Mohamed
Hussein
1
ديسمبر 2016·
لو حقيقي ان فيه
قمه مصريه سعوديه هتحصل في الإمارات ( لتنقية الأجواء ) , و بعيد عن احلامنا الورديه
و أمنياتنا , حضرتك بتتمنى انها تنجح و انا كمان و الله بتمنى , بس الواقع بيقول صعب
أو مستحيل , أمر سلمان مبقاش بإيده , يعني معتقدشي ان عنده رفاهية الإختيار !! , ماهي
أسوأ حاجه في الدنيا انك تدخل في تحالف مع الشيطان , مجرد دخولك للتحالف بيعني وصولك
لأضعف نقطه يوصل لها نظام سياسي .
.
ثانيا الحكايه
مش ( تنقيه أجواء ) ولا ينفع يتقال عليها كده , مكانتشي طرطشة مايه أو زوبعه في فنجان
, الحكايه كانت مشاركه في لوي دراع ( بترول أرامكو مثلا ) و مشاركه في وقاحه ( إياد
مدني مثلا ) و مشاركه في انحطاط ( ضوء أخضر للخنزيره القطريه عشان تعمل فيلم قذر مثلا
) , و محاولة فرض قرار سياسي مغاير تماما لعقيدة مصر و عقيدة الجيش المصري ( موضوع
سوريا مثلا ) .
.
معالي رئيس دولة
الإمارات العربيه المتحده , أولاد الشيخ زايد , مجهودك مشكور و فوق الراس , و أي حد
عاقل كان لازم يفكر و يقتنع تماما بأهمية الحفاظ على علاقات طيبه بين الدولتين العربيتين
الأكبر في المنطقه ( اللي لسه واقفين على رجليهم ) , بس معاليك عارف أكيد إنك محتاج
مايه كتير أوي عشان تغسل ايدين طويل العمر ( و تطهّرها ) , ده لو كان أصلا عنده رفاهية
اختيار إنه يغسل ايديه .
............................................................................................................................
Mohamed
Hussein
1
ديسمبر 2016·
أعبط و أغبى إنسان
في كوكب الأرض و المجموعه الشمسيه هو الشخص اللي كان قاعد و مستني البرلمان البريطاني
يطلّع قرار يوصف فيه جماعة الإخوان بإنها جماعه ارهابيه !! , وحده العبيط الساذج المتخلف
عقليا هو اللي ممكن يتخيل إن فيه أم في الدنيا لما بتتسأل عن سمعة بنتها بتقول حاجه
غير انها أشرف من الشرف .
.................................................................................................................................
Mohamed
Hussein
30
نوفمبر 2016·
مش عارف ليه بقى
عندي اعتقاد إن أغلب مشايخ السلفيين اللي متصدرين المشهد هما عباره عن كائنات حيه في
حالة بيات شتوي متواصل طول السنه ( أو ممكن تقول غيبوبه ) , الدنيا تتشال و تتهبد حواليهم
و هما في نفس الغيبوبه , بيظهرو بس في مواسم محدده , في أعياد المسيحيين عشان يقولو
حرام نبارك لهم , في احتفالاتنا بالمولد النبوي عشان يقولو حرام , في لحظة السلام الوطني
عشان يقولو حرام , و لو في مره صحيو من البيات الشتوي صدفه و مالقيوش مناسبه من اللي
فاتت دي عشان يفتو و يهرو فيها يقومو متكلمين بقى عن حرمة وجه المرأه و كعب المرأه
و مناخير المرأه و الطحال بتاع المرأه , ماهو كله إلا الطحال بقى , أنا مره وقع تحت
ايدي صورة أشعه لواحده ست و مكانشي معانا محرم ( أنا و صورة الأشعه بس ) , و شوفت الطحال
من هنا و كنت هتجنن من هنا , ستر ربنا ان محدش دخل علينا في اللحظه دي .
..........................................................................................................................
Mohamed
Hussein
30
نوفمبر 2016·
البردعه
.
بريطانيا مررت
قانون للتجسس بيتيح لأجهزتها الأمنيه بالتعاون مع شركات الموبايلات و الإنترنت انها
تدخل على أي حد و تعمل أي حاجه في أي حته وقت ما هي عايزه , يعني تخترق خصوصية المواطن
بكل الطرق , شامي و مغربي , و طبعا لو لقت أي واحد بيعمل حاجه ( هكّا ولّا هكّا ) أو
حتى بيفكر مجرد تفكير , هيتعلق على عمود النور .
.
ايه يا برادعي
بقى ؟ ايه يا راجل ؟ مفيش ( تويته )عن حقوق الإنسان ؟ مفيش ( بؤ ) كده عن حرية المواطن
, مفيش ( بوسه ) عن الكرامه و قمع الحريات ؟ مفيش كلمتين مجعلصين عن اغتصاب الخصوصيه
و الأدميه على قارعة الطريق ؟ ....... مفيش رز بلبن طيب ؟ .
.
