منوع

ابن مرسي بيشتم في الجيش وبيفخر إنه كلب المرشد !.
.
عارف انت ايه الفرق بين جمال مبارك وبين ابن مرسي ؟
إبن مبارك ( طالع لأبوه ) كان حرامي بس مكانشي غبي ...ابن مرسي ( برضه طالع لأبوه ) غبي......... وبكره هيبقى حرامي !!

.وانا عارف مين بيقول إيه إزاي عشان إيه ؟ ( تصفيق حاد ومزمن ) , وعارف اتوبيس كام بيروح فين وليه ؟ وعارف فردة الجزمه اللي فين بتتلبس في أنهي رجل وإمتى ؟, وعارف إيه بينزل على إيه وبيعمل إيه جوه إيه ؟!!

................................ الناس دي فاهمه الفلسفه غلط والله , والراجل اللي جابته الصناديق بيتفنن في الغباوه , بيستطعم العته المغولي , بيتألق في علم الدروشه والبهلله , مرسي لا يصلح إنه يكون عامل سنافور حتى , عشان هو بجد مش عارف عامل إيه وامتى وفين الساعه كام إلا ربع !!.

.

.

الحاجه الوحيده اللي مطمناني على مصر حاليا إن الشباب الثوري والليبرالي واليساري وخلافه فهم طريقة لعب الإخوان كويس , هتلاقيهم بيألشو على موضوع السد بإيد وماسكين ورقة تمرد في الإيد التانيه , بيكتبو بوست عن الجنود المخطوفين ( كده وكده ) و 7 بوستات عن أعداد حملة تمرد وانتشارها , هنهريكو تريقه يا إخوان على مقابلات البوابين الجداد اللي بتحصل لمرسي في الخارج بس نازلين 30 يونيو , هنضحك عليكو النهارده ونضحّك عليكو العالم في 30 يونيو , ..........يعني باختصار ذي ما قال الشاعر العربي زمان ( اليوم خمر ............وغدا أمر !!).

.

محمد حسين