Mohamed
Hussein
18
أغسطس 2016·
عن معاناة جيل
الجالاكسي و الأندرويد و تشيليز و أديداس .
.
لما كنت طفل صغير
بدأت أقتحم سوق العمل في سن صغير جدا , 6 سنين , اشتغلت في كل المهن اللي ممكن يشتغلها
طفل في الفلاحين , في جمع دودة القطن , 8 ساعات يوميا ( موطّي أغلب الوقت ) في درجة
حراره 45 و اليوميه كانت ب 60 قرش , الغدا كان رغيف عيش و جبنه قديمه ( ملفوفين في
طرحه ) و لو جالك في الغدا خياره كمان من البيت تبقى من الأعيان .
.
اشتغلت مع جدي
حسين راعي غنم و انا عمري 8 سنين , في ظروف أصعب , في الأراضي الشراقي , من 7 الصبح
لحد المغرب , تاكل أي حاجه من الأرض , او لقمة عيش ناشفه , ولو مالقيتش أولّه تشرب
منها اشرب من أي قناية مايه , و استحمى في الترعه و حمّي الخرفان معاك .
.
و لما كبرت شويه
وبقى عمري 11 سنه اشتغلت في جمع القطن ( ب 3 ج ) و ضم الرز و ترحيله , و تقطيع الحطب
و تنقيه الترع و المصارف من الغاب و القُرّيع ( ب 5 جنيه ) .
.
و لما بقيت 13
سنه اشتغلت مع تاجر تبن , أعبي تبن في كيس كبير و اشيله على ضهري احمل العربيه ( بالخطاف
) و بعدين انزله على ضهري في المكان اللي هنبيع فيه و ممكن اطلع بالكيس على سلم خشب
( وزن الكيس ممكن يوصل 85 كيلو ) , و في الجامعه لما كان بيضيق بيا الحل كنت بشتغل
على خلّاطه بتاعة صبّة السقف , أشيل رمل و زلط و أسمنت أو أطلّع ألفين طوبه للدور السابع
مثلا .
.
كل ده وانا طالب
شاطر جدا في المدرسه , شاطر بغباوه , بس ماحيلتوش اللضى , المريله في ابتدائي هي مريلة
واحده تقعد كام سنه , و في الجامعه بنطلون واحد و قميص و ممكن تي شيرت من باب التغيير
.
.
فاكر رحلة واحده
طلعتها في حياتي مع المدرسه كانت و انا في أولى ثانوي , أبويا الله يرحمه وافق عشان
الرحله كانت على حساب الإداره التعليميه ( لفصل المتفوقين ) , طلعت اسكندريه و مكانشي
عندي جزمه , أبويا اداني جزمته كانت جزمه بني قديمه أوي و لما ورنشها بقى لونها أبيض
!! .
.
المهم يعني و الخلاصه
, البيت ده بقى اللي اتربيت فيه , كان بيشوف اللحمه مره في الشهر , و أب وأم عندهم
6 عيال , و عاشو 10 سنين بعيالهم في أوضه واحده بالطوب النّي جوه بيت كبير , و في العيله
دي مش هتلاقي أب بينفخ ولا أم بتلعن العيشه ولا عيال اتربو على انهم يكرهو بلدهم ولا
يتريأو على جيشها , كان كل واحد فينا عنده أمل يكفي محافظه , و الضحكه طالعه من القلب
مش ضحكه صفره ماسخه .
.
افتكرت الحاجات
دي لما بقيت أقابل شباب في العشرينات عالفيس , عندهم تابليت ولابتوب و موبايل ب 5 الاف
جنيه و بيلعنو مصر و العيشه الصعبه و بيتريأو على جيشها في وقت فراغهم , مش عارف أقول
لهم كلمه أبيحه ولّا المفروض الكلمه الأبيحه دي تتقال للأب و الأم اللي ماعرفوش يربّو
.
..........................................................................................................................
