Mohamed Hussein
10 أبريل
زمان كان اكتر ناس بيعملولي بلوكات هما أنصار الإخوان , وبعد فتره كده الصفحه نضفت منهم , ودلوأتي أكتر ناس بيعملو لي بلوكات هما شباب 6 ابريل والنحانيح , وللعلم يعني وعلى رأي الزعيم الخالد ( إذا رأيتم حركة 6 ايريل راضيه عني فاعلمو إني بدأت اشرب بانجو و اشمّ كولّه ) !!.
Mohamed Hussein
10 أبريل
الله اكبر , عدالة السماء نزلت على ستاد القاهره الكبرى , مجموعه من شباب 6 ابريل تقريبا قررو انهم يدشّنو حمله لترشيح علاء عبد الفتاح للرئاسه !!
.
يعني احنا عملنا ثوره عشان يترشح لرئاسة مصر واحد سفاح زي خيرت الشاطر أو عاصم عبد الماجد وواحد خاين زي مرسي وواحد نصاب زي ابو اسماعيل و واحد سافل زي مرتضى منصور وواحد وقح زي علاء عبد الفتاح , وهو ده قمة الإعجاز العلمي في الديموقراطيه !!.
.
يعني في انتخابات رئاسة مصر 2014 يبقى عندنا مرتضى منصور و علاء عبد الفتاح , ديموقراطيه دي ولّا كاوليه ؟! .
.
إنما بما إننا عملنا الثوره واللي كان كان , فلازم ندي الديموقراطيه حقها بقى , عشان كده انا بقترح نعمل مناظره زي اللي حصلت بين عمرو موسى وابو الفتوح , مناظره ويديرها نفس الأشخاص , يسري فوده والكتكوته منى الشاذلي .
بتخيل شكل المناظره :
.
يسري فوده : والشكره الأولى هتكون من نصيب المستشار مرتضى منصور , اتفضل يافندم ومعاك دقيقتين .
مرتضى يبدأ يشكر بس شكرته تخلص في دقيقه ونص ( بحكم السن والصحه )
منى الشاذلي : والشكره دلوأتي هتكون من نصيب المناضل علاء عبد الفتاح , اتفضل يافندم ومعاك دقيقتين
علاء يبدأ يشكر بس صحته حلوه وشكرته تستمر دقيقتين إلا ربع ..كده الجوله الأولى من المناظره خلصت وفاز بيها المناضل علاء عبد الفتاح بالشكره القاضيه .
.
الجوله التانيه هي كلمه يحب المرشح يوجهها للجمهور , سيادة المستشار الكلمه مع حضرتك وقدامك دقيقه واحده
مرتضى منصور : أحب أقول لجمهور مصر العظيم , روحو لأم الإنتخابات وادلو بأصواتكو في ميتين أبو الصناديق وانتخبو ميتين أمي .
.
علاء عبد الفتاح : عايز اقول لجمهوري العظيم انتخبوني يا شعب عره , يا عبيد البياده , يا معر***. !!.
Mohamed Hussein
11 أبريل ·
قلت أجيب بناتي معايا الصيدليه من باب التغيير , فرشت لهم ملايه في جنب يقعدو عليها وجبت لهم ساندوتشات من هيرفي وبيبسي وشوكلاته , قلت لهم اقعدو بقى وكلو بهدوء عشان اشوف شغلي وبعد ما تاكلو هجيب لكو الألوان وكراريس الرسم وتقعدو ترسمو , ممممممممممم يا بابا مفيش برّايه والأقلام الألوان أغلبها مقصوف ( مفيش برايه هنا يا لوجي , مشّي نفسك بالموجود ) , عايزه اشرب يا بابا ( حاضر يا لمار ) , فيه نملايه كانت معدّيه والله العظيم ( معلش يا لموره ) , خلي لمار تديني القلم الأحمر يا بابا ( حاضر يالوجي ) , عايزه ادخل الحمام يا بابا ( حاضر يا لمار ) , عايزه اسقي الزرع اللي قدام الصيدليه يا بابا ( لأ يا لوجي الدنيا بقت ضلمه ) , طب عايزه اطلع بره في الهوا شويه ( حاضر ) , يا بابا ده القمر ؟ ( أه يا لمار ) , يا بابا قمر يعني sun ( لا يا لموره دي الشمس هي اللي sun قمر يعني moon ) , هو مفيش عصافير بالليل يابابا ( لأ بتبقى نايمه ) تعالو ادخلو جوه بقى عشان اشوف شغلي , فين القلم الرصاص يا لوجي , ماخدتش حاجه يا لمار دوري عليه , يا بابا ركّب لي اللعبه الصغيره دي ( لا يا لوجي في البيت ) والنبي عشان خاطري ( حاضر يا لوجي ) وانا كمان يا بابا ركّب لعبتي ( حاضر يا لمار ) , لبّسني الشراب والجزمه يا بابا عشان عايزه اطلع بره تاني ..........ممممممممممممممممم وبس كده , خلالالالالاص ( الحمد لله على إنعدام نعمة تاء التانيث عندي و ربنا يكون في عون الأمهات ) ...... هسيبكو بقى عشان لوجي عايزه تدخل الحمام !!.
Mohamed Hussein
11 أبريل
الوليه اشتون اللي من جيل صباح لبست الحته الزرقا اللي عالحبل , اللي حضرت بيها فرح الملكه إليزابيث الأم وقعدت مع السيسي وعينها مانزلتش من عليه , إيه يا ست انتي ؟ هو انتو ماعندكوش رجاله في أوروبا ؟ داحنا لسه باعتين لكو من كام شهر راجل من عندنا ملو هدومه أقرع كده وبنضاره , ماله ده ؟ مش عاجبك ؟ , وبعدين السيسي ده نص بنات مصر حاطين عينهم عليه وهياكلوكي بسنانهم .
بس أنا كده اتطمنت إن الإتحاد الأوروبي هيدعم السيسي في الإنتخابات ومش بعيد أشتون نفسها تعمل توكيل للسيسي في الشهر العقاري قبل ما تمشي , يا عيني عليك يا حمدين يا صاحبي , بقالك 10 سنين بتسشور شعرك و مفيش فايده , أقولك على حاجه ؟ بيع السشوار واشتري بتمنه بدلة ظابط , يمكن يكون هي اللي فيها الشعاع يا سامح !!.
Mohamed Hussein
11 أبريل
... مممممممم 3 ستات ومعاهم 5 عيال صغيرين دخلو في نفس اللحظه وانا بقفل , كل واحد فيهم بيسأل سؤال في نفس اللحظه , يعني 8 اسئله مع بعض , يا محمد عندك بابي جوي رقم 2 , يا محمد عندك مرطب للشفايف , يا محمد عندك حفايض نسائيه يا محمد بكام الكريم ده , ...( محمد ده مش اسمي اللي هما عارفينه , ده النداء الشعبي للصيادله هنا ولأي حد ) , طب أنا سيبتهم بقى يسألو مع بعض وقررت اني هكتب البوست ده ومش هرد عليهم , و في الأخر هقول لهم انا مش رديت عشان اسمي عبد الفتاح مش محمد , أه اسمي عبد الفتاح , عبد الفتاح السيسي , لكو شوق في حاجه ؟!!.
