Mohamed
Hussein
30
يونيو 2016·
بالنسالي السنه
اللي الإخوان حكمو فيها مصر هي أسوأ سنه في حياتي و ممكن تكون اسوأ سنه في تاريخ مصر
, أسوأ حتى من سنين الإحتلال , ليه بقى ؟ مش عارف , و الله لو كتبت ألف كتاب عشان أعبر
عن اللي جوايا في السنه دي برضه هبقى ماعبرتش زي مانا عايز , فيه حاجات كده ماينفعشي
توصف فيها شعورك مهما كتبت , بحاول بس أتخيل أو أفتكر , الأشكال , السحنه الغريبه
, الكلام العبيط , الناس اللي عيونها مليانه كدب , الفيران اللي طلعت من الجحور و فجأه
سكنت قصر الرئاسه بتاع مصر , مصر اللي هي الفيل الضخم اللي كان مطلوب انها تتقزم أوي
و تصغر جدا عشان الفار يعرف يبلعها , و بعدها يجيلي شعور بالغثيان , و هو ده الوصف
الوحيد اللي مابيتغيّرش جوايا .
.
اللهم لك الحمد
و الفضل و المنّه .
...............................................................................................................................
Mohamed
Hussein
29
يونيو 2016·
التاريخ هيقول
و هيكتب مجلدات و اللي مش فاهم هيفهم , 30 يونيو 2013 هو أعظم وأهم يوم في تاريخ مصر
الحديث , لما مصر بشوارعها وحواريها قررت تنطق و تقول لولاد الكلب أنا مصر وانتو مين
؟! .
.
مكانشي ينفع نستنى
عشره عشرين سنه لما يطلع رئيس أمريكي و يعترف و يقول احنا اسفين عالخراب اللي عملناه
في مصر و معلوماتنا كانت غلط , زي ما قالو عن العراق و زي ما هيقولو عن سوريا و ليبيا
.
.
مصر مش حقل تجارب
للأمريكان و الخونه , مصر هي مصر , مصر بجلالة قدرها ماتسقطهاش عزبة قطر مهما لمّت
حواليها من ارهابيين و شمامين كوله , عشان تاريخها 7 الاف سنه مش 7 الاف ثانيه !!
.
..........................................................................................................................
Mohamed
Hussein
29
يونيو 2016·
تفجيرات مطار أتاتورك
, ارتفاع عدد الضحايا لأكتر من 50 قتيل , عندي قلب كيوت و الله , قلب خسايه من اللي
يعجبك يعني , بس مش عارف اتعاطف مع الضحايا خصوصا الأتراك رغم انهم من المدنيين ( ربنا
يرحمهم على أي حال ) .
.
ليه مش عارف اتعاطف
؟
أولا , لو تركيا
بتعتبر نفسها دوله ديموقراطيه يبقى الشعب بيتحمل نتيجة اختياره ( اللامؤاخذه الديموقراطي
), و كون انك تبقى مواطن تركي و شايف زعيمك شغال بلطجي هنا و هناك و بيتسبب في قتل
الألاف على مدار 5 سنين و عاجبك الحال ده يبقى لازم تستحمل الفاتوره , ماتنزل تتظاهر
يا مولانا و ترفض ان دولتك تشتغل بلطجي و تشيل الكلب اللي بيحكمك ؟ ده برضه حقك الديموقراطي
.
.
ثانيا : اللي ماتو
في مصر و سوريا بدعم مباشر و غير مباشر من كلب تركيا هما عشرات الألاف , وانا مش لازم
اكون عيل لامؤاخذه عشان اعجبك , لا يا سيدي , مش عايز اعجبك , و هقولك ان ضفر أصغر
عسكري استشهد في مصر بسبب الإرهاب المدعوم من كلب تركيا هو عندي بالشعب التركي على
بعضه , و هعمل فرح لو شوفت انقره بتولع باللي فيها , هي بالنسبالي بقى زيها زي تل أبيب
, يارب تكون الرساله واضحه .
.
اللي عايز يعيش
الدور البرتقاني ده و ناقص يحط علم تركيا على بروفايله هو حر , بس بعيد عني و عن صفحتي
وعن مرارتي .
.......................................................................................................................
Mohamed
Hussein
28
يونيو 2016·
يعني ايه تبقى
متألق في النطاعه ؟!
.
