Mohamed
Hussein
8
سبتمبر 2016·
أصدقائي الغاليين
, من غير زعل , من غير انفعال
.
لو عندي خمسه سته
مليون جنيه في البنك و دخلي الشهري 100 الف جنيه و بفرض اني بلاقي الفلوس دي في الشارع
او بتجيلي من الهوا و انا قاعد في السرير , بقول لو يعني , برضه مش هغير الموبايل بتاعي
كل 6 شهور ولا كل سنه , ليه بقى ؟ أهو كده و خلاص , حضرتك الدول اللي بتصنع أم الموبايلات
دي أصلا مابتلاقيش شعب عندها يشتري زي ماحنا بنعمل في مصر و في دول الخليج , احنا بقينا
تقريبا أكبر شعوب مستهلكه في كوكب الأرض , ثقافتنا الشرائيه بقت بشعه , مستهلكين لمجرد
الأنعره الكدابه , يعني ايه الناس في مصر تدفع مليار جنيه في يوم عشان تحجز موبايل
نازل جديد ؟ ليه معاليك ؟ ليه سيادتك ؟ الموبايل نازل فيه مايه و نور و تشطيب سوبر
لوكس و فيه أوبشن لتدليك عضلة السمّانه ؟ و ممكن تدوس على زرار و تقرب الموبايل من
شفايفك تلاقيه بيمضغ لك اللقمه اللي بتاكلها ؟! .
.
ماينفعش نتكلم
عن حالة اقتصاديه في بلد ولا طفره اقتصاديه بنحلم بيها و احنا ثقافتنا الفرديه بالشكل
ده , ثقافة المواطن , عيب يا بني أدمين , عيب عليكو و الله , الشياكه مش كده خالص و
الجمال مش كده خالص و هتبقي بنت ناس برضه من غير ماتشيلي أحدث عدة من الأيفون , وانت
هتبقى شاب روش من غير الأيفون 7 , الفلوس اللي بتصرفوها في تغيير الموبايلات في سنتين
تلاته تكفي جدا لتجهيز بنت يتيمه و سترها , يا سيدي لا تجهز بنت يتيمه غلبانه ولا تسترها
, شيل الفلوس لعيالك , حاول تغير ثقافتك شويه , حاول تثق في نفسك , انت حد جميل أوي
و غالي جدا و قيمتك مش في الموبايل اللي انت شايله .
.
طب خلاص حقكو عليا
, ماتزعلوش , مالكو و انتو أحرار فيه , هاتو حمام و طيروه .
....................................................................................................................
Mohamed
Hussein
8
سبتمبر 2016·
العيد الكبير بقاله
كام سنه بيدخل علينا دخلة مخبرين أمن الدوله بتوع زمان , مصاريف مدرسه و عيديات و لبس
مدرسه و لبس للعيد و بيجامات لليله العيد و بيجاما يا بابا لتاني يوم العيد بقى , و
شنط مدرسه و زمزميات و لانش بوكس و جزم للمدرسه و جزم للعيد و كتب خارجيه و كتب داخليه
و خروف و حاجات من المكتبه و لحمة ضاني و لحمة مش ضاني و لحمة من بيت الكلاوي و لحمة
من بيت السحيمي , لحد ما الواحد خلاص قلع ملط , مع إني مش بضر الأمن الوطني في حاجه
و الله , يا باشا يا باشا , أنا عايز أتعامل معاملة حرامية الغسيل .
.
أصدقائي الأعزاء
الغاليين , كل سنه و انتو مقفوشين في أمن الدوله و قالعين ملط , قصدي كل سنه و انتو
طيبين .
...........................................................................................................................
Mohamed
Hussein
8
سبتمبر 2016·
البرواز
.
البرواز يعني الإطار
يعني ال frame , حتى التفكير أحيانا بيكون محتاج برواز , حاجه
تعملها بإيديك ( أو على إيديك ) , قواعد ماتنسهاش عشان ماتدخلش في مرحلة ( الزربحه
) الفكريه , البرواز مش فرض من شخص ولا حكومه ولا نظام , و القواعد الثابته بتعني ان
رجليك ماتبقاش متشعلقه في الهوا و انت على بعضك ماتبقاش مجرد ريشه و أي عيل ينفخها
و يطيرها .
.
البرواز بيقول
, في أواخر يونيو 2013 كان فيه بشاير ثوره على الأبواب , الأيام و الشهور و السنين
أكدو لنا بعد كده إن الثوره دي كان 50 % منها اسمهم شعب و جيش و 50 % اسمهم عبد الفتاح
السيسي .
.
الشخص أو البني
أدم اللي وقف بعود مصلوب كده و قال هديكو فرصه يومين تتوافقو , و بعد اليومين قال شكرا
, البلد مش هتبقى دور كوتشينه ولا هتمشي بطريقة خد لك سيف .
.
الشخص أو البني
ادم اللي طلب دعم شعبي ( طلب المدد من الشعب ) و يوم ما وقف و عزل مرسي بناء على رغبة
الشعب كان في اللحظه دي عارف , عارف إنه هيبقى الشخص رقم 1 على قايمة الإغتيالات بتاعة
التنظيم الإرهابي , عارف ان التنظيم ده مدعوم بدعم كامل من أكبر أجهزة مخابرات في العالم
( الأمريكي و البريطاني و الصهيوني ) , هي الأيام و الشهور و الأحداث قالو لحضرتك غير
كده ؟ لأ ؟ طيب يبقى هو ده البرواز اللي بقصده .
.
