Mohamed Hussein
22 ديسمبر 2016·
سأل رجل أعرابي حكيم الزمان , و قال له
يا حكيم , قولي بالله عليك ماهو النحس و الحظ الدكر ؟ .
.
فقال الحكيم , أي بني , النحس و الحظ الدكر
هو انك تبقى فقير عدمان بس الشيطان لاعب في دماغك و تقول انا لو معايا فلوس كتير هخربها
مداين , و في يوم من الأيام تكتشف ان كان لك عم في البرازيل و مات و ساب لك ورث مليون
جنيه , تصحي من النوم تلاقي المليون جنيه جنبك عالسرير , و الشيطان يقولك فرصتك يا
معلم اللي كنت مستنيها بقالك سنين .
.
تقوم انت ماتكدّبشي خبر , تروح تتأجر شقه
مفروشه و تتأكد ان المايه السخنه شغاله , و تنزل سوق الجمعه تشتري عربية جراند شيروكي
لونها اسود و ازازها فاميه تكون عامله 5 ألاف كيلو بس , و تاخدها و تطلع عالخصوص تشتري
كام تُمن بانجو اسماعيلاوي و كام ازازة بيره و بعدين تطلع على شركة حراسات خاصه تجيب
من عندهم بودي جارد يحميك , و بعدين على شارع جامعة الدول عشان تشقط مزه ( مانت كده
عندك العربيه و الشقه و البانجو و البيره و البودي جارد ) , مش باقي غير المزه , و
بالفعل تشقط المزه .
.
و انتو ماشيين بقى رايحين الشقه المفروشه
يوقفك كمين , الظابط ياخد منك رخصة العربيه و يكشف عليها يكتشف انها مسروقه !! و يفتش
العربيه يلاقي البانجو و البيره و حتتين سلاح ( اتحطّولك بالغلط في الخصوص ) , و يلاقو
العربيه نفسها مفخخه ( البودي جارد بتاعك كان مظبّطها و انت بتشتري 2 كيلو كباب من
أم حسن ) , و يطلب بطاقة المزه اللي جنبك تكتشف انها الواد صبحي اللي كان ماسك الكانتين
بتاع المدرسه بس متنكر , تقوم انت بكل هدوء مدّي مفاتيح العربيه للظابط و مستعد عشان
تروح عالنيابه و تتلفّت حواليك ماتلاقيش البودي جارد , و في المشهد الأخير تبص للمزه
اللي قاعده جنبك و تقول لها : ازيك يا صبحي و ازاي أمك ؟ .
.
بوست بمناسبة اقرار سلمان لميزانية السعوديه
2017 بعجز يبلغ 200 مليار ريال , لما الفقير المعدم المنحوس طلع له بترول من تحت الأرض
( الورث ) قرر انه يخربها مداين , و جاب أمريكا و بريطانيا يحموه و بقى يصرف فلوسه
عالإرهاب و على خراب الدول التانيه , و يوم مافكر يشقط مزه طلعت أثيوبيا !! , في انتظار
الكمين لعربان الخليج .
...............................................................................................................................
Mohamed Hussein
22 ديسمبر 2016·
من امبارح و انا عندي شوية اكتئاب و زهق
حلوين , يعملو بتاع شيكارتين , في العاده لما بكون مكتئب مابحبش أكتب حاجه عالفيس
, عشان لو كتبت هطرطش عليكو و نغرق كلنا .
.
الإكتئاب عموما بيجيلي من غير أسباب معروفه
ولا بمعاد مسبق , هو فجأه كده ألاقيه داخل عليا و قاعد و مستقر كأنه في بيت أبوه (
أه هو غتيت كده شبه البلتاجي و ريهام سعيد و أيمن يونس ) , أجي أنا بقى أقول طب ده
جه ليه ؟ أحاول أدور على أسباب , يمكن أكون استدعيته من غير ماعرف
.
- يا ترى سعر الدولار ؟
- يا ترى مستوى الزمالك الزباله بتاع امبارح
و هنتلب من الأهلي يوم الخميس
- يا ترى مناهج رابعه ابتدائي بتاعة البت
لوجي اللي انا نفسي مش فاهم فيها حاجه .
- يا ترى حكاية الأب و الأم اللي بيلبسو
بناتهم حزام ناسف أثرت فيا أوي ؟
- و لا حكاية البت ماجي مؤمن الله يرحمها
و صورتها ؟
- يا ترى مواقف السعوديه مع مصر و ان كان
التاريخ بيقولي ماتستغربش بس انا استغربت
- يا ترى تراكمات للهري بتاع السنين اللي
فاتت و الأدرينالين اللي بيطلع و مابينزلش
- يا ترى فكرت في كام شاب زي الفل ماتو
بسبب شويه صيع مسميين نفسهم حركات ثوريه كانو بيزقوهم لاشتباك مع الداخليه و يروحو
هما يشقطو مزز و يسكرو بإسم الثوره
- يا ترى خوف مستمر عالبلد من الديابه اللي
بره و التعالب و البهايم اللي جوه .
.
لا أدري , لا أعلم , مش عارف , ماعرفشي
, i don,t know , je ne sais pas
.
.
إجمالا ماتقلقوش , الإكتئاب بتاعي من النوع
المألوف , مش مُعدي ومستواه بيبقى في ال normal level
, علاقتنا ببعض مش علاقة عشق و هيام , دي علاقه طيّاري كده , و هو متعود يجيلي بصفه
دوريه , مره كل شهر , هو و محصل النور .
.
إفتحْ معي فيلم ابن حميدو فربما لستُ بخير
,....... بناتي ؟ مالهن ؟ حد اعتدى عليهن ؟ يا حميده صدقيني ده انا مواطن شريف , الوداع
يا مواطن , جود باي يا شريف , الباز أفندي ؟ دانا ذات نفسي أتمناه .
....................................................................................................................
Mohamed Hussein
21 ديسمبر 2016·
القرأن و الإنجيل و التوراه و كتاب التاريخ
و كتاب المنطق و كتاب علم النفس و كتاب علم الإجتماع و كل الكتب اللي خلقها ربنا أو
كتبها العقل البشري هتقف عاجزه قدام تفسير المشهد ده , مشهد أب بيلبّس بناته الأطفال
أحزمه ناسفه و بيجهزهم عشان يروحو يفجّرو نفسهم أو أم بتتباهي انها لبست بنتها حزام
ناسف عشان تفجر نفسها .
.
حتى المقاييس هتقف عاجزه , لا مقاييس ولا
موازين و لا مكاييل هتنفع , ولا هتعرف تقدّر الحجم ولا الكميه , ولا حد في كوكب الأرض
هيعرف يجاوب عالسؤال : أد ايه كمية الجهل و أد ايه كمية التخلف و كمية الهمجيه و كمية
الإنحطاط و كمية السفاله و كمية الإرهاب اللي اتزرعت جوه أب أو أم و خلتهم يعملو كده
في بناتهم الأطفال ؟! .
.
و الحاجه اللي تخلي الكل يشد في شعره اكتر
, إن البنات دي لو متقدمه قرابين للألهه , فهي بالتأكيد هتفيد إلهين اتنين بس , واحد
إسمه باراك أوباما و واحده اسمها تيريزا ماي !! .
.
ألا لعنة الله على العرب , لعنة الله على
مشايخ العرب , لعنة الله على أمراء العرب , لعنة الله على بترول العرب . لعنة الله
على إعلام العرب , ده لو ربنا كان بيعاقب اسرائيل بالحرايق عشان منعت الأذان في مكبرات
الصوت , يبقى بالتأكيد ربنا هيخسف بلاد العرب ( اللي خلّتنا نوصل للمشهد ده ) و يجيب
عاليها واطيها .
............................................................................................................................
Mohamed Hussein
21 ديسمبر 2016·
أنا وشوشو
.