Mohamed Hussein
12 أبريل
أوقفو الفحم
.
زمان أيام المعاتيه خرج لنا مجموعه من الشباب المثقف أوي وقالو ليه مصر مايبقاش فيها وزير دفاع مدني ويكون واحده ست زي أسبانيا ؟ ده اسمه تقليد أعمى وغباوه منقطعة النظير في التقليد .
برضه أيام الإخوان خرج لنا مجموعه من المشايخ المخابيل بتوعهم وقالو قانون الطوارئ مذكور في القرأن , وان أمريكا واوربا عندهم قوانين طوارئ , برضه ضحك عالدقون وتلاعب بعقول الغلابه .
كنت أنا ضد حكاية وزير دفاع مصر يبقى واحده ست وحامل دي وبرضه ضد قانون الطوارئ والحاله الوحيده اللي خلّتني أقبل بيه هي الحاله اللي احنا فيها دي , إرهاب حقيقي في الشارع وسلاح وتنظيم دولي سافل مستعد يتحالف مع الشيطان ضد مصر , هي دي الحاله الوحيده اللي أقبل فيها قانون الطوارئ , مش مظاهرات سلميه ولا متظاهرين ولا معتصمين , طالما فيه سلاح يبقى يتفرم اللي بينزل الشارع , سهله الحكايه .
.
وبالمثل عايز أقول لحضراتكو إني ضد استخدام الفحم في توليد الكهربا , مش هسمع برضه للمعاتيه اللي بيقولو أمريكا والصين والمانيا بيستخدموه , نفس التلاعب بالألفاظ والتقليد الأعمى والضحك على عقول الغلابه , مصر مش أمريكا ولا المانيا , دي دول صناعيه انتاجها الصناعي أد ميزانيه مصر 50 مره ومضطرين ينوّعو في مصادر الطاقه عندهم , دي دول ماعندهاش سد عالي ولا طاقه شمسيه ولا طاقه رياح زينا , وفي النهايه , لما مواطن هناك بيتعب بيلاقي رعايه صحيه محترمه , مش مستشفيات فيها قطط ودكاتره عاملين اضراب وممرضه بتقولك ماعندناش سرنجات روح اشتري من بره ,
.
للأسف أنا مش بعبد الأصنام , صحة الناس أهم والحكومه عليها تدوّر على حل تاني حتى لو استعانت بخبراء أجانب ............. أوقفو الفحم !!.
Mohamed Hussein
12 أبريل ·
سعد الدين ابراهيم وعمر عفيفي في مظاهرات قدام البيت الأبيض أيام حكم مبارك للترويج لانفصال النوبيين !!. الكلام ده كان ايام زياره مبارك لأمريكا .
الكهربا ماكانتش بتقطع أيام مبارك , يعني من 4 سنين بس , وماعتقدش إننا بنينا مصانع عملاقه في الفتره دي عشان نقول الإستهلاك زاد , إحنا هدّينا مش بنينا .
هي ايه الحكايه بالظبط ؟ حكاية سعد الدين ابراهيم وعمر عفيقي ووائل غنيم ؟ , حكاية أمريكا و مشروع النوبه وحكاية دولة الأكراد في العراق وسوريا ؟ ومحدش بيجيب سيرة أكراد تركيا ليه ؟!! , هي ايه حكاية الفحم اللي ظهرت فجأه دي ؟ احنا ماعندناش فحم في مصر أصلا , ايه حكاية تقسيم السودان وكلام مرسي لنائب الرئيس السوداني عن التنازل للسودان عن حلايب وشلاتين ؟ هي ايه حكاية السلاح والإرهاب في سينا وقطر والجزيره اللي اذاعت خبر السيطره على ميناء بغداد قبلها ب 3 أيام ؟ , مممممممممممم هو انا ابقى كفرت لو اختصرت الكلام اللي فوق ده في سؤال واحد وقلت : هي إيه حكاية ثورة يناير ؟!!.
مين اللي استغل فساد مبارك والغضب اللي كان في صدور الناس و زقنا بالشكل ده ؟ انتو عايزين من مصر ايه ؟!!.
Mohamed Hussein
12 أبريل
كباريه
.
الحكايه باختصار إن عم مغاوري الجنايني بعت sms لخالد على وقال له ( إنسحب يا خلّودي من انتخابات الرئاسه بلاش فضايح ) , قام خالد رد عليه ب sms وقال له : أوامرك يا صانع اللذه !!.
ده كان مشهد عبقري لصلاح عبد الله وفرعون في فيلم كباريه , عشان كده هتلاقي انسحاب خالد على لم يخلو من حكاية الرقاصه اللي بتجري على أمها ومفهّمه أهل الحته انها بتشتغل ممرضه وإن الإنتخابات هتتزور والعروسه حامل .
.
مشكلتي الأبديه إني ماقبلتش تجارة الإخوان بدين الناس وعقيدتهم ولا قبلت اليساريين اللي بيتاجرو بفقر الناس و قوتهم ولا هقبل اللي يتاجر بشهداء يناير و ثورتنا و ثورتهم , واي واحد بيلعب سياسه بطريقة التاجر بتعامل معاه على اني جزار , جززززززززار , واد يا شرده هات لنا خالد على من التلاجه وعلّقه عالخطاف ده عشان يتعلم الأدب , ولما يبقى ينسحب من الإنتخابات يقول انا انسحبت عشان انا فاشل , مش عشان تزوير وعروسه حامل , أيوه انا فاشل , يام نياظي صحي نياظي وقولي له خالد على فاشل .
.
و كل يوم من ده , تاجرو بقى زي مانتو عايزين , مالكوش عندي غير الخطّاف والساطور !!.
Mohamed Hussein
12 أبريل
كل سنه وكل أقباط مصر بخير وسعاده , كل سنه وانتو طيبين يا اصحابي الغاليين
Uohanna R. Shafik , ميريام أيوب , Sissa Saad , Michael Yousef Younan , Michael Hilal
Mohamed Hussein
12 أبريل
و حكاية هدم الأنفاق اللي بين مصر وقطاع غزه دي هتوقف حال قيادات حماس , التقارير بتقول إن 700 من حماس اتحولو ل ( مالتي مليونير عالأقل ) بسبب تجارة الأنفاق , قطن وشاش رايح و بانجو وحشيش جاي , عربيات مسروقه رايحه و سجاجيد صلاه جايه , لبن اطفال رايح و قنابل واسلحه جايه , دقيق ورز رايح وارهابيين ومتفجرات جايين , انفاق بقى ومفيش رقابه , العربيات بتدخل بالكامل في النفق , والشعار هناك ( شخلّل جيبك يا بلدينا عشان تعدّي ) .
.
