Mohamed
Hussein
12
يوليو 2017·
الحلزونه
................. باختصار
.
- الوضع الخليجي
كله بائس , شديد البؤس , دول الخليج أصلا هي دول غنيه حتى حين أو غنيه حتى إشعار أخر
, يعني دول فقيره جدا في الحقيقه , لانها بتفتقد السياده الكامله على أراضيها , و بالتالي
, فلوسها و بترولها و سلطاتها كلهم على بعض كده في حنك السبع , السبع اللي جابوه برجليهم
لحد أرضهم و لحد عندنا , و الله مانا عارف هما اللي جابوه ولا هو اللي جابهم ولا هما
الإتنين جابو بعض !! .
.
أفة منطقتنا العربيه
في اخر 100 سنه هما 3 حاجات أو 3 كوارث حقيقيه
مستمره , من 90 سنه جالنا الكيان الصهيوني , من 90 سنه جابولنا جماعة الاخوان الإرهابيه
( بالصدفه البحته طبعا !! ) , من خمسين ستين سنه ظهر البترول في جزيره العرب , و عليها
يا مولانا , هتلاقي التلاته متداخلين بشكل عجيب , و تشم ريحتهم في كل خراب , فلما تيجي
تقولي عايزين نبقى زي البرازيل و ماليزيا , أقولك حط لي جماعه ارهابيه معندهاش أي انتماء
في البرازيل و هات كيان صهيوني جنب ماليزيا و خلّي دول الجوار لهم عندها بترول و عندهم
غباوه اكتر من البترول فقامو عاملين قواعد
عسكريه للأمريكان و البريطانيين أكتر من محطات البنزين , والنبي تتلهي على عينك و ماتبقاش
مجرد حمار حافظ كلمتين .
.
حتى في الموضوع
الأخير , بتاع الدول الأربعه المتحالفه ضد الكشك بتاع الخليج , بص كده ؟ بصيت كويس
؟ طيب , امريكا بتلعب في الناحيتين , يعني نازله بفريق هنا و بفريق هنا , السعوديه
و الإمارات عنيهم مكسوره لإن ايديهم اتوسخت بنفس الإرهاب و بسبب نفس الشاذ اللي واقفين
ضده حاليا ( و مصر من 3 سنين بتنادي لحد ماصوتها اتنبح ) , أمريكا بقى اللي نازله بفريقين
دي هي الراعي الرسمي و الحصري للإرهاب مع الشقيقه
الجميله بريطانيا , اللي كل قادة الخليج قابلو الكونتيسه بتاعتها تيريزا ماي على سلم
الطياره و راسهم في الأرض .
.
تركيا اللي في
الفريق التاني ملهاش امن قومي في قطر , يعني بعتت جنودها مجرد يكونو شوية مرتزقه بفلوس
, و مع ذلك هتلاقي الخواجات بتوعنا بيتغنو بخليفة الشواذ , تخيل لو مصر بعتت 5 الاف
جندي بس لسوريا كان زمانهم بيقولو على جنود مصر ايه ؟ .
.
ايران دوله استعماريه
تاريخيه زيها زي تركيا و امريكا و بريطانيا , برضه عُربان الخليج جابوهم لحد عندنا
, ماشاء الله تبارك الله لمّو كل البلطجيه و
الصيع اللي في كتاب التاريخ و جابوهم ( مش بقولك عندهم غباوه اكتر من البترول
) و برضه الخواجات بتوعنا هيتغنو بالمجد الإيراني .
.
تقولي مصر عايشه
و عاشت إزاي وسط المستنقع و كمية الزباله اللي حواليها من كل ناحيه دي ؟ أقولك ده اللي
يهمني , مصر يا مولانا هي سر من أسرار الله في الكون , و عهد الله لو كانت قاره بحالها
كان زمانها خربت مداين .
.
طب بنشتري سلاح
ليه بقى ؟ ممممممممممم بص , انا ريقي ناشف و مناخيري مابقتش مستحمله , و خلصت كل المصطلحات
اللي في كتاب الأباحه .
ليست هناك تعليقات:
إرسال تعليق