Mohamed Hussein
15 مايو
من أقوال أينشتاين
.
إنني أخشى من اليوم الذي تحل فيه التكنولوجيا محل التفاعل البشري, عندئذٍ سيجني العالم جيلاً من الحمقى !!.
.
.............. مممممممم أينشتاين بيلقّح كلام علينا يا رجاله , بس معاه حق .
أه بقى لو كان لسه عايش لحد دلوأتي و عنده اكاونت عالفيس , كان زمانه اتلعن سلسفيل أهله و اتشتم بالأب والأم واتعمل له بلوك من ملايين ( المثقفين ) المصريين .
.
قال جيل من الحمقى قال !! , تقصد مين انت ياض انت ياض انت ياض ؟ انت ابن مين في ألمانيا ياض ؟ أبوك كان قائد طابيه ؟ طب أمك كانت بياعة بليله ؟ طب خالد على يقرب لك ولا حاجه واحنا مانعرفش ؟ تبقى انت اللي جاهل و أحمق وماعندكش سوشيال بوليتيكال انتيليجينس و تلاقيك فلول كمان و مابتعرفش تقول ( تخرّصات ) .
Mohamed Hussein
15 مايو
نفسي أجي من ورا الدنيا كده وامسكها على سهوه من ياقة البلوزه و اقوم قايل لها في ودنها اليمين ( إنتي بتعملي فينا كده ليه ؟ هه ؟ بتعملي فينا كده ليه ؟ tell me ? , عاجبك حالك و حالنا كده ؟ ) , واقوم رازعها قلمين واطلع اجري زي العيال .
Mohamed Hussein
15 مايو
بدء تصويت المصريين بالخارج , للأسف مفيش قنصليه في الدمام ولا الخبر ولا سفاره ولا حتى كشك عيش عليه علم مصر عشان اروح اصوت فيه .
.
أنصار السيسي وحمدين مش هيقلو بإذن الله عن ال 25 مليون اللي صوتو في جولة الإعاده بين مرسي وشفيق , دي توقعاتي , ساعتها هتعرف ان الإخوان على بهاليل ابو الفتوح على دراويش 6 ابريل على النحانيح والكولجيه هما مجرد صفر عالشمال في المعادله السياسيه في الشارع ( يعني ظاهره صوتيه حنجوريه ) , مفيش زيت ولا سكر ولا حد قال اللي هينتخب السيسي هيدخل الجنه ولا اللي هينتخب حمدين هياخد فيلا دورين في الفردوس الأعلى , فيه شعب نازل يصوت بكامل ارادته ويختار .
.
اتوقع فوز السيسي ب 60 % , يعني 15 مليون صوت و حمدين 10 مليون , ولو حصل و توقعي كان سليم هتبقى اكبر و أوّل حماقه يرتكبها السيسي وانصاره إنهم يدخلو قصر الرئاسه و هما ناسيين ان فيه مرشح رئاسي خد 10 مليون صوت انتخابي مصري شريف , يعني له 10 مليون مؤيد في مصر يحق لهم التصويت , يعني 20 مليون من اجمالي الشعب المصري ............ ساعتها بس هنرجع لنقطة الصفر وجايز تحت الصفر !!.
Mohamed Hussein
14 مايو
حركة 6 لا مؤاخذه إبريل تعلن عدم اعترافها بنتائج الإنتخابات الرئاسيه القادمه في مصر !! ..... , وانا أعلن عدم اعترافي بحركة 6 إبريل أساسا .
.
بص يا حاج , عشان انت مش أذكى خواتك , الحكايه باختصار إن مصر حاليا فيها 3 اختيارات ولازم تكون في واحد منهم , مفيش اختيار رابع , إما انك تبقى انسان محترم وعلى راسي من فوق و تنزل تنتخب السيسي أو تبقى انسان محترم وعلى راسي من فوق و تنزل تنتخب حمدين والإختيار التالت إنك تبقى في حلف الإرهاب ( الإخوان بقى على مصر القويه على أيمن نور على 6 إبريل على وثيقة بروكسل على الجزيره و حماس على ابوهم لابو اللي جابهم ) .
............ دور الديب السحليوي المكار ده مابقاش يخيل على حد , حدد بقى إختيارك و ورّينا قرارك .
Mohamed Hussein
14 مايو
عاده مصريه أصيله
.
كل أب مصري وهو بيذاكر مع ولاده أو بيشجعهم على المذاكره لازم يقول لهم الجمله دي ( على فكره وانا أدّك كده كنت بطلع الأول عالمدرسه ) , كل أم مصريه بتقول لولادها أنا كنت بطلع الأولى عالمدرسه , عبد الصمد أفندي والست حرمه كانو بيطلعو الأول عالمدرسه , والدكتور فلان و مراته الباشمهندزه والمعلم عكوه الجزار والمعلمه مراته , والأستاذ خلف المحامي والست حرمه و سيد جمعه المحاسب وابراهيم جمعه الصيدلي و وائل جمعه بتاع الكوره و مصطفى جمعه العاطل و على جمعه المفتي والمستشار جمعه اللي قريبنا من بعيد كلهم كانو بيطلعو الأول عالمدرسه , حتى أبويا الله يرحمه كان بيطلع الأول عالمدرسه مع إنه مراحشي مدارس في حياته ولا عتّبها .
و تلف مصر بقى من شرقها لغربها لفوقها لتحتها عشان تعرف السر الفرعوني الأزلي ومش هتعرف أبدا : مين اللي كان بيطلع التاني ؟!!.
Mohamed Hussein
14 مايو
جماعة بوكو حرام النيجيريه ( جماعة أهل السنه للدعوه والجهاد ) خطفت أطفال بنات واحتجزتهم عندها وبتطالب باطلاق سراح ناس منهم مقابل الإفراج عن الأطفال !! وطبعا هدفها المعلن هو تطبيق شرع الله , و قبلها جماعة الإخوان المسلمين ( تربيه .. دعوه .. جهاد ) حرقت و قتلت ونصبت ورفعت وبرضه تطبيق شرع الله , وريهام سعيد عملت برنامج مع دكتوره ملحده , ممممممممممم يالله بقى , اللي مألحدش بسبب الإخوان وتصرفاتهم جاتله فرصه يلحد بسبب بوكو حرام وتصرفاتها , واللي فلت من دي ودي يبقى أكيد أعلن الحاده امبارح بعد ما شاف ريهام سعيد .
.......... الحمد لله على نعمة الإيمان , وكفى بها نعمه .
Mohamed Hussein
14 مايو
مرتضي منصور بيقول إن عصام الحضري كان قافل المرمى بتاعه بالسحر !! , تصدق أنا كرهت الكوره واللي كوّرها و عملها كرويه بالشكل ده ؟ , أهو مرتضى منصور بقى يبقى رئيس النادي اللي بشجعه وكان عايز يبقى رئيس الدوله اللي بشجعها برضه , واحنا الزملكاويه كده منحوسين من يومنا , لا مش أغبيا , الزملكاوي عمره ما كان غبي بس دايما منحوس , والمثل عندنا في البلد بيقول : قيراط نحس ولا فدان غباوه !!.
Mohamed Hussein
13 مايو
السيسي لحد النهارده وهو لسه مابقاش رئيس بس لم شوية عبايات صوف على جواكت جلد طبيعي معتبره , هدايا من شيوخ القبايل المصريه ( الجاكت من شيخ قبلية روسيا ) , يعني الواحد لو كان اترشح للرئاسه كان زمانه لم كسوه تكفيه 20 سنه جايين , ومش بعيد تكون فيه قبائل بتهادي مرشحين الرئاسه بتلاجه 22 قدم نو فروست أو طقم صيني , يعني كنت عرفت أجهّز البنتين في ترشيحه واحده , وايه المشكله يعني وابقى انسحب قبل الإنتخابات بيوم و اقول ( أصل الإنتخابات هتتزوّر زي ما قال خالد علي ) , يعني هما شيوخ القبائل هيبعتو مناديب ساعتها وياخدو الهدايا و طقم الصيني ؟!.
Mohamed Hussein
13 مايو
عايز أقول لكل زبون مانعرفشي اسمه ولا شكله , بييجي الصيدليه عشان يشتري علبة دوا ب 3 ريال و يجيب معاه 4 صحابه ويعملو باللو قبل ما يشتروها , عايز أقول له : إنت غلطان كده يا معلم , ده المثل بيقول في التأني السلامه , المفروض المره الجايه تجيب معاك محامي يكون عُقر وسمسار يكون بيفهم كويس في الأدويه و تصور العلبه كذا صوره من فوق ومن الجنب و تروح البيت تفرّج مراتك عليها وتاخدو و تدو مع بعض في الكلام , لا خاب من استشار , مش جايز ما يعجبهاش اللون ولّا الكورنيشه اللي في الجنب دي ؟!.
Mohamed Hussein
13 مايو
هو الراجل مهاتير محمد ماكررش زيارته لمصر بعد المره اللي جه فيها السنه اللي فاتت ليه ؟ أكيد يعني مايكون قعد مع مرسي وقيادات الإخوان و حكو له عن طائر النهضه أبو جناحين و مؤخره قام الراجل باض من كلامهم وحلف ما هو راجع مصر تاني .
