وعلى رأي محمود بكر , كده بانت الخطه , إحنا هنحقق العداله الإجتماعيه زي ما قال مرسي ( بالحب ) , وهنزود ماية النيل ( بالدعاء ) وأكيد أكيد الكهربا المقطوعه هترجع ( بالإستغفار ), بعد كده هيجيلك وصل النور المقطوع مكتوب عليه ( أكثرو من الإستغفار ) , ولو دوله معاديه هجمت على مصر هنعتكف ونكشف راسنا وندعي عليهم !!
علىّ النعمه ده شغل بهاليل ومن النوع الردئ كمان , لأن البهلله والدروشه فن وعلم له أصوله , ويبدو إن 80 سنه مرّت من عمر الإخوان ومع ذلك لسه في ( كي جي 1 بهلله ) !!
أقسم بالله العظيم لو عمر بن الخطاب عايش وسمع مرسي وهو بيقول بالحب والدعاء كان زمانه قطع رقبته في ميدان التحرير ,..................... فإن السماء لا تمطرُ ذهبا ولا فضه !!.
علىّ النعمه ده شغل بهاليل ومن النوع الردئ كمان , لأن البهلله والدروشه فن وعلم له أصوله , ويبدو إن 80 سنه مرّت من عمر الإخوان ومع ذلك لسه في ( كي جي 1 بهلله ) !!
أقسم بالله العظيم لو عمر بن الخطاب عايش وسمع مرسي وهو بيقول بالحب والدعاء كان زمانه قطع رقبته في ميدان التحرير ,..................... فإن السماء لا تمطرُ ذهبا ولا فضه !!.
.
.
الله بقى ! , الله !! , دي الحكايه طلعت بجد ومرسي بيقول هنزود ماية النيل بالدعاء !! , يعني الواحد لو عايز يغسل وشه يقف قدام الحنفيه ويقول ( اللهم عليكَ بالإثيوبيين ) تقوم المايه تنزل على طول ؟! , ولو عايز ياخد دش يقف تحت الدش ويناجي ربه ويقول ( اللهم أهلك دول حوض النيل الكفره ولاد الحرام وأهلك اليهود والنصارى وأتباع ساويرس والبرادعي ) ساعتها المايه هتنزل من الدش ومعاها الشامبو والبلسم و 14 جنيه أجرة الميكروباس اللي بيوصل للجنه !!
.الإثيوبيين بدأو النهارده في تنفيذ مشروع السد, هو مرسي كان رايح يحل المشكله ولا كان رايح يدشن المشروع ويحضر حفل الإفتتاح ويقص الشريط بنفسه؟!
.............. ياريس مرسي , إنت معانا ولا مع الناس التانيين ؟ مش كنت تقول إنك أول رئيس مدني منتخب لإثيوبيا , وإنك رئيس لكل الإثيوبيين , هو الصندوق اللي جابك ده أصوات أخدتها من مصر ولا صندوق جالنا عايم من أديس أبابا ولقيناك جواها ؟!!............... تصدق كده صح , عشان كده بيشبهوك بسيدنا موسى !!.
.
.وزيادة في الإحتياط يعني , مرسي لما يزور أي دوله خارجيه ياخد أخوه الكبير معاه ( أو خاله ), مانا أصلي عارف رهبة الموقف , وخصوصا إنه أول مره يبقى رئيس ( وأخر مره ) !!.
.
.اللي زي مرسي ده المفروض لما يزور أي دوله خارجيه ننبه عليه كويس إنه ميتكلمشي في أي حاجه , لا في السياسه ولا اقتصاد ولا تاريخ ولا غيره , كل اللي يقوله ( ألف مبروك ...وربنا يتمم بخير ) !!.
.
.صباح الخير , الريس مرسي بعظمته وبركاته وسبحته وشخاليله كل ما يزور دوله خارجيه بتحصل حاجتين أسوأ من بعض , أول حاجه بيتقابل هناك مقابلة البوابين الجداد حتى لو كانت الدوله دي يادوب أوضه وعفشة مايه وجمل ( أو غزاله ) , وعمرها أصغر من عمر برج القاهره , إنما الحاجه الأسوأ بقى هي نتيجة الزياره , مرسي راح السودان وبعدها طلع نائب الرئيس قال إنه وعدنا بعودة حلايب وشلاتين للسودان وبدأو فعلا في إجراءات دولية لاستعادة حلايب وشلاتين بعد وعد مرسي ( اللي بيصرف من جيب أمه ) .
وبعد زيارة أثيوبيا وبحسب ما ذكرته جريدة اليوم السابع ( نقلا عن وكالة أنباء الأناضول ) فإن السلطات الإثيوبيه قررت البدأ غدا وفورا في تنفيذ مشروع ( سد النهضه ) !!, أموت واعرف الراجل ده جنس اللي خلفوه إيه ؟ , بيعمل ايه ؟ بيقول إيه عشان يحبب فينا مخاليق ربنا بالشكل ده !!
والنبي ياريس ما تزور إسرائيل , أبوس إيديك ما تزورها , سينا عشان نرجعها مات ألاف المصريين وحاربنا 7 سنين , ولو حصل يعني ورحت فرنسا متجيبش سيرة ديليسبس ولا قناة السويس !!.
والنبي ياريس ما تزور إسرائيل , أبوس إيديك ما تزورها , سينا عشان نرجعها مات ألاف المصريين وحاربنا 7 سنين , ولو حصل يعني ورحت فرنسا متجيبش سيرة ديليسبس ولا قناة السويس !!.
.
.
محمد حسين
.
ليست هناك تعليقات:
إرسال تعليق