Mohamed
Hussein
27 ديسمبر 2016
يا قوة الله ,
150 مليون جنيه , ده غير العقارات و العربيات و الفيلل و و الأراضي و المستنقعات اللي هتظهر في التحقيق , 150 مليون جنيه
فلوس سايله في البيت مش في البنوك ( يعني الفكّه
) , ميه و خمسين مليون جنيه
!! يطلعو كام جنيه دول يا باز أفندي ؟
.
البت لمار بنتي
اللي في أولى ابتدائي لما بتكون عايزه تشتري بيتزا من كانتين المدرسه و البيتزا ب
5 جنيه , و انا مش معايا فكه أقوم مديها 10 و أنبّه عليها انها ماتنساش تاخد الباقي
من موظف الكانتين , و تاني يوم أول ماشوفها من غير سلام ولا كلام كده اسألها عن ال
5 جنيه الباقيه , فين يابت ال 5 جنيه ؟ اطلعي بال 5 جنيه بدل ماتطلعيها قدام البيه
الظابط .
..........................................................................................................................
Mohamed
Hussein
27 ديسمبر 2016
كالعاده , الكولجيه
ماكدّبوش خبر , سمعو موضوع القبض عالموظف المرتشي من هنا و هاتك يا افتكاسات من هنا
:
- قبضو على واحد
مرتشي طب و الباقي فين ؟ ( ابقى تعالى و انا
اقولك فين ) .
- الدوله لو جاده
في محاربة الفساد كانت تحقق معاه و تعرف بقية شبكة الفاسدين اللي اتعامل معاهم ( ماهي
النيابه بتحقق معاه يا حمار )
- دي قضيه متلفقه
من السيسي عشان يداري على ماعرفشي ايه ( يداري على ايه يا عرة مخاليق ربنا ؟ انت ياض
مابتزهقش ؟ ) .
- ده السيسي عاملها عشان يلمع ابنه ( هو فيه رئيس
دوله في الدنيا بيبقى محتاج انه يخلق قضية رشوه عشان يلمع ابنه ؟ يابو جهل ده رئيس
مصر مش رئيس مراجيح مولد النبي )
.
.
بالنسبه لخرفان
الجماعه الإرهابيه , مش هتهرو تفتكسو ولا ايه ؟ عندي لكو خبر حلو هينفعكو أكيد , لقينا
صوره للموظف المرتشي وهو بيعمل عمره , اه و عهد الله ( و غالبا كان بيعمل عمره كل سنه
) , يبقى ايه بقى ؟ أيوه كده الله يفتح عليكو .
- قبضو عالموظف
التقي الورع
- قبضو عليه و
هو بيصلي و يعمل عمره وصايم ( مع بعض كده لوكشه واحده )
- قبضو عليه عشان
كان ضد الإنقلاب .
- صمودك أخجلنا
يا سيدي .
.
و ماتنسوش بقى
تعملو حملة تبرعات و تحفرو له بير في
أوغندا .
........................................................................................................................
ليست هناك تعليقات:
إرسال تعليق