عارفين اقتراحات الصداقه اللي بتبقى مرميه
على شمال الصفحه دي ؟ من شويه لقيت اقتراح صداقه لواحده حاطه صورتها و هي عريانه شويه
, لأ شويتين , يوووه هي صوره عريانه بتاع 7 شويات كده ( الواد مارك ده أصله صاحب واجب
) , المهم اللي لفت انتباهي اكتر إن فيه بينا 9 أصدقاء مشتركين , طبعا كلهم رجاله
, طبعا طبعا , قلت لا بقى , لا يمكن أبدا , و انا احتفظ بالناس دي ليه في قايمة الأصدقاء
؟ و ماكدّبتش خبر , فتحت صفحة ( المزه ) و قعدت اعمل إلغاء صداقه للأصدقاء المشتركين
بينا , و هاتك يا إلغاء , إلغاء إلغاء إلغاء إلغاء .
.
لحد مابقت صفحتها مفتوحه قدامي و مفيش أصدقاء
مشتركين يعني انا و هي لوحدنا , في اللحظه دي جالي الشيطان و شد الكرسي البلاستيك و
قعد جنبي وقرّب من ودني , قالي يا محمد ؟ قلت له عايز ايه يا فقر ؟ قالي مش انت مؤمن
بالحريات ؟ قلت له : أه , طبعا أينعم , قالي و هي يا سيدي حابه تحط صورتها كده , حرية
شخصيه يعني , قلت له تمام ماقولناش حاجه , قالي طب ماتخليك جدع بقى و تثبت لي إنك مؤمن
بالحريات فعلا , قلت له يعني أعمل لك ايه عشان تتأكد ؟ قالي ولا حاجه , ابعت لها طلب
صداقه !! .
.
قلت له يا شوشو , قالي عيون شوشو , قلت
له انا لسه مافطرتش ولا فوقت ولا صليت الضهر , قالي يعني ايه ؟ قلت له يعني الكرسي
البلاستيك ده ترجعه مكانه و مش عايز أشوف وش أمك هنا تاني , قام انفعل و اتعصب و قال
عليا النعمه مانا جايلك تاني بجد , قلت له استنى يا جدع انت , انا بهزر , مالك بتقفش
بسرعه كده ليه ؟ ده حتى الكلام أخد و عطا .
.........................................................................................................................
Mohamed Hussein
20 ديسمبر 2016·
صبي العالمه وزير خارجية قطر بنت الوسخه
قال كلمة الكشك بتاعهم في اجتماع وزراء خارجية الدول العربيه امبارح , و بعدين طلع
مباشرة على أثيوبيا , أه من القاهره مباشرة على أثيوبيا !! , و طبعا لما يروح اثيوبيا
هيطلب يزور سد النهضه ( زي الطحش بتاع سلمان ) و قوم احنا نُستفز بقى و كده .
.
الحقيقه ان الدبلوماسيه المصريه أعرق و
أنضف بكتير من انها تنجر لتصرفات صبيانيه زي دي , أو تنزل بمستواها للقاع ده , يبدو
إن الدبلوماسيين الحاليين في منطقة خليج تيريزا ماي اتعلمو الدبلوماسيه و العمل السياسي
في مدرسة ريري سيلان و جامعة زيزي صديقة الطلبه .
.
بالمناسبه , حدوته سد النهضه بتتلخص كلها
في فترة تعبية الخزان , و التفاوض على مدة التعبيه يكون من 3 سنين ل 7 سنين , حاجه
كده لها علاقه بإن حصه مصر ماتتأثرش في فترة التعبيه , بعد تعبية الخزان هتجيلك حصتك
زي ماهي كامله , و اجمالا لو ماوصلناش لاتفاق و حصتنا قلّت في فترة التعبيه بشكل يأثر
على الحياه في مصر و ملقيناش حلول تانيه تعوض النقص ده , هيبقى قدامنا حل من اتنين
, إما صاروخين تلاته أيا ما تكون العواقب ( ممكن نبقى نقول ان الطيار اللي عمل كده
من رجالة فتح الله جولن !! ) , أو إنك تلمّح بس مجرد تلميح إنك موافق على توصيل ماية
نهر النيل لاسرائيل , وقتها هتصحى من النوم ماتلاقيش سد النهضه .
.
عايز أقول لصبيان العالمه اللي بيروحو ورا
بعض أثيوبيا , و يرمو مليارات الدولارات في حِجْر رئيس وزرائها ( ماهو المثل بيقول
رزق الأثيوبيين عالخلايجه ) , روحو يا صبيان تيريزا ماي , و زورو السد و اتصورو معاه
سيلفي كمان , و ماتنساش يا جحش وانت بتتصور تبقى تبتسم بسحنة امك البهيه دي .
............................................................................................................................
Mohamed Hussein
20 ديسمبر 2016·
سنة 2060
.
راجل عجوز قاعد على كنبة انتريه : ناولني
يا حماده كوباية مايه و طقم السنان من عندك .
- حماده : حاضر يا جدو .
.
الراجل العجوز : تعالى يا حماده اقعد جنبي
عشان عايز اعلمك حاجات كتير في الدنيا و عايزك تستفيد من خبراتي و علمي و ثقافتي .
- حماده : حاضر يا جدو .
.
الراجل العجوز : في السياسه الدوليه يا
حماده أااااا .
- حماده ( مقاطعا ) : ثواني يا جدو , قولي
صحيح الأول , انت كنت بتقول ايه عن اللي حصل في الشرق الأوسط من أول 2011 ؟ كان رأيك
ايه .
.
الراجل العجوز : كنت بقول ربيع عربي و أمريكا
بتساعدنا عشان نبقى ديموقراطيين و كده و بتحبنا و بتموت في دباديبنا , و قلت عاللي
حصل في سوريا انه حرب سنيه شيعيه و كنت ضد الزحف الايراني .
- حماده : و بعد كده اكتشفت ايه يا جدو
؟ طلعت الحكايه ايه ؟ قول قول ماتتكسفش .
.
الراجل العجوز : انضحك عليا يا حماده ,
كنت حمار أوي , اتاري الحكايه مخطط خراب للمنطقه و هدم لجيوشها , خطط له الصهاينه و
البريطانيين و الأمريكان من قبلها بعشرين سنه , و كان فيه دول كده اسمها دول الخليج
و عندهم بترول وفلوس ملهاش أول من أخر , البهايم اللي كانو بيحكموها صرفو عالمخطط ده
من أوله لأخره .
- حماده : طب و حكاية سوريا يا جدو , و
الصراع السني الشيعي و بشار اللي اكتشفتو فجأه انه علوي , طلعت الحكايه ايه ؟.
.
الراجل العجوز : مممممممممم و الله يا حماده
يابني انا في نص هدومي منك , الحكايه طلعت عشان خط غاز قطر كانت عايزه توصله لأوروبا
عن طريق سوريا و سوريا رفضت , و كانت قطر دي بيحكمها عيل لامؤاخذه و ساحب وراه واحد
اسمه سلمان كان بيحكم بلد اسمها السعوديه .
- حماده : و طبعا يا جدو في وقت فراغك كنت
بتشتم في جيش مصر العظيم و تتريأ عليه ؟
.
الراجل العجوز : مممممممممم اه يا حماده
, و الله وشي منك في الأرض , الجزيره كانت بتهشتكني طول السنين دي .
- حماده , طيب يا جدو تمام , خبرات ايه
بقى و علم غزير ايه اللي عايزني اتعلمه و استفيده منك ؟ و تقولي في السياسه الدوليه
يا حماده ؟
.
الراجل العجوز : قصدك ايه يا حماده ؟ .
حماده : يعني يا جدو المايه في ايدك اهي
, و طقم الأسنان أهو , انا هستأذنك بقى أروح ألعب بالسكوتر بتاعي , سي يو جدو .
.
.
المشهد الأخير :
الراجل العجوز بعد الكبسه اللي اتكبسها
من حماده يقعد لوحده شويه و يسترجع كل ذكرياته الهباب في الفتره دي فيقرر انه ينتحر
, بس في أخر لحظه يتراجع , و ينادي على حماده تاني و يطلب منه يجيب له طبق جيلي كبير
عشان ياكله و ينسى .
.
حماده يجيب لجده طبق الجيلي و يديهوله و
يقرب من ودنه و يقوله : كل يا جدو الجيلي كله و حاول تنسى , الحمد لله ان مصر كان فيها
في الوقت ده رجاله .
.