Mohamed
Hussein
18
أغسطس 2016·
بين الحرامي و
النصّاب
.
زمان قالو لنا
إن الحرامي هو الشخص اللي بيمد ايديه في جيبك و يسرقك , و النصاب هو الشخص اللي بيقنعك
انك تطلع اللي في جيبك و تديهوله و تقوله اتفضل .
.
يعني لو واحد دخل
مطبخ بيتكو وانتو نايمين و سرق طقم الحلل يبقى حرامي , إنما لو قابلك في الشارع و اقنعك
انه بيقدر يحط الحلل في شوية ( ردّه ) كده و تاني يوم تولد حلل صغيره و انت اقتنعت
و روحت وديت له طقم الحلل بتاعكو لحد عنده و خدهم و هرب يبقى نصاب .
.
الفرق بين الإعلام
المصري و الإعلام الغربي هو بالظبط الفرق بين الحرامي و النصاب , نسيت أقول لكو ان
الحرامي غالبا بيبقى شخص عبيط و غبي و باين على وشه انه حرامي و أكبر دليل على انه
عبيط هو انه بيقعد يفحت نفسه طول العمر و يعرض نفسه للخطر عشان يسرق , ماهو لو كان
ذكي كان قدر بالخبره يتحول لنصّاب , و كان لبس بدله و كرافته و رطم بالانجليزي و سمّى
نفسه جارديان أو ايكونوميست أو بي بي سي .
.
الإعلام المصري
بيبان عليه , إنه حرامي و عبيط , و من أول خبر و أول مقاله تشوف ( البشله في وشه )
على طول , و هنا بقصد الإعلام المؤيد و المعارض و مش شايف فرق بينهم , المؤيد بيأيد
بالطريقه العبيطه زي الشيخ اللي قالوله اطلع عالجبل ده و لو شوفت الهلال هنديك ألف
جنيه , فقال لهم شوفت هلال أهو , و خد ألف جنيه , وبعد 5 دقايق قال لهم و هلال تاني
كمان هناك اهو !! .
.
و المعارض برضه
عبيط , و لو طلع الجبل عشان يشوف الهلال هينكر ان فيه هلال و ان فيه جبل أصلا !! .
.
يمكن الوحيد اللي
يكون شذ عن القاعده دي هو خالد صلاح بتاع اليوم السابع , خالد صلاح بيحاول يخرج من
توب الحرامي و يلبس توب النصاب , بيجتهد يعني , هتلاقيه بينقل أخبار بطريقه مؤيده للدوله
و اخبار تانيه عشان يرضي ( مناخير ) الكولجيه و لما تيجي سيرة سوريا تحس انه اعلام
سعودي , يعني من الأخر يويو , اللي هي المرحله الوسط بين المؤيد و المعارض و بين الحرامي
و النصاب .
.
الإعلام الغربي
بقى باشا كبير و متدلع , لابس بدله و كرافته و ماسك السيجار في ايده ماركة ممبار ,
و بما إننا لسه لحد النهارده عندنا عقدة الخواجه فأكيد بننخدع بالبدله و بنبلع ( الممبار
) , و عشان تبقى إعلام نصّاب فالحكايه مش كيميا , دي سهله أوي , عملها كل الإعلام الغربي
و عملتها بنتهم العربيه اللي اسمها ( الجزيره ) , الحدوته بتقول باختصار 3 خطوات
.
1- تعمل استثمار
قوي في مجال الإعلام يعني هتصرف كتير أوي و يبقى عندك مراسلين في كل حته في العالم
( مرحلة إعداد الأرض )
.
2- تبدأ تنشر أخبارك
و تقاريرك بصوره معتدله و متوازنه و تجتهد ( مرحلة كسب الثقه يعني إنك تاخد الزبون
على حِجْرك )
.
3 - الزبون قعد
على حجرك خلاص و وثق فيك تماما , و بقيت بالنسباله أصح من صحيح البخاري , كده تقدر
تدلّع الزبون براحتك بقى و تهشتكه .
