Mohamed
Hussein
23
سبتمبر 2016·
طب يابني حقك عليا
, انت حد جميل أوي من جوه , و مرهف الحس , و قلبك بيتعصر عصر عالغلابه اللي غرقو في
المركب , و انا قلبي بقى إسود من جوه زي قرن الخروب مش عارف ليه ؟ ايه القسوه اللي
انا فيها دي , معقوله بقيت طبّال للدرجادي و نسيت الغلابه اللي انا كنت واحد منهم ؟!
.
بس انت برضه معاك
حق ( انت و البرادعي ) و اقنعتني , خلاص انا اقتنعت , الدوله هي الغلطانه و بنت تيت
, هي و الحكومه و السيسي ( و طبعا جمال عبد الناصر ) و معاهم الجيش و علم مصر .
.
الدوله بنت التيت
دي كان المفروض توفر للشباب فرصه عمل حتى لو كان عمرهم 15 سنه و حتى لو كانو مش متعلمين
, و بعدين شغل ايه اللي ب 1500 ج ولا 2000 ج اللي يشتغلوه لو دورو عليه ده ؟ لازم يشتغلو
ب 50 ألف في الشهر زي اللي هرب و وصل ايطاليا و بيشحت في اشارات المرور هناك , نجيب
منين 50 الف لشاب غير مؤهل لأي شئ ؟ مش مشكلتنا دي , الحكومه بنت التيت تتصرف , نجيب
منين فلوس في ظل وضع اقتصادي صعب جدا ؟ برضه مش مشكلتنا , ياخدو قرض و قرض و قرض و
يجيبو فلوس كتير و يدو مرتبات للشباب بدل ما يقعدو عالقهوه و بدل ما يغرقو في مركب
.
.
و لو الدوله بنت
التيت ماسمعتش كلامنا يبقى نعمل ثوره كمان عشان ال ترليون جنيه اللي كان دين خارجي
في 2010 و وصل 2 ترليون في 2016 ( بعد ثورتنا المجيده ) يوصل بقى 4 ترليون و 5 ترليون
, أرقام كده تفتح النفس يعني , و نروح كمان ناخد فلوس من رجال الأعمال اللي عندهم مليارات
و نوزعها عالغلابه , ناخدها ازاي و بأي أليه و أي قانون ؟ برضه مش مشكلتنا , احنا نطب
عليهم كده و نقول لهم هاتو الفلوس يا ولاد الكلب يا حراميه ( طبعا دي نظرية اقتصاديه
معروفه في العالم كله ) .
.
و لو عملنا كل
ده و كان لسه برضه فيه أهالي مصرين ان ولادهم يسافرو أوروبا بطريقه غير شرعيه نحقق
لهم حلمهم , نسيبهم يركبو مركب خربانه و يمشو في البحر و نبعت وراهم كام لانش بحري
تبع القوات البحريه يأمّنوهم من بعيد عشان مش يجرحو شعورهم , و لو المركب غرقت تقوم
اللنشات البحريه تنقذ الناس , و لما يرجعو لأهاليهم نجيب أهاليهم بقى و نحسب لهم الواد
ابنكو كان هيقعد كام سنه في اوروبا تبقى الحسبه اد كده , ندفع لهم بقى , و نجيب الأب
من دول و نعمله تمثال قدام قصر الرئاسه عشان هو بطل قومي لأنه قال لابنه اركب مركب
بتغرق اكتر ما بتعوم و سافر و فيه احتمال كبير انك توصل .
.
و لو الحكومه بنت
التيت ماعملتش كده و كرمت أهالي الشهداء دول يبقى نعمل ايه بقى ؟ برافو عليك , نعمل
ثوره كمان و نجيب قروض و ال 6 ترليون دين يبقو 8 أو 10 , و اسماء محفوظ بعد الشبشب
و القبقاب تركب BMW و بعدها يكون عندها اجانص عربيات
و نعمل ثوره كمان و ناخد قروض و نستنى تويتات البرادعي و اسماء محفوظ تشتري طياره خاصه
, نقوم نعمل ايه بقى ؟ بالظبط كده , نعمل ثوره و ناخد قروض .
.......................................................................................................................
ليست هناك تعليقات:
إرسال تعليق