الراجل العجوز ينفعل و يطلع يجري ورا حماده
بالعكاز : غور ياض يابن الكلب من هنا , و مش عايزك تجيب لي حاجه تاني .
....................................................................................................................
Mohamed Hussein
20 ديسمبر 2016·
ماجي مؤمن , الطفله الرقيقه دي , اخر شهداء
حادث الكنيسه البطرسيه الإرهابي , عمرها 10 سنين ( يعني بالظبط أد لوجي بنتي ) , راحت
تصلي في الكنيسه مع أهلها ( مش تحرق جامع ولا ترمي ماية نار على مسلمين بيصلو , و لا
كانت بتخبط على باب بيتنا و تديني صليب هديه و تقولي اعتنق المسيحيه يا عمو ) .
.
الإرهابي السفاح المجرم القاتل اللي عمل
كده , اعتقادي انه دلوأتي و هو بين إيدين ربنا , مفيش داعي انه يتحاسب , يكفي جدا واحد
من الملايكه يمسك صورة الطفله ماجي و يوريهاله و يقوله 3 كلمات ( بأي ذنبٍ قُتلَت ؟
) .
.
ربنا خلق البشر و خلق عبيده لعبادته و إعمار
الأرض و التعارف , مش عشان نحولها بحيرة دم , و كل واحد فينا يعتقد انه مندوب ربنا
على الأرض و معاه صكوك الغفران , و كشوف بأسماء المؤمنين اللي هيدخلو الجنه و الكفار
اللي هيدخلو النار .
.
هو ده ديني , اسمه الرحمه , انا عبد من
عباد الله الضعفاء , ربنا مادنيش تفويض بالقتل و التكفير , ربنا ميّزنا عن بقية مخلوقاته
بالعقل و إلا نبقى حيوانات و ديابه .
.
عزيزي المسلم المتدين الكيوت اللي ممكن
تتعاطف مع ارهابي زي ده , من فضلك حاول تتخيل , حاول يعني , حضرتك عايش في دوله أوروبيه
( او حتى في مصر ) و عندك بنت عمرها 10 سنين بتروح الجامع تحفظ قرأن و تصلي , و في
نفس الوقت ده كان فيه شاب مسيحي جاهل و غشيم , الشاب ده وقع تحت ايد قسيس جاهل و غشيم
برضه ( يا سيدي بقولك مثلا مثلا ) , القسيس زرع جواه كره و حقد للمسلمين و انهم كفره
ولازم يتقتلو .
.
الشاب المسيحي ماكدبشي خبر و لبس حزام ناسف
و راح للجامع اللي فيه بنتك و فجّر نفسه , و فجأه جالك تليفون بيقولك تعالى استلم اشلاء
بنتك اللي كانت بتصلي و تحفظ قرأن !! هه تخيلت ؟ طيب تمام , لو سمحت بقى احرق شرايط
وجدي غنيم و عبد الحميد كشك اللي عندك و قطع كل الكتب الوثنيه اللي زرعت جواك الغل
و الكره ده , و اخرج من صومعة الجهل و العنصريه بتاعتك , جرّب بس تفتح الباب , هتلاقي
نور ربنا قدامك .
.......................................................................................................................
Mohamed Hussein
20 ديسمبر 2016·
لو فكّرنا نعمل مسابقه مجمّعه لاختيار الشخصيه
الأقذر و الأكتر انحطاطا في أخر 5 سنين , يعني لأقذر و أحط مخلوقات الله , يا ترى الجايزه
دي هتكون من نصيب مين ولا مين ولا مين و لا مين ولا مين ؟
.
1- للإرهابي اللي فجّر نفسه في الكنيسه
و قتل العشرات من الأبرياء المسالمين و الأطفال اللي أخرهم الطفله الجميله ماجي مؤمن
؟
.
2- ولا الإرهابي اللي قتل السفير الروسي
و هو بيقول الله اكبر و جند محمد ؟ .
.
3- ولا للشيخ الوهابي اللي زرع الحقد و
الغل و الجهل في قلوب و عقول الجهله و المتخلفين ؟ .
.
4- ولا للشيخ الإخوانجي اللي فضل 90 سنه
يعلم خرفانه ان محاربة الصهاينه و تحرير القدس بتبدأ بمحاربة الجيوش العربيه و حرق
المدن العربيه و قتل الجنود العرب و اغتيال الشخصيات العربيه ؟ .
.
5- ولا للبرادعي اللي بقاله 3 سنين بيبرر
للإرهابيين و يقول عنف متبادل و العنف يولد العنف ( رأيي ان مفيش فرق بين الإرهابي
القاتل وبين الشيخ المحرض وبين السياسي ابن الوسخه اللي بيبرر كده ) .
.
6- ولا لأمراء و عربان الخليج اللي صرفو
مئات المليارات في حرق و تخريب دول عربيه و هدم جيوش و جابو القواعد البريطانيه و الأمريكيه
لحد عندنا و خدعو شعوبهم باسم الحروب السنيه و المد الإيراني ( بالمناسبه بعد خراب
خمس ست دول في المنطقه , المدينتين اللي مفيش حتى لمبة كهربا عندهم اتحرقت هما طهران
و تل أبيب ) .
.
7- ولا للخروف اللي قال على حباره بطل و
شهيد و رومانسي و كيوت و عبد الحليم حافظ ؟ .
.
8- ولا الخروف اللي شارك في الفيلم القذر
بتاع الخنزيره ؟ .
.
9- ولا الخروف اللي هرب على تركيا و اشتغل
في قنواتها و بقى دوره انه 24 ساعه يشتم في بلده و جيشها ؟ .
.
10- ولا لولاد الوسخه اللي عملو نفسهم قيادات
ثوريه و بقو يستدرجو الشباب لاشتباك مع الداخليه و يروحو هما يشقطو مزز و يسكرو في
البارات و يكتبو الثوره مستمره و الحقونا احنا بينضرب علينا خرطوش ؟ .
.
11- ولا لولاد الصرمه اللي مسميين نفسهم
حقوقيين و مرتباتهم و مكافئتهم بتيجي من أمريكا و بيسافرو و ينامو على سرير أوباما
تحت داعي حقوق الانسان و الديموقراطيه .
.
12- ولا لبنت الشر*وطه اللي قالت اه سافرنا
و اتدربنا بره عشان نعلّمكو و ننجركو يا شوية بهايم ( اللي بعد الشبشب و القبقاب ركبت
BMW ) ؟ .
.
13- ولا للصحفيين المصريين اللي لو عيل
في فرنسا جاله اسهال بيروحو يعملو وقفه تضامنيه بالشموع عشانه و لو حصل ارهاب عندنا
يعملو نفسهم من بنها أو يقولو ده شغل مخابرات والسيسي اللي عاملها ؟ .
.
14- ولا للحاجّه اللي نزلت بعد ساعتين من
قتل ريجيني و معاها لوحه بتتهم داخليه بلدها و تقول قتلتو ريجيني ليه ؟ يا حبيبي يا
ريجيني ؟.
.
15- ولا للإرهابيين اللي جابو أطفال غلابه
من دور ايتام و خلّوهم يشيلو أكفان و صوروهم في مشهد جنائزي ؟ .
.
16- ولا الإرهابيين اللي جابو طفل جنب بيت
مهجور و مهدود في اسكندريه و حطو على هدومه ماده حمره و كانو مستعدين لتصوير مشهد كربلائي
مؤثر و يقولو جرايم بشار الأسد اللي بيقتل الأطفال في حلب ؟ .
.
17 - ولا اجمالا لقطعان و شباب الكولجيه
اللي بقالهم 5 سنين مركوبين من ال 16 اللي فوق ؟! .
.
أصدقائي الأعزاء ممكن تختارو مين يستحق
الجايزه , اختارو أي رقم , أنا شخصيا هاجي غالبا في نهاية المسابقه و أقول رأيي إن
الجايزه حُجِبت , حُجبَت لكتره ولاد الوسخه .
................................................................................................................
