Mohamed
Hussein
21
يوليو 2016·
أردوغان لو راح
يحلق و الحلاق جرح له ودنه هيسيب صالون الحلاقه بسرعه و يطلع عالجزيره يقول السيسي
قاتل و هو اللي مسلّط الحلاق عليا , و يرجع يعتقل الحلاق بتهمه المشاركه في الإنقلاب
, و يعتقل كل حلاقين تركيا , و يأمر قواته ( اللي باقي منها ) باحتلال شمال العراق
و سرقه بترول سوريا عشان يعاقب الحلاق التركي على فعلته الشنعاء , و بعدين يطلب اجتماع
عاجل لحلف الناتو و يقول ( إن حدود ودني هي حدود ودن الناتو ) , و يرجع بيتهم بقى و
يدخل ياخد دش , و هو بيستحمى يكتشف إن المشكله مش في ودنه خالص و إن فيه كليه من الكليتين
بتوعه اختفو ( الكليه اليمين ) يقوم طالع من الحمّام بلبوص و رايح تاني للجزيره و يقول
السيسي قاتل و هو اللي سرق كليتي اليمين , و فورا يصدر أوامره باعتقال كل الجرّاحين
و دكاترة العيون و مهندسين الديكور و كل اللي شغالين في محلات الشاورما .
.........................................................................................................................
Mohamed
Hussein
21
يوليو 2016·
أثيوبيا دوله أفريقيه
ملهاش أي تلاتين لازمه , لا اقتصاديا ولا عسكريا ولا سياسيا ولا نيله , و مع ذلك اسرائيل
مطبّعه معاها بشكل كامل , و تركيا عامله معاها اتفاقيه دفاع مشترك !! , تفتكر ليه يا
حماده ؟! .
.
لو كنت رئيس مصر
وكان معايا مسدس فيه طلقتين , كنت خليت واحده فيهم للي لسه ماشي ورا البرادعي و بيقول
مفيش مؤامره , و التانيه لأي خروف مصري يحط صورة كلب تركيا على بروفايله , و كنت هعمل
زي ما عملو في الصين في وقت من الأوقات , اللي عايز جثة ابنه ييجي يدفع تمن الطلقه
اللي انضرب بيها الأول .
............................................................................................................................
Mohamed
Hussein
21
يوليو 2016·
النهارده بان كي
مون هيسيب منصبه لواحد جديد , و طبعا هيسلّمه العهده أكيد , المكتب و طفاية السجاير
الكريستال , و الختم , و البوكسر اللي عليه علم أمريكا , واللوحة اللي مكتوب عليها
( يشعر بالقلق ) , و مبرد الضوافر و الكوتشينه و قرطاس الفيشار و مجلة ( لكِ يا سيدتي
) .
......................................................................................................................
Mohamed
Hussein
20
يوليو 2016·
-
سمعت أخر نكته ؟
... لا , قول كده
.
.
- بيقولك يا سيدي
, يوم الجمعه اللي فاتت فيه 25 طياره عسكريه تركيه اختفو , و كمان 40 قطعه بحريه ولا
معرفشي كام اختفو وقتها برضه و مش لاقينهم , أردوغان عمل حجاب و راح للمشايخ و ساق
عليهم الأوليا إنهم يظهرو بس مفيش فايده .
.... هههههههههههه
نكته حلوه .
.
- يابني استنى
مش دي النكته .
.... طب قول بقى
, شوقتني .
.
- بيقولك يا سيدي
النهارده لقو سفينتين منهم داخلين على حدود اليونان قام أردوغان طلّع وراهم طيارتين
عسكريتين ( من اللي لسه باقيين عنده و ماختفوش ) , لو الطيارتين بتوع تركيا بقى ربنا
وفقهم هيضربو السفينتين بتوع تركيا , و لو السفينتين بتوع تركيا ربنا وفقهم هيهربو
من الطيارتين بتوع تركيا .
.... ههههههههههه
.
.
- يابني بتضحك
على ايه ؟ و الله العظيم ما هي دي النكته .
... كمان مش دي
النكته , اومال ايه بقى .
.
- النكته يا سيدي
لما الخرفان يقرو الخبر الأخير ده هيقولو : و ماله ده الخليفه و عنده جيش قوي ( مع
ان جيشه تايه و عمالين نلم فيه زي سبحة المعلم بيومي ) , و هيقولو أردوغان هيحرر القدس
( مع ان تركيا محمية بقاعده عسكريه أمريكيه , و من يوم نشاة الكيان الصهيوني ماضربتش
طلقه واحده على اسرائيل و لا حتى من بندقية عصافير و لا شاركت الدول العربيه اللي حاربت
اسرائيل و بعتت لهم بؤ مايه يشربوه ) , بذمتك مش تبقى دي نكتة القرن ال 21 ؟! .
.... والله معاك
حق , دي نكته فعلا .
.
- تعرف بقى ان
مش دي النكته اللي عايز أقولها ؟ .
