هو الزمالك مش ناوي يتقي ربنا فينا بقي ويجيب عربي الدهلّ وسيد الأعرج عشان يظبطو الاداء بتاع الهجوم ؟!
أنا أول مره أشوف مهاجم عايز فدانين أرض عشان يعرف يوقف الكوره بصدره , يا راجل دي لو إليسا كانت امتصت الكوره على صدرها وجابتها جونين !!.
أنا أول مره أشوف مهاجم عايز فدانين أرض عشان يعرف يوقف الكوره بصدره , يا راجل دي لو إليسا كانت امتصت الكوره على صدرها وجابتها جونين !!.
.
.وبعد تكرار المقابلات ( الزرايبي ) للريس مرسي في كل دوله أو دويله أو قبيله يزورها , وبعد ما الإخوان يأسو من التبرير على طريقة ( أصل دي زياره تجاريه ...دي بروتوكولات يا جاهل ) , قرر الساده الخرفان إنهم يغيرو النغمه شويه ( دفعاً للرتابه والملل ) , والجديد عندهم هو الجمله دي ( العظماء لا يؤثر فيهم طريقة الإستقبال في الخارج ) !! هع هع ولا في الداخل وحياتك , الراجل ميعيبوش غير جيبه ولو كان جيبه فاضي يبقى الأخلاق أهم حاجه , والست مالهاش غير بيت جوزها !.
أنا مش صعبان علىّ طريقة التطبيل ( الوارمه ) دي , إنما نرفزتني أوي كلمة عظماء , عظماء , عظماء , أنا برفض الإهانه على فكره , مفيش داعي إن الإخوان يتريقو على مرسي عشان يعني ماهو غلبان في عقله فيقولو عليه ( عظماء ) !!
.
.مولانا الشيخ الإخوانجي وجدي غنيم زعلان أوي من مولانا الشيخ السلفنجي محمد حسان عشان بيبيع جلابيته وسبحته في مزاد , وبيقول ماذا تركنا للنصارى والمعرفش ايه؟ ومن أخلاق سيدنا عمر كذا , وقال رسول الله كذا .........!!
هع هع هع , ربنا يكملك بعقلك وتقواك يامولانا الشيخ وجدي يابو الأخلاق الحميده واللسان الرطب بذكر الله , بس نسيت تقول ماذا تركنا للنصارى الشلاليط الأوباش , والليبرايين الكفره ولاد الحرام , والصليب ده تحطه معرفش فين ؟ أخلاق أخلاق مش أي كلام يعني هههههههههههه ...اللهم أهلك مشايخ الإخوان بمشايخ السلفيين وأخرجنا من بينهم سالمين , اللهم أمين .!!.
.
.
صباح الخير , الريس مرسي أنعم وأكرم طالع يقول صادرنا ألف طن حشيش , وبما إن ريسنا ساقط إبتدائيه أد الدنيا فهو أكيد ميعرفش إن ألف طن يعني مليون كيلو ودول كافيين جدا لتكييف دماغ كوكب الأرض وكوكب الشرق وسكان المجموعه الشمسيه والنضاره الشمسيه ودرب التبانه ودرب الهوى والنجم القطبي والنجم مصطفى قمر , إنما الراجل ده مش ناوي يجيبها البر وفاضحنا بره وجوه , يتهيألي أي رئيس دوله بعد كده يجيله حالة إكتئاب يحتار الأطبا فيها هينصحه مستشاريه إنه يستدعى رئيس مصر على الفور عشان ربنا يتم شفاه على خير , مصيبه سوده إن رئيس مصر بجلالة قدرها يكون بيلعب دور ( جحا أو البهلول ) في وسط حكام العالم , و الإخوان من يومهم متربيين على المبالغات الفشيخه . ما هي حكاية المليون كيلو حشيش دي متفرقش كتير عن ال 200 مليار دولار اللي قال عليهم قبل كده ومتفرقش عن أكبر حقل بترول في العالم وأكبر منجم دهب ومتفرقش عن جبال العسل وعن أنصار الإخوان في العالم اللي عددهم يفوق الدشيليون نسمه بنسمتين تلاته كده , ومتفرقش عن حكاية إن مرسي حفيد الصحابه وهيحرر القدس , أيام سوده وعهد الله يا مولانا , وعقول وجينات وحكام عايزين الضرب بالنار في ميدان عام , قال صادرنا مليون طن حشيش , ودول كانو متهربين في علبة كبريت أكيد ؟ الله يرحمه عم جلال ماهو كان عارف إمكانيات الشرطه المصريه الجباره عشان كده قال ( هروب 5 مساجين من السجن استطاعت الشرطه أن تقبض على 12 منهم وجاري البحث عن الباقي ) !!.