Mohamed Hussein
19 ديسمبر 2016·
المشكله إن الواد بعد ما قتل السفير الروسي
عالهوا فضل يخطب ييجي دقيقتين و هو واقف على رجلة قدام الميكروفون , مفيش واحد من ولاد
الكلب بتوع الأمن فكّر إنه يجيب له كرسي يقعد عليه و هو بيخطب , و لا حد منهم ناوله
كوباية مايه , ده إسمه إهمال و تسيّب .
......................................................................................................................
Mohamed Hussein
19 ديسمبر 2016·
سفير روسيا في تركيا , راح يحضر معرض فني
, و اتقتل عالهواء مباشرة .
.
سيبك بقى من ولاد الكلب اللي لو حصل حادث
زي ده عندنا كانو قالو فين التأمين و فين قوات الامن و اللي اتقتل ده شخصيه دبلوماسيه
رفيعه , و مين كرمش عشرين جنيه لمين , و دي مصيبه سوده و حطت على دماغنا و السيسي بيلبسنا
في الحيطه و أه يانا يامّه يانا يامّه , سيبك سيبك , ولاد الكلب دول تخصص مصري بس
.
.
العالم مقبل على حرب عالميه , هي مش هتخلص
إلا كده , فيه نار و جمر تحت غطا البركان ده , و اللي بدأوها لعب بالنار و بخراب دول
, و اللعبه اللي كان أساسها بترول و غاز و تدمير جيوش و دول عربيه , مش هتتلم من غير
حرب عالميه , و كل اللي شاركو في السنين اللي فاتت في حرب بالوكاله هنصحى من النوم
مش هنلاقيهم عالخريطه , هيبقو كروت اتحرقت و دورهم انتهى , هنشرب قهوتنا و نكمل يومنا
عادي .
.
مصر في الفتره اللي فاتت لما مشيت عالحبل
, نجحت في أهم اختبارين , الأول ان البلد ماتقعش زي غيرها , و التاني انها ماتنجرّش
لحرب بالوكاله و تلوّث إيديها بالدم و بالتالي ييجي عليها اليوم اللي لازم تدفع فيه
الفاتوره .
.
طبعا بالنسبه لحبايبنا اللي لسه مصدقين
حكاية صراع سني شيعي و حبايبنا التانيين بتوع الربيع العربي , أنا رأيي إننا نجوّزكو
لبعض و تخلّفولنا شوية قرود يتنططو حوالينا و يسلّونا و يعملو جو لذيذ .
.....................................................................................................................
Mohamed Hussein
19 ديسمبر 2016·
أصدقائي الأعزاء .
.
متفهم و الله قلقكو و رغبتكو ان الناس ماتحطّش
الزيت عالنار في موضوع العلاقات مع السعوديه , حاضر يا خوانا , حط يابني الزيت ده على
جنب و النار على جنب تاني , و هات لنا شعرة معاويه عشان نمسكها ( بس ملحوظه , شعرة
معاويه و شعرة سندريلا و شعرة ست الحسن و أي شعره في الدنيا بيبقى لها طرفين , فهل
حضراتكو فاهمين ان الطرف التاني ماسك الشعره بإديه و متبّت فيها يعني ؟! ياريت تجاوبو
) .
.
طب خدو الخبر اللذيذ ده , بعد زيارة مستشار
سلمان لأثيوبيا و سد النهضه من يومين , النهارده وزير خارجيه قطر بنت الوسخه رايح أثيوبيا
, هل حضراتكو بتشوفو المواقف دي تحت أي بند غير المرقعه السياسيه ؟! .
.
واحد حبيبنا خبير استراتيجي و عسكري معرفشي
فين كده , حب يبرر أم الزيارات دي و قال ان السعوديه بتدعم سد النهضه عشان تعمل قاعدة
عسكريه في أثيوبيا ( يعني نظام هات و خد ) , و ليه تعمل قاعده عسكريه يا حماده ؟ قال
عشان عمقها الجيوستراتيجي , و بحيث انها تعرف تضرب اليمن و تواجه المد الإيراني في
اليمن من قاعدتها العسكريه في أثيوبيا !!!! , أقول ايه طيب ؟ جيوستراتيجي ايه و جيو
بطيخ ايه ؟ السعوديه الدوله الحدوديه مع اليمن حبّت تواجه ايران اللي هي في الشرق فقامت
ضربت دوله عربيه في الجنوب و خربت دوله عربيه في الشمال و عملت قاعده عسكريه في الغرب
؟ , هل أبدو لكم كشخص مابيعرفش يقول احا ؟!! .
.
أصدقائي الأعزاء , هحاول ألتزم الصمت في
الموضوع ده عشان مرارتي بس مش أكتر , و كلمة أخيره عايز أقولها كمواطن مصري ( أنا مش
رئيس مصر ولا وزير خارجيتها اللي أكيد هيبقى خطابهم مختلف ) :
............خليج تيريزا ماي أصبح ثكنه
عسكريه أمريكيه بريطانيه و منطقه معاديه لمصر تماما , واللي بتعمله السعوديه و قطر
في أثيوبيا اسمه مرقعه لإرضاء تيريزا ماي مش اكتر , سلمان بن عبد العزيز ساحبه عيل
شاذ اسمه تميم , و لا أمل في عودة سلمان عن غيه في القريب العاجل , ولا حتى القريب
اللي مش عاجل .
.
اللهم قد بلغت , و ربنا يخيب ظني .
........................................................................................................................
Mohamed Hussein
19 ديسمبر 2016·
حبايبنا اللي خايفين و متوجسين أوي و بيقرقضو
في ضوافرهم من فكرة التلميح ( و التصريح ) بإن النظام الحاكم في السعوديه حاليا جعل
المملكه دوله معاديه لمصر , بشكل واضح و صريح و فج , الحكايه اللي ظهرت في أكتر من
موقف في أخر شهرين تلاته , بترول أرامكو و حركة اياد مدني و دعم قطر بنت الوسخه و زيارة
أثيوبيا و سد النهضه , بس اجمالا عايز أقول لحبايبنا بتوع ( نسيب الباب موارب شويه
) كلمتين :
.
لو مراتك اللي هي مراتك ( يعني عشرة عمر
, و مخلف منها عيال ) , و مراتك دي جت في فتره و بدأ يظهر عليها اعراض الكره و العداوه
ليك , و بقت باستمرار ماسكالك السكينه , و بتحرض عليك كل اعدائك و كل بلطجية الشارع
و تساعدهم و تمولهم ( من ورث أبوها , أصله عقبال أملتك عنده بير بترول ) , و بتخونك
مع الواد حوده الكهربائي و مع عفيفي الأثيوبي سواق اللاندكروزر , و برضه ترجع اخر النهار
ماسكالك السكينه , هتعمل ايه حضرتك ؟ خلي بالك انا بكلمك عن مراتك يعني العشره و العيال
اللي ممكن يتشردو , هل هتوافق بالوضع ده و لّا هتطّلقها ؟, حتى لو طلقه واحده عشان
تبعد عنها و عن شرها شويه , جايز تعقل و ربنا يهديها أو ( تيريزا ماي ) تهديها !!
.
.
حبايبي الحلوين الكتاكيت اللي قلبهم قلب
خسايه , خايفين من ايه و النبي ؟ مصر دوله اتولدت قبل التاريخ مايتولد بسنتين ( يعني
هي الشقيقه الأكبر لكتاب التاريخ البشري ) , مصر عاشت و عملت حضارتها و حبت و ضحكت
و فرحت و غنت قبل ما يطفح البترول في جزيره العرب و قبل ما يبقى فيه دوله اسمها السعوديه
ب 9930 سنه , دي مسافات يا مولانا .
.
حبايبي الحلوين الكتاكيت اللي قلبهم قلب
خسايه , سيدنا النبي مات من 1400 سنه و ماتولدشي في الرياض على فكره و لا مات في الدمام
, و مفيش حديث ورد عن سيدنا النبي بيقول أوصيكم بأل سعود خيرا , أه و عهد الله .
.
حبايبي الحلوين الكتاكيت اللي قلبهم قلب
خسايه , لو في يوم من الأيام لقيتو منادي بيطوف في كوكب الأرض و يقول كل جيوش العالم
تبرأت من الدفاع عن الكعبه و الحرمين إلا جيش واحد , يبقى وانت قاعد في بلكونة بيتك
كده و من غير ما تسأل المنادي ده جيش مين ؟ لازم تعرف ان ده الجيش المصري , مش الجيش
السعودي ولا القواعد العسكريه بتاعة أوباما و تيريزا ماي .