و سوف يذكر التاريخ بكل فخر إن عبد المنعم أبو الفتوح ( بتاع بلال فضل ) كان بيلم التبرعات من نقابة الأطباء ونقابة الصيادله ويطلع ولا مؤاخذه في قوافل خيريه لدعم أهالينا في غزه , هو يطلع ب( القوافل ) من هنا ويرجع ب ( خيريه ) من هنا !!.
.
الله يخرب بيتك يا مبارك لبيت اللي جابك , دي مصر لو كانت أرض الكفره كنت حافظت عليها أكتر من كده .
Mohamed Hussein
12 أبريل
الأبنودي و نجم
.
قبل ما يموت الله يرحمه الشاعر الرائع أحمد فؤاد نجم كتب قصيده لعن فيها جدود أبو مرسي , يوميها أنصار الإخوان عملو حمله وقحه على شاعرنا العملاق الراحل وقالو بيشرب حشيش ومابيصليش !! .
ومن كام يوم الأبندوي أعلن تأييده للسيسي , ومن ساعتها أصحابنا النحانيح عاملين حمله ضد العملاق عبد الرحمن الأبنودي ماتقلّش سفاله عن حملة الإخوان ضد أحمد فؤاد نجم .
.
مع إن أحمد فؤاد نجم قبل ما يكتب عن مرسي كتب عن مبارك وابنه أنيل كلام وقبل منهم السادات , واتسجن أغلب سنين عمره , والأبنودي كتب أعذب الأشعار عن ثورة يناير ( أن الأوان ترحلي يا دولة العواجيز ) .
.
بس أنا مش عارف أصحابي النحانيح و هما بيعملو حملتهم السافله ضد الأبنودي بيقولو فيها ايه ؟ طب الإخوان كانو بيقولو نجم حشاش , مممممممم أنا هقول لكو يا أصحابي , بصو , فيه إعلان لحلقة من برنامج منى الشاذلي هتستضيف فيها الأبنودي وماجده الرومي , في الإعلان ده الأبنودي بيبوس ماجده الرومي من خدها والعياذ بالله , اعملو حملتكو بالشكل ده بقى ( يا أبنودي ياللي بتبوس ماجده الرومي من خدها ) , أه نسيت أقول لكو حاجه , ماجده الرومي نفسها قالت أحلى كلام عن جيش مصر , اعملو حمله ضدها هي كمان , بس هتقولو فيها ايه دي ؟ سهله خالص بقى مانا لسه قايلها , قولو ( يا ماجده ياللي الأبنودي بيبوسك من خدك ) !!.
.
اشتغلو يا شباب اشتغلو , وطالما طلع لك شوية شعر تحت الإبط لازم تفهم أنك أكتر واحد بيفهم في كوكب الأرض , وإن رجولتك الحقيقه ماتكتملش إلا بالتطاول على قمم الأدب والإبداع في مصر , مستمرين مستمرين , وفي الهجايص مكمّلين !!.
Mohamed Hussein
13 أبريل
جماعة الإخوان المسلمين ( التنظيم الإرهابي الدولي ) قررت نقل مقرها من لندن بلد الكفر والفجور إلى مدينة جراتس النمساويه بلد الكفر والفجور برضه , ومن هناك هيكملو حربهم ضد الجيش المصري ( خير أجناد الأرض ) , وكله يهون في سبيل اقامة دولة الخلافه الإسلاميه ولا مؤاخذه , أه اللي هيبقى عاصمتها جراتس ولّا فيينا ( مهبط الديانات والأنبياء و الرسل و البرادعي ) واحتمال لما يقيمو دولة الخلافه دي نبقى احنا ندفع لهم الجزيه عشان احنا هنبقى الكُفّار الجدد !!.
Mohamed Hussein
13 أبريل · تم التعديل
مدرب كاراتيه في نادي بلديه المحله ( تقريبا ) عمل علاقات جنسيه مع كام ست من اللي بيترددو عالنادي وصوّرهم و بدأ يبتزهم واتقبض عليه واترمى في السجن , لحد كده والخبر عادي , اللي مش عادي بقى إن بعض الستات دول كانو زوجات لظباط شرطه , وهنا بدأت الجريمه اللي أكبر من اللي فاتت , وبدأو الإخوان وبعض الشباب الصايع المحسوب ظلما على الثوره في نشر الفيديوهات كنوع من الشماته .
طب هي يعني الست اللي انحرفت دي انحرفت عشان هي مرات ظابط ؟ طب ماهي ممكن تنحرف وهي مرات طيبيب او مهندس أو مدرس أو صيدلي أو عامل , هو الشيطان بيسأل الست قبل ما يغويها إنتي جوزك بيشتغل ايه ؟!
.
إنما على أي حال , ربنا سبحانه وتعالى بيسبّب الأسباب , والجماعه الإرهابيه الي اسمها الإخوان المسلمين دي شوفت منها كل أنواع الموبقات , كدب لأغراض سياسيه وقذف محصنات لأغراض سياسيه ونصب عالناس لأغراض سياسيه وتجاره بدين الله لأغراض سياسيه وتقوّل على سيدنا رسول الله لأغراض سياسيه وقتل لأغراض سياسيه وحرق وتخريب لأغراض سياسيه وخيانه للأرض والتراب لأغراض سياسيه وكان ناقصهم يس الحكايه دي ( كشف عورات الناس ونشر الفضايح بدل الستر ) وبرضه لأغراض سياسيه , كده بتكتمل في ذهني صورة الشيطان , جماعة إخوان الشياطين , ربنا يلعنكو في كل ملِّه ودين .
Mohamed Hussein
13 أبريل · تم التعديل
البوست اللي فات منشور في صفحة الجاليه المصريه في السعوديه , مش مهم , بإسم واحد تاني , برضه مش مهم , و بيرد على التعليقات كأن هو صاحب البوست , برضه عادي والله , اللي مش عادي بقى إن الناس كاتبه تعليقات عالبوست ( إني أقصد هو يعني لما قلت قذف المحصنات كنت بقصد الستات اللي متصورين في الفيديو !! ) , يبدو إن أغلب اللي بييجو السعوديه من مصر هما التراحليه مش اكتر , عشان كده الإخوان كانو بياخدو اصوات المصريين في السعوديه , ييجي هنا تراحلي ويعيش تراحلي ويرجع مصر يبقى شيخ جامع ومقيم شعائر وتراحلي برضه !!.
Mohamed Hussein
14 أبريل
كام شاب وراجل كده قاعدين على قهوه , بيشربو معسّل وجايز حشيش , القاعده احلوّت والكلام جاب كلام , بدأ واحد منهم الحوار وقال : أنا مايكفنيش 3 ستات في الليله , التاني قال وانا مايكفنيش 5 ستات والتالت قال أنا مايكفنيش اتنين , مممممممممممم وساعة الإمتحان بيُكرم المرء أو يهان !!.
.
