول ( حاضر
يا رفيق الميدان ) , مشهد مكرر بصوره ممله .
.
عشان كده هتلاقي
على مدار سنين طويله , الخروف يقول عسكر و فاشيه و جينرالات بيزنس و يروج اشاعات ضد
جيش مصر , و الحمار زيه بالظبط , مانا قلت لك الحدوته , حا يا حمار , حاضر يا رفيق
الميدان ( أصل الحمير دول عباقره أوي زي مانتو عارفين و سابقينا بمليون فدان ).
.
طيب للعاقلين البني
أدمين اللي بيحبو البلد دي بس محتاجين يفهمو , سؤال مهم أوي , مصر من أقوى 10 جيوش
في العالم , ومع ذلك بقالها سنين بتتعرض لسخافات من حركة حماس و من الشاذ اللي بيحكم
كشك عالخليج , يعني من شوية أقزام و صراصير , هل فيه وجه مقارنه عسكريه بينا وبين الأقزام
و الصراصير ؟ لا خالص , طب ليه صابرين عليهم مع إن إيديهم غرقانه في دم ولادنا ؟ يمكن
عشان هما أشقاء و العروبه و كده ؟ قدس أم العروبه يا مولانا , احنا صابرين عشان ببساطه
شديده الصراصير دي هي مجرد صبيان للمعلمه , بيعملو كده بتعليمات , و بوعد بالحمايه
( الحمايه موجوده بالفعل ) , الصراصير مجرد فخ عشان وقت الجد تلاقي نفسك بتواجه قوتين
تلاته من اللي سابقينك في الترتيب العسكري , و كله عشان خدمه دوله جايه وراك في الترتيب
ده .
.
يعني الحكايه قفلت
كده ؟ لا خالص , كله بأوان , هنفعص الصراصير أكيد , هنفعصهم من غير ما نقع في الفخ
, مصر مابتنساش تار ولادها .
...........................................................................................................................
Mohamed
Hussein
9
يوليو 2017·
محدش يزعّل الصاروخ
.
الأخت الفاضله
ياسمين الخطيب بتقول إنها مش عارفه اذا كان جيش مصر بيحارب الإرهاب بطريقة صح ولا بطريقه
غلط , و بتقول كمان ان الموضوع ده بيحتاج للتأمل .
.
على أي حال يا
أخت ياسمين , فيه حاجات كتير بتحتاج للتأمل , و احيانا التأمّل بيطوّل شويه , خصوصا
لما تكون المنطقه فيها مرتفعات و منخفضات و تضاريس وعره , و بالنسبه بقى لموضوع الجيش
بيحارب صح ولا غلط فأنا شايف انك لازم تطلعي عالجبهه و تشرفي بنفسك على موضوع : الحرب
ضد الإرهاب .
.
أنا هكلّم لك حد
من الساده المسئولين في مصانع الإنتاج الحربي بتاعتنا , يعملو لك دبابه 4x4 يكون لونها فوشيا أو بينك , و يعملو فيها إزاز كهربا
و سينتر لوك و طبعا التكييف لازم يكون تلاجه , و ماينسوش المكان اللي هتحطي فيه السي
دي بتاع عمرو دياب و المكان اللي هتحطي فيه مج الكابتشينو , وانتي بقى أول ماتوصلي
بالسلامه و تلاقي قدامك واحد ارهابي تقومي منزّله الإزاز عشرين سم و تقومي راشه عالإرهابي
مايه من إزازة المايه المعدنيه اللي في إيدك , و تقولي له : بكرهك بكرهك بكرهك يا نوتي
.
.
بس اهم حاجه يا
اخت ياسمين , اهم حاجه على الإطلاق , لو سمحتي يعني , عشان خاطري و عشان خاطر مصر
, ماترميش اللبانه في الدواسه بتاعة الدبابه .
.........................................................................................................
Mohamed
Hussein
9
يوليو 2017·
مابتفكّرش ليه
؟
.
1- بعد تنحي مبارك
مباشرة و مع اجتماع المجلس الأعلى للقوات المسلحه المصريه , عرضت قناة الخنزيره القطريه
فيلم تسجيلي عن الجيش المصري , ابقى ارجع للأرشيف و شوفه , حاجه كده تقولك ان جيش بلدك
ده اعظم جيش في الكون , يا ترى الخنزيره من سنتين تلاته بتعرض ايه عن جيش مصر و بتوصفه
بايه ؟ مين يا حبيبي اللي راكبك من 7 سنين !! .
.