.... تعبتني معاك
, اومال ايه النكته ؟ .
.
- النكته يا صاحبي
, إن العقول الضاني دي كانت عايزه تحكم مصر .
............................................................................................................................
Mohamed
Hussein
20
يوليو 2016·
يابني انا معنديش
أي مشكله مع الشعب التركي , لا بحبه و لا بكرهه , الشعب التركي بالنسبالي زي الشعب
الفنزويلي و الشعب الموريتاني و الشعب البنغالي و شعب دولة باراجواي الشقيقه , و كنت
قبل 5 سنين بس أسمع عن أي حادثه في تركيا ألاقي عندي رد فعل المعلم محمد رضا لما الصبي
بتاعة قاله و هو بيقرا الجرنان ( مشاجرةٌ في نيكاراجوا ) , و يبقى رد فعلي ( مالنا
احنا و مال ماشاراجوا دي ) ؟! .
.
و لا حتى عندي
مشكله شخصيه مع أردوغان , لا اشترى مني دوا من غير ما يدفع تمنه ولا صحيت من النوم
لقيته سارق بطارية عربيتي .
.
كل الحكايه إن
أردوغان و النظام الحاكم في تركيا هو عدو مصر حاليا ( و من كذا سنه ) و عدو بلدي هو
عدوي , صعبه على فهمك دي ؟ دي معادلة أسهل من معادلة 1 + 1 = 2 , عدو بلدي هو عدوي
سواء كان مسلم أو يهودي أو هندوسي أو بوذي أو منفلوطي , يعني سواء كان بيعبد ربنا أو
بيعبد البقره أو حتى بيعبد عضلة السمّانه .
.
يخرب بيت أم دي
ثورة اللي شوهت عقول الناس و خلتنا نتناقش و نجادل في الأبجديات , أبجديات العقل و
أبجديات المنطق و أبجديات الوطنيه و حتى أبجديات الدين , دولة بتعادي بلدك و بتحرض
عالحرق و الخراب و الإرهاب فيها و في غيرها من بلاد ربنا و جامعه الإرهابيين و الخونه
على أرضها , يبقى حكمها ايه في عقلك ؟ حكمها إيه في وطنيتك ؟ طب حكمها إيه في دين ربنا
يا مولانا البهلول ؟! .
..................................................................................................................
Mohamed
Hussein
20
يوليو 2016·
في العاده شخصية
الانسان و ثقافته و فكره و توجهاته و تربيته و بيئته بتبان من كتاباته , فيما عدا الكائن
الكولجي اللي مش محتاج يكتب حاجه عشان تعرف انه كولجي , في الغالب الأعم بتبان ثقافته
و فكره و توجهاته من صورة البروفايل الافتراضيه اللي بيحطها , هتلاقيها صوره من نوعية
: راجل و بدل راسه محطوط شمّاعه , تمثال بعين واحده و 7 ودان , دخانه و طالع منها جمجمه
و مشط كبريت و علبة بودرة تلك , فرشة سنان راكنه ضهرها على تمثال الحريه و بتشرب سيجاره
كليوباترا , سحليه بتاكل أيس كريم في مطعم ماكدونالدز , بنت لابسه الجيبه فوق و البلوزه
تحت , فردة شراب طايره في الهوا جنب غراب أسود نتايه .
.
يعني باختصار أي
صوره مالهاش أي تلاتين معنى ولا لازمه , و طبعا ده فن تجريدي و معنى عميق جوّاني ,
و دليل على انحصار البؤره الإرتوازيه في سويداء الفكر المنفلوطي على التوازي .
.
الكائن الكولجي
باختصار هو كائن بيعاني من عقدة نقص ما , تقريبا حد ضربه على دماغه و هو صغير , و دايما
بيحاول يثبت إنه مميز و مختلف عن بقية مخاليق ربنا , ممكن يضيع حياته كلها في إثبات
الحكايه دي .
.
و عشان كده أفضل
طريقه للتعامل مع الكائن الكولجي هي انك كل ما تقابله تقوله انت مختلف , انت مميز جدا
, انت عظيم , انت مناخيرك كلها ديموقراطيه , انت ودانك سابقانا بمليون سنه , انت طحالك
لا يمكن يكون زي طحالنا , انت أكيد اتولدت و ماعندكش زايده دوديه , انت دقات قلبك هي
اللي بتنظم العمل الثوري و النضالي في العالم , انت لو ضربت أبو الهول بصباع رجلك الصغير
هينطق و يتكلم انجليزي فشر توني بلير , انت امل مصر في المستقبل و هدية ربنا لكوكب
الأرض , أه وشرف لوسي ابن طنط فكيهه .
...................................................................................................................
Mohamed
Hussein
19
يوليو 2016·
يعني ايه جيش مصر
و رئيسها ؟ بهدوء شديد , ممنوع الدخول لأصحاب العقول المليانه سباخ , اللي مغرمين بخليفة
الشواذ .