........................................................................................................................
Mohamed Hussein
18 ديسمبر 2016·
فيه حاجات ممكن نفهمها أو نشوفها أوضح لو
قلبناها أو عكسناها .
.
يعني مثلا تخيل , حاول تتخيل , مصر مفهاش
أزمه اقتصاديه , ولا عندنا سياحه مضروبه عمدا , و عندنا احتياطي نقدي بتاع ستين سبعين
مليار دولار , و الدولار سعره ثابت تماما , و عندنا مخزون كبير من الدقيق و الرز و
السلع الأساسيه يكفي لفتره طويله , خلاص تخيلت ؟ .
.
طيب تمام , صلي بقى على سيدك النبي , موقفنا
هيكون ايه من الملفات دي بالترتيب كده , سوريا , ليبيا , اليمن ؟ , التلاته أمن قومي
لمصر , اكيد موقفنا هيكون مختلف و جرئ و حاسم , فيه دول و جيوش عربيه بيتم الإعتداء
عليها , و الدول دي مهمه جدا بالنسبالك , يعني قدامك فرصه تاريخيه ترجّع زعامة مصر
, و انت تقدر , أصلا مفيش حد غيرك يقدر ( القدره هنا مش بتعني انك بالضروره تبعت جيوش
تحارب ) , هه جاوبت ؟ و عرفت مصر كانت تقدر تعمل ايه ؟ يبقى بالتأكيد عرفت ليه اتعمل
عليك أقذر حرب اقتصاديه و لوي للدراع .
.
اقتصاديات الدول اجمالا مش بتبقى اسرار
حربيه , بتبقى معروفه بالأرقام , و اهم مصادر لدخلها من العمله الصعبه , و هي دي كانت
نقطة ضعفنا اللي لعبو عليها طول 3 سنين و اللي شارك فيها القريب قبل الغريب , محاولات
مستميته إن المارد ده مايفزّش و يقوم و يلعب دوره مع إن ده أفضل توقيت بالنسباله .
.
عايز أقول لحضراتكو باختصار , اللي حصل
في ال 3 سنين الأخيره و عملية التركيع الإقتصادي كان مقصود منها حاجتين , انك ( كدوله
) تقع و تنكسر , و لو ماحصلشي كده يبقى عالأقل تفضل مشغول و مهموم دايما بلقمة العيش
و البحث عنها , وبالتالي حركتك بره نطاق الدوله تبقى بطيئه جدا و على استحياء .
.
انما قناعتي التامه انها هانت , و ان مصر
رغم الأزمه الإقتصاديه هتلعب دورها ( من غير استحياء ) , و هتلحق اشقائها العرب الحقيقيين
, دول الحضارات , مش الدول و الدويلات و الأكشاك بنت امبارح بالليل .
.............................................................................................................................
Mohamed Hussein
18 ديسمبر 2016·
أثيوبيا و أوغندا و بقية دول حوض النيل
دي شأن مصري بحت , أمن قومي مصري , يعني منطقي جدا ان مصر تزور الدول دي و تتفاوض هنا
و هناك , و منطقي برضه ان اسرائيل يكون لها وجود هناك باعتبار ان اسرائيل دوله معاديه
لمصر , و ان دول المنبع بتاعة حوض النيل ممكن تكون ورقة ضغط على مصر , بما في ذلك موضوع
سد النهضه و محاولة مساومتك على بؤ المايه , كل ده ممكن يبقى مفهوم بحسبة العقل و إنك
صاحب الشان و في سباق دايما مع عدوك الأزلي اللي هو الكيان الصهيوني , و منطقي برضه
ان دويله زي قطر بنت الوسخه تروح تستثمر في سد النهضه , باعتبار ان الدويله دي هي البنت
العربيه المدلله لأمريكا و للكيان الصهيوني .
.
انما اللي مش طبيعي ولا منطقي هو وجود السعوديه
و زيارتها لأثيوبيا و استثمارها في سد النهضه , و محاولتها اقامة قاعده عسكريه في جيبوتي
, الطبيعي ان اللي يتواجد في المنطقه دي بيكون اختيار من اتنين , إما مع مصر ( بالتنسيق
معاها و لخدمة مصالحها ) و إما مع أعدائها ( بالتنسيق مع الكيان الصهيوني ) , ده باختصار
شديد و من غير تزويق للكلام ولا لف و دوران , واللي اعرفه ان السعوديه مانسقتش مع مصر
في موضوع سد النهضه ولا في موضوع جيبوتي , يبقى بحسبة رياضيه بسيطه و بطريقة بما أن
و إذا , السعوديه اختارت الفريق اللي بتلعب فيه !! .
.
زيارة السيسي النهارده لأوغندا مش رد على
زيارة السعوديه لأثيوبيا , يا ناس أبوس ايديكو ركزو شويه , المنطقه دي على بعضها بتاعتنا
احنا , قضيتنا احنا , السيسي لو عايز يرد عالسعوديه و يتعامل بنفس الصبيانيه و الوقاحه
كان راح زار إيران .
.................................................................................................................
Mohamed Hussein
18 ديسمبر 2016·
الحقيقه و نعمة العقل
.
- الحقيقه اني ماكنتش مستني واحد زي أحمد
المغير يعترف ان اعتصام رابعه كان فيه عربيات مليانه أسلحه , عشان العقل البشري بيقول
باختصار , إن التلاتين أربعين جندي و ظابط اللي استشهدو في فض الإعتصام اكيد مماتوش
في حادثة موتوسيكل !! .
.
- و الحقيقه اني مش مستني أدله ولا اعترافات
تقول ان الجماعه الارهابيه في مصر بيجيلها تمويل و مليارات من دول عربيه و اجنبيه
, عشان العقل البشري بيقول , ان المليارات اللي صرفتها الجماعه الإرهابيه في انتخابات
البرلمان و الرئاسه 2012 , اكيد أكيد مجابوهاش من العشرين تلاتين جنيه اللي بيدفعهم
الخروف الرسمي اشتراك سنوي في الجماعه الارهابيه , لا محل العطاره بتاع المرحوم مش
بيجيب مليارات يا خروف .
.
- و الحقيقه برضه إني ماكنتش مستني شهاده
و اعتراف من شريف الصيرفي يتكلم فيه عن قيادات 6 ابريل و الاشتراكيين الثوريين و ازاي
ان الحكايه سبوبه و بيجيلهم فلوس متلتله من رجال اعمال و جمعيات لامؤاخذه حقوقيه ,
و ازاي ان القيادات دي كانو بينزلو ايام المظاهرات و يسخنو الشباب عشان يشتبكو مع الداخليه
و يروحو هما يسكرو و يشقطو مزز و يكتبو الثوره مستمره من قلب البار أو من على سرير
المزه , الكلام ده اعرفه من سنين .
.
- و الحقيقه برضه ان فروع 6 ابريل المفتوحه
في أماكن كتير بما فيها دول اوروبيه و مصاريفهم اكيد مش بتيجي من ال 10 جنيه اللي هي
رسم الاشتراك بتاع اعضائها , اللي في النهايه ممكن يجمعو 100 الف جنيه , دي أجرة الميكروباص
يا حماده , حاول تصدق برضه ان محل العطاره بتاع المرحوم مابيجيبشي مليارات ولا ملايين
.
.
- والحقيقه المهمه جدا , إنه رغم احترامي
لشجاعة احمد المغير و شريف الصيرفي , بس عايز أقولهم ان الرجوله و الفروسيه الحقيقيه
انك تعترف في لحظتها , مش بعد سنين , خصوصا لما يكون الموضوع متعلق بدم و أرواح شباب
و مستقبل بلد .
.
