Mohamed
Hussein
11
أغسطس 2016·
حكاية زريبه
.
قولي يا مولانا
, انتو الجماعه بتاعتكو دي عمرها كام سنه .
- عمرها ييجي
90 سنه .
.
تمام , و كان هدفكو
ايه في الجماعه دي و مهتمين بايه يعني ؟
- كان من أهم اهدافنا
تحرير القدس و الجهاد ضد الجيش الصهيوني الكافر و الجيش الأمريكي الكافر و الجيش البريطاني
الكافر .
.
تمام , و عملتو
ايه بقى عشان تحققو الهدف ده ؟
- عملنا 1564 مسيره
و 752 أغنيه و 47 طقطوقه عن القدس و لبسنا الشال الفلسطيني و حرقنا علم أمريكا و اسرائيل
ييجي 92 مره .
.
تمام , إنما ماقولتليش
قتلتو كام جندي صهيوني و أمريكي و بريطاني ؟.
- لا ماقتلناش
ولا واحد .
.
ليه طيب ؟ معقوله
تكونو نسيتو ؟
- أه غالبا نسينا
.
.
إنما مانسيتوش
تقتلو في جنود مصر و تغتالو شخصيات مصريه و تكفّرو عالم زي أحمد زويل و رئيس زي السادات
؟ .
- إيه ؟ .
.
لا و لا حاجه
, و لما بقى معاكو فلوس و مليارات و تمويل من بره و من جوه فتحتو كام جريده و كام قناه
في بلاد بره عشان تشوهو صورة الجيش الصهيوني و الامريكي و البريطاني ؟ .
- لا ماعملناش
ولا فتحنا .
.
أه , أكيد نسيتو
برضه , انما مانسيتوش تفتحو قنوات و جرايد و تشوهو اسم مصر و جيشها .
- مممممممممم
.
.
عارف انت اسمك
ايه ؟ و الجماعه بتاعتك اسمها ايه ؟ .
- ايه ؟
.
انت اسمك خروف
, و الجماعه بتاعتك اسمها الزريبه .
..........................................................................................................................
Mohamed
Hussein
11
أغسطس 2016·
البنات عندنا وقت
الجد مش بتوع كُحل و ماسكرا و تاتو , وقت الجد بيرفعو أثقال , وفيه بلاد تانيه جيشها
و ( رجالتها ) وقت الجد بيقلعو ملط .
.
لو الكلمتين اللي
فوق دول ضايقوك و ( جرحو شعورك ) يبقى مكانك مش هنا , مكانك هناك عند بتوع الملط ,
هناك هتاخد حقوقك كامله عشان عندهم حقوق للرجاله و حقوق للستات و حقوق للي بين البينين
.
.............................................................................................................................
Mohamed
Hussein
10
أغسطس 2016·
بطلة رفع الأثقال
ساره سمير , ألف مليون مبروك لمصر و للبطله المصريه , أهو بنات مصر و ستاتها شايلينا
بقالهم 3 سنين , في الإنتخابات و حتى في الأولمبياد , و احنا قاعدين .
........................................................................................................................
Mohamed
Hussein
10
أغسطس 2016·
الإخوانجي و الكولجي
عارفين تماما انهم مسنودين على شوية قنوات و جرايد غربيه بنت تيت , و شوية تقارير مشبوهه
من مراكز أمريكيه و بريطانيه و شوية صور فوتو شوب و شوية مقالات و تغريدات عبيطه ماركة
( سيبها و خدها يوم السبت ) , الحاجات دي هي راسمالهم و الماده الخام للهري بالنسبالهم
, و ممكن توصل في النقاش مع أي حد فيهم إنك تشتمه بالأب و الأم و يقبل عادي , بس ينفعل
و عروقه تبان لو جبت سيرة الجارديان ولا ايكونوميست , و وقعتك تبقى هباب لو حاولت تغلط
في تسريحة شعر بلال فضل أو شنبر النضاره بتاعة عصام حجي .