.
هو ايه اللي حصل
في تركيا اليومين اللي فاتو ؟ ببساطه حصل حاجه من اتنين , إما محاولة انقلاب عسكري
فاشله او تمثيليه من أردوغان لتصفية حسابات , هل حضرتك شايف احتمال تالت غير كده ؟
لأ , طب كويس , طب ايه المؤكد في الأحداث و اللي اعلنت عنها حتى السلطات التركيه يوميها
؟ المؤكد هو ان طيارات عسكريه تركيه طارت فوق انقره و دبابات حاصرت مباني حكوميه هامه
و المؤكد هو صورة الجنود العرايا و العسكري اللي بيندبح و عدد القتلى اللي تجاوز
200 .
.
طب تعالى نشوف
الإحتمالين عشان نعرف يعني ايه جيش مصر و رئيسها .
.
1- الاحتمال الأولاني
محاولة انقلاب فاشله خرجت فيها عشرات الطيارات و الدبابات و انشقت عن الجيش التركي
, و ممكن طبعا يكون فيه اغراءات كبيره للقيادات اللي انشقت دي , هنا السؤال , هل الكلام
ده ممكن يحصل في مصر ؟ الإجابه لأ , هل قيادات الجيش المصري اتعرضو لاغراءات ( في ال
3 سنين الأخيره تحديدا ) أضعاف اللي اتعرض له الظباط الأتراك ؟ الإجابه بالتأكيد نعم
, طب ليه ماحصلشي كده في جيش مصر و ماشوفناش طيارات و دبابات و جنود بينشقو عن جيش
مصر ؟ اسأل اي ظابط في جيش مصر و انت تعرف الإجابه , اسأله هيحصل ايه لو فكرت ( مجرد
تفكير ) انك تنشق عن صفوف الجيش المصري ؟ .
.
ده بالنسبه للجيش
, بالنسبه للرئيس المصري أيا ما يكون اسمه , هل يجروء رئيس مصري لو اتعرض لنفس الموقف
انه يعرّي الجنود و يدبحهم في الشارع ؟ الإجابه لأ , هو أكيد هيعتقلهم ( و الاعتقال
هيقوم بيه ناس من الجيش مش مدنيين ) ولو قاومو هيضربهم بالنار بس يعريهم لأ , مستحيل
.
.
2- الإحتمال التاني
, تمثيليه يعملها الرئيس لتصفية حسابات , هل يجرؤ رئيس مصري مهما كانت قوته و جبروته
( حتى لو كان جمال عبد الناصر ) على تحريك دبابات و طيارات الجيش المصري و قتل 200
فرد من الجيش و الشرطه و تعرية جنوده و دبح واحد منهم عشان يعمل تمثيليه لتصفية حسابات
؟ طب لو تجرأ الرئيس المصري ( و ده مستحيل ) هل يقبل قيادات الجيش المصري بالمشاركه
في التمثيليه دي ؟! أظن الإجابه واضحه .
.
باختصار يعني
, حكايه ( فخور بجيش بلدي ) دي مش مجرد جمله بتتقال , ده منهج حياه .
.....................................................................................................................
Mohamed
Hussein
19
يوليو 2016·
عاجل , القبض على
مواطن تركي يعمل في محل شاورما و اعتقاله بتهمة إنه ماتقبضشي عليه ولا مرّه اليومين
اللي فاتو .
.
الكولجيه : القبض
على عامل الشاورما يتفق تماما مع مبادئ و أسس دولة القانون صفحة 17 , الفقره التالته
اللي بتتكلم عن الأثر السلبي لساندوتشات الشاورما على مسار عملية التحول الديموقراطي
.
.
الخرفان : هذا
مكرٌ و دهاء عظيم من خليفة المسلمين , و الله لو قال لنا أردوغان أنه يشتبه في علاقه
بين سيخ الشاورما و بين عبد الله جولن لصدقناه , إي و ربي .
.
يوسف القرضاوي
: الشاورما أصلا كافره و قتالها واجب على كل مسلم , و نشكر حلف الناتو , مش عارف بنشكره
على ايه , بس أهو بنشكره و خلاص من باب الإحتياط .
.............................................................................................................................
Mohamed
Hussein
19
يوليو 2016·
أردوغان فاتح
30 ألف بيت دعاره بيشتغل فيهم أكتر من نص مليون ( عالمة ذره ) , يعني بيوت الدعاره
بتصرف على بتاع اتنين تلاته مليون تركي , بس الخرفان شايفينه خليفة المسلمين و اسطنبول
عاصمة الخلافه كما قال مولانا مفتي الناتو يوسف القرضاوي .
.
أردوغان في ظرف
يومين اعتقل و عزل عشرات الألاف من الاتراك , قضاه و عسكريين و مدنيين و اعلاميين و
نجارين و عمال و فلاحين و مبيضين محاره , بس الكولجيه شايفينه ديموقراطي أخر 3 حاجات
, و نموذج يحتذى بيه , و لازم صورته تنزل على جلدة كتاب الديموقراطيه .