داحنا في مصر لما
بنسجل مكالمه تليفون بين اتنين ارهابيين خونه ولاد كلب بيبقى فيه إذن نيابه و أمر قضائي
و موافقه من أعلى الجهات الأمنيه ( و كل الحكايه مكالمة تليفون ) , و البرادعي يجيله
اسهال تويتات عن اختراق الخصوصيه , و خالد علي يعمل وقفه على سلم نقابة الصحفيين ,
و منظمات حقوق الانسان بعد 7 ثواني تطبع تقرير طوله مترين عن فاشية الأجهزه الامنيه
في مصر ( اللي بتاكل دراع العيال الصغيره ) .
.
اللي لسه لحد النهارده
مايعرفشي إن حكاية الحريه و الخصوصيه و حقوق الإنسان مجرد ( بردعه ) صنعها الغرب عشان
تتحط على ضهر الحمير ( اللي هو احنا ) و يعرفو يركبونا بيها , يبقى يجرب يعيش في بريطانيا
( أو النمسا !! ) و يعمل صفحه عالفيس بوك و يكتب بوست ( و لو بالهزار ) عن طريقة عمل
( قنبله بدائيه الصنع ) ...وابقى سلّم لي على جوزك ياسماعيل بيه .
.............................................................................................................................
Mohamed
Hussein
29
نوفمبر 2016·
اللي ماجرّبشي
يمسك كتاب و يمشي بيه وسط الأراضي و الغيطان و الخضره و الشجر و تبقى الدنيا مفتوحه
قدامه على مدد الشوف و مفيش حد حواليه و يقرا و يذاكر و يتكلم و يشرح لنفسه و يضحك
و يبتسم , فاته كتير أوي من متعة القرايه و المذاكره .
.
و اللي ماجربشي
يتعب من شغل بدني مرهق ( بالفاس ) يقوم نايم عالتراب تحت شجرة كبيره في ساعه عصاري
و يعمل شبشبه مخده و تبقى نسمة الهوا اللي جايه كأنها بتحكي له حدوته عشان ينام , فاته
كتير أوي من متعة النوم .
.
و اللي ماجربشي
ياكل رغيف عيش طري سخن طالع من الفرن لسه حالا مع جبنه قديمه و قشر برتقان مخلل و شوية
سريس و بصله ناشفه فاته كتير أوي من متعة الاكل .
.
الحاجات دي هي
عشقي لحد النهارده , لكم دينكم ولي دين .
.....................................................................................................................
Mohamed
Hussein
29
نوفمبر 2016·
حدوتة اسمها اللاجئين
.
بعد مانجح الربيع
اللامؤاخذه العربي و جاب مجموع كبير , مجموع يدخله جهنم حدف , كان طبعا لازم ولابد
من وجود ملايين اللاجئين !! , الناس اللي بتهرب من جحيم أم الربيع العربي , الناس دي
جزء كبير منهم جه مصر , و جزء راح تركيا و جزء هرب على أوروبا , و اغلب اللاجئين كانو
من سوريا و ليبيا ( و قبلهم العراق ) , طبعا معندناش احنا في مصر حاجه اسمها لاجئين
, الكلمه عيب , مش موجوده في قاموسنا , المواطن السوري مثلا أو السيده السوريه الأبيه
لما تيجي مصر تبقى في بيتها و تتشال على راسنا من فوق .
.
مصر استقبلت مئات
الألاف من الناس اللي هربو من بلادهم و ماجبتشي سيره ولا تاجرت بيهم , تركيا بلد الأغاوات
بقت تستعملهم ككارت تتاجر بيه مع الإتحاد الأوروبي و تساوم بيه أحيانا , دي أخلاق مصر
و دي أخلاق الأغاوات .
.
المهم ألمانيا
من يومين بدأت تفكر إنها تعمل زي مركز توطين في مصر ل 500 الف من اللاجئين اللي في
الإتحاد الأوروبي , و في المقابل تساهم بمبلغ مالي مثلا , و قبلها بكام يوم كان فيه
عرض أوروبي للاجئ اللي عايز يسيب البلد ياخد ألفين يورو .
.
موقف مصر ايه من
حكاية مركز التوطين دي ؟ و موقفي انا ايه كمواطن مصري ؟ فكرة التوطين فيها نقطه واحده
بتقلقني , مش قصه فلوس , احنا بلد بتعرف تقسم اللقمه على 2 و على 7 و على 9 و محدش
بيموت فيها من الجوع , القصه قصة أمن في المقام الاول , و اعتقد ده هيبقى نفس تفكير
السيسي و الخارجيه و الحكومه , يعني حضرتك جاي بمراتك و ولادك تتحامي في ضل مصر و تعيش
تحت سماها ولا جاي تشارك في مظاهرات و مؤامرات و ترفع شعار الخرفان و تشتم في مصر و
في الجيش اللي حامينا و حاميك ؟! هو ده السؤال و هي دي النقطه , جاي تعيش ولا جاي تحرق
؟! .
.
.
أصدقائي الأعزاء
, ادعو بقى للراجل اللي قال ( لن أسمح بلاجئ مصري واحد ) , ادعو للجيش اللي خلّانا
النهارده و في اللحظه دي نقعد نفكر ( نستقبل لاجئين من الإتحاد الأوروبي ولا لا ؟
) , او ممكن تتخيل العكس , تخيل اننا قاعدين دلوأتي بنفكر و بنسأل ( هي الدوله الفلانيه
هتوافق انها تستقبلنا ولا لا ؟! ) .