البرواز بيقول
ان بعد 30 يونيو و بعد غضب المعلمه الكبيره و صبيانها عليك هيكون رد الفعل ايه ؟ طيارات
بتفنجر ؟ شاب ايطالي يتقتل , سياحي تنضرب , أزمة اقتصاديه و لوي دراع البلد , دي زعابيب
المعلمه الكبيره اللي بتستخدم صبيانها بره و جوه , مرحله توقعتها مع اني مجرد مواطن
بسيط , بس مواطن بيعرف يفكر و عنده برواز و قواعد و منطق بيمشي بطريقة التفكير البسيط
المتسلسل , يعني بطريقة : بما أن و إذا !! .
.
عزيزي الشاب المنقوع
لشوشتك في برميل الكولّه , لو حضرتك يعني معاليك يعني جنابك ركزت مثلا الفتره الجايه
مع غلمان من بتوع المعلمه الكبيره زي باسم يوسف و أيات عرابي و فكرت بعقلك ( مش عقل
ابن خالتك ) هتلاقيك من نفسك كده بتدور على سكة القواعد و البرواز و المنطق البسيط
و بتلعن جدود أبو اليوم اللي شميت فيه كوله و مارست فيه الزربحه الفكريه .
...............................................................................................................
Mohamed
Hussein
7
سبتمبر 2016·
حوده السرسجي
: مصدع يا اخي و دماغي هتتفرتك و مش عارف اعمل ايه .
- جيفارا السرسجي
: ليه يا صاحبي مالك بس ؟ ألف سلامه عليك .
.
حوده : من الصبح
مش لاقي حاجه أهري فيها تخص الجيش , و لا عارف أحط الجيش في جمله مفيده .
جيفارا : طب ماتدور
في الحاجات بتاعتنا القديمه و اختار حاجه و انزل بيها , قول عسكر و يسقط و ثكنات و
اشتم عبد الناصر و قول الجيش سرق الثوره , أي حاجه يعني .
.
حوده : لا , الحاجات
القديمه هرينا فيها كتير و مابقتش تجيب لايكات زي زمان .
جيفارا : طب خلاص
تاهت و لقيناها , نخترع حاجه جديده و نهري فيها .
.
حوده : طب حاول
تخترع كده , أنا مش بعرف اخترع , انا بهري و اعمل شير و بس .
جيفارا : ممممممممممممم
ممكن مثلا نقول ان الجماعات الإرهابيه في سينا سحقت الجيش المصري و وصلت لحدود مدينة
الشروق .
.
حوده : بس مش اسمها
الجماعات الإرهابيه , اسمها ولاية سينا أو الفصائل الإسلاميه المعارضه .
جيفارا : أه صح
معاك حق , يبقى نغير الخبر اللي اخترعناه و نقول ولاية سيناء تصل لحدود مدينة الشروق
.
.
حوده ( بحماس
) : بتتكلم جد يا جيفارا ؟ انت متأكد من الخبر ده ؟
جيفارا : إلا متأكد
, طبعا متأكد , و حياتك يادي النعمه حصل .
.
حوده : طالما حلفت
على سيجارة الحشيش يبقى انا كمان متأكد و عموما أنا بثق فيك .
جيفارا : حبيب
قلبي يا رفيق الميدان .
................................................................................................................
Mohamed
Hussein
7
سبتمبر 2016·
عايز أروح أجدد
رخصة العربيه في مرور السلام , مرور السلام و ما أدراك ما مرور السلام , إنه الجهاد
, إي و ربي .
.
ذكرياتي في المرور
ده لما نزلت بالعربيه من السعوديه ( من سنتين ) و حبيت أرخصها بقى كانت حكاية يتعمل
فيها كتب و مجلدات , حدوته استمرت 3 اسابيع ( مع ان الألمان نفسهم بيصنعو العربيه دي
في 3 دقايق ) , و روح هات شهادة مخالفات من الدرّاسه , و تعالى , حاضر , انت جيت ؟
اه و الله جيت , جهزت الملف ؟ أه و الله , طب هاته , حاضر , استنى بقى تستلم الرخصه
و اللوح , لولولولي , مممممممم بعد 4 ساعات , انت اللي اسمك فلان الفلاني ؟ اه و الله
انا , خدت الملف بتاعك اهو و تعالى بعد كام يوم عشان مفيش لوح معدنيه , حاضر حاضر
, انا جيت لكو بعد كام يوم اهو , طب هات الملف بقى و استنى تستلم الرخص , لولولولولي
, بعد 4 ساعات , انت اللي اسمك فلان الفلاني ؟ أه و الله , طب اللوح بتاعتك لازم تروح
تسلمها في سفاجا الأول و تجيب لنا من هناك شهادة بيانات , أسلمها فين سيادتك ؟ في سفاجا
يا محترم !! قول تاني كده سيادتك ؟ في سفاجا يا حضرة , سيادتك سفاجا دي مش في الشارع
اللي ورانا , و بعدين انا لو روحت بالعربيه و سلمت اللوحات بتاعتها هرجع من غير لوحات
لو حد وقفني بقى هيعمل ايه ؟ هيسجنك طبعا معاليك , نعم ؟ أه أومال انت فاكر ايه , طب
لو سيبت العربيه في اي شارع هنا و شيلت اللوحات عشان اروح اوديها سفاجا و المرور شاف
العربيه من غير لوحات هيحصل ايه ؟ هيسحبوها جنابك و هتروح في داهيه , نياهاهاهاها
, طب مش عايزيني أروح أجيب شهاده برقم الشاسيه من شركة فولكس واجن في ألمانيا بالمره
, شهاده تكون متوقعه من المستشاره الألمانيه و أبله انشراح بتاعة ألمانيا ؟!! .
