Mohamed
Hussein
1
سبتمبر 2016·
حدث بالفعل , اه
و الله .
.
خدت العامل بالدراع
بتاع دركسيون العربيه اللي فيه الكونتاك و روحنا محل مفاتيح عشان يصلح الكونتاك و سيبت
العامل هناك لحد ما خلصو و رجع معاه الدراع .
.
أنا بقى بما إني
ناصح أوي و قراري قلت أخبّي الدراع و القطع الكبيره بتاعة الدركسيون المفكوك في شنطة
العربيه عشان محدش يشوفها من ورا الإزاز و يكسر الإزاز و يسرقها .
.
و بعد ما عملت
كده بصيت على تابلوه العربيه و هو من غير دركسيون خالص , و لقيت سلوك نازله و مدلدله
كده , قمت تفتق ذهني عن سؤال سألته للعامل , بما إني ذكي أوي و سابق جيلي بمليون سنه
ضوئيه , قلت له بس ممكن أي حرامي يشغل العربيه دي بسلكين طالما السلوك مكشوفه كده
, و يسرقها و يمشي ؟ .
.
العامل بص لي بصه
كلها ( احترام ) و قالي: هيمشي بيها ازاي من غير دركسيون !! .
.
أنا : ايه ؟؟؟؟؟؟
.
.
مش عارف و الله
أنا دماغي راحت و لّا انا اللي روحت ولا انا و هي روحنا سوا و هربنا و توهنا و مش عارفين
نرجع , ربنا يرجّعنا بالسلامه .
.
و قال انا بقعد
عالفيس بوك و اتفزلك و اتفلسف على مخاليق ربنا , و اعمل نفسي خبير سياسي و كوكب الأرض
ده أحكمه بصباع رجلي الصغير , مع إن أخري أهو زي مانتو شايفين , خايف العربيه تتسرق
بالليل و هي مفهاش دركسيون أساسا .
.....................................................................................................................
Mohamed
Hussein
1
سبتمبر 2016·
الجيش و المخابرات
المصريه .
.
هو الجيش ده اسمه
ايه بالظبط ؟
- اسمه جيش مصر
.
.
أيوه يعني تبع
مين يعني ؟
- تبع مصر يا حماده
.
.
طب هو الجيش ده
فرد ولا مؤسسه ؟
- الجيش أكبر و
أهم مؤسسه في مصر .
.
طب يعني ينفع يمسك
مشاريع كتير أوي كده ؟
- أه ينفع طبعا
.
.
ليه ينفع ؟
- عشان ده جيش
بلدك مش جيش فنزويلا .
.
أيوه ماقولناش
حاجه , بس السيسي بيعتمد عليه بشكل كامل كده ليه ؟
- عشان ماعندوش
بديل .
.
إزاي بقى ماعندوش
بديل , لأ عنده وزارات و جهاز إداري فيه 6 مليون موظف .
- ماهو عشان الجهاز
الإداري فيه 6 مليون موظف يبقى السيسي معندوش بديل .
.
إزاي بقى , عايز
أفهم ؟
- لا , مش مهم
تفهم .
.
بس أنا مصرّ إني
أفهم .
- طب يارب تفهم
.
.
ليه بقى ؟
- عشان جهاز إداري
مترهل و الفساد ماسكه من ساسه لراسه , تركة أمي لما كانت بتحكم مصر .
.
هي أمك حكمت مصر
؟
- أه , من سنة
81 ل 2011 .
.
لا يا عم دي مش
والدتك , ده كان مبارك .
- لا ماتقولشي
كده عشان عندي أصحاب بيزعلو , هي امي السبب , الله يسامحك يامّه .
.
طب السيسي هيفضل
يعتمد عالجيش كده لحد إمتى ؟
- لحد ما يتفوّر
الجهاز الإداري و نحارب الفساد بدرجه معقوله و نلاقي مؤسسات تانيه نقدر نعتمد عليها
, ممكن ببساطه شديده تحط نفسك مكان السيسي وانت تفهم .
.
بس الجيش مكانه
مش هنا , الجيش مكانه عالحدود .
- و لما الجيش
نزل يأمن كل شبر في مصر بعد يناير 2011 و يأمن منشأت و طرق و يشوف رخص سواقه ماقولتش
ليه الجيش مكانه الحدود ؟ .
.
بص , من الأخر
كده انت شكلك بتشتغل مع المخابرات .
- مخابرات ايه
؟ .
.
مخابرات مصر طبعا
.
- طب هو الشغل
مع مخابرات مصر تهمه يا جحش ؟ أومال الشغل مع الموساد يبقى ايه يا عرة مخاليق ربنا
؟
.
يعني بتشتغل مع
مخابرات مصر ؟
- لا طبعا , ياريت
يقبلوني معاهم , ده شرف لا أدعيه .
.
أومال ليه أصحابي
فهّموني ان الشغل مع المخابرات دي تهمه و صاحبها يبقى طبال و عرص و حاجات كده ؟
- أصحابك مش فهّموك
, أصحابك ركبوك كالعاده .
.
تقصد ايه ؟
- اقصد انك حمار
من 5 سنين و أدمنت انك تتركب .
.
لا ماتقولشي عليا
كده انا ماسمحلكش , انا مش حمار .
- لا انت حمار
و هثبت لك .
.
طب اثبت لي .
- مش اصحابك فهموك
ان الشغل مع المخابرات المصريه تهمه و عيب ؟ .
.
أه صح .
- و فهموك كمان
ان الشغل في مراكز حقوق الانسان الأمريكيه و تقبض من أمريكا بالدولار و تطلع في جرايد
و قنوات أمريكيه و بريطانيه و تركيه و تسب في بلدك و جيشها ده عمل ثوري و نضالي و جبار
؟ .
.
أه صح .
- تبقى حمار ولا
مش حمار ؟
.
أه حمار .
- شوفت بقى ؟ أديني
ماظلمتكش أهو , دانا ممكن أكون ظلمت الحمار .
...............................................................................................................................
Mohamed
Hussein
1
سبتمبر 2016·
العربيه اللي حيلتي
باظت , هي اللي طلعت بيها من الدنيا هي و اللابتوب ده , من يومين قلت للعامل يحركها
من مكانها عشان يوسع لواحد هيدخل بعربيته , و امبارح جيت أدوّرها مادارتش , الدركسيون
قافش قفشة ابراهيم عيسى , و بعد كده بدأ يلف بس المفتاح بيفتح تكه واحده بس .