..............................................................................................................................
Mohamed
Hussein
10
أغسطس 2016·
حكاية خروف
.
نوفمبر 2015 :
تركيا تسقط طائره عسكريه روسيه و تعلن ان حدودها هي حدود الناتو و انها لن تسمح باختراق
أجوائها و لن تعتذر لأحد .
خروف اخوانجي
: رئيس قوي و دولة قويه بتدافع عن سيادة أراضيها , و قال تعتذر قال , ده بعيد عن شنبك
يا بوتين يا كافر .
.
يونيو 2016 : تركيا
تعتذر عن اسقاط الطائره الروسيه .
خروف اخوانجي
: الرئيس المؤمن يعلم تماما أن الإعتذار من شيم الكبار .
.
يوليو 2016 : تركيا
تعلن أن طيارين تابعين لفتح الله جولن هما اللي أسقطو الطياره الروسيه و هربانين دلوأتي
خروف اخوانجي
: الكافر فتح له جولن كان عايز يلبس تركيا في الحيطه , بس الحمد لله ربنا وقف جنب الرئيس
المؤمن أردوغان , و بانت الحقيقه جليه .
.
أغسطس 2016 ( مع
زيارة أردوغان لروسيا ) : تركيا تعلن انها تحقق مع طيارين لهم علاقه باسقاط الطائره
الروسيه .
خروف إخوانجي
: زيارة أردوغان لروسيا و التحقيق مع الطيارين قرارات مهمه جدا , هذا مكر و دهاء عظيم
.
.
يناير 2019 : فيديو
مسرب لأردوغان و هو قاعد على حِجْر أوباما بيتهشتك .
خروف اخوانجي
: خليقة المسلمين بقى ولازم يدلع نفسه عشان يعرف يركز في مصالح الرعيه .
.....................................................................................................................
Mohamed
Hussein
9
أغسطس 2016·
قصة عنب ديبو
, اللي هو سد النهضه .
.
على سيرة السيول
و الفيضانات اللي في السودان , و ارتفاع منسوب المايه في النيل , و احتماليه اننا نفتح
مفيض توشكى لو وصل منسوب المايه لرقم معين , عايز اقول لكو حدوتة سد النهضه باختصار
و قناعتي الشخصيه
.
1- أثيوبيا بدأت
تفكر في مشروع اسمه سد النهضه , الكلام ده من سنين طويله , الغرض من المشروع بالنسبالها
تنموي , و بالنسبالنا مش هتفرق , يعني يستخدموه في توليد الطاقه الكهربائيه أو يربو
فيه سمك زينه و بط مسكوفي , مش قضيتنا دي .
.
2- فيه دول معينه
بتدعم المشروع ده على اعتبار أو على أمل انه ممكن يكون وسيله لخنق مصر أو لوي دراعها
, لو حضرتك من الناس اللي عامله تمثال كبير في بيتها للبرادعي و مصدق ان مفيش مؤامره
يبقى ممكن تنزل هنا و ماتكملش البوست , على جنب ياسطي والنبي , فيه واحد عايز ينزل
.
.
3- مشكلتنا ك
( مصر ) في سد النهضه هتكون في فترة ملء الخزان بس , اللي هي بيتم التفاوض عليها ,
تبقى 3 سنين أو 5 أو 7 , مع تفاوض على عدد الفتحات و ليله كده طويله بتصب في نفس الموضوع
, أو بتتكلم عن نفس الفتره الزمنيه .
.
4- يعني بعد الخزان
ما يتملي مش هيبقى فيه أي مشكله ؟ أه مش هيكون فيه مشكله و حصتك من ماية النيل هتوصلك
بكرتونتها زي ما بتوصلك دلوأتي , ليه بقى و ازاي يعني و ربما و حيثما ؟ تعالى و انا
اقولك ( دي نظرية أرشميدس بتاعة تانيه اعدادي تقريبا )
.