.
أه بالمناسبه
, السيسي لما قال ( لن أسمح بلاجئ مصري ) !! , الجمله دي ترجمتها باختصار اسمها جيش
مصر , مش التعليم ولا الثقافه و لا الديموقراطيه ولا كل شعارات الحق التي يراد بها
باطل و بيتشعلق فيها الزلنطحيه و يتاجرو بيها , عشان في وقت الحروب و المؤامرات و الازمات
بيبقى الأهم في المقام الأول جيش قوي متماسك , مش تعليم ولا ثقافه , التعليم ده سيادتك
تبدأ فيه النهارده و تشوف تأثيره بعد عشرين تلاتين سنه , ممكن وقتها يحميك شويه ( جنب
الجيش القوي المتماسك برضه ) , لكن التعليم لو بدأت فيه النهارده بالتأكيد مش هيحميك
بكره الصبح .
..................................................................................................................................
Mohamed
Hussein
29
نوفمبر 2016·
هما ليه النشطاء
السياسيين و بتوع الجمعيات الأهليه و بتوع حقوق الإنسان و بتوع القلم الحر و البرايه
الجريئه و المصداقيه و الشفافيه و جمهورية الضمير , ليه بقى ماعملوش وقفه احتجاجيه
على أم سلالم نقابة الصحفيين ضد الفيلم القذر بتاع الجزيره , و خالد علي رفع ايديه
و عمل تمارين الصباح ؟! .
.
الإجابه : عشان
العيل اللامؤاخذه الشمال لايمكن يعض في بت لامؤاخذه شمال زيه , حتى لو مكانشي بينهم
مصالح أو سبوبه مشتركه أو ( زبون مشترك ) أو سابق معرفه , فكره انهم هما الاتنين شمال
بتبقى كافيه للصمت ( و أحيانا التعاطف ) , ماهما ولاد كار واحد ( و سرير واحد ) , الإتنين
بيقلعو للي يدفع , و الإتنين ساقطين في الكيميا .
..........................................................................................................................
Mohamed
Hussein
28
نوفمبر 2016·
مصنع الرجال .
.
لما دخلت الجيش
كنت طبعا في مركز تدريب الخدمات الطبيه , صيادله و أطباء , كلنا جايين بالملكي من بيوتنا
, كل واحد شايف نفسه واااو بقى , اقف هنا في الطابور , اقعد هنا , استنى هتستلم المخله
, النور هينطفي من 9 بالليل , هتصحى من 5 الصبح يا حلو , لازم تحضر طابور الصباح ,
بالفانله و الشورت , ايه يا عم 5 الصبح دي ؟ يا عسكري الكلام ده تقوله هناك , بره السور
ده , حاضر , تمام يافندم .
.
بعد ما خلصنا مركز
التدريب اتوزّعنا , كان نصيبي فرقه مشاه ميكانيكي , بدأت بعدها أشم نفسي شويه , حبة
استقرار , وعشت أصعب و أجمل سنه في حياتي , يمكن صعوبتها سر جمالها , ذكريات لو اتحكت
تتكتب في كتب و مجلدات , شخصيتك بتتغير شويه بشويه , عودك بينشف , مش هتخرج من السور
ده إلا و انت راجل اوي , يتعرف تستحمل , بتعرف تتصرف , بتعرف تعتمد على نفسك , يعني
حماده اللي دخل الجيش لما بيطلع منه يبقى اسمه حموكشه .
.
.
جهز نفسك يا دكتور
عندنا مشروع حرب , تمام يافندم , عربية زِل كبيره مكشوفه , طالعه عالطريق , الدنيا
مطر سيول , مش هينفع العربيه تقف و في نفس الوقت عايزين نفرد الغطا بتاعها عليها عشان
مانغرقشي , يقوم الملازم أول مهندس محمد ( مش فاكر اسم ابوه ) خريج الفنيه العسكريه
, يتشعلق في سور العربيه من بره بايد و يفرد الغطا عليها بايد و هي ماشيه بسرعتها عشان
المايه ماتغرقشي العساكر ( اللي هو احنا ) .
.
طب وصلنا بالعربيه
لتقاطع طرق و فيه دبابات جايه ورانا , المطر حاجب الرؤيه , هنعدي ازاي , يقف المقدم
فلان الفلاني في نص الطريق و يشاور للعربيات اللي جايه في حرف تي تقف مع انها جايه
بأقصى سرعتها و الرؤيه مش اوي , يعني لو سواق شال المقدم مش هنقدر نلومه , تقف العربيات
و تعدي عربيتنا و الدبابات , ده جيش مصر لازم ينضرب له تعظيم سلام .
.