.
جبت كهربائي النهارده
, ما شاء الله عليه , بالظبط زي اسماعيل ياسين في الطيران , فك الدركسيون كله حته حته
, و كل ما يفك حته يقول لا دي ملهاش لازمه , لازم نفك حته تانيه , و أصل المشكله في
الكونتاك و احنا مش عارفين نطلعه , لحد ما وصل في الأخر انه فك حته كبيره كده واصله
للعربيه من تحت , وخدها معاه , قال هحاول في الورشه بقى .
.
قناعتي التامه
( و ربنا يخيب ظني ) انه هيعك الدنيا , و برضه قناعتي التامه إني مش هعرف أمشي بالعربيه
من غير دركسيون , هو انا جامد صحيح و ذكي و جبار و بمشي عالحيط بس مش لدرجة اني أسوق
عربيه من غير دركسيون .
.
و النبي يا جدعان
لو حد يعرف كهربائي شاطر شغال في العربيات الفولكس يقولي عليه ( أو حد بتاع مفاتيح
عربيات ) , حبذا في لو كان في مدينة نصر أو أجوارها , عشان هحتاجه أكيد , و الأجر و
الثواب على الله .
.......................................................................................................................
Mohamed
Hussein
1
سبتمبر 2016·
الأمريكان و البريطانيين
و الأتراك و الصهاينه و عزبة قطر عملو شألباظات و وقفو على شعر راسهم و ماقدروش يوقعو
السيسي .
الخرفان و الكولجيه
بره مصر و جواها برضو عملو شألباظات و ماقدروش يوقعو السيسي .
عارفين بقى مين
بجد يقدر يوقع السيسي ؟ التلاته دول , أحمد موسى , مصطفي بكري , عزمي مجاهد , مع انهم
مش مسئولين في الدوله ولا السيسي اختارهم لمنصب , بس محسوبين علينا , و نقطه يعني فلستوب
.
.
#رساله_إلى_السيد_الرئيس
.
...............................................................................................................
Mohamed
Hussein
31
أغسطس 2016·
الدوله بعد العيد
هتعمل مزاد على 40 ألف فدان في شمال سينا , 25 % منهم هيبقو لأهل سينا بس , يعني
10 ألاف فدان .
الدوله بدأت من
سنتين تعمير سينا , جامعات و مدارس و طرق و مصانع و مشاريع و بنيه تحتيه .
الدوله خلال سنتين
تلاته كمان هتكون عملت تعمير في سينا ماتعملش في عشرين تلاتين سنه فاتو , و بتعمله
و احنا في ظروف اقتصاديه صعبه جدا .
.
أظن أهالينا في
سينا مش هيكون لهم حجه بعد كده , لا هينفع يقولو الدوله اهملتنا ولا هينفع يقولو مش
لاقيين مشاريع ولا أراضي ولا مرافق ولا خدمات , اللي هي النبره ( و اللبانه ) اللي
فضلت شغّاله سنين , يعني تجاره سلاح تجارة مخدرات تجارة ارهاب و ارهابيين يبقى الحرق
لوحده مش كفايه .
.
بالنسبه للكولجيه
بقى ياريت مايشغلوش بالهم بالكلام اللي فوق ده , انا أصلا طبال , حد يصدق واحد طبال
برضه ؟ انتو المفروض تستنو رأي العلّامه و المفكر الكبير و المهندس و الفيلسوف ممدوح
حمزه ( أحد إفرازات يناير ) اللي هيأكد لكو ان السيسي بيعمر سينا عشان يسلّمها لاسرائيل
متشطبه و عالمفتاح , و يحقق حلم الصهاينه ( من ميت غمر للفرات )
.........................................................................................................................
. Mohamed
Hussein
31
أغسطس 2016·
امنعو الضحك
.
هاي , أنا هديل
, و ده أول فيديو ليا على يوتيوب , لقيت أصحاب ليا كانو رايحين الجيش و بيقولو الجيش
ده حاجه ( بيبي ) خالص , و الأكل هناك معفن و السكن معفن و المعامله وحشه , فكنت بقول
يعني , تخيّل ( imagine ) , لو في الجيش عملو big hotels , مش شرط five stars ممكن three stars , و كل 2 يبقى لهم أوضه بسريرين مكيفه و يعملو
لهم جيم و سبا و جاكوزي و ملاعب جولف و يجيبو شيف يطبخ لهم أكل كويس , و يعملو الجيش
three stations , واحده high class و واحده middle class و واحده low class , عشان العربجيه و السوابق مايخطلتوش في الجيش
بالناس اللي اتربت في مصر الجديده مثلا , و بعدين لما الجيش يوفر لهم environment ده هينعكس عليهم psychologically !! .
.
اللي فوق ده فيديو
منتشر على يوتيوب لبنت مصريه عايشه في أمريكا تقريبا .
.
أنسه هديل , تعالى
عايز أقولك على حاجه , عارفه مرتضى منصور و هو بيعد على صوابع ايده ؟ أيوه اسم الله
عليكي , عايز أقولك ايه بقى ؟ عايز أقولك ( بصوت مرتضى منصور ) دين أمك , على دين أم
المدارس الإنترناشونال اللي اتعلمتي فيها , على دين أم مبارك .
.
ليه بقى مبارك
؟ عشان مبارك حول البلد في 30 سنه لكائن هش ضعيف ممسوخ , طمس هوية بلد , خلّى المواطن
المصري زي حتة العجينه معدومة الهويه و سهل جدا تتشكل بأي طريقه , يروح السعوديه يلبس
جلابيه قصيره و يتعلم الدعشنه , يروح أمريكا يبقى لامؤاخذه زي الأخت هديل , و كأننا
شعب معدوم الثقافه , معدوم الجينات , معدوم الحضاره , شعب خفيف , كلمة توديه و كلمة
تجيبه , و بعد ما خربها مبارك ملقاش حل غير فكرة العزل , عزل في المدارس ( من انترناشونال
لحكومه ) , عزل في السكن ( من كومباوندات لمساكن صفيح ) فكانت النتيجه الطبيعيه و المنطقيه
جدا هي كائنات مشوهه .
.
