Mohamed Hussein
8 مايو
البسكوته النحنوحه اللي اسمها ريهام سعيد إمبارح شوفتها بالصدفه جايبه حلقه مع ست عجوزه في مستشفى المجانين , والست تقول لها هاتي فلوس وانا اجيب علبة الوان عشان بحب ارسم وهي تقول لها لأ احنا هنجيب لك علبة الألوان !! .
لو كنت رئيس مصر و في إيدي صلاحيات كنت حكمت عالحيوانه اللي اسمها ريهام سعيد بالإعدام , فيه حاجه اسمها حرمة المرض النفسي يا ولاد الكلب , مرض البني أدم له حرم مش يتذاع عالمشاع , الست العجوزه دي لها حرمه ولها ولاد واحفاد و جيران و أصحاب , رئيس مين ده اللي هيصلح حال أم البلد دي ؟ إذا كنا إحنا نفسنا فقدنا الإحساس و الدم , بنتاجر بأي حاجه تجيب فلوس , بنتاجر بجثث البني أدمين و بنتاجر بمرض البني أدم النفسي وبنتاجر بأدميتنا ذات نفسها , ...ولو طلبت نبيع شرفنا طالما فيه اللي هيدفع التمن بنبيع .
................... أتمنى على وزير الصحه اللي انا مش عارف اسم أهله إنه يحوّل مدير المستشفى للتحقيق و أتمنى شطبه من نقابة الأطباء أو حتى إعدامه .
Mohamed Hussein
8 مايو
معاني الكلمات
.
التديّن هو : إنك تصحى من النوم تصلي الصبح وتبدأ تقذف في المحصنين و المحصنات و تقول فلان ده عر* و علّانه دي شر*** , وبعدين تصلي الضهر وتنزل بازازتين مولوتوف ترميهم على أي عسكري واقف و تصلي العصر وتروح تستلم الأربي جيه بتاعك من الأمير وهاتك يا جهاد وقتل في مخاليق ربنا , بس أهم حاجه أهم حاجه إنك قبل ماتنام تقول أذكار المساء والسهره وتغسل سنانك بسجنال 2 عشان الملايكه لما تجيلك وانت نايم مش تنفر من ريحة بؤك , أصلك مش واخد بالك , أهم حاجه بالنسبه للملايكه هي ريحة البؤ , روح يابني انت ربنا راضي عليك والأسياد كمان راضيين عليك !!.
.
العبقريه هي : إن مراتك تديّك الفين جنيه عشان تدفع قسط المدرسه بتاعة البنت تقوم انت داخل معرض للتحف والأنتيكات , تعجبك شوية كرستالات لونها قرمزي ( قرمزيه اللون يعني ) و تتخيل شكلهم هيبقى روعه لو اتعلقو في النجفه , تقوم شاريهم بالألفين جنيه و تنسى إنك مادفعتش مصاريف المدرسه و إنك ماعندكش نجفه في البيت أساسا !!.
.
الثورجيه هي : إنك تصحى من النوم تشكر لأول واحد يقابلك حتى لو كان اللي مقابلك ده هو أمك اللي مربياك , و تلبس هدومك و تزرّر زرارين بس من القميص من تحت وخلي باقي الزراير مفتوح , أيوه شعر صدرك لازم يبان انت وتامر حسني , وبعدين تقابل الواد جيفارا صاحبك على معادكو , و تنزلو تتظاهرو و تشتمو و تهتفو و بعد ما تخلص المظاهره تبقى تسأل جيفارا صاحبك ( هو احنا كنا نازلين النهارده ليه ؟!! ).
Mohamed Hussein
7 مايو
إنما سؤال لا مؤاخذه واقف في زوري بقاله فتره , الأصدقاء اللي الواحد منهم لما بيكتب بوست بيعمل مينشن ل 50 واحد من أصدقاؤه و بعدين ينزل في أول كومنت يعمل منشن ل 50 واحد تانيين وفي تاني كومنت 50 واحد لحد ما يخلص منشنه لكل الأصدقاء وغالبا بيراجعهم عشان مايكونشي ناسي حد أو حرم حد من المنشنه ولا مؤاخذه , سؤالي بقى لأي صديق بيعمل العمله الهباب دي : هو حضرتك لما بتروح تشتري فازه أو حتى طفاية سجاير جديده عشان تحطها في الرسبشن بتعدّي على كل شقه في العماره وفي العمارات اللي جنبها وتخبّط عليهم شقه شقه و تفرجهم عالفازه بتاعتك الخرافيه السينييه ؟ و لا بتستنى لما حد ييجي بيتك و يشوفها بنفسه ولو عجبته هيعمل لايك قصدي هيقولك ( جميله أوي الفازه دي ) .
.
يا محترم اللي انت بتعمله ده له اسم بالإنجليزي hard sell وحضرتك في الحاله دي بتتساوى مع البنت اللي بتبقى شغاله في سوبرماركت و تلبس بودي محزّق عشان تعجب الزباين و قبلهم صاحب السوبر ماركت طبعا ............ hard sell .
Mohamed Hussein
7 مايو
طارق الزمر ( على قناة الجزيره ) : سيناء أصبحت مجيشه بشكل غير مسبوق ضد السيسي و الجيش المصري وجاهزه للإستقلال عن مصر !! .
الكلام ده على فكره بيسعد الإخوان والبغل القطري جدا , والنحانيح بيضحكو في عبهم لما يسمعوه ( عشان الكسوف بس وكداهون ).
إنما خد ياض يا طارق هقولك على حاجه , زمان سمعت نكته بايخه زي دمك بالظبط , اللي هي بتاعة الناس اللي دخلو النار في الأخره ولقو اللي في النار مبسوطين ومزقططين , وبعدين لما دخلو الباب اتقفل وراهم وقالو العدد كده كامل , ولّع بقى !!.
.
عايز أقولك يا جحش إن يوم ما كلابكو يتجمعو و يتركزو في سينا فدي هتبقى نار جهنم اللي انتو مزقططين بيها , وأسهل حل عند الجيش المصري إنه ساعتها يخلي سينا من سكانها ويدكها دك , يعني يجيب عاليها واطيها , إنما حكاية استقلال سينا دي هتبقى على جثة أخر جندي مصري وأخر فلاح مصري زي حالاتي , قول للكلب اللي بيعلفك انت وخرفان بديعه ( الطاحونه حمره ) , قول له بس كده وهو هيفهم
Mohamed Hussein
7 مايو
و لو قررنا فعلا إننا نعمّر الصحرا وخرج من مصر 10 شباب زي الفل عشان المهمه دي , هتلاقي منهم 2 مؤيدين لحمدين و 3 للسيسي وواحد للبرادعي وو احد اخوان وواحد كاره الكل كليله وواحد مش طايق الهدوم اللي عليه , هيبدأو يشتغلو وبعد كام يوم هنعثر يالصدفه على 10 جثث مجهولة الهويه , وبرامج التوك شو هتقدم حوارات وأيام وليالي و حبشتكانات في محاوله للإجابه عالسؤال ده ( مين اللي قتل الشخص العاشر ؟ ) , مش مهم ال 9 اللي ماتو في الأول إنما مهم أوي مين اللي قتل الشخص العاشر ؟! و نقعد ندوّر ونسأل الشمس و العطش والجوع و السحالي والعقارب جايز نلاقي عندهم إجابه !!.
.................. استقيمو يرحمنا و يرحمكم الله , استقيمو جايز تعمر !! .
Mohamed Hussein
7 مايو
إنما للأمانه يعني , و إحقاقا للحق ( و العقل ) , أي مقارنه بين حوارات السيسي التلفزيونيه وحوارات حمدين هي مقارنه هايفه ومالهاش أساس و ظالمه جدا للسيسي , حمدين بقاله 40 سنه بيلعب سياسه , يعني الحوارات والمؤتمرات واللقاءات و الإجابات النموذجيه دي شغلته وملعبه اللي لعب فيه ألف مره قبل كده , السيسي بقاله 40 سنه بيشتغل في الجيش بعيد عن الحوارات واللقاءات التلفزيونيه , ولو قولتي لي طب علينا بإيه من ده ؟ مانجيب اللي متمرس في السياسه ؟ هقولك برضه غلط , مش ده معيار الحكم ولا الإختيار , وممكن أقلب عليك الترابيزه واقولك ماهو رئيس مصر القادم تحديدا لازم يكون متمرس في حكاية الأمن والإرهاب والسلاح بسبب الوضع الراهن في مصر وعلى حدودها , ماتيجي نعمل مقارنه في الأمن القومي والنواحي العسكريه بين السيسي وحمدين ؟ برضه مقارنه غلط و ظالمه لحمدين .
لغة الكلام و إجادتها و إتقانها مش هي معيار الإختيار في أي شئ ( فلعلّ أحدكم أن يكونَ ألْحنَ بحجته من أخيه ) .
Mohamed Hussein
7 مايو
الكوره طلعت أوت
.
خلاص بقى , خلصنا هزار وفرفشه وألش , والمفروض ندخل في الجد برجلنا اليمين و نقول باسم الله , بقى الراجل اللي اسمه عبفتاح معرفشي ايه كده السيسي هيبقى رئيس مصر , يعني رئيسي ورئيسك ورئيس الكل كليله , ومسئول عن بنتي وعن ابنك و عن كل حاجه في أم البلد دي .
.
شيل يابني الورد والجاتوه والدباديب وكل أدوات المجامله الرقيقه دي وهات الخرزانه من ورا الدولاب , لا ماتخافش , أنا هعرفه غلطه بس , من باب ( الدين النصيحه )
.
أُفرك إيدك يا عبفتاح , أفرك أيدك يا ولد
.