.........................................................................................................................
Mohamed
Hussein
18
أغسطس 2016·
شوفت يا عم اللي
حصل ؟
- خير يا حبيبي
, ايه اللي حصل ؟ .
.
السيسي رايح يجيب
4 طيارات تمنهم 300 مليون يورو , بيتمنظر و احنا في ظروف هباب
- يابني الشركه
الفرنسيه ( المصنّعه ) بذات نفسها طلعت نفت الكلام ده .
.
يعني ايه ؟ .
- يعني الموضوع
فستك , زي كل مواضيعكو .
.
طب خلاص .
- خلاص ايه , عايز
ايه دلوأتي ؟ .
.
ممممممممم ( تفكير
عميق ) , عايز حق الشهيد ريجيني .
- بجد عايزه ؟
.
أه
- طب خلاص حاول
تتعب و تصبر شويه لحد ما تاخده .
.
هو ايه ده اللي
اتعب و أصبر لحد ما اخده ؟
- حق الشهيد ريجيني
طبعا , انت دماغك راحت فين ؟! .
........................................................................................................................
Mohamed
Hussein
17
أغسطس 2016·
شوية أفكار ببريزه
.
- الحكومه تتقشف
و تبطل هبل , يعني مواكب الوزرا تقل للحد الأدنى , و الوزير اللي مش مستهدف يركب عربيته
و يروح شغله أو حتى يركب ميكروباص , مانا مش عارف مثلا مين هيستهدف معالي وزير البيئه
؟! مع كل الإحترام لشخصه .
.
- أوفّة المستشارين
ملهاش أي لازمه , احنا مش بنخترع الذرّه , كل وزير يبقى له مستشار واحد دائم و متفرغ
, بعد كده لو الوزير بيدرس موضوع كبير أو مشروع كبير ممكن يستعين بمستشارين من أساتذة
الجامعات و الخبراء و دول مش بيبقو محتاجين فلوس , و مرتب المستشار الدائم مايعديش
الحد الأقصى للأجور , لو مش عاجبه مع ألف سلامه , البلد دي مفهاش أكتر من مستشارين
.
.
- وقف تام و نهائي
لاستيراد السلع الإستفزازيه , اللي عايز ياكل كاجو يسافر بره و ياكله , اعتقد مصر فات
عليها مليار مواطن مصري , عاشو و ماتو من غير ماياكلو كاجو , ماحصلهمش حاجه يعني ولا
الملايكه مدتهم على رجليهم في الأخره عشان مابياكلوش كاجو , .... و أكل القطط و الكلاب
ممكن نعملّه مصنع عندنا , و لّا هو عشان الكلب اسمه روي أو ديكسي هيرفض الأكل لو ملقاش
مكتوب عليه made in usa ?! , يا سيدي ابقى حط الأكل في علبه و اكتب عليها
made in usa عشان السيد ديكسي و السيد روي
يقتنعو .
.
- وقف استيراد
العربيات المرفهه للوزرا و المحافظين و غيرهم , كل واحد يركب عربيته و موكبه يبقى فيه
4 موتوسيكلات تأمين و يقف في الإشاره زي بقية مخاليق ربنا .
.
- إجبار المدارس
الدوليه و النوادي على عمل الإشتراكات و المصاريف بالجنيه المصري ( مش بالدولار ) أو
غلقها تماما في حالة عدم الإلتزام , بلاش ***** فارغه و كدابه ( حط كلمة ابيحه من
5 حروف بدل النجوم )
.
- اجبار الأنديه
الرياضيه زي الأهلي و الزمالك على عدم التعاقد مع مدربين أجانب لمدة 5 سنين , مالهم
المدربين المصريين ؟ مالأهلي راح جاب مرتبه سفنج من بره كانت مرميه عالرصيف و بيدفع
لها الشئ الفلاني ( بالدولار ) و بيخسر البطولات مع انه كان بيكسبها لو الفريق بيدربه
عامل البوفيه بتاع النادي .