- حبايبي الخرفان و الكولجيه اللي لسه عندي
في الأصدقاء أو الفولورز , اكيد انتو شايفين البوست ده , بدعي ربنا و الله انكو تفوقو
, و تخرجو من زريبة تجار الدين و زريبه تجار الثورات و الشعارات , يارب تفهمو بقى انكو
مجرد ورق كوتشينه بيتلعب بيه مش اكتر , واللي بيلعب بيكو معندوش مانع انه يقطع الورق
في لحظه أو يحرقه لو كانت الحكايه دي هتخليه يكسب الدور أو يكسب شويه فلوس حلوين من
اللي بيموله و يصرف عليه .
.
الحمد لله على نعمة 30 يونيو و نعمة العقل
و نعمة الوطن .
...................................................................................................................................
Mohamed Hussein
18 ديسمبر 2016·
السيسي راح أوغندا في زياره لمدة يوم واحد
, أوغندا من الدول المهمه جدا في حوض النيل , و هيوقع مع الرئيس الأوغندي اتفاقيات
كتير في التبادل التجاري و التعاون المشترك خصوصا في مجال الإنتاج الحيواني .
.
كولجي : يا عم بطّل بقى تتفرج على الإعلام
المصري , و تقول حوض النيل و تبادل تجاري و الهري ده .
.
طب خلاص , حاضر يا حبيبي , السيسي راح يزور
أوغندا لمدة يوم واحد , عشان أوغندا دي معانا في مجموعة تصفيات كاس العالم , و هي الدوله
اللي بتنافسنا على تذكرة التأهل للمونديال و هنلاعبهم الماتش الجاي على أرضهم , يبقى
أكيد السيسي راح لهم عشان يظبّط معاهم انهم يفوّتو لنا الماتش الجاي و نبقى نشوفهم
بقرشين أو ممكن نفوّت لهم احنا ماتشنا بتاع أمم أفريقيا 2017 ( ماهما معانا برضه في
نفس المجموعه ) .
.
عشان كده السيسي خد معاه هيكتور كوبر و
عصام الحضري , بس و هما في مطار القاهره , الجمارك خدت البطيخه من عصام الحضري , و
قالت له البطيخه دي ممنوع تسافر إلا بتصريح و تويته من البرادعي شخصيا , يكتب فيها
و يشرح لنا العلاقه بين شكل البطيخه و أحلام الشباب , و إن الدوله الفاشيه القمعيه
هي اللي بترمي بذر البطيخ و ( تفتفه ) في حلقه جديده من حلقات مسلسل العنف و القوه
المفرطه , و كيف أن بذر البطيخ في الدول المتحضره له حقوق و حريات مكفوله من الدوله
و الدستور و القوانين الإنسانيه , حزين عليك يا بذر البطيخ .
...........................................................................................................................
Mohamed Hussein
17 ديسمبر 2016·
لسه شايف حالا فيديو لذيذ أوي للقيادي في
الجماعه الإرهابيه الهارب مولاهم الشيخ وجدي غنيم , بيتكلم عن تفجير الكنيسه , ملخص
الفيديو ده ايه بقى ؟ باختصار اهو
.
- السلام عليكم ورحمة اللي و بركاته .
- السيسي كافر .
- السيسي هو اللي فجر الكنيسه عشان يداري
على جملتة ( اللي يقدر على ربنا يقدر علينا ) .
- يبقى كده السيسي كافر تاني ( يعني كافر
تربيع ) .
- و السيسي كمان فجر الكنيسه عشان يعمل
فتنه طائفيه و يحرق البلد ( يبقى كافر تكعيب )
- و شيخ الازهر كان قاعد و سامع يبقى كافر
برضه .
- و كل المشايخ اللي حضرو الاحتفال بتاع
المولد النبوي ده يبقو كفره .
- و تواضروس كافر .
- انما فيه شوية صليبيين ( مسيحيين ) حلوين
عشان هتفو ضد السيسي قدام الكنيسه .
- بس طبعا الصلييبيين كفره .
- و أخيرا , عايز أقول لكو ايه ؟ أه افتكرت
, السيسي كافر .
- و السلام عليكم و رحمة الله و بركاته
.
.
الفيديو و انا بشوفه قلب معايا بهسترية
ضحك , أدي ياعم حال و القوى العقليه و ال mentality
و ال IQ بتاع قيادات الجماعه الإرهابيه , اللي هما المفروض يكونو ال TOP , و لك ان تتخيل شكل القوى
العقليه بتاعة القطيع اللي كان عايز يحكم مصر.
.
..عشان كده هفضل أقول طول العمر , 30 يونيو
و كفى بها نعمه , اللهم لك الحمد و الفضل و المنه .
......................................................................................................................
Mohamed Hussein
17 ديسمبر 2016·
دونالد ترامب : سوف نسعى لبناء مناطق أمنه
في سوريا , و نجعل دول الخليج تنفق أموالها على بناء هذه المناطق .
.
عربان الخليج : يا باشا يا باشا , نصرف
ايه بس ؟ داحنا صرفنا مئات المليارات عشان نعمل الخراب ده , و خلاص بقينا بنكح تراب
.
.
ترامب : اخرسو يا بهايم , هتدفعو برضه
, هي مش ستكو تيريزا ماي كانت عندكو و شرحت لكو كل حاجه ؟ .
.
عربان الخليج : اه يا باشا , ستنا تيريزا
كانت هنا بس ماقالتشي اننا هنصرف حاجه دلوأتي .
.
ترامب : تلاقوها نسيت , عادي يعني انها
تنسى , و بعدين هتصرفو و تدفعو ولّا نطلق عليكو ( العفريت ) اللي اسمه ايران يخربشكو
و يقول لكو ( عو ) في الضلمه و انتو نايمين ؟ ولا تحبو نطلّع لكو قانون جاستا من الدرج
؟ ولا تحبو نفتح ملف دعمكو للارهاب و تحريضكو على خراب الدول , اللي متصور صوت و صوره
و نبعته لل cnn يا شريرين
؟ ولا تحبو نطلّع لكو ملفات الديموقراطيه و تداول السلطه و حقوق الانسان و معاملة العماله
و نظام الكفيل ؟
.
عربان الخليج : خلاص خلاص , هنصرف يا باشا
, اوامرك يا كبير .
.
ترامب : فين سلمان عايز اكلمه ؟ .
.
سلمان : موجود يا باشا .
.
ترامب : عرفت هنعمل القواعد العسكريه الأمريكيه
و البريطانيه فين ؟ بين كل محطتين بنزين أو مطعمين مندي هنعمل قاعده عسكريه .
.
سلمان : يا باشا البلد بلدكو , اعتبرونا
أصلا ضيوف عندكو .
.
ترامب : تمام تمام , بعتت المستشار بتاعك
يزور اثيوبيا و سد النهضه زي ما قلت لك ؟ و قلت لرئيس وزراء أثيوبيا انك هتستثمر في
موضوع السد و الطاقه و تبعتلهم فلوس تاني انت و ولد شاذ تميم ؟
.
سلمان : حصل يا كبير , و زمان المصريين
شايطين من الحركه دي .
.
ترامب : هايل great
, زي حركة اياد مدني و حركة بترول أرامكو , انت تلميذ نجيب ملك سلمان , انت احسن كتير
من ملك عبد الله .
.
سلمان : يا باشا أنا خدامك و خدام الست
تيريزا و خدام مداسكو , دانتو الي حامينا و ساترينا , هو احنا لنا حد غيركو بعد ربنا
سبحانه و تعالى .
.
ترامب : بارك الله فيك يا اخ سلمان may God bless you .
.
سلمان : و فيكم مستر بريزدنت , استأذنك
يا كبير عشان صلاة المغرب وجبت .
.
ترامب : طبعا طبعا of course , حرما مقدما مولانا شيخ
سلمان .
..............................................................................................................................
Mohamed Hussein
17 ديسمبر 2016·
يوميات كُهن السيد مُحن
.
أنا كمان كنت كده على فكره , أه يا خويا
كنت كده , و انت مال أهلك انت , اسمع وانت ساكت .
و فضلت طول فتره الخطوبه ماسمعشي صوت خطيبتي
.
.
حتى لما كنت بعزمها كل يومين في كافتيريا
دهب اللي في النعام أو في الكافتيريات اللي عالنيل في الدقي , كنت أتجنن عشان تنطق
و تقول هتشرب ايه ؟ و هي أبدا , لايمكن , و تقوم ماسكة المينو و مشاوره عاللي عايزه
تشربه ( عصير فراوله ) .