5- نفترض انك قاعد
في طشت بتستحمى و فيه دش فوق منك متعلق في السقف و المايه نازله فوق دماغك على طول
, كويس كده ؟ جه واحد رخم بقى ( عشان هو صاحب الحمّام ) و دخل و جاب معاه حلّه نحاس
و رفعها لفوق و بقى جزء من المايه اللي نازله من الدش بيتملى بيه الحلّه و جزء بينزل
على دماغك ( سرسوب ) , تمام كده ؟ و الراجل الرخم الحله بتاعته اتملت , بس هو فضل واقف
و شايلها و هي مليانه , المايه اللي هتنزل من الدش بعد كده هيجيلك منها اد ايه ؟ هتجيلك
كلها طبعا , عشان الحله مليانه .
.
6- يبقى احنا بنتفاوض
على فترة ( ملء الخزان أو الحلّه النحاس ) و غرضنا ان منسوب المايه ميتأثرش في الفتره
دي , و بعد كده معندناش مشكله , طب افرض المفاوضات فشلت أو اثيوبيا مالتزمتش بكلامنا
و منسوب المايه قل كتير بدرجة تأثر على حياتنا اليوميه ؟ هنا يبقى مفيش حل غير تدمير
السد , و ده مش هيبقى قرار عبد الفتاح السيسي ده هيكون قرار شعبي مهما كان اسم الرئيس
, ندمر السد و بعدها نحارب الجن الأزرق مش هتفرق ( ياروح ما بعدك روح ) , مش هنوصل
للمرحله دي عشان اثيوبيا عارفه قرارنا وقتها و اللي بيدعموها كمان عارفين .
.
7- انا عايز أقولك
ايه بقى ؟ عايز اقولك ان موضوع سد النهضه هو موضوع لا يصلح للهري اليومي لأن الخيارات
فيه محسومه و البلد دي بيحكمها مؤسسات عارفه هي بتعمل ايه , لو حضرتك عايز تهري هتلاقي
مواضيع تانيه كتير , ركز مثلا في اللون البرتقاني بتاع تامر هجرس , أو العيال ولاد
أحمد عز اللي هما مش ولاده .
......................................................................................................................................
Mohamed
Hussein
9
أغسطس 2016·
إيكونوميست , واشنطن
بوست , أسوشيتد بريس , بي بي سي , سي إن إن و غيرهم كتير , وسائل إعلام بتتحكم فيها
اجهزة مخابرات أمريكا و بريطانيا ( و بتتشال لوقت عوزه ) , لو حضرتك لسه لحد النهارده
مصدق إن فيه حاجه إسمها إعلام نزيه و عنده مصداقيه و شفافيه و ضفاير و غمّازات يبقى
إركن على جنب , و لو بتفضّل في وقت فراغك انك تبيض علينا بالجمله الساذجه بتاعة ( هيتأمرو
علينا ليه ؟ ) مع ضحكه صفره سمجه شبه ضحكة تامر هجرس يبقى برضه اركن على جنب .
.
لو فات عليك 5
سنين من 2011 لحد النهارده و مافهمتش حاجه يبقى صدقني عمرك ما هتفهم , لأنك باختصار
غبي , و يبدو إن الغباوه تمكنت منك و بقت مزمنة , و لا هينفع معاها حقن ولا تطعيمات
.
.
و انت راكن على
جنب بقى ممكن تسلي وقتك , يعني مثلا , هات عناوين الأخبار و المقالات اللي تخص مصر
في الجرايد و القنوات دي في أخر 3 سنين , و قارنهم بنفس العناوين في سنة حكم الخرفان
, يابني الحكايه مش كيميا , الحكايه معطيات بتؤدي لنفس النتيجه و حكاية إنك تغمّي عنيك
دي عمرها ما كانت عمل ثوري أو نضالي , هبسّطهالك , لو كنت عايز تخطب بنت و قلت تراقب
تصرفاتها , قفشتها في يوم بتكلم حوده الكهربائي و مرتبكه و بعد يومين ماشيه مع حوده
الكهربائي و بعد يومين كمان واقفه مع حودة الكهربائي في بير السلم , و بعد كام يوم
حوده الكهربائي نازل من شقتهم , تبقى الحكايه باختصار ان خطيبتك على علاقة بحودة الكهربائي
, هي الحكايه دي صعبه على فهمك ؟
..................................................................................................................................