من كام يوم حد
عايش في أمريكا نبهني للعبه خطيره بدأت تظهر , طبعا مش بالطريقه الفجه العبيطه بتاعة
الأخت هديل , انما بطريقة محترفه شويه , ناس مصريين عايشين في أمريكا , يخاطبو شريحه
معينه في مصر high class باللغه اللي يفهموها و بطريقة
التوريه , المهم توصل في النهايه انك تبقى كاره بلدك و كاره كل حاجه فيها .
.
أصدقائي الأعزاء
اللي عايشين في أمريكا و بريطانيا و باقي عموم بر أوروبا , عشان خاطر ربنا , لو مش
عارفين تربو ولادكو , هاتوهم و ارجعو مصر , ولو مش عارفين تربوهم و مش قادرين ترجعو
خدو الجنسيه و اتنازلو عن جنسيه مصر و يبقى لا ليكو فيها جيش ولا محتاجين جاكوزي و
ملاعب جولف وبيج هوتيلز , ارفعو علم أمريكا و تغنو بالحضاره الأمريكيه و اتشألبو في
بلاط مولانا أوباما و ستنا هيلاري كلينتون , عشان باختصار : المشرحه مش ناقصه قُتله
.
.............................................................................................................................
Mohamed
Hussein
30
أغسطس 2016·
و بالنسبه للنائب
السلفي اللي بيقول مصر دوله اسلاميه و نخشي من توغل الأقباط !! .
إلهي ربنا يرزقك
بسلعوه تكون دكر تاخدك من طرف جلابيتك كده و تطلع بيك عالطريق الزراعي و هناك تلاقي
مزه جامده مستنيه , و السلعوه الدكر تقولك شايف المزه الجامده دي ؟ تقولها أه , تقولك
المزه دي مش من نصيبك , انا اللي من نصيبك يا مولانا .
.
توغل أقباط ايه
يا ولاد الوارمه ؟! , داحنا بقالنا سنين يا طولها يا عرضها ضاغطين على دماغ المسيحيين
بكل قوتنا , و كنا لما بنزهق او نحسّ بملل بنروح نحرق كنيستين تلاته , لدرجة ان الناس
اتعودت و لو فات عليهم خمس ست سنين من غير ما نحرق كنيسه يقلقو و يتوغوشو و يسألو علينا
, لعل المانع خير !! .
...........................................................................................................................
Mohamed
Hussein
30
أغسطس 2016·
البرلمان المصري
وافق بصوره نهائيه على قانون بناء الكنائس , و أكيد الكنائس هيبقى فوق منها جرس , حد
يبلغ ابراهيم عيسى و عصام حجي و بقية كرتونة البيض اللي ربنا ابتلانا بيها .
..............................................................................................................
Mohamed
Hussein
30
أغسطس 2016·
من كام يوم عيل
متني كده طلّع إشاعة ان قانون بناء الكنائس بيقول ان مفيش جرس هيتعلق عالكنيسه !!
, و طبعا و كالعاده الكولجيه أعلنو النفير ( و النهيق ) العام , و هاتك يا شير للخبر
مع إضافات لذيذه ( التاتش بتاعهم ) و كوميكس و ألشات , و مفيش ساعتين لقينا العالم
الكبير و المفكر السياسي العملاق و الخبير الإقتصادي و فيلسوف علم الأديان عصام حجي
برضه كاتب عن الكنايس اللي هتبقى من غير جرس !! .
.
و من يومين عيل
متني تاني كتب في موقع الكتروني متني بيرأس تحريره واحد متني برضه إن مصر اتنازلت عن
جزيره لليونان , الجزيره اسمها تشيوس ولا شيتوس مش فاكر و احتمال يكون اسمها جزيره
كرانشي , المهم برضه حالة نفير و نهيق عام , لحد ماوصل الأمر لأستاذنا الدكر المفكر
الكبير أوي بقى , اللي بيتصور دايما و هو ساند دماغه على صباعين من ايديه و قال يعني
بيفكر و متعمق و كده , الأستاذ الدكتور علاء الأسواني اللي برضه كتب ان مصر سابت الجزيره
لليونان !! .
.
بقيت و الله بعذر
( صغار) الكولجيه اللي بيتركبو من أي حد ماشي و بينشرو أي خبر أو افتكاسه من غير ما
يقرو و لا يسألو ولا يفكرو و لا يتأكدو , لو ده حال الكبار بتوعكو , اللي انتو مسنودين
عليهم و عايزينهم يعملو فريق رئاسي و بتستنو تويتاتهم و مقالاتهم عشان تاخدو حقنة ثقافه
عميقه و فكر جواني تركيزها 5 مليون سنه ضوئيه , يبقى انتو معذورين .
.
إنما اجمالا ,
من حقك تشم كوله زي مانت عايز , و من حقك تعبد أي حد ملوش أي تلاتين لازمه , ياكشي
تعبد رجل الكومدينو و مشابك الغسيل , انت حر , بس مصر يا حماده بره علبة الكوله اللي
انتو محشورين فيها دي , برّاها خالص , يعني ممكن تعملو لنفسكو دوله صغيره محندقه كده
في خيالكو ( أد قطر مثلا ) و تجيبو عصام حجي و علاء الأسواني يحكموها و ممكن كمان تستعينو
ب باسم يوسف ( لما يخلص فقرة نوم العازب اللي بيعملها في حملة هيلاري كلينتون ) و ماتنسوش
تستفيدو من خبرت نادر بكار , ده راجل قاري و مثقف و دارس في هارفرد و مستوعب الأشياء
, أنا ذات نفسي أتمناه ( بصوت عبد الفتاح القصري ) .
..............................................................................................................................
Mohamed
Hussein
29
أغسطس 2016·
احنا مين ؟
.
- من 6 سنين تقريبا
بدأت اكتب عالفيس بوك , خدت أول سنتين بالتخصص كده شمام كوله درجة أولى , يعني كنت
من كبار الأعيان في شم الكوله , تحديدا بعد ثورة 25 يناير , و حيث اني قعدت في قعر
البرطمان ده سنتين فبالتأكيد أنا من اكتر الناس اللي عارفين الشمامين بيعملو ايه و
بيفكرو ازاي .
.
- المهم ربنا تاب
عليا , امتى بقى ؟ لما حسيت ان البلد دي في خطر و اننا ماكنّاش عاملين ثوره ( احنا
اتعمل بينا ثوره ) , دي اللحظه الأهم في تاريخ مصر الحديث على فكره , لما الناس فاقت
, نفس الشعور ده جه لملايين غيري من اللي كانو بيأيدو ثورة يناير و وقفو و قالو ستوب
هنا , فيه حاجه غلط , لأ بلدنا في خطر , ** أم الثورات , بلدي أهم .