.
أردوغان بقاله
10 سنين قاعد على حِجْر أمريكا و الناتو , بيتهشتك و يتدلع , و مطبع مع الصهاينه تطبيع
كامل بس الخرفان و الكولجيه ( هما الاتنين ) شايفينه رمز للتحدي و الصمود و أمل العرب
في تحرير القدس و أملنا في الوصول لكاس العالم .
.
أردوغان شارك في
تدمير جيوش العراق و سوريا و ليبيا و نهب بترول سوريا و العراق بس لسه بيقولو على تركيا
الأردوغانيه دولة اسلاميه ولازم نتعاطف معاها !! ده على أساس ان الدول اللي اتدمرت
و اتنهبت دي كانت تبع كفار قريش ؟!
.
الحقيقه بقى إن
عظمة مصر مش في إنها قدرت تجتاز الطوفان و المؤامره اللي دايره في الشرق الأوسط بقالها
سنين ( و اللي تركيا الأردوغانيه مشاركه فيها ) , عظمه مصر الحقيقيه انها قدرت تعيش
و تتنفس و هي فيها الكم ده من خرفان القرضاوي و خرفان يسري فوده .
...................................................................................................................
Mohamed
Hussein
18
يوليو 2016·
سقراط و أفلاطون
و أرسطو و سارتر ( و كل الرجاله العتاوله بتوع الفلسفه و المنطق ) لو كانو عايشين معانا
حاليا و شافو الخراب اللي بيحصل حوالينا و الدول اللي بنصحى من النوم مانلاقيهاش و
بعد كده دخلو على صفحات شمامين الكوله لقوهم كاتبين ( الحريه للواد بتاع الواقي الذكري
) و ( كلنا فدائك يا ليليان داوود ) , كان زمانهم بطلو فلسفه ( و مَنْطقه ) , و جابوها
من قصيرها و سرحو بأمشاط و فلايات و جلدة حنفيه في قطر ( طنطا - كفرالزيات ) , أو ممكن
يلمّو من بعض و يشترو توكتوك و يشتغلو عليه ورديات , و يكتبو على ضهر التوكتوك من ورا
( الفلسفه فينا بس ربنا هادينا ) .
........................................................................................................................
Mohamed
Hussein
18
يوليو 2016·
في تركيا الأردوغانيه
, و في ظرف ساعتين , عزل 3 ألاف قاضي ( بجرّة قلم ) , و احنا في مصر لو وكيل نيابه
جالة جواب نقل من القاهره لأسيوط ( على غير رغبته ) بتتقلب الدنيا علينا و عن توغل
السلطه التنفيذيه على السلطه القضائيه و أوباما يطلع يقول نراقب الأوضاع و بان كي مون
يعرب عن قلقه و البرادعي دموعه تغرّق تويتر و عمرو حمزاوي يكتب مقاله مترين عن ( فلنشات
الإنهيار الأيدولوجي في مرحلة ما بعد فتح الهويس الشخرموني )
................................................................................................................................
Mohamed
Hussein
17
يوليو 2016·
هقول لكو حاجه
............ و خلّوها للذكرى
.
ممكن يكون اسمك
رجب , عادي يعني لما يكون اسمك رجب , و في لحظه تحس انت بقى كرجب إنك محتاج حماية قويه
عشان تحمي بيتك و الكرسي بتاعك و أوضة نومك , لأن انت أصلك خايف من جيرانك و خايف حتى
من اهل بيتك , قوم ربنا يبعت لك شركة حماية اسمها شركة ( ناتو ) للحمايه الجامده أوي
جدا خالص .
.
تتوطد علاقتك بقى
بشركة ناتو بتاعة الحمايه دي , و يقوم قائد المجموعه المكلفه بحمايتك يقولك خد راحتك
عالأخر , و ماتقلقش من أي حاجه , احنا مش بس هنحميك داحنا هنحمي بلطجتك كمان لو حبيت
تبلطج على جيرانك , تقوم الفكره تكبر في دماغك , إيه ده ؟ هو معقوله أبلطج على جيراني
و أنهبهم و أقتلهم و انتو هتحموني ؟ أه طبعا طبعا , طب و الله فكره , لما نجرب كده
, و بدأ مولانا رجب يبلطج على جيرانه فعلا و أي حد يكلمه يقوله انت مش عارف انا محمي
بمين يا حيوان ؟ حتى لما ناس من بيته هاجو ضده لقى شركة ناتو واقفه في ضهره يعني وراه
على طول , ( اه كداهو ) .
.