...............................................................................................................................
Mohamed
Hussein
17
أغسطس 2016·
أنا يا عمي يشرفني
أطلب ايد بنت حضرتك الأنسه داليا .
- أيوه يابني تشرفنا
طبعا , بس أنا مش شايف لك أي نشاط عالفيس بوك ولا هاشتاجات و لا اعتصامات ولا وقفات
على سلم نقابة الصحفيين .
.
ماهو أنا أصلي
يا عمي مشغول طول الوقت , بشتغل مهندس بترول و أغلب وقتي ببقى في الموقع و برجع من
الشغل هلكان يادوب أرتاح شويه .
- يعني أفهم من
كلامك إنك لا عملت هاشتاج الحريه لأحمد ناجي و لا الحريه لشادي بتاع الواقي الذكري
و لا الحريه لطنط ساميه شنن و لا قلت عايزين حق الشهيد ريجيني ولا نشرت خبر ان الجيش
المصري بيستعين بالطيران الصهيوني لضرب الإرهابيين في سينا , ولا قلت مصر اشترت 4 طيارات
للرئاسه بدشيليون دولار , ولا بتتفرج عالجزيره 17 ساعه يوميا , و لا معلق صوره في بيتكو
لوائل قنديل و لا قلت ان عبد الرحمن يوسف شاعر الثوره , عايزني أقبلك ازاي ؟ أدخلك
بيتي إزاي ؟ عايزني أرمي بنتي في التهلكه ؟! .
.
تهلكه ايه يا عمي
؟ انا شاب مجتهد و الحمد لله كونت نفسي و عندي شقه محترمه و مرتب محترم .
- يابني فلوس ايه
و زفت ايه ؟ احنا مايهمناش الفلوس , احنا بنشتري كولجي .
..........................................................................................................................
Mohamed
Hussein
17
أغسطس 2016·
اللي حصل من جماهير
الأهلي النهارده بيحكي باختصار حدوتة الألتراس , سواء كان ألتراس أهلي أو زمالك , العيال
دي مش زعلانه أوي عشان سوء الأداء , الأهلي فايز بالدوري و عادي انه يتغلب من الزمالك
, ياما الأهلي غلبنا و ياما غلبناه , القصه بتقول ان من 5 سنين و ألتراس أهلي و زمالك
اتحولو لكيانات سياسيه بتخدم جماعه ارهابيه , مش ذنبي انك بتشوف كام عيل شكلهم أمور
و كيوت و ابن ناس و بتتخيل ان دول الألتراس .
.
عايز أقول لحضرتك
باختصار , اللي بيكسر مدرجات و يحرق و يبلطج و يضرب و يخترع أي مناسبه يشتم فيها الجيش
, ده مش جمهور أهلي ولا جمهور زمالك , يعني لا ناس زعلانه عالأهلي ولا ناس زعلانه عالزمالك
, دي ناس زعلانه على حازم أبو اسماعيل و خيرت الشاطر , يارب تصدق .
........................................................................................................................
Mohamed
Hussein
17
أغسطس 2016·
عندنا في مصر ميزانية
البحث العلمي لما زادت بقت 250 مليون جنيه !! , اللي هما تقريبا سعر أسطول العربيات
اللي بيمتلكها محمد رمضان ( الأسطوره ) , و أقل بكتير طبعا من المبلغ اللي بستورد بيه
أكل للقطط و الكلاب في السنه !! .
.
لما ميزانية البحث
العلمي اللي فوق دي تنضرب في 100 , وقتها بس مش هنلاقي نفسنا بنستورد أكل قطط و كلاب
ولا هيبقى عندنا أسطوره عباره عن عيل صايع أخره يشتغل تبّاع على ميكروباص , اسمه محمد
رمضان .
.
البحث العلمي يا
ريس هو طوق النجاه , و المفروض ميزانيته تبقى تاني أكبرميزانيه بعد ميزانية تسليح الجيش
.