.
- احنا التكتل
الأقوى في مصر حاليا و جايز نكون عمود الخيمه في اللي بيسموه المجتمع المدني , احنا
الملايين اللي رجعت من شم الكوله لما خافت على بلدها .
.
- شخصيا و عالمستوى
الشخصي , لو كنت استمريت في الهبل اللي كنت ماشي فيه في 2011 و 2012 فبالتأكيد صفحتي
مثلا كانت هتبقى مختلفه تماما و أد كده خمسين مره , أنا عارف , شم الكوله ده له شمخه
غريبه و زباين زي الرز .
.
- مجال المعارضه
بطريقه الزربحه ده مجال ممتع , كأنك حصان و بتجري في أرض مفتوحه و ( حبلك على ضهرك
) , تخبط هنا و تضرب هنا و تتريأ هنا و تعمل كوميكس و ألشات و تشتم أي حد و أي مسئول
, و تعتقد انك بتفهم كل حاجه في كل حاجه , ده اسمه مضمار الزربحه اللي بيرمح فيه الخيل
السكران .
.
- يا جحش احنا
في وقت بيبقى القابض فيه على وطنه كالقابض على الجمر , ارتضينا يتقال علينا معرصين
و طبالين و عبيد , احنا مش قابضين فلوس , احنا قابضين على جمر ان بلدك تفضل بلدك ,
احنا مهمين أوي و وجودنا مهم جدا حتى ليك , عارف ليه ؟ عشان لو مش موجودين و اتنقلنا
كلنا لمضمار الزربحه بتاعك و قعدنا ننشر اشاعات و نهري و نهرتل و نبوس رجل أوباما و
نتغنى بقدسية الجارديان و حيادية الواشنطن بوست و نعمل تمثال لمنظمات حقوق الإنسان
الأمريكيه و نقول الملكيه كانت جميله لأ الاحتلال البريطاني كان أجمل , لو عملنا كده
كلنا يبقى هنصحى من النوم مانلاقيش مصر , يبقى معاليك هتألش و تعمل الكوميكس بتاعتك
و تزربح فين لما مايكونش فيه بلد ولا دوله ؟! .
.
- بالمناسبه ,
واحد من الشمامين الحاليين اللي عملت له بلوك من كام يوم كان كاتب على صفحته تختار
مين بديل للسيسي , و صديق دخل اختار باسم يوسف , حد يقول لصديقنا ده ان باسم يوسف مشغول
حاليا في حملة هيلاري كلينتون بيعمل نوم العازب و عجين الفلاحه عشان يرضيها , أول ما
يخلص فقرة نوم العازب هيجيلكو على طول و ابقو رشحوه للرئاسه , يا عرّة مخلوقات ربنا
في كوكب الأرض و المجموعه الشمسيه .
.................................................................................................................................
Mohamed
Hussein
29
أغسطس 2016·
عندي فكره صغيره
, ممكن تكون حلوه أوي أو عبيطه جدا , مش عارف , المهم انها بتسيطر على تفكيري كل كام
يوم , و برضه مش عارف لها مسمى أو تصنيف , هل هي فكره اجتماعيه عائليه اقتصاديه ولا
تتسمى ايه , مش مهم .
.
الفكره بتقول باختصار
, ان كل عشرين تلاتين نفر يتجمعو مع بعض و كل واحد يدفع 10 ألاف او 15 الف , العشرين
تلاتين نفر ممكن يكونو أصدقاء من نفس المدينه أو جيران من نفس العماره أو قرايب مثلا
, المهم يجمعو مبلغ 300 ألف جنيه ( سامعك ياض ياللي بتقول احنا مابنعرفش نجمع 400 جنيه
لما ماتور المايه بيبوظ , سامعك بس هعمل اني مش واخد بالي ) , و بعدين يا سيدي المجموعه
دي ياخدو حتة ارض في الصحرا , 5 فدادين مش اكتر بسعر بسيط ( السيسي هيوافق انا عارف
) , و يعملو ايه في ال 5 فداين ؟! .
.
يزرعو 4 فدادين
منهم فاكهه و خضار, والفدان الباقي يعملو فيه بيت للعمال ( 3 عمال كفايه أوي ) و مزرعة
مواشي صغيره ( تكفي ل 15 راس بالكتير ) و مزرعة فراخ بلدي جنبها ( تكفي لألف فرخه بالكتير
) , الحدوته دي مش هتكلف أكتر من كده , مع تكلفة زراعه الأرض و تربية المواشي أول سنه
, طب هنستفيد ايه بقى يا فالح ؟! هقولك أهو .
.
1- كل شهر هتدبح
عجل و يجيلك من 7 ل 10 كيلو لحمه , استهلاكك الشهري أهو , عشان ماتسيبش نفسك لجشع الجزارين
ولا للجزار اللي بيدبح حمير , دي حاجه نضيفه و متربيه قدام عنيك .
.
2- كل اسبوع هيجيلك
احتياجاتك من الفراخ البلدي و البيض و الخضار و الفاكهه ( الفاكهه مش قبل سنتين )
, برضه هتجيلك الحاجه دي من مزرعتك , حاجه مضمونه يعني , و ابوس ايديك بطّل تاكل فراخ
بيضا .
.
3- تخيل لما تبقو
ساكنين في عماره في القاهره و لكو مزرعه في الصحرا في طريق العين السخنه مثلا , بيجيلكو
منها تموين و احتياجات البيت اللي قلت لك عليها دي ؟! .
.
4- الأرض اللي
حضرتك زرعتها بعد كام سنه هتبقى قيمتها 3 مليون مثلا مع انك مادفعتش فيها حاجه تذكر
, و نصيبك 100 ألف , يعني لو عندك بنت و مش عارف هتجهزها منين أديك عرفت , المشروع
كله ممكن تحددوه بمدة زمنيه , قول 20 سنه و بعدها من حقكو تبيعو المزرعه و تستفيدو
من المبلغ .
.
5- ممكن تاخد مراتك
و ولادك مره كل شهر و تروح تزور المزرعه اللي انت شريك فيها , علم ولادك و خليهم يشوفو
الزرعه بتكبر ازاي و الثمره بتطلع ازاي و الناس بتعرق جنبها ازاي ؟ مفيش داعي يعرفو
الحاجات دي من جوجل , و علمهم يحبو أرضهم و يعرفو قيمتها
.