Mohamed Hussein
13 مايو ·
من كام يوم كده وانا بتجيلي طلبات صداقه من أكاونتات من نوعية (ذات الصديق الواحد ) , يعني اكاونت فيه صديق واحد , اللي هو صاحب الأكاونت ( المعلم صاحب القهوه ) , و معمول من يوم ولا من كذا ساعه , مممممممم يابني اعمل أي حاجه أدّيك عليها درجه , إعمل أي حاجه عشان اقبل طلب الصداقه , أنا بغشّشك اهو , يعني اعمل الحساب قبلها باسبوعين تلاته , ولا ضيف 15 واحد من أصدقائي الأول , ولا اتشقلب في إزازة بيره وانشر بوست عن علاقتك بستات في سن الضياع ( يعني جيل صباح وناديه الجندي وانت طالع ) أو حط صوره لنادر بكار أو كيم كارديشان , أي حاجه تطمني من ناحيتك .
Mohamed Hussein
13 مايو ·
إمبارح روحت البيت وانا سايب الفيس كويس وزي الفل , جيت النهارده لقيته كله قالب حب و غزل وعشق وهيام ودباديب , هو فيه إيه ؟ النهارده لا عيد الحب المصري ولا عيد الحب العالمي ولا حتى عيد العمال ؟ تكونشي صباح ماتت ؟ لأ لسه عايشه و هتتخطب قريب , وناديه الجندي هتمثل من تاني , أومال إيه السبب طيب ؟ يكونشي السيسي نجح في الإنتخابات و دخل القصر برجله اليمين عشان كده البنات قلبوها دباديب وبولوبيف ؟ هو انا طوّلت في النوم أوي كده ؟!.
.
على سيرة السيسي بقى , بيقولو إن الحاج عبفتاح في لقاءه التلفزيوني الأخير قال : ( لن تهدد دولة عربية وجيش مصر موجود وإذا كان هناك تهديد لأى من الاشقاء العرب فسوف تجدونا " مسافة السكة " موجودين ).
الكلام ده معناه باختصار عوده مصر لعمقها العربي من جديد ( الخليجي على وجه الخصوص ) , أصلك مش واخد بالك منطقة الشرق الأوسط دي فيها 3 دول كبار ( غير الكيان الصهيوني ) , اللي هما مصر وإيران وتركيا , إيران اللي هي دولة فارس لسه عندها الجينات الإستعماريه ونفس الشئ عند تركيا ( الدوله العثمانيه ) , و محدش هيعرف يقف لهم غير مصر , في ال 10 سنين اللي فاتو قبل الثوره كانت مصر دابت في بؤ مبارك و ابنه و مراته الحيزبون زي حتة الحلاوه النيفا ( غزل البنات ) بس الحمد لله عرفنا نرجعها من تاني , وإجمالا يعني بيبقى قدامنا اختيار من اتنين طول الوقت , يا تبقى كبير أوي يا تبقى صغير أوي , يا إما نقف لتركيا وإيران راس براس يا إما نستنى تهديدات واستعراض عسكري ب ال 7 عربيات نص نقل بتوع حماس !!.
Mohamed Hussein
12 مايو
مشتاقين للزرعه
و الإيد و العمل
مشتاقين نزرع أمل
نحصد أمل
.
يا مصري خابت زرعتك
أوِّل ما تاهت سكِّتك
بين الرجول
.
لا شرقي
جايلك بالحِفان
من غير تمن
ولا غربي
راجل كان أمين
أو يُؤتمن .
.
أرضك و عرضك
و اللي يجلجل
في السما صوتك
يسمع غُناك الطير
و الرابِعه من غير
تبقى عيشتك
بالمناسبه
.....زي موتك !!
.
في قلبي حمام
بيتعايق بجنسيه
بنيت لحمامي بنِّيه
و قلت أزرع جناين تين
واغنّي لنيلها واسمعها
و طول ما إديا دول شابكين
في إيد محبوبه مصريه
هنزرعها
يمين الله هنزرعها .
.
.
محمد حسين
Mohamed Hussein
12 مايو
ذكريات من زمن الفن الجميل !!.
.
يُحكى أن وزير الإعلام المصري كان اسمه في يوم من الأيام صلاح و بيدلّعوه و يقولو له يا متولى , روح ياد يا متولي تعالى ياد يا متولي , وفي يوم من الأيام قام عمك الحاج صلاح اللي هو في الأصل متولي قال للمذيعه ( ابقى تعالي وانا اقولك فين ؟) بعدها بيومين عمل حوار مع مذيعه تانيه و لجل حظه الهباب كانت لابسه احمر شفتشي , قال لها مش عايز الأسئله تبقى سخنه زيك كده , ولولا ستر ربنا كنا طلعناه من الاستوديو ملفوف بملايه , أه و عهد الله , والحكايه باختصار ان متولي تقريبا مكانشي شاف ستات قبل كده ( ولا شاف بعد كده ) .
...........
تقول الأسطوره بقى إن الإخوان عندهم كودار والدليل متولي !!.
Mohamed Hussein
12 مايو ·
لله في خلقه شئون , أو جايز أنا اللي مجنون , كل ما بفتكر ان رمضان على الأبواب و إني وقتها هكون في مصر بإذن الله بفرح أوي , بحب اعمل حاجات كتير في رمضان بالاضافه طبعا لصلاة التراويح و قراءة القرأن و جمع الطوابع ( الإجابه النموذجيه )!! .
.
يعني مثلا بحب جدا في رمضان إني أسافر من القاهره للبلد قبل المغرب بساعتين والمغرب يأدن عليا في ميت غمر مثلا أو أجا , والاقي الناس الغلابه الطيبين واقفين وقت الادان عالطريق يوقّفو اللي رايح واللي جاي و يفطّروه , اللي معاه فلوس منهم بيعمل مائده جنب الطريق , واللي معاه فلوس أقل بيعمل أكياس فيها عصير وبلحتين وازازة مايه , واللي مامعهوش خالص بيعبي شوية مايه في أكياس بلاستيك ويحطها في التلاتجه تسقع ويطلع بيها عالطريق .... أهو المشهد ده اسمه باختصار ( مصر الجميله الطيبه ) .
.
مش كتير اللي شايفين مصر كده ........... ( إنها لا تعمى الأبصار ولكن تعمى القلوب التي في الصدور ).
Mohamed Hussein
12 مايو
و قالك يا سيدي : الإمارات تقيم كنائس للنصارى بأموال المسلمين وبملكية وزارة الأوقاف !!.
طبعا لو قطر اللي عملت كده كان طلع القرضاوي في خطبه عصماء يمتدح الإنفتاح القطري على الديانات و الأعراق و الحبشتكانات .
إنما حلوه أوي حكاية الإمارات بتبني كنائس من أموال المسلمين , ده على اساس إن الجوامع اللي بتتبي في أمريكا وأوروبا بتتبني بأموال الهكسوس ؟!
.
اللي حصل في الكام سنه اللي فاتو إننا خلطنا الدين بالسياسه و حطينا عليهم مسحوق الجهل المركز و فقشنا فوق منهم بيضتين ( شبه علاء صادق وتامر هجرس كده ) و خرّطنا عليهم عودين ( ديل قط ) من اللي بيطلع في أرض الفول ( بيعمل طعم برضه ) , وضربناهم في الخلاط ضربا مبرحا وبعدين عملنا منهم شفشق كبير و حطيناه في التلاجه , وكل ما الواحد من أصحابنا البعدا يصحى من النوم يضرب له بؤين تلاته من الشفشق ده على غيار الريق , بعدها مباشرة هتلاقيه بيقول ( هاء هاء هاء هَو هَو هَو ماء ماء ماء ) , ولا تعرف هو بقى كلب ولا حمار ولا خروف , عشان كده بيعيش حياته كلها وهو فاكر نفسه إنه عبقري و متنكر !!.
Mohamed Hussein
11 مايو
إنما مايمنعش يعني إن حل جماعة الإخوان وحظر نشاطها وإعلانها جماعه إرهابيه بيمثل خساره كبيره و فادحه على الأمتين العربيه والإسلاميه , خساره لأننا باختصار مش هنلاقي حد يغني لتحرير القدس تاني , و بالتالي مش هنألف أغاني جديده لتحرير القدس , يعني مضطرين نكتفي بعدد 56734 أغنيه و طقطوقه عن القدس .
.
بس في المقابل ده معناه إننا أوشكنا فعلا على تحرير القدس , ماهو أنا قناعتي الشخصيه إن الجيل اللي هيعمل كده هو جيل ما غنّاش لتحريرها , او بمعنى أصح إحنا قدام اختيار من اتنين في موضوع القدس , يا إما نغني يا إما نحارب !!.
Mohamed Hussein
11 مايو
صحفيين ماركة ( القبقاب )
.
و تلاقي الصحفي من دول يخرج من حضن مبارك لحضن طنطاوي و عنان لحضن الإخوان لحضن فلان لحضن علان ولو مصر حكمها أبو رجل مسلوخه برضه هيروح يترمي في حضنه , مش بيضيع فرصه يعني , كتير أوي من الصحفيين في مصر تقريبا كده والله اعلم بيخافو من الضلمه ومش بيحبو ينامو لوحدهم !!.
.
و بعد سنين طويله يكون الصحفي عاشها في التنطيط بين أحضان الرؤساء و الزعماء و المسئولين كما الفراشه بيتحول بقى لمجرد مسخ أو سبيل , يعني بيبقى عامل زي القبقاب اللي في الجامع , واللي رايح واللي جاي و أي حد معدّي يلبسه و ياخده يدخل بيه الحمّام !!.
Mohamed Hussein
11 مايو
الناس قعدت تنؤ عليا واللي يسألني صوتك لمين وهتأيد مين وانت مع مين ؟ اتبسطتو بقى ؟ أهو مفيش تصويت بالبريد , يعني لازم أروح لحد الرياض عشان أصوت , 900 كيلو رايح جاي , الجو حر والمشوار كبير وانا بشتغل 12 ساعه في اليوم .
