Mohamed
Hussein
3
ديسمبر 2016·
نقطة نظام .
.
السياسه فن الممكن
و المتاح مش فن لامؤاخذه , و السياسه مفهاش
اضرب يا هاشم انا مسامحك عشان خاطر امك ( زي النكته مابتقول ) .
.
عايز أقول كلام
كتير أوي , و البوست كالعاده هيبقى طوله متر و نص أد قماشة البنطلون ( على رأي الله
يرحمه جلال عامر ) , والناس هتصدّع , خلاص مش هقول , انا ساكت أهو و بالع لساني , انما
يعني طويل العمر استنى لما السيسي غادر الإمارات و راح زارها النهارده و بعد كده هيطلع
على عزبة قطر !! , زي شغل العيال و الصبيه و محدثي الأسنان و محدثي العقول , و كذلك
يفعلون , ابلع بقى و اسكت و ابقى اسمع كلام العبد لله .
.
المراره يا بني
أدمين المراره , في السياسه مفيش حاجه اسمها أصل دي أرض الحجاز و أرض سيدنا النبي
, يا مولانا أقسم بالله و رحمة سيدنا النبي مرارتي لو حديد ماركة كاتربيلر ماهتستحمل
.
.
و المواطنه يا
بني ادمين , المواطنه بتعني انك تبقى في ضهر دولتك , بتساندها , حبيبها هو حبيبك ,
عدوها هو عدوك ( حتى لو بصوره مؤقته ) , من غير تطاول وشتايم و هطل , انت بس بتبدي
اعتراضك و تحفظك يعني بتسجل اسمك في كشوفات المواطنين الشرفاء و كتاب التاريخ وفي كتاب
( احترامك لنفسك و دولتك ) , و عندك قاعده أساسيه بتقول ( و إن عدتم عدنا ) .
.
ده عند المواطن
البني ادم العاقل ابن البلد , مش عند المراكيب ولاد التيت اللي بيدّورو بإبره على أي
حد يعادي دولتهم عشان يعملوه بطل و زعيم و إمام و خليفه و مدرس فرنساوي لحد مانلاقي
مدرس فرنساوي , ولا عند العيال بتوع : اضرب يا هاشم انا مسامحك عشان خاطر أمك و عشان
خاطر التاريخ المشترك و العلاقات المتينه بين الدولتين ( والنبي حلوه المتينه دي )
, أعوذ بالله و إياكم أن نكون منهم ( من دوكهم و دوكهما ) .
.
ياااه , و الله
الواحد دماغه متسنجفه و مترتبه و حلوه , أنا بحبني , و بحترم جدا التاريخ المشترك و
العلاقات المتينه بيني و بين دماغي .
...........................................................................................................
ليست هناك تعليقات:
إرسال تعليق