........................................................................................................................
Mohamed
Hussein
6
سبتمبر 2016·
حبايبي الكولجيه
, لو مش لاقيين حاجه تهرو فيها النهارده و قاعدين تقرقضو في ضوافر ايديكو تعالو و انا
اساعدكو , ممكن مثلا تنزلو بخبر ان السيسي زود مرتبات القضاه بمناسبة إن بعد بكره الخميس
, أو السيسي زود معاشات العسكريين بمناسبة اقتراب الموسم الكروي الجديد , أو قولو العسكر
لازم يرجع لثكناته ( مع انه في ثكناته ) و عايزين وزير دفاع يكون مدني حبذا لو كان
واحده ست و حامل ( زي أسبانيا ) , أو حد منكو يكون ساكن قريب من وحده عسكريه يروح جنبها
و ينام قدام أي دبابه و صاحبه يصوره , و تعملو منه بطل و أيقونه , أو تشوفو ست مجرمه
في السجن رافعه ايديها بعلامة النصر ياكشي تكون تاجرة مخدرات أو ممسوكه دعاره , و تكتبو
تحتها : صمودك أخجلنا يا أختاه , أو صمودك أخجلنا يا طنط .
.
المهم ماتقعدوش
ساكتين كده , اتشألبو في إزازتين بيره و اعملو أي منظر و سلّو نفسكو لحد ما باسم يوسف
يكتب لكو بوست جديد عن ميليشات المرتزقه ( اللي هي جيش مصر يعني ) أو أيات عرابي تحكي
لكو في بوست لها احنا ازاي خسرنا في حرب 73 و العسكر ضحكو علينا , و تعملو لايك و شير
بعنف و تكتبو بقى انكو سابقين الشعب المصري بمليون سنة ضوئيه و كوكب الأرض ده تحكموه
بصباع رجليكو الصغير .
....................................................................................................................
Mohamed
Hussein
6
سبتمبر 2016·
عندى ترحيب تام
بمرشح عسكرى لمنصب وزير التموين , مبقاش عندى العقدة والكولكيعة بتاعة شخص مدنى دى
, وأصلا معرفش ايه هى مؤهلات الشخص المدنى لمنصب وزير التموين ؟ هل مثلا يكون خريج
كلية التموين ومعاه ماجيستير فى أنابيب البوتجاز ؟!!..
.
وزارة التموين
من أخطر الوزارات وخصوصا فى التوقيت اللى احنا فيه , فى الوقت اللى محاولة لوى دراع
مصر اقتصاديا مابتنتهيش ولا محاولة خلق أزمات فى البلد , ومع وجود خرفان فى كل مصلحة
ومؤسسة حكومية ومع وجود تركة الفساد ( بتاعة أمي ) يبقى هرحب جدا بوزير تموين عسكرى
, وطالما كده كده الجيش بينزل و يشيل الأزمات اللى هي مش بتاعته يبقى من الأول نخليها
بتاعته أو عالأقل نقرب المسافات .
.
فى موضوع صوامع
القمح مثلا حجم الفساد كان كارثى , يعنى نروح نغزو الصحرا و نتفحت عشان نزرعها قمح
و القمح يوصل الصوامع يقوم يتسرق !! , كان وقتها وزير
التموين مدنى من
أبو بدله وكرافته ونوابه ومساعديه واللى ماسكين الصوامع كلهم مدنيين واسمهم ( لؤى
) .
........................................................................................................................
Mohamed
Hussein
5
سبتمبر 2016·
هي صحيح بنت تيت
و شيطان و سايقه قدامها قطيع من الخرفان , و خاينه لبلدها و بايعه نفسها بالدولار و
اليورو للي يدفع , و اللي بتنطقه و تقوله أوسخ ألف مره من الدعاره و حتى الشذوذ الجنسي
و كنت دايما بقول عليها ( أيات المنافق ) , بس الستر واجب علينا , محدش ينشر صورها
, استرو حتى ولاد الكلب اللي مايستاهلوش .
.
هي بالنسبالي زيها
زي وائل قنديل و احمد منصور و باسم يوسف و كل ولاد الكلب اللي بيهربو بره مصر و يشوهوها
و يسخرو من جيشها , يعني مش مهم تقلع , مش مهم تلبس , مفيش بعد خيانة الوطن ذنب .
..............................................................................................................................
Mohamed
Hussein
5
سبتمبر 2016·
كلمة السر اسمها
الجيش المصري
.
- ( الجيش ) جاب
لبن أطفال بيوزعه بسعره و ده مش شغله ده شغل وزارة الصحه .
- لا لا , ده
( الجيش ) خد اللبن المدعم و عمل بيه سبوبه و كسب في العلبه 10 ج .
- يوووه بقى ,
اللبن اللي بيوزعه ( الجيش ) متخزن غلط و تاريخ الصلاحيه ملعوب فيه و واحده صاحبتي
( أه ساحبتشيي ) في الأردن حللت علبه من لبن الجيش لقته فيه انكلستوما و اسكاريس و
بيض ديناصورات و مستكه و و ورق لوري و رجل ضفدعه دكر ( دي أخر اشاعه طلعت على فكره
) .
.
ممممممممممم عزيزي
الجحش ابن الجحش ( دانا كده بحاول أمسك لساني والله و ماجبشي سيرة الست الوالده )
.
.