.
.
فضيلة الشيخ الملياردير محمد حسان وقع على استمارة ( تجرد ) المؤيده للنظام وبيدعو للتبرع للمقاومه السوريه ( وابتدى بنفسه وباع جلابيته ! ).
هو الراجل ده مش كان تاب واستغفر ربه عن افتكاسات السنتين اللي فاتو , وفضل يعيط و يتشحتف ؟....... إيه اللي رجعه تاني بقى بعد ماكان اعتزل الفن خلاص ؟!.
هو الراجل ده مش كان تاب واستغفر ربه عن افتكاسات السنتين اللي فاتو , وفضل يعيط و يتشحتف ؟....... إيه اللي رجعه تاني بقى بعد ماكان اعتزل الفن خلاص ؟!.
.
.
عارف إنت يعني ايه النصب المركّب ؟!
.
بص يا سيدي , فيه إعلان بيجي في القنوات النص لبّه , هتلاقي راجل طيب وكبَاره كده قاعد على كرسي وبيقولك إن ولاد الحرام مخلوش لولاد الحلال حاجه , وبيغشو في مستحضر ترياق اللي بيعالج السكر نوهائيا في 3 دقايق , هع هع هع , يعني النصاب بيستجير من النصابين ( ينت الحرام وانا بخنقها عضت إيدي تقولشي أنا مرات أبوها ؟! ) , وولاد الحرام بيغشو في الحشيش , وانا كل مابشوف الإعلان ده الدمعه بتبقى هتفر من عين اللي قاعد جنبي !!
.
هقولك مثل تاني , مولانا وسيدك وتاج راسك محمد حسان عنده فيلات وقصور وعربيات هامر ومرسيدس وملايين متلتله في البنوك , أصلك مش واخد بالك إن شغلانة الدين والدعوه دي جت عليها فتره كده وكانت بتكسب أكتر من المخدرات والسلاح والدعاره !! , المهم مولانا بقى أبو وجه بشوش قالك أنا لازم أتبرع للغلابه , إي وربي , فقرر فضيلته إنه يتبرع بالجلابيه والساعه في مزاد علني , طيب والأندر ورور يا جناب العمده ؟!
................
هو ده بقى النصب المركّب الكومبليكاتد أخر حاجه , إنما وعهد الله أنا بتكيف من الحاجات دي عشان بشجع اللعبه الحلوه !!.
.
بص يا سيدي , فيه إعلان بيجي في القنوات النص لبّه , هتلاقي راجل طيب وكبَاره كده قاعد على كرسي وبيقولك إن ولاد الحرام مخلوش لولاد الحلال حاجه , وبيغشو في مستحضر ترياق اللي بيعالج السكر نوهائيا في 3 دقايق , هع هع هع , يعني النصاب بيستجير من النصابين ( ينت الحرام وانا بخنقها عضت إيدي تقولشي أنا مرات أبوها ؟! ) , وولاد الحرام بيغشو في الحشيش , وانا كل مابشوف الإعلان ده الدمعه بتبقى هتفر من عين اللي قاعد جنبي !!
.
هقولك مثل تاني , مولانا وسيدك وتاج راسك محمد حسان عنده فيلات وقصور وعربيات هامر ومرسيدس وملايين متلتله في البنوك , أصلك مش واخد بالك إن شغلانة الدين والدعوه دي جت عليها فتره كده وكانت بتكسب أكتر من المخدرات والسلاح والدعاره !! , المهم مولانا بقى أبو وجه بشوش قالك أنا لازم أتبرع للغلابه , إي وربي , فقرر فضيلته إنه يتبرع بالجلابيه والساعه في مزاد علني , طيب والأندر ورور يا جناب العمده ؟!
................