في مشروع الحرب
هتنام فين ؟ ده في قلب الصحرا , نام عالرمل جنب العربيه الإسعاف بتاعتك , سواق العميد
جه صحاني من النوم الساعه 1 بالليل , العميد عايز يقيس ضغطه , يافندم ضغطك عالي أوي
, سيادتك لازم تروح مستشفى , قال عندنا تفتيش حرب بكره , ماينفعش أسيب مكاني , هاخد
دوا الضغط بتاعي و هبقى كويس , عدّت على خير الحمد لله , و خلصنا المشروع و رجعنا
.
.
.
عسكري جايب اشاره
و جاي يجري , خير يا فلان ؟ كل دكاتره الفرقه يجمعو في الكتيبه الطبيه فورا , خير ؟
حادثه جوه الفرقه , حالا , بعد 10 د نتجمع كلنا في الكتيبه الطبيه , ماتسمعشي وانت
رايح غير صوت عربيات الإسعاف بتاعة زمايلك و هما كل واحد جاي من اللواء بتاعه , كنا
حوالي 20 , ظباط و عساكر , بنتعامل مع المصابين بامكانياتنا المتاحه ( البسيطه ) ,
بنخبط في رتب عمرنا ماشوفناها , سيوف و حاجات غريبه كده , عسكري اصابته خفيفه و نايم
عالنقاله , محتاج كام غرزه بس , لو سمحت أنا مش هتخيط كده , عايز بنج , ممممممم ( في
بالي احنا معندناش بنج ) طيب اوك , يا دكتور فلان هات بنج , ( بيبص لي و يستغرب )
, أه بنج يا أخي , نورمال سالين ( محلول ملح ) , ماهو وراك اهو , اه صح , حاسس بحاجه
كده يا حبيبي ؟ لا خلاص , طيب تمام .
.
حكاوينا في الجيش
مابتنتهيش , و الحدوته باختصار , انك بتدخل الجيش المصري و انت راجل ( الجيش مابيقبلشي
الشواذ ) و بتخرج منه راجل أوي .
.
و أصل الحدوته
انك بتتولد و يتكتب في شهادة ميلادك النوع ذكر , و لما بتكبر شويه لازم تأكد المعلومه
دي بنفسك , يا إما تبقى راجل , يا إما تبقى زي تميم ابن موزه كده و العياذ بالله .
.
عايز أقول لخرفان
الجزيره و لبعض شمامي الكوله اللي اتركبو امبارح كالعاده ( و منهم أصدقاء عندي ) ,
الخشونه و الانضباط و الحسم و الحياه القاسيه شويه دي بتبقى عالكل , من أصغر عسكري
لأكبر رتبه , و هي اللي خلت جيش مصر واقف على رجله خصوصا في أخر 5 سنين ( عكس جيوش
تانيه دابت زي حتة الحلاوه النيفا ) , حجم المؤامره و حجم التشويه الممنهج ( من اللي
راكبينكو ) كان كفيل باسقاط الجيش الأمريكي ذات نفسه , يعني كان زمانك دلوأتي انت و
مراتك مجرد ( ترفيه ) لكلاب داعش , اللي هما كلاب ماما أمريكا .
........................................................................................................................
Mohamed
Hussein
28
نوفمبر 2016·
نائب في البرلمان
المصري يبدو إنه اتأثر جامد أوي بفيلم الخنزيره و حس بالإهانه لبلده و جيش بلده و انفعل
و اتحمس و مانامشي طول الليل , و كان مليان غيظ من قطر و الجزيره و تميم ابن موزه عشان
كده أول مادخل البرلمان النهارده طالب بمعاقبة نجيب محفوظ ( الله يرحمه ) على رواياته
, السكريه و قصر الشوق , أصلهم بيخدشو الحياء !! , أه بيخدشوه و يخربشوه من رقبته
, انا شخصيا شوفت بعيني الحياء كان لسه معدّي من قدامي و مخدوش فعلا , خدوش واضحه مش
خدوش أي كلام .
.
لو كنت رئيس مصر
و عندي طياره رافال , كنت أصدرت أوامر انها تطلع طلعه ناحية عزبة قطر , بس و هي ماشيه
في السكه تعدّي فوق البرلمان بتاعنا و ترمي نفحه من نفحاتها .
................................................................................................................................
Mohamed
Hussein
28
نوفمبر 2016·
اقتلو فيلم الخنزيره
بعدم التعليق عليه , محدش يفتحه و يشوفه , قذارتهم مش محتاجه ألف دليل , بلاش تزودو
نسبة المشاهده , اقتلوهم بالتجاهل .
.
و حتى لو كانت
وقاحتهم وصلت لمستوى قياسي و كان ده دليل على انهم واخدين أوك من طويل العمر!! , طويل
العمر اللي هو بتاع بترول ارامكو , طويل العمر اللي بعت غلامه إياد مدني عشان يسخر
من أسياده , برضه ثقو في القياده المصريه و الخارجيه المصريه , كله بأوانه , في الوقت
المناسب هنعرف ننطط ميمون و شيتا .
.
اللي قلب الترابيزه
و خلّى امريكا و الناتو يضربو دماغهم في أوسخ حيطه بعد 2013 مش هيغلب في فقرة : تنطيط
القرود .
..............................................................................................................