أولا : كلامك عن إن أول زياره لك هتكون للسعوديه ده رائع ورساله شكر وامتنان للمملكه ولدورها في مساعدة مصر في السنين اللي فاتت , لكن مجاملتك للملك عبد الله خرجت عن نطاق الإمتنان ووصلت لمرحلة الإنحناء , كل الإحترام لأهل المملكه وعلى رأسهم جلالة الملك , بس كلامك لا يليق برئيس مصر , كده مافرقتش حاجه عن محمد حسان .
.
ثانيا : فكرتك عن الإمتداد العمراني والخروج من الوادي الضيق والوصول ببعض المحافظات الى شواطئ البحر الأحمر فكره رائعه , لأ دي عبقريه , وده حل جذري لأولادنا واحفادنا , وعايز تريليون جنيه مفيش مشكله , أومال فين المشكله ؟؟؟
.
المشكله يا عبفتاح يا خويا في طريقة تفكيرك لجمع مبلغ التريليون جنيه , انت بالطريقه دي هتقدر تجمع 752 جنيه وتبقى هانت , يعني تريليون ناقص 752 جنيه يبقى مش باقي كتير !! . , مفيش حاجه اسمها المغتربين يساعدو وولاد البلد يربطو الحزام وهات 10 دولار عشان خاطر مصر وهنجيب عربية خضار , ولا عمر البوس لوحده بيجيب عيال ولا الطريقه دي هتجيب لك تريليون جنيه .
.
بص هقولك على فكره ويارب توصلك , المغتربين في الخارج معاهم فلوس ( مدخراتهم يعني ) وفي الداخل ناس كتير معاها فلوس ( مدخرات برضه ) , اعتقادي ان مدخرات المصريين تساوي تريليونات , بس مش هتعرف تاخد مننا حاجه بطريقه هات الأباجوره دي عشان خاطر مصر , أنا نفسي مش هدفع رغم اني عاشق تراب البلد دي , الحل باختصار انك تاخد جزء كبير من مدخرات المصريين في صورة استثمار مش تبرع وهتوصل للتريليون بتاعك بمنتهى السهوله .
.
يعني مثلا : تعمل مشروع قومي معلن للجميع بالتفاصيل عن انشاء 5 مدن جديده في الظهير الصحراوي للقاهره وحتى حدود العين السخنه , بتخطيط مثلا ل 500 ألف قطعه ارض سكنيه بمساحة 500 م للقطعه الواحده , وكل مواطن من حقه قطعة ارض يبني عليها بيت , الإستلام بعد 3 سنين ( خد وقتك في الإستصلاح والتقسيم ) و إدّي للناس صك ملكيه بالارض بضمان الدوله وقول لهم معاد التسليم بعد 3 سنين ولا 5 سنين حتى و سعر القطعه 600 الف مثلا تقسيط على 5 سنين , كده حضرتك بتتكلم في 300 مليار جنيه , ممكن تكرر الفكره بصكوك ملكيه مؤجله لأراضي صحراويه للزراعه بمساحة 30 فدان للقطعه .
.
يعني باختصار , بيع جزء من ارض مصر لأهل مصر وخد منهم مدخراتهم ابني بيها البلد , في الحاله دي هشتري منك عشان الدوله بتضمن حقي ومش مستعجل على الإستلام , يعني تقدر تقول حاجه شبه فكرة الصكوك بس واضحه اكتر .
.
ماتزعلش مني بقى يا عبفتاح ياخويا , إنت غالي صحيح , بس مصر أغلى مني ومنك .
Mohamed Hussein
6 مايو
أكيد حمدين قاعد بيتفرج على الحلقه زيه زينا , و مش بعيد بعد الحلقتين دول يقتنع و يغيّر رأيه و ينتخب السيسي !!.
Mohamed Hussein
6 مايو
أه بالمناسبه , عشان ماتعملشي نفسك مش واخد بالك أو تعمل نفسك من بنها أو تقعد تبص للسقف كأنك بتصطاد العنكبوت بعنيك , المحكمه النهارده أكدت الحكم بمنع قيادات الحزب الوطني من الترشح للبرلمان والمحليات !! , وانت عامل إيه دلوأتي ؟ مش هتخبطنا خطبه عصماء عن عودة مبارك والفلول والديناصورات ؟!.
.
و بعدين حضرتك شايف إن القضاء مسيس وإن السيسي بيصحى كل يوم الصبح يدي تعلماته للقضاه يعدمو فلان ويطلعو علّان براءه ويحطو السيخ المحمي في ودن ترتان , يبقى أكيد السيسي صحي النهارده الصبح وقال للقاضي ماتسمحش لولاد الصرمه بتوع الحزب الوطني من ممارسة الحياه السياسيه ...الله ؟ ده كده يبقى راجل كويس أهو ولا ايه ؟
إنت صعبان عليا والله وانت مبلول كده , عامل شبه الفالنه اللي طارت من عالحبل ووقعت في الترعه , خلاص إطلع بقى , إطلع ياض يا عيد يا مثقف , مش هجيب سيرتك تاني , قلبي الضعيق لا يحتمل .
Mohamed Hussein
6 مايو
إمبارح البت لمار بنتي الصغيره ( 4 سنين ) كانت بتلعب games عالموبايل بتاعي , قمت انا انفعلت وخدته منها عشان هي بتفضل تلعب عليه لحد ما يطفى وبعد كده تسيبه في أي حته وافضل انا بقى أقلب الشقه عليه .
المهم خدت منها الموبايل وحطيته ورا ضهري وانا قاعد عالكنبه ( خبّيته يعني ) وهي بقى زعلت شويه وجت لي بعد 10 دقايق تصالحني و تبوس فيا و تحضني ( يا حبيبي يا بابا... يا حبيبي يا بابا ) , أنا أتأثرت أوي بحضنها ولحقت دمعه بالعافيه كانت هتنزل من عنيا , بس أصريت على موقفي و ماديتهاش الموبايل , وفضلت قاعد بقى اتفرج على عم الحاج عبفتاح السيسي , وانا قايم ببص ورا ضهري عالموبايل مالقيتهوش !! ............................... ممممممممممممممممم أحبيبتي يا بنتي .
Mohamed Hussein
6 مايو
و سألته الست المذيعه : سيادتك اتجوزت مراتك عن حب ولا جواز تقليدي ؟, وكررت السؤال مرتين , ............. هاااااااااااااح.
أتوقع لميس تسأل السيسي النهاره : إيه أخر أعمال سيادتك الفنيه ؟ , وهل ممكن نشوف حضرتك مع عادل امام في فيلم مشترك ؟!
..................................................
مذيعين بياخدو مليون جنيه في الشهر عشان يقرفو أهلنا كل يوم , أو يوم أه ويوم لأ زي حقن الأدينوبلكس .
وبقت القاعده في برامج التوك شو من الإعلامين هي الإستحمار , استحمار أجنبي .
Mohamed Hussein
6 مايو
في الملعب
.
- بينزل لاعب الكوره ويفضل يجري 90 دقيقه لحد ما يتقطع نفسه , يباصي كوره حلوه , يعمل تمريره مكاره ولولبيه , يشوط شوطه معتبره وتيجي في العارضه , مفيش مانع من فاول و رمية تماس .
ده اللي حصل امبارح في لقاء السيسي مع ابراهيم عيسى و لميس الحيزبون , السيسي جري كتير في الملعب وعمل كام تمريره حلوه إنما جاب جون واحد وخلص بيه الماتش بنتيجة واحد صفر.
.
قصة الهدف بتقول باختصار إنه كان قاعد يوم 23 يونيو ودخل عليه قيادي من الجماعه الإرهابيه ( خيرت الشاطر ) , الشاطر قال للسيسي هييجي مجاهدين من افغانستان , من ليبيا , من سوريا وهيحاربوكو !! , والسيسي وهو بيحكي قال لابراهيم عيسى ( وانا من طبعي بخاف !! ) ...هنا كده الحكم صفّر والكوره دي جون بحرفنه كمان .
.
واحد هيسألني ويقولي يا كابتن لطيف إنت واثق أوي في كلام السيسي وحكايته دي ليه ؟ هقول له يابني مش النظريه هي الثقه في كلام السيسي إنما أنا واثق جدا في غباوة الإخوان , الإخوانجي اللي بيلبس جلابيه بيضا وبنطلون ترينج ويحلم بأستاذية العالم هو نفسه اللي لما بيبقى قيادي ممكن يروح لوزير دفاع مصر ( قائد جيش مصر يا مولانا ) ويقول له هنجيب لكو شوية عيال صيّع يحاربوكو وبيبقى عنده اعتقاد ان وزير دفاع مصر هيخاف من العيال الصيّع !!.
.
مزايا اللقاء في 3 نقط تقريبا
.
أولا : إنه ضرب السلفيين شلوت معتبر في أفكارهم ومعتقاداتهم بكلام صريح لا يقبل التأويل , و تكملة جملته اللي ماقالهاش إنه غالبا كده زي حالاتي عايز مؤسسه دينيه واحده تكون مسئوله عن الخطاب الإسلامي في مصر ( الأزهر ) , طب ليه السيسي ضربهم الشلوت ؟ تلاقيه قري البوست بتاعي اللي قلت فيه إن قيادات السلفيين هيعزموه في قصر من قصورهم ويعملو له ( بيعه ) وشباب السلفيين هيبقو في الشارع بيحرقو البلد مع الإخوان , يعني تأييد مالوش أي تلاتين لزمه , ماتنساش الجمايل بتاعتي دي يا حاج عبفتاح , عايز أمسك رئيس تحرير الأهرام بقى .
.
ثانيا : كلامه كان واضح وصارم في التعامل مع الإرهاب و مع التظاهر الغير مقنن , يعني ماتسهوكش ولا باع شعارات فارغه وكدابه , ولا قال : كل م م م م مواطن من ح ح ح قه التظا التظا التظاهر يا يا يا لميس .
.