هو ده اللي حصل بالظبط بعد اختراع الفيس البوك ( القهوه ) , كنا فاكرين نفسنا مثقفين وأذكياء ووطنيين وعارفين ربنا , و ياما قولنا إن الراجل المصري مايكفيهوش 7 كتب في اليوم ( مثقف ) ولو دخل امتحان ذكاء هيجيب 700 % ( عبقري ) , أما في الدين فاحنا شعب متدين أوي بقى بطبع أهله و كل واحد مننا حج بيت ربنا ييجي 300 مره , وجت ساعة الإمتحان ( الثوره ) واكتشفنا إن المرء ساعة الإمتحان بيُهان أو يُهان !!.
.
كتير من الحاصلين على مؤهل جامعي في مصر لما بتشوف كلامهم ونقاشاتهم وتعليقاتهم بتحس إنهم محتاجين يتعلمو من أول وجديد , من أول زرع وحصد وعمو حسن يشد الكرنبه , وكتير من مشايخنا محتاجين يعرفو في دين ربنا من أول زرع وحصد وإن الكدب والقتل حرام , وكتير من السياسيين الكبار عندنا محتاجين يتعلمو الفرق بين الحلم والواقع , بين المرجو و المتاح , يعني باختصار محتاجين يتعلمو ألف باء سياسه أو تعريف كلمة ( السياسه ).
.
ولما تزهق من النقاشات والحوارات والإفتكاسات والعقول المشوهه , تقول أروح صفحة الإعلانات المبوبه , نشوف مين بيبيع ايه لمين وبكام ؟ تلاقي واحد بيبيع شقته , استنى هتصل بالراجل ده , ألو سلامو عليكو , عليكم السلام , حضرتك عامل اعلان في النت عن شقه في الحي الفلاني ؟ أيوه بالظبط , حضرتك المالك ؟ أيوه , طب الشقه 165 ؟ لأ دي غلطه في الإعلان , الشقه 140 متر بس , طب حضرتك هي على شارع كذا الرئيسي ؟ لأ مش بالظبط , هي على شارع متفرع من شارع تاني متفرع من الشارع الرئيسي ده , طب حضرتك قلت عايز مبلغ كذا مقدم والباقي تقسيط ؟ لأ لأ مين قال كده أنا عايز المبلغ كاش , يافندم مش حضرتك اللي كاتب الإعلان بإيدك ؟ أيوه بس الحاجات دي اتكتبت سهوا , طب أشكرك جدا مع السلامه !!.
.
مين يشتري منّي كلب أرامنت ؟ , أصفر مشمشي , له ديل و 4 رجول , وودنين أحدهما بتطلّ عالشارع والأخرى على منور , الكلب له سلسله حديد تايواني , والمفاجأه , السعر شامل السلسله لظروف السفر !!.
Mohamed Hussein
14 أبريل
حزب الدستور قرر بصفه رسميه إنه يدعم حمدين صباحي في الإنتخابات , الحمد لله , أخيرا الحزب عمل حاجه عليها الطلا , وطلع من عباية البرادعي , ده أفضل بكتير من حكايه احنا مقاطعين واحنا نايمين في 14 , هو صحيح السيسي اللي هيفوز برضه إنما مهم جدا وجود حزب الدستور في الشارع , عشان يبقاله صوت وكرامه و لزمه , مايبقاش حزب عالورق وفي منتديات ساقية الصاوي و صفحات الفيس بوك , ربنا يكفينا ويكفيكو شر التويتات المُحبِطه اللي بتيجي من أعالى البحار , و تحديدا من عالكرسي الخرزان اللي جنب البيسين !!.
Mohamed Hussein
14 أبريل
الدولار كان أيام الملك فؤاد ب 20 قرش وايام الملك فاروق ب 30 قرش , و بعد ما عملنا 3 ثورات ( 52 ..2011...2013 ) بقى الدولار ب 750 قرش !!.
كل شعوب العالم بتعمل ثورات وديمقراطيه عشان تطلع لقدام واحنا بنعملها عشان نرجع لورا , و تقريبا كده باقي لنا ثورتين تلاته ونوصل لل level الأخير ونقابل الوحش والديناصورات أو عالأقل نحضر سبوع شجرة الدر و محمد حسنين هيكل , حلقاتك برجلاتك يوم ورا يوم تعمل ثورات !!.
Mohamed Hussein
14 أبريل
حملة السيسي سلّمت اللجنه العيا للإنتخابات حوالي 500 ألف توكيل تقريبا النهارده , العيال الي شايلين صناديق التوكيلات مستحيل يكونو تبع شركة شحن ولا أنصار عاديين , الواد اللي شايل الصندوق ده العضله اللي في دراعه أد دماغ شريف مدكور , ده حتما ولابد يكون من كتيبة صاعقه , فيه إيه يا سيسي ؟ إنت بتشغل الصاعقه لحسابك يا جدع إنت ؟ ممممممممممم طب خلاص هسامحك المره دي إنما إعمل حسابك المره الجايه لا ممكن هسامحك أبدا .
.
الدين لله , و الترشح للجميع , و الرئاسه للسيسي !!.
Mohamed Hussein
15 أبريل
عسكري ولا نجار نابوليا ؟
.
السطحيه بتحكم عقولنا وتفكيرنا , مش عايزين رئيس عسكري , كله إلا الرئيس العسكري , على جثتنا الرئيس العسكري , إنت ماشوفتش مبارك عمل فينا إيه ؟
.
مع إننا لو كفرنا شويه بسطحية التفكير هنشوف الصوره أوضح وأشمل , السادات بطل الحرب كان عسكري وهو هو اللي عمل اتفاقيه السلام , مع إن حكاية السلام دي ماتليقش عالعسكري المصري , وعبد الناصر كان عسكري وبدأ في قواعد صناعيه عملاقه مع إنه مش مهندس ميكانيكا باور , واللي بنو مصر في الأساس أغلبهم كانو عساكر وقادة جيوش , هي طبيعة مصر كده ماكانشي بيفوت عليها عشره عشرين سنه من غير ما تدخل في حرب , موقعها الجغرافي واهميتها في منتصف الكره الأرضيه فرضو عليها إنها تعيش دايما في الوضع steady ( استعد ).
.
ولو كفرنا شويتين كمان بسطحية التفكير هنعرف إن اللي أفسد الحياه السياسيه والإقتصاديه في مصر وأهلك الحرث والنسل في ال 30 سنه اللي فاتو إسمهم كده بالترتيب ( سوزان ثابت , جمال مبارك , أحمد فتحي سرور , صفوت الشريف , حبيب العادلي , كمال الشاذلي , أحمد عز ...إلخ ) , هتلاقي واحد منهم مهندس والتاني محامي والتالت خريج ماعرفش إيه , واتحداك تطلّع لي منهم عسكري واحد , دول اسمهم البطانه الفاسده , بطانة السوء , ياريس إمسك الشيك دي عموله ومتعارف عليها وكل الرؤساء اللي قبلك كانو بياخدوها , يا باشا المصانع المملوكه للدوله حالها واقف وانتاجها ضعيف ماتيجي نخصخصها ونبيعها لرجالتنا هيفتحوها ويشغلوها زي الفل والماكنه هتطلّع قماش , يا ريس إديني حتة أرض كبيره أعمل عليها مشروع إسكان للناس عشان نحل أزمة السكن شويه , بقولك إيه يا باشا اوعى تسمع كلام الناس وتعين نائب لك , إنت العين عليك ومستهدف , فيه قلق في البلد ياريس , أنا بقترح على سعادتك نعل فتنه صغيره كده بين المسلمين والمسحيين أهو حاجه الناس تتلهي فيها .