Mohamed
Hussein
27
نوفمبر 2016·
ملايين المصريين
غيرو صورة بروفايلاتهم في لحظه و حطو مكانها صورة المقاتل المصري , الغالبيه العظمى
من أصدقائي عملو كده , رجاله و ستات , أولاد و بنات , أغنيا و فقرا , عُمّال و فئات
و فلاحين و دكاتره و علماء و مبيضين محاره , , شيل يابني لوحة ( لجان السيسي الإلكترونيه
) و انزل بلوحة ( لجان الجيش المصري الإلكترونيه ) , و خليك زي مانت كده , معدوم القضيه
و الهويه و الشكل المنظر والطعم و اللون , شم في صوابع رجليك , و استنى تويتة البرادعي
.
...................................................................................................................
Mohamed
Hussein
27
نوفمبر 2016·
الحدوته من أولها
.
1- من أد عشرين
سنه كانت الخطه الأمريكيه في الشرق الأوسط هي انشاء قاعده عسكريه كبيره تكون قاعدة
ارتكاز لها , و قناه اعلاميه تكون منبر اعلامي لها , يتكلم بلساننا العربي ( يعني
: بلسانٍ عربي مبين ) .
.
2- طبعا أمريكا
مابذلتش أي مجهود يذكر في اختيار المكان , الإختيار كان سهل أوي , دويله أد علبة الكبريت
, بتحكمها أسره عندها عقدة نقص طفوليه , و بتحاول باستمرار تلعب دور الطفل العملاق
, بس هو ده , مش عايزين اكتر من كده , يبقى نتوكل على الله و نختار قطر .
.
3- أمريكا قالت
للطفل القطري قاعدتنا العسكريه هتحميكو , و القناه اللي هتعملوها هندرب كوادرها و نسهل
لها عملها في كل دول العالم , ماحنا القوى العظمي الوحيده و ايدينا طايله , أه هنا
عايز أقول لشمامين الكوله سؤال لذيذ أوي : ماتعرفشي مولانا يسري فوده لما كان شغال
مراسل في الجزيره و كان بيروح يعمل تقارير مع حركة طالبان و تنظيم القاعده من قلب كهوف
أفغانستان في وقت كانت أفغانستان فيه مشتعله , كان بيوصل ازاي لقيادات طالبان في قلب
الكهوف ؟ ديك أم عقلك يعني ماجاش على باله السؤال ده ؟!
.
4- دور قطر المرسوم
لها هو نفس دور قناة الجزيره , و الدور بيتلخص في انها تكون ( فار المزارع ) تقرقض
و تنخور و تحاول توقّع العرب في بعض أو توقعهم في أي حفره , و التارجيت هنا اسمه الجيوش
, مفيش قائد ولا زعيم عربي هيجرؤ على انه يدوس قطر بجزمته مع علمه التام بانها مجرد
فار , بس ده الفار بتاع الشيطان الأعظم أو الصبي بتاع المعلمه الكبيره , عشان بس حبايبا
اللي بيسألو : هو احنا ليه مش بندوس على قطر بجزمتنا ؟! .
.
5- نجحت قطر و
قناتها الصهيونيه الأمريكيه في دورها في العراق ( أيام ما أذاعو خبر سقوط مطار بغداد
قبل سقوطه بكام يوم !! ) , و نجحت في دورها في ليبيا ( و اتدمر الجيش الليبي ) و نجحت
في دورها في سوريا ( و صورت الإرهابيين على انهم معارضه سلميه كيوت ) , مش باقي لها
في جدول أعمالها غير الجيش المصري , بقالها 3 سنين بتحاول و بتعمل شألباظات و عايزه
ترضي أسيادها الأمريكان بأي طريقه , بس كله بلح , عشان ده جيش مصر .
.
6- في 2011 و أيام
ماكنا في غيبوبه تامه , كان فيه بتاع خمسين ستين مليون مصري بيتفرجو عالجزيره و مشغلينها
24 ساعه , و من 2013 بعد ما فوقنا مابقاش يشوفها أكتر من ال 500 ألف خروف اخوانجي ضاني
, يعني بحسبه مكسب و خساره و اعلام و مرتبات باهظه و موظفين و نسبة مشاهده , تبقى القناه
دي بتخسر مليارات سنويا و مستمره و مكمله , ماتعرفشي سيادتك هي مكمله ليه رغم الخسائر
الفادحه دي ؟! .
..................................................................................................................
Mohamed
Hussein
27
نوفمبر 2016·
إنما الحقيقه المؤكده
إن حملة التشويه القذره و الممنهجه و المقصوده اللي بدأت ضد جيش مصر العظيم من بعد
2013 و اللي شارك فيها كل الصيع و المراقيع زي خرفان الجماعه الإرهابيه و قنواتهم في
تركيا و زي بطلة معركة الدندو أيات عرابي و زي الأراجوز باسم يوسف و زي الجزيره , الحمله
دي نجحت بامتياز , نجحت تماما بس بشكل عكسي , نجحت انها تزود جدا الترابط بين شعب مصر
و جيشه , نجحت انها تزود رصيد المحبه و الاحترام و التوقير جوه كل مصري راجل أو ست
, ولد أو بنت , حاجه كده أشبه بكارنافال محبه و عرفان , صورة جميله مكانشي يحلم بيها
السيسي ذات نفسه , داحنا ناقص ندهن بلكوناتنا و الشجر اللي قدام بيوتنا بلون لبس الجيش
المصري و فوق منه علم مصر , عشان كده عايز أقول لكل الصيع و المراقيع اللي شاركو في
الحمله , متشكرين عالواجب ده يا شوية بهايم .
