Mohamed
Hussein
2
أغسطس 2016·
لقيت واحد ليبي
معلّق على خبر في موقع قناة العربيه , بتاع حكومة ( حمادة ) الليبيه اللي استدعت الطيران
الأمريكي لمحاربة داعش في مدينة سرت !! .
صاحبنا الليبي
فرحان أوي بالخبر و بيسبّح بحمد الأمريكان و حلف الناتو , و بيشتم في القذافي ( اللي
مات من سنين ) .
افتكرت أيام سقوط
بغداد , كان فيه عراقيين برضه بيبوسو بيادة الأمريكان اللي خلّصوهم من صدام حسين ,
و من يوميها و العراق في نعيم زي ماحنا شايفين !! .
.
أمثال صاحبنا الليبي
و صاحبنا العراقي بيبقو سبب مهم جدا في سقوط الدول و خرابها , تخيل لو عندك دولة عربيه
مثلا عدد سكانها 10 أفراد , 3 منهم زي صاحبنا العراقي و صاحبنا الليبي ده اللي لسه
لحد النهارده بيبوسو بيادة الأمريكان و مستنيين الخير على إيديهم , و 2 شغالين في مراكز
حقوق الإنسان ( و بيقبضو من أمريكا ) , و 2 خرفان شغالين في الجزيره , و 2 شمامين كوله
( بيشمتو في بلدهم و يتريأو على جيشها ) , و واحد شغال في ناسا ( بيسأل احنا بنشتري
أسلحه ليه )
أهي دولة بالمواصفات
دي يقدر أعبط بني أدم في أمريكا يحتلها , مش هيحتاج يضرب طلقه رصاص واحده ولا يعمل
تنظيم ارهابي , هو بس يلبس بدله و كرافته و يدخل القصر و يقعد عالكرسي هيلاقي نفسه
بقى رئيس الدوله من غير ما نقطة مايه واحده تطرطش على هدومه .
ليس من الضروي
أن تكون خائنا لتخدم عدوك , يكفي جدا إنك تبقى حمار !! .
..........................................................................................................................
ليست هناك تعليقات:
إرسال تعليق