و توته توته لسه
ماخلصتش الحدوته , الحدوته دي بقى هتخلص بطريقه واحده حتميه يعرفها أي واحد عنده ذرة
عقل , و الطريقه بتقول ان نهاية رجب هتكون على إيد شركة الحمايه ذات نفسها , و باحتمال
واحد من اتنين , إما ان الموظفين في شركة الحمايه في يوم من الأيام يجيلهم اسهال جماعي
و يختفو كلهم فجأه و رجب يلاقي نفسه عريان ملط , او ان واحد من الموظفين بتوع شركة
الحمايه يكون بينضّف المسدس بتاعه مثلا و بالصدفه البحته تطلع منه طلقه و ترشق في راس
رجب أفندي , و يقوم زميله يقوله : مش تبقى تاخد بالك يا ديفيد ؟ و ديفيد يقول لزميله
: سوري يا باراك ياخويا , ايدي داست عالزناد بالغلط , طب حصل خير يا ديفيد , حبيب قلبي
يا عم باراك , يابو كاترين يا غالي .
........................................................................................................................
Mohamed
Hussein
17
يوليو 2016·
الكائن الكولجي
مش منبهر ولا حاجه بديموقراطيه تركيا و تعليم تركيا و علمانية تركيا و جيش تركيا و
غمازات تركيا , و شعر تركيا السايح النايح , و إلا كان أولى بيه ينبهر بالحاجات دي
في فرنسا مثلا , إنما فرنسا مش ضد مصر ولا بتأوي الإرهابيين و الخونه على أراضيها
, عشان كده هتلاقي الكولجي مايعرفش حاجه عن ديموقراطية فرنسا ولا جيش فرنسا ولا ميزانية
التعليم في فرنسا ولا علمانية فرنسا و ممكن كمان يتلخبط في إسم رئيس فرنسا .
.
الكائن الكولجي
منبهر بأردوغان باختصار لأنه ضد مصر و جيشها , و دي المرحله الأخيره من مراحل تطور
الكائن الكولجي , ( اللي هو ضحيه قيادات هلاميه باعت له الوهم في أزايز ) , مرحلة الإفلاس
التام .
.
هبسّطهالك , أردوغان
لو اشترى كلب في بيته و طلع في تصريح قال الكلب بتاعي بيعمل بيبي مقدس و ديموقراطي
و علماني و معاه دكتوراه فخريه , اول ناس هتشتري البيبي بتاع كلب أردوغان هما كولجيه
مصر , مش عشان هما مقتنعين أوي بديموقراطيه و علمانية و قدسيه البيبي بتاع الكلب بس
عشان البيبي ده جاي من إيد الراجل البركه اللي ضد مصر و جيشها .
..........................................................................................................................
Mohamed
Hussein
17
يوليو 2016·
يعني أفهم من كده
إن تركيا بشكلها الأردوغاني الحالي لو دخلت في حرب ضد دوله مثلا اسمها X , و بعدين الحرب بينهم انتهت و بقى فيه حكاية
الأسرى , طبعا معروف الأسرى بتوع أي دوله في العالم بيكون شكلهم ازاي , ماعدا الجندي
التركي اللي بيتأسر بشكل مختلف و مميز .
.
تقوم تيجي الأمم
المتحده عشان تعمل عملية تبادل للأسرى , و تروح لرئيس دولة X
تسأله طلباتك ايه ؟ يقول لهم انا موافق على تبديل كل جندي مقاتل أسير
من بتوعي ب 10 جنود ملط من بتوع تركيا اللي عندي , يقوم بتاع الأمم المتحده يقوله لأ
, جندي مقاتل أسير من بتوعك ب 15 ملط , ده طلب الجانب التركي , يقوم رئيس دولة X يقوله بص بقى : جندي مقاتل من بتوعي ب 12 ملط من
بتوع تركيا , ده أخر كلام عندي , و بعدين أنا عايز أخلص من موضوع تبادل الأسرى ده بسرعه
جدا لأنه عاملي مشكله كبيره , الجنود عندي حاليا اللي مكلفين برعاية الأسرى بيسهرو
طول الليل و بطّلو ينزلو أجازات , و كل ما أقول لجندي منهم : يابني انزل اجازه و شوف
عيالك ؟ يقولي و أسيب رعاية الأسرى لمين يافندم ؟!! .
........................................................................................................................
Mohamed
Hussein
16
يوليو 2016·
أردوغان بيطالب
الأتراك بالنزول للميادين لدعمه و تأييده , لو نزل 50 ألف تركي الجزيره هتقول 750 مليون
, و هي نفس الجزيره اللي شافت الملايين في شوارع مصر في 30 يونيو و قالت هما 17 نفر
مفيش غيرهم .
.
خدها قاعده كده
و انت مغمض عينيك , لو مش عايز تتعب نفسك في التفكير , شوف مين اللي بتروّج له الجزيره
و بيدافع عنه أوباما و اعرف انه لا مؤاخذه و ابن تيت .
....................................................................................................................
Mohamed
Hussein
16
يوليو 2016·
قناعتي التامه
..... الحكايه مش قاعدة قهاوي , ولا هي دور كوتشينه ولا ماتش كوره .
.