6- رحلتك بالولاد
للمزرعه بتاعتك هتكون احلى من كيدزانيا ودريم بارك و المولات اللي بتروح تصرف فيها
ألافات بالعبيط .
.
7- خلى جزء من
اكلك و اكل ولادك يكون طبيعي , مفهوش هرمونات ولا مواد حافظه ولا مرمي في التلاجات
من شهور , وابقى صدقني لما أقولك ان حال الشباب بقى يصعب عالكافر , و الشاب اللي لسه
متجوز و عمره 28 سنه بييجي عشان ياخد فياجرا !! .
.
8- حضرتك في النهايه
فتحت بيوت و شغّلت عماله , و بقيت كيان منتج في الدوله , مش مستهلك لكل شئ ولا حاطط
رقبتك تحت سكينة التجار .
.............................................................................................................................
Mohamed
Hussein
29
أغسطس 2016·
للساده الإعلاميين
في مصر , المؤيد بدرجة عبيط جدا و المعارض بدرجة عبيط خالص .
.
هو انا و الله
مش إعلامي , أنا صيدلي بتاع نوفالجين فاصوليا و فوار فواكه , إنما في النهايه بني أدم
عنده شوية عقل و شوية دم و شويتين كرامه و 7 شويات خوف عالبلد دي , و حيت انكو بتهرو
و تنكتو في حال البلد دي اللي هي بلدي يبقى من حقي أقول لكو كام نصيحه و حلال عليكو
الملايين اللي بتاخدوها في السنه , الكام نصيحه دول كلهم على بعض كده بافتراض حسن النيه
, يعني بافتراض ان مفيش حد فيكو ابن كلب خاين و امه عارفه
.
1- الهري كان مرحله
لذيذه عشنا فيها سنين , ياما هرينا و اتهرينا , بس أظن جه الوقت انكو تكبرو و تعرفو
الفرق بين الإعلام و الهري .
.
2- لو مالقيتشي
أخبار و أحداث تعبّي بيها الهوا ممكن ماتطلعش عادي , مش مهم الحلقه دي يا مولانا ,
ارتاح جنب عيالك , مفيش مبرر انك تقول هنعبّيها بأي حاجه , و أي حاجه بتتحط في رغيف
تبقى ساندوتش حتى لو كانت فردة شبشب .
.
3- أستاذنا الدكر
ابراهيم عيسى اللي كنت واحد من أشد المعجبين بيه , شوفت سكة الهري ودتك لفين ؟ لإنك
تقترح استفتاء على موضوع الجزيرتين و تقول استقر في وجداني , و لحد دلوأتي مش عارف
انا يعني ايه استفتاء في دوله على منطقه حدوديه متنازع عليها بين دولتين ؟!! يعني لو
فيه بينك وبين جارك نخله و كل واحد بيقول دي بتاعتي , و عملت انت استفتاء لولادك هيقولو
بالتأكيد النخله دي بتاعتنا و لو قرصت على ولادك شويه هيقولو بيت جارنا ده اصلا بتاعنا
, مش عارف عبقريتك و ألمعيتك جابت حكاية استفتاء دي ازاي ؟ و تبقى معاليك بتشتغل ايه
بالظبط لو خدت خبر مضروب فستك زي بتاع اجراس الكنايس و هريت فيه من غير ما تسأل ولا
تعرف ؟! اقولك بتشتغل ايه ولا تقول انت ؟ .
.
4- استاذتنا الإعلاميه
اللي بتستضيف المنجمين و تقول عليهم علماء فلك و تسألهم عن علاقة المخلوقات الفضائيه
بالجماعات الإرهابيه ؟ أبوس ايد اللي خلفوكي اقعدي في بيتكو , جايز ربنا يبعت لك عريس
ابن حلال و يكون واد راجل كده يخليكي تشوفي المخلوقات الفضائيه في عز الضهر , و اهو
تبقى تسأليها بنفسك عن علاقتها بالماسونيه .
.
5- اساتذتنا الكبار
الجامدين أحمد موسى و مصطفى بكري , أظن و الله جه الوقت اللي تقرفو فيه من نفسكو ,
انتو مش مكتوبين علينا يعني , لا اسمكو ورد في قرأن ولا انجيل ولا دستور , ارحمو السيسي
و ارحمو البلد , عشان انتو عبء على أي نظام , و كل واحد فيكو كفيل ما شاء الله انه
يهد قاره بحالها .
.
6- الساده الإعلاميين
الأفاضل , المعارضين بدرجة عبيط جدا و المؤيدين بدرجة عبيط خالص , تصدير الإحباط و
اليأس للناس بتبقى أثاره كارثيه أكبر من أثر أي أزمه اقتصاديه و أي فساد في الدوله
, و بالمثل تصدير الجهل و العبط و التخلف العقلي , و بالمثل تصدير الصوره الوردي العنّابي
, و كل واحد فيكو بيهد في البلد بطريقته , انتو التلاته أدوات هدم .
.
اللهم قد بلّغت
, اللهم فاشهد .
............................................................................................................................
Mohamed
Hussein
29
أغسطس 2016·
إبراهيم عيسى لو
السيسي عينّه وزير لأي وزاره , هيروح الوزاره دي الصبح و بعد الضهر يروح البيت يرتاح
ساعتين و بالليل يطلع في البرنامج بتاعه و يتهم الوزاره دي بالفشل و الوزير اللي ماسكها
انه فاشل و ماعندوش أي حس سياسي ولا بيفهم أي حاجه في أي حاجه و ممكن يطالب بإقالته
, طب و الله يعملها .
....................................................................................................................
Mohamed
Hussein
28
أغسطس 2016·
على قناه فضائيه
مصريه خاصه , المذيعه عامله مداخله تليفونيه مع واحد اسمه احمد شاهين , قصدي دكتور
أحمد شاهين , عضو الإتحاد الأمريكي للفلكيين !! .
الدكتور شاهين
بيتكلم عن العلماء في كوكب المريخ اللي سابقينا بملايين السنين و اللي هييجو يخلصو
المجتمع من شر معرفشي مين كده ,و اللي تواصل معاهم و قالو له إنهم هييجو خلال سنتين
تلاته , و بيقول كمان إن فلاديمير بوتين من الزواحف اللي اتحولت لبشر !! .