Mohamed
Hussein
8
أغسطس 2016·
هو خاين ولا حمار
؟
.
لما اليوم السابع
و لحد النهارده يكتب عناوين الأخبار الخاصه بسوريا بالشكل ده : قوات النظام و فصائل
المعارضه يستقدمون مئات المقاتلين لمدينة حلب !! .
.
كده يبقى اليوم
السابع مش تبع اعلام الدوله ولا حاجه , ده تبع إعلام طويل العمر !! , موقف الدوله المصريه
معروف و واضح , ماسمهاش قوات النظام اسمها الجيش العربي السوري , و ماسمهاش فصائل المعارضه
اسمهم الإرهابيين المدعومين من تحالف الشيطان .
.
أحيانا كتير بسأل
نفسي , هو واحد زي خالد صلاح ده خاين ولا حمار ؟ لحد ما وصلت للإجابه و الإجابه بتقول
إنه الإتنين , يعني كلاهما معا , يعني together
, خاين و بتاع سبوبه عشان كده بيكتب أخباره عن سوريا زي ما بتقول الجزيره و العربيه
و الببي سي و تركيا و أمريكا , و حمار عشان الوضع في سوريا مستحيل هيستمر على كده
, و (طويل العمر ) يادوب هيلحق يرفع ايديه و يلتفت للتعابين اللي عنده , وقتها نفس
الخالد صلاح هيكتب خبر بالشكل ده , انتصار ساحق للجيش العربي السوري على الإرهابيين
و سيطرته على كامل الأراضي السوريه !! ( مش بقول لكو خاين و حمار مع بعض ) .
.
و حيث اننا في
زمن مفهوش حاجه بتتدارى ولا بتستخبى يبقى أصغر عيل ممكن يمسك خالد صلاح و يجيب له أخباره
القديمه و عناوينه اللي كان بيكتبها و يخليه مجرد ( أندر وير ) من النوع الصيني المضروب
.
.......................................................................................................................
Mohamed
Hussein
8
أغسطس 2016·
عندي ناس في الأصدقاء
فاقو مؤخرا من شم الكوله , يعني انضمو رسميا للتنظيم الأقوى في مصر حاليا , اللي هو
تنظيم ( العائدون من شم الكوله ) , اللي بعترف اني واحد منهم بس فوقت من بدري , من
4 سنين .
.
أصدقائي اللي فاقو
مؤخرا طبعا بيلاقو اتهامات جاهزه , معر*ين , أحمد موسى , لجان الكترونيه , الاتهامات
بتجيلهم من الساده المنقوعين في برطمان الكوله لحد دلوأتي , اللي عندهم استعداد يغسلو
رجلين باسم يوسف و عصام حجي بماية و ملح كل يوم عشان يتشّربو من علمهم و مفهوميتهم
اللي سابقانا بمليون فدان .
.
أصدقائي اللي فاقو
مؤخرا ممكن يكونو اتأثرو شويه بكلامنا , إنما الأهم و المؤكد إنهم شافو بعنيهم كبار
الشمامين و تصرفاتهم , أخلاقهم و سلوكهم و فكرهم , و لما هتشوف بعنيك هتفكر و لما هتفكر
هتحط علامات استفهام و تعجب ورا بعض , و لما تحط العلامات دي هتبقى أول خطوه في طريق
العلاج من شم الكوله .
.
