Mohamed
Hussein
16
يوليو 2017·
يا حضرة الظابط
؟
- نعم
.
عارف قصة زينه
و احمد عز و متجوزين لا مش متجوزين , العيال
ولادك لا أقسم بالله ما ولادي ؟
- أه عارفها طبعا
.
.
الحكايه دي اللي
بدأت من أيام عاطف عبيد تقريبا ولا أحمد نظيف , أيام ما كانت الفرخه ب 3 رجول .
- أيوه بقالها
سنين طويله .
.
أهو النهارده قريت
خبر إن القاضي لسه بينظر في القضيه
- لا بجد والله
؟
.
اه و عهد الله
زي مابقولك كده , العيال اللي هما ( ولاده و مش ولاده ) قرّبو يدخلو الجامعه بس القاضي
لسه ماحكمش .
- محمد ؟
.
نعم ؟
- عايز تقول ايه
.
.
عايز اقولك ان
منظومة و ترسانة القوانين الباليه واحده , فلو سمحت مش عايز قاتل سفّاح يدخل السجن
و يقابل مراته في السجن و مراته تبقى حامل في السجن و نعلفه في السجن و نعالجه في السجن
و نجيب له فياجرا في السجن , و القاضي ينطق بالحكم لما المدام تولد بالسلامه و العيال
يكبرو و يدخلو الجامعه .
- قصدك تقول أأأ
.
.
أه يافندم , قصدي
أقول , ماتسلّمش إرهابي للقاضي , سلّم جثة الإرهابي لأهله , عشان دم زمايلك يبرد و
عشان الكلب يبقى عبره لبقية الكلاب .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
Mohamed
Hussein
16
يوليو 2017·
من أول ألف باء
, زرع و حصد و عمو حسن يشد الكرنبه :
.
- الدوله لما بتصرف
عشرات المليارات عشان تحل مشكلة العشوائيات مش بيبقى غرضها بس إنها توفر سكن أدمي لسكان
العشوائيات , ده غرض رئيسي و مباشر إنما فيه غرض تاني أمني , العشوائيات اللي تراكمت
في التلاتين اربعين سنه اللي فاتو , كل منطقه منهم بتبقى قنبلة موقوته , خطر على أصحابها
, و المنطقه و أصحابها خطر على المجتمع , لما بتتحول المناطق دي لأرض خصبه لتجارة المخدرات
و السلاح و لإيواء الإرهابيين و لكل أشكال الجريمه .
.
- مفيش دوله في
الدنيا , لا مصر ولا غيرها , بيصحى وزير داخليتها الصبح يقول للمساعدين هنعمل ايه النهارده
؟ يقولو له مفيش حاجه نعملها يافندم , يقوم يقول لهم طب خلاص ابعتو قوات تزيل العشوائيات
و الإعتداء على ممتلكات الدوله اللي في الوراق
!! المفهوم ده ماينفعش يخطر على بال عيل لسه بيعمل بيبي في الشارع تحت الشجره , و المنطق
البسيط بيقول إن إزالة التعدي على ممتلكات الدوله قرار من شهور و شغالين فيه يوميا
, و إن اخلاء العشوائيات ده قرار من شهور , و إن الكل عنده علم , و التفاوض اكيد كان
موجود , و الإنذارات أكيد موجوده , و قرار التنفيذ هتلاقيه موجود , يعني السكان عندهم
علم مسبق من فتره كمان .
.
- لما اتكلمت عن
الشده و القسوه في التعامل و هيبة الدوله
, كنت بتكلم عن الحالات اللي زي دي تحديدا , ناس بتقاوم السلطات و بتعتدي على
رجال الشرطه بالخرطوش , و إجمالا و حيث إن الداخليه قررت تأجل موضوع الورّاق هقول حاضر
و أمين , ليه بقى ؟ هو انا كلامي بيناقض بعضه ؟ لا خالص , اللي فات ده كان رأيي وانا
قاعد مكاني , إنما الداخليه أدرى بحسبتهم الأمنيه , بحسبة الخساير , بالحس الامني , بالتوقيت , هما ادرى ( مانا بطلت من زمان اعتقد
إن ربنا خلق الحكومه عشان ترازي في الشعب ,
و ربنا خلق الشعب عشان يرازي في الحكومه ) .
.
- ممكن تتعاطف
مع سكان جزيره الوراق في حالة واحده بس , لما يكون الموضوع استقصاد ( استنصاد ) , و
تسأل نفسك , هل الدوله بتزيل التعديات على أملاكها ( اللي هي املاكنا ) في كل مكان
؟ الإجابه اه , هل الدوله فيها خيار و فقوس و ده وزير و ده قاضي و ده راجل اعمال نقوم
نسيب له الأرض اللي نهبها ؟ الإجابه لا , هل فيه حد كاسر عين الدوله حاليا ؟ الإجابه
لأ .
.
- تسمع بقى معاليك
ان فيه واحد اتقتل من سكان جزيره الوراق في الإشتباكات دي ( اللي فيها تلاتين مصاب
من الشرطه ) و تنزل بأم البؤين الحمضانين بتوعك , ده كان حافظ كتاب الله , ده قتلوه
و هو بيصلي , ده كان بيرمي عالشرطه ورد و ساندوتشات حلاوه بالقشطه , ده مستقصدينه عشان
هو ضد السيسي , ده كان طالع الأول على دفعته في الثانويه العامه , ده كان أحسن باك
شمال في العالم , ده معاه دكتوراه في القنبله الذريه و الدوله بتقتل علمائها !! مالكش
عندي غير البلوك و الجزمه , ليه بقى ؟ عشان المرقعه دي أخرها تعمل شقه دعاره , لكن
ماينفعش تبني دوله .
ليست هناك تعليقات:
إرسال تعليق