.
إنما ممممممممممممم لو عم الحاج عبفتاح يغيّرلي ال 4 فِرد كاوتش بتوع العربيه و يغيّر لها زيت ماكنه و زيت فتيس و يجيب لي موبايل من ابو كاميرتين و 4 وجبات من تشيليز بتاع الكفره ولاد الحرام و يشتري لي شقه في الرحاب 180 متر أرضي بجنينه ممكن أفكّر .
...............
............... بس انا خايف أروح هناك , ألاقي المسئولين عن حملة السيسي قدام السفاره و يقولو لي هات العربيه دي عشان خاطر مصر !! .
Mohamed Hussein
11 مايو
أسماء بنات تركو بصمتهم على مصر في السنين اللي فاتت
.
عزه أحمد عبد السلام : لا دي بنت المقدم عمر الحريري في مسرحية شاهد ماشافشي حاجه ( عنوان المرحله الحاليه : شاهد ماشفاشي حاجه ) .
.
شيماء : دي مراسلة قناة ولا مؤاخذه الجزيره اللي كانت في اعتصام الجماعه الإرهابيه في مسجد ماعرفشي ايه كده و عملت مداخله مع الجزيره ( على انها مش مراسله ولا حاجه ) , المداخله استمرت 6 ساعات يعني ليله بحالها ( في ستتتتتت ساعات ) , وكان يوميها فيه بتاع 300 إخوانجي معتصمين في المسجد قالت تقريبا انهم 750 الف , و فضلت تشتم في السيسي والجيش والشرطه والكل كليله وقالت كلمة انقلاب 7 الاف مره , ولما مالقتش حاجه تسخّن بيها المداخله وتحلّل بلقمتها قامو فتحو اسطوانة اكسجين وقالت جيش الإنقلابيين بيضرب علينا قنابل غاز و قعدت تكح !!.
.
مروه : لأ مش الرقاصه , دي مروه البت الشاطره اللهلوبه صاحبة مصطفى النجار أبو خدود وردي , اللي هتمسك الملفات وتنسّق بين الجهات والهيئات و تضبّط المسائل والحاجات وفي الأخر مصطفى هياخد تلت مرتبها والبدلات .
.
محمد محسوب : دي بقى سافرت لا مؤاخذه قطر مع اللي راحو في الوبا , بعقد عمل خيّاطه ( بس بتخيط بمكنتها ) , انما هناك فوجئت إنها مطلوب منها الصبح تغسل لموزه رجليها بمايه سخنه وملح وبعد العصر تطلع في الجزيره تقول ماعرفشي مين بيعتصب مين ومين اغتصب مين , ماهي معذوره , اللي بتشوفه هي بالليل لما بتروح يندى له جبين البشربه المعذبه .
Mohamed Hussein
10 مايو
... #عبث ( والنبي حلوه كلمة عبث دي )
.
لما واحد يسرق بوست من عندي من غير شير ولا ذكر للإسم حتى بقول عادي مايجراش حاجه , يسرق بوستين بقول أكيد سهواً ( جلّ من لا يسهوى ) , يسرق 3 بوستات بقول يا بخت من قدر و عفي .... ممممممم إنما إنه يسرق كل البوستات بنفس ترتيبها حتى الشعر !!.
.
بقولك ايه يا صديقي ( مش هقول على اسمك ) : بقى إنت دلوأتي ما بقتشي غريب , داحنا بوستاتنا واحده يا راجل , بص يا سيدي , أنا ربنا سبحانه وتعالى رزقني ببنتين زي القمر ( ربنا يحفظهم ) #حقيقه , إيه رأيك أكتب بنت فيهم بإسمي والتانيه بإسمك ( عشان الضرايب ) ؟. و بلاها لمار خد لوجي , ولو مش عاجباك الحكايه دي هقولك على حاجه تانيه , بقى أنا حيلتي قرشين كده شايلينهم في البنك , تحويشه 40 سنه شغل أنا ومراتي ( كنا بنوفر و بنقتصد ) وعندي عربيه ( مش سكودا ) و حتة أرض ( مش في بلطيم ) , و 7 ألاف جنيه بصرف منهم , إيه رأيك نقسمهم بالنص أنا وانت ؟ مفيش مشكله , خد قوتي وقوت عيالي يا عبد الهادي .
.
طب هات إيدك كده , وعهد الله يا شيخ , و شبكة العشره دول أنا خايف لا تسرق البوست ده كمان !!.
............ #موجهه ...لعم الحاج عبد الهادي ( حلوه برضه كلمة موجهه دي )
Mohamed Hussein
10 مايو · تم التعديل
خبر أول : الأستاذه فيروزة الوادي : أعلن انسحابي من حملة المرشح عبد الفتاح السيسي الإنتخابيه لما رأيته من مخالفات يرفضها ضميري الثوري
.
خبر تاني : الأستاذ علي عبدالدايم :
أعلن انسحابي من حملة المرشح حمدين صباحي الإنتخابيه لما وجدته من مخالفات لضميري الثوري بالاتفاق مع الجماعه الإرهابية.
.
خبر تالت : الأستاذ محمد حسين
أعلن إني هكتب البوست ده لما رأيته من مخالفات لضميري الثوري و هجيب لبنتي لعبة المطبخ اللي قالت لي عليها عشان ضميرها الثوري هي كمان , حد من أصدقائي محتاج أي حاجه عشان ضميره الثوري ؟
.
....ممممممم كده بانسحاب الأستاذه فيروزة الوادي نقدر نقول إن السيسي اتدمر تماما ونوهائيا , وطبعا بانسحاب الأستاذ على عبد الدايم يبقى حمدين راح في شربة مايه يا ولداه ...... و بالتالي هنعلن فوز خالد على بانتخابات الرئاسه منفردا متفرّدا ( مع إن هو كمان انسحب عشان خاطر ضميره الثوري برضه ) .
.
واحد هيقولي يا كابتن لطيف بس أنا ماعرفش على عبد الدايم , هقول له والنبي يابني ولا انا اعرف فيروزة الوادي , أهو كله برتقال .
Mohamed Hussein
10 مايو
أووووووف , ناديه الجندي الله يرحمها هترجع تمثل تاني !! , يارب يارب مايكون حاجه لها علاقه بحرب اكتوبر , عشان انا اساسا كنت قرّبت اكره انتصار اكتوبر ( زي الإخوان كده ) بسبب أفلام ناديه الجندي .
و طبعا هتعمل دور بنت عمرها 14 سنه و أهل الحي و معلمين الشادر وسكان المجموعه الشمسيه كلهم بيريّلو لما يشوفو ضحكة أمها الفتانه .
.
يارب حقق حلمي بقى , نفسي في انتاج سينمائي ضخم , فيلم يكون ماحصلش قبل كده , ينتجه السبكي بكل الفلوس اللي حيلته و يكتبه بلال فضل و تخرجه إيناس الدغيدي , ويلعب البطوله ناديه الجندي و تامر حسنى ومصطفى قمر وتامر هجرس و محمد عطيه و ريهام سعيد و نادر بكار , ويبقى المؤلف والمخرج و المنتج و الأبطال كلهم حاضرين التصوير , و بعد ما يخلصو الفيلم يقولو نحتفل بقى , يقوم واحد فيهم يقترح انهم يتأجرو منطاد كبير ويطيرو بيه في الهوا , ويركبو كلهم المنطاد و المنطاد ياخدهم ويطير بعييييييييد والسوّاق مش يعرف يتحكم فيه , ويفضلو طايرين طايرين ( ومعاهم كل النسخ اللي عملوها للفيلم العملاق ده ) لحد ما يوصلو عند كهوف أفغانستان
.
يقوم واحد من المجاهدين بتوع طالبان وهو قاعد على قمة جبل كده ومستنى الطيارات الأباتشي الأمريكيه ترمي عليه وجبة الهامبورجر السخنه يلمح بطرف عينه المنطاد و يصطاده بالبندقيه و ياخدوهم كلهم رهينه , و قيادات طالبان تبعت جواب تهديد للسيسي ,لو ما بعتش لنا 720 دولار عالأقل و حتتين حشيش و سجادتين صلاه هنقتل الناس دول , يقوم السيسي باعت لهم شنطه سيمسونايت سوده , يفتحوها يلاقو فيها عدد 2 أر بي جي وكام شريط رصاص !!.
Mohamed Hussein
10 مايو
خبر بيقول : نادر بكار ينضم قريبا لحملة السيسي الإنتخابيه !!.
.
و بالنوسبه يعني لنادر لا مؤاخذه بكار فانا فاكر له موقفين اتنين , الأول كان مشهد في برنامج مع خالد عبد الله تقريبا ( ربنا يجحمهم هما الإتنين ) , وده كان بعد ما الإخوان ركبو و دلدلو رجليهم , في المشهد نادر بكار بيقول لخالد عبد الله طلبوني في برنامج على mbc وقالو لي الضيف التاني هيكون قيادي كبير في جماعة الإخوان قلت موافق و روحت هناك لقيت الضيف التاني هو اسمه ايه دي , اسمه ايه ؟ أه جورج اسحاق , قلت لهم انا ماتفقتش معاكو على كده , انتو قلتو لي قيادي كبير في الإخوان ( يعني جورج اسحاق مش مالي عنيه ) !! ممممممممممممممم أغلب ظني إن نادر بكار كان بيشتغل كاشير في التوحيد والنور قسم الأواني المنزليه و الشوك والسكاكين قبل مايربي دقنه و يقود اللامؤاخذه الحركه السلفيه مع شلة المجاذيب وبهاليل السيده .