...............................................................................................................................
Mohamed
Hussein
16
أغسطس 2016·
الدايره الهبله
.
لمحت بعيني شوية
أرقام في الإقتصاد و شوية ملاحظات حسسوني اننا بنلف في دايره هبله , أو بمعنى أصح
( دايره على حل شعرها ) .
.
1- خط المترو اللي
بيتعمل جديد , اللي بدأ تنفيذه من كذا سنه , هيتكلف 50 مليار جنيه , رقم كبير ال
50 مليار ده , و بعدين لما نصرف 50 مليار و يبقى عندنا خط مترو جديد هنعمل ايه بقى
؟ هندعم تذكرة المترو و تلاقي هيئة مترو الأنفاق بتقولك احنا بنخسر في السنه كذا مليار
بسبب سعر التذكره !! طب ليه , طب فين , طب ازاي , طب مين بيلعب مع مين ؟ بنعمل خط جديد
ليه ؟ عشان نخف الزحام في القاهره , طب مين مستفيد ؟ المواطن طبعا , و بنعمله سعر تذكره
مدعمه , طب بنعمل الكلام ده ازاي ؟ بالسلف و الدين و القروض اللي هي هتنعكس عالمواطن
بالتأكيد , طب الدايره الهبله دي في مصلحة مين ؟ او السؤال بمعنى أصح , هو ماينفعش
يبقى عندنا مشروع مترو أنفاق بيغطي تكاليفه بسعر تذكره معقول و تيجي هيئة المترو اخر
السنه تقول احنا كسبنا أد كده ؟! ولا هنفضل لحد امتى بنتاجر في الخساره ؟!.
.
2- المشاريع اللي
اتعملت في الكهربا السنتين اللي فاتو و اللي قضت عالمشكله تماما كان صح لازم تكلف أكتر
من 100 مليار , عشان المشكله كانت كبيره و متراكمه , طب تمام , و سعر الكهربا اللي
زاد شويه ممكن نقول منطقي , برضه ماشي , انما هتفضل عندنا نفس المشكله أو الدايره الهبله
, اللي هي ايه ؟ قطاع الكهربا بيشتغل فيه عشرات الألاف من الموظفين , مرتباتهم معقوله
جدا , مفيش مشكله , بس بيصرفو بدلات كتير و حوافز و مكافأت , يا سيدي برضه مش مشكله
, لا استنى فيه مشكله , المشكله حضرتك ان هيئة الكهربا بتيجي أخر السنه تقول احنا خسرانين
كذا مليار !! طب مكافأت ايه بقى اللي بياخدوها موظفين في قطاع خسران و مدعوم من الدوله
؟! أو السؤال بمعنى أصح , هو قطاع الكهربا ماينفعش يقوم بنفسه كده ( مع أسعار الفواتير
الحاليه ) و ييجي اخر السنه يقول انا كسبان كذا مليار و لّا برضه هنتاجر في الخساره
؟! .
.
.
و هكذا في كتير
جدا من نواحي حياتنا هتلاقيني بنلف في نفس الدايره الهبله , حكومات بتدعم بعبط و غشم
و مواطن مش عاجبه و عايز دعم في كل حاجه و موظف مش عاجبه وعايز حوافز , و في النهايه
قصه الدعم و الحوافز تيجي على دماغ الحكومه و دماغ المواطن و دماغ الموظف , القصه دي
مش هيحلها غير السيسي , مش عشان هو رئيس مصر , لأ عشان هو عبد الفتاح السيسي , مبارك
كان رئيس مصر و ماعرفش يحلها بالعكس زودها أكتر , وغيره ماعرفش , القصه عايزه رئيس
جرئ , يقول ستوب هنا , و ياخد قرارات جريئه حتى لو الناس اتضايقت أو تعبت مؤقتا , إنما
المعجنه دي لازم تتوقف لو عايزين نبني بلد و اقتصاد حقيقي .