1- لو ركبك باسم
يوسف و ساقك و سرح بيك و اقتنعت ان الجيش بيبزنس و يسمسر في لبن الاطفال , يبقى تعالى
عشان أفهمك , بقى يا حماده تكلفة المكسب الوهمي العبيط اللي قالك عليه باسم يوسف يبقى
تضرب 30 مليون في 10 ج يعني 300 مليون جنيه , دي أقل من تكلفة انشاء كوبري سندوب
!! يعني ايه ؟ يعني الجيش يا حماده بيشرف على مشاريع خدميه و بنيه تحتيه و أراضي و
مصانع و طرق و كباري في السنتين اللي فاتو بس بما يفوق 100 مليار جنيه , يبقى الرقم
بتاعك يساوي 0.3 % و بالتالي فالرقم ده عبيط جدا و مايستدعيش ان حد يسمسر فيه , هو
بالنسبه لحجم الاستثمارات يساوي بالظبط أجرة الميكروباص , اومال الحدوته ايه ؟ الحدوته
اسمها كلمة السر ( الجيش المصري ) .
.
2- لو الخبر كان
نزل و بيقول ان وزارة الصحة استوردت 30 مليون علبة لبن و هتنزلها بسعر 30 ج !! تفتكر
الخبر ده كان هيلفت انتباه حد ؟ لا خالص , مع انك ممكن تفترض فيه ان وزارة الصحه بتبزنس
في اللبن المدعم أو حاطه اللبن في مخازن مضروبه و ساحبتشي بتاعة الأدرن حللته !! ,
بس الكلام ده مكانش هيحصل و عمره ما هيحصل عشان كلمة السر اسمها ( الجيش ) .
.
3 - هيضحك عليك
باسم يوسف و يركبك تاني و يقولك دانا غرضي اسمه التخصص و دولة المؤسسات , و لبن الاطفال
ده شغل وزارة الصحه مش شغل ( الجيش ) !! , هه اتركبت تاني ؟ طب تعالى تاني , اه طبعا
لبن الاطفال ده مسئوليه وزارة الصحه , بس التسليح مسئوليه مين ؟ مسئولية الجيش طبعا
صح ؟ برضه سرح بيك باسم يوسف وقتها و عصام حجي و امثالهم و قالو لك الجيش بيشتري سلاح
ليه ؟ و الحرب ضد الإرهاب مسئولية مين ؟ الجيش ولا وزارة الصحه ؟ برضه حطو ( الجيش
) في جمله مفيده و قالو مفيش ارهاب و حرب مزعومه , لا فيه ارهاب و( الجيش ) مش عارف
يحاربه , لا فيه ارهاب و ( الجيش ) .عارف يحاربه بس ازاي ( الجيش ) بيخلي منطقه حدوديه
؟! .
.
اقرا بقى البوست
تاني و شوف كلمة الجيش اتقالت كام مره جايز تفهم ان هي دي كلمة السر ( الجيش المصري
) , و المطلوب باختصار هو محاولة كسره بعد ما فشلت كل المحاولات المباشره بالإرهاب
الأمريكاني ( اللي كسر جيوش سوريا و ليبيا ) , يعني أمريكا فشلت في كسر الجيش باستخدام
الإرهابيين اللي بدقون فقررت انها تستخدم العيال ال ( يويو ) , طب و الله أوباما ده
صعبان عليا .
......................................................................................................................
Mohamed
Hussein
5
سبتمبر 2016·
ايه الفرق بين
باسم يوسف و أيات عرابي ؟!.
.
الإتنين عايشين
في أمريكا , الإتنين من إفرازات يناير , الإتنين مالهمشي شغلانه حاليا غير سب و شتيمة
الجيش المصري و التريأه عليه و محاولة كسره , واحد يكتب انه ميليشيات و جيش احتلال
و بيسمسر و يبزنس و التانيه تروج على صفحتها لفكرة ان ده الجيش المصرائيلي و انتو خايفين
من سقوط الجيش المصري ليه ؟ هو الجيش ده لو وقع مش معناها ان مصر هتقع ولا حاجه هيييييييييييييييييح
!! .
.
العبيط بس هو اللي
فاهم ان فيه فرق بين الإتنين حاليا و انهم بيكرهو بعض , العبيط بس هو اللي حاطط تصنيف
و تقسيمه لكبار الخرفان و الكولجيه , مع انهم في الأصل مجرد عرايس بيحركها المخرج الأمريكاني
اللي قاعدين على حجره , تقسيم أدوار عالمسرح مش أكتر , انت يابني هيبقى اسمك سلامه
الواطي , و انت هيبقى اسمك عبد السلام الواطي , و هتمثلو دور انكو بتكرهو بعض شويه
عشان أنصاركو حابين الدور ده أوي .
.
إنما الحقيقه ان
مفيش فرق بين سلامه الواطي و عبد السلام الواطي , مفيش فرق بين باسم يوسف و أيات عرابي
, الإتنين واطيين , الإتنين شرا**ط .
.......................................................................................................................
Mohamed
Hussein
4
سبتمبر 2016·
بالمناسبه , البوست
و التويتات اللي كتبهم باسم يوسف من كام يوم عن الجيش المصري دول مستوى تاني خالص ملوش
علاقه لا باسلوب ساخر ولا بقلة أدب ولا ب نقد ولا بحرية ولا بثوريه , ده مستوى جنائي
, يعني الكلام ده اللي يكتبه بيبقى عارف انه هيروح ورا الشمس ( و بالقانون ) .
.
طب ليه كتبه بقى
بسّومه ؟ عشان هو واد جامد و دكر و مستبيع و كده ؟ لا يا جحش , باسم يوسف أصلا عيل
بسكلته ( و بكره هتتأكد ) , هو بسكلته بس مش عبيط , و مش هيكتب الكلام ده إلا لما يكون
واخد جرين لاين من المعلمه الكبيره اللي هو شغال في حملتها .