.
الموقف التاني , كان لما حضر فرح الراجل الكيوت اللي اسمه عمرو حمزاوي و طلع بعد الفرح يقول البنات كانو سايبين شعرهم و فيه ناس بتشرب سجاير تقريبا وكان فيه أغاني و لبس عريان!! .......ده على اعتباره طبعا ظل الإله في الأرض , كان موقف سخيف في منتهى الجليطه اللي في الدنيا , مش قلت لكو كان شغال في بيع الصحون والمعالق ( جمع معلقه !! ) ؟.
.
و إجمالا يعني عايز أقول لاخويا الكبير الحاج عبفتاح , يا حاج عبده , زي ما طلعت في البرنامج وغسلت ايدك من تأييد السلفيين ورفضت فكرهم و هبلهم مطلوب منك فورا تمنع نادر بكار وكل الأشكال الضاله دي من الإنضمام لحملتك , هتتحسب عليك صدقني , وعايز اقولك حاجه كمان وانت داخل على عتبه جديده ربنا يجعلها مبروكه عليك :
غير طبعا ان قيادات السلفيين حماده وشبابهم حماده تاني خالص , عايز اقولك ان مشايخ السلفيين من كبيرهم لصغيرهم بيبقى قدمهم فقر على اللي بيقفو معاه .
, في 25 يناير الثوره مابقتش ثوره إلا لما طلع ناس منهم وقالو ( الخروج على الحاكم حرام شرعا ) , ساعتها الشعب كله نزل في الشارع تحت شعار ( إحنا شعب بيموت في الحرام ).
و لما طلع مشايخ منهم في تأييد البهلول مرسي وقالو ( و قالت الصناديق للدين نعم ) , نزل الشعب كله في 30 يونيو تحت شعار ( و قال الشارع لدين أبوكو : نعمين يا دلعدي ؟! ).
..............
دي نصيحتي يا حاج عبده , والمثل حدانا بيقول : ......... صديقك مَنْ صَدَقكْ لا مَنْ صدَّقك !!
Mohamed Hussein
9 مايو
و بعيد عن أم السياسه يعني , الهايبر ماركت اللي جنبي اسمه ( لولو هايبر ماركت ) عامل عرض الإسبوع ده بمناسبة دخول الصيف و الحر و مسمّي العرض ( أيام البطيخ ) !! , ممممممممممممم ده عنوان عرض لسوبرماركت ولا تلقيح كلام سياسي ؟!.
.
أصحابي الأعزاء المحترمين فيهم اللي شايفني مثير للشفقه في تفنيدي لكلام حمدين ( عشان باخد عمولتي من السيسي تقريبا ) , وفيهم اللي شايفني مؤيد لحمدين بس متنكر ( عشان باخد لايكات كتير من أنصار السيسي و مش عايز اخسرهم تقريبا ) و فيهم اللي شايفني بطبّل للسيسي و اللي شايفني بوقّع السيسي لما بنتقده , أه وعهد الله زي ما بقول لكو كده , كان معاه حق السوبرماركت يسمّي العرض ( أيام البطيخ ) , ده مش عنوان عرض لمواد غذائيه , ده عنوان مرحله و بنعيشها..................... أيام البطييييييييييييخ !!.
Mohamed Hussein
9 مايو
كمان حته بايخه أوي منك يا حمدين ياخويا إنك تقول بيعملو حملات انتخابيه وسرادقات والمرشح مش موجود ( اللي هو السيسي ) !! .
ليه يا عم حمدين ؟ إنت عايز السيسي ينزل القرى والنجوع عادي كده ؟ هو احنا في 30 يونيو كنا غلبنا الإخوان دور طاوله عالقهوه وخليناهم يحاسبو عالمشاريب ؟ ولا خلعنا تنظيم ارهابي دولي كامل من جذوره ؟ تنظيم ارهابي يا مولانا يعني سلاح وأجهزة مخابرات و قايمة اغتيالات ( على رأسها السيسي ) و شوية أنصار ماركة ( بهايم فور ايفر ) ممكن يلبّسو نفسهم في اتوبيس عشان ينالو الشهاده ولا مؤاخذه ؟!.
Mohamed Hussein
9 مايو
و يا سنينا
مفيش داعي
لنوبة عصر من تاني
يمين الله عصرتينا
بما يكفي
.
عيونك عاميه
ماتشوفي ؟
دفاتر هَم
مرصوصه و مترصّه
و جوه القلب كام غصّه
و مستكفي
.
كأن ما بينا تار بايت
و حرب بسوس
مانا رافع و مستلسم
و مش بالرايه بتعايق
و لو ترضي
ما يلزمني لا دار و فلوس
و بس البال يكون رايق
.
.
محمد حسين
Mohamed Hussein
9 مايو
السيسي وحمدين
.
حمدين صباحي , حبيب قلبي , بقيت شايفه امبارح عامل زي الساندوتش , حمدي و حمدي و بينهما سيسي !! , كلامه حلو و مترتب و جاهز لكل سؤال ( محترف يعني ) , إنما ما يصحش يا حمدين انك تشغل بالك بالمنافس بالشكل ده , ولا يليق بيك أبدا إنك تلقّح كلام على حملته الإنتخابيه , مش قيمتك و لا هي حاجه هتكبرك ولا هتصغّره .
.
في الوضع السياسي داخليا وخارجيا : هتلاقي السيسي وحمدين متشابهين إلى حد كبير في رؤيتهم للملفات وخصوصا الخارجيه وعلاقتنا بدول زي قطر واسرائيل وتركيا , وداخليا حمدين بيكشر للإخوان من فوق الترابيزه و بيغازلهم من تحت الترابيزه , هعتبره غزل شريف أو لفت انتباه .
.
في الملف الإقتصادي بقى و ده المهم , فبصراحه يعني عايز أحكي لكو حكايه صغيره : .... علمتني برامج التوك شو إن المواطن ( إكس ) لما بيكون خارج السلطه و بيظهر عالتلفزيون بيعمل لنا البحر طحينه وتحس ان مصر دي أغنى دوله في العالم واننا مش عارفين نودي الفلوس فين ؟ و بنفكّر نربّي أسماك زينه في نهر النيل عشان الشكل الجمالي , و عندنا مليارات متلتله زكايب زكايب بس احنا اللي مكسّلين نفتحها , ونفس المواطن إكس ده لو بقى في السلطه تاني يوم هيقولك الحاله ضنك ومفيش فلوس ولازم ناخد قرض والدول الشقيقه والصديقه هتقف جنبنا الخ , الحكايه دي اتكررت كتير جداااا , مع وزراء ورؤساء وزارات .
.
ده بالظبط نفس اللي شوفته في حوارات المرشحين السيسي وحمدين , واحد فيهم بيتكلم بصفته رئيس النظام القادم في مصر و واحد بيتكلم بصفته المعارض الأول للنظام القادم في مصر , واحد شايف الدنيا كحلي والتاني شايفها وردي , الإتنين غلط على فكره , والدنيا لا هي غامقه ولازم نقسم الرغيف ولا هي وردي و هنركّب جاكوزي في كل بيت في مصر ..
.
أخيرا بقى : كنت أتمنى زي أي دوله محترمه إنه يكون فيه تعاون بين حمدين والسيسي في الفتره اللي جايه بصرف النظر عن مين فيهم الرئيس , بس دي مشكله مصريه بحته , كل واحد بيمارس سياسه في مصر عنده رجالته جاهزين ( الطقم بتاعه ) و مابيقبلش تعاون من المنافس , يعني الرئيس بييجي ومعاه الفرش بتاعه بالكامل زيه زي أي عروسه جديده , و معاه المأذون و الشهود والمعازيم كمان .
Mohamed Hussein
8 مايو
بعد شهر تقريبا من دلوأتي هيحصل حاجتين مهمين أوي في مصر أتوقعهم أنا يعني من خلال الفكاكه بتاعتي لا أكتر ولا أقل ( يعني من مصدر موثوق أهو أو تقدر تقول من مصدر قريب الصله مني ) .
.
أولا : إن عمرو موسى هيكون له دور كبير جدا في المرحله الجايه , غالبا هيمسك منصب نائب الرئيس للشئون الخارجيه بدل صاحبنا القمّاص اللي جواز سفره في جيبه على طول و رجليه واخده عالمطار , أيوه هو الأقرع ده , عارفه ؟ .
.
ثانيا : الثقه اللي بيتكلم بيها السيسي بتقول إنه مرقّد على شيك محترم فيه 10 أصفار من الدولارات أو 11 صفر بالجنيه المصري , وطبعا معروف الشيك هييجي منين ؟!... لأ مش مني , والله لو معايا ماكنت أعزّهم على مصر , سامحني بقى في ال 10 دولار اللي عليا يا عبفتاح ياخويا .
.
ثالثا بقى و ده الأهم ( مع إن مكانشي فيه ثالثا في أول البوست ) : إني هبقى نزلت مصر نهائي بإذن الله , نووووووهائي , و هقطّع جواز سفري أو هرميه من البلكونه زي ما عمل أحمد حلمي في فيلم عسل إسود , بس مش هرميه عدم احترام والعياذ بالله , بالعكس , نفسي أرمي جواز سفري أو أحرقه حتى عشان مش أسافر و اسيبها تاني .
.