.
و لّا لما تكون سايقه عربيتها ال 127 و
انا راكب جنبها و ييجي سواق تاكسي غتيت يكسر عليها فجأه و يحك العربيه , تقدر تنطق
و صوتها يبان و انا قاعد ؟ كانت كل اللي تعمله انها تبص لسواق التاكسي و ترفع صباع
السبابه و تحركه يمين و شمال و هي مبتسمه ( بمعني : لا يا اخي الكريم , هذا خطأ بارك
الله فيك ) , لا بتقوله أمك ولا ابوك ولا ام اللي جابوك , اه صحيح .
.
و طبعا لا لمست إيديها طول فترة الخطوبه
و لا قربت حتى من مناخيرها , أظن الكلام ده واضح ( بصوت د منال عمر ) , اثبت بقى اني
كداب ( بصوت اللمبي ) , الحمد لله مكانشي فيه موبايلات بكاميرا أياميها .
.
بالك يا أخي المؤمن ؟ أنا اول مره اسمع
صوت خطيبتي كان بعد ماتجوزنا و خلفنا البت التانيه الصغيره ( لمار ) , أياميها كنت
في السعوديه و هي في مصر , و بتصل بالموبايل للمره الألف قلت جايز أسمع صوتها , و بالفعل
حصل , ماصدقتش نفسي من الفرحه , طلعت جري على ملك المندي اللي في الخُبر و عزمت نفسي
على ربع خروف مندي , و قلت لليمني صاحب المطعم يتصدق ب نص فرخه مندي للبنغاليين الغلابه
.
.
لا تجعلها تقف عندك , انشروها لبلاد الغرب
الكافر و الصليبيين ولاد التيت ,و المجوس و الصفويين و البوذيين ( ولاد التيت برضه
) , عشان يعرفو أد ايه احنا شعب متدين بطبعه , و كيوت , و قلبنا قلب خسايه .
.................................................................................................................................
Mohamed Hussein
17 ديسمبر 2016·
من كام يوم كان الهجوم على كمين في منطقة
الهرم , و 6 شهدا من رجال الشرطه المصريه .
- الكائن الكولجي : الفشل الأمنى , الكماين
الثابته كارثه و ثغره أمنيه و يجب استبدالها بكماين متحركه , ولابد و حيثما و إذ ربما
.
.
النهارده خبر انفجار اتوبيس يقل جنود في
تركيا باستخدام سياره مفخخه , مقتل 13 جندي تركي و اصابة 48 .
.
يا ترى الكائن الكولجي هيكون رأيه ايه ؟
رأيك ايه يا ضنايا ؟
.
- مش هتقول ان الإتوبيسات المتحركه ثغره
أمنيه ولازم تركيا تعمل اتوبيسات ثابته ؟!.
- طب مش هتقول عن حادث تركيا الإرهابي
( اللي بيحصل كل 3 ايام ) إن أردوغان بقاله سنين بيخدع شعبه و يقول لهم انا بحارب الارهاب
؟
- مش هتقول أردوغان عملها عشان يداري على
كذا ؟
- مش هتقول فشل و تقصير أمني في حماية و
تأمين الجنود ؟
- مش هتقول المليارات اللي صرفها اردوغان
على الأسلحه راحت فين ؟
- مش هتقول عرفو منين ان الإنفجار بسياره
مفخخه بالسرعه دي , مش جايز تكون ست جابت شنطة سوده و رمتها عالاتوبيس ؟
- مش هتقول الديموقراطيه هي الحل و تركيا
فشلت في تنمية الإنسان ؟
- مش هتقول الازهر فرع تركيا هو السبب في
كده ؟
- مش هتقول تركيا غير مستقره أمنيا و تبعت
مقالات لجرايد عالميه و تترجمها ؟
- مش هتقول أردوغان بيرمي العساكر الغلابه
بتوع الصعيد التركي في اتوبيسات تنفجر و اللواءات قاعدين في قصورهم في التجمع الخامس
بتاع اسطنبول ؟
- طب البرادعي مش هيكتب تويته و يقول العنف
المتبادل في تركيا ؟
- طب لما يتقبض عالإرهابي اللي عمل كده
هتقول عليه بطل ومناضل , و تجيب صورته و هو ماسك المصحف و تحكي عن قصة حبه لزمرد خانو
؟!
.
إجمالا , تعريف الكائن الكولجي , هو المخلوق
اللي اتلعب في دماغه ( وفي أجزاء تانيه من جسمه ) لمدة 5 سنين متصله , و بعد كده طبعا
حب الموضوع أوي ( ماهي 5 سنين مش قليله ) , لدرجة انه مع كل حادثه إرهابيه في مصر يقعد
يلف و يدور حوالين نفسه و يعمل شألباظات و يهري و ينكت , بحيث إنه مايجيبشي سيرة الإرهاب
ولا الفصيل الإرهابي ( اللي هو الفصيل الوطني و رفقاء الميدان ) و لا دولته اللي في
حالة حرب , و لا يقول كلمة شهيد , و لو جاب سيرة الإرهاب يبقى يحط له اسباب و حيثيات
و دوافع و مبررات قذره .
.
كل مره لازم يعمل كده و إلا هيزعّل منه
الأسياد اللي لعبو في دماغه ( و في أجزاء تانيه من جسمه ) .
.....................................................................................................................
Mohamed Hussein
16 ديسمبر 2016·
تصريح الخارجيه المصريه ردا على بيان مجلس
التعاون الخليجي بيقول : كنا نأمل قراءه دقيقه للموقف المصري !! .
.
مش عاجبك التصريح ده ؟ ولا عاجبني ولا عاجب
حد أبدا , أومال ليه بقى طلعو بتصريح زي كده ؟ تعالى و انا أقولك .
.
انا و انت و زيد و عبيد وأونكل زيزو و طنط
سعاد اسمنا مواطنين , يعني من حقنا نقعد على شط الترعه و نجيب لبشة قصب نمصها , و نقوم
كده و احنا قاعدين و مدلدلين رجلينا في مايه الترعه نقول اللي احنا عايزينه , نشتم
الدول و نسب لمجلس التعاون و نلعن جدود أبو القارات و المحيطات , عادي , عشان احنا
مواطنين .
.
أيوه يعني الخاجيه بتعمل كده ليه ؟ هقولك
باختصار:
.
1- أسهل حاجه على سامح شكري و السيسي انهم
يطلعو بيان يقولو فيه : يا مجلس خليج عره , يا شوية خونه , يا بتوع تريزا ماي , بس
ده مش هيحصل خصوصا في الوقت الحالي .
2- الحكايه ملهاش علاقه لا ببعد قومي ولا
بأمن قومي ولا التاريخ المشترك ولا الحلم العربي و لا كل الهري ده , احنا تجاوزنا المرحله
دي من بدري .
.
3- الحكايه لها علاقه بحسبة اقتصاد و بس
, و حسبه مفهاش لا دعم ولا مساعدات ولا غيره , ازاي يعني ؟
.
4- بص يا سيدي , في 2011 كان أهم مصادر
للعمله الصعبه في مصر , السياحه و قناة السويس و العاملين بالخارج ( كان فيه قبلهم
حاجه بنزرعها اسمها القطن ..الفاتحه لروحه بقى ) و طبعا مفيش صناعه عليها القيمه عشان
نصدرها , و حتى صادراتك من المحاصيل الزراعيه بتدخل فيها لعبة السياسه ( الفراوله بتاعتكو
فيها فيروس A و الجوافه
بتاعتكو بتجيب حب شباب و بواسير )
.
5- المهم السياحه انضربت بفعل فاعل , و
مش باقي غير شوية دولارات بييجو من قناة السويس , و شوية اكتر من العاملين بالخارج
.
.
6- العاملين بالخارج دول بقى أغلبهم موجود
في منطقة الخليج ( احد كوارث مبارك انه ماعملشي حساب يوم زي كده ولا فتح أسواق جديده
افريقيه و اوروبيه للعماله المصريه ) , و طبعا ليبيا بح و من قبلها العراق بح .