1- اللي حصل في
تركيا امبارح ( سواء كان انقلاب عسكري فاشل أو مسرحيه هزليه ) هو بداية انهيار تركيا
, اللي هو النتيجه الحتميه لنظام أردوغان بعد ما ورطّ نفسه في مصايب أكبر بكتير من
ان تركيا تحتمل فاتورتها .
.
2- الأحداث و الأرقام
اللي ظهرت امبارح لها ترجمه خطيره , ده مش ماتش كوره و المفروض نشجع اللعبه الحلوه
, عزل 3 الاف قاضي فجأه مش حدث سهل , و انشقاق بالشكل ده في الجيش التركي مش حدث بسيط
, يعني باختصار لو كانت الحكايه محاولة انقلاب ف ده دليل ان أردوغان ضعيف جدا و ان
الجيش التركي مقسوم نصين , و لو الحكايه مسرحيه ( لتصفية حسابات ) يبقى أردوغان مجنون
أو عبيط أو كلاهما معا , المحصله في الحالتين هتبقى واحده .
.
3- العقد التركي
انفرط امبارح , و محدش هيعرف يلمه تاني , يبدو إن أردوغان قرر انه يضحي بمفهوم الدوله
في مقابل البقاء في السلطه .
.
4- تركيا هتتحكم
رسميا من قاعدة إنجرليك الأمريكيه و مسألة بقائها على قيد الحياه هتبقى بصفه كامله
في إيد الأمريكان .
.
5- حبايبنا اللي
مغرمين بخليفة الشواذ , و فاهمين ان الشرطه التركيه أفشلت تحركات الجيش التركي ياريت
تقفو في الصف و تحازو عشان تبوسو أردوغان من بؤه .
.
6- مفيش جهاز شرطه
في أي دولة في العالم يقدر يواجه تحركات جيش نفس الدوله ( أو حتى فرقه واحده من الجيش
ده ) , طبيعة التسليح مختلفه تماما , عشان كده لو حضرتك فاهم ان الشرطه التركيه واجهت
الجيش و أسقطت الطائرات العسكريه بتاعة الجيش التركي ( اللي كانت بتحتل سماء أنقره
) يبقى لك نصيب تبوس أردوغان من بؤه .
.
7- اللي أسقط طيارات
الجيش التركي هو اللي هيحكم تركيا , او بمعنى أصح هو اللي بيحكمها .
.
8- شكل الجيش التركي
قدام العالم حاليا بقى أضعف و أتفه من إنه يتحط في أي تصنيف , ولا يتعمل حسابه في أي
ماتش , يعني أخره يلعب في دوري الشركات مع الجيش الجيبوتي و الجيش القطري و جيش أم
ترتر .
...........................................................................................................................
Mohamed
Hussein
16
يوليو 2016·
جامده أوي تركيا
دي و ديموقراطيه و عندها جيش قوي متماسك جبار مخيف بيمشي عالحيط , و بتحترم حقوق الانسان
و حقوق العصافير , و عندها نظام قضائي شامخ مستقل , و الأمن فيها مستتب و راسخ زي الجبال
, يعني حاجه على كيف كيفك .
.
ايه يعني لما كام
عسكري تركي يطلعو بالطيارات و الدبابات و يحتلو أنقره في ساعة زمن و رئيسها يجري زي
الفار يستخبى ؟ و ايه يعني لما يتقتل 250 رجل شرطه و جيش في ليله ؟ و ايه يعني لما
يعتقلو 1500 عسكري و ظابط و قائد من قوات الجيش ؟ و ايه يعني لما عساكر و ظباط الجيش
يقلعو ملط و الناس تدبح واحد منهم ؟ و ايه يعني لما أردوغان يعزل 3 الاف قاضي في ساعتين
؟ يا جدع بقولك جامده و ديموقراطيه و مستقره و جيشها جبار و قضائها خط أحمر .
.
ههههههههههههه
و الله العظيم الكلام ده مابيحصلش ولا في قبائل الكوتوموتو الأفريقيه , مابيحصلش سواء
كانت محاولة انقلاب حقيقيه أو كانت تمثيليه , طب هات ايدك كده , و شبكة العشره دول
, الكلام ده لو لا قدر الله لا قدر الله حصل في مصر كنت دخلت عالفيس بوك عشان اكتب
البوست الأخير في حياتي , بوست أطلب فيه من المصريين إننا نقرا الفاتحه على روح بلدنا
و ندعي لها بالرحمه .
..................................................................................................................
Mohamed
Hussein
16
بوليو 2016·
الحاجه الوحيده
اللي بتخليني أتعاطف مع مبارك رغم كراهيتي له و رغم مسئوليته عن فساد 30 سنه هي إن
أوباما في 25 يناير 2011 كان ضد مبارك تماما , كان بيطلع في مؤتمر صحفي كل ساعتين يتكلم
عن مصر و يطالب برحيل مبارك , دي علامة الاستفهام الكبيره اللي كنت دايما بحطها .
.