.
و المذيعه بتقوله
هما العلماء بتوع كوكب المريخ دول جابولك سيرة جماعة الإخوان المسلمين و قوى الشر ؟!
.
.
الكلام ده بيحصل
على شاشات و قنوات مصريه , و الحقيقه احنا ربنا هيكرمنا اخر كرم لما الساده المسئولين
عن الفضائيات يكون عندهم معايير لإختيار الإعلاميين غير حكاية سمّانة الرجل و الزرارين
اللي بيتفتحو من البلوزه من فوق .
.
السيسي ماستلمشي
مصر أشباه دوله , السيسي استلمها أشباح دوله !! .
...............................................................................................................................
Mohamed
Hussein
28
أغسطس 2016·
أتحدى أي خبير
عسكري سوري أو عربي او أجنبي يقول لنا فيه كام فصيل مسلح في سوريا حاليا ؟ و مين فيهم
مع مين و مين ضد مين و مين نايم في حضن مين ؟ و كام جهاز مخابرات و كام جنسيه أجنبيه
شايلين سلاح , أتحدى !! .
.
بنمر بظروف اقتصاديه
صعبه مفيش كلام , مرحله و كنت متوقعها , فيه فشل حكومي شويه مش كتير , و فيه أفكار
حلوه من بره الحكومه بس كمان فيه أفكار فستك , أفكار بطريقة اللي عالشط عوّام .
.
و فيه جهاز إداري
مترهل , تركة مولانا مبارك , و فيه فساد و محسوبيه و رشوه و سوس بينخر في عضم الكل
, ده من جوه , من بره بقى فيه مؤامره مستمره من سنين و تحديدا من 30 يونيو 2013 وفيه
محاولة تركيع اقتصادي و لوي دراع ماحصلتش في تاريخ مصر , مشكلة حضرتك انك بتحاول تفكر
بطريقه تقليديه في ظروف استثنائيه , مافكرتش مره تحط نفسك مكان الراجل اللي بيحكم ده
و قلت انا عندي معطياتي و أدواتي و دخلي و مشاكلي هي كذا و اتصرف ازاي ؟!
.
العبد لله اللي
هو أنا مش وارث عن أبوه أبعديه , و بعد غربه سنين يا طولها يا عرضها ممكن اكون حاليا
واحد من اللي بيعانو من ارتفاع الأسعار و ممكن أكون من اللي بيكحو تراب , عندي أصدقاء
في الصفحه عارفين كده كويس أوي , و مع ذلك بستحمل و هستحمل , دي معركة بلد , معركة
وجود و بقاء مش معركة تنميه ولا معركة رفاهيه , دي معركة النجاح فيها مش انك تكون حاجه
حلوه أوي , يكفي انك تفضل حاجه زي مانت .
.
هبسطهالك بس حاول
تفهم , لو حضرتك و مراتك و ولادك سمعتو ان فيه كنز في الكيلو 130 طريق اسكندريه الصحراوي
و قمتو خدتو العربيه ( عربية حالتها تعبانه جدا ) و اتحركتو من القاهره ناحية الكنز
( ده بفرض ان فيه كنز أساسا ) و مشيتو بتاع 40 كيلو , و بعدين طلعت عليكو عصابه , و
بقت مراتك في خطر و ولادك و عربيتك طبعا و انت نفسك في خطر , في الحاله دي نجاحك و
تفكيرك هيكون في ايه ؟ في مراتك و ولادك و نفسك و عربيتك و لّا في الكنز ( اللي احتمال
يكون موجود ؟! ).
.
يابني سوريا دي
مش في كوكب المريخ ولا ليبيا بره المجموعه الشمسيه , و مصيرك اللي كان مكتوب في ورق
الشيطان اللي عمل اللعبه كان زي مصيرهم بالظبط , عندك كلمة طيبه أو فكره حلوه قولها
بس على قواعد و أسس و أبجديات بتقول :
.
1- انت في ظروف
استثنائيه , فكر بطريقه تناسب الظروف دي .
2 - اسم بلدك مش
مجال للسخريه و التهكم ( يا حمار ) .
3 - جيش بلدك هو
اللي أنقذك من الفقره الأولى في البوست ده , اقراها تاني ( يا جحش ) .
4 - و انت بتفكر
حط أدوات السيسي في ايدك و حط نفسك مكانه .
5 - ماتقولشي شعارات
مجوفه و تصدقها و تعيش فيها .
6 - و انت بتفكر
تبقى جواك قناعه فعلا انك عايز الخير للبلد دي اللي هي بلدك ( فاهمني طبعا !! ) .
........................................................................................................................
Mohamed
Hussein
28
أغسطس 2016·
لقيت طريقه حلوه
لتنضيف الأكاونت و كنسه بالمقشه , أصل حكاية ان الواحد يشتغل ( ملقاط ) دي و يقعد يدور
على كل خروف و كل كولجي على حده هي حكايه مرهقه .
الطريقه بقى كالتالي
:
.
1 - شوف أكاونت
واحد كولجي يكون واخد مسألة شم الكوله دي مسألة حياة أو موت , يعني دونها الرقاب ,
و ماتعملوش بلوك , اصبر شويه .
.
2- شوف أوسخ و
أعبط و أهبل بوست كاتبه صاحبنا ده , لا برضه استنى ماتعملّوش بلوك , اصبر كمان شويه
.
.
3- افتح اللايكات
عالبوست العبيط اللي انت اختارته , هيجيلك مربع فيه اسماء الناس اللي عاملة لايك عالبوست
و جنبهم عالشمال حالتهم بالنسبالك , يعني أصدقاء أو اضافة صديق , أول كام اسم هتكتشف
بالصدفه انهم أصدقاء عندك , احذف احذف احذف احذف , و بعدين بلوك بقى للمعلم الكبير
.
.
4- هتطلع من الحدوته
دي و انت منضف صفحتك من عشره خمستاشر واحد من النوعيه اللي البرادعي حول دماغها لفردة
شراب .
.
ماهو معلش و الله
, حقكو عليا يعني , معنديش مراره ولا طحال ولا testis يستحملو واحد شايف إن الإحتلال الإنجليزي كان كيوت
و مكانشي بيقتل المصريين و كان ارحم ألف مره من ( حكم العسكر ) ولا عندي استعداد استحمل
وجود أصدقاء بيعملو لايك عالهبل ده .
.