ثالثا : ودي الأهم بالنسبالي , إن السيسي تخلى عن خطابه النحنوحي بتاع الفتره اللي فاتت , و بطّل أم السهوكه بتاعته , و يتسهوك ليه إذا كان بقى عند بنات مصر فشر عبد الحليم حافظ في زمانه , واهي لعبت معاك يابن المحظوظه .
.
عيوب اللقاء : إن السيسي مش منظم ومرتب في أفكاره عن برنامجه الإنتخابي , مهتم جدا بالأمن وده شئ كويس لكن باقي مشروعه مش مترتب , يعني الحماس عنده بيسبق الترتيب والتنظيم .
.
المحاورين : لميس كانت حيزبونه ومكاره و بتتجنب الإصطدام بالسيسي , وعم ابراهيم كان بيصطدم بس في لحظه معينه بيتثبّت عادي , انا عاذره والله , إذا كنت انا قاعد في دوله تانيه في الأنتريه وبتفرج عالتلفزيون واتثبتت لما السيسي قال ( مش هسمح لك تقول كلمة عسكر تاني ) , الراجل ده له شمخه غريبه يا جدع .
.
أهم العيوب وأكبر الكوارث على الإطلاق : هي برامج التحليل والتوك شوز اللي كانت بتحلل اللقاء , يا دين أمي على كده , أقلب التلفزيون ألاقي واحد بيقول ( واضح إن تربية سيادة المشير العسكريه وشغله في المخابرات أثرت جدا على شخصيته وبشرته و نعومته وخلته هادي ومتزن وعنده ثبات انفعالي في البؤره الثلاثيه ) , أقلب القناه ألاقي واحد تاني بيقول ( عظمة السيسي تكمن في كلماته المحدده التي لا تقبل الشك ورسائله المبطنه الخفيه والتي تسقط على مجرى ماعرفشي ايه فتعمل ايه أثناء تعامد الشمس على أنف الملك ماعرفشي مين ) !!.
.
.................. هل تعلم إن مصر فيها شويه هجّاصين وأفاقين بيطلعو في البرامج أكتر من عدد سكان قطر ؟!!.
Mohamed Hussein
5 مايو ·
حد معاه إبره يا خوانا ؟ عايز أرميها بس في الفيس واشوفها وهي بترن , وفي الأخر يقولو الإنتخابات هتتزور !! , بأمارة ايه ؟ السيسي بيتكلم دلوأتي في التلفزيون والبوست ده لو شافه 10 بس من الأصدقاء عندي يبقى أبو زيد خالي ..... تتزور ليه يا عم الحاج ؟ الراجل بالشكل ده هيجيب نسبة أصوات في الصناديق تدخله صيدله وهو مستريح !!.
Mohamed Hussein
5 مايو
لو كنت هطلب من رئيس مصر القادم أيا ما يكون اسمه , سواء عبد الفتاح ولا السيسي ( مش بتفرق معايا على فكره , بحترم الإتنين !! ) طلب واحد , هقول التعليم يا ريس , مفيش دوله في العالم فيها 17 نوع مدارس , حكومي على خاص على لغات على تجريبي على ناشونال على انترناشونال على ابوهم كلهم اللي مسئولين عن المهزله دي .
وتاني مهزله في موضوع التعليم اسمها مجانية ولا مؤاخذه التعليم , مع إن الأسره المتوسطه في مصر بتدفع عالأقل الف جنيه شهريا دروس خصوصيه ده غير مصاريف المدرسه لو مكانتش حكومي .
.
لحد امتى هنفضل نضحك على بعض بحكاية مجانية التعليم ؟ وفي النهايه يعاني الأب والأم الأمرين في تعليم ولادهم , مش بس في الفلوس , لأ دي حياتهم كلها بتتسخر لخدمة الدروس الخصوصيه , مين الي هيودي البنت الدرس ؟ مين اللي هيجيب الواد ؟ المدرس الفلاني جاي امتى ؟ وطفولة التلاميذ نفسها بتضيع في الشحططه عالسكك والتنطيط في المواصلات , نظام ملخصات بقى في المذاكره عشان مفيش وقت واقلب وكان الله بالسر عليم .
.
الحل يا ريس باختصار , من غير تكلفه تُذكر على الدوله هو تفوير التعليم المصري بالكامل بأنواعه , مطلوب وضع مناهج جديده تماما تواكب المناهج العالميه وتدريب المدرسين على تدريسها , توحيد المدارس في مصر في نوع واحد من المدارس يُلزم الجميع بدخوله , منع الدروس الخصوصيه ( تجريمها ) , وضع حد أدنى لراتب المدرس 3 الاف جنيه مع الزامه بوقت الدراسه تماما , طب هنجيب الفلوس منين ؟ مممممم مننا ياريس , من أولياء الأمور اللي بيدفعو ألف جنيه في الشهر دروس خصوصيه , مصر فيها تقريبا 30 مليون طالب ( مش فاكر الرقم ) لو كل طالب دفع الف جنيه في السنه هتجيب فرق مرتبات المدرسين و تكلفة تطوير المدارس والمناهج , ولما ربنا يسهل والدوله تقف على رجليها تبقى تحافظ على نفس المستوى ده من التعليم وتعمله مجاني وتتحمل الدوله التكلفه .
.
الأسره الغير قادره على دفع الف جنيه في السنه ممكن الدوله تتحمل عنها , إنما اللي وصلنا له في مصر مش اسمه تعليم , اسمها مهزله , اسمها مافيا الحصول على شهاده جامعيه من خلال المفرمه !!...........#تحيا_مصر
Mohamed Hussein
5 مايو · تم التعديل
كل الحكايه انه راجل وقف جنبنا وجنب بلدنا هو و رجالته عشان مانروحش في سكة اللي يروح مايرجعش , وإلا كان زمانا بنصطبح بوش صفوت حجازي و نتمسى بوش أم أيمن , كانت أيام سوده الله لا يعيدها .
إنما تسألني يعني هيبقى رئيس عادل ونزيه ومتفتح ومفكر وجهبز وجبار وأمين ...الخ ؟ أقولك والله يا حبيبي أنا لا بقرا الفنجان ولا بوشّوش الدكر ولا بصدق في حكاية أول حرف من اسمك يدل على شخصيتك ولا تاريخ ميلادك يوحي بمكنونات أبعادك الثلاثيه , أهي كلها تخرصات , تخرصاااااااااااااااااات وناس بتصدقها .
كل المطلوب إنه لما يبقى رئيس تفهم إنه بقى مسئول , مسئول مش سائل , حضرتك هيبقى مسماك الوظيفي ( سائل ) و هو مسئول , سأّف له بالراحه وانتقده بعنف , عشان بلدك ومستقبل ولادك أهم , إنما ألاقي بنت كاتبه ( أنا لو اتجوزت السيسي كنت خلفت منه عيل كل 9 شهور عشان أملى البلد رجاله ؟ ) , مممممممممم يا شيخه حرام عليكي , مصر مليانه رجاله زي الفل ( عندك أنا مثلا !! ) , ولّا هو السيسي بس اللي بيعرف يجيب عيال ؟ .
.
!!......................................... يا أمةً ضحكتْ من سهوكتها الأممُ.
Mohamed Hussein
5 مايو
كتابي المقدس
.
جايز أكون غلط , مابفهمش , أحْول ومش شايف , نظرتي للأشياء مش موضوعيه , وجايز لأ , أهي مجرد وجهة نظر وهسيب حضرتك تحكم
.
هنتخب السيسي ( غالبا ) وبحترم حمدين جدا , ولو كنت هنتخب حمدين كنت برضه احترمت السيسي , حكاية الخيانه والتخوين دي مالهاش أي تلاتين لزمه , ولو حمدين فيه حاجات بتدينه يبقى العيب عالنظام الحاكم الحالي وعلى لجنة الإنتخابات إنها قبلت أوراق ترشحه , مش هنغلط نفس الغلطه ونسمح لمرشح هربان من السجن أو مرشح مزور إنه يترشح لمنصب رئيس مصر , حكايه انك بتحب فلان أو مش طايق علان ده عادي ومقبول , جايز مايعجبكشي شخصيه واحد فيهم أو طريقه كلامه , تحسها أوفر وتقوم تنتخب التاني , عادي والله عادي .
.
خد نفس هنا بقى عشان تعرف تكمل البوست , ممكن تشرب سجاره , ولو ماصلتش الضهر قوم صلّي .... البوست مش هيطير .
.
نهايته , في السياسه حاجات كتير بتتغير أولها وأهمها هي قناعاتك الشخصيه في الأشخاص والأحزاب والحركات والحبشتكانات , ممكن نعمل ثورات , نعمل شألباظات أو حتى نمشي عالحيط لكن فيه ثوابت و ثوابتنا ماتتغيرش ( المفروض يعني ) .
.
في رأيي الشخصي وحسب كتابي المقدس فيه 3 ثوابت وبس في مصر , أولا مفيش حاجه اسمها تصالح مع إرهابيين , الحرب عالإرهاب بتبقى فرض عليك , مش عليك كجيش وشرطه , لكن فرض عليك كشعب , مفيش حزب أو حركه سياسيه في أي دوله من اللي بتتشدق بالحريات والديموقراطيه لما ساب الحكم ( لأي سبب كان ) قرر إنه يحرق البلد ويولعها ويخربها مداين , حتى الحزب الوطني الفاسد اللي كان مسيطر على كل مفاصل الدوله لما اتنفخو في ثورة يناير مجابوش سلاح و لمّو بلطجيتهم وقررو يحرقوها ( كانو يقدرو على فكره ) .
.