.
لو انت مصرّ بقى
تفضل خروف من خرفان باسم يوسف و تعملّه تمثال على صفحتك و تعبده , انت حر , بس ابقى
احكي لعيالك و قولهم أنا يا ولاد بلا فخر كنت بعبد عيل بسكلته !! .
.............................................................................................................................
Mohamed
Hussein
4
سبتمبر 2016·
طب هقولكو حاجه
بجد .
.
البت لمار بنتي
الصغيره ( 6 سنين ) ماعرفش ليه بقالها ييجي شهرين و هي مابتبطلش تفكير في إنها عايزه
تعيش في فيلا , و كل يوم لما بروح البيت تقعد تفرجني على صور الفيلل المعروضه عالنت
, و تقولي يا بابا انا عايزه فيلا يكون فيها جنينه و نعمل فيها بيت صغير ل بيري ( القطه
بتاعتنا ) و يكون فيها من جوه سلم دهبي و انتريه دهبي و كل حاجه دهبي , و انا اقولها
حاضر يا لمار , ربنا يسهل يا حبيبتي , بإذن الله , تقولي انت كل يوم تقول ربنا يسهل
و مش بتجيب لنا فيلا , طب خد الفلوس اللي عندي في الحصاله ( معاها 185 جنيه ) و ممكن
نبيع البتاع ده مثلا ( اللي هو النيش ) و هات لنا فيلا و انا أقول لها حاضر ربنا يسهل
.
.
عموما انتو مش
أغراب , انا بعد ما سافرت بتاع 13 سنه باقي معايا حوالي 200 ألف ( بعد ماشتريت الشقه
) , عاملهم شهادات استثمار في البنك , فبقول يعني لو حد من أصدقائي يعرف حد بيبيع فيلا
في الرحاب أو التجمع يكون لها جنينه و فيها سلم دهبي و انتريه دهبي و كل حاجه دهبي
و ياخد ال 200 ألف انا معنديش مانع و الله , و هدفع كاش كمان , توتو على كبوتو .
.
المشكله اني مش
عايز أكسر الأمل و الحلم جوه لمار و لا شوية ال positive energy بتوع التنميه البشريه , و خايف أصارحها بالحقيقه
و أقول لها ان باباكي مابيشتغلش ناشط سياسي ولا بيطلع في الجزيره ( ولا بيشتغل أراجوز
في حملة هيلاري كلينتون ) .
.
هو غالبا مفيش
أي حل غير أني أخد الفلوس دي و أركب ألة الزمن و ارجع 70 سنة لورا , ممكن في الحاله
دي يجيبو فيلا فعلا , بس حيث إني عارف حظي الدكر فانا متأكد إنه لو حصل كده و يادوب
هكتب العقد من هنا تقوم ثورة 23 يوليو من هنا , و البكباشي عبد الناصر يأمم الفيلا
بتاعتي .
.................................................................................................................................
Mohamed
Hussein
4
سبتمبر 2016·
الرئيس الصيني
: الإقتصاد العالمي وصل إلى منعطف دقيق !! .
.
قصدك يعني ان فيه
أزمه اقتصاديه عالميه ؟ مممممممممم تلاقيك بتقول كده عشان انت طبّال و عبد بياده ,
تفهم ايه في الإقتصاد العالمي انت ؟ دانت حيالله رئيس الصين , مالخيبه لا تكون فاهم
نفسك بتفهم في الإقتصاد أكتر من عصام حجي و ابراهيم عيسى و وائل عباس و رشا العزب
.
....................................................................................................................
Mohamed
Hussein
4
سبتمبر 2016·
إزاي مخرج العرايس
الأمريكي بيلعب في دماغ ( و مؤخره ) كولجيه مصر ؟! .
.
1- السيسي ينزل
انتخابات و ينجح و يفوز باكتساح و بشعبيه جارفه و يبقى رئيس منتخب بطريقه ديموقراطيه
زيه زي أوباما و هولاند و زي ما هتفوز هيلاري كلينتون ( اللي هي ست باسم يوسف و تاج
راسه ) بس الطعم و التعليمات توصل للكولجيه انه ده كده اسمه حكم عسكر , و ماتنساش تشتم
جيش بلدك و تتريأ عليه يا حماده عشان انت ثورجي جامد أوي و ثورتك هنبقى ندرسها لعيالنا
في واشنطن .
.
2- بعد شويه يبقى
الطعم و التعليمات ان حكم العسكر ده يا حماده لازم تلعن جدود أهله من أول عبد الناصر
, يا سلام بقى لو بالمره تمدح الملكيه و ايام الملك و تتغنى شويه كده بالاحتلال البريطاني
, و طبعا ماتنساش تشتم جيش بلدك و تتريأ عليه , وانا أحبك أوي و أقول عليك ثورجي جامد
و ثورتك هنبقى ندرسها لعيالنا في واشنطن .
.
3- بعد شويه كمان
يبقى الطعم و التعليمات انه مش حكم عسكر , ياريته كان حكم عسكر , ده اسمه احتلال عسكري
من ميليشات مسلحه , و طبعا انت من شويه تغنيت بالاحتلال العثماني و البريطاني يبقى
نقعد بقى و نقارنهم بالاحتلال العسكري , شوفت بعينك ؟ أهو الاحتلال البريطاني يكسب
هو و ايام الملك , أيام ماكان الجارسون ايطالي و بتاعة البليله سويسريه , قول كده يا
حماده و كالعاده ماتنساش بقى تشتم جيش بلدك و تتريأ عليه , عشان أحبك أوي و أقول عليك
ثورجي جامد و ثورتك هنبقى ندرسها لعيالنا في واشنطن .
