وابقو اسألو عني

‎Mohamed Hussein‎

وابقو اسألو عني
في الليل لما ينام
وفي حروف الكلام
وفنسمه رايحه جايبه
بتلاعب الحمام
.
اسأل عني تلاقيني
مزروعه بين ضلوعك
لا قادره أبعد شويه
ولا طالبه غير رجوعك
.
أنا مصر ترابها نادي
أنا قبر الأعادي
ونصيبي هو هو
في شويه من ولادي
.
وسامحني يابن ابني
يا صاحبي ويا حفيدي
سرقو أحلامكو مني
صدقني مش بإيدي
.
ولا قادره أصدهم
كل اللي أقدر عليه
مش ممكن أحبهم
.
إحلم تاني وهحلم
ساعدني فين إيديك؟
إوعاك تبكي عليه
مش عايزه أصعب عليك
.
احلم تاني ورابع
علىّ صوتك وغني
حلمك مسجون وراجع
إدفن يأسك في حضني
وسامحني يابن ابني
.
hussein