....................................................................................................................................
Mohamed
Hussein
15
أغسطس 2016·
أنا عايز واحده
تخطفني و تطلع بيا عالساحل الشمالي , أقفل موبايلي و أصحابي يقولو اني اتخطفت من عصابة
ستات بتعمل لحساب جهه سياديه و بتخطف الرجاله , و نقضي إسبوع في الساحل بقى ( دلع و
شألباظات ) , و الكولجيه يعتبروني بطل قومي و أبقى أشهر من سوالف عمرو حمزاوي و وجدان
إبراهيم عيسى .
.
و طبعا مراتي مش
هتقدر تتكلم , هو انا كنت بلعب ولا كنت لا سمح الله بعمل حاجه كده ولا كده , دانا كنت
مخطوف يا جدعان , مسلوب الإراده , بس يارب اللي تخطفني تطلع شبه الأخت الفاضله صافيناز
, ماتبقاش شبه طنط ساميه شنن .
................................................................................................................................
Mohamed
Hussein
15
أغسطس 2016·
بص يا جيفارا يا
حبيبي , احنا بقالنا 5 سنين ماشيين مع بعض , لازم تيجي تخطبني بقى .
- حاضر هاجي اخطبك
بكره .
.
بس ماتجيش لوحدك
, هات حد من عيلتك معاك .
- حاضر هجيب معايا
طنط ساميه شنن و أونكل ظواهري و خالتي ريا و خالو جنكيز خان .
.
تمام كده و انا
هكلم ماما و أقول لها تبلّ الشربات و تجهز الحشيش .
- قشطه , و بعد
ماخطبك و نشرب سيجارتين ننزل نعمل ثوره و نشيل السيسي .
.
أه صح , فكره و
الله , بس هنشيله و نجيب مين ؟ .
- مممممم مش عارف
, هبقى أسأل طنط ساميه و أونكل ظواهري .
.
بس أهم حاجه قبل
الجواز يا جيفارا يا حبيبي , الجيش ده لازم نسرحه و نصرف الفلوس عالتعليم و البحث العلمي
, احنا مش محتاجين جيش اصلا , و وزير الدفاع لازم يكون مدني و حبذا لو كان واحده ست
( و حامل ) , اعتبر ان ده مهري .
- طب ليه وزير
دفاع يا حياتي إذا كنا هنسرح الجيش ؟
.
تصدق صح معاك حق
, المهم بقى , أوضة النوم و الصالون و النجف و المولوتوف عالعريس زي ماتفقنا .
- موافق , و الكلاشينكوف
و الستاير و التنجيد و الحشيش عالعروسه .
...........................................................................................................................
Mohamed
Hussein
15
أغسطس 2016·
تبرير الفشل
.
و لما الفشل يوصل
للقاع يزيد التبرير , مره يقولو أصل السجون فيها 500 مليون اخوانجي و العدد اللي باقي
بره مايكفيش للحشد , و مره يقولو أصل الأمن الوطني و المخابرات بيلّمو الناس من الجوامع
و هما بيصلو ( حلوه حكاية بيصلو دي بيستخدموها كتير ) , و مره يقولو أصل الداخليه عامله
حوائط أسمنتيه عالميادين و ناشره على كل ميدان 40 ألف دبابه و جنازير و أقفال من اللي
كانت على صناديق سيدنا سليمان , و مره يقولو أصل المخابرات و عصابة الولاويله الحمره
التابعه للمخابرات بيخطفو البنات عشان يخوّفو الناس من النزول !! .
.
إمبارح كنت في
بلدنا في المنصوره و هجيب أخويا معايا عشان أوصله المطار , و بما إن امبارح كان ذكرى
فض رابعه فقولنا نطلع بدري شويه عشان لو فيه قلق , الطريق في العاده بياخد 3 ساعات
قولنا نخليها 5 , و مشينا يا مولانا , فوتنا على بتاع 17 كمين , مفيش ولا كمين واقف
فيه عسكري و لا أمين شرطه يشوف رخص الناس حتى , أنا من زهقي كنت هنادي على أمين شرطه
و أقوله وقفني و شوف الرخصه , طب فتش العربيه طيب , يا عم حسسني بشوية قلق في البلد
, و النبي تحسسني بشوية قلق .