..................
..................
أدوات المخرج الأمريكي
هي شوية عيال متنيه زي باسم يوسف و أحمد المغير و وائل غنيم و وائل قنديل و كبار الخرفان
و كبار الكولجيه , يفتحو لهم قنوات و جرايد و يستضيفوهم و يلمعوهم .
..
أمريكا ماقدرتش
تكسر جيش مصر بالإرهاب المدعوم دعم كامل منها , اللي قدرت بيه تكسر جيش سوريا و ليبيا
, فكانت الخطه البديله بالنسبالها هي استخدام العيال المتنيه .
.
الكلام اللي فوق
ده يبقى خلاصة الحدوته باختصار , و لو كان مخرج العرايس بيلعب على وتر اسمه ( ثورة
يناير ) اللي كنت واحد من أشد المؤيدين ليها , يبقى بالفم المليان من حقي أقول , ك*
أم ثورة يناير .
.........................................................................................................................
Mohamed
Hussein
3
سبتمبر 2016·
عن الجيش المصري
اللي واجع أوي الخونه و الخرفان و الحمير .
.
- أي حد دخل الجيش
في مصر و ركز شويه هيلاقي مثلا ان تقسيم الفرق و المناطق في الجيش مش بس لأغراض عسكريه
, يعني يقولك المنطقه المركزيه العسكريه دي مهمتها القتاليه كذا و مهمتها في وقت الأزمات
كذا , و من ضمنها حماية و تأمين القاهره الكبرى .
.
- الجيش مهمته
الأولى هي التدريب و حماية الحدود و التسليح المتطور , و جيشنا العظيم بيقوم بالمهمه
دي على اكمل وجه , لكنه في نفس الوقت عشان هو كيان ضخم جدا بيقدر يقوم بمهام مختلفه
و متنوعه و يشيل البلد في أي موقف و يساهم حتى في عملية البناء و التنميه .
.
- لما اسكندريه
غرقت في شبر مايه من كام شهر , الجيش اتدخل و حل الأزمه , و لما عملنا ثوره في يناير
الجيش اتدخل و حافظ على كيان و مؤسسات و أركان الدوله , و انتشار الجيش في الحاله دي
بيكون بشكل سريع جدا , و لما قررنا نشيل الخرفان في 30 يونيو الجيش لمّهم في ساعتين
زمن .
.
- أي مشكله هتواجه
مصر و هتفشل بقية مؤسسات الدوله في حلها ( او هتكون المشكله أكبر من المؤسسات دي )
هتلاقي لها حل عند الجيش المصري باستمرار , و ده الفرق بين جيشنا و جيش أي دوله عربيه
, دايما عندنا خطط بديله و جاهزين و مستعدين , عشان سيادتك مستقبل الأوطان مابيتسابشي
للصدفه ولا لنظرية الإحتمالات . ( الكلام ده مش معناه رضا و ترحيب بإن بقية مؤسسات
الدوله تفضل على ضعفها و ترهلها و فسادها و عدم تحملها للمسئوليه )
.
- الفقره الأخيره
فيها خلاصة الموضوع من وجهة نظري و فيها أعظم تحيه لجيش بلدي , لو حضرتك يعني معاليك
يعني جنابك عايز تسمع غير كده يبقى وجودك ملوش أي تلاتين لازمه على صفحتي , أنا يابني
لا ببيع هنا بانجو ولا حشيش ولا علب ورنيش , يعني مش هتلاقي مزاجك ولا مزاج ( مناخيرك
) عندي .
..............................................................................................................................
Mohamed
Hussein
3
سبتمبر 2016·
تعرف ايه عن الجيش
الأمريكي ياض يا كولجي ؟ الجيش القاتل السفّاح اللي قتل ملاييين العرب و خرب دول و
حرق دول عربيه و انت المفروض مصري و عربي ؟ .
الكولجي : اعرف
انه جيش كويس أوي و جميل و كيوت و عظيم و عنده نخوه و مبادئ و قيم و مثاليه .
.
طب تعرف ايه عن
الجيش المصري ياض يا كولجي ؟ جيش بلدك اللي دخل في حروب بعدد سنين عمر أمريكا , الجيش
اللي قدم عشرات الألاف من الشهدا و هو بيدافع عن أرضه و عرضه و اللي في وقت الأزمات
بينزل و يشيل ليله مش بتاعته ؟ .
الكولجي : اعرف
انه جيش بيسمسر و يبزنس و بيعمل سبوبات .
.
طب تعرف ايه عن
باسم يوسف ياض يا كولجي ؟ باسم يوسف اللي شغال كومبارس في حملة هيلاري كلينتون ؟ و
اللي لبس الزي بتاع الجيش الأمريكي و بيتريأ على جيش بلده ؟ .
الكولجي : اعرف
انه عظيم و مفكر و عبقري و ثورجي درجه أولى و هو أكيد شغال في حملة هيلاري كلينتون
عشان يحقق اهداق ثورة يناير و يجيب لنا حق الشهدا .
.
بس خلاص , انت
كده تمام أوي و خدت الختم , روح اقف بقى في الصف اللي هناك ده لحد ما يجيلك خروف يركبك
, دخّلولي الحمار اللي بعده .
........................................................................................................................
Mohamed
Hussein
3
سبتمبر 2016·
لو حصل مثلا إن
الأطباء عملو إضراب و الإضراب ده شارك فيه نسبة كبيره , بحيث إنه أثر تأثير كامل على
المستشفيات الحكوميه و بالتالي على المواطنين المصريين الغلابه , في الحاله دي الجيش
هيفتح مستشفياته العسكريه في كل محافظات مصر لاستقبال المدنيين ( لا سيادتك الاطباء
العسكريين مابيعملوش إضراب ) , و ساعتها برضه باسم يوسف هيقول الجيش بيبزنس في صحة
الناس .