هو ده بقى النصب المركّب الكومبليكاتد أخر حاجه , إنما وعهد الله أنا بتكيف من الحاجات دي عشان بشجع اللعبه الحلوه !!.
.
.
مصر الطيبه !
.
وانا صغير ( أد 10 سنين كده ) كان أبويا الله يرحمه بنى لنا بيت ( بالطوب الأحمر من غير تشطيب ) , وبيتنا ده بقى واسع وشرح وبرح يعني , وكعادتنا في الفلاحين أبويا منساش يعمل باسطة كبيره قدام البيت , وحظنا الحلو إن بيتنا هو أول بيت بحري في البلد وعلى طريق ( بين باسطة السلم والطريق 10 متر بالكتير ) , وكان الحاج أحمد أبويا غاوي كده يبقعد في ساعة عصاري على باسطة السلم الكبيره وجنب منه الجوزه ( الشيشه ) وبراد الشاي محطوط على ( المنقد ) , وفي يوم كده كنت قاعد جنب أبويا بعمل الواجب وهو مستمتع بهوايته الثلاثيه المفضله ( الباسطه ساعة عصاري والشاي والجوزه ) , ومرِّت من قدام بيتنا الست ( لواحظ ) , ست طيبه فقيره من أهل البلد كانت راجعه من الغيط , قالت لابويا ( العواف ياحمد ) , أبويا قال لها ( الله يعافيكي ... تعالى يام محمود اشربيلك نفسين معسل ) , الست لواحظ مكدبتش خبر وجت قعدت عالسلم وابويا ناولها ( غابة الجوزه ) , قالت له ( صب لي شوية شاي ياحمد , إزيك وأزاي مراتك وولادك ؟) , اتفضلي يام محمود , الحمد لله بنعمه , في الوقت ده دخلت أمي ب( أولة ) المايه كانت جايباها لأبويا , واتفاجأت بالست لواحظ قاعده , أمي وشها نوّر بابتسامه وقالت ( يادي النور يام محمود , والنبي مانتي شاربه معسا فبل ما تاكلي لقمه الأول ) , لا يام محمد , أنا مستعجله , عندنا أنفار بيشتّلو في أرض الرز وعايزه أروح أعمل لهم الغدا !!.
.
هنا خلصت الحكايه ومعرفش ليه افتكرت الموقف ده مع إنه عدى عليه أكتر من ربع قرن وانا وعزة جلال الله بنسى الحاجه اللي حصلت من ساعتين , يمكن عشان المشهد ده بيترجم يعني ايه ( مصر الطيبه ) , مصر اللي ميعرفهاش الإخوان ولا السلفيين ولا الجهاديين ولا زفت الطين !!.
.
وانا صغير ( أد 10 سنين كده ) كان أبويا الله يرحمه بنى لنا بيت ( بالطوب الأحمر من غير تشطيب ) , وبيتنا ده بقى واسع وشرح وبرح يعني , وكعادتنا في الفلاحين أبويا منساش يعمل باسطة كبيره قدام البيت , وحظنا الحلو إن بيتنا هو أول بيت بحري في البلد وعلى طريق ( بين باسطة السلم والطريق 10 متر بالكتير ) , وكان الحاج أحمد أبويا غاوي كده يبقعد في ساعة عصاري على باسطة السلم الكبيره وجنب منه الجوزه ( الشيشه ) وبراد الشاي محطوط على ( المنقد ) , وفي يوم كده كنت قاعد جنب أبويا بعمل الواجب وهو مستمتع بهوايته الثلاثيه المفضله ( الباسطه ساعة عصاري والشاي والجوزه ) , ومرِّت من قدام بيتنا الست ( لواحظ ) , ست طيبه فقيره من أهل البلد كانت راجعه من الغيط , قالت لابويا ( العواف ياحمد ) , أبويا قال لها ( الله يعافيكي ... تعالى يام محمود اشربيلك نفسين معسل ) , الست لواحظ مكدبتش خبر وجت قعدت عالسلم وابويا ناولها ( غابة الجوزه ) , قالت له ( صب لي شوية شاي ياحمد , إزيك وأزاي مراتك وولادك ؟) , اتفضلي يام محمود , الحمد لله بنعمه , في الوقت ده دخلت أمي ب( أولة ) المايه كانت جايباها لأبويا , واتفاجأت بالست لواحظ قاعده , أمي وشها نوّر بابتسامه وقالت ( يادي النور يام محمود , والنبي مانتي شاربه معسا فبل ما تاكلي لقمه الأول ) , لا يام محمد , أنا مستعجله , عندنا أنفار بيشتّلو في أرض الرز وعايزه أروح أعمل لهم الغدا !!.