............................................................................................................................
Mohamed
Hussein
15
أغسطس 2016·
عن قصة حب ماهينور
المصري ( الناشطه الثورجيه ) و طنط ساميه شنن ( الإرهابيه اللي شرّبت الظابط ماية نار
و هو بيموت ) , قصة أبيحه قصيره بتختصر المشهد , مشهد الحمار اللي بيتركب من الخروف
, جوه السجن و بره السجن , دي كده ملهاش غير تفسير واحد , العلاقه بين الكولجي و الخروف
عباره عن عاشق و معشوق , نظرية ال key and lock
, مفتاح بيدور عالقفل بتاعه و يروح يدخل فيه و يفتحه , أه و الله (و يفتحه ) , ولو
المفتاح اتأخر شويه عالقفل تلاقي القفل مش على بعضه , و يروح برجليه للمفتاح و يقوله
اتأخرت عليا ليه يا حبيبي ؟! .
...................................................................................................................................
Mohamed
Hussein
14
أغسطس 2016·
بعد 3 سنين , أحمد
المغير : أه اعتصام رابعه كان فيه كلاشينكوف و قنابل و عربيات مليانه أسلحه !! .
.
لا لا , ماتقولش
على نفسك كده , دانت خروف جميل و كيوت و سلمي , حتى اسأل البرادعي الخروف الكبير .
..............................................................................................................................
Mohamed
Hussein
14
أغسطس 2016·
مش بستغرب من حبايبنا
اياهم اللي كل يومين تلاته أو كل اسبوعين تلاته أو كل شهرين تلاته يهرشو في راسهم
( هرشتين تلاته ) و يقعدو يفكرو في بديل للسيسي , هي حكايه حلوه و مسليه ( دفعاً للرتابه
و الملل ) يعني بالإنجليزي بدل مايشمو في صوابع رجلين بعض .
.
, نشيل السيسي
و نجيب حمدين لا نجيب خالد على , لا نجيب وائل عباس , خلاص خلاص احنا نعمل مجلس رئاسي
, لا فريق رئاسي , و نجيب رشا العزب , يوووه معلهاش توافق رشا العزب دي , طب ينفع نجيب
رشا العزب مع خالد علي ؟ أهو يسندو بعض , و كل واحد يحكم يوم , طب نجيب عصام حجي أهو
كيوت كده و ملامحه مسمسمه و عارف ان أسعار الطماطم بتتسبب في الثورات , لا بلاش عصام
حجي , احنا نجيب جاريدو و حمادة طلب و نجيب بصلتين و شوية ملح و نعمل غدّيوه .
.
إنما اللي بستغرب
له جدا هما بعض أصدقائي الدولجيه ( الطبالين اللي زي حالاتي ) اللي بيشغلو نفسهم بالتفاهات
و السفاسف و هيافات الناس اللي فاضيين , و ينشغلو بالرد عليهم و تفنيد الحدوته الحلوه
بتاعتهم , مع اني شايفها حواديت حلوه و مسليه , يعني توصيفها ( حدوته حلوه مسليه )
أو بلغة الواد العبيط اللي كان في فيلم الساحر ( وزه بيضا حلوه ) .
.
طب و الله العظيم
انا مابيشغل تفكيري غيرشي سؤال , هو بعد 6 سنين مين هيحكم مصر ؟ و مع كل احترامي للفريق
صدقي صبحي , و مع كل احترامي للبؤ اياه اللي انا حافظه و ممكن أكتب عنه كتابين بتاع
البلد مليانه ناس و مصر طول عمرها ولاده , برضه هيفضل شاغلني نفس السؤال , مين هيحكم
مصر بعد 6 سنين ؟ و هيشيل الليله اللي كان شايلها السيسي ازاي ؟ هيشيل الحمل ده ازاي
؟ هيقدر يكمل بالحمل اللي على ضهره من غير ما ينحني ؟!! مش مخوفني غير كلمة ينحني دي
.