عزيزي شمام الكوله
اللي لسه عايش في البرطمان و مدفّي صدرك بشرابات وائل عباس , لما تلاقي صاحبك فاق و
ربنا تاب عليه ماتقرصشي عليه أوي , عشان انت كمان هتفوق في يوم من الأيام , هتفوق بعقلك
و مجهودك الشخصي أو من غير , هتفوق بإرادتك أو غصب عنك , عشان باختصار معاليك بتشم
كوله و تفتي في مستقبل بلدي و بلد 90 مليون غيري , يعني المسأله مش شخصيه , مش بتاخد
الشمه من هنا و تقرر انك تلبس البنطلون فوق و القميص تحت , ياريتك بتعمل كده عشان دي
مسأله شخصيه , أما مستقبل مصرفتأكد تماما انه مش بيتساب لمزاج ( و مناخير ) جنابك
.
.
يبقى ايه بقى ؟
يبقى لما تشوف صاحبك فاق ماتشدش أوي , لأنك بكره هتفوق زيه , و عشان لما تفوق و ربنا
ينتعك من قعر البرطمان تلاقي حد بيقابلك على مدخل سلم العقل و بيطبطب عليك و بيقولك
حمد الله عالسلامه , وحشتنا دماغك يا سيد المعلمين .
............................................................................................................................
Mohamed
Hussein
7
أغسطس 2016·
أيام ما كنت في
الكليه , كنت طيب كده و كمشان و في حالي , لا ليا دعوه بعلماني ولا إخواني ولا عويسي
ولا منجاوي , قامو الطلبه بتوع الإخوان اصطادوني بقى , قالو لي تنزل انتخابات اتحاد
الطلاب , قلت لهم انا مش إخوانجي و مليش في الليله بتاعة الانتخابات دي و ماعرفش أعمل
زيكو ولا أقف قدام مدرج و اهتف في الطلبه و لا أنظم مظاهره لتحرير القدس كل يوم تلات
( الإخوان على فكره بيعملو مسيرات لتحرير القدس بقالهم 90 سنه بس ماقتلوش جندي صهيوني
واحد ) , قالولي مش مهم , احنا هندعمك و مش عايزينك تعمل حاجه , هندعمك عشان لو نجحت
هتاخد مكان ( كرسي ) من بتوع العيال العلمانيين و بما انك مش اخوانجي يبقى كمان ممكن
تكون حلقة وصل ( و تنسيق ) بينا و بينهم لو تطلب الأمر !! , فهمت من القصه دي باختصار
إني هبقى ( كيس جوافه ) و طبعا رفضت لسبيين , أولا اني مليش في الليله دي , ثانيا مكانشي
حلم حياتي أبقى كيس جوافه .
.
أهو انا لو كنت
وافقت و قتها ( و اتركبت ) كان زماني دلوأتي ربنا فاتح عليا و بكتب مقالات متر و نص
عن المصالحه مع الإخوان أو بعمل فريق رئاسي تحت شعار الوحده اللامؤاخذه الوطنيه , يعني
كان زماني بقيت كيس جوافه برضه بس بدرجة مُفكِّر لامؤاخذه سياسي .
.............................................................................................................................
Mohamed
Hussein
7
أغسطس 2016·
الكولجي اللي كان
عايز يحكم مصر , لو كان الأمر بإيده كان وقف في الطابور و رفض تحية العلم , عشان العلم
ده شكله مش عاجبه , ممكن علم فرنسا أفضل لأن فرنسا فيها حريات اكتر و ديموقراطيه من
الحجم العائلي ( يعني كومبو ) , و كان هيرفض النشيد الوطني عشان ممكن يحس ان مفهوش
عمق رومانسي ولا بُعْد ثوري , و يطلب يسمع مقطوعه لفيروز بدل النشيد الوطني , و بعدين
يروح قصر الرئاسه يصدر قرار بهدم الأهرامات لأن مفيش أدله واضحه بتقول انها اتبنت في
مناخ ديموقراطي , و يردم قناة السويس لأن المصريين حفروها بنظام السُخره و بعدين يطالب
بعمل تمثال في مدخل قصر الرئاسه ل ( الشهيد كليبر ) و يطالب الداخليه و الإنتربول باعتقال
أحفاد سليمان الحلبي ( اللي قتل الشهيد ) , و بعدين يجيب مسدس و يضرب نفسه طلقتين لأن
أبوه و أمه ماعملوش حوار مجتمعي قبل ما يخلفوه .
