Mohamed Hussein
4
سبتمبر 2016·
تنبيه هام لكل
أصدقائي الأعزاء
.
- في نيويورك و
واشنطن و فيينا و باريس و طوكيو و ريودي جانيرو و القاهره و كوم الشقاف بتحصل حالات
خطف و حالات سرقه , يعني مصر مش خلقه عن بقية مخاليق ربنا , إنما كل الهري اللي حضرتك
بتقراه بقالك فتره هو ( من وحي خيال المؤلف ) حواديت الست اللي اتخطفت لما اترش عليها
بنج من سواق التاكسي , و الست اللي قالولها اركني عربيتك عشان بتطلع دخانه و سرقوها
, و الطفله اللي حقنوها بمادة سريه رقمها الكودي a7a 777 و هي في المول و خطفوها , كله هتش و هري و وسيله
قذره من الخرفان و شمامين الكوله و محاولات بائسه لإرهاب الناس و رعبهم , اللي بيألف
البوستات دي غالبا أول مابيعمل نشر للبوست بيقول لمراته و بناته يالله اجهزو بقى عشان
نخرج و نتفسح و نتنطط في المولات و الجناين .
.
العبد لله ممكن
في ساعتين صفا و فنجان قهوه و سيجارتين كليوباترا أسنجف لك عشرين تلاتين قصه من اللي
حضرتك بتقراهم و يبقو محبوطين جدا لدرجة انك تخاف تفتح شباك بيتكو , البت لمار بنتي
ام 5 سنين لو أطلقت لها العنان في تأليف الحواديت هتألف احسن من كده , اصل احنا عيله
موهوبه بس ما بنحبش نتكلم عن نفسنا .
.
حاجه تانيه مهمه
جدا لاحظتها في الأيام اللي فاتت , هتلاقي واحد كيوت كده ناشر بوست ان الحمد لله و
اخيرا حقق حلمه و هو فتح صيدليه يصرف منها الدوا للغلابه بالمجان , و هيح بقى و لايك
و شير بعف و جزاك الله خيرا و ياسلام عالحنيه ياسلام عالإنسانيه , الكلام ده كله هري
و هتش , و مولانا ( اللي هو مش صيدلي أساسا ) و خروف غالبا بيتاجر بمعاليك , دعاية
رخيصه لصيدليه هو مش صاحبها ( ممكن يكون شريك فيها ) و وسيله أرخص للم تبرعات و جذب
الخرفان حواليه , يعني حاجه كده زي البير اللي كانت عايزه تحفره المناضله رضوى ( مش
فاكر اسم ابوها ) , فلو سمحت ماتخليش حد يركبك تحت داعي الحنيه و عمل الخير , و لو
لقيت حد كاتب اعلان بالشكل ده بلغ عنه الشرطه و وزارة الصحه , عشان مفيش حاجه اسمها
صيدليات خاصه تدي الدوا بالمجان للغلابه و تعمل اعلان بكده , الغلابه بياخدو دواهم
من المستشفيات الحكوميه و مستشفيات التأمين الصحي .
...............................................................................................................
ليست هناك تعليقات:
إرسال تعليق