.
خلاصة الكلام , رئيس مصر القادم و أي رئيس هييجي بعد كده , سواء كان عسكري أو مهندس ديكور أو كوافيره حريمي ولا نجار نابوليا , مش مهم , المهم الدستور اللي جابه للحكم شكله إيه ؟ , والمهم عيونا تفضل مفتوحه عليه وعلى حكومته , القنوات والجرايد موجودين وصوتك خليه حر , انتقد واعترض واقترح بدايل , ولو كلامك ماتسمعش انزل الشارع ( العنوان مايتوّهش ) , بس والنبي ولا مؤاخذه يعني مش عشان الست أم شوشو جارتكو اللي فوق غسيلها بينقّط على غسيلكو تقوم تعمل إيفنت وتنزل تطالب بسقوط النظام !!.
.
الكلام ده مش ترويج لحكم العسكر , يا أهلا بالمرشح المدني والرئيس المدني وتحت نفس الشروط والظروف , هنصبر عليه , هتبقى عينا مفتوحه عليه و على بطانته , هننتقد ونعترض بطريقة اللي بيعترض عشان يبني مش بطريقة ( خُلقنا لنعترض و نسرق ولّاعات ) !!.
Mohamed Hussein
15 أبريل
حكايات وأفلام وروايات , يا بشر يااااااااااااا بشر , المرشح العسكري مابينزلش من بطن أمه ومعاه صك الفساد ومفتاح النار ولا المرشح المدني بينزل معاه صك الشفافيه ومفتاح الجنه , الدستور اللي بيحكمك بيسمح لأي حد , أي حد حتى لو كان ابن كلب واطي انه يترشح للرئاسه , الدستور بيسمح لحرامي الغسيل اللي ماصدرتش ضده أحكام إنه يترشح ( مرشح مدني ) وبيسمح للشاذ جنسيا اللي ماتقبضشي عليه من بوليس الأداب إنه يترشح و بيسمح للرقاصه والشيخ المكفّراتي إنه يترشح , بس إنت مش عايز مشير في جيش مصر يترشح .
الدستور سمح لواحد سافل زي مرتضى منصور و واحد وقح زي علاء عبد الفتاح وعيل تافه زي خالد على انه يترشح , والدستور يسمح لأحمد المغير وعبد الرحمن القرضاوي وصافيناز والسوبكي ومصطفى بكري إنه يترشح ( كلهم مدنيين على فكره ) , حتى مدرب الكاراتيه بتاع المحله لو ماصدرش ضده حكم ينفع يبقى رئيسك المدني ( بالدستور ) وهيبقى على قلبك زي العسل , أصله مدني ولا مؤاخذه ., وفي الأخر تقولو تبرير !! , انا حاسس إني بكلم أموات ولاد أموت من نسل أموات , موميا و لها رجلين و بتلبس جزمه وشراب و تمشي عالأرض .
Mohamed Hussein
15 أبريل
مشاكلي الأربعه مع النشطاء السياسيين
.
1 - إن دستور مصر الجديد اللي المصريين صوّتو بنعم عليه بنسبة 99% مافهوش ماده بتقول ( يشترط في مرشح رئاسة الجمهوريه إنه يكون دكر !! ) عشان كده أي حد مش دكر ممكن يترشح , حتى علاء صادق ( و هيبقى اسمه مرشح مدني ) !! .
.
2- إننا وصلنا لحاله من التردّي في مفهوم الوطنيه والإحساس بحجم مصر لدرجة ان الناشط بقى بيقارن بين مصر و قطر ( راس ب راس ) !!.
.
3- إن الناشط مش فاهم الفرق بين الجملتين دول ( لفلان الحق في الترشح ) و ( لفلان الأحقّيه في الترشح ).... عشان كده أي سبع عيال صيّع قاعدين عالقهوه ممكن يرشحو واحد منهم وتاني يوم ينسحب و يطلع في الجزيره وفي الواشنطن بوست ( والجزيره طبعا هتحاسب على مشاريب القهوه ) !!.
.
4- إن الناشط في يناير 2011 قال تعالى يا جيشنا يا شريف إحمينا واحمي ثورتنا و شوارعنا وميادينا , وفي فبراير 2011 قال انت بتعمل ايه هنا يا جيش يا عرّه وايه اللي دخلك في السياسه ؟, إنت مكانك عالحدود مش هنا .
و نفس الناشط في يونيو 2013 رجع تاني وقال الحقنا يا جيشنا يا شريف وانقذ البلد معانا واحمي شوارعنا وثورتنا وميادينا , وفي يوليو 2013 قال انت بتعمل ايه هنا يا جيش يا عرّه ؟ مكانك عالحدود , ايه اللي دخلك في السياسه ؟!
الناشط عايز جيش بسوسته أو جيش بأستيك .
.
و مع إعتذاري لعم جلال عامر , أنا قلت لابويا الله يرحمه عايز أطلع ناشط سياسي , قال لي ( عيب يابني , إحنا ناس فقرا صحيح بس ماحيلتناش غير شرفنا ) !!
Mohamed Hussein
15 أبريل
و قلت له يابه العمده إزاي الإخوانجي من دول بيعرف يقنع الناشط السياسي و ياخده من إيده و ينزّله من بيته للشارع مع إن الشارع نفسه مابقاش طايقهم ؟
قال لي : يابني البيوت أسرار و ياما بين الراجل ومراته بتحصل حاجات , ربنا يهدّي سرّهم بقى !!.
Mohamed Hussein
16 أبريل
العزل هو الحل
.
جرت العاده إن كل الشركات ال مالتي ناشونال العملاقه بيكون لها مقر رئيسي و مقرات إقليميه , خد عندك مثلا ( شركة البلَاله لتأجير العَجَل والتريسيكلات في كوكب بلوتو ) و دي شركه عملاقه , غيّرت نشاطها مؤخرا , كانت زمان بتشتغل في المقاولات ولها أعمال ضخمه سابقاها في كل مكان فشر المقاولين العرب , سمعتها زي البرلنت , من أعمالها مثلا إنها عملت الواجهه بتاعة كوكب المريخ بالجرانيت والرخام والحجر الجيري , وهي اللي رصفت الطريق اللي في مدخل درب التبانه .