تاني حاجه في الثوابت هي حدودك وأرضك وتراب بلدك , مش للبيع للغريب حتى لو هنموت من الجوع , وتالت حاجه هي الجيش اللي بيحمي الأرض والعرض , هما دول ال 3 ثوابت باختصار , غير كده تقدر تطيح في أي حد , في أي حزب , في أي حركه أو جماعه , بالمناسبه مصر ماتولدتش على إيد الإخوان و 6 ابريل ولا على إيد السيسي والبرادعي , ولا هتموت بموتهم , شهادة ميلادها منحوته على كل صخره في الوادي وكل شبر من ترابها بس انت مابتعرفش تقرا .
.
ولو يعني شايل من السيسي ومعبّي أوي ممكن تلعن جدود أهله مش مشكله عندي أو تشكر له وانا هجيب لك ( شكّاره ) بالكهربا على حسابي , أقولك على حاجه , إنت ممكن تشتري قطه شيرازي ( نتايه ) وتسمّيها السيسي نكايةً فيه وتقول لأصحابك الأنتيم عالفيس إنك مسمّي القطه بتاعتك عبد الفتاح السيسي عشان هو قطه , هه هه ( ضحكات شريره ) , بس والنبي ماتنساش في المره الجايه لما تشتري أسد ابقى سمّيه خالد على !!.
Mohamed Hussein
4 مايو
وصل بينا الحال إننا نسخر من جيش مصر ومن قدرته على الدخول في حرب حتى لو كانت ضد الصومال !! , جيش مصر اللي متصنف واحد من اكبر 10 جيوش في العالم , جيش مصر اللي جايز يكون أول جيش نظامي في تاريخ البشريه , جيش مصر اللي خاض في تاريخه عدد من الحروب أكتر من عدد سكان قطر , جيش مصر اللي كان بينتصر بشرف و ينهزم بشرف , جيش مصر اللي عمره لا باع ولا خان , ملعون أبو ثوراتكو ( اللي انا شاركت فيها ) اذا كان هو ده التمن , ماعملناش ثوره واستدعينا الجيش يحميها عشان في النهايه نقول ده كده دخل في السياسه و نسخر منه بقى و حتى من قدرته القتاليه , ثورتنا عمرها 3 سنين وجيشنا عمره 7 الاف سنه يا مثقفين الجيل الرابع والتاتش سكرين و الحظاظه والبناطيل السترتش .
Mohamed Hussein
4 مايو
و قالك محتاجين تقويم و تربيه نفسيه !! , هما مين دول يابه الحاج ؟ اللي بيقطعو روس الناس و يلعبو بيها كوره ؟ ولا اللي بيقطعو روسهم ويحطوها في حلّه ويتصورو جنبها كأنهم دابحين جوزين فراخ عالغدا ؟ ولا اللي بقالهم 50 سنه بيجاهدو بإنهم يقتلو شعوبهم تحت اسم محاربة الأمريكان والصهاينه وتحرير ولا مؤاخذه القدس ؟ ولا اللي بيعلّقو طفله مسيحيه على بوابة على شكل صليب ويسيبوها تنزف لحد ماتموت ؟ .
تربيه نفسيه ؟ نفسيه دي تبقى خالتك يامولانا , أنا أقولك ازاي تتعامل مع الإرهابيين ؟ إنت تجيب الإرهابي من دول , وتفرغ أر بي جي في دماغه , وبعدين تنيمه عالرصيف وتفرمه بدبابه رايح جاي و بعدين جركنين بنزين 92 وتولّع فيه , و بعد كده بقى تربيه و تعالجه نفسيا ماقولناش حاجه !!.
.
يتهيألي والله أعلم إن بشار الأسد عرف يلاعب أمريكا صح على أرض سوريا , أمريكا من سنين وهي مش بتحارب بعساكرها وتوسّخ إديها , لا بتحاربنا بناس مننا , ودايما الحل السهل بالنسبالها إنها تحاربنا بالإرهابيين بتوعنا ( المجاهدين ولا مؤاخذه ) , وجايز يكون بشار فهم أصول اللعبه , وحارب أمريكا بنفس سلاحها , أو بمعنى أصح بنفس كلابها !!.
Mohamed Hussein
3 مايو
وانا في اعدادي , كان مابيعديش اسبوعين إلا والاقي نفسي طالع في مسابقه علميه في الإداره التعليميه ( المسابقات اللي بين المدارس ) , مره في المواد الدراسيه ومره في مواد تبع الأخصائي الإجتماعي , واحنا أطفال مابنعرفش نقول لأ أو نقول ليه ؟ , إنما أغرب مسابقه دخلتها كانت في ( خطاب السيد الرئيس ) , خطاب طويل 30 صفحه واتوزع منه نسخه عالمدارس ومطلوب يعملو فيه امتحان عشان يشوفو مدرسة إيه اللي مذاكره خطاب مبارك أفضل من غيرها ؟!!
.
يا الله , يا الللللللللللللله , أتاري إن حكاية اغتصاب عقولنا دي بدأوها من سن مبكره , طبعا مش مبارك اللي قال ال 30 صفحه في خطابه , أكيد خطابه كان صفحتين بالكتير والباقي تحليل ( استرازفت ) من زبالة الصحفيين الكبار أمثال ابراهيم نافع وممتاز القط والأشكال الوسخه دي , بقرف كل ما بفتكر المشهد ده , كنت وقتها مش مدرك , يعني ايه أطفال المدارس يحفظو خطاب الرئيس وتحليل زبالة الكُتّاب حول عظمة وشموخ واهمية أم الخطاب ؟!.
يارب ما يحكم على جيل ولادنا انهم يدخلو مسابقه في خطاب السيد الرئيس أيا كان اسمه , السيسي ولا حمدين ولا البرادعي .
للأسف النماذج اللي بشوفها عالفيس لا تبشر بالخير ( كل التيارات ) , نماذج بتقول باختصار إنهم على أتم استعداد إنهم يغتصبو عقول أطفالهم بحفظ خطاب السيد الرئيس حتى لو كان 30 صفحه .
Mohamed Hussein
3 مايو ·
حزب النور السلفنجي أعلن و بيعلن و هيعلن تأييده للسيسي , نصيحه يا عبفتاح ياخويا , خدها من أخوك الصغنن , قيادات حزب النور هيبقو عازمينك على الغدا في قصر واحد منهم ( فته و لحمه و رز بلبن ) و السلفنجيه الشباب في الشارع مع الخرفان بيحرقو البلد , و لو صدّقت إن القيادات دي لهم أنصار و بيعرفو يمشو كلمتهم على أنصارهم وعملت حسابك على كده تبقى انت أكيد أكيد وانت صغير كنت مغرم ب عبد الحليم وهو بيقول ( ماسك الهوا بإديه ) !!.#تحيا_مصر
Mohamed Hussein
3 مايو
حقيقه علميه مخجله
.
أكتر بوست اتعمل عليه لايك وشير عندي هو الشعر اللي كتبته عن السيسي من كام يوم ( صوتي ليك ) , وبعد اللف و التحري والتفحيص والتمحيص اكتشفت إن اللايك والشير كانو تقريبا كده ممممممممممممم معمولين لصورة السيسي مش للشعر المكتوب , وتعليقات الناس بقى كلها من نوعية ( الله عليك يا سيسي , يا كايدهم يا سيسي , تسلم الأيادي , البطل المصري ) , وانا اصرخ واقول والله يا جدعان فيه شعر مكتوب وانا اللي كتبته مش السيسي , ولا الهوى , والمنصف من الناس يعني كان بياخد أول كلمتين من الشعر ( صوتي ليك ) ويقول ( وانا كمان صوتي ليك يا سيسي يا حبيب قلبي ) ....هاااااااااااااااااااااااااح .
.
انا اتكسرت يا بشر , جوايا حاجه اتكسرت ماعرفشي ايه هي , تقريبا طقم الكاسات .
Mohamed Hussein
3 مايو
الناس اتجننت تقريبا , بينشرو على صفحاتهم إن السيسي قال هنبني مصر وهنشتغل , و حمدين قال محتاجين مساعدة كل ايد مصريه والسيسي سلّم على فلان وحمدين خد علان بالحضن , والسيسي عطس وحمدين هرش في مناخيره , الله عليك يا زعيم , الله عليك يا نسر , هو تقريبا كده أنا القرد الوحيد في كوكب البني أدمين اللي اسمه مصر !!.
إحنا احسن ناس نصنع فرعون , داحنا ممكن نعمل الفرعون من شواشي الدره , لفّ يعني , ولا الحوجه للفرعون المعمول بالماكنه .
Mohamed Hussein
2 مايو
زمان كان يوم الجمعه مرتبط في ذهني بصلاة الجمعه و لحوقي رز معمر في الفرن الطين أبو ( قش ) ونسمع الشيخ الشعراوي و عالم الحيوان وبعد العصر اروح العب كوره في الشارع مع العيال ....... دلوأتي الجمعه في مصر بقت مرتبطه بالإرهاب وولاد الكلب اللي مش بيهمدو و عايزين يحرقو البلد و نقعد نعدّ في الضحايا طول الليل , إحنا عملنا ثوره عشان ولاد الكلب يركبوها و يوم ماينزلو بالعافيه يحرقوها و يحرقونا معاها , محتاج أعمل لنفسي ثوره صغيره ترجعني لأيام زمان .
Mohamed Hussein
2 مايو
وَصْف حاله
نُص حاله
استحاله نروح بلاش
.
اللي عايش بس ميت
واللي فاكر نفسه عاش
واللي ياكل مش بيشبع
واللي شاف النور طشاش
واللي قال يامّه اشتريلي
بس أمّه ( للأمانه ) مامعهاش
.
عايز أأمن في الشوارع
أمشي ويّا بناتي فين ؟
قولّي شارع أي شارع
مش ملغّم بالديابه
أو مقفّل بالكمين ؟
.
يا رئيسها الجاي حاسب
يا رئيسها الجاي
يا سيادة المشير
أيوه حاسب
إوعى تنسى
إحنا رُكّاب السبنسه
و الحساب هيكون عسير .
.
محمد حسين.
