Mohamed
Hussein
29 يوليو 2016
توضيح بسيط للناس
اللي لسه متشعلقين في توب الديموقراطيه الأمريكاني
و الرئيس الفلاني و العلاني و الصقور و الحمام و سلامه أحسن من عبد السلام .
.
حيث إني بطلت ازرع
بانجو في بلكونة بيتنا و تحديدا من 3 سنين , هقولكو فزوره , خطة الشرق أوسط الجديد
دي اتعملت من سنين طويله ( مظبوط ؟ ) , يعني
قول من عشره خمستاشر سنه و كانو حاطين أكيد معاد ولو تقريبي للتنفيذ , يا ترى المخابرات الامريكيه وقتها كانت عارفه اسم رئيس أمريكا وقت تنفيذ الخطه , اللي هو اوباما يعني ؟ ! .
.
كده حضرتك اتزنقت
في الركن و قدامك اجابه من اتنين , مفيش اختيار تالت , ولازم تضحي بحاجه من الحاجتين
اللي متشعلق فيهم , يا إما تضحي بفكرة إن أمريكا فيها ديموقراطيه بالمعنى اللي احنا
فاهمينه , يا إما تضحي بفكرة ان الرئيس الأمريكي سلامه يفرق عن الرئيس الأمريكي عبد
السلام .
.
الإجابتين بيقولو
, أه كانت عارفه , و بالتالي خد صناديق الإنتخابات
و ارميها في أقرب صفيحة زباله , و الإجابه التانيه لا مكانتش عارفه و الرئيس اللي جه
نفذ المطلوب ( اللي اتخطط له من سنين ) و بالتالي يبقى سلامه زي عبد السلام .
.
لو حضرتك لسه مصرّ
تزرع بانجو في البلكونه اوكيه اتفضل , أنا بطّلت .
.................................................................................................................
Mohamed
Hussein
30 يوليو 2016
عصام حجي عايز
يشكل فريق و ينزل انتخابات الرئاسه 2018 !! , و ماله يا جدعان , ده حقه الدستوري و
الديموقراطي , و عموما الحاله الوحيده اللي ينجح فيها عصام حجي و يفوز بالرئاسه هي
ان مصر يحصل فيها طاعون أو كوليرا أو تطلع فيها سحلية عملاقه تاكل الشعب كله و ماتسيبشي
غير ال 200 ألف كولجي اللي قارفينا عالفيس بوك , غير كده هيطلع ال 17 في أي انتخابات
مصريه حتى لو كانت انتخابات مجلس محلي مركز و مدينة بلبيس .
.
و لو فرضنا بقى
ان مصيرنا بقى فعلا في بطن السحليه العملاقه و عصام حجي بقى رئيس مصر فأول حاجه هيعملها
باعتباره مؤمن تماما و جدا و أوي خالص بأهميه
العلم و التعليم و مؤمن ان التسليح ملوش أي تلاتين لازمه , أول حاجه هيعملها هي انه
يبيع الطيارات الحربيه و الميسترال و الأسلحه اللي اشتراها السيسي و يشتري بتمنها طباشير
أبيض و طباشير ألوان و سبوره , و يلم الشعب حواليه في ساحه كبيره ( اللي هما ال
200 ألف نفر ) و يشرح لهم محاضر عميقه و متعمقه عن تأثير سعر الطماطم في إقامة الثورات
و أثر ذوبان الجليد في القطب الشمالي على قناة السويس الجديده !! .
.
اه نسيت أقول لكو حاجه مترسخه تماما في عقل عصام
حجي , الراجل ده عنده قناعه ان كل الكوارث اللي ممكن تحصل في كوكب الأرض و المجموعه
الشمسيه مش هتصيب غير مصر , و القناعه دي جت
له تحديدا بعد مابقى السيسي رئيس مصر , يعني
مثلا مش بعيد تلاقيه بيقول إن تأثير ثقب الأوزون
بعد 10 سنين هيسيب الدنيا كلها و المغول و المماليك و الفرنساويين و يتسبب في حرق صوامع
القمح اللي عملها السيسي.
.
المهم مولانا عصام
حجي بقى هيخلص المحاضره بتاعته و ييجي يقعد عالكرسي عشان يستريح يلاقي نفسه قاعد على
حِجْر عقيد صهيوني مثلا , و العقيد يقول لعصام : هايله المحاضره بتاعتك عصام بك , و عصام يلتفت و يبص له ( و هو قاعد على حجره
) و يقوله : بحد عجبتك ؟! .
.
كلمه أخيره للمزايدين
, أي عيل صغير في رابعه ابتدائي يعرف تماما أهمية العلم و البحث العلمي في بناء أي
دوله عايزه تتبني صح ( الحكايه مش محتاجه يكون معاك دكتوراه عشان تعرفها ) , و أي عيل
صغير في رابعه ابتدائي يعرف ان تسليحنا في الفتره دي تحديدا أهم حتى من رغيف العيش
, و أي عيل صغير في رابعه ابتدائي يعرف ان عصام حجي في غير شغله و تحصصه هو مجرد هجّاص
, هجّاااااص , بتشديد حرف الجيم .
..............................................................................................................
ليست هناك تعليقات:
إرسال تعليق