Mohamed
Hussein
7 ديسمبر 2016
في خلال كام سنه
هيكون فيه عدد من القواعد العسكريه الأمريكيه و البريطانيه في الخليج أكتر من عدد محطات
البنزين , بس عارفين ؟ المشكله مش هتكون في شويه قواعد أمريكيه و بريطانيه متنطورين
في السعوديه و قطر و الكويت و البحرين , المشكله هتحصل لما يقرر الأمريكان و البريطانيين
انهم يفتحو القواعد دي على بعض !! .
....................................................................................................................................
Mohamed
Hussein
8 ديسمبر 2016
في المعاني و الدلالات
, ......... و لا عزاء للبهايم .
.
1- أزعم إني واحد
ربنا أكرمه بمعرفة المعنى اللي ورا اللفظ , الدلاله , الحاله , يعني مثلا لما غلام
سلمان اللي اسمه اياد مدني تطاول على السيسي , بدأ المعنى و الدلاله بالوقاحه من أول
ما قال ( هذا خطأ فاحش ) , عشان ببساطه اللخبطه بين أسماء 2 رؤساء دول مش خطأ فاحش
ولا حاجه , كلمة فاحش هنا دلالتها الوقاحه و الإنحطاط من غلام طويل العمر , يعني بالبلدي
تلقيح كلام بدأ من عند كلمة فاحش .
.
2- الشيخ الشعراوي
الله يرحمه لما قالوله و هددوه انه يتنقل , قال لهم (هتودّوني بلد مفهاش ربنا ؟ )
, المعنى اللفظي لو خدوه البهايم بشكله كده , ربنا مش مقيم في بلد عشان تتقال الجمله
كده , لكن المعنى و الدلاله ( هتودوني بلد مفهاش رحمة ربنا ؟ هتودوني بلد مفهاش عدل
ربنا ؟ هتودوني بلد مفهاش إرادة ربنا ؟ ) .
.
3- واحد اعرابي
اتلخبط و قال اللهم أنت عبدي و أنا ربك !! هل ربنا سبحانه و تعالى هيعلق لك المشنقه
على خطأ لفظي ؟ , و المعنى هو العكس , واللي مستقر في وجدان الأعرابي هو العكس , هما
البهايم فاكرين ربنا ايه بالظبط ؟!
.
4- واحد أعرابي
قال , لو حاسبني ربي لأحاسبنه , لو حاسبني ربي على ظلمي سأحاسبه على عدله , و لو حاسبني
ربي على بخلي سأحاسبه على كرمه , الكلام ده ايه يا معشر البهايم ؟ ينفع يتقال عليه
كفر و إلحاد و إدعاء ألوهيه ؟ .
.
5- طب السيسي قال
ايه بقى ؟ قال اللي يقدر على ربنا يقدر علينا , قريت الجمله 10 مرات و في كل مره أقول
( الله الله الله ) , هو المعنى ايه ؟ المعنى اهو باختصار , يارب احنا مرينا بظروف
صعبه و خوضنا معركه أصعب , قاومنا و تعبنا , قاومنا إننا نشارك في قتل و حرق و خراب
بلاد و جيوش , و دفعنا التمن حتى من لقمتنا , يارب احنا ماوقفناش في حلف الشيطان ,
احنا عملنا الخير و صبرنا عليه نبقى في حلفك يارب , في حلف الله , مين يحمينا و مين
يسندنا بعد ماكل اللي حوالينا باع و خان ؟ ربنا يحمينا و يسندنا , مين هيقدر علينا
لو كان ربنا حامينا و ساندنا ؟ و كفى بالله و لياً و كفى بالله نصيرا .
.........................................................................................................................
ليست هناك تعليقات:
إرسال تعليق