15 مايو
من أقوال أينشتاين
.
إنني أخشى من اليوم الذي تحل فيه التكنولوجيا محل التفاعل البشري, عندئذٍ سيجني العالم جيلاً من الحمقى !!.
.
.............. مممممممم أينشتاين بيلقّح كلام علينا يا رجاله , بس معاه حق .
أه بقى لو كان لسه عايش لحد دلوأتي و عنده اكاونت عالفيس , كان زمانه اتلعن سلسفيل أهله و اتشتم بالأب والأم واتعمل له بلوك من ملايين ( المثقفين ) المصريين .
.
قال جيل من الحمقى قال !! , تقصد مين انت ياض انت ياض انت ياض ؟ انت ابن مين في ألمانيا ياض ؟ أبوك كان قائد طابيه ؟ طب أمك كانت بياعة بليله ؟ طب خالد على يقرب لك ولا حاجه واحنا مانعرفش ؟ تبقى انت اللي جاهل و أحمق وماعندكش سوشيال بوليتيكال انتيليجينس و تلاقيك فلول كمان و مابتعرفش تقول ( تخرّصات ) .
Mohamed Hussein
15 مايو
نفسي أجي من ورا الدنيا كده وامسكها على سهوه من ياقة البلوزه و اقوم قايل لها في ودنها اليمين ( إنتي بتعملي فينا كده ليه ؟ هه ؟ بتعملي فينا كده ليه ؟ tell me ? , عاجبك حالك و حالنا كده ؟ ) , واقوم رازعها قلمين واطلع اجري زي العيال .
Mohamed Hussein
15 مايو
بدء تصويت المصريين بالخارج , للأسف مفيش قنصليه في الدمام ولا الخبر ولا سفاره ولا حتى كشك عيش عليه علم مصر عشان اروح اصوت فيه .
.
أنصار السيسي وحمدين مش هيقلو بإذن الله عن ال 25 مليون اللي صوتو في جولة الإعاده بين مرسي وشفيق , دي توقعاتي , ساعتها هتعرف ان الإخوان على بهاليل ابو الفتوح على دراويش 6 ابريل على النحانيح والكولجيه هما مجرد صفر عالشمال في المعادله السياسيه في الشارع ( يعني ظاهره صوتيه حنجوريه ) , مفيش زيت ولا سكر ولا حد قال اللي هينتخب السيسي هيدخل الجنه ولا اللي هينتخب حمدين هياخد فيلا دورين في الفردوس الأعلى , فيه شعب نازل يصوت بكامل ارادته ويختار .
.
اتوقع فوز السيسي ب 60 % , يعني 15 مليون صوت و حمدين 10 مليون , ولو حصل و توقعي كان سليم هتبقى اكبر و أوّل حماقه يرتكبها السيسي وانصاره إنهم يدخلو قصر الرئاسه و هما ناسيين ان فيه مرشح رئاسي خد 10 مليون صوت انتخابي مصري شريف , يعني له 10 مليون مؤيد في مصر يحق لهم التصويت , يعني 20 مليون من اجمالي الشعب المصري ............ ساعتها بس هنرجع لنقطة الصفر وجايز تحت الصفر !!.
Mohamed Hussein
14 مايو
حركة 6 لا مؤاخذه إبريل تعلن عدم اعترافها بنتائج الإنتخابات الرئاسيه القادمه في مصر !! ..... , وانا أعلن عدم اعترافي بحركة 6 إبريل أساسا .
.
بص يا حاج , عشان انت مش أذكى خواتك , الحكايه باختصار إن مصر حاليا فيها 3 اختيارات ولازم تكون في واحد منهم , مفيش اختيار رابع , إما انك تبقى انسان محترم وعلى راسي من فوق و تنزل تنتخب السيسي أو تبقى انسان محترم وعلى راسي من فوق و تنزل تنتخب حمدين والإختيار التالت إنك تبقى في حلف الإرهاب ( الإخوان بقى على مصر القويه على أيمن نور على 6 إبريل على وثيقة بروكسل على الجزيره و حماس على ابوهم لابو اللي جابهم ) .
............ دور الديب السحليوي المكار ده مابقاش يخيل على حد , حدد بقى إختيارك و ورّينا قرارك .
Mohamed Hussein
14 مايو
عاده مصريه أصيله
.
كل أب مصري وهو بيذاكر مع ولاده أو بيشجعهم على المذاكره لازم يقول لهم الجمله دي ( على فكره وانا أدّك كده كنت بطلع الأول عالمدرسه ) , كل أم مصريه بتقول لولادها أنا كنت بطلع الأولى عالمدرسه , عبد الصمد أفندي والست حرمه كانو بيطلعو الأول عالمدرسه , والدكتور فلان و مراته الباشمهندزه والمعلم عكوه الجزار والمعلمه مراته , والأستاذ خلف المحامي والست حرمه و سيد جمعه المحاسب وابراهيم جمعه الصيدلي و وائل جمعه بتاع الكوره و مصطفى جمعه العاطل و على جمعه المفتي والمستشار جمعه اللي قريبنا من بعيد كلهم كانو بيطلعو الأول عالمدرسه , حتى أبويا الله يرحمه كان بيطلع الأول عالمدرسه مع إنه مراحشي مدارس في حياته ولا عتّبها .
و تلف مصر بقى من شرقها لغربها لفوقها لتحتها عشان تعرف السر الفرعوني الأزلي ومش هتعرف أبدا : مين اللي كان بيطلع التاني ؟!!.
Mohamed Hussein
14 مايو
جماعة بوكو حرام النيجيريه ( جماعة أهل السنه للدعوه والجهاد ) خطفت أطفال بنات واحتجزتهم عندها وبتطالب باطلاق سراح ناس منهم مقابل الإفراج عن الأطفال !! وطبعا هدفها المعلن هو تطبيق شرع الله , و قبلها جماعة الإخوان المسلمين ( تربيه .. دعوه .. جهاد ) حرقت و قتلت ونصبت ورفعت وبرضه تطبيق شرع الله , وريهام سعيد عملت برنامج مع دكتوره ملحده , ممممممممممم يالله بقى , اللي مألحدش بسبب الإخوان وتصرفاتهم جاتله فرصه يلحد بسبب بوكو حرام وتصرفاتها , واللي فلت من دي ودي يبقى أكيد أعلن الحاده امبارح بعد ما شاف ريهام سعيد .
.......... الحمد لله على نعمة الإيمان , وكفى بها نعمه .
Mohamed Hussein
14 مايو
مرتضي منصور بيقول إن عصام الحضري كان قافل المرمى بتاعه بالسحر !! , تصدق أنا كرهت الكوره واللي كوّرها و عملها كرويه بالشكل ده ؟ , أهو مرتضى منصور بقى يبقى رئيس النادي اللي بشجعه وكان عايز يبقى رئيس الدوله اللي بشجعها برضه , واحنا الزملكاويه كده منحوسين من يومنا , لا مش أغبيا , الزملكاوي عمره ما كان غبي بس دايما منحوس , والمثل عندنا في البلد بيقول : قيراط نحس ولا فدان غباوه !!.
Mohamed Hussein
13 مايو
السيسي لحد النهارده وهو لسه مابقاش رئيس بس لم شوية عبايات صوف على جواكت جلد طبيعي معتبره , هدايا من شيوخ القبايل المصريه ( الجاكت من شيخ قبلية روسيا ) , يعني الواحد لو كان اترشح للرئاسه كان زمانه لم كسوه تكفيه 20 سنه جايين , ومش بعيد تكون فيه قبائل بتهادي مرشحين الرئاسه بتلاجه 22 قدم نو فروست أو طقم صيني , يعني كنت عرفت أجهّز البنتين في ترشيحه واحده , وايه المشكله يعني وابقى انسحب قبل الإنتخابات بيوم و اقول ( أصل الإنتخابات هتتزوّر زي ما قال خالد علي ) , يعني هما شيوخ القبائل هيبعتو مناديب ساعتها وياخدو الهدايا و طقم الصيني ؟!.
Mohamed Hussein
13 مايو
عايز أقول لكل زبون مانعرفشي اسمه ولا شكله , بييجي الصيدليه عشان يشتري علبة دوا ب 3 ريال و يجيب معاه 4 صحابه ويعملو باللو قبل ما يشتروها , عايز أقول له : إنت غلطان كده يا معلم , ده المثل بيقول في التأني السلامه , المفروض المره الجايه تجيب معاك محامي يكون عُقر وسمسار يكون بيفهم كويس في الأدويه و تصور العلبه كذا صوره من فوق ومن الجنب و تروح البيت تفرّج مراتك عليها وتاخدو و تدو مع بعض في الكلام , لا خاب من استشار , مش جايز ما يعجبهاش اللون ولّا الكورنيشه اللي في الجنب دي ؟!.
Mohamed Hussein
13 مايو
هو الراجل مهاتير محمد ماكررش زيارته لمصر بعد المره اللي جه فيها السنه اللي فاتت ليه ؟ أكيد يعني مايكون قعد مع مرسي وقيادات الإخوان و حكو له عن طائر النهضه أبو جناحين و مؤخره قام الراجل باض من كلامهم وحلف ما هو راجع مصر تاني .
