Mohamed
Hussein
10 ديسمير 2016
أخيرا و بعد طول
انتظار , مشهد النهايه السعيده , عادل حباره و حبل المشنقه .
.
الساده القضاه
الأفاضل , الساده المحامين الأفاضل , الساده وكلاء النيابه الأفاضل , تخيلو بس حاولو
تتخيلو يعني :
.
مريض راح للدكتور
, الدكتور طلب منه أشعه بعد ماكشف عليه , المريض راح لمركز أشعه , مركز الأشعه قاله
الدكتور كتابته مش واضحه إرجع له تاني , المريض رجع للدكتور , الدكتور كتب بشكل واضح
, المريض راح لمركز الأشعه و عملو له الأشعه , بس قالو له تيجي تستلمها بعد اسبوعين
, اصل الجهاز اللي هيطبع التقرير عطلان , المريض راح بعد اسبوعين يستلم الأشعه قالو
له موظف التسليم مش موجود ( طلع عمره ) تعالى بعد اسبوعين كمان , المريض راح بعد اسبوعين
و جاب الأشعه , رجع للدكتور لقاه سافر ( طلع مؤتمر طبي في سويسرا ) , و لازم تستناه
اسبوع , المريض استنى اسبوع و الدكتور رجع و كتب له على دوا , المريض راح يجيب الدوا
من الصيدليه قام الصيدلي قاله الدكتور خطه مش واضح ارجع له تاني , المريض رجع للدكتور
و الدكتور كتب بخط كويس , المريض رجع للصيدليه قالو له الدوا ده ناقص , ارجع للدكتور
خليه يغيره بأي اسم تاني مشابه , المريض رجع للدكتور و الدكتور غير الدوا , المريض
راح الصيدليه لقاها قفلت , لف عالصيدليات و جاب الدوا و لسه بيطلّع أول حبايه قام مات
!! .
.
عايز أقول لحضراتكو
ايه ؟ منظومة التقاضي الهباب دي كارثيه , نقض و استئناف و أجازات و استشعار حرج و رد
لهيئة المحكمه و سماع ل 7 الاف شاهد اثبات و 18 ألف شاهد نفي , و الإرهابي يتحاكم في
3 سنين , بالشكل ده احنا محتاجين 7 مليون سنه ضوئيه عشان نحاكم شويه ارهابيين المفروض
يتعدمو في شهرين و بالقانون !! .
.
أساتذتي الأفاضل
, القضاه و وكلاء النيابه و المحامين , لو سمحتو , قيادتكو يقعدو مع بعض بأي شكل و
تشوفو لنا حل في الليله دي , مشروع عاجل مايقبلشي التأخير , يتقدم بقى للبرلمان ولا
لوزارة العدل ولا لرئاسة الجمهوريه مش مهم , المهم انكو تفهمو , ان السرعه في اعدام
الإرهابي هي إنقاذ لحياة وطن , و إنقاذ لحياة الألاف من الأبرياء .
..........................................................................
Mohamed
Hussein
10 ديسمبر 2016
السيسي يعلن استعداد
مصر لبدء المشروع القومي للتعليم , و قال كمان التالي :
.
(( هناك فوضى فى
بعض الدول، على الرغم من أنه كان لديهم تعليم جيد، ولا يوجد عندهم أمية، لكن يا ترى
هل هذه الدول صاغت الشخصية التى تحمى بلادهم من الخراب والدمار بالحجم اللى احنا شوفناه،
...لأ ماقدروش، يبقى فشل التعليم، وتساءل: ينفع التعليم فى إيه مع وطن ضايع أو يضيع
أو إحنا نضيعه؟)) .
.
نفس الكلام اللي
بقوله الحمد لله , عندي احساس ان الريس بيتابع صفحتي , تلاقيه داخل عالفيس باسم مستعار
, و مابيعملشي لايك .
.................................................................................................................
ليست هناك تعليقات:
إرسال تعليق