يعني اكتب بوست
عن حق الدوله في التعامل مع الأجانب على أراضيها و تقعّدهم أو ترحلهم زي ماهي عايزه
أقوم ألاقي 5 عملو لي بلوك , هي حكاية البلوك و الغاء الصداقه مابتفرقش معايا خالص
, الحمد لله لله عندي قايمة طلبات صداقه متعلقه أطول من صلاح سالم ( من فضل ربنا )
, انما بيصعب عليا البشر دي , و إن الجنازه تبقى حاره و الميت ليليان داوود.
.
يا جحش , لو قريت
خبر عن ترحيل الناشط الفلاني أو الصحفي الفلاني أو المغترب الفلاني من ألمانيا أو انجلترا
أو أمريكا او سويسرا هيفوت عليك الخبر عادي و ممكن كمان تقول ( دوله بتحترم نفسها و
عندها أمن قومي ) , ولما أمريكا رحلت طالب مصري من أراضيها عشان بس كتب تعليق على تويته
لترامب كنت شايف انها دوله ايه ؟ أكيد دوله عظيمه و كده , إنما لما الموضوع يكون له
علاقه بمصر تقوم تظهر نطاعتك و سذاجتك المفرطه , و كأن الموضوع فرط معاك عالأخر , من
كراهيه للنظام الحاكم لكراهيه للدوله لحد ماوصلت لمرحلة انك بقيت تكره نفسك و عقلك
.
.
يا جحش اللي انت
عامل مندبه عليها دي تبقى مالتي مليونيره زي عشرات غيرها , يعني مكانتش بتشحت على باب
السيده , عملت ملايين في ال 5 سنين اللي فاتو على حس أم شعاراتك الثوريه , يعني مش
هتموت من الجوع يا ضنايا و بلاش الفيلم الحمضان بتاع ابنها ده , مش انت اللي ليل و
نهار بتشتم في مصر و شايفها لا تطاق و كيلو الكعك بقى بمليون جنيه و كيلو الليمون اغلى
من كيلو الدهب ؟ طب خلاص افرح للوليه و ابنها بقى , اهي راجعه لبنان اللي شوارعها نضيفه
و بتلمع و فيها كيلو الكعك ببلاش و تاخد عليه كيلو لمون هديه .
............................................................................................................................
Mohamed
Hussein
27
يونيو 2016·
من حق أي صاحب
قناه خاصه إنه يشغّل فلان و يمشّي فلان , ده مال خاص ( و من حكم في ماله فما ظلم )
, و من حق أي دوله انها تسمح للمغترب الفلاني بالبقاء و الإقامه أو ماتسمحش , ده شأن
الدوله ( و من حكم في دولته فما ظلم ) .
.
كربلائياتك و أحزانك
مكانها مش هنا , البنك الأهلي هيوفّر لك حسينيه صغيره تعمل فيها اللي انت عايزه .
.
الرساله اللي ممكن
نفهمها بتقول باختصار ان كان فيه مولد , مولد بقى بكل حيثياته , يعني رقاصه و بتاع
مزمار و فقرة الحصان و الساحر و البتاعه دي بتاعة العضلات و فلان بيرقص و علان بيغني
و اللي بيبيع ترمس و اللي بيقول قرّب يا جدع , مولد و هيصه و زمبليطه و ناس عملت أحلى
شوية فلوس , بس كفايه بقى , المولد ده كان لازم يتفض , و ليليان داوود مش هتغلب , زي
ماشتغلت في ال bbc ممكن تشتغل في الجزيره , الشهر
ب 100 ألف دولار و الحسّابه بتحسب
................................................................................................................................
Mohamed Hussein
27
يونيو 2016·
و جايز تكون المرحله
الجديده في رسم خريطة العالم بتتطلب مبدأ ( اللي بيزمّر مايخبيش دقنه ) , يعني كل شيجن
انكشفن و بان , تخرج بريطانيا من الإتحاد الأوروبي , اسرائيل تتجوز تركيا و تكتب عليها
رسمي , بريطانيا و أمريكا يبقو الشهود , و ابن موزه يمسك ديل الفستان بتاع العروسه
, و العروسين يقضّو شهر العسل في قطاع غزه ( و حماس تقف لهم الفوطه ) .
.
بالنسبه للي بقاله
5 سنين بيشرب سيجاره في البلكونه و جاي دلوأتي يسأل هو مينن بقى محور الشر ؟ محور الشر
باختصار يا حماده هو العريس و العروسه و الاتنين الشهود و الصبي اللي ماسك ديل الفستان
, و الصبي اللي واقف بالفوطه .
