لو
كان نيوتن أو توماس إديسون مصريين ، كنت هتلاقيهم بيعايرونا باكتشافتهم ،
نيوتن علي سبيل المثال كان هيقول : أنا اللي اكتشفت الجاذبية الأرضية ياحوش
، وأديسون كان هيقول : كنتوا هتشوفوا ازاي في الضلمة ياشعب معفن. ولنا ف
مجدي عبد الغني -اللي جاب جون يتيم ولسه بيعايرنا بيه - خير مثال
#شعب_كياد_بطبعه |
إذا كان ( مصطفي بكري ) بالدف ضارب ، ف(مصطفي حسين ) هو صاحب الكباريه كله.
|
واحد
كاتب : لولا الفرص اللي غانا ضيعتها ، كانت هتبقي هزيمتنا هزيمة تاريخية
....أومال الأوبح اللي إحنا شلناه ده تسميه إيه يابو الكباتن : هزيمة
جغرافية؟!!
|
من وحي أفلام العيد:
لأن المنتخب الغاني إمبارح كان عامل زي القطر المجري ، فكان طبيعي إنه يكتسح منتخب مصر اللي كان زي القطر(القشاش) ، وكان بعيد تماما عن مستواه ومالعبش حتي ب (8%) من قدراته، فكانت شبكة أكرامي زي( عش البلبل) ،وده اللي خلي برادلي يتعجب من مستوي لعيبته الفرافير وكان لسان حاله بيقول( هاتولي راجل). |
الفوائد الستة لهزيمة مصر بالستة:-
1-زى ما العيد الكبير فرصة عشان يحس الغنى بالفقير ، الماتش كان فرصة ان الاهلاوى يحس بمرارة الزملكاوى لما اتهرسوا 6 -1 فى الماتش الشهير. 2- ابو تريكة ومحمد صلاح دخلوا موسوعة جينيس امبارح ، كأكتر اتنين لاعيبة سنتروا فى ماتش واحد ( 7 مرات ). 3-الهزيمة بتعنى ان احنا هنترحم من الزيطة وحفلات النفاق والتطبيل اللى كان هيعملها كباتن من نوعية شلبوكا وشوبير والغندور. 4- تشجيع الاخوان لغانا وفرحتهم بهزيمة مصر ، أكدت نظرتهم ومفهومهم للوطنيه ...هما شعب واحنا شعب فعلاً. 5- لو مصر كانت فازت كان الاستاذ مصطفى كامل هيفقعنا أوبريت جديد واحنا اتهرينا تسلم الايادى ...مش ناقصين الصراحة. 6-المستحيلات فى مصر بقوا خمسه :- الغول والعنقاء والخل الوفى ...وان مرسى يرجع، وان احنا نوصل كاس العالم. |
بيقولك
عملوا احصائية اكتشفوا إن 70% من الشعب المصري بيستخدم جملة ( إن شاء
الله) بمعني "لا"، و 81% بيستخدموا جملة ( ربنا يسهل) بمعني ( مش هيحصل
طبعا) ،وده بيرجع ف رأيي لإن الشعب بتاعنا ما بيرضاش يحرج اللي قدامه
ويصدمه، فبيلجأ لصيغة دينية يهرب بيها من المواجهة ويكذب باستخدام الدين،
وده طبعا بيؤكد
#أسطورة_الشعب_المتدين_بطبعه |
ربما
لو عاش ( تشارلز داروين ) في زمننا هذا وشاهد (تامر أمين ) في برنامج ساعة
مصرية ثم شاهد ( تامر هجرس) بأحد الأفلام ، ربما كان يغير نظريته من (
الانسان أصله قرد) لتصبح ( الإنسان أصله بيض).
|
مناقشات
المصريين في تعليقاتهم علي بوستات الفيس بوك غاية في الغرابه، معظم
الكومنتات بيبقي مالهاش علاقة بموضوع البوست الأصلي ، بيدخلوا ف مواضيع
فرعية وكل واحد بيبقي متمسك بوجهة نظرة ، و مستحيل يحاول يغيرها ، زي
بالظبط لو واحد كتب : خالي من الكوليسترول ، هتلاقي واحد كاتب كومنت : وأنا
عمي من طنطا.
|
الطريق إلي الجحيم مفروش بالنوايا الحسنة- جون كرايمر 1865
الطريق إلي الكفتة مفروش بالبقدونس - المعلم أبو فتفت-شارع مولد النبي -الزقازيق-2013 |
الأحرار يناضلون من أجل الحرية ، أما المفاجيع يناضلون من أجل تحسين شروط طشة الملوخية.
-الشيف شربيني لوثر كينج |
لا تجعل الهموم والمشاكل سببا في عدم استمتاعك بالحياة ، فالحياة أقصر بكثير من جدو حازم الببلاوي.
صيغة
( أفعل من ) من الصيغ اللى خدت حقها فى اللغة العربية، بيستخدموها للتفضيل
، يعنى هتلاقى جمل كتير زى :- أكذب من مسيلمة -أغزل من إمرئ القيس - أجود
من حاتم - أذكى من إياس - أبصر من زرقاء اليمامة .
لو استخدمنا الصيغة دى على شخصيات مصرية معاصرة هتكون كده:- أهطل من مرسى - أجبن من صفوت - أسقع من العريان - أقصر من الببلاوى - أسكت من عدلى . |
ليست هناك تعليقات:
إرسال تعليق