Mohamed
Hussein
14
يوليو 2017·
عارفين بقي , حجم
الزعل و الوجع اللي حصل جوه قلوب و صدور الناس لما زادت الأسعار مره و اتنين و لما
اترفع الدعم , الحجم ده أقل بكتير من حجم الوجع جوه نفس الناس و نفس الصدور لما بيسمعو
عن حادث إرهابي , مع إنهم مايعرفوش حد من الشهدا , إنما خوف المواطن المصري الطبيعي
البني أدم على بلده و أمنها القومي بيسبق خوفه على لقمة عيشه و كسوة عياله .
.
عارف ياريس , لا
اصبر عليا , هقولك أنا , انا مواطن مصري و عارف
- عارف إن الحكايه
حلقات في سلسلسه , سلسله على راسها بريطانيا و أمريكا و الكيان الصهيوني , سلسله في
حلقاتها تركيا و إمارة الوساخه , سلسله بتنتهي بالجماعه الإرهابيه و حركه حماس , سلسله
ياريس سلسلسه , و حلقاتها متشابكه .
.
عارف ياريس إننا
مدّينا حبال الصبر عالأخر , و سامح شكري طالع عينه , زيه زي جيشنا و شرطتنا , و عارف
ان المعجنه اللي حصلت في منطقتنا و اللي اتخططت لها من عشرين سنه فاتو , المعجنه دي
مكانشي ممكن تحصل او تتم إلا بتواطئ عربي و أموال عربيه , مليارات متلتله , و ترحيب
بكل قوات عربجية العالم و التاريخ , خيانه خليجيه باختصار و بامتياز , و عارف انك صوتك
اتنبح بتشرح للسعوديه من سنين و تقولهم بلاش و الدور هييجي عليكو .
.
و عارف ياريس إن
التحالف اللي دخلناه ضد إمارة الوساخه كان لتفكيك مكعبات مش اكتر , يعني رفع الغطاء
الخليجي مع العلم إن أمريكا هي الراعي الرسمي للإرهاب و ان اللي بتعمله حاليا مجرد
ابتزاز للطرفين عشان تطلع من الغنم بشوية مليارات , و مع العلم ان غيرها اتوسخ بنفس
الإرهاب حتى لو بدرجة أقل , انما جميل اننا نفكك المكعبات شويه , ماشي , كويس .
.
عارف كل اللي فات
ده بس عايز اقولك حاجه , يمكن يكون الوقت مناسب جدا , و الفخ مبقاش فخ بالشكل الكامل
, احنا باختصار ياريس محتاجين حاجه تفرحنا , حاجه تشفي صدورنا , حاجه تقول للعالم كله
إن صبرنا له حدود , حاجه تليق بحجم الوساخه اللي شوفناها من الخونه و الأنطاع .
ليست هناك تعليقات:
إرسال تعليق