.
الفرح ده بيتعمل
على حدودنا في قطاع غزه , بس جيشنا صاحي و ممكن من باب الواجب يضرب كام طلقه في الهوا
تحيه للعروسين , و مستقبلا يعني لو محتاجين دكتور أمراض نسا نبعت لهم مع كام علبة دوفاستون
, احنا بلد عمرها 7 ألاف سنه و بتفهم في الأصول و مايفوتهاش الواجب .
............................................................................................................................
Mohamed Hussein
27
يونيو 2016·
العلاقه بين تركيا
و اسرائيل كانت جواز عرفي و بقت جواز رسمي , و كل الدنيا عارفه مين فيهم بيلبس قميص
النوم , ماعد الخرفان اللي عندنا , بينكرو العلاقه كلها و بيقولو بنتنا ( قصدي خليفتنا
) أشرف من الشرف .
.....................................................................................................................................
Mohamed Hussein
26
يونيو 2016·
خالد علي يشارك
في رسم جرافيتي على جدران نقابة الصحفيين بعنوان ( تيران و صنافير مصريه ) !! .
.
أهو خالد علي ده
نموذج متفرد في حد ذاته , صعب نلاقي منه اتنين في كوكب الأرض , محامي و ناشط سياسي
و حقوقي و كاتب صحفي و فقيه دستوري و رسام جرافيتي و ممكن والله نجيبه يلعب باك شمال
في الزمالك بدل حمادة طلبه
...............................................................................................................................
. Mohamed Hussein
25
يونيو 2016·
مجرد تخيل
.
الإتحاد الأوروبي
, الكيان الضخم اقتصاديا و عسكريا و سياسيا و جغرافيا , كان خطأه و خطيئته الوحيده
انه سمح لأمريكا بالتوغل جواه , بأي شكل و أي صوره , و تبعية بعض من دول الإتحاد للسياسات
الأمريكيه الصهيونيه كانت نتيجيتها فاتوره باهظه , مش هيقدرو عليها , كله في النهايه
بيتترجم لفلوس ( و أمن ) .
.
من كام شهر كنت
بتكلم عن ( حاجز الخوف ) اللي في لحظه ممكن ينكسر , و الضغط على دول كبيره ( لها شنه
و رنه ) , و الوجه البريطاني القبيح اللي بقى مكشوف بصورة طفوليه و تخلّيها عن أبجديات
السياسه الدوليه ( يعني ألف باء ) , و كان سؤالي : أخرة الهمجيه الأمريكيه البريطانيه
و اللعب بالنار ايه ؟! الحكايه مش هتقف عند خروج بريطانيا من الإتحاد الأوربي و حاجز
الخوف لما ينكسر مش هتعرف مين طايح في مين , كل واحد هيحاسب عن مشاريبه , حاجه كده
أقرب ليوم القيامه , اقرأ كتابك كفى بنفسك اليوم عليك حسيب .
.
ده مجرد تخيّل
, الإتحاد الأوروبي هينهار و هيجر معاه حلف الناتو , و الصغيرين هيتكشفو أوي , اعتقادي
في موقف تركيا مثلا انها كانت أصغر و اتفه من المشاركه في الليله دي و أمريكا لبّستها
في الحيطه , يعني هيحصل ايه لتركيا ؟ في رأيي ؟ هقولك يا سيدي , في الحرب بيبقى فيه
خيول من هنا و خيول من هناك , و الخيول دي لها سنابك , وبيحصل أحيانا ان سنابك الخيول
بتدوس على فار ( بالغلط ) و تدهسه , تركيا لو حظها حلو هتبقى هي الفار !! .
.
طب ليه بعتقد كده
؟ عشان انا خبير عسكري و جامد ؟ لا و الله , بص عالخريطه و انت تعرف , شوف دول الجوار
و الدول القريبه من تركيا و علاقتها بيهم ايه ؟ , روسيا , اليونان , العراق , سوريا
, مصر !! , يعني حاجه اخر حماده , واللي كان بيقولك احنا حدودنا هي حدود الناتو هوب
مش هيلاقي الناتو و لا هتحميه البدله السيراميك اللي بيلبسها .
.................................................................................................................................