و طبعا مش صدفه
اطلاقا إن أوباما يطلع ب 4 تصريحات في ال 5سنين اللي فاتو ( أخرها كان امبارح ) , و
تكون النتيجه كالتالي بشكل واضح و صريح , اوباما ضد مبارك , اوباما مع مرسي , أوباما
ضد السيسي , أوباما مع أردوغان .
.
العيال اللامؤاخذه
بس هما اللي ممكن يفرحو بمواقف أوباما دي , عشان أوباما أكيد عايز لنا الخير و طول
الليل بيفكر إزاي يجيب لنا الخير لحد عندنا , زي الخير اللي زرعه في العراق كده و اللي
لسه العراقيين بيحصدو منه لحد النهارده , زكايب زكايب .
..............................................................................................................
Mohamed
Hussein
16
يوليو 2016·
المتحدث باسم الرئاسه
الروسيه : نأمل في عودة تركيا للطريق الصحيح , و بوتين سينظر في لجوء أردوغان !! .
.
أه لو لعبت يا
زهر , و أردوغان راح لبوتين برجليه , يبقى هنشوف فيلم بورنو +38 .
............................................................................................................................
Mohamed
Hussein
15
يوليو 2016·
عزيزي رجب طيب
أردوغان خليفة المثليين , معاليك كنت منديل كلينكس و تم استخدامه بنجاح , و مصيرك المحتوم
هو باسكت الزباله , مش قلت لك انت بيلبّسوك في الحيطه و هتشيل الليله في الأخر ؟ على
موبايلات بقى .
....................................................................................................................................
Mohamed
Hussein
15
يوليو 2016·
رئيس الوزراء التركي
: مجموعه من الجيش تحاول القيام بانقلاب عسكري !! , لا ماتقولشي على نفسك كده , دانت
حد ديموقراطي و مستقر و جميل .
......................................................................................................................
Mohamed
Hussein
15
يوليو 2016·
مش ذنب مصر أبدا
إن أولادها الحاليين ( و لجل حظهم الهباب ) عايشين في مرحله جايز تكون الأصعب في أخر
100 سنه , حجم المعجنه اللي بتحصل في العالم كله ( و بالتالي بتحصل عندنا ) هو أكيد
أكبر بكتير من استيعابنا و فكرنا , إنما لا حجم المعجنه هيقل ولا مصر لها ذنب عشان
تتحمل غباوتنا و جهلنا , يبقى الحل الوحيد اننا نفهم و نركزّ و بسرعه !! .
.
العيال اللي بيزيطو
في أي حاجه , الكره الأرضيه بتلف بغباوه بقالها كام سنه يا مولانا , تبقى نايم في بيتكو
و انت سوداني تصحى تلاقي جنسيتك اسمها جنوب السودان , تبقى نايم في بيتكو و انت فلسطيني
تصحى تلاقي نفسك غزاوي , تبقى نايم و انت بيحكمك صدام حسين تصحى تلاقي بيحكمك واحد
ايراني و واحد أمريكاني و واحد تركي و واحد داعشي و واحد شاي بلبن , تبقى نايم في بيتكو
وانت سوري تصحى ماتلاقيش بيتكو ولا تلاقي سوريا و تلاقي نفسك نايم في مصر أو في مخيم
لاجئين في أوروبا , تبقى ماشي بالشورت في شوارع نيس و نازل تحتفل و تستمتع بالهوا و
البحر أو تشقط مزز تلاقي عربيه نقل بتفعصك زي الفار .
.
البرادعي اسمه
ماوردشي في القرأن ولا الإنجيل ولا اسمه مكتوب في الدستور , و ممكن يكون مات من 17
سنه واحنا مش واخدين بالنا , يعني حضرتك جنابك معاليك مش مضطر انك تلغي عقلك و تقفل
عنيك و تسد ودانك عشان تصدقه .
.
احنا في حالة حرب
و العالم بيتشألب في الهوا من غير عقل ولا اتجاه واضح , و تقريبا قانون الجاذبيه اتلغى
, في الحرب مفيش مكان للمعارضه العبيطه الساذجه , و لا فيه مكان للهري اليومي السخيف
, ماينفعشي تسيب مكانك عالجبهه عشان ترسم على كتفك تاتو فراشه ( الفراشه مش هتطير يا
مولانا , بلدك هي اللي ممكن تطير ) , اه بالمناسبه , الرجاله مابتعملشي على كتفها تاتو
, الرجاله بقى !! .
......................................................................................................................
Mohamed
Hussein
15
يوليو 2016·
قناعاتي
........ و اللي مايشوفش من الغربال يبقى أعمى أو خروف أو برادعاوي .
.
1- فيه مؤامره
؟ اه طبعا فيه مؤامره .
.
2- طب المؤامره
علينا احنا بس ؟ لا على دول كتير , اغلبها في الشرق الأوسط .
.
3- طب هو العالم
كله بيتأمر علينا ؟ لأ , محور الشر بيتأمر عالكل .
