Mohamed
Hussein
30 أغسطس
2016
موظف بيحققو معاه
في قضية فساد صوامع القمح , قالو له هتدفع غرامه 77 مليون جنيه , قال لهم طيب ثانيه
واحده , ألو , ألو أيوه يا حماده انا بابا يا حبيبي , قول لماما تجيب 77 مليون جنيه
و تيجي عشان اطلع بقى , و جت الفلوس و طلع .
.
موظف في نفس القضيه
قالو له 86 مليون جنيه , اتصل بحماده ابنه برضه و الفلوس وصلت و طلع , اه 86 مليون
جنيه عادي يعني .
.
وانا بعد ماتخرجت
سافرت 13 سنه و بعد غربة 13 سنه لو لا قدر الله مثلا خبطت عربيه واحد في الشارع و طلع
تصليحها عليا و المبلغ 15 ألف مثلا و الظابط قالي هتدفع ولا تتسجن ؟! فورا و من غير
تردد هقوله باب السجن منين يا باشا !! .
.
يبقى مفيش داعي
تتعلم و تسهر الليالي و تمقق عنيك و بعدين تتغرب سنين طويله , يكفي جدا انك تكون موظف
في جهاز حكومي مترهل و فاسد ( من رأسه إلى قدميه ) .
.
عايز تحارب الفساد
يا حماده ؟ طب حاضر من عنيا و من عنين عبد الفتاح السيسي , بس خلي بالك , خلي بالك
:
.
1- الفساد مش وزير
, الفساد بيكون في اللي تحت الوزير و اللي تحته و اللي تحته , باختصار و من الأخر الفساد
عند باباك , موظف الحكومه الغلبان اللي مرتبه
5 الاف جنيه بس اشترالكو فيلا في الرحاب و فيلا في الساحل و انت و مامتك فرحتو بيها
أوي , و مسألتوش بابي جاب أم الفلوس دي منين ؟! أو جايز عارفين .
.
2- لما يكون بابي
كده يا حماده يبقى قمة النطاعه انك تفتح اكاونت عالفيس و تقول البلد غرقانه في الفساد
, كده كتير و مفيش مراره تستحمل .
.
3- لما السيسي
يقول عندنا 6 مليون موظف حكومه و عايزين منهم مليون بس اعرف ان دي أهم خطوه في محاربة
الفساد , تقليل العنصر البشري و دخول برامج الكمبيوتر , ماتجيش وقتها و تمارس دور الصعبانيات
و الشحتفه و تقول الناس دي هتعيش بمعاشها ازاي ؟ .
.
4- يبقى باختصار
و من الأخر , أول خطوه في محاربة الفساد عندك انت , تقبل بمحاربتها حتى لو كان الفاسد
باباك و بلاش تعيش دور الشحتفه و ياريت ماتكونشي محاربة الفساد اللي تقصدها هي انك
تحاربه عالفيس بوك , يعني بوستات ولايكات و فروسيه من ورق .
...............................................................................................................................
ليست هناك تعليقات:
إرسال تعليق