باي باي إخوان

‎Mohamed Hussein‎

تعالى يابديع إنت والشاطر لما أعلمكو شوية حاجات كده , تبقو تعلموها لأحفادكو , عشان لما تقوم ثورة بعد 50 سنه, مش يعجنو العجن بتاعكو ده, ويلبسو أحفادنا في الحيطه.

1- أوعى تصاحب التعلب , وتفرح إنه جابلك ورك فرخه مسروقه من عند الجيران , تأكد إن المره الجايه هيكون الدور على وركك إنت مش ورك فرختك.
.
2- لما تشوف أسد عجوز بيحارب ألف حمامه , خليك مع الحمام, وتأكد إن الحمام هيجّري الأسد وراه لحد ما يتقطع نفسه ويتوه في الصحرا , وبعدين يسيبو الأسد يرجع لوحده وساعتها هياكلك انت قبل مايموت في الصحرا من العطش من غير ماحد يلمسه , علموهم يطيرو مع الحمام.
.
أمي قالت لي وانا صغير , ( اللي تزهق النهارده من وشه.......بكره يحوجك الزمان لقفاه ).
.
أنا كده خلصت اللي عندي , يالله ناخد حضن كبير , ونشوف وشكو على خير.
.
أه نسيت , المجلس العسكري لما يحكم عليكو بتهمة قتل المتظاهرين بالمؤبد مع الشغل والنفاذ , مش هيكون مضطر إنكو تنحتو في الصخر عشان الشغل والنفاذ.........................يكفي جدا إنه يكتب لكم الجمل دي على الحيطه في الزنزانه.........( موتو بغيظكم...المشاركه لا المغالبه....مالكم كيف تحكمون....كلامكم يؤخد منه ويرد عليه...دولة الخلافه....نحمل الخير لمصر........إلخ ), هي دي أفضل طريقه لتعذيبكو.
.
باي باي إخوان