Mohamed Hussein
13 مايو ·
من كام يوم كده وانا بتجيلي طلبات صداقه من أكاونتات من نوعية (ذات الصديق الواحد ) , يعني اكاونت فيه صديق واحد , اللي هو صاحب الأكاونت ( المعلم صاحب القهوه ) , و معمول من يوم ولا من كذا ساعه , مممممممم يابني اعمل أي حاجه أدّيك عليها درجه , إعمل أي حاجه عشان اقبل طلب الصداقه , أنا بغشّشك اهو , يعني اعمل الحساب قبلها باسبوعين تلاته , ولا ضيف 15 واحد من أصدقائي الأول , ولا اتشقلب في إزازة بيره وانشر بوست عن علاقتك بستات في سن الضياع ( يعني جيل صباح وناديه الجندي وانت طالع ) أو حط صوره لنادر بكار أو كيم كارديشان , أي حاجه تطمني من ناحيتك .
Mohamed Hussein
13 مايو ·
إمبارح روحت البيت وانا سايب الفيس كويس وزي الفل , جيت النهارده لقيته كله قالب حب و غزل وعشق وهيام ودباديب , هو فيه إيه ؟ النهارده لا عيد الحب المصري ولا عيد الحب العالمي ولا حتى عيد العمال ؟ تكونشي صباح ماتت ؟ لأ لسه عايشه و هتتخطب قريب , وناديه الجندي هتمثل من تاني , أومال إيه السبب طيب ؟ يكونشي السيسي نجح في الإنتخابات و دخل القصر برجله اليمين عشان كده البنات قلبوها دباديب وبولوبيف ؟ هو انا طوّلت في النوم أوي كده ؟!.
.
على سيرة السيسي بقى , بيقولو إن الحاج عبفتاح في لقاءه التلفزيوني الأخير قال : ( لن تهدد دولة عربية وجيش مصر موجود وإذا كان هناك تهديد لأى من الاشقاء العرب فسوف تجدونا " مسافة السكة " موجودين ).
الكلام ده معناه باختصار عوده مصر لعمقها العربي من جديد ( الخليجي على وجه الخصوص ) , أصلك مش واخد بالك منطقة الشرق الأوسط دي فيها 3 دول كبار ( غير الكيان الصهيوني ) , اللي هما مصر وإيران وتركيا , إيران اللي هي دولة فارس لسه عندها الجينات الإستعماريه ونفس الشئ عند تركيا ( الدوله العثمانيه ) , و محدش هيعرف يقف لهم غير مصر , في ال 10 سنين اللي فاتو قبل الثوره كانت مصر دابت في بؤ مبارك و ابنه و مراته الحيزبون زي حتة الحلاوه النيفا ( غزل البنات ) بس الحمد لله عرفنا نرجعها من تاني , وإجمالا يعني بيبقى قدامنا اختيار من اتنين طول الوقت , يا تبقى كبير أوي يا تبقى صغير أوي , يا إما نقف لتركيا وإيران راس براس يا إما نستنى تهديدات واستعراض عسكري ب ال 7 عربيات نص نقل بتوع حماس !!.
Mohamed Hussein
12 مايو
مشتاقين للزرعه
و الإيد و العمل
مشتاقين نزرع أمل
نحصد أمل
.
يا مصري خابت زرعتك
أوِّل ما تاهت سكِّتك
بين الرجول
.
لا شرقي
جايلك بالحِفان
من غير تمن
ولا غربي
راجل كان أمين
أو يُؤتمن .
.
أرضك و عرضك
و اللي يجلجل
في السما صوتك
يسمع غُناك الطير
و الرابِعه من غير
تبقى عيشتك
بالمناسبه
.....زي موتك !!
.
في قلبي حمام
بيتعايق بجنسيه
بنيت لحمامي بنِّيه
و قلت أزرع جناين تين
واغنّي لنيلها واسمعها
و طول ما إديا دول شابكين
في إيد محبوبه مصريه
هنزرعها
يمين الله هنزرعها .
.
.
محمد حسين
Mohamed Hussein
12 مايو
ذكريات من زمن الفن الجميل !!.
.
يُحكى أن وزير الإعلام المصري كان اسمه في يوم من الأيام صلاح و بيدلّعوه و يقولو له يا متولى , روح ياد يا متولي تعالى ياد يا متولي , وفي يوم من الأيام قام عمك الحاج صلاح اللي هو في الأصل متولي قال للمذيعه ( ابقى تعالي وانا اقولك فين ؟) بعدها بيومين عمل حوار مع مذيعه تانيه و لجل حظه الهباب كانت لابسه احمر شفتشي , قال لها مش عايز الأسئله تبقى سخنه زيك كده , ولولا ستر ربنا كنا طلعناه من الاستوديو ملفوف بملايه , أه و عهد الله , والحكايه باختصار ان متولي تقريبا مكانشي شاف ستات قبل كده ( ولا شاف بعد كده ) .
...........
تقول الأسطوره بقى إن الإخوان عندهم كودار والدليل متولي !!.
Mohamed Hussein
12 مايو ·
لله في خلقه شئون , أو جايز أنا اللي مجنون , كل ما بفتكر ان رمضان على الأبواب و إني وقتها هكون في مصر بإذن الله بفرح أوي , بحب اعمل حاجات كتير في رمضان بالاضافه طبعا لصلاة التراويح و قراءة القرأن و جمع الطوابع ( الإجابه النموذجيه )!! .
.
يعني مثلا بحب جدا في رمضان إني أسافر من القاهره للبلد قبل المغرب بساعتين والمغرب يأدن عليا في ميت غمر مثلا أو أجا , والاقي الناس الغلابه الطيبين واقفين وقت الادان عالطريق يوقّفو اللي رايح واللي جاي و يفطّروه , اللي معاه فلوس منهم بيعمل مائده جنب الطريق , واللي معاه فلوس أقل بيعمل أكياس فيها عصير وبلحتين وازازة مايه , واللي مامعهوش خالص بيعبي شوية مايه في أكياس بلاستيك ويحطها في التلاتجه تسقع ويطلع بيها عالطريق .... أهو المشهد ده اسمه باختصار ( مصر الجميله الطيبه ) .
.
مش كتير اللي شايفين مصر كده ........... ( إنها لا تعمى الأبصار ولكن تعمى القلوب التي في الصدور ).
Mohamed Hussein
12 مايو
و قالك يا سيدي : الإمارات تقيم كنائس للنصارى بأموال المسلمين وبملكية وزارة الأوقاف !!.
طبعا لو قطر اللي عملت كده كان طلع القرضاوي في خطبه عصماء يمتدح الإنفتاح القطري على الديانات و الأعراق و الحبشتكانات .
إنما حلوه أوي حكاية الإمارات بتبني كنائس من أموال المسلمين , ده على اساس إن الجوامع اللي بتتبي في أمريكا وأوروبا بتتبني بأموال الهكسوس ؟!
.
اللي حصل في الكام سنه اللي فاتو إننا خلطنا الدين بالسياسه و حطينا عليهم مسحوق الجهل المركز و فقشنا فوق منهم بيضتين ( شبه علاء صادق وتامر هجرس كده ) و خرّطنا عليهم عودين ( ديل قط ) من اللي بيطلع في أرض الفول ( بيعمل طعم برضه ) , وضربناهم في الخلاط ضربا مبرحا وبعدين عملنا منهم شفشق كبير و حطيناه في التلاجه , وكل ما الواحد من أصحابنا البعدا يصحى من النوم يضرب له بؤين تلاته من الشفشق ده على غيار الريق , بعدها مباشرة هتلاقيه بيقول ( هاء هاء هاء هَو هَو هَو ماء ماء ماء ) , ولا تعرف هو بقى كلب ولا حمار ولا خروف , عشان كده بيعيش حياته كلها وهو فاكر نفسه إنه عبقري و متنكر !!.
Mohamed Hussein
11 مايو
إنما مايمنعش يعني إن حل جماعة الإخوان وحظر نشاطها وإعلانها جماعه إرهابيه بيمثل خساره كبيره و فادحه على الأمتين العربيه والإسلاميه , خساره لأننا باختصار مش هنلاقي حد يغني لتحرير القدس تاني , و بالتالي مش هنألف أغاني جديده لتحرير القدس , يعني مضطرين نكتفي بعدد 56734 أغنيه و طقطوقه عن القدس .
.
بس في المقابل ده معناه إننا أوشكنا فعلا على تحرير القدس , ماهو أنا قناعتي الشخصيه إن الجيل اللي هيعمل كده هو جيل ما غنّاش لتحريرها , او بمعنى أصح إحنا قدام اختيار من اتنين في موضوع القدس , يا إما نغني يا إما نحارب !!.
Mohamed Hussein
11 مايو
صحفيين ماركة ( القبقاب )
.
و تلاقي الصحفي من دول يخرج من حضن مبارك لحضن طنطاوي و عنان لحضن الإخوان لحضن فلان لحضن علان ولو مصر حكمها أبو رجل مسلوخه برضه هيروح يترمي في حضنه , مش بيضيع فرصه يعني , كتير أوي من الصحفيين في مصر تقريبا كده والله اعلم بيخافو من الضلمه ومش بيحبو ينامو لوحدهم !!.
.
و بعد سنين طويله يكون الصحفي عاشها في التنطيط بين أحضان الرؤساء و الزعماء و المسئولين كما الفراشه بيتحول بقى لمجرد مسخ أو سبيل , يعني بيبقى عامل زي القبقاب اللي في الجامع , واللي رايح واللي جاي و أي حد معدّي يلبسه و ياخده يدخل بيه الحمّام !!.
Mohamed Hussein
11 مايو
الناس قعدت تنؤ عليا واللي يسألني صوتك لمين وهتأيد مين وانت مع مين ؟ اتبسطتو بقى ؟ أهو مفيش تصويت بالبريد , يعني لازم أروح لحد الرياض عشان أصوت , 900 كيلو رايح جاي , الجو حر والمشوار كبير وانا بشتغل 12 ساعه في اليوم .