.........................................................................................................................
Mohamed
Hussein
6
أغسطس 2016·
ياريس ركز انت
في مشاريعك و مشاكل البلد و الهموم اللي وراك , الله يكون في عونك , ماتشغلش بالك بالعيال
شمامين الكوله من أصغرهم لأكبرهم , احنا قاعدين لهم , دي تسليتنا الوحيده , وجودهم
عالفيس بوك مهم جدا لنا , و إلا الفيس هيبقى ملوش طعم , إحنا أصلنا عاملين زي صيادين
السمك ( وصيد السمك غيّه ) , تخيل كده ان البحر جه عليه يوم و خلي تماما من السمك
, الصيادين اللي زي حالاتنا هيعملو ايه ؟ هينزلو بالمراكب ليه ؟
العيال دول كلهم
سمك يا ريس , نفس الزفاره و أتخن واحد فيهم بيجي بسناره بتلاته تعريفه .
.
بالك يابه الحاج
عبفتاح و مالك عليا يمين , أنا أحيانا بصطاد السمكه منهم و بعدين تعجبني أقوم راميها
في البحر عشان أصطادها تاني .
............................................................................................................................
Mohamed
Hussein
6
أغسطس 2016·
انت يابني مستحمل
نفسك ازاي كده ؟ راضي عن نفسك ازاي ؟ مش مكسوف من نفسك ؟ هتقول لعيالك ايه لما تكبر
؟ هتقولهم كنت بحب بلدي و بخاف عليها و حاسس انها في خطر ؟ هتقولهم كنت بحب علمها و
نشيدها و بكحل عيني بترابها ؟ هتقول لهم كنت بحترم الجيش اللي بيحميني و يحميها ؟ بالذمه
ده كلام يتقال ؟ مش هتتكسف تقول قدامهم كده ؟ طب مش خايف الكلام ده يطلع لك في عيالك
و يبقو زيك كده بيحبو بلدهم و يخافو عليها و يحترمو جيشها ؟!! .
.
مممممممممممم ده
لسان حال الكولجيه اللي فرطت منهم عالأخر و جابت جاز .
............................................................................................................................
Mohamed
Hussein
6
أغسطس 2016·
الجمل لما يفزّ
.
عندي حدوته زمان
لما كان عندنا جمل في البيت , حدوته خلتني باختصار اعرف قوة الجمل لما يفز و يقرر انه
يغضب , ممكن تقولو اني شوفتها بعيني .
.
مصر دي عامله زي
الجمل بالظبط , الجمل بارك من زمان ( يعني قاعد ) و مش من 5 سنين , انما ممكن تقول
من 15 سنه , هو في أخر 5 سنين مكانشي بارك , كان نايم على جنبه , نومته دي طمّعت شوية
فيران انهم يتنططو عليه , فيران من الشرق و الغرب , و صراصير من جوه البيت .
.
لما جه عبد الفتاح
السيسي ساب الجمل نايم زي ماهو , بس بدأ يعالج جروحه , يشرّبه بؤ مايه , يفك قيوده
شويه بشويه , يعني يعمل شبكة طرق , يظبّط علاقاتنا الخارجيه , يعمل قناه جديده , يعمل
كباري و صوامع و يزرع الصحرا , عشان هو مش عايز الجمل يفز و هو عيان , مش عايزه يفز
و هو مكسور , مش عايزه يفز و هو ضهره محني .
.
