Mohamed
Hussein
26 ديسمبر 2016
بوتين بيعلن إنه هيخوص الإنتخابات الرئاسيه في 2018 !! .
.
كده يبقى انا هنزل
مرتين في 2018 , مره انتخب السيسي و مره انتخب بوتين , ماهو أصل اعتقادي إن السيسي وبوتين لازم تاخدهم هما الإتنين مع بعض
شروه واحده كده , take it
or leave it
.
...........................................................................................................
Mohamed
Hussein
26 ديسمبر 2016
بالنسبه للناس
اللي مستغربه أوي و بتسأل و تستعجب و تقول هي السعوديه استفادت ايه من خراب سوريا و
ليه صرفت مئات المليارات في حروب ضد سوريا و اليمن ؟ و ايه علاقة الأمن القومي للسعوديه
بدوله زي أثيوبيا ؟! .
.
ماهو اللي بيسأل
الأسئله دي أكيد جاهل و متخلف مايعرفشي أي
حاجه في السياسات الدوليه ولا في العمق الجيوستراتيجي , بس هجاوبك يا جاهل و أمري لله
.
.
عارف نفق العروبه
؟ أه ؟ طب كويس الحمد لله .
عارف بقى الويسكي
و الكبتاجون ؟ أه ؟ طب تمام أوي .
عارف البناطيل
الستريتش ؟ طب روعه .
عارف العربيات
اللاندكروز ؟ قشطه عليك .
عارف الواد حوده
الكهربائي ؟ تمام تمام .
عارف دورة كربس
؟ انت حبيب قلبي و الله .
عارف زيزي صديقة الطلبه ؟ اكيد عارفها طبعا .
عارف بقى الصراع
بين السنه و الشيعه ؟ طب كده تمام أوي و هقولك أصل الحكايه .
.
الحكايه يا جاهل
, إن زيزي صديقة الطلبه اتقفشت في كمين عند مدخل نفق العروبه و كانت سكرانه طينه و
ضاربه كمية كبتاجون زي الفل , و لقو في عربيتها ازايز ويسكي فاضيه مرميه في الدواسات
, قالولها انزلي , لقوها لابسه بنطلون ستريتش و معاها ورقه فيها عنوان , قامو خدوها
عالنيابه , و زيزي أصلا لها أنصار و قطعان كتير , عشان كده قضيتها اتحولت لقضية رأي
عام , وكيل النيابه بيسأل زيزي العنوان ده بتاع مين يا بت , انطقي بقولك ؟ قالت لهم
ده بتاع الواد حوده الكهربائي , وكيل النيابه قال لها و كنتي رايحه عند حوده الكهربائي
في شقته ليه يا فاجره ؟ ده عازب و سمعته زي
الزفت ؟ قالت فشر , دانا أشرف من الشرف , انا كنت رايحاله عشان اشرح له دورة كريبس
و أثرها عالعمق الجيوستراتيجي و الصراع مع الشيعه و العلويين .
.
و عليها يا مولانا
طلع خرفان و انصار زيزي يهتفو بحياة زيزي , و المجد لدورة كربس , على دورة كربس رايحين
, شهداء بالملايين , عاشت دورة كربس حره مستقله .
......................................................................................................................................
Mohamed
Hussein
25 ديسمبر 2016
عارف و مدرك تماما
حجم المسئوليه على عبد الفتاح السيسي , عارف حجم الضغوط و ازاي انك في توقيت واحد تلاقي
نفسك مضطر تخرج من عباية أمريكا و عباية الخليج , عارف حجم المؤامره و لوي الدراع اللي
بيشارك فيها القريب قبل الغريب , عارف صعوبة إنك
رغم الضغوط دي تحظر نشاط جماعه ارهابيه عايشه في مصر من 90 سنه و عامله لها
امبراطوريه اقتصاديه و شبكة كامله حتى داخل المؤسسات الحكوميه .
.
و رغم ادراكي التام
لطبيعة و خطورة المرحله و للحمل اللي شايله السيسي على كتافه هيفضل عندي تحفظين اتنين عليه , الأول لما قال عن الملك عبد الله انه كبير
العرب , و رغم حبي و احترامي للملك عبد الله الله يرحمه إلا ان جملة ( كبير العرب
) تتقال على رئيس مصر بس , مش بالسن هي , رئيس مصر هو كبير العرب حتى لو كان عمره
17 سنه , و التحفظ التاني هو ان رئيس مصر الفارس اللي شال الليله مايبكيش , رئيس مصر ماينفعش يبكي , ليه يعني هو
مش بني ادم زينا ؟ لا بني أدم بس برضه ماينفعش
.
.
مفيش أسوأ ولا
أصعب مما كان يا ريس , و لا بقى يلزمنا عباية
امريكا ولا عباية غيرها , و جايز مواقفنا الثابته دي هي اللي حمت البلد و جايز لو كنا
ضعفنا كانت رجلينا جت في الخيّه , و جايز حتى الوضع الإقتصادي الصعب اللي احنا فيه
يكون بشرة خير , الناس بدأت فعلا تفكر من نفسها كده في سلوكها
الإستهلاكي البشع , بدأنا نعيد ترتيب أولوياتنا على مستوى الفرد و الأسره ,
و نبطل عقدة خواجه و نبطل أنعره كدابه , و نثق في صناعة بلدنا و انتاجها , الدولار
زاد 3 اضعاف و معاه زياده مماثله في الأسعار , و الدخول ثابته تقريبا ماتغيرتش , و
مع ذلك محدش في مصر مات من الجوع , احنا شعب مابيموتشي من الجوع .
.
الله يكرمك ياريس
ماتعملهاش تاني الحركه دي , ما خلاص عدّينا مرحلة ( استُحْكمت حلقاتها ) و مش باقي
غير إنها ( تُفرجُ ) .
..........................................................................................................................
Mohamed
Hussein
24 ديسمبر 2016
السيسي لما قال
مش عايزين حاجه من حد بس يسيبونا في حالنا !! , كان بيعنيها , بيعنيها تماما .... يارب
الناس بقى تفوق من غيبوبة الشعارات و الوهم و تشوف الصوره كامله .
.
حتى مواقفنا و
ملفاتنا الخارجيه هيواجهنا فيها جمله وقحه من كلمتين اتنين بس ( الخيانه العربيه )
, و اللعب بالبترودولار , السيسي زار أوغندا من كام يوم و اتكلم عن مشروع ربط بحيرة
فيكتوريا بالبحر المتوسط , و مش هستبعد زيارتين ورا بعض لأوغندا و احده لوفد من عند
الشاذ بتاع قطر و التانيه لوفد من عند اللي ساحبه الشاذ بتاع قطر , زي ماحصل في أثيوبيا
, و زي مابيحصل في ليبيا .
.
فوقو يا ساده
, مفيش عداوه دايمه صحيح , لكن فيه حاجه اسمها عداوه مؤقته , خصوصا لما تكون علنيه
و بشكل وقح , عربان الخليج حاليا و في أحسن حالاتهم بيلعبو دور الغتيت في النكته دي
...........................................................................................................................
ليست هناك تعليقات:
إرسال تعليق