8 مايو
البسكوته النحنوحه اللي اسمها ريهام سعيد إمبارح شوفتها بالصدفه جايبه حلقه مع ست عجوزه في مستشفى المجانين , والست تقول لها هاتي فلوس وانا اجيب علبة الوان عشان بحب ارسم وهي تقول لها لأ احنا هنجيب لك علبة الألوان !! .
لو كنت رئيس مصر و في إيدي صلاحيات كنت حكمت عالحيوانه اللي اسمها ريهام سعيد بالإعدام , فيه حاجه اسمها حرمة المرض النفسي يا ولاد الكلب , مرض البني أدم له حرم مش يتذاع عالمشاع , الست العجوزه دي لها حرمه ولها ولاد واحفاد و جيران و أصحاب , رئيس مين ده اللي هيصلح حال أم البلد دي ؟ إذا كنا إحنا نفسنا فقدنا الإحساس و الدم , بنتاجر بأي حاجه تجيب فلوس , بنتاجر بجثث البني أدمين و بنتاجر بمرض البني أدم النفسي وبنتاجر بأدميتنا ذات نفسها , ...ولو طلبت نبيع شرفنا طالما فيه اللي هيدفع التمن بنبيع .
................... أتمنى على وزير الصحه اللي انا مش عارف اسم أهله إنه يحوّل مدير المستشفى للتحقيق و أتمنى شطبه من نقابة الأطباء أو حتى إعدامه .
Mohamed Hussein
8 مايو
معاني الكلمات
.
التديّن هو : إنك تصحى من النوم تصلي الصبح وتبدأ تقذف في المحصنين و المحصنات و تقول فلان ده عر* و علّانه دي شر*** , وبعدين تصلي الضهر وتنزل بازازتين مولوتوف ترميهم على أي عسكري واقف و تصلي العصر وتروح تستلم الأربي جيه بتاعك من الأمير وهاتك يا جهاد وقتل في مخاليق ربنا , بس أهم حاجه أهم حاجه إنك قبل ماتنام تقول أذكار المساء والسهره وتغسل سنانك بسجنال 2 عشان الملايكه لما تجيلك وانت نايم مش تنفر من ريحة بؤك , أصلك مش واخد بالك , أهم حاجه بالنسبه للملايكه هي ريحة البؤ , روح يابني انت ربنا راضي عليك والأسياد كمان راضيين عليك !!.
.
العبقريه هي : إن مراتك تديّك الفين جنيه عشان تدفع قسط المدرسه بتاعة البنت تقوم انت داخل معرض للتحف والأنتيكات , تعجبك شوية كرستالات لونها قرمزي ( قرمزيه اللون يعني ) و تتخيل شكلهم هيبقى روعه لو اتعلقو في النجفه , تقوم شاريهم بالألفين جنيه و تنسى إنك مادفعتش مصاريف المدرسه و إنك ماعندكش نجفه في البيت أساسا !!.
.
الثورجيه هي : إنك تصحى من النوم تشكر لأول واحد يقابلك حتى لو كان اللي مقابلك ده هو أمك اللي مربياك , و تلبس هدومك و تزرّر زرارين بس من القميص من تحت وخلي باقي الزراير مفتوح , أيوه شعر صدرك لازم يبان انت وتامر حسني , وبعدين تقابل الواد جيفارا صاحبك على معادكو , و تنزلو تتظاهرو و تشتمو و تهتفو و بعد ما تخلص المظاهره تبقى تسأل جيفارا صاحبك ( هو احنا كنا نازلين النهارده ليه ؟!! ).
Mohamed Hussein
7 مايو
إنما سؤال لا مؤاخذه واقف في زوري بقاله فتره , الأصدقاء اللي الواحد منهم لما بيكتب بوست بيعمل مينشن ل 50 واحد من أصدقاؤه و بعدين ينزل في أول كومنت يعمل منشن ل 50 واحد تانيين وفي تاني كومنت 50 واحد لحد ما يخلص منشنه لكل الأصدقاء وغالبا بيراجعهم عشان مايكونشي ناسي حد أو حرم حد من المنشنه ولا مؤاخذه , سؤالي بقى لأي صديق بيعمل العمله الهباب دي : هو حضرتك لما بتروح تشتري فازه أو حتى طفاية سجاير جديده عشان تحطها في الرسبشن بتعدّي على كل شقه في العماره وفي العمارات اللي جنبها وتخبّط عليهم شقه شقه و تفرجهم عالفازه بتاعتك الخرافيه السينييه ؟ و لا بتستنى لما حد ييجي بيتك و يشوفها بنفسه ولو عجبته هيعمل لايك قصدي هيقولك ( جميله أوي الفازه دي ) .
.
يا محترم اللي انت بتعمله ده له اسم بالإنجليزي hard sell وحضرتك في الحاله دي بتتساوى مع البنت اللي بتبقى شغاله في سوبرماركت و تلبس بودي محزّق عشان تعجب الزباين و قبلهم صاحب السوبر ماركت طبعا ............ hard sell .
Mohamed Hussein
7 مايو
طارق الزمر ( على قناة الجزيره ) : سيناء أصبحت مجيشه بشكل غير مسبوق ضد السيسي و الجيش المصري وجاهزه للإستقلال عن مصر !! .
الكلام ده على فكره بيسعد الإخوان والبغل القطري جدا , والنحانيح بيضحكو في عبهم لما يسمعوه ( عشان الكسوف بس وكداهون ).
إنما خد ياض يا طارق هقولك على حاجه , زمان سمعت نكته بايخه زي دمك بالظبط , اللي هي بتاعة الناس اللي دخلو النار في الأخره ولقو اللي في النار مبسوطين ومزقططين , وبعدين لما دخلو الباب اتقفل وراهم وقالو العدد كده كامل , ولّع بقى !!.
.
عايز أقولك يا جحش إن يوم ما كلابكو يتجمعو و يتركزو في سينا فدي هتبقى نار جهنم اللي انتو مزقططين بيها , وأسهل حل عند الجيش المصري إنه ساعتها يخلي سينا من سكانها ويدكها دك , يعني يجيب عاليها واطيها , إنما حكاية استقلال سينا دي هتبقى على جثة أخر جندي مصري وأخر فلاح مصري زي حالاتي , قول للكلب اللي بيعلفك انت وخرفان بديعه ( الطاحونه حمره ) , قول له بس كده وهو هيفهم
Mohamed Hussein
7 مايو
و لو قررنا فعلا إننا نعمّر الصحرا وخرج من مصر 10 شباب زي الفل عشان المهمه دي , هتلاقي منهم 2 مؤيدين لحمدين و 3 للسيسي وواحد للبرادعي وو احد اخوان وواحد كاره الكل كليله وواحد مش طايق الهدوم اللي عليه , هيبدأو يشتغلو وبعد كام يوم هنعثر يالصدفه على 10 جثث مجهولة الهويه , وبرامج التوك شو هتقدم حوارات وأيام وليالي و حبشتكانات في محاوله للإجابه عالسؤال ده ( مين اللي قتل الشخص العاشر ؟ ) , مش مهم ال 9 اللي ماتو في الأول إنما مهم أوي مين اللي قتل الشخص العاشر ؟! و نقعد ندوّر ونسأل الشمس و العطش والجوع و السحالي والعقارب جايز نلاقي عندهم إجابه !!.
.................. استقيمو يرحمنا و يرحمكم الله , استقيمو جايز تعمر !! .
Mohamed Hussein
7 مايو
إنما للأمانه يعني , و إحقاقا للحق ( و العقل ) , أي مقارنه بين حوارات السيسي التلفزيونيه وحوارات حمدين هي مقارنه هايفه ومالهاش أساس و ظالمه جدا للسيسي , حمدين بقاله 40 سنه بيلعب سياسه , يعني الحوارات والمؤتمرات واللقاءات و الإجابات النموذجيه دي شغلته وملعبه اللي لعب فيه ألف مره قبل كده , السيسي بقاله 40 سنه بيشتغل في الجيش بعيد عن الحوارات واللقاءات التلفزيونيه , ولو قولتي لي طب علينا بإيه من ده ؟ مانجيب اللي متمرس في السياسه ؟ هقولك برضه غلط , مش ده معيار الحكم ولا الإختيار , وممكن أقلب عليك الترابيزه واقولك ماهو رئيس مصر القادم تحديدا لازم يكون متمرس في حكاية الأمن والإرهاب والسلاح بسبب الوضع الراهن في مصر وعلى حدودها , ماتيجي نعمل مقارنه في الأمن القومي والنواحي العسكريه بين السيسي وحمدين ؟ برضه مقارنه غلط و ظالمه لحمدين .
لغة الكلام و إجادتها و إتقانها مش هي معيار الإختيار في أي شئ ( فلعلّ أحدكم أن يكونَ ألْحنَ بحجته من أخيه ) .
Mohamed Hussein
7 مايو
الكوره طلعت أوت
.
خلاص بقى , خلصنا هزار وفرفشه وألش , والمفروض ندخل في الجد برجلنا اليمين و نقول باسم الله , بقى الراجل اللي اسمه عبفتاح معرفشي ايه كده السيسي هيبقى رئيس مصر , يعني رئيسي ورئيسك ورئيس الكل كليله , ومسئول عن بنتي وعن ابنك و عن كل حاجه في أم البلد دي .
.
شيل يابني الورد والجاتوه والدباديب وكل أدوات المجامله الرقيقه دي وهات الخرزانه من ورا الدولاب , لا ماتخافش , أنا هعرفه غلطه بس , من باب ( الدين النصيحه )
.
أُفرك إيدك يا عبفتاح , أفرك أيدك يا ولد
.