.
إنما ممممممممممممم لو عم الحاج عبفتاح يغيّرلي ال 4 فِرد كاوتش بتوع العربيه و يغيّر لها زيت ماكنه و زيت فتيس و يجيب لي موبايل من ابو كاميرتين و 4 وجبات من تشيليز بتاع الكفره ولاد الحرام و يشتري لي شقه في الرحاب 180 متر أرضي بجنينه ممكن أفكّر .
...............
............... بس انا خايف أروح هناك , ألاقي المسئولين عن حملة السيسي قدام السفاره و يقولو لي هات العربيه دي عشان خاطر مصر !! .
Mohamed Hussein
11 مايو
أسماء بنات تركو بصمتهم على مصر في السنين اللي فاتت
.
عزه أحمد عبد السلام : لا دي بنت المقدم عمر الحريري في مسرحية شاهد ماشافشي حاجه ( عنوان المرحله الحاليه : شاهد ماشفاشي حاجه ) .
.
شيماء : دي مراسلة قناة ولا مؤاخذه الجزيره اللي كانت في اعتصام الجماعه الإرهابيه في مسجد ماعرفشي ايه كده و عملت مداخله مع الجزيره ( على انها مش مراسله ولا حاجه ) , المداخله استمرت 6 ساعات يعني ليله بحالها ( في ستتتتتت ساعات ) , وكان يوميها فيه بتاع 300 إخوانجي معتصمين في المسجد قالت تقريبا انهم 750 الف , و فضلت تشتم في السيسي والجيش والشرطه والكل كليله وقالت كلمة انقلاب 7 الاف مره , ولما مالقتش حاجه تسخّن بيها المداخله وتحلّل بلقمتها قامو فتحو اسطوانة اكسجين وقالت جيش الإنقلابيين بيضرب علينا قنابل غاز و قعدت تكح !!.
.
مروه : لأ مش الرقاصه , دي مروه البت الشاطره اللهلوبه صاحبة مصطفى النجار أبو خدود وردي , اللي هتمسك الملفات وتنسّق بين الجهات والهيئات و تضبّط المسائل والحاجات وفي الأخر مصطفى هياخد تلت مرتبها والبدلات .
.
محمد محسوب : دي بقى سافرت لا مؤاخذه قطر مع اللي راحو في الوبا , بعقد عمل خيّاطه ( بس بتخيط بمكنتها ) , انما هناك فوجئت إنها مطلوب منها الصبح تغسل لموزه رجليها بمايه سخنه وملح وبعد العصر تطلع في الجزيره تقول ماعرفشي مين بيعتصب مين ومين اغتصب مين , ماهي معذوره , اللي بتشوفه هي بالليل لما بتروح يندى له جبين البشربه المعذبه .
Mohamed Hussein
10 مايو
... #عبث ( والنبي حلوه كلمة عبث دي )
.
لما واحد يسرق بوست من عندي من غير شير ولا ذكر للإسم حتى بقول عادي مايجراش حاجه , يسرق بوستين بقول أكيد سهواً ( جلّ من لا يسهوى ) , يسرق 3 بوستات بقول يا بخت من قدر و عفي .... ممممممم إنما إنه يسرق كل البوستات بنفس ترتيبها حتى الشعر !!.
.
بقولك ايه يا صديقي ( مش هقول على اسمك ) : بقى إنت دلوأتي ما بقتشي غريب , داحنا بوستاتنا واحده يا راجل , بص يا سيدي , أنا ربنا سبحانه وتعالى رزقني ببنتين زي القمر ( ربنا يحفظهم ) #حقيقه , إيه رأيك أكتب بنت فيهم بإسمي والتانيه بإسمك ( عشان الضرايب ) ؟. و بلاها لمار خد لوجي , ولو مش عاجباك الحكايه دي هقولك على حاجه تانيه , بقى أنا حيلتي قرشين كده شايلينهم في البنك , تحويشه 40 سنه شغل أنا ومراتي ( كنا بنوفر و بنقتصد ) وعندي عربيه ( مش سكودا ) و حتة أرض ( مش في بلطيم ) , و 7 ألاف جنيه بصرف منهم , إيه رأيك نقسمهم بالنص أنا وانت ؟ مفيش مشكله , خد قوتي وقوت عيالي يا عبد الهادي .
.
طب هات إيدك كده , وعهد الله يا شيخ , و شبكة العشره دول أنا خايف لا تسرق البوست ده كمان !!.
............ #موجهه ...لعم الحاج عبد الهادي ( حلوه برضه كلمة موجهه دي )
Mohamed Hussein
10 مايو · تم التعديل
خبر أول : الأستاذه فيروزة الوادي : أعلن انسحابي من حملة المرشح عبد الفتاح السيسي الإنتخابيه لما رأيته من مخالفات يرفضها ضميري الثوري
.
خبر تاني : الأستاذ علي عبدالدايم :
أعلن انسحابي من حملة المرشح حمدين صباحي الإنتخابيه لما وجدته من مخالفات لضميري الثوري بالاتفاق مع الجماعه الإرهابية.
.
خبر تالت : الأستاذ محمد حسين
أعلن إني هكتب البوست ده لما رأيته من مخالفات لضميري الثوري و هجيب لبنتي لعبة المطبخ اللي قالت لي عليها عشان ضميرها الثوري هي كمان , حد من أصدقائي محتاج أي حاجه عشان ضميره الثوري ؟
.
....ممممممم كده بانسحاب الأستاذه فيروزة الوادي نقدر نقول إن السيسي اتدمر تماما ونوهائيا , وطبعا بانسحاب الأستاذ على عبد الدايم يبقى حمدين راح في شربة مايه يا ولداه ...... و بالتالي هنعلن فوز خالد على بانتخابات الرئاسه منفردا متفرّدا ( مع إن هو كمان انسحب عشان خاطر ضميره الثوري برضه ) .
.
واحد هيقولي يا كابتن لطيف بس أنا ماعرفش على عبد الدايم , هقول له والنبي يابني ولا انا اعرف فيروزة الوادي , أهو كله برتقال .
Mohamed Hussein
10 مايو
أووووووف , ناديه الجندي الله يرحمها هترجع تمثل تاني !! , يارب يارب مايكون حاجه لها علاقه بحرب اكتوبر , عشان انا اساسا كنت قرّبت اكره انتصار اكتوبر ( زي الإخوان كده ) بسبب أفلام ناديه الجندي .
و طبعا هتعمل دور بنت عمرها 14 سنه و أهل الحي و معلمين الشادر وسكان المجموعه الشمسيه كلهم بيريّلو لما يشوفو ضحكة أمها الفتانه .
.
يارب حقق حلمي بقى , نفسي في انتاج سينمائي ضخم , فيلم يكون ماحصلش قبل كده , ينتجه السبكي بكل الفلوس اللي حيلته و يكتبه بلال فضل و تخرجه إيناس الدغيدي , ويلعب البطوله ناديه الجندي و تامر حسنى ومصطفى قمر وتامر هجرس و محمد عطيه و ريهام سعيد و نادر بكار , ويبقى المؤلف والمخرج و المنتج و الأبطال كلهم حاضرين التصوير , و بعد ما يخلصو الفيلم يقولو نحتفل بقى , يقوم واحد فيهم يقترح انهم يتأجرو منطاد كبير ويطيرو بيه في الهوا , ويركبو كلهم المنطاد و المنطاد ياخدهم ويطير بعييييييييد والسوّاق مش يعرف يتحكم فيه , ويفضلو طايرين طايرين ( ومعاهم كل النسخ اللي عملوها للفيلم العملاق ده ) لحد ما يوصلو عند كهوف أفغانستان
.
يقوم واحد من المجاهدين بتوع طالبان وهو قاعد على قمة جبل كده ومستنى الطيارات الأباتشي الأمريكيه ترمي عليه وجبة الهامبورجر السخنه يلمح بطرف عينه المنطاد و يصطاده بالبندقيه و ياخدوهم كلهم رهينه , و قيادات طالبان تبعت جواب تهديد للسيسي ,لو ما بعتش لنا 720 دولار عالأقل و حتتين حشيش و سجادتين صلاه هنقتل الناس دول , يقوم السيسي باعت لهم شنطه سيمسونايت سوده , يفتحوها يلاقو فيها عدد 2 أر بي جي وكام شريط رصاص !!.
Mohamed Hussein
10 مايو
خبر بيقول : نادر بكار ينضم قريبا لحملة السيسي الإنتخابيه !!.
.
و بالنوسبه يعني لنادر لا مؤاخذه بكار فانا فاكر له موقفين اتنين , الأول كان مشهد في برنامج مع خالد عبد الله تقريبا ( ربنا يجحمهم هما الإتنين ) , وده كان بعد ما الإخوان ركبو و دلدلو رجليهم , في المشهد نادر بكار بيقول لخالد عبد الله طلبوني في برنامج على mbc وقالو لي الضيف التاني هيكون قيادي كبير في جماعة الإخوان قلت موافق و روحت هناك لقيت الضيف التاني هو اسمه ايه دي , اسمه ايه ؟ أه جورج اسحاق , قلت لهم انا ماتفقتش معاكو على كده , انتو قلتو لي قيادي كبير في الإخوان ( يعني جورج اسحاق مش مالي عنيه ) !! ممممممممممممممم أغلب ظني إن نادر بكار كان بيشتغل كاشير في التوحيد والنور قسم الأواني المنزليه و الشوك والسكاكين قبل مايربي دقنه و يقود اللامؤاخذه الحركه السلفيه مع شلة المجاذيب وبهاليل السيده .