الشركه دي لها مقر إقليمي في قطر و مقر رئيسي في النمسا , من كام شهر كده سافر لهم حبيب الملايين , وبعد منه الإخوان نقلو نشاطهم هناك , طب المقر الإقليمي بتاع قطر ومقدور عليه , أصل العنكبوت لما يكون معشش في سقف البيت بيبقى شكله وحش ويقرفك , لكن أخره زعّافه وتمد إيدك تجيبه بيها , وتبرمها كده وخلاص , إنما النمسا بعيد عن إيدينا ومحميه بالإتحاد الأوروبي , ... طب نعمل إيه في المقر الرئيسي للشركه دي إذا كنا مش غاويين نتأجر عجل في كوكب بلوتو ؟
يتهيألي الحل هو العزل , ممكن نكمّل العدد في المقر الرئيسي ونبعت لهم من اليمن توكل كرمان و من مصر قيادات الجماعه الإرهابيه على ياسر برهامي واحمد موسى ومصطفى بكري وعلاء عبد الفتاح واحمد ماهر و ريهام سعيد , وبس كده , بعدها على طول نبني سور عااااااالي أوي حوالين النمسا ( السعوديه والإمارات هيتحمّلو تكلفة بناء السور ) و نعلنها محميه طبيعيه !!.
Mohamed Hussein
16 أبريل
المحكمه حكمت على حازم صلاح ابو اسماعيل بالسجن 7 سنوات وسنتين لإهانة القضاء , ال 7 سنين دول بتهمة التزوير في أوراق رسميه والكدب , صحابي الأنتيخ سابو الخبر وركزو في حاجتين اتنين :
أولا : إن القاضي حكم على ابو اسماعيل بالسجن وعلى مبارك بالبراءه !! مممممممممممممم يا مثبت العقل والدين يارب , خلاص أي حد تبع اي حاجه عمل أي حاجه غلط هنطلعه براءه عشان يعجبكو , تاجر المخدرات براءه وحرامي الغسيل براءه والمزوّر براءه وكله براءه بما إن مبارك هياخد براءه !!.
.
ثانيا : إنهم نسيو الاصل في الحكم والأصل في الحكايه كلها , اللي بيقول باختصار , إن القاضي بعد كذا جلسه وبعد تقديم أوراق أد كده وفي وجود ابو اسماعيل والمحامين بتوعه أصدر حكمه , وحكمه ده بيعني باختصار يا بهاليل السيده أن فضيلة الشيخ الأستاذ الدكتور المهندس العالم العلّامه الأسد الحبر الفهامه حازم صلاح ابو اسماعيل طلع ابن كلب كداب ومزور و أصر على كدبه وتزويره .
Mohamed Hussein
16 أبريل
اللي كنت خايف منه حصل , المنظمين لحملة عبد الفتاح السيسي بيشتغلو بطريقه منظمه و عينهم راميه لقدام , مالهمشي علاقه بالمنافسين و في إديهم صباع طباشير بيرسمو بيه خط على كل شارع ورصيف في مصر , خط بإسم السيسي .
أما المنظمين لحملة حمدين صباحي فكل همهم إنهم يمسحو الخط اللي مرسوم بإسم السيسي مع إن هما كمان معاهم صباع طباشير والمفروض يرسمو خط موازي بإسم حمدين !!.
بيفكروني بنكتة الإتنين اللي لقو مصباح علاء الدين , ودعكوه وطلع لهم العفريت , الأول قال للعفريت أنا نفسي أشوف أمي والتاني قال أنا نفسي الأول مايشوفشي أمه !! .
يتهيألي السيسي لو مات او انسحب من الإنتخابات أغلب المنظمين لحمة حمدين هيقعدو في بيوتهم ويقولو خلاص يا جدعان إحنا كده جبرنا والحمد لله .
.
يهدّها الديموقراطيه بتقفش على صدر الديموقراطيين , وخصوصا لما بيشربوها عالريق و هما لسه على لحم بطنهم !!.
Mohamed Hussein
16 أبريل
بنتي الصغيره قالت لي يا بابا عايزه كراسة رسم عليها صورة ( هِينّ ) hen , قلت لها حاضر , بس ايه الطلبات الغريبه دي ؟ كراسه عليها صورة فرخه ؟ هي هترسم ولا هتعمل عمل لحد ؟ طب ماجيب لها كراسه عليها رجل كتكوت روماني يتيم ؟! , المهم روحت المكتبه مالقتش كراسة رسم عليها صورة hen , قام تفتق ذهني عن فكره , جبت لها كراسة رسم عاديه وستيكرات صغيره للحيوانات ( من ضمنها ال hen ) بس الستيكرز صغيره أوي , و قلت هلزق لها الفرخه على جلدة الكراسه ويا دار ما دخلك شر , بس انا عارف بنتي كويس , مش هتقتع بالفكره الحلزونيه بتاعتي , وغالبا كده لما أروح البيت هعمل انا شكل ال hen واحتمال ابيض قدامها عشان تقتنع و تبطّل تعيط !!
Mohamed Hussein
17 أبريل
حرية ولا إنحطاط ؟
.
- حرية التعبير عن الرأي : مفهومها عند شباب كتير إني أنزل في أي وقت من غير تصاريح ولا قوانين وأحرق واكسّر واخرّب ( بعبّر عن رأيي يا أخي ) , واشوّه حيطان وابهدل عربيات القطر والأرصفه واخلع الشجر ( مانا ليا مطلب وبعبّر عنه يا أخي ) , واسبّ والعن في أي حد ولأي سبب , شيخ الأزهر ده ابن تيت والبابا ابن ستين تيت ورئيس الدوله ابن 600 تيت ورئيس الحكومه ابن 6000 تيت , والباب ده عايز الحرق هو والباترينه دي والطفايه وعلبة السجاير , أبويا نفسه ابن تيت وامي بنت ستين تيت المجتمع كله ابن 600 تيت وجيل عره عبيد وكفره ولاد حرام ( حرية رأي يا جاهل ياللي مابتفهمش حاجه في الديموقراطيه ).
.
- حرية الإبداع الفني : هجيب واحده كده واقول لها خلي بالك طول الفلم تلبسي الفستان ده وصدرك لازم يبقى عريان , لما الأحداث تسخن شويه هنلبسك قميص نوم بدل الفستان والتصوير طبعا هيبقى في أوضة النوم , هتاخدي 3 مليون جنيه , قولتي ايه ؟ وانت ياد انت , انت هتتحب الفرسه دي وهتبص عليها من ورا الباب وهتحكي لصحابك عن جسمها بقى , يا ابراهيم يا ابراهيم , فستان هيفا حشمه اوي كده ليه ؟ لا لا لا عايز تلتين الصدر يكونو باينين , احنا دافعين لحد دلوأتي 4 مليون يا ابراهيم , الشباب تعبان يابراهيم و يتبسط , أيوه كده الله يفتح عليك يا شيخ , أهي الحته العريانه الزياده دي هتجيب لنا بتاع مليون ونص لوحدها , شوفولنا حد من الصيع اللي ماليين الحواري يساعدنا في كتابة السيناريو يا شباب , أه عايزين ألفاظ وقحه بس تكون جديده عشان تعلّم مع الناس ( حرية إبداع يا جاهل ياللي مابتفهمش في الفن والإبداع ) , يالله يا رجاله نقرا الفاتحه , اللهم صل عالنبي , يارب ارزقنا ب عشره خمستاشر مليون عشان نعوّض اللي دفعناه .