المشاريع دي اسمها
البنيه التحتيه , اللي ممكن حضرتك تشوفها لا بتحلب ولا بتبيض , إنما وجودها ضروري جدا
للمرحله اللي جايه ( الحدوته دي اسمها عمليه التمهيد ) , و يمكن قوه السيسي بتكمن انه
بدأ يعالج الجمل و يظبطه رغم كل الضغوط اللي حواليه , يعني عمل مشاريع في ظروف اقتصاديه
صعبه جدا , مشاريع ماتعملش زيها حتى لما كان اقتصادنا مستقر و معندناش سياحه بتنضرب
ولا دراع بيتلوي !!.
.
الجمل اللي بيتعالج
و بيشرب بؤ مايه ده و بياخد نفسه , لما هيفز بقى بالتأكيد هيرمي كل الفيران تحت رجليه
, وقتها كل المخابيل اللي فرطت منهم و بيعوّلو على ان الجمل مات أو مالوش قومه تاني
هينداسو تحت الرجلين , الخرفان و شمامين الكوله مجرد صراصير ماحصلوش فار و معاهم عزبة
قطر بتاعة ابن موزه , الفار له مقامه و هيبته برضه , الفار زي تركيا مثلا , أه طبعا
, حتى الحيوانات مقامات , بس كله هيقف في الطابور و يستنى دوره , الصراصير قدام و الفيران
ورا .
.
عزيزي شمام الكوله
, عارف ليه انا بقول عليك صرصار ؟ عشان البوست ده هيضايقك , مع انه المفروض يبسطك باعتباري
يعني بتكلم عن بلدك اللي هتفز و تقف على رجليها , عارف ليه بقى البوست هيضايقك ؟ مممممممممم
عشان انت صرصار .
...................................................................................................................................
Mohamed
Hussein
5
أغسطس 2016·
مرارة حظرتنا
.
لما حد من الفولورز
بيبعت لي رساله في الأوزرس و يكون عايز طلب صداقه , في العاده بيكون العدد كامل عندي
فبضطر أدخل قايمة الأصدقاء و ألغي صداقة حد من اللي في القايمه , في الغالب بختار حد
يكون قافل صفحته و في نفس الوقت يكون الاسم ماوردش عليا قبل كده , يعني مش فاكر له
أي تفاعل و كمان قافل صفحته .
.
النهارده اتكرر
نفس المشهد , بس قبل ماختار بنفس الطريقه لفتت انتباهي صورة بروفايل لصديقه , الصديقه
مشترك بينا تقريبا 200 أو 300 صديق مش فاكر , صورة البروفايل كانت كفيله اني اعملها
بلوك مش ألغي الصداقه بس , و رغم انها غالبا صديقه من سنين , ياريتها كانت حاطه صوره
سكس كانت بقت أرحم .
.
إنما إني ألاقي
حد مصري و لحد النهارده حاطط صورة بروفايله الشاب الإيطالي و كاتب عليها عايزين حق
ريجيني و حق الشهدا !! طب ايه بقى ؟ كم أحا ممكن تكفّي ؟ مرارة البلد دي هتستحملكو
ازاي ؟ ايه علاقه ريجيني بالشهدا ؟ و ليه حاطه صورته اذا كانت أمه ذات نفسها بطلت تتكلم
؟ و عايزه حق ريجيني من مين يا بيضه ؟ من دولتك ؟ إذا كانت الاجهزه الإيطاليه في أسوأ
حالاتها ماقدرتش توجه اتهام لمصر !! .
.
بصو يا جدعان
, عشان مش عايز أنفعل و كلامي يبقى +18 , بالنسبه يعني للتلتميت صديق المشترك بيني
و بين الأنسه ( مش فاكر اسمها و الله ) بس انتو أكيد هتعرفوها , صداقتكو والله على
راسي , بس اعتقد انكو لازم تختارو , انا في صفحتي هنا مش بوزّع لحمه مجانا ولا عندي
هدايا للأصدقاء ولا حيلتي حاجه ولا دمي خفيف ولا كيوت ولا عندي غمازات و لا بعرف أقول
يسقط و لا بكتب شعر رومانسي ( من اللي بيدوّخ يابوي ) , الصفحه دي انا عاملها للمصريين
اللي بيحتفظو بالحد الأدني من العقل , و العدد ببقى حابب انه يكمل ببني أدمين , مش
ضروي خالص يكمل لو كانت التكمله هتبقى بكراتين بيض , فلو سمحتو , اعملو لي بلوك و ربنا
يوفقكو و يوفق الشعب الإيطالي الشقيق و يوفق الرئيس البطل أردوغان و يرحم الشهيد البطل
ريجيني و يكتب لأمه حج بيت الله الحرام !! .