2- تتفاجئ يا مؤمن
ان أغلب قيادات الجماعه الإرهابيه و أغلب مذيعين الجزيره معاهم جنسيه أمريكيه أو بريطانيه
, اه و عهد الله , و اغلب النشطاء و اللامؤاخذه الحقوقيين معاهم برضه جنسيه امريكيه
او بريطانيه , دي صدفه بنت ميتين كلب جميله !! ياهبل يابن الاهبل .
.
3- في 2011 و
2012 كنت بتقول الجيش حمى الثوره , وقتها و قبلها بعشرين سنه برضه و الجيش بيعمل مشاريع
خدميه ملهاش علاقه بمهامه الأساسيه , طرق و كباري و حتى نوادي وفنادق , وكان بالنسبالك
الموضوع ده شئ عادي و مستحب و جميل , طب و دلوأتي بتعتبر الموضوع ده ايه ؟ مانا سالتك
مين اللي راكبك ؟.
.
4- عدوك عالمستوى
الشخصي هو أي حد يحاول يعتدي عليك أو على ولادك و عيلتك , و عالمستوى العام هو أي دوله
أو دويله او عصابه تحاول تعتدي على بلدك , اسرائيل هي عدوك الأزلي و أس الفساد , بس
ده مايمنعش ان لك اعداء تانيين , زي الشاذ اللي بيحكم كشك الخليج و زي حركة حماس ,
الاتنين دول بيتكلمو عربي , يعني عرب زينا , هل ماينفعش نعتبرهم اعداء باعتبارهم عرب
؟ بجد والنبي ؟يعني لو ابن عمك خطف ابنك و قتل بنتك و تحرش بمراتك هتحبه و تبوسه من
بؤه و تقول ده ابن عمي و ماقدرش ازعله عشان خاطر عمي الله يرحمه مايزعلش ؟ .
.
5- طب ايه اللي
يمنع جيش بلدك من انه يدك قطاع غزه على دماغ اللي فيه و يجيب الشاذ و امه يعلقهم على
عمود نور ؟ هل تعتقد ان الجيش المصري عاجز عن كده ؟ فكرت في الحكايه دي ؟ هل مثلا خايفين
من الجيش القطري الجبار اللي هو عباره عن 500 جندي أغلبهم أفارقه ؟ هل مثلا بنترعب
من العرض العسكري بتاع حماس اللي هو عباره عن 7 عربيات ربع نقل ؟ طب ايه السبب ؟ ماتحاول
تفكر ؟ قطر دي محميه بايه ؟ و حماس محميه بايه ؟ يمكن لما تجاوب تعرف انهم أوساخ و
أعداء مع سبق الإصرار و الترصد , يعني مش بالصدفه .
.
6- لما عملنا ترسيم
حدود اللي راكبينك ركبوك تاني و قالو لك جيش مصر بيبيع الجزر , و انت ماكدبتش خبر
, مش عارف اشرحهالك ازاي , من فتره عملنا ترسيم حدود في البحر المتوسط مع اليونان و
قبرص , كويس ؟ محدش خد باله و لا علق عالموضوع ولا حد مننا يعرف حدودنا فين , طب مش
جايز الجيش اللي بيبيع ده يكون باع لليونان و قبرص عشره خمستاشر كيلو من مياهنا الإقليميه
؟ هي المايه بتقل خطوره عن الجزر ؟ ولا لها نفس الأهميه الإستراتيجيه و نفس الثروات
بتبقى جواها و يمكن اكتر ؟ , تعرف حاجه عن ترسيم حدودنا في البحر المتوسط ؟ ولا المسأله
مسألة مبدأ و ثقه ؟ طب ماتخليش حد يركبك تاني .
.
7- روح أمريكا
و ادخل أي جامع هناك في صلاة الجمعه , واقعد قدام الخطيب و سنجف و دانك , هتلاقيه بيخطب
ربع ساعه مثلا منهم 14 دقيقه شتيمه في مصر و جيشها , أه و عهد الله زي ما بقولك كده
, أي جامع و اي خطيب , سواء كان مصري او مش مصري , و لما هتسأل هيقولو لك الجوامع في
امريكا بيشرف عليها جمعيات تبع حماس و جماعة الإخوان الإرهابيه , في أمريكا ؟ أه ,
حماس و الإخوان ؟ اه , في الجوامع ؟ أه و في الكونجرس كمان , يعني حماس و الإخوان عايشين
في أمريكا و بريطانيا و بيتصرف عليهم ؟ أه , بس أكيد هيحررو القدس , أه هيحررو قدس
امك .
....................................................................................................................