Mohamed Hussein
17 أبريل
وجع الديموقراطيه
.
لا يليق بإسم مصر أن يكون من ضمن مرشحي الرئاسه واحد زي مرتضى منصور أو واحد زي علاء عبد الفتاح أو خالد على و لا حازم صلاح ابواسماعيل , لا يليق , مصر مش صيده يا بهوات , مش بنت ليل لابسه فستان أحمر وراكنه ضهرها على عمود في شارع جامعة الدول , مصر هي مصر , اللي اتكتب اسمها مليون مره في الكتب السماويه وكتب التاريخ والأشعار والحواديت , و مجرد الترشح لرئاستها شرف لا يستحقه أشباه الرجال ولا كدابين الزفه .
أتمنى في المرات القادمه أن تكون لدى اللجنه العليا للإنتخابات صلاحية استبعاد المرشحين تحت داعي ( لا يليق بإسم مصر ) , بلا ديموقراطيه بلا زفت , وحضرتك لو ماقدرتش تفهم إن الناس دي صغيره أوي على إسم مصر فحاول تفهم إن مصر كبيره أوي عليهم !!.
Mohamed Hussein
17 أبريل
2 و خلّي بالك إن صاحبك الناشط الفيس بوكي زايط بقاله اسبوع في فيلم حلاوة روح , عمّال يسب ويلعن في الدوله و الحكومه و الإنحلال و يتكلم عن ضياع الشباب , بناة الغد و حماة المستقبل , دولة الإنحلال والإنحراف وانعدام الرقابه .
و هو هو نفسه صاحبك الناشط الفيس بوكي اللي لما سمع قرار ابراهيم محلب بوقف عرض الفيلم هتلاقيه زايط تاني في دولة المنع وتكميم الأفواه , أين حرية الإعلام والإبداع والتعبير عن الرأي ؟ دولة الإستبداد والفاشيه تطلّ برأسها من جديد يا هيفاء , قصدي يا منى !!.
Mohamed Hussein
17 أبريل
منذ قاعد بتفرج على ماتش الزمالك , و بعدين سرحت كده , إفتكرت قبل ثورة يناير بسنتين وتلاته كان الدوري المصري وصل لمستوى عالي جدا , فنيا وماديا , كان تقريبا وصل تمنه لأكتر من 400 مليون , دلوأتي لا انا شايف كوره ولا جمهور , ويتهيألي لو جهه معينه عرضت تشتري الدوري بحالته دي مش هتدفع فيه أكتر من 750 جنيه وأكلة سمك , ولو سمحنا لدخول 50 مشجع بس هيحصل شغب ( اسأل الألتراس سيادتك ) و طبعا الجزيره هتصوّر وهتقول 7000 شهيد و 170 ألف جريح في حالة خطره في ستاد القاهره , ومعنا من ستاد القاهره الشهيده شيماء اللي رافضه للإنقلاب , شهيده شيماء ممكن توصفي لنا المجزره اللي حصلت عندك من قوات الإنقلاب ؟!!.
10 أبريل
زمان كان اكتر ناس بيعملولي بلوكات هما أنصار الإخوان , وبعد فتره كده الصفحه نضفت منهم , ودلوأتي أكتر ناس بيعملو لي بلوكات هما شباب 6 ابريل والنحانيح , وللعلم يعني وعلى رأي الزعيم الخالد ( إذا رأيتم حركة 6 ايريل راضيه عني فاعلمو إني بدأت اشرب بانجو و اشمّ كولّه ) !!.
Mohamed Hussein
10 أبريل
الله اكبر , عدالة السماء نزلت على ستاد القاهره الكبرى , مجموعه من شباب 6 ابريل تقريبا قررو انهم يدشّنو حمله لترشيح علاء عبد الفتاح للرئاسه !!
.
يعني احنا عملنا ثوره عشان يترشح لرئاسة مصر واحد سفاح زي خيرت الشاطر أو عاصم عبد الماجد وواحد خاين زي مرسي وواحد نصاب زي ابو اسماعيل و واحد سافل زي مرتضى منصور وواحد وقح زي علاء عبد الفتاح , وهو ده قمة الإعجاز العلمي في الديموقراطيه !!.
.
يعني في انتخابات رئاسة مصر 2014 يبقى عندنا مرتضى منصور و علاء عبد الفتاح , ديموقراطيه دي ولّا كاوليه ؟! .
.
إنما بما إننا عملنا الثوره واللي كان كان , فلازم ندي الديموقراطيه حقها بقى , عشان كده انا بقترح نعمل مناظره زي اللي حصلت بين عمرو موسى وابو الفتوح , مناظره ويديرها نفس الأشخاص , يسري فوده والكتكوته منى الشاذلي .
بتخيل شكل المناظره :
.
يسري فوده : والشكره الأولى هتكون من نصيب المستشار مرتضى منصور , اتفضل يافندم ومعاك دقيقتين .
مرتضى يبدأ يشكر بس شكرته تخلص في دقيقه ونص ( بحكم السن والصحه )
منى الشاذلي : والشكره دلوأتي هتكون من نصيب المناضل علاء عبد الفتاح , اتفضل يافندم ومعاك دقيقتين
علاء يبدأ يشكر بس صحته حلوه وشكرته تستمر دقيقتين إلا ربع ..كده الجوله الأولى من المناظره خلصت وفاز بيها المناضل علاء عبد الفتاح بالشكره القاضيه .
.
الجوله التانيه هي كلمه يحب المرشح يوجهها للجمهور , سيادة المستشار الكلمه مع حضرتك وقدامك دقيقه واحده
مرتضى منصور : أحب أقول لجمهور مصر العظيم , روحو لأم الإنتخابات وادلو بأصواتكو في ميتين أبو الصناديق وانتخبو ميتين أمي .
.
علاء عبد الفتاح : عايز اقول لجمهوري العظيم انتخبوني يا شعب عره , يا عبيد البياده , يا معر***. !!.
Mohamed Hussein
11 أبريل ·
قلت أجيب بناتي معايا الصيدليه من باب التغيير , فرشت لهم ملايه في جنب يقعدو عليها وجبت لهم ساندوتشات من هيرفي وبيبسي وشوكلاته , قلت لهم اقعدو بقى وكلو بهدوء عشان اشوف شغلي وبعد ما تاكلو هجيب لكو الألوان وكراريس الرسم وتقعدو ترسمو , ممممممممممم يا بابا مفيش برّايه والأقلام الألوان أغلبها مقصوف ( مفيش برايه هنا يا لوجي , مشّي نفسك بالموجود ) , عايزه اشرب يا بابا ( حاضر يا لمار ) , فيه نملايه كانت معدّيه والله العظيم ( معلش يا لموره ) , خلي لمار تديني القلم الأحمر يا بابا ( حاضر يالوجي ) , عايزه ادخل الحمام يا بابا ( حاضر يا لمار ) , عايزه اسقي الزرع اللي قدام الصيدليه يا بابا ( لأ يا لوجي الدنيا بقت ضلمه ) , طب عايزه اطلع بره في الهوا شويه ( حاضر ) , يا بابا ده القمر ؟ ( أه يا لمار ) , يا بابا قمر يعني sun ( لا يا لموره دي الشمس هي اللي sun قمر يعني moon ) , هو مفيش عصافير بالليل يابابا ( لأ بتبقى نايمه ) تعالو ادخلو جوه بقى عشان اشوف شغلي , فين القلم الرصاص يا لوجي , ماخدتش حاجه يا لمار دوري عليه , يا بابا ركّب لي اللعبه الصغيره دي ( لا يا لوجي في البيت ) والنبي عشان خاطري ( حاضر يا لوجي ) وانا كمان يا بابا ركّب لعبتي ( حاضر يا لمار ) , لبّسني الشراب والجزمه يا بابا عشان عايزه اطلع بره تاني ..........ممممممممممممممممم وبس كده , خلالالالالاص ( الحمد لله على إنعدام نعمة تاء التانيث عندي و ربنا يكون في عون الأمهات ) ...... هسيبكو بقى عشان لوجي عايزه تدخل الحمام !!.
