Mohamed
Hussein
31
يوليو 2016·
حتى اتحاد الكوره
التركي طلع انه كان مشارك في الإنقلاب و تمت إقالته , بتوع الشاورما مشاركين , و عمدان
النور و كلاكسات العربيات و شفاطات المطابخ و الطربوش أبو زر أحمر , و طفاية السجاير
اللي قدامي دي كانت مشاركه .
..............................................................................................................................
Mohamed
Hussein
31 يوليو 2016•
و تلاقي الواد
من دول هاري نفسه عالصفحه كلام عن أهمية البحث العلمي و احنا محتاجين بحث علمي ولازم
العلم و التعليم ولازم نبفكر كويس يا جماعه ( مع صورة عصام حجي طبعا ) , و هو بقاله
5 سنين مركوب من أغبى مخاليق ربنا , و أهطل عيل ماشي في الشارع ممكن يركبه و يسرح بيه
عادي
.
مره يركبه و يقوله
مبارك عنده 70 مليار دولار في البنوك و احنا عارفين و متأكدين ( مع إني و عزة جلال
الله لو عندي مليون جنيه بس مش 70 مليار ولا حاجه هخبيهم بحيث الجن الأزرق مايعرفش
ان عندي ولا يعرف يوصلهم ) .
.
و مره يركبه و
يقوله وزيرة الماليه السويسريه بتقول ان فيه 50 مليار دولار اتهربو من مصر أخر شهرين
ببصمة الصوت و بصمة المناخير , و هو يتركب عادي , و كأن وزيرة الماليه دي قاعدالنا
و بتراقب بصمة الصوت بقى , و كأن سويسرا اللي اقتصادها بيعتمد بشكل كبير عالفلوس دي
بتفضح عملائها و تشرشح لهم و تفرش الملايه , ياللي بعتلنا 50 مليار دولار ببصمة الصوت
يا حرامي يا نوري .
.
و مره يتركب بخبر
زيادة معاشات العسكريين , الخبر اللي بيترمي له كل اسبوعين في أي موقع البكتروني من
اللي بيعملهم الخرفان , و هو يشير و يلطم على وشه و كأن السيسي بيصح كل يوم الصبح يكلم
رئيس الوزرا و يقوله زوّدت معاشات العسكريين ؟ أه ؟ طب زودهم تاني و النبي .
.
يابني احنا فعلا
محتاجين قاعدة بحث علمي حقيقيه لو كنا عايزين نكبر بجد , بس الأهم من قاعدة البحث العلمي
اننا محتاجين حاليا و بصوره عاجله قاعدة تواليت عشان نرميكو فيها و نشد السيفون .
........................................................................................................
ليست هناك تعليقات:
إرسال تعليق