ويا بلدي

ويا بلدي
خطوط القلب مش صافيه
ومش رايقه لحب زمان
دي حتى الثوره ودّتنا
طريق أحزان
وسومه كنت بعشقها
واموت فيها
بقيت أغضب على إيديها
تقول شيطان ؟!
.
هحبك فين واحب إزاي ؟
أنا موجوع
يا بنت الخضره والوادي
مامات الحب في بلادي
وأحلامنا اللي عشناها
بقت فتوى في إيد كُهّان
وشيخ مجنون من الأخر
هحبك يعني اموت كافر
وإيه يعني أموت كافر ؟
.
خلاص هرجع لحب زمان
هموت كافر واعيش إنسان !!
.
.
محمد حسين