Mohamed
Hussein
20
يوليو 2017·
من ضمن الأسئله
الوجوديه اللي مش بلاقي لها إجابه واللي بتشغل تفكيري دايما :
هل الحمقي و الأغبياء
و البهايم و الحمير و البغال بيدخلو الجنه ؟! .
.
يعني مثلا لو فيه
بني ادم بيأدي فرايضه و يصلي و يصوم و مقطع حصر الجامع بس عاش عمره كله و مات و هو
مقتنع و متأكد إن أردوغان السفاح البلطجي بتاع المثليين و العاهرات و سرقه البترول
يبقى خليفة المسلمين , و إن الشاذ ابن موزه
بيكره اسرائيل و ان حركة حماس الحاليه هي حركة مقاومه ضد الكيان الصهيوني و إن قناة
الخنزيره بتاعة مصداقيه و شفافيه و حريه و حرنكش , و إن تقسيم فلسطين اللي تم من كام سنه كان خطوه جميله
أخر حماده لتحرير القدس .
.
الكائن البني أدم
ده بقى ممكن يدخل الجنه ؟ يعني انا لو حسُنَ عملي أو حسُنت خاتمتي و ربنا أكرمني بدخول
الجنه ممكن ألاقي الأشكال دي هناك ؟ طب كده
يبقى ربنا بيكافئني ولا يعاقبني ؟! ..
.
ماهو الواحد ممكن
يستحمل وجودهم في الدنيا باعتبار إنهم ( بلاء ) بنؤجر عليه , أو يتعامل معاهم بطريقة
( و يخلقُ ما لا تعلمون ) ,
.........................................................................................................
Mohamed
Hussein
20 يوليو
2017•
مجموعه جميله من
طلبة الثانويه العامه اللي ساقطين في 3 مواد و أكتر عاملين وقفه احتجاجيه قدام وزارة
التعليم وقاطعين الطريق , ليه بقى ؟ مش عايزين
يعيدو السنه زي ما القانون بيقول , عايزين يدخلو دور تاني .
.
أعزائي طلاب الثانويه
العامه الساقطين , أنا متعاطف جدا معاكو , قانون ايه و بتاع ايه , تلاقي الوزاره مش
عايزاكو تدخلو دور تاني عشان فيه مستثمر كويتي عينه على مقاعد الدور التاني و حاجزها
.
.
أنا هطالب وزير
التعليم انكو تدخلو دور تاني ( و ورقة القانون
ده نقطعها ) , و اللي ينجح منكو يدخل طب على
طول و اللي ماينجحش يدخل علاج طبيعي .
.
و لما تدخلو كليات
الطب و العلاج الطبيعي ماتروحوش الكليه , و الله مانتو تاعبين نفسكو , ولا تدخلو امتحانات
و لا مهم انكو تنجحو , هنجيب لكو الشهاده لحد عندكو , و لو عايزين ماجستير نجيب لكو
ماجستير , عشان ماتقطعوش الطريق تاني ( عارف
انكو بتمارسو حقكو الديموقراطي في قطع الطرق , عارف عارف ) .
.
ماهي أصل الدوله
بنت التيت دي مابتقدرش المواهب و الكفاءات بتاعتها , اللي زيكو لو سافر لدولة زي فرنسا مثلا و هو شايل
7 مواد في الثانويه العامه ؟ بيقابله الرئيس الفرنسي في المطار و أول ما بيشوفه بياخده بالحضن و بيعينه
في منصب نائب رئيس جامعة السوربون .
ليست هناك تعليقات:
إرسال تعليق