أغلب الكولجيه
المتشدقين بالثقافه هما في الحقيقه مش محتاجين توعيه ثقافيه زياده ولا محتاجين دروس
تقويه في التاريخ ولا محتاجين كورسات مكثفه في الوطنيه , مش ده الحل خالص , هما محتاجين
يتوهو في غابه من غابات أفريقيا , و يكون الغابه دي فيها واد أفريقي بتاع 25 سنه ,
و عمره ما طلع بره الغابه ولا شاف ستات ولا رجاله قبل كده , و يجري وراهم بقى , و اللي
يمسكه منهم مممممممممممم يضربو على قفاه ( أومال انتو دماغكو راحت فين ؟! ) .
.
و بعد ما ( ينضربو
على قفاهم ) من الواد الأفريقي أكيد هيغيرو قناعاتهم و يشوفو ان فيه حاجات أحلى من
الإحتلال الإنجليزي , منها مثلا , مثلا يعني , انك تتوه في غابه من غابات أفريقيا
!! .
.............................................................................................................................
Mohamed
Hussein
27
أغسطس 2016·
الحكايه في كلمتين
.
أنا : شوفت يابني
المتحث باسم رئاسة الوزرا طلع عالهوا و قال .....
هو : كداب , كداب
, كداب , و احلف على مصحف انه كداب .
.
أنا : يابني انا
لسه ماقولتلكش الراجل قال ايه ؟.
هو : برضه كداب
, من قبل ماعرف , انا متأكد انه كداب .
.
أنا : طب قريت
المقاله اللي كاتبها الصحفي ( أودي لامبوريجني سويفت ) في جريدة ( علمني العوم و النبي
ياحمد ) البريطانيه اللي بتصدر من مدينة برلين البرازيليه و رئاسة تحريرها في جرز المالديف
الأفريقيه , و اللي بيقول فيها ان مصر داخله على أيام هباااااااااااااااب و السلعوه
و التنين المجنح هيظهرو في شوارع مدينة نصر و تحديدا في الحي السبعتاشر ؟ .
هو : أيوه معاهم
حق , أنا شوفت السلعوه بعنيا هي و التنين المجنح لما كنت ماشي بالصدفه في الحي السبعتاشر
في مدينة نصر , و الصحفي لامبورجيني ده مشهور على فكره و الجريده دي سمعتها زي الفل
و مشهود لها بالحياديه و النزاهه .
.
أنا : هو انت قلت
لي انت صاحب ايه و عندك ايه ؟
هو : أنا صاحب
مبدأ ورؤيه و عندي قناعة فكريه .
.
أنا : لأ , انت
صاحب مرض و مناخوليا , و فكرية دي تبقى خالتك .
......................................................................................................................
Mohamed
Hussein
27
أغسطس 2016·
صدّق أو لا تصدق
, لو مش عايز تصدق انت حر , الناشط السياسي اللي عامل عليك زعيم و اللي انت باستمرار
متشعلق في توبه و تويتاته و شعاراته و مقالاته و ندواته و حلقاته و برجلاته , الناشط
ده في الغالب الأعم ممكن يبيعك ب 100 دولار أو حتة حشيش أو واحده ست فرز رابع , و لو
التلاته مع بعض هيبيعك و يبيع قضيتك و يبيع اللي خلفوك .
................................................................................................................................
Mohamed
Hussein
27
· أغسطس 2016
دورنا عالفيس بوك
حاليا و من 3 سنين اسمه : جندي مقاتل , جندي مصري مقاتل .
هو احنا في حالة
حرب ؟ أه طبعا , لو لسه مش مصدق اعتبرني مخبول يا مولانا و اقعد انت على جنب ركز في
أبحاثك العلميه المعمليه الفذه جايز ربنا يكرمك و تشتغل في ناسا زي مرسي و حجي , احنا
ناس متخلفين , هتعمل عقلك بعقل متخلفين برضه ؟ دانت عالم و ضليع و مخك مليان علم و
ايديك مليانه أبحاث و كحتك مليانه مفهوميه .
.
بنحارب مين بقى
؟ بنحارب الفكره مش الأشخاص , بنحارب الجهل , بنحارب خيانة الاوطان , بنحارب الشعارات
المجوفه اللي بيضحكو بيها عالعيال الصغيرين , بنضرب العيال الصغيرين قلمين عشان يفوقو
, بنحارب التخلف تحت إسم التدين , بنحارب الخيانه تحت اسم حرية الرأي , بنحارب التقليد
الأعمى , بنقولك ماتفرحشي بأكلة العسل عشان مليانه سم , بنحارب خلط الأوراق و حط عيشه
على أم الخير , بنحارب فكرة هدم الاوطان و حيطان البيت عشان نركّب نجفه شكلها عاجبنا
, بنحارب الفيران و الصراصير و التعالب و التعابين أينما وجدو , بنقول للغوله عينك
حمره و طبعا مش هنخاف من القرد و لا هنقوله انت حد جميل .
.
دورنا مفروض علينا
فرض , فرض عين مش فرض كفايه , معركتنا طويله و نفسنا أطول , مفيش جندي مصري بيرمي سلاحه
ويهرب وقت المعركه , إحنا مش أتراك ولا مؤاخذه , يعني مش أغاوات , احنا مصريين , و
عشان خاطر عيون مصر نتعب شويتين أو تسع شويات , مصر هي الغايه و والوتد و الأمل و المدد
و حِفان القمح , و كفى بها نعمه .
............................................................................................................
Mohamed
Hussein
27
أغسطس 2016·
الحمد لله , بقى
يجيلي في الأوزرس شتيمه بأوسخ الألفاظ ( بالأب و الأم و كده ) من العرب اللي مش مصريين
, خصوصا من أهلنا الطيبين في فلسطين و الشام , مع إني مابتكلمش إلا في حاجات تخص بلدي
.
.
و الحمد لله برضه
إني فوقت من سنين من خرافة الوحده الإسلاميه و القوميه العربيه و الهاتش ده , الوحده
اللي بتعنيني حاليا هي وحدة تراب بلدي , و القوميه بالنسبالي اسمها مصر , مشروعي الأول
و الأخير اسمه جمهورية مصر العربيه , و على الساده العرب و الساده المسلمين لما يخلصو
مشاكلهم , و يحررو أراضيهم و يعرفو الكبير من الصغير و إيديهم اليمين من إيديهم الشمال
و لما يعرفو مين اللي بيوضّيهم و مين اللي بينجّسهم يبقو ييجو يشربو شاي حدانا , ابقو
تعاشربو شاي عندنا , اتفضلو و الله .