.
و للجزيره و تميم
ابن موزه عايز أقولهم نكته مصريه حلوه , بيقولك كان فيه نمله اسمها فوزي , أه فوزي
, و النمله دي كانت بتكره الفيل أوي , و بعدين اتلم حواليها شويه نمل و كبّرو الموضوع
في دماغها و أقنعوها انها تقدر , و فعلا طلعت النمله فوزي على رقبة الفيل , و فضل النمل
يقول للنمله افوزي : اخنق يا فوزي , اخنق يا فوزي , .......... واهو زي مانتو شايفين
, النمله فوزي بقالها 3 سنين بتحاول تخنق الفيل .
..............................................................................................................
Mohamed
Hussein
26
نوفمبر 2016·
دي صورة المقاتل
المصري , المقاتل اللي مابيقلعشي ملط ويرمي سلاحه و يستسلم زي ناس ولا اللي بيقعد في
بيتهم و يقول أجيب شوية أمريكان يحموني أنا و مراتي ( و بالمره يركبونا احنا الإتنين
) , المقاتل المصري اللي هو أيقونتي و معلمي و فيلسوفي و بطلي الحقيقي , لأ أيقونتي
مش الحويني ولا خيرت الشاطر ولا محمد حسان , و معلمي مش باسم يوسف ولا أيات عرابي و
لا أحمد موسى ولا مصطفى بكري , و فيلسوفي مش الأسواني ولا ابراهيم عيسى , و بالتأكيد
بطلي الحقيقي مش البرادعي ولا خالد علي , مانا أصلي بطّلت أتعاطى الكوله من 4 سنين
, و بطلت أشرب ماية الجوزه عالريق , وبطّلت أقعد و استربع قدام شوية زلنطحيه , أرض
مصر لو اتشقّت هتقرف تبلعهم .
.................................................................................................................
Mohamed
Hussein
26
نوفمبر 2016·
أحيانا بتلاقي
سؤال معين يكون سؤال كاشف , سؤال الإجابه عليه لها معنى و دلاله , و الدلاله تحل مشكله
أو تفند قضيه أو بمعنى أصح تلم الكهارب في موضوع السؤال عشان الناس تشوف مصالحها و
تبطل هري و فرهده و تنظير فارغ .
.
السؤال يا سيدي
بيقول :
.
تخيل مثلا مثلا
يعني إن فيه دوله اسمها X , و الدوله دي لسبب ما أو بشكل ما وصلت لطريق
مسدود مع الكيان الصهيوني , و مبقاش قدامها أي اختيار غير اختيار الحرب , و خلاص الدوله
X جيشت جيوشها للحرب و الدوله X دي دوله عربيه أو مسلمه و مالهاش أي أطماع في أرض
فلسطين , كل الحكايه انها جابت أخرها من الكيان الصهيوني و عايزه تحرقه بجاز , و بقى
الفلسطينين في اللحظه دي قدامهم فرصه تاريخيه لتحرير أرضهم , فرصه يمكن ماتتكررش تاني
قبل مئات السنين .
.
و تخيل مثلا مثلا
يعني إن عندك مليون شاب فلسطيني قادرين على الحرب ( و الجهاد ) سواء في الداخل الفلسطيني
أو في أي دوله في العالم , فرصه على طبق من دهب لتحرير الأرض و طرد الكيان الصهيوني
الغاصب المغتصب بلا رجعه , هات بقى حضرتك كده فنجان قهوه و خد نفس عميق من السيجاره
و فكر لمدة 5 دقايق من خلال انطباعك و تعاملاتك مع الفلسطينيين سواء في الواقع أو في
مواقع التواصل , جاوب بقى عالسؤال بعد ما تفكر ......... هقولكو اختيارات و كل واحد
يحط نسب لكل اختيار بحيث يبقى مجموع النسب 100 .
.
1- شباب فلسطيني
هيسيب اللي وراه و اللي قدامه و لو متغرب هيرجع و يسلم نفسه للدوله X عشان يشارك في تحرير أرضه ... ؟ % .
.
2- شباب فلسطيني
هيقعد جنب البرادعي على تويتر و يكتب عن العنف المتبادل بين الدوله X و اسرائيل .....؟ % .
.
3- شباب فلسطيني
هينضم بأي شكل من الأشكال للجيش الصهيوني و يبقى ضد الدوله X
( اللي جايه تحرر أرضه !! , أو يشتغل مثلا مراسل للجزيره و يروج لانتصارت الجيش الصهيوني
على الأرض ( حتى لو كان انتصار وهمي ماحصلش ) , سواء عمل كده بمقابل مادي أو حتى مجانا
بحكم العشره!! ( و على طريقي : مين كال عيش اليهودي يضرب بسيفه ...... ؟% .