..................................................................................................................................
Mohamed
Hussein
13
أغسطس 2016·
صباح الفل
.
لما جريدة ( العربي
الجديد ) اللي بتمولها حكومة ابن موزه و بتصدر من لندن و بيكتب فيها وائل لامؤاخذه
قنديل و بلال لامؤاخذه فضل , لما تكتب عنوان بالمعنى ده ( دعوات مد فترة حكم السيسي
دليل على ضعف النظام و تخوف انصار السيسي , و النظام المصري يثير مسألة المصالحه مع
الإخوان لكسب ود الغرب , و جزيرتي تيران و صنافير توفر وضع جديد لاسرائيل ) !! .
.
العنوان مش محتاج
شرح و تفنيد , محدش قال مد فترة حكم السيسي دي حركة عبيطه عاملها الخرفان و الكولجيه
, و لا حد جاب سيرة مصالحه مع الجماعه الإرهابيه , و حشر اسم تيران و صنافير ( و اسرائيل
) في نفس العنوان , بيقول ان ده ماينفعش يكون عنوان لخبر أو عنوان لمقاله , ده ينفع
يكون cv لواحده شر*وطه مش أكتر , و
بالتالي نبقى كلنا عارفين وائل قنديل و بلال فضل بيشتغلو إيه بالظبط .
.
احنا الدوله الوحيده
في العالم اللي اتفتح ضدها عشرات القنوات و الجرايد في دول أجنبيه , و اتصرف عالحكايه
دي مليارات الدولارات , مفيش مؤامره ولا حاجه , سلامات يابه البرادعي , ابقى تعالى
اشرب شاي حدانا .
............................................................................................................................
Mohamed
Hussein
12
أغسطس 2016·
كنت متوقع هزيمة
اللاعب المصري من لاعب اسرائيل , اللاعب بتاعنا نازل مغلوب أصلا , الحكايه مش كيميا
, مفيش لاعب في أولمبياد يقعد يتقاله هنلعب مش هنلعب هنلعب مش هنلعب , و تسلّم لا ماتسلمش
, ولو كنت رئيس البعثه ماكنتش عاقبت اللاعب عالهزيمه , عشان الرياضه مكسب و خساره عادي
, انما اللاعب مد لك ايده لو سمحت يا مولانا سلم عليه .
.
هنفضل بالتخلف
ده طول ماحنا فاهمين ان معاداة الكيان الصهيوني بتتلخص في إننا مانلعبش قدامهم في بطولة
رياضيه و مانسلمش عليهم , أه و نحرق العلم بتاعهم في كل مناسبه و في كل فيلم لمحمد
هنيدي .
...................................................................................................................
Mohamed
Hussein
12
أغسطس 2016·
أردوغان : بوتين
ده حبيبي , و بشار الأسد صاحبي !! .
أهو أردوغان باقي
له قرصه صغيره كمان و يعلّق صورة السيسي في الأنتريه .
.
الساده خرفان و
قطيع خليفة المثليين , لو عايزين تفهمو , حماده اللي هو خليفتكو ( الجامد ) بيحاول
يلم التعابين مش أكتر , عشان حس ان الفاتوره هتبقى ( فاتوره مشلتته ) , و عرف حجمه
و قيمته , عرفهم امتى بقى ؟ عرفه لما صحي من النوم في يوم من الأيام لقي كام طيار من
عنده و كام طياره على كام دبابه بيحتلو العاصمه , أرضها و سماها , الكلام ده مابيحصلش
ولا حتى في قبائل الكوتوموتو البدائيه الأفريقيه .
........................................................................................................................
ليست هناك تعليقات:
إرسال تعليق