.
هنا خلصت الحكايه ومعرفش ليه افتكرت الموقف ده مع إنه عدى عليه أكتر من ربع قرن وانا وعزة جلال الله بنسى الحاجه اللي حصلت من ساعتين , يمكن عشان المشهد ده بيترجم يعني ايه ( مصر الطيبه ) , مصر اللي ميعرفهاش الإخوان ولا السلفيين ولا الجهاديين ولا زفت الطين !!.
.
.
صباح الخير , وقالك عرّاف يهودي تنبأ إن مرسي هيحرر القدس !! , حسب كلام عبد البر أفندي مفتي الإخوان , طبعا الجمله دي ثبتت الخرفان بمسمارين 10 سم , ياكش تتحرق مصر بجاز وتتباع والزباله تملى الشوارع والكهربا مفيش والتعذيب في السجون الله ينور , كل ده مش مشكله , المهم إن سيدنا محمد مرسي هيحرر القدس , إمتى وفين ؟ إبقى تعالى وانا اقولك , طيب انا راضي ذمتكو , ده منظر واحد هيحرر القدس ولا بنها حتى ؟ أستخلفكم بالله أن تنظرو إليه ؟! مش لما يحرر نفسه الأول من عبودية المرشد ؟, وعلى أي حال يا مولانا يحرر القدس يحرر الأندلس يحرر واشنطن دي مش فارقه معايا خالص , عندنا سيادتك أولويات , إحنا هنحرر مصر من الخرفان الأول , بلدي الأول , وبعد كده للقدس ربٌ يحميها , إنما الشيخ عبد البر أفندي ميعرفش إن تصديق العرافين شرك بالله؟ طيب لو العراف ده قال البرادعي هيحرر القدس ؟ هيكون إيه رأي فضيلة جناب اللي خلفو أمه ؟! , أنا شخصيا مبصدقش كلام العرافين , في مره قابلت واحد عراف كده وقالي هات 10 جنيه وانا أوريك أبوك الله يرحمه , قلت له لأ خد 20 ووريني صدر إليسا , قالي مفيش فيها يا برنس ومشي بقى وهو بيقول حييييييييييييييييييييي , حييييييييييي , عراف يهودي يا عبد البر ؟ دانتو مش طايقين الأقباط في مصر ؟ إيه الحنيه اللي بينكو وبين اليهود دي ؟ ولا هي الجينات بتحن وبيطلع منها الجن ؟!!.
.
.
إيه المشكله لما وزيرة التعدين الأثيوبيه تقابل مرسي في المطار ؟! الإخوان هيقولو دي البروتوكولات الإثيوبيه بتقول كده يا جاهل , هع هع هع , وحتى يا سيدي لو مش بروتوكولات إيه المشكله يعني ؟! هي لا دي أول مره ولا أخر مره يتعمل في مرسي كده , بالعكس بقى أنا شايف إن المره دي تحديدا بعتو لمرسي الشخص المناسب , هقولك ليه ؟
بقى يا سيدي , مصر الكبيره العظيمه دي تحت حكم الإخوان بقت عامله ذي العيله الصغيره اللي قاعده في طشت نحاس وكل اللي رايح واللي جاي بيشطف فيها !!
, فقامت أثيوبيا قالت تبعت وزيرة
بقى يا سيدي , مصر الكبيره العظيمه دي تحت حكم الإخوان بقت عامله ذي العيله الصغيره اللي قاعده في طشت نحاس وكل اللي رايح واللي جاي بيشطف فيها !!
, فقامت أثيوبيا قالت تبعت وزيرة
التعدين , أولا : لأنها بتفهم في النحاس ( المعادن ) , و ثانيا : لأنها بحكم تخصصها هتعرف تتعامل مع الطشت !!.
.
.
محمد حسين
.
ليست هناك تعليقات:
إرسال تعليق