Mohamed Hussein
24
يونيو 2016·
بعيد عن سخافة
و نطاعة باسم يوسف , و بعيد عن الست العبيطه اللي نزلت بلوحه مكتوب عليها ( قتلتو ريجيني
ليه ؟ هو احنا قصرنا معاكو في حاجه ) , و بعيد عن البهلول اللي فاكر ان طيارة شرم الشيخ
وقعت لما واحد ارهابي بدقن قال الله اكبر و قام مفجرها , و بعيد عن الحمار اللي فاهم
ان تفجيرات باريس كانت شغل نفس الإرهابي العيط أبو دقن و بعيد عن المتخلف عقليا اللي
فاهم ان تركيا تجرؤ على اسقاط طياره عسكريه روسيه من غير تعليمات ( و أوامر ) من امريكا
و حلف الناتو , و بعيد و بعيد و بعيد ..
.
خروج بريطانيا
من الإتحاد الأوروبي مكانشي قرار مفاجئ ولا الحكومه البريطانيه اتفاجئت بنتيجة التصويت
, و الحكايه صعب جدا ماتكونشي مرتبطه باللي حصل في الشرق الأوسط في ال 5 سنين اللي
فاتو , صحيح الأحداث كانت في الشرق الأوسط لكن المطبخ كان في أوروبا و أمريكا , و النبي
البرادعي يقعد بتويتاته على جنب .
.
ايه اللي هيحصل
بقى و العالم رايح على فين ؟ الله و رسوله اعلم , كل اعتقادي ان بريطانيا رغم تشابهها
مع دول اوروبيه كتير في بعض المواقف إلا انها مكانتشي دولة أوروبيه صرفه , كانت دوله
نصف أوروبيه نصف أمريكيه ( أو بمعنى أصح نصف صهيونيه ) , وبالتأكيد كانت جزء من محور
الشر الثلاثي , هل خروجها بيعني خروج مكعب كبير من مكعبات الإتحاد الأوروبي و بالتالي
يعمل خلل في الشكل الهندسي ده و يؤدي لسقوطه ؟ هل الوجه القبيح لبريطانيا اتكشف قدام
الأوروبيين نفسهم و بالتالي كان خروجها أفضل على اعتبار ان أضعف نقطه بالنسبالك ممكن
تنضرب منها هي التحالف اللي انت فيه ؟! .
.
الأيام هتبين و
هتقول , و العالم بيمر بمرحلة من أصعب مراحله , تشكيل جديد لخريطه العالم , هتظهر قوى
عالميه جديده , امريكا هتكبر أكتر و تفتري او هتسقط زي جبل جليد , كل شئ وارد , ممكن
نقول اننا دلوأتي في أخطر دور كوتشينه في تاريخ البشريه عشان اللعب فيه هيكون على تلتين
العالم عالأقل .
.
اه باقي حمار أخير
ماجبتش سيرته , الحمار اللي كل شويه يسأل : هو احنا بنشتري رافال و ميسترال و اقمار
صناعيه و رادارات ليه ؟!! .عشان يا حمار البديل هو اننا نشتري بيبي دول و نلبسه و نستنى
الخواجه لما يحب ييجي و ياخد مزاجه مننا .
..........................................................................................................................
Mohamed Hussein
24
يونيو 2016·
هيومان رايتس واتش
( بجلالة قدرها ) متعاطفه مع العيال الصيع الجربانين بتوع فرقة أطفال الشوارع ( و بتطالب
بالإفراج عنهم ) , على أساس حرية الرأي و الإبداع و ساندوتشات الحلاوه بالقشطه , و
أصلا أصلا العيال دي محدش يعرفهم , و أبهاتهم شخصيا هتلاقيهم مش متعاطفين معاهم .
.
أي حد لسه فاكر
لحد النهارده ان فيه حاجه اسمها منظمات حقوقيه و منظمات مجتمع مدني و انها كيانات كيوت
كده و بتبيع سبح و سجاجيد صلاه يبقى محتاج يتحط في متحف , و المصيبه الأكبر لا تكون
فاكر ان اعضاء هيومان رايتس واتش مابيناموش طول الليل و بيتشحتفو عالعيال دي .
.
يا مولانا المنظمات
دي جزء من أدوات اللعبه الأمريكيه ( أدوات الضغط السياسي ) , اتعملت عشان كده , و هتفضل
جزء من أدوات اللعبه طول ما أمريكا بتلاقي في دول العالم التالت حمير زي جنابك كده
, هو عادي يعني انك تبقى حمار , ياما ناس حمير و عايشين , بس حاول أرجوك ماتبقاش حمار
أوي .
........................................................................................................................
.
ليست هناك تعليقات:
إرسال تعليق