.
الموقف التاني , كان لما حضر فرح الراجل الكيوت اللي اسمه عمرو حمزاوي و طلع بعد الفرح يقول البنات كانو سايبين شعرهم و فيه ناس بتشرب سجاير تقريبا وكان فيه أغاني و لبس عريان!! .......ده على اعتباره طبعا ظل الإله في الأرض , كان موقف سخيف في منتهى الجليطه اللي في الدنيا , مش قلت لكو كان شغال في بيع الصحون والمعالق ( جمع معلقه !! ) ؟.
.
و إجمالا يعني عايز أقول لاخويا الكبير الحاج عبفتاح , يا حاج عبده , زي ما طلعت في البرنامج وغسلت ايدك من تأييد السلفيين ورفضت فكرهم و هبلهم مطلوب منك فورا تمنع نادر بكار وكل الأشكال الضاله دي من الإنضمام لحملتك , هتتحسب عليك صدقني , وعايز اقولك حاجه كمان وانت داخل على عتبه جديده ربنا يجعلها مبروكه عليك :
غير طبعا ان قيادات السلفيين حماده وشبابهم حماده تاني خالص , عايز اقولك ان مشايخ السلفيين من كبيرهم لصغيرهم بيبقى قدمهم فقر على اللي بيقفو معاه .
, في 25 يناير الثوره مابقتش ثوره إلا لما طلع ناس منهم وقالو ( الخروج على الحاكم حرام شرعا ) , ساعتها الشعب كله نزل في الشارع تحت شعار ( إحنا شعب بيموت في الحرام ).
و لما طلع مشايخ منهم في تأييد البهلول مرسي وقالو ( و قالت الصناديق للدين نعم ) , نزل الشعب كله في 30 يونيو تحت شعار ( و قال الشارع لدين أبوكو : نعمين يا دلعدي ؟! ).
..............
دي نصيحتي يا حاج عبده , والمثل حدانا بيقول : ......... صديقك مَنْ صَدَقكْ لا مَنْ صدَّقك !!
Mohamed Hussein
9 مايو
و بعيد عن أم السياسه يعني , الهايبر ماركت اللي جنبي اسمه ( لولو هايبر ماركت ) عامل عرض الإسبوع ده بمناسبة دخول الصيف و الحر و مسمّي العرض ( أيام البطيخ ) !! , ممممممممممممم ده عنوان عرض لسوبرماركت ولا تلقيح كلام سياسي ؟!.
.
أصحابي الأعزاء المحترمين فيهم اللي شايفني مثير للشفقه في تفنيدي لكلام حمدين ( عشان باخد عمولتي من السيسي تقريبا ) , وفيهم اللي شايفني مؤيد لحمدين بس متنكر ( عشان باخد لايكات كتير من أنصار السيسي و مش عايز اخسرهم تقريبا ) و فيهم اللي شايفني بطبّل للسيسي و اللي شايفني بوقّع السيسي لما بنتقده , أه وعهد الله زي ما بقول لكو كده , كان معاه حق السوبرماركت يسمّي العرض ( أيام البطيخ ) , ده مش عنوان عرض لمواد غذائيه , ده عنوان مرحله و بنعيشها..................... أيام البطييييييييييييخ !!.
Mohamed Hussein
9 مايو
كمان حته بايخه أوي منك يا حمدين ياخويا إنك تقول بيعملو حملات انتخابيه وسرادقات والمرشح مش موجود ( اللي هو السيسي ) !! .
ليه يا عم حمدين ؟ إنت عايز السيسي ينزل القرى والنجوع عادي كده ؟ هو احنا في 30 يونيو كنا غلبنا الإخوان دور طاوله عالقهوه وخليناهم يحاسبو عالمشاريب ؟ ولا خلعنا تنظيم ارهابي دولي كامل من جذوره ؟ تنظيم ارهابي يا مولانا يعني سلاح وأجهزة مخابرات و قايمة اغتيالات ( على رأسها السيسي ) و شوية أنصار ماركة ( بهايم فور ايفر ) ممكن يلبّسو نفسهم في اتوبيس عشان ينالو الشهاده ولا مؤاخذه ؟!.
Mohamed Hussein
9 مايو
و يا سنينا
مفيش داعي
لنوبة عصر من تاني
يمين الله عصرتينا
بما يكفي
.
عيونك عاميه
ماتشوفي ؟
دفاتر هَم
مرصوصه و مترصّه
و جوه القلب كام غصّه
و مستكفي
.
كأن ما بينا تار بايت
و حرب بسوس
مانا رافع و مستلسم
و مش بالرايه بتعايق
و لو ترضي
ما يلزمني لا دار و فلوس
و بس البال يكون رايق
.
.
محمد حسين
Mohamed Hussein
9 مايو
السيسي وحمدين
.
حمدين صباحي , حبيب قلبي , بقيت شايفه امبارح عامل زي الساندوتش , حمدي و حمدي و بينهما سيسي !! , كلامه حلو و مترتب و جاهز لكل سؤال ( محترف يعني ) , إنما ما يصحش يا حمدين انك تشغل بالك بالمنافس بالشكل ده , ولا يليق بيك أبدا إنك تلقّح كلام على حملته الإنتخابيه , مش قيمتك و لا هي حاجه هتكبرك ولا هتصغّره .
.
في الوضع السياسي داخليا وخارجيا : هتلاقي السيسي وحمدين متشابهين إلى حد كبير في رؤيتهم للملفات وخصوصا الخارجيه وعلاقتنا بدول زي قطر واسرائيل وتركيا , وداخليا حمدين بيكشر للإخوان من فوق الترابيزه و بيغازلهم من تحت الترابيزه , هعتبره غزل شريف أو لفت انتباه .
.
في الملف الإقتصادي بقى و ده المهم , فبصراحه يعني عايز أحكي لكو حكايه صغيره : .... علمتني برامج التوك شو إن المواطن ( إكس ) لما بيكون خارج السلطه و بيظهر عالتلفزيون بيعمل لنا البحر طحينه وتحس ان مصر دي أغنى دوله في العالم واننا مش عارفين نودي الفلوس فين ؟ و بنفكّر نربّي أسماك زينه في نهر النيل عشان الشكل الجمالي , و عندنا مليارات متلتله زكايب زكايب بس احنا اللي مكسّلين نفتحها , ونفس المواطن إكس ده لو بقى في السلطه تاني يوم هيقولك الحاله ضنك ومفيش فلوس ولازم ناخد قرض والدول الشقيقه والصديقه هتقف جنبنا الخ , الحكايه دي اتكررت كتير جداااا , مع وزراء ورؤساء وزارات .
.
ده بالظبط نفس اللي شوفته في حوارات المرشحين السيسي وحمدين , واحد فيهم بيتكلم بصفته رئيس النظام القادم في مصر و واحد بيتكلم بصفته المعارض الأول للنظام القادم في مصر , واحد شايف الدنيا كحلي والتاني شايفها وردي , الإتنين غلط على فكره , والدنيا لا هي غامقه ولازم نقسم الرغيف ولا هي وردي و هنركّب جاكوزي في كل بيت في مصر ..
.
أخيرا بقى : كنت أتمنى زي أي دوله محترمه إنه يكون فيه تعاون بين حمدين والسيسي في الفتره اللي جايه بصرف النظر عن مين فيهم الرئيس , بس دي مشكله مصريه بحته , كل واحد بيمارس سياسه في مصر عنده رجالته جاهزين ( الطقم بتاعه ) و مابيقبلش تعاون من المنافس , يعني الرئيس بييجي ومعاه الفرش بتاعه بالكامل زيه زي أي عروسه جديده , و معاه المأذون و الشهود والمعازيم كمان .
Mohamed Hussein
8 مايو
بعد شهر تقريبا من دلوأتي هيحصل حاجتين مهمين أوي في مصر أتوقعهم أنا يعني من خلال الفكاكه بتاعتي لا أكتر ولا أقل ( يعني من مصدر موثوق أهو أو تقدر تقول من مصدر قريب الصله مني ) .
.
أولا : إن عمرو موسى هيكون له دور كبير جدا في المرحله الجايه , غالبا هيمسك منصب نائب الرئيس للشئون الخارجيه بدل صاحبنا القمّاص اللي جواز سفره في جيبه على طول و رجليه واخده عالمطار , أيوه هو الأقرع ده , عارفه ؟ .
.
ثانيا : الثقه اللي بيتكلم بيها السيسي بتقول إنه مرقّد على شيك محترم فيه 10 أصفار من الدولارات أو 11 صفر بالجنيه المصري , وطبعا معروف الشيك هييجي منين ؟!... لأ مش مني , والله لو معايا ماكنت أعزّهم على مصر , سامحني بقى في ال 10 دولار اللي عليا يا عبفتاح ياخويا .
.
ثالثا بقى و ده الأهم ( مع إن مكانشي فيه ثالثا في أول البوست ) : إني هبقى نزلت مصر نهائي بإذن الله , نووووووهائي , و هقطّع جواز سفري أو هرميه من البلكونه زي ما عمل أحمد حلمي في فيلم عسل إسود , بس مش هرميه عدم احترام والعياذ بالله , بالعكس , نفسي أرمي جواز سفري أو أحرقه حتى عشان مش أسافر و اسيبها تاني .
.
ليست هناك تعليقات:
إرسال تعليق