Mohamed
Hussein
9
يوليو 2017·
و بس يا سيدي
, الواد حمبوزو أقنع الواد حلموسه إن الجيش بتاعنا اسمه الجيش المصرائيلي مش المصري
, و إنه بيحارب المسلمين مش بيحارب الإرهابيين المرتزقه , و إنه بيحارب عشان يخدم الصهاينه
مش عشان يحمي أرضنا و عرضنا , و بعد ما حمبوزو أقنع حلموسه بالحكايه دي قاله تعالى
بقى يا حلموسه نروح الخرابه اللي هناك دي عشان أورّيك الساعه اللي بتنور في الضلمه
, حلموسه ماكدبشي خبر ( ماهو بيثق جدا في حمبوزو ) و راح الخرابه فعلا , و شاف الساعه
اللي بتنور في الضلمه , شافها اكتر من مره ( عشان هو بيحب يتأكد و يقتنع ) , وبعد ماشاف
الساعه اللي بتنور اكتر من مره رجع بيتهم وفتح الفيس بوك و كتب الكلمتين اللي قاله
عليهم حمبوزو .
...............................................................................................................
Mohamed
Hussein
8
يوليو 2017·
ساعة ما كنا حمير
طيبين
.
من قد عشره خمستاشر
سنه كنا بنقعد كلنا كده بربطة المعلم , و نترص قدام قناة الخنزيره و نفتح بؤنا , نشوف
الأخبار و التقارير و البرامج و ننبهر , اه و عهد الله كنا بننبهر ( ده شغل صهاينه
على مايه بيضا )
.
محدش سأل نفسه
فينا ( و احنا فاتحين بؤنا ) هما ليه قادة طالبان و القاعده مابيبعتوش تسجيلاتهم الصوتيه
إلا للجزيره , هو أسامه بن لادن كان في أفغانستان ولا الدوحه ؟ يسري فوده كان بيوصل
ازاي لكهوف تورا بورا و يقابل قادة طالبان وسط الحرب ؟ هل مثلا لانه جامد و جبار وبيمشي
عالحيط و مخاوي ؟ ازاي الجزيره أعلنت سقوط مطار بغداد قبل سقوطه الفعلي ب 3 أيام ,
هل كانت قاصده ولا كانت متوقعه باعتبار انها من أهل البيت و بتقرا الفنجان وتوشوش الدكر
؟ .
.
الخبراء العسكريين
اللي جابتهم الجزيره في الغزو الامريكي للعراق كانو بيروجو للقوات الأمريكيه كأنها
امهم اللي خلفتهم , و عزمي بشاره قالو عليه مفكر عربي و مناضل , أه و رحمة امي بيعتبروه
مناضل و حد جميل اخر حماده .
.
في الوقت ده لما
كان مبارك و رجالته بيقولو ان قطر بنت تيت و الجزيره بنت تيت ماكناش بنصدقهم لأن مبارك
كان فقد مصداقيته , فقد مصداقيته بسبب اعلام عبيط و تعيينات بالواسطه و المحسوبيه و
مبنى اسمه ماسبيرو يا طوله يا عرضه مابيوصلشي صوته لمترين خارج المبنى .
.
اللي حصل في أخر
عشره خمستاشر سنه في منطقتنا العربيه كان حرب تدمير و إباده , خطة صهيونيه بريطانيه
أمريكيه ( قطر مجرد فار من فيران الغيط مش اكتر ) , أهم أسلحة الحرب دي اسمها الإعلام
و مواقع التواصل , بتمتلك السلاح ده و تعرف تستخدمه ولا لا ؟ و من هنا جت مطالبتي الدايمه
بإنه يكون عندنا قناه اخباريه عالميه ( أهميتها ماتقلش عن الرافال و الميسترال ) ,
و فريق متخصص من الاجهزه الامنيه و المحترفين لإدارة المعركه إلكترونيا .
.
مكانشي عندنا الحاجات
دي عشان كده قدمنا تضحيات أكبر شويه , لكن مانهزمناش و وقعنا زي غيرنا و زي اللي حوالينا
, انتصرنا و بننتصر و هننتصر , بفضل شعب أغلبه وطني ( حتى لو انخدع لفتره من الوقت
) و بفضل جيش قوي و أجهزه امنيه مستعده تقدم تضحيات , دي الحدوته باختصار و من غير
تنظير كتير .
..............................................................................................................
Mohamed
Hussein
7
يوليو 2017·
البلد دي عجيبه
والله , فيها ستات و بنات عندهم استعداد بكره الصبح يعملو جيش نظامي كامل عشان يدافعو
عن ترابها و أرضها , جيش نظامي يعادل جيوش ست سبع دول مجتمعه , بس مشكلة الستات والبنات
و العائق الوحيد قدامهم إن البلد نفسها مليانه رجاله و شباب , و جنود في وقت الحرب
بيكونو عاملين زي ثمار الجنه , تقطف منها ثمره يطلع مكانها اتنين .