................................................................................................................................
Mohamed
Hussein
26
أغسطس 2016·
في يوم الجمعه
ساعة إجابه , يارب احفظ مصر و ارزق السيسي ببطانه مايكونشي فيها أحمد موسى و مصطفى
بكري , يارب ارزقه ببطانه ماتكونشي من جوه خربانه .
...............................................................................................................
Mohamed
Hussein
26
أغسطس 2016·
رأيي فيه ماتغيّرش
, عصام حجي هو أكبر مثال و أكبر دليل إن الواحد ممكن يكون في مجال شغله باحث شاطر أو
حتى عالم و في غير شغله يبقى كرتونة بيض , بس كرتونة بيض اتلطعت في الشمس إسبوعين متتاليين
و بعدين داس عليها قطر بضاعه , والنتيجه زي مانتو شايفين كده .
.......................................................................................................................
Mohamed
Hussein
26
أغسطس 2016·
الخرفان هربو لتركيا
و عملو برلمان صغير محندق هناك , حاجه عالأد كده , اوضه و عفشه مايه , و كانو بيعملو
اجتماعات و جلسات و طلبات إحاطه , مش عارف لسه بيعملو ولّا غيرو نشاطهم و قالو الحكايه
مش جايبه همها و قررو تحويل الشقه المحندقه دي لبيت دعاره تركي ( بما لا يخالف شرع
الخليفه طبعا ) .
.
و الكولجيه هربو
لتويتر و هارين الدنيا استفتاءات , و ممكن يسقطو السيسي على تويتر و ينجحو رشا العزب
و وائل عباس , و يومين تلاته يقولو السيسي انقلب على شرعية تويتر و يبقى نظام انقلابي
, و يعملو برضه برلمان صغير محندق على تويتر ( و لما يزهقو يقلبوه شقة دعاره ) .
.
مش عارف ليه الخروف
و الكولجي مصرين إن أبجديات السياسه بقت لوغاريتمات , و تلاقي الواحد منهم معرّص قفاه
كده للي رايح و اللي جاي , و لما أجي ألسعه على قفاه يزعل , بتزعل ليه بس ؟ مانت اللي
معرض قفاك و قفاك بيغريني بصراحه , هات قفاك بقى عشان ألسعك لسعه صغيره :
.
بقى يا حماده أي
مواطن عاقل و محترم بيبقى عارف ان الرئيس اللي مش عاجبه بيتشال بطريقتين اتنين مفيش
غيرهم , الطريقتين مافهمشي تركيا ولا فيهم تويتر , الطريقتين هما التالي .
.
1- تشوف لك مرشح
رئاسي و تلتف حواليه و تجيب الشامي و المغربي و الإرهابي الكيوت و الإرهابي اللي مش
كيوت و الكولجي أوي و الكولجي نص نص و الكائن البيض و الكائن اللي مش بيض , و تعملو
تحالف و تكتل و حزب ضخم أد كداهو و تنزلو انتخابات بقى , و طبعا انت عارف و اللي راكبك
عارف انكو يوم ما تعملو كده و تنزلو انتخابات بيشرف عليها القضاه و الأمم المتحده و
مجلس الأمن و لفيف من الملايكه و الأنبياء و القديسين مممممممم مش هتجيبو 20 % , يا
اخي انا مستعد أعترف بالمرشح بتاعكو و أقول ده رئيس مصر لو جبتو 20 % بس ؟ عايز لسعه
على قفاك أكبر من كده ؟! .
.
2- تشوف لك زعيم
سياسي و تحشد الناس و الملايين للنزول للشارع , و ماتقولشي قانون التظاهر ولا تقول
قفلو الميادين ( عشان لسعة القفا المرادي هتبقى بالجزمه ) , الثورات مش محتاجه تصريح
ولا محتاجه ميادين مفتوحه , المهم بقى تملى الميادين زي ما حصل في 2011 و 2013 , بلاش
زي ما حصل , وبلاش عشرين تلاتين مليون , اعمل حشد من 5 مليون بس و انا هعترف بثورتكو
و مش هقول عليها انقلاب , ممممممم مابقيتش لاقي في قفاك حته ينفع ألسعها , و الله انت
صعبان عليا .
.
.
غير كده بقى فيه
طريقه تالته تشيل بيها السيسي , طريقه لا لها علاقه بالإحترام و لا بالعقل , الطريقه
اللي انت برضه عارفها و مستنيها انت و اللي راكبك , بتقول باختصار , مايقدر عالسيسي
إلا أمريكا , يعني مستني ماما أمريكا تجيلك لحد عندك بأي شكل , بأسطولها و تخترع اي
سبب لشن عدوان على مصر , أو بتقاريرها و منظماتها وحبشتاكانتها و تلوي دراع مصر لأقصى
درجه , و انت و سيدك و سيد سيدك مستنيين الفرج من عند ماما أمريكا .
.
عارف يابو قفا
أعرض من شارع التسعين بتاع التجمع , عارف ليه انا مصرّ عالسيسي لمدة 6 سنين جايين ؟
مش عشان مشاريعه ولا وطنيته ولا موقفه في 30 يونيو و لا البلد اللي رجعت لنا تاني
, لا خالص , أنا متمسك بالسيسي جدا عشان أمريكا مش عايزاه .
....................................................................................................................
Mohamed
Hussein
26
أغسطس 2016·
لو البلاد زي البني
أدمين كده , بيدخلو جنه و نار يعني , كانت مصر أول دوله تدخل الجنه و من أوسع الأبواب
كمان , يكفي انها مستحمله شوية ناس بيصحو من النوم يهرو و يعجنو في أي حاجه و كل حاجه
و يعملو نفسهم خبراء و مفكرين و استشاريين في كل المجالات اللي خلقها ربنا و أخر النهار
يشيّرو مثلا صورة سمكة براس قرد ( عاملها أي عيل عمره 10 سنين في سايبر بالفوتوشوب
) و يكتبو عليها سبحان الله و دموعهم تنزل و يتشحتفو .
.
البلد دي عايزه
مراره ستانلستيل ماركة كاتربيلر عشان تستحمل النوعيه دي من الخبراء البهايم .
............................................................................................................................
ليست هناك تعليقات:
إرسال تعليق