أولا : كلامك عن إن أول زياره لك هتكون للسعوديه ده رائع ورساله شكر وامتنان للمملكه ولدورها في مساعدة مصر في السنين اللي فاتت , لكن مجاملتك للملك عبد الله خرجت عن نطاق الإمتنان ووصلت لمرحلة الإنحناء , كل الإحترام لأهل المملكه وعلى رأسهم جلالة الملك , بس كلامك لا يليق برئيس مصر , كده مافرقتش حاجه عن محمد حسان .
.
ثانيا : فكرتك عن الإمتداد العمراني والخروج من الوادي الضيق والوصول ببعض المحافظات الى شواطئ البحر الأحمر فكره رائعه , لأ دي عبقريه , وده حل جذري لأولادنا واحفادنا , وعايز تريليون جنيه مفيش مشكله , أومال فين المشكله ؟؟؟
.
المشكله يا عبفتاح يا خويا في طريقة تفكيرك لجمع مبلغ التريليون جنيه , انت بالطريقه دي هتقدر تجمع 752 جنيه وتبقى هانت , يعني تريليون ناقص 752 جنيه يبقى مش باقي كتير !! . , مفيش حاجه اسمها المغتربين يساعدو وولاد البلد يربطو الحزام وهات 10 دولار عشان خاطر مصر وهنجيب عربية خضار , ولا عمر البوس لوحده بيجيب عيال ولا الطريقه دي هتجيب لك تريليون جنيه .
.
بص هقولك على فكره ويارب توصلك , المغتربين في الخارج معاهم فلوس ( مدخراتهم يعني ) وفي الداخل ناس كتير معاها فلوس ( مدخرات برضه ) , اعتقادي ان مدخرات المصريين تساوي تريليونات , بس مش هتعرف تاخد مننا حاجه بطريقه هات الأباجوره دي عشان خاطر مصر , أنا نفسي مش هدفع رغم اني عاشق تراب البلد دي , الحل باختصار انك تاخد جزء كبير من مدخرات المصريين في صورة استثمار مش تبرع وهتوصل للتريليون بتاعك بمنتهى السهوله .
.
يعني مثلا : تعمل مشروع قومي معلن للجميع بالتفاصيل عن انشاء 5 مدن جديده في الظهير الصحراوي للقاهره وحتى حدود العين السخنه , بتخطيط مثلا ل 500 ألف قطعه ارض سكنيه بمساحة 500 م للقطعه الواحده , وكل مواطن من حقه قطعة ارض يبني عليها بيت , الإستلام بعد 3 سنين ( خد وقتك في الإستصلاح والتقسيم ) و إدّي للناس صك ملكيه بالارض بضمان الدوله وقول لهم معاد التسليم بعد 3 سنين ولا 5 سنين حتى و سعر القطعه 600 الف مثلا تقسيط على 5 سنين , كده حضرتك بتتكلم في 300 مليار جنيه , ممكن تكرر الفكره بصكوك ملكيه مؤجله لأراضي صحراويه للزراعه بمساحة 30 فدان للقطعه .
.
يعني باختصار , بيع جزء من ارض مصر لأهل مصر وخد منهم مدخراتهم ابني بيها البلد , في الحاله دي هشتري منك عشان الدوله بتضمن حقي ومش مستعجل على الإستلام , يعني تقدر تقول حاجه شبه فكرة الصكوك بس واضحه اكتر .
.
ماتزعلش مني بقى يا عبفتاح ياخويا , إنت غالي صحيح , بس مصر أغلى مني ومنك .
Mohamed Hussein
6 مايو
أكيد حمدين قاعد بيتفرج على الحلقه زيه زينا , و مش بعيد بعد الحلقتين دول يقتنع و يغيّر رأيه و ينتخب السيسي !!.
Mohamed Hussein
6 مايو
أه بالمناسبه , عشان ماتعملشي نفسك مش واخد بالك أو تعمل نفسك من بنها أو تقعد تبص للسقف كأنك بتصطاد العنكبوت بعنيك , المحكمه النهارده أكدت الحكم بمنع قيادات الحزب الوطني من الترشح للبرلمان والمحليات !! , وانت عامل إيه دلوأتي ؟ مش هتخبطنا خطبه عصماء عن عودة مبارك والفلول والديناصورات ؟!.
.
و بعدين حضرتك شايف إن القضاء مسيس وإن السيسي بيصحى كل يوم الصبح يدي تعلماته للقضاه يعدمو فلان ويطلعو علّان براءه ويحطو السيخ المحمي في ودن ترتان , يبقى أكيد السيسي صحي النهارده الصبح وقال للقاضي ماتسمحش لولاد الصرمه بتوع الحزب الوطني من ممارسة الحياه السياسيه ...الله ؟ ده كده يبقى راجل كويس أهو ولا ايه ؟
إنت صعبان عليا والله وانت مبلول كده , عامل شبه الفالنه اللي طارت من عالحبل ووقعت في الترعه , خلاص إطلع بقى , إطلع ياض يا عيد يا مثقف , مش هجيب سيرتك تاني , قلبي الضعيق لا يحتمل .
Mohamed Hussein
6 مايو
إمبارح البت لمار بنتي الصغيره ( 4 سنين ) كانت بتلعب games عالموبايل بتاعي , قمت انا انفعلت وخدته منها عشان هي بتفضل تلعب عليه لحد ما يطفى وبعد كده تسيبه في أي حته وافضل انا بقى أقلب الشقه عليه .
المهم خدت منها الموبايل وحطيته ورا ضهري وانا قاعد عالكنبه ( خبّيته يعني ) وهي بقى زعلت شويه وجت لي بعد 10 دقايق تصالحني و تبوس فيا و تحضني ( يا حبيبي يا بابا... يا حبيبي يا بابا ) , أنا أتأثرت أوي بحضنها ولحقت دمعه بالعافيه كانت هتنزل من عنيا , بس أصريت على موقفي و ماديتهاش الموبايل , وفضلت قاعد بقى اتفرج على عم الحاج عبفتاح السيسي , وانا قايم ببص ورا ضهري عالموبايل مالقيتهوش !! ............................... ممممممممممممممممم أحبيبتي يا بنتي .
Mohamed Hussein
6 مايو
و سألته الست المذيعه : سيادتك اتجوزت مراتك عن حب ولا جواز تقليدي ؟, وكررت السؤال مرتين , ............. هاااااااااااااح.
أتوقع لميس تسأل السيسي النهاره : إيه أخر أعمال سيادتك الفنيه ؟ , وهل ممكن نشوف حضرتك مع عادل امام في فيلم مشترك ؟!
..................................................
مذيعين بياخدو مليون جنيه في الشهر عشان يقرفو أهلنا كل يوم , أو يوم أه ويوم لأ زي حقن الأدينوبلكس .
وبقت القاعده في برامج التوك شو من الإعلامين هي الإستحمار , استحمار أجنبي .
Mohamed Hussein
6 مايو
في الملعب
.
- بينزل لاعب الكوره ويفضل يجري 90 دقيقه لحد ما يتقطع نفسه , يباصي كوره حلوه , يعمل تمريره مكاره ولولبيه , يشوط شوطه معتبره وتيجي في العارضه , مفيش مانع من فاول و رمية تماس .
ده اللي حصل امبارح في لقاء السيسي مع ابراهيم عيسى و لميس الحيزبون , السيسي جري كتير في الملعب وعمل كام تمريره حلوه إنما جاب جون واحد وخلص بيه الماتش بنتيجة واحد صفر.
.
قصة الهدف بتقول باختصار إنه كان قاعد يوم 23 يونيو ودخل عليه قيادي من الجماعه الإرهابيه ( خيرت الشاطر ) , الشاطر قال للسيسي هييجي مجاهدين من افغانستان , من ليبيا , من سوريا وهيحاربوكو !! , والسيسي وهو بيحكي قال لابراهيم عيسى ( وانا من طبعي بخاف !! ) ...هنا كده الحكم صفّر والكوره دي جون بحرفنه كمان .
.
واحد هيسألني ويقولي يا كابتن لطيف إنت واثق أوي في كلام السيسي وحكايته دي ليه ؟ هقول له يابني مش النظريه هي الثقه في كلام السيسي إنما أنا واثق جدا في غباوة الإخوان , الإخوانجي اللي بيلبس جلابيه بيضا وبنطلون ترينج ويحلم بأستاذية العالم هو نفسه اللي لما بيبقى قيادي ممكن يروح لوزير دفاع مصر ( قائد جيش مصر يا مولانا ) ويقول له هنجيب لكو شوية عيال صيّع يحاربوكو وبيبقى عنده اعتقاد ان وزير دفاع مصر هيخاف من العيال الصيّع !!.
.
مزايا اللقاء في 3 نقط تقريبا
.
أولا : إنه ضرب السلفيين شلوت معتبر في أفكارهم ومعتقاداتهم بكلام صريح لا يقبل التأويل , و تكملة جملته اللي ماقالهاش إنه غالبا كده زي حالاتي عايز مؤسسه دينيه واحده تكون مسئوله عن الخطاب الإسلامي في مصر ( الأزهر ) , طب ليه السيسي ضربهم الشلوت ؟ تلاقيه قري البوست بتاعي اللي قلت فيه إن قيادات السلفيين هيعزموه في قصر من قصورهم ويعملو له ( بيعه ) وشباب السلفيين هيبقو في الشارع بيحرقو البلد مع الإخوان , يعني تأييد مالوش أي تلاتين لزمه , ماتنساش الجمايل بتاعتي دي يا حاج عبفتاح , عايز أمسك رئيس تحرير الأهرام بقى .
.
ثانيا : كلامه كان واضح وصارم في التعامل مع الإرهاب و مع التظاهر الغير مقنن , يعني ماتسهوكش ولا باع شعارات فارغه وكدابه , ولا قال : كل م م م م مواطن من ح ح ح قه التظا التظا التظاهر يا يا يا لميس .
.