.
الحل وقتها من
وجهة نظره اننا نسيب الغلابه يموتو في الشارع و بعد ما يموتو نعمل ثوره بقى و فريق
رئاسي و نجيب عصام حجي و خالد علي و أم نحمده بتاعة الكرشه , و الإخوان يعملو فريق
رئاسي تاني و يجيبو وجدي غنيم و طنط ساميه شنن , و أي عيل ماشي في الشارع مش عاجبه
الفريقين ممكن ينزل السبتيه يجيب عربي كيتو و سيد كونته و يعملو فريق رئاسي تالت ,
و بعدين تحصل حرب أهليه و البوارج الأمريكيه تشرفنا طبعا و تنورنا ( يا مراحب يا مراحب
) و مصر تتقسم بتاع 17 اقليم , و كده نبقى حققنا اهداف ثورة يناير ( من وجهة نظر الأراجوز
) , و باسم يوسف ياخد جايزة نوبل للسلام و يروح السجل المدني يغير اسمه في البطاقه
و يبقى الإسم : توكل كرمان أو ريري سيلان .
..........................................................................................................................
Mohamed
Hussein
2
سبتمبر 2016·
المريض : إلحقني
يا دكتور انا تعبان خالص .
الدكتور : مالك
يا ابني , ايه بيوجعك ؟ .
.
المريض : بص يا
دكتور , انا أي جمله فيها اسم جيش مصر بتعملي حساسيه و أرتيكاريا , مع إني مصري و الله
.
الدكتور : ازاي
يا ابني , احكي لي .
.
المريض : يعني
انا بصحى من النوم أدور على أي خبر أو جمله يكون فيها اسم جيش مصر و بعدين تجيلي حساسيه
بقى , الجيش بيحارب الإرهاب تجيلي حساسيه , الجيش مابيحاربش الإرهاب بتجيلي حساسيه
, الجيش بيبني مصانع و بيعمل كباري تجيلي حساسيه , الجيش بيوفر لبن أطفال تجيلي حساسيه
, الجيش بيشتري أسلحه جديده تجيلي حساسيه و هكذا .
الدكتور : طب يا
ابني بسيطه خالص .
.
المريض : ازاي
يا دكتور ؟
الدكتور : الحل
بسيط , لما تصحى من النوم ماتدوّرش على جمله يكون فيها اسم جيش مصر اللي بيعملك حساسيه
ده , شوفت سهله ازاي ؟ .
.
المريض : مانا
مابقدرش يا دكتور , حاولت بس ماقدرتش , ايدي غصب عني بتاكلني و بتقعد تدور على أي حاجه
تخص جيش مصر.
الدكتور : طب خلاص
خلاص , انا فهمت حالتك , انت من اياهم يابني , و على فكرة مش إيدك هي اللي بتاكلك
.
.
المريض : اياهم
دول يطلعو مين يا دكتور ؟ حاجه خطيره و هحتاج تحاليل و اشعه ؟
الدكتور : لا يا
حبيبي انت مش محتاج تحاليل و اشعه , انا هكتب لك دوا و تمشي عليه هتبقى كويس , انت
تبطل تمشي ورا أي حد عايش في أمريكا أو بريطانيا أو تركيا أو قطر , و مش كل ما واحد
يديك ساندوتش تاخده و تاكله ,ابقى شوف الساندوتش فيه ايه الأول , مش جايز حاطط لك فيه
فردة شبشب ؟ يعني حاول تفكر بدماغك مش بدماغ ابن خالتك .
.
المريض : و لو
مامشيتش عالعلاج ده يا دكتور هيحصلي ايه ؟
الدكتور : الحاله
هتزيد عليك و احتمال كبير تبقى كلب مشهور و غنى و تطلع في القنوات الأمريكيه و الأوروبيه
و يبقالك بهاليل و دراويش بالملايين .
.
المريض : طب لو
مشيت عالعلاج هيحصل ايه ؟
الدكتور : هتخف
و تبقى بني أدم مصري .
.
المريض : يعني
ايه يا دكتور ؟
الدكتور : يعني
القرار في ايدك , و الإختيارين قدامك , لو ماخفتش ممكن تكون كلب مشهور أد الدنيا و
لو خفيت هتبقى مجرد بني أدم عادي زيّنا كده .
........................................................................................................................
Mohamed
Hussein
2
سبتمبر 2016·
لبن الأطفال
.
بوست عند صديقي
المحترم دكتور عبد الرحمن نجاح , استشاري طب الأطفال , و اللي بختلف معاه سياسيا كتير
جدا و هو من أكتر الناس اللي بتنتقد السيسي , انما يبقى عبد الرحمن نجاح هو مواطن مصري
عاشق لمصر , و بيفكر دايما في حلول لمشاكلها , حتى لو اختلفنا في شكل الحلول و توقيتاتها
.
.
كتب الدكتور عبد
الرحمن نجاح : (( شركات اللبن الخاصة تستورد اللبن وتبيعه بنسبة مكسب 200% بسعر العلبة
65 جنيه للعبوة. ويعتمدوا على امتلاكهم للاطباء الذين يكتبون الالبان عمال على بطال
مقابل رحلات ومؤتمرات للداخل والخارج فى اوربا وامريكا وهدايا قيمة... ولما الجيش وفر
اللبن بنص السعر هاج اصحاب المصالح..... انا شخصيا ناديت بتلك الخطوة للتخلص من نهب
وسلب الاباء عن طريق شركات الالبان.. وانادي بالخطوة الاهم وهي انشاء مصنع لانتاج لبن
الاطفال...بيقولك العلبة تمنها الاصلي 25 جنيه والجيش بيكسب 5 طب ليه ما سمعناش صوت
سيادتك والشركات اللي مدلعاك بالسفريات بتبيعه65 جنيه... والله شكلكم وحش يا اصحاب
المصالح...))