.
4- هو مين محور
الشر ؟ بالترتيب : اسرائيل أمريكا بريطانيا تركيا ( و معاهم فار صغير اسمه قطر ) .
.
5- طب جماعة الإخوان
تبع مين ؟ والله شوفهم عايشين فين حاليا و انت تعرف , بالصدفه البحته هتلاقيهم عايشين
في بريطانيا , امريكا , تركيا , قطر , أه بالصدفه البحته !! .
.
6- طب روسيا لسه
لحد دلوأتي مارجعتش رحلاتها لمصر , أكيد متأمره علينا هي كمان ؟ لا خالص , بوتين عارف
اننا باستمرار مستهدفين و ان اللي حصل للطياره الروسيه ممكن يتكرر تاني مهما كانت التشديدات
الامنيه , و عارف ان أمريكا بتحاول تركيعه خارج حدود روسيا , عشان كده لازم يتأنى و
يصبر تماما .
.
7- خلاص تبقى ايطاليا
متأمره علينا , ماهي مهيجه الدنيا عالشاب اللي مات من كذا شهر ؟ لا خالص , ايطاليا
بيتم تركيعها بنجاح بعد تحسين علاقتها معانا , أو بمعنى أصح بتحاول تتجنب الصدام مع
محور الشر .
.
8- طب هو محور
الشر هيتأمر علينا ليه ؟ هو احنا حيلتنا ايه ؟ بص يا مغفل في كتاب التاريخ و كتاب الجغرافيا
و انت تعرف , و ماتمشيش ورا البرادعي و الأسواني و شرابات وائل عباس , مصر اكتر دوله
في تاريخ البشريه دخلت في حروب و اتعرضت لغزو و نهب ثروات , كانو بيتأمرو عليها ليه
؟! .
.
9 - طب الغرض من
المؤامره عالشرق الأوسط ايه ؟ أهداف كتير منها أمن اسرائيل , تدمير الجيوش العربيه
( لحد ما هامش الخوف عند الصهاينه يوصل ل صفر ) , و منها الإقتصادي و رسم خريطه جديده
, خريطه تبقى فيه الدول العربيه دويلات لا تُرى بالعين المجرده و بالتالي تبقى اسرائيل
أكبر دوله في المنطقه ( القاعده الصهيونيه بتقول ان اسرائيل ماتقدرش تكبر اكتر من كده
لا جغرافيا ولا في تعداد السكان , يبقى الحل ان الدول اللي حواليها هي اللي تصغر و
تتفتت ) .
.
10 - و ايه بقى
اللي بيحصل في فرنسا كل شويه ده ؟ زي اللي حصل لروسيا , و أي حد بيحاول الخروج عن الدايره
المرسومه .
11 - طب هي بريطانيا
خرجت من الإتحاد الأوروبي ليه ؟ عشان احنا داخلين على مرحله من العجن الأمنى و الأقتصادي
هتجتاح أوروبا , بريطانيا عارفه , عشان كده خلعت .
.
12- يعني خروج
بريطانيا من الاتحاد الأوروبي مكانشي خيار ديموقراطي مارس فيه الشعب البريطاني حقه
الديموقراطي بمنتهى الحريه و الشفافيه من خلال الصناديق ؟ مممممممممم هات بوسه يا حماده
.
...........................................................................................................................
Mohamed
Hussein
15
يوليو 2016·
-
شوفت يا عم اللي حصل ؟
... ايه خير ؟
.
.
- بيقولك عربيه
نقل كبيره داست على 70 واحد و يمكن اكتر و قتلتهم و فعصتهم , و فضلت تدوس عليهم لمسافة
2 كيلو
... أه قولت لي
بقى , احنا بقينا خلاص في قاع الأمم و البني أدم مبقاش له تمن , ماهو لو فيه شرطه عندنا
زي مخاليق ربنا و تفتيش عالمخدرات مكانشي يحصل الهبل ده , و ممكن كمان يكون السواق
ارهابي و متعمد كده , مش السيسي ضحك عليكو و قال لكو بنحارب الإرهاب ؟ ابقو خلي السيسي
ينفعكو , ولو السيسي عنده شوية دم كان أقال وزير الداخليه و وزير النقل و الحكومه كلها
.
.
- يا جحش الكلام
ده حصل في فرنسا مش مصر .
... فرنسا ؟ انت
بتتكلم جد ؟ .
.
- أه و الله في
فرنسا
... طيب يا عم
حادث عارض و بيحصل في أي مكان في الدنيا , ممكن يكون السواق ماخدشي باله أو جت له غيبوبه
سكر و هو سايق أو فرامل العربيه فكّت .
.
- طب و بالنسبه
لوزير النقل و وزير الداخليه و الحكومه في فرنسا ؟!
... ايه ؟!.
.
- تعاشرب شاي
.
.............................................................................................................................
ليست هناك تعليقات:
إرسال تعليق