Mohamed
Hussein
23 ديسمبر 2016
الهري الليله على
قرار مجلس الأمن .
.
.
عموما يا حماده
ماتزعلش , القرار ده هيبقى رقم 56734 على ما اعتقد بخصوص المستوطنات , احفظ الرقم التسلسلي
ده و اوعدك ان القرار رقم 56735 هنبقى نكتب اسمنا عليه ( قبل مايترمي في الدرج زيه
زي اللي سبقوه ) .
.
و مش مهم خالص
تعرف ان فيه فرق كبير بين الفروسيه و الحموريه , أو الفروسيه و الوقوع في الفخ , أول
ناس هيفرحو و يهيصو لما تقع في الفخ هما اللي هتلاقيهم زايطين دلوأتي على سحب مصر لقرارها
.
.....................................................................................................................
Mohamed
Hussein
23 ديسمبر 2016
الهري الليله على
قرار مجلس الأمن .
.
- مصر أعدّت قرار
و قدمته لمجلس الأمن بخصوص الإستيطان .
- بيان مندوب مصر
بيقول اننا اتعرضنا لضغوط كبيره و تحذيرات من دول كبرى ( اعتقد يقصد أمريكا و بريطانيا
) .
.
- مصر سحبت القرار
بتاعها و أيدت قرار تاني متقدم من 4 دول ( مافهمشي دوله عربيه ) .
- الجزيره هتعمل
باللو على سحب مصر لقرارها ( يبقى انا كده تأكدت اننا عملنا الصح ) .
.
و عموما يا حماده
ماتزعلش , القرار ده هيبقى رقم 56734 على ما اعتقد بخصوص المستوطنات , احفظ الرقم التسلسلي
ده و اوعدك ان القرار رقم 56735 هنبقى نكتب اسمنا عليه ( قبل مايترمي في الدرج زيه
زي اللي سبقوه ) .
.
مهم جدا انك تعرف ان فيه فرق كبير بين الفروسيه و الحموريه
, أو الفروسيه و الوقوع في الفخ , أول ناس هيفرحو و يهيصو لما تقع في الفخ هما اللي
هتلاقيهم زايطين دلوأتي على سحب مصر لقرارها .
............................................................................................................................
Mohamed
Hussein
23 ديسمبر 2016
بص يا حبيبي ,
من الأخر كده
.
هتزرع تشاؤم و
إحباط و سواد , و هزرع أمل و خضره و نور ربنا , عشان أصلا الأمل مش اختيار للشعوب
, ده فرض عين .
.
أفكارك و خزعبلاتك
و شألباظاتك و إيفيهاتك و حلقاتك و برجلاتك
و صورتك و انت ساند راسك على صباعين من إيدك ( قال يعني بتفكر و عميق و كده ) , الحاجات دي بقت كوميديه و حالتك تدعو للشفقه و
انت عايش في دور السياسي المفكر الجبار اللي بيمشي عالحيط , و عهد الله ماتعرف تدير
كشك سجاير .
.
هتحاول تبرر للإرهاب
أو تعيش في دور ان الخيانه وجهة نظر هنفخك , بالعقل و المنطق و الحروف و الكتابه (
ده الكرباج بتاعي ) , انا اللي هنفخك مش الدوله
ولا الداخليه , الناس دي مش فاضيالك ولا حد بيراقبك ولا حد عارفك
, و خالتك نفسها بتتلخبط في اسمك .
.
بلدي و بتمر بظروف
صعبه جدا , ماخدنهاش في الكتب , مش مهم نكون خدناها في الكتب بس لازم نكون أد التحدي , و الظروف الصعبه دي مش هتسنى لما الحمار
اللي هو معاليك يفهم و يبقى جينتل مان .
...........................................................................................................................
Mohamed
Hussein
22 ديسمبر 2016
مشهد 1 : عناصر من داعش تدهس علم تركيا .
ستوب , كت , هايل
يا فنان , اللي بعده .
.
مشهد 2 ( داعش
يحرق جنديين أتراك )
.. هات يابني جنديين
اتراك و اعمل انك بتحرقهم و صورهم و النار ماسكه في هدومهم .
ستوب , كت , هايل
يا فنان ( مش كنتو جبتو احمد السقا و احمد عز يعملو المشهد ده ؟ )
.
بكره بقى , مشهد
3 ( أردوغان و داعش ) .
.. اردوغان يطلع
في مؤتمر صحفي و يتوعد داعش بالعقاب الأليم و يعمل بملامح وشه انه غضبان ويجز على سنانه كداهو ( زي ما أوباما بيعمل بالظبط
) .
.
انا اتأثرت أوي
, أردوغان بيحارب داعش و السعوديه بتحارب داعش
و امريكا بتحارب داعش و بريطانيا بتحارب داعش
و أكيد قطر بتحارب داعش ............ تصفيق
حاد و مزمن ( يبقى أكيد مصر هي اللي بتدعم
داعش هي و سويسرا اليابان و جزر القمر و موزمبيق
و البرازيل وبني عبيد و السويد , ياااه كنت
هنسى السويد مع انهم اكتر ناس ارهابيين و دمويين و بياكلو العيال الصغيره ) .
..............................................................................................................
ليست هناك تعليقات:
إرسال تعليق