.
4- شباب فلسطيني
هيتعامل مع الموضوع كله على إنه ( مشاجرةٌ في نيكاراجوا ....بصوت الصبي بتاع محمد رضا
في فيلم الراقصه و الطبال ) و يقول مالنا احنا و مال ماشاراجوا دي ( بصوت المعلم محمد
رضا ) , يعني كأن الموضوع مايخصهوش ولا يعنيه , و تلاقيه منهمك مثلا في رفع شعار رابعه
ـو يقول مرسي راجع , او منهمك في نشر أخر صور بالمايوه للنجمه كيم كارديشان .
.
اجابتي انا عالسؤال
( و هي مش ملزمه لحد طبعا ) , دي قناعتي , إن النسب هتكون كالتالي و بالترتيب ,
10, و بعدين 20 و 20 و 50 ............... و بالمناسبه ال 10 اللي في الأول مفهاش أي
عنصر من عناصر حماس الحاليين ( و لا عناصر فتح ) , حاول تصدق , و بالمناسبه كمان ال
20 ضعف ال 10 ( معادله حسابيه بسيطه ) !! .
.
قناعتي بتقول نلم
الكهارب و نشوف مصالحنا حتى على مستوى الأفراد و المواطنين و العقول و التفكير ( و
القضايا العامه ) , و نستنى اد 50 سنه و لّا 500 سنه لحد ماربنا يسهل و ييجي جيل فلسطيني
يغيّر شكل النسب اللي فوق دي و يخلي الإختيار رقم 1 اجابته هي عالأقل 90 % , الجيل
ده هييجي امتى ؟ في رأيي ؟ لما الفلسطينيين و العرب يبطّلو يألفو أغاني عن تحرير القدس
!! .
.................................................................................................................
Mohamed
Hussein
25
نوفمبر 2016·
نعمة العقل .
.
عزيزي المتدين
المتحمس المنفعل .............. والنبي حاول تهدى شويه .
.
- ممكن تشمت في
حرايق الكيان الصهيوني و انا هشمت معاك و الله , الهي يارب تتحرق اسرائيل بجاز وسخ
كلها على بعضها ............ تمام كده ؟ هتهدى شويه ولا ايه عشان نكمل كلامنا ؟ .
.
- لما كتبت امبارح
عن الحرايق دي ماكنتش بقصد ( اننا مانشمتش ) , ياخويا اشمت و ادعي , كان كل قصدي اننا
مانربطشي حادث معين بموقف معين , يعني مانقولشي الحرايق دي حصلت عشان ربنا غضبان عليهم
بقى بسبب موضوع الأدان و كده ..... اهدى و اصبر بس , هقولك خمس ست حاجات .
.
1- لو انت زي حالاتي
مؤمن بإن الكيان الصهيوني ده كيان مغتصب و ان الأرض دي أرض عربيه يبقى لازم تتأكد إن
اللي بتتحرق حاليا هي غابات العرب أو غابات فلسطين عشان مفيش حاجه اسمها اسرائيل (
إن عاجلا أو أجلا ) , يبقى ربنا بيعاقب مين ؟!
.
2- ربنا سبحانه
و تعالى لما بيغضب على قوم و بيحب ينتقم منهم انتقام دنيوي مش بيحرق شوية شجر و غابات
( تقريبا مفيش ولا صهيوني مات في الليله دي ) ,, اقرا في القرأن و اعرف ربنا لما بيغضب
على قوم و بيقرر انه يخسف بيهم الأرض بيعمل ايه , دي بتبقى مفرمه يا معلم .
.
3- فيه احتمالات
بتقول ان الغابات دي اتحرقت بشكل متعمد لغرض ما استيطاني مثلا أو أي غرض تاني , وارد
و احتمال ( الله أعلم ) , يعني يكون الكيان الصهيوني نفسه اللي عمل الحرايق ( هتبررها
ازاي دي يا مولانا و هتربطها ازاي بحكاية الأدان ؟ و هتقول لربنا ايه بقى ؟ ) .
.
5- اجمالا و بصفه
عامه , انت مش هتدخل الجنه ولا النار عشان بتربط بين الحوادث و بين غضب ربنا و رضاه
, بالعكس , ياريت ماتربطش عشان مانقعشي في حيص بيص .
.
6- و أخيرا عايز
أقولك , أعظم نعمه ربنا أنعم بيها علينا هي العقل , و أعظم طريقه لشكر ربنا على نعمته
هي التفكير ( يعني استخدام النعمه ) , و أول قواعد التفكير بتقول انك ماتقحمشي رب العزه
في حاجات و مواقف بنقيسها بمقاييس عقولنا الأدميه المحدوده ( وما خفي كان أعظم ) .
.
7- أه نسيت أكتب
رقم 4 في البوست ده , و مش ضروري النسيان يبقى عقاب من ربنا على حاجه غلط عملتها ,
وارد جدا اكون متعمد إني أنساها !! .
.