.
7 - عندك بتاع اتنين تلاته مليون مصري شغالين
في الخليج بيدخّلو عشره عشرين مليار دولار سنويا , هتقولي معقوله يعني يكونو قادة الخليج
بالغباوه و الهمجيه دي و يسرّحو العماله المصريه و يروحو يجيبو عماله اغلى بكتير ؟!
.
.
8- هقولك ممممممممممم و الله يا حماده الناس
دي صرفت عشرات ( و جايز مئات ) المليارات من الدولارات في ظرف 5 سنين على الإرهاب و
توريد السلاح للإرهابين عشان تشارك بس في حرق و خراب سوريا و ليبيا و اليمن ( و طبعا
مصر ) , لك أنت بقى ان تتخيل شكل القوى العقليه بتاعتهم و ال I.Q .
.
9- طب يعني هنفضل صابرين كده لحد امتى ؟
لحد مالملوخيه تيجي تحت المخرطه , هانت أوي , و وقتها هتشوف بنفسك سامح شكري و هو بيقلع
لهم البنطلون .
.
10- عالهامش كده , ممكن البوست ده يكون
اجابه على سؤال تاني ( هو الدولار بقى ب 18 جنيه ليه ؟ ) , واللي يسأل السؤال ده بقوله
يارب تفهم ان الدولار ده مش بيتزرع , مش عشان لونه اخضر يبقى بيتزرع , و إلا كان زمانا
استصلحنا مليون فدان و زرعناهم دولارات خضره و بقى الدولار ببريزه .
............................................................................................................................
Mohamed Hussein
16 ديسمبر 2016·
الحدوته ( من الجلده للجلده )
.
على مدار 90 سنه , هتلاقي الجماعه الإرهابيه
و كل التنظيمات التابعه ليها عملت التالي .
.
- اغتالت شخصيات مصريه مسلمه و مسيحيه
.
- حاربت الجيش المصري و الشرطه المصريه
اللي فيهم مسلم مصري و مسيحي مصري .
- فجّرت كنايس مصريه , يعني مسيحيين مصريين
.
- حاربت بشار الأسد عشان علوي , و حاربت
الجيش السوري اللي هو سني و شيعي .
- حاربت القذافي كان سني و الجيش الليبي
( سني ) .
.
يعني باختصار ( و باستثناء منطقة الخليج
!! ) حاربو كل ماهو مصري و عربي , سواء كان مسيحي أو سني أو شيعي .
.
و على مدار ال 90 سنه برضه , مش هتلاقي
الجماعه الإرهابيه ولا أي تنظيم تابع لها اغتالت شخصيه يهوديه أو قتلت جندي صهيوني
واحد , ولا ضربو كمين صهيوني و لا فجّرو معبد يهودي في تل أبيب , و لما تسأل خروف من
خرفانهم انت عدوك مين يا خروف ؟ هيقولك اسرائيل , و غايتك ايه يا خروف ؟ هيقولك تحرير
القدس !! ..... لا تخرج قبل أن تقول للخروف : قدس امك .
.
أطراف اللعبه القذره باختصار ( أطراف حلف
الشيطان ) :
1- جماعة ارهابيه أنشأتها المخابرات البريطانيه
لخدمة الكيان الصهيوني ( في نفس توقيت نشاة اسرائيل ) .
.
2- الإنفاق على الجماعات الإرهابيه و تمويلها
بيجي من الخليج , من فلوس البترودولار , مقابل دعم و حماية ( و قواعد عسكريه ) امريكيه
و بريطانيه لعربان الخليج .
.
3- الرعايه السياسيه و الغطاء السياسي للجماعه
الإرهابيه بيكون باستمرار أمريكي بريطاني ( شوف قيادات الإرهابيين لما بيهربو بيروحو
فين ؟ لا يا حماده مش بيروحو سويسرا ولا اليابان )
.
طب مشهد النهايه شكله ايه بقى ؟ .
التاريخ دايما بينتصر لأصحاب الأرض و أصحاب
الحضارات و أصحاب الحق .
اقرو كتاب التاريخ , وشوفو القوى الإستعماريه
الهمجيه جت و راحت فين في النهايه هي و ( الخونه اللي ساعدوها ) ؟ أمريكا بجلالة قدرها
و قدراتها العسكريه لا تقارن بقوة جيوش المغول في وقتها , و مع ذلك أتحداك تعرف دلوأتي
تشاورلي عالخريطه و تقولي دولة المغول دي كانت فين بالظبط ؟!.
..............................................................................................................................
Mohamed Hussein
16 ديسمبر 2016·
مجلس التعاون الخليجي منزعج و مستاء من
الزج بإسم قطر في التحقيقات بتاعة تفجير الكنيسه !! .
.
و احنا طبعا مالناش بركه إلا مجلس التعاون
الخليجي و دول مجلس التعاون الخليجي و ضفاير مجلس التعاون الخليجي و غمّازات مجلس التعاون
الخليجي , و مانقدرش على زعلهم أبدا , عشان كده بقترح على السيد النائب العام إنه يقطع
الورقه ده من محضر التحقيقات و تتكتب من تاني من غير مانقول قطر ولا نذكر اسمها , يعني
تبقى بالشكل ده مثلا :
.
هذا و قد تبين من التحقيقات التي توصلت
إليها نيابة أمن الدوله العليا بالتعاون مع الامن الوطني أن احد المتهمين في تفجيرات
الكنيسه و يدعى فلان الفلاني ( و شهرته كذا ) , قد سافر خارج البلاد لمدة 3 شهور التقى
فيها بعدد من قيادات الجماعه الإرهابيه الهاربين , و جاء سفر المدعو فلان الفلاني إلى
دويله عربيه عباره عن كشك على الخليجي العربي و شهرتها ( بنت الوسخه ) !! .
.
مبسوط كده يا مجلس التعاون الخليجي ؟ ماقولناش
اسم قطر أهو , بس والله بصفتي مواطن مصري يعني كنت اتمنى على معالي جناب فخامتكم إنكو
تنزعجو من وجود و إيواء ( و علف ) ألاف الإرهابيين الهاربين من مصر في الكشك اللي شهرته
بنت الوسخه , كان أولى بيكو تنزعجو من وجود قناة صهيونيه حقيره كل دورها هو حرق و خراب
الوطن العربي .
.
إنما يبدو إن ستكم تيريزا ماي أحكمت قبضتها
و رتبت لكو الأوراق بالشكل اللي يناسب عربان الخليج , و الدكر فيكو يبقى يحاول يخرج
عن النص و عن تعليمات الست , يا أعضاء مجلس تعاون خليج تيريزا ماي .
................................................................................................................
Mohamed Hussein
16 ديسمبر 2016·
قصه حياة عادل حباره بتبدأ من حبه لزوجته
التي أصيبت في حادث قطار , واااا
- معلش يا أستاذ , ثانيه واحده , وطّي لنا
يابني النور شويه و شغّل موسيقى هاديه يكون فيها شجن , كمّل يا أستاذ , بس عيد من الأول
تاني .
.
قصة حياة عادل حباره بتبدأ من حبه لزوجته
التي أصيبت في حادث قطار , و كان دائما يتحدث عن زوجته بحب و خجل , فهو إنسان رقيق
المشاعر و مرهف الحس .
- ستوب , كت , هايل يا فنان , هايل , قولو
للأستاذ زكي رستم يجهز عشان المشهد اللي بعده .
.
يافندم يافندم , مصيبه يافندم .
- خير يابني فيه ايه ؟ .
.
يافندم الأستاذ زكي رستم بيقول انه قري
السيناريو و رافض يلعب دور الشرير القاتل , عايز يلعب دور رومانسي و كيوت و مرهف الحس
زي الأستاذ عادل حباره كده .
- نعم ياخويا ؟! , رومانسي و مرهف الحس
؟ أومال مين بقى هيلعب دور الشرير القاتل السفاح ؟ داحنا مش باقي عندنا غير الأستاذ
عبحليم حافظ و الأستاذ محرم فؤاد .
.........................................................................................................................
ليست هناك تعليقات:
إرسال تعليق