ثالثا : ودي الأهم بالنسبالي , إن السيسي تخلى عن خطابه النحنوحي بتاع الفتره اللي فاتت , و بطّل أم السهوكه بتاعته , و يتسهوك ليه إذا كان بقى عند بنات مصر فشر عبد الحليم حافظ في زمانه , واهي لعبت معاك يابن المحظوظه .
.
عيوب اللقاء : إن السيسي مش منظم ومرتب في أفكاره عن برنامجه الإنتخابي , مهتم جدا بالأمن وده شئ كويس لكن باقي مشروعه مش مترتب , يعني الحماس عنده بيسبق الترتيب والتنظيم .
.
المحاورين : لميس كانت حيزبونه ومكاره و بتتجنب الإصطدام بالسيسي , وعم ابراهيم كان بيصطدم بس في لحظه معينه بيتثبّت عادي , انا عاذره والله , إذا كنت انا قاعد في دوله تانيه في الأنتريه وبتفرج عالتلفزيون واتثبتت لما السيسي قال ( مش هسمح لك تقول كلمة عسكر تاني ) , الراجل ده له شمخه غريبه يا جدع .
.
أهم العيوب وأكبر الكوارث على الإطلاق : هي برامج التحليل والتوك شوز اللي كانت بتحلل اللقاء , يا دين أمي على كده , أقلب التلفزيون ألاقي واحد بيقول ( واضح إن تربية سيادة المشير العسكريه وشغله في المخابرات أثرت جدا على شخصيته وبشرته و نعومته وخلته هادي ومتزن وعنده ثبات انفعالي في البؤره الثلاثيه ) , أقلب القناه ألاقي واحد تاني بيقول ( عظمة السيسي تكمن في كلماته المحدده التي لا تقبل الشك ورسائله المبطنه الخفيه والتي تسقط على مجرى ماعرفشي ايه فتعمل ايه أثناء تعامد الشمس على أنف الملك ماعرفشي مين ) !!.
.
.................. هل تعلم إن مصر فيها شويه هجّاصين وأفاقين بيطلعو في البرامج أكتر من عدد سكان قطر ؟!!.
Mohamed Hussein
5 مايو ·
حد معاه إبره يا خوانا ؟ عايز أرميها بس في الفيس واشوفها وهي بترن , وفي الأخر يقولو الإنتخابات هتتزور !! , بأمارة ايه ؟ السيسي بيتكلم دلوأتي في التلفزيون والبوست ده لو شافه 10 بس من الأصدقاء عندي يبقى أبو زيد خالي ..... تتزور ليه يا عم الحاج ؟ الراجل بالشكل ده هيجيب نسبة أصوات في الصناديق تدخله صيدله وهو مستريح !!.
Mohamed Hussein
5 مايو
لو كنت هطلب من رئيس مصر القادم أيا ما يكون اسمه , سواء عبد الفتاح ولا السيسي ( مش بتفرق معايا على فكره , بحترم الإتنين !! ) طلب واحد , هقول التعليم يا ريس , مفيش دوله في العالم فيها 17 نوع مدارس , حكومي على خاص على لغات على تجريبي على ناشونال على انترناشونال على ابوهم كلهم اللي مسئولين عن المهزله دي .
وتاني مهزله في موضوع التعليم اسمها مجانية ولا مؤاخذه التعليم , مع إن الأسره المتوسطه في مصر بتدفع عالأقل الف جنيه شهريا دروس خصوصيه ده غير مصاريف المدرسه لو مكانتش حكومي .
.
لحد امتى هنفضل نضحك على بعض بحكاية مجانية التعليم ؟ وفي النهايه يعاني الأب والأم الأمرين في تعليم ولادهم , مش بس في الفلوس , لأ دي حياتهم كلها بتتسخر لخدمة الدروس الخصوصيه , مين الي هيودي البنت الدرس ؟ مين اللي هيجيب الواد ؟ المدرس الفلاني جاي امتى ؟ وطفولة التلاميذ نفسها بتضيع في الشحططه عالسكك والتنطيط في المواصلات , نظام ملخصات بقى في المذاكره عشان مفيش وقت واقلب وكان الله بالسر عليم .
.
الحل يا ريس باختصار , من غير تكلفه تُذكر على الدوله هو تفوير التعليم المصري بالكامل بأنواعه , مطلوب وضع مناهج جديده تماما تواكب المناهج العالميه وتدريب المدرسين على تدريسها , توحيد المدارس في مصر في نوع واحد من المدارس يُلزم الجميع بدخوله , منع الدروس الخصوصيه ( تجريمها ) , وضع حد أدنى لراتب المدرس 3 الاف جنيه مع الزامه بوقت الدراسه تماما , طب هنجيب الفلوس منين ؟ مممممم مننا ياريس , من أولياء الأمور اللي بيدفعو ألف جنيه في الشهر دروس خصوصيه , مصر فيها تقريبا 30 مليون طالب ( مش فاكر الرقم ) لو كل طالب دفع الف جنيه في السنه هتجيب فرق مرتبات المدرسين و تكلفة تطوير المدارس والمناهج , ولما ربنا يسهل والدوله تقف على رجليها تبقى تحافظ على نفس المستوى ده من التعليم وتعمله مجاني وتتحمل الدوله التكلفه .
.
الأسره الغير قادره على دفع الف جنيه في السنه ممكن الدوله تتحمل عنها , إنما اللي وصلنا له في مصر مش اسمه تعليم , اسمها مهزله , اسمها مافيا الحصول على شهاده جامعيه من خلال المفرمه !!...........#تحيا_مصر
Mohamed Hussein
5 مايو · تم التعديل
كل الحكايه انه راجل وقف جنبنا وجنب بلدنا هو و رجالته عشان مانروحش في سكة اللي يروح مايرجعش , وإلا كان زمانا بنصطبح بوش صفوت حجازي و نتمسى بوش أم أيمن , كانت أيام سوده الله لا يعيدها .
إنما تسألني يعني هيبقى رئيس عادل ونزيه ومتفتح ومفكر وجهبز وجبار وأمين ...الخ ؟ أقولك والله يا حبيبي أنا لا بقرا الفنجان ولا بوشّوش الدكر ولا بصدق في حكاية أول حرف من اسمك يدل على شخصيتك ولا تاريخ ميلادك يوحي بمكنونات أبعادك الثلاثيه , أهي كلها تخرصات , تخرصاااااااااااااااااات وناس بتصدقها .
كل المطلوب إنه لما يبقى رئيس تفهم إنه بقى مسئول , مسئول مش سائل , حضرتك هيبقى مسماك الوظيفي ( سائل ) و هو مسئول , سأّف له بالراحه وانتقده بعنف , عشان بلدك ومستقبل ولادك أهم , إنما ألاقي بنت كاتبه ( أنا لو اتجوزت السيسي كنت خلفت منه عيل كل 9 شهور عشان أملى البلد رجاله ؟ ) , مممممممممم يا شيخه حرام عليكي , مصر مليانه رجاله زي الفل ( عندك أنا مثلا !! ) , ولّا هو السيسي بس اللي بيعرف يجيب عيال ؟ .
.
!!......................................... يا أمةً ضحكتْ من سهوكتها الأممُ.
Mohamed Hussein
5 مايو
كتابي المقدس
.
جايز أكون غلط , مابفهمش , أحْول ومش شايف , نظرتي للأشياء مش موضوعيه , وجايز لأ , أهي مجرد وجهة نظر وهسيب حضرتك تحكم
.
هنتخب السيسي ( غالبا ) وبحترم حمدين جدا , ولو كنت هنتخب حمدين كنت برضه احترمت السيسي , حكاية الخيانه والتخوين دي مالهاش أي تلاتين لزمه , ولو حمدين فيه حاجات بتدينه يبقى العيب عالنظام الحاكم الحالي وعلى لجنة الإنتخابات إنها قبلت أوراق ترشحه , مش هنغلط نفس الغلطه ونسمح لمرشح هربان من السجن أو مرشح مزور إنه يترشح لمنصب رئيس مصر , حكايه انك بتحب فلان أو مش طايق علان ده عادي ومقبول , جايز مايعجبكشي شخصيه واحد فيهم أو طريقه كلامه , تحسها أوفر وتقوم تنتخب التاني , عادي والله عادي .
.
خد نفس هنا بقى عشان تعرف تكمل البوست , ممكن تشرب سجاره , ولو ماصلتش الضهر قوم صلّي .... البوست مش هيطير .
.
نهايته , في السياسه حاجات كتير بتتغير أولها وأهمها هي قناعاتك الشخصيه في الأشخاص والأحزاب والحركات والحبشتكانات , ممكن نعمل ثورات , نعمل شألباظات أو حتى نمشي عالحيط لكن فيه ثوابت و ثوابتنا ماتتغيرش ( المفروض يعني ) .
.
في رأيي الشخصي وحسب كتابي المقدس فيه 3 ثوابت وبس في مصر , أولا مفيش حاجه اسمها تصالح مع إرهابيين , الحرب عالإرهاب بتبقى فرض عليك , مش عليك كجيش وشرطه , لكن فرض عليك كشعب , مفيش حزب أو حركه سياسيه في أي دوله من اللي بتتشدق بالحريات والديموقراطيه لما ساب الحكم ( لأي سبب كان ) قرر إنه يحرق البلد ويولعها ويخربها مداين , حتى الحزب الوطني الفاسد اللي كان مسيطر على كل مفاصل الدوله لما اتنفخو في ثورة يناير مجابوش سلاح و لمّو بلطجيتهم وقررو يحرقوها ( كانو يقدرو على فكره ) .
.
تاني حاجه في الثوابت هي حدودك وأرضك وتراب بلدك , مش للبيع للغريب حتى لو هنموت من الجوع , وتالت حاجه هي الجيش اللي بيحمي الأرض والعرض , هما دول ال 3 ثوابت باختصار , غير كده تقدر تطيح في أي حد , في أي حزب , في أي حركه أو جماعه , بالمناسبه مصر ماتولدتش على إيد الإخوان و 6 ابريل ولا على إيد السيسي والبرادعي , ولا هتموت بموتهم , شهادة ميلادها منحوته على كل صخره في الوادي وكل شبر من ترابها بس انت مابتعرفش تقرا .