....................................................................................................................
Mohamed
Hussein
5
أغسطس 2016·
ماعنديش شك إن
العيال الصيع اللي نفّذو محاولة اغتيال علي جمعه هيتجابو خلال يومين تلاته , هما و
اللي وراهم , عشان واثق تماما في سرعة التعامل و ( حسم ) الأجهزه الامنيه المصريه
.
إنما برضه ماعنديش
شك إن العيال دي لما تتجب هتفضل تتحاكم شهور و سنين , عشان واثق تماما في طولة بال
و ( رحرحة ) القضاء المصري !! .
.
المعادله الصعبه
دي مش محتاجه حل , دي محتاجه حرق .
........................................................................................................................
Mohamed
Hussein
5
أغسطس 2016·
محاولة اغتيال
العالم الصوفي الدكتور علي جمعه
.
طب هي ايه مشكلة
علي جمعه ؟ مشكلته إنه بيقول للغوله عينك حمره في وشها , و دايما لما تيجه سيرة الخرفان
و غيرهم من الجماعات الإرهابيه يقول عليهم ( كلاب النار ) .
.
يعني هما حاولو
يغتالوه عشان بيقول عليهم كده ؟ أه حضرتك .
.
ليه بقى هما الإخوان
بتوع قتل و دم ؟ أه جنابك تاريخهم كله كده , أومال يعني بتوع شعر و موسيقى كلاسيك ؟
, قايمة الاغتيالات عندهم لها أول و ملهاش أخر , تحب تشوف بنفسك ؟ .
يعني الإخوان مش
كيوت و بتوع ربنا و فصيل وطني و رفقاء الميدان ؟ لا حضرتك , الكلام ده موجود بس في
مناهج البرادعي و يسري فوده و الأسواني .
.
ليه ؟ هو البرادعي
و الأسواني و فوده مابيقروش تاريخ ؟ لا سيادتك لا بيقرو تاريخ ولا بيقرو جغرافيا .
كل اللي بيعملوه
انهم بيتصورو و هما ساندين راسهم بصباعين ( مفكرين بقى و كده ) و حبذا لو يلبسو نضارة
قرايه و بس يا سيدي , هاتك يا مصطلحات عميقه و عبيطه و هاتك يا تشويه في عقول الشباب
و هاتك يا فلسفه و فزلكه فارغه و هاتك يا محاولات بائسه لتجميل الوجه القبيح المشوه
.
.
يعني على كده الناس
دي ماينفعش تحكم مصر ؟ لا سيادتك , لا ينفعو يحكمو مصر ولا ينفعو حتى يقفو في البوفيه
بتاع مصر يعملو شاي و قهوه للناس .
.
يعني مفيش منهم
منفعه خالص ؟ لا طبعا فيه منهم منفعه اكيد بس احنا مش عارفينها , و ماينفعش نعترض على
حكم ربنا , بص من الاخر كنت زمان كل مافكر هو ربنا خلق النمل و الصراصير و السحالي
ليه ؟ ألاقي اجابه بتقول ( لحكمه لا يعلمها إلا هو ) , و ألاقي مدرس علوم شاطر يقولي
إجابه نموذجيه غريبه , ربنا خلقهم عشان التوازن البيئي !!
.
يعني ربنا خلقهم
ليه بقى ؟ مممممممممممم عشان التوازن البيئي .
...........................................................................................................................
ليست هناك تعليقات:
إرسال تعليق