يابني البوست ده
مش علماني ولا ملحد , ولا العبد الله ( اللي هو أنا ) بيعبد رِجْل الكومدينو , البوست
ده إسلامي جدا , لو كنتم تعلمون .
.......................................................................................................................
Mohamed
Hussein
25
نوفمبر 2016·
الفتره اللي احنا
فيها دي مش فترة أزمة اقتصاديه , الحدوته مش حدوتة اقتصاد دي حدوتة هويه , اللي بيحصل
بعد 2013 ان مصر خرجت ( بفضل الله ) من عباية و تبعية الغرب الخبيث و من عباية و تبعية
الشرق الساذج , الأزمة الإقتصاديه هي مجرد عرض مؤقت لحاله و طريق واختيار و قناعه
, مصر في طريقها للعوده لمفهوم الدوله المصريه , مفهوم السياده الكامله .
.
الفتره دي فترة
شهادات الوفاه لكل الكيانات الدخيله المشوَهه و المشوِهه ( بفتح الواو وكسرها ) , تركة
الماضي القريب و البعيد , مرحلة كشف الوشوش القبيحه , شهادة وفاه لأبو جلابيه قصيره
و سبحه بتاع بول البعير ( حَدْف الشرق ) , و شهاده وفاه لأبو جينز و كوتشي بتاع منظمات
المجتمع اللامؤاخذه المدني ( حَدْف الغرب ) , شهادة وفاة للخيانه و الحماقه , مصر في
طريقها لمصر , اللي هي الدوله الفرعونيه المسيحيه الإسلاميه اللي مساحتها مليون كيلومتر
مربع و تاريخها بدأ قبل بداية التاريخ بشوية سنين , الدوله اللي اسمها مصر و كفى بها
نعمه .
.
أرضنا 240 مليون
فدان قابله للزراعه و عددنا 90 مليون نسمه و عندنا نيل و بحرين , مش محتاجين حاجه أكتر
من فاس نزرع بيها و قلم نشرح بيه , و رصاصة للخاين , عشان الأجيال اللي هتيجي بعدنا
تبقى أجيال مصريه خاليه من الخرفان , خرفان الشرق و خرفان الغرب .
...................................................................................................................
Mohamed
Hussein
25
نوفمبر 2016·
. فين سبحتك يا معلم
بيومي ؟!
.
الكيان الصهيوني
الغاصب عمره تقريبا 90 سنه , و ده نفس عمر جماعة الإخوان الإرهابيه , لا يا حماده الكيانات
اللي زي دي مابتتعملشي في توقيتات واحده بطريقة الصدفه البحته !! , كلمة الصدفه البحته
دي تقولها لما تكون ماشي في سيتي ستارز و تقابل نسرين اللي كانت زميلتك في الجامعه
و ماشوفتهاش من 10 سنين , ياااه يا نسرين , كبرتي و احلويتي , و مين اللي معاكي دول
؟ ولادك ؟ أه تصدق ولادها , اكيد مش ولاد الجيران و جايباهم تفسحهم .
.
المهم بقى , طبعا
دولة تركيا ( اللي هتحرر القدس ) موجوده قبل نشأة الكيان الصهيوني , و في فترة ال
90 سنه دخل العرب و المسلمين في حروب متواصله مع الكيان الصهيوني ( و حليفه الأمريكي
البريطاني ) , و النصيب الأكبر والعامل المشترك اسمه مصر , حروب راح ضحيتها عشرات الألاف
من الشهداء , حروب اتسببت في خسائر ماديه و خسائر عسكريه مهوله .
.
طب قولي بقى يا
مولانا و اكتب هنا , بين القوسين دول ( ) , كان ايه موقف تركيا و موقف جماعة الإخوان
ككيان رسمي من الحروب دي ؟ عمل ايه التنظيم الدولي اللي موجود في فشختاشر دوله ؟ ايه
محصله العداء الإفتراضي الوهمي اللزج من جماعة الإخوان و من خليفة الشواذ للكيان الصهيوني
؟ أقولك انا , لا معلش خلّي الطلعه دي عليا , عملو بتاع 17 اغنيه و طقطوقه لتحرير المسجد
الأقصى , و بتاع 37 مسيره و وقفه احتجاجيه و لبسو الكوفيه الفلسطيني و قالو القدس في
القلب ( و غزه في الكليه الشمال ) , و اردوغان بعت سفينه مساعدات اسمها مرمره , اه
و الله مرمره خالص ( مرمره دي على وزن مليطه و على وزن حاجات تانيه كتير )
.
و في ال 90 سنه
قدرت دولة خليفة الشواذ انها تقتل الاف العرب في سوريا و العراق و تغتصب ثرواتهم و
تحرّض على خراب دوله زي مصر , و قدرت الجماعه الإرهابيه الربانيه اللي مقطعه حصر الجامع
انها تغتال شخصيات و جنود و ليسته طويله عريضه في الدول اللي عايشه و بتتعلف فيها
, و ماحصلشي انهم قتلو جندي صهيوني واحد , بالصدفه البحته !! .
.
أدي يا سيدي الحدوته
, و أدي سبحة المعلم بيومي .
.......................................................................................................................
ليست هناك تعليقات:
إرسال تعليق