.
ولو يعني شايل من السيسي ومعبّي أوي ممكن تلعن جدود أهله مش مشكله عندي أو تشكر له وانا هجيب لك ( شكّاره ) بالكهربا على حسابي , أقولك على حاجه , إنت ممكن تشتري قطه شيرازي ( نتايه ) وتسمّيها السيسي نكايةً فيه وتقول لأصحابك الأنتيم عالفيس إنك مسمّي القطه بتاعتك عبد الفتاح السيسي عشان هو قطه , هه هه ( ضحكات شريره ) , بس والنبي ماتنساش في المره الجايه لما تشتري أسد ابقى سمّيه خالد على !!.
Mohamed Hussein
4 مايو
وصل بينا الحال إننا نسخر من جيش مصر ومن قدرته على الدخول في حرب حتى لو كانت ضد الصومال !! , جيش مصر اللي متصنف واحد من اكبر 10 جيوش في العالم , جيش مصر اللي جايز يكون أول جيش نظامي في تاريخ البشريه , جيش مصر اللي خاض في تاريخه عدد من الحروب أكتر من عدد سكان قطر , جيش مصر اللي كان بينتصر بشرف و ينهزم بشرف , جيش مصر اللي عمره لا باع ولا خان , ملعون أبو ثوراتكو ( اللي انا شاركت فيها ) اذا كان هو ده التمن , ماعملناش ثوره واستدعينا الجيش يحميها عشان في النهايه نقول ده كده دخل في السياسه و نسخر منه بقى و حتى من قدرته القتاليه , ثورتنا عمرها 3 سنين وجيشنا عمره 7 الاف سنه يا مثقفين الجيل الرابع والتاتش سكرين و الحظاظه والبناطيل السترتش .
Mohamed Hussein
4 مايو
و قالك محتاجين تقويم و تربيه نفسيه !! , هما مين دول يابه الحاج ؟ اللي بيقطعو روس الناس و يلعبو بيها كوره ؟ ولا اللي بيقطعو روسهم ويحطوها في حلّه ويتصورو جنبها كأنهم دابحين جوزين فراخ عالغدا ؟ ولا اللي بقالهم 50 سنه بيجاهدو بإنهم يقتلو شعوبهم تحت اسم محاربة الأمريكان والصهاينه وتحرير ولا مؤاخذه القدس ؟ ولا اللي بيعلّقو طفله مسيحيه على بوابة على شكل صليب ويسيبوها تنزف لحد ماتموت ؟ .
تربيه نفسيه ؟ نفسيه دي تبقى خالتك يامولانا , أنا أقولك ازاي تتعامل مع الإرهابيين ؟ إنت تجيب الإرهابي من دول , وتفرغ أر بي جي في دماغه , وبعدين تنيمه عالرصيف وتفرمه بدبابه رايح جاي و بعدين جركنين بنزين 92 وتولّع فيه , و بعد كده بقى تربيه و تعالجه نفسيا ماقولناش حاجه !!.
.
يتهيألي والله أعلم إن بشار الأسد عرف يلاعب أمريكا صح على أرض سوريا , أمريكا من سنين وهي مش بتحارب بعساكرها وتوسّخ إديها , لا بتحاربنا بناس مننا , ودايما الحل السهل بالنسبالها إنها تحاربنا بالإرهابيين بتوعنا ( المجاهدين ولا مؤاخذه ) , وجايز يكون بشار فهم أصول اللعبه , وحارب أمريكا بنفس سلاحها , أو بمعنى أصح بنفس كلابها !!.
Mohamed Hussein
3 مايو
وانا في اعدادي , كان مابيعديش اسبوعين إلا والاقي نفسي طالع في مسابقه علميه في الإداره التعليميه ( المسابقات اللي بين المدارس ) , مره في المواد الدراسيه ومره في مواد تبع الأخصائي الإجتماعي , واحنا أطفال مابنعرفش نقول لأ أو نقول ليه ؟ , إنما أغرب مسابقه دخلتها كانت في ( خطاب السيد الرئيس ) , خطاب طويل 30 صفحه واتوزع منه نسخه عالمدارس ومطلوب يعملو فيه امتحان عشان يشوفو مدرسة إيه اللي مذاكره خطاب مبارك أفضل من غيرها ؟!!
.
يا الله , يا الللللللللللللله , أتاري إن حكاية اغتصاب عقولنا دي بدأوها من سن مبكره , طبعا مش مبارك اللي قال ال 30 صفحه في خطابه , أكيد خطابه كان صفحتين بالكتير والباقي تحليل ( استرازفت ) من زبالة الصحفيين الكبار أمثال ابراهيم نافع وممتاز القط والأشكال الوسخه دي , بقرف كل ما بفتكر المشهد ده , كنت وقتها مش مدرك , يعني ايه أطفال المدارس يحفظو خطاب الرئيس وتحليل زبالة الكُتّاب حول عظمة وشموخ واهمية أم الخطاب ؟!.
يارب ما يحكم على جيل ولادنا انهم يدخلو مسابقه في خطاب السيد الرئيس أيا كان اسمه , السيسي ولا حمدين ولا البرادعي .
للأسف النماذج اللي بشوفها عالفيس لا تبشر بالخير ( كل التيارات ) , نماذج بتقول باختصار إنهم على أتم استعداد إنهم يغتصبو عقول أطفالهم بحفظ خطاب السيد الرئيس حتى لو كان 30 صفحه .
Mohamed Hussein
3 مايو ·
حزب النور السلفنجي أعلن و بيعلن و هيعلن تأييده للسيسي , نصيحه يا عبفتاح ياخويا , خدها من أخوك الصغنن , قيادات حزب النور هيبقو عازمينك على الغدا في قصر واحد منهم ( فته و لحمه و رز بلبن ) و السلفنجيه الشباب في الشارع مع الخرفان بيحرقو البلد , و لو صدّقت إن القيادات دي لهم أنصار و بيعرفو يمشو كلمتهم على أنصارهم وعملت حسابك على كده تبقى انت أكيد أكيد وانت صغير كنت مغرم ب عبد الحليم وهو بيقول ( ماسك الهوا بإديه ) !!.#تحيا_مصر
Mohamed Hussein
3 مايو
حقيقه علميه مخجله
.
أكتر بوست اتعمل عليه لايك وشير عندي هو الشعر اللي كتبته عن السيسي من كام يوم ( صوتي ليك ) , وبعد اللف و التحري والتفحيص والتمحيص اكتشفت إن اللايك والشير كانو تقريبا كده ممممممممممممم معمولين لصورة السيسي مش للشعر المكتوب , وتعليقات الناس بقى كلها من نوعية ( الله عليك يا سيسي , يا كايدهم يا سيسي , تسلم الأيادي , البطل المصري ) , وانا اصرخ واقول والله يا جدعان فيه شعر مكتوب وانا اللي كتبته مش السيسي , ولا الهوى , والمنصف من الناس يعني كان بياخد أول كلمتين من الشعر ( صوتي ليك ) ويقول ( وانا كمان صوتي ليك يا سيسي يا حبيب قلبي ) ....هاااااااااااااااااااااااااح .
.
انا اتكسرت يا بشر , جوايا حاجه اتكسرت ماعرفشي ايه هي , تقريبا طقم الكاسات .
Mohamed Hussein
3 مايو
الناس اتجننت تقريبا , بينشرو على صفحاتهم إن السيسي قال هنبني مصر وهنشتغل , و حمدين قال محتاجين مساعدة كل ايد مصريه والسيسي سلّم على فلان وحمدين خد علان بالحضن , والسيسي عطس وحمدين هرش في مناخيره , الله عليك يا زعيم , الله عليك يا نسر , هو تقريبا كده أنا القرد الوحيد في كوكب البني أدمين اللي اسمه مصر !!.
إحنا احسن ناس نصنع فرعون , داحنا ممكن نعمل الفرعون من شواشي الدره , لفّ يعني , ولا الحوجه للفرعون المعمول بالماكنه .
Mohamed Hussein
2 مايو
زمان كان يوم الجمعه مرتبط في ذهني بصلاة الجمعه و لحوقي رز معمر في الفرن الطين أبو ( قش ) ونسمع الشيخ الشعراوي و عالم الحيوان وبعد العصر اروح العب كوره في الشارع مع العيال ....... دلوأتي الجمعه في مصر بقت مرتبطه بالإرهاب وولاد الكلب اللي مش بيهمدو و عايزين يحرقو البلد و نقعد نعدّ في الضحايا طول الليل , إحنا عملنا ثوره عشان ولاد الكلب يركبوها و يوم ماينزلو بالعافيه يحرقوها و يحرقونا معاها , محتاج أعمل لنفسي ثوره صغيره ترجعني لأيام زمان .
Mohamed Hussein
2 مايو
وَصْف حاله
نُص حاله
استحاله نروح بلاش
.
اللي عايش بس ميت
واللي فاكر نفسه عاش
واللي ياكل مش بيشبع
واللي شاف النور طشاش
واللي قال يامّه اشتريلي
بس أمّه ( للأمانه ) مامعهاش
.
عايز أأمن في الشوارع
أمشي ويّا بناتي فين ؟
قولّي شارع أي شارع
مش ملغّم بالديابه
أو مقفّل بالكمين ؟
.
يا رئيسها الجاي حاسب
يا رئيسها الجاي
يا سيادة المشير
أيوه حاسب
إوعى تنسى
إحنا رُكّاب السبنسه
و الحساب هيكون عسير .
.
محمد حسين.
ليست هناك تعليقات:
إرسال تعليق