.
أخاف على مصر من
مين و من ايه يا مولانا ؟ داحنا الدوله الوحيده في كتاب التاريخ اللي دخلت في عدد من
الحروب أكتر من عدد سكان دول و دويلات تانيه , لو كانت مصر دي ماتت قبل كده يبقى ممكن
تموت دلوأتي , هي ماتت قبل كده ؟!! .
.
تقولي بقى بنحارب
تحالف كامل لقوى الشر , تقولي بنواجه خيانه عربيه من كل ناحيه , تقولي بنحارب مخلوقات
فضائيه , والله ما بتفرق معانا , مانا قلت لك , احنا الدوله الوحيده في العالم اللي
بتحارب اكتر ما بتستحمى .
........................................................................................................................
Mohamed
Hussein
7
يوليو 2017·
يقيني , و الصبر
.
ماعنديش إيد أعرف
أحطها على خدي ولا دموع ممكن تنزل في مواقف زي دي .
.
سته و عشرين شهيد
و مصاب من أبطالنا , من الورد الحقيقي اللي فتح في جناين مصر .
.
الحدوته اسمها
الشبكه , السلسله , سلسله الوساخه و الإنحطاط اللي نعرفها كويس احنا كشعب , نعرف حلقاتها
حلقه حلقه , عندنا يقين بيها , إنما الدوله معندهاش يقين بحلقات السلسله , الدوله عندها
أدله و براهين .
.
السلسله بتبدأ
من عندنا , من جوه البلد , من الإرهابي اللي ساكن قدامك , من الكولجي اللي مركوب منه
بقاله 7 سنين , السلسله بتبدأ بصفحات الفيس بوك المحرضه و المتعاطفه , بتبدأ بخواجات
ولاد وسخه يقولو مفيش إرهاب , لا ده فيه إرهاب بس اسمه العنف المتبادل , لا فيه ارهاب
بس فيه تقصير أمني ( اخرس يابن الشر*وطه ) .
.
السلسله بتمشي
و تلاقي في حلقاتها انجاس حماس و أنجاس قطر , اللي يعمل مكان لتدريب الإرهابيين و اللي
يوفر لهم السلاح و اللي يصرف عليهم .
.
السلسله بتمشي
كمان و حلقاتها توصل للحمقى اللي صرفو مئات المليارات في اشعال المنطقه , كل الحلقات
اللي فاتت في السلسله دي عرب , كلهم عرب , و بعد كده بتيجي الحلقه الرابعه , دولتين
استعماريتين عندهم احلام و ماعندهمشي مانع يبقو كلاب سكك , تركيا و إيران , العرب بالنسبالهم
فريسه و لما يكون عند الفريسه ما يكفي من الحماقه ( البتروليه ) و الحماقه ( الدينيه
) يبقى حلو أوي , لقمه طريه , السلسله بتوصل للحلقه قبل الأخيره , حلقه فيها بريطانيا
و أمريكا , فرصه جميله لهدم الجيوش و سرقة النفط و بيع السلاح و خراب الدول , و أخر
حلقه في السلسله اسمها الكيان الصهيوني , اللي في 7 سنين خربت حواليه الدول و سقطت
الجيوش و هو ماعندوش لمبة كهربا اتحرقت , لا سحر و لا شعوذه ( البركه في البهاليل و
الدراويش و الخونه و الحمقى )
.
مصر , اللي هي
أرض الكنانه , أم الدنيا , البلد اللي اتولدت قبل التاريخ بيومين , البلد دي لا يعجزها
أبدا هدم قطر و قطاع غزه على دماغ اللي فيهم , و في أقل من ساعتين , انما اطلع فوق
تاني و شوف حلقات السلسله اللي بتخلّينا نمدّ حبال الصبر .
.
يقيني بالنصر لا
محاله , مع ان الحقيقه المؤكده بتقول ان مصر متحالفه مع نفسها فقط , و أي محاولات مع
أشقائنا الزفت العرب هي محاولات للتحييد مش للتحالف , يقيني بالنصر جاي من ايماني بالله
و بإن الأرض دي محفوظه ليوم الدين .
.
في النهايه عايز
اقول لحضراتكو كلمتين , اعتبروهم تخاريف , ليا في البلد دي دم شهيد رواها , دم قريب
مني أوي , و ليا فيها أحباب اتوجعو و اتصابو و اتألمو , و مع ذلك مش همنّ عليها ولا
هفكر في لحظه ان ليا حق عندها , لا بالعكس , هي اللي ليها كل الحق عندي و كل الحق عليا
.
.............................................................................................................
ليست هناك تعليقات:
إرسال تعليق