صباح الخير , حكاية إن مرسي أمر السيسي بتوجيه ضربه جويه لإثيوبيا دي من شطحات وبركات أولياء الله المخابيل اللي شغالين في لجان خيرت الشاطر الإلكترونيه , إسرائيل من عشرات السنين وهي بتحكم وتتحكم في إثيوبيا , وهي صاحبة مشروع سد النهضه وهي الممول المشترك مع أمريكا ( وقطر ) , هقول لحضرتك ليه إسرائيل خططت لسد النهضه ببساطه ؟ بقى يا مولانا عدد سكان إسرائيل على بعضه سته سبعه مليون بالكتير ( أد سكان السنبلاوين ) , ودول بقى لمّاهم بطلوع الروح وإغراءات من هنا وهنا , شويه روسي على شويه إفريقي على كام يهودي مغربي , وعدد اليهود في العالم كله 14 مليون ( أد سكان شبرا ودار السلام ) , طيب اسرائيل عشان تحقق حلمها الأزلي محتاجه تدخل حروب مع العرب من كل جهه . وبما إننا مش في عصر السيف والنبّوت , فأكيد الحرب دي بتسيب وراها ألاف القتلى في الجانبين لأن الطرف التاني اللي بيحاربها ماهوش صفر يعني , أكيد هيرمي له صاروخين , يفرقعله قنبلتين وهكذا, طيب العسكري الإسرائيلي متكلف وعدد جنودهم قليل ومبيخلفوش أوي (عشان مالهمشي في البنات !! ) , طيب يعملو ايه ويحققو حلمهم إزاي ؟ بسيطه خالص , لو بصينا على الخريطه هنلاقي العراق مسلّمه ومستسلمه من كام سنه , ورئيس وزراءها بنفسه هيسلم الصهاينه مفاتيح بغداد من غير ما يضرب رصاصه واحده ( ده إن مكانشي سلمها أصلا ) , وسوريا أهم شغالين فيها حاليا تشطيب ومحاره وحلوق عشان يسلموها على نهاية السنه , مش باقي غير مصر , المستعصيه العصيّه الأبيه ( وده مش مدح لكن ظروفها جت كده ) , مصر صعبه عليهم شويه , عشان كده مينفعشي خطة إسرائيل للسيطره على مصر تعتمد على محور واحد , فقامو حبايبك الصهاينه ساعدو الإخوان في الوصول للحكم وده المحور الأول ( يعني انقسام داخلي وحرب أهليه جاهزه للتنفيذ ) والمحور التاني المهم جدا هو قفل محبس المايه عن سيادتك , ساعتها هتبقى ذي الملاكم المخنوق اللي هيستسلم ويرفع إيديه .
باختصار , مصر الإخوان مش هتضرب اثيوبيا لأنها مخادتش أوامر من أمريكا إنها تحارب إسرائيل ( الصديق الوفي ) , وإسرائيل بتخطط بنجاح تام لدخول جنودها بغداد ودمشق والقاهره بسيارات مرسيدس مكيفه وكرافتات شيك والنضاره الريبان , مش مستعده هي تدخل حرب يروح فيها 7 جنود من عندهم !!.
باختصار , مصر الإخوان مش هتضرب اثيوبيا لأنها مخادتش أوامر من أمريكا إنها تحارب إسرائيل ( الصديق الوفي ) , وإسرائيل بتخطط بنجاح تام لدخول جنودها بغداد ودمشق والقاهره بسيارات مرسيدس مكيفه وكرافتات شيك والنضاره الريبان , مش مستعده هي تدخل حرب يروح فيها 7 جنود من عندهم !!.
.
.
في الصوره الجماعيه لقادة الدول الأفريقيه , وقفو الريس مرسي ( رئيس مصر ..أكبر دوله إفريقيه ) في الصف التالت جنب رؤساء ليسوتو وموبوتو وقبائل الزولو , عموما كويس إنهم دخلوه في الصوره , ومقالوش له خليه ورا الستاره مع الجواري والغلمان وعثمان اللي بيعمل شاي للضيوف !!.
.طيب مبارك كان ( حرامي ) والكهربا مكانتش بتقطع على الناس بالشكل ده , ومبارك كان ( عميل ) بس مباعش السولار للأجانب وسابنا دايخين عليه , ومبارك كان ( ابن صرمه ) بس البلطجيه مكانوش بيثبتو الناس في الشارع ويسرقو عربياتهم , ومبارك ( مكانشي متربي ) بس الدولار موصلش 8 جنيه في عهده , ومبارك كان ( واطي ) , بس مكانشي بيقابله وزراء وسواقين في زياراته الخارجيه , ومبارك كان ( جبان ) بس أثيوبيا مقدرتش تعمل سد النهضه في عهده , ...... يارب توب علينا من حكم المشايخ اللي بيصلو الفجر جماعه ومربيين دقونهم بقى , وابعت لنا واحد حرامي وعميل وابن صرمه وواطي ومش متربي وجبان !!.
.
.
مجلس شورى البهاليل أبو 7% سايب مصر بتخرب وتتهد على دماغ اللي فيها وبيتكلم عن رقص الباليه ! , طيب بالنسبه لقناة المولد والكباريهات والرقص الشرقي يا مولانا ؟ لأ ده مرسي جدد التراخيص 3 سنين يبقى الرقص الشرقي حلال وورد ذكره ( بالطيب ) في كتاب رياض الصالحين ومذكرات رياض المنفلوطي !!.
هو احنا مشكلتنا حاليا في رقص الباليه يا شيخ ؟
يعني عايز تقول دلوأتي إن الحاجه أمي في البلد مش هاممها الكهربا اللي بتقطع ونفسها اللي مش قادره تاخده عشان مفيش مروحه والغاز اللي بتدوخ عليه والإنسولين بتاعها اللي بيضرب في التلاجه والبلطجيه اللي ماليين الشوارع والأرض اللي هتبور من نقص المايه , وكل اللي بتفكر فيه حاليا هو ميعاد التدريب بتاع رقص الباليه ؟!!
هو احنا مشكلتنا حاليا في رقص الباليه يا شيخ ؟
يعني عايز تقول دلوأتي إن الحاجه أمي في البلد مش هاممها الكهربا اللي بتقطع ونفسها اللي مش قادره تاخده عشان مفيش مروحه والغاز اللي بتدوخ عليه والإنسولين بتاعها اللي بيضرب في التلاجه والبلطجيه اللي ماليين الشوارع والأرض اللي هتبور من نقص المايه , وكل اللي بتفكر فيه حاليا هو ميعاد التدريب بتاع رقص الباليه ؟!!
.
.
محمد حسين
.
ليست هناك تعليقات:
إرسال تعليق