.
عارف حضرتك بقى
لما طبيب أطفال كبير يشهد بالحق و يلوم زمايله عشان مصلحة البلد و الغلابه أهم ؟!!
.
.
طب عارف مين كمان
يفيدك في موضوع لبن الاطفال غير دكتور الأطفال ؟ الصيدلي , اللي هو انا , و انا بأكد
على كلام دكتور عبد الرحمن , أظن حضراتكو مش محتاجين اكتر من طبيب أطفال و صيدلي يشهدو
بالحق في قضية اسمها لبن الاطفال ؟! .
.
طب الحدوته ايه
؟ الحدوته سيادتك اننا كنا داخلين على ازمه كبيره اسمها ( نقص في لبن الأطفال و ارتفاع
كبير في أسعاره ) , و دي ازمه ممكن تكون اخطر على مصر من أزمات الوقود و حتى رغيف العيش
.
.
و الحدوته سيادتك
ان الجيش لا كان بيبزنس في لبن الأطفال ولا كان بيدعمه , هو جاب اللبن بشكل مباشر من
شركاته العالميه المنتجه و باعه بسعره تقريبا .
.
و الحدوته سيادتك
ان السيسي بيواجه مافيا داخليه في كل شئ و كل مجال , بما فيها مجال الأدويه و المحاليل
و ألبان الأطفال .
.
و الحدوته سيادتك
ان السيسي مضطر يحل بعض المشاكل بطريقة ( إطفاء الحرايق ) لحد ما الأمور تستقر , ده
كله وضع استثائي مؤقت , مش عاجبني بس مضطرين له .
.
و الحدوته سيادتك
ان جيش مصر مكانش مضطر يجيب لبن و يبيعه بسعره عشان يكسب شعبيه عند الناس , شعبية و
قيمة و مكانة و احترام الجيش المصري على راس ( المصريين ) كلهم , وانا أولهم .
.
و الحدوته سيادتك
ان الأمهات كانو دايما بين نارين , نار علبة اللبن المدعم اللي مش بتلاقيها و علبة
اللبن أم 65 جنيه اللي ماتقدرش على تمنها .
.
و الحدوته سيادتك
ان الأزمه كده اتحلت بشكل كبير و لفتره معقوله , مش حل نهائي طبعا , و ان الخاسر الوحيد
و المتضرر هما وكلاء استيراد لبن الاطفال ( الغير مدعم ) , هما صعبانين عليك أوي كده
؟ .
.
و الحدوته سيادتك
اننا خلال سنتين تلاته مش هنلاقي الجيش بيعمل الحاجات اللي بيعملها حاليا ( و الشيله
اللي مش بتاعته ) , بس وقتها نكون طهّرنا مؤسسات الدوله بشكل معقول و بقى عندنا كيانات
نقدر نعتمد عليها و نثق فيها .
.
طب مين بقى باسم
يوسف و بيعمل ايه بالظبط ؟ لا مفيش , ده عيل علق أمريكاني , يعني ( خواجه ) بالإنجليزي
.
.....................................................................................................................
Mohamed
Hussein
2
سبتمبر 2016·
حبيبي باسم يوسف
.
سمعت انك شغال
يا ضنايا في حملة هيلاري كلينتون , كومبارس مجرد كومبارس , بتعمل نوم العازب و عجين
الفلاحه عشان ترضيها , و المقابل إما دفع مسبق او امتيازات لاحقه ( من أسيادك الامريكان
) , ماهو مش معقول تكون بتخدمها لوجه الله و الوطن , هي هيلاري كلينتون دي مش من أولياء
الله الصالحين على ما أعتقد .
.
المهم لما تخلص
دور الكومبارس بتاعك ابقى تعالى , عشان الكولجيه تقريبا كده عايزين يعملو فريق رئاسي
و يحطوك فيه ( أو فيها ) , باعتبارك كومبارس أد الدنيا و خبير جدا في حكاية نوم العازب
و عجين الفلاحه.
.
الكلام اللي انت
كتبته بقى في البوست بتاع معاليك , لو كتبت منه سطرين بالشكل ده عن الجيش الأمريكي
فانت عارف مصيرك , أبسط حاجه ان صفحتك هتتقفل و تتهاك و انت بالتأكيد هتتهاك !! .
.
البوست بتاعك تحريضي
بشكل تام و صريح , يعني يوم ما تيجي مصر و اشوفهم بيركّبوك حمار بالشألوب و يلفو بيك
شوارع مصر المحروسه هيصعب عليا الحمار , لأ الحمار اللي تحت مش الحمار اللي فوق .
.
اللي هيوفر لك
الجو المناسب انك تتهاك في مصر هو الشعب مش الدوله ولا الجيش , الدوله و الجيش مش فاضيين
للعيال ( اليويو ) , جرب انت بس و انزل مصر و امشي في شوارعها .
.
على أد كراهيتي
لمبارك و لفتره حكمه بس بييجي عليا أوقات و أقول ملعون أبوها ثورة يناير , اللي جابت
لنا اليويو و الكومبارسات و المتهاكين .
.....................................................................................................................
ليست هناك تعليقات:
إرسال تعليق