Mohamed Hussein
11 أبريل
الوليه اشتون اللي من جيل صباح لبست الحته الزرقا اللي عالحبل , اللي حضرت بيها فرح الملكه إليزابيث الأم وقعدت مع السيسي وعينها مانزلتش من عليه , إيه يا ست انتي ؟ هو انتو ماعندكوش رجاله في أوروبا ؟ داحنا لسه باعتين لكو من كام شهر راجل من عندنا ملو هدومه أقرع كده وبنضاره , ماله ده ؟ مش عاجبك ؟ , وبعدين السيسي ده نص بنات مصر حاطين عينهم عليه وهياكلوكي بسنانهم .
بس أنا كده اتطمنت إن الإتحاد الأوروبي هيدعم السيسي في الإنتخابات ومش بعيد أشتون نفسها تعمل توكيل للسيسي في الشهر العقاري قبل ما تمشي , يا عيني عليك يا حمدين يا صاحبي , بقالك 10 سنين بتسشور شعرك و مفيش فايده , أقولك على حاجه ؟ بيع السشوار واشتري بتمنه بدلة ظابط , يمكن يكون هي اللي فيها الشعاع يا سامح !!.
Mohamed Hussein
11 أبريل
... مممممممم 3 ستات ومعاهم 5 عيال صغيرين دخلو في نفس اللحظه وانا بقفل , كل واحد فيهم بيسأل سؤال في نفس اللحظه , يعني 8 اسئله مع بعض , يا محمد عندك بابي جوي رقم 2 , يا محمد عندك مرطب للشفايف , يا محمد عندك حفايض نسائيه يا محمد بكام الكريم ده , ...( محمد ده مش اسمي اللي هما عارفينه , ده النداء الشعبي للصيادله هنا ولأي حد ) , طب أنا سيبتهم بقى يسألو مع بعض وقررت اني هكتب البوست ده ومش هرد عليهم , و في الأخر هقول لهم انا مش رديت عشان اسمي عبد الفتاح مش محمد , أه اسمي عبد الفتاح , عبد الفتاح السيسي , لكو شوق في حاجه ؟!!.
Mohamed Hussein
12 أبريل
أوقفو الفحم
.
زمان أيام المعاتيه خرج لنا مجموعه من الشباب المثقف أوي وقالو ليه مصر مايبقاش فيها وزير دفاع مدني ويكون واحده ست زي أسبانيا ؟ ده اسمه تقليد أعمى وغباوه منقطعة النظير في التقليد .
برضه أيام الإخوان خرج لنا مجموعه من المشايخ المخابيل بتوعهم وقالو قانون الطوارئ مذكور في القرأن , وان أمريكا واوربا عندهم قوانين طوارئ , برضه ضحك عالدقون وتلاعب بعقول الغلابه .
كنت أنا ضد حكاية وزير دفاع مصر يبقى واحده ست وحامل دي وبرضه ضد قانون الطوارئ والحاله الوحيده اللي خلّتني أقبل بيه هي الحاله اللي احنا فيها دي , إرهاب حقيقي في الشارع وسلاح وتنظيم دولي سافل مستعد يتحالف مع الشيطان ضد مصر , هي دي الحاله الوحيده اللي أقبل فيها قانون الطوارئ , مش مظاهرات سلميه ولا متظاهرين ولا معتصمين , طالما فيه سلاح يبقى يتفرم اللي بينزل الشارع , سهله الحكايه .
.
وبالمثل عايز أقول لحضراتكو إني ضد استخدام الفحم في توليد الكهربا , مش هسمع برضه للمعاتيه اللي بيقولو أمريكا والصين والمانيا بيستخدموه , نفس التلاعب بالألفاظ والتقليد الأعمى والضحك على عقول الغلابه , مصر مش أمريكا ولا المانيا , دي دول صناعيه انتاجها الصناعي أد ميزانيه مصر 50 مره ومضطرين ينوّعو في مصادر الطاقه عندهم , دي دول ماعندهاش سد عالي ولا طاقه شمسيه ولا طاقه رياح زينا , وفي النهايه , لما مواطن هناك بيتعب بيلاقي رعايه صحيه محترمه , مش مستشفيات فيها قطط ودكاتره عاملين اضراب وممرضه بتقولك ماعندناش سرنجات روح اشتري من بره ,
.
للأسف أنا مش بعبد الأصنام , صحة الناس أهم والحكومه عليها تدوّر على حل تاني حتى لو استعانت بخبراء أجانب ............. أوقفو الفحم !!.
Mohamed Hussein
12 أبريل ·
سعد الدين ابراهيم وعمر عفيفي في مظاهرات قدام البيت الأبيض أيام حكم مبارك للترويج لانفصال النوبيين !!. الكلام ده كان ايام زياره مبارك لأمريكا .
الكهربا ماكانتش بتقطع أيام مبارك , يعني من 4 سنين بس , وماعتقدش إننا بنينا مصانع عملاقه في الفتره دي عشان نقول الإستهلاك زاد , إحنا هدّينا مش بنينا .
هي ايه الحكايه بالظبط ؟ حكاية سعد الدين ابراهيم وعمر عفيقي ووائل غنيم ؟ , حكاية أمريكا و مشروع النوبه وحكاية دولة الأكراد في العراق وسوريا ؟ ومحدش بيجيب سيرة أكراد تركيا ليه ؟!! , هي ايه حكاية الفحم اللي ظهرت فجأه دي ؟ احنا ماعندناش فحم في مصر أصلا , ايه حكاية تقسيم السودان وكلام مرسي لنائب الرئيس السوداني عن التنازل للسودان عن حلايب وشلاتين ؟ هي ايه حكاية السلاح والإرهاب في سينا وقطر والجزيره اللي اذاعت خبر السيطره على ميناء بغداد قبلها ب 3 أيام ؟ , مممممممممممم هو انا ابقى كفرت لو اختصرت الكلام اللي فوق ده في سؤال واحد وقلت : هي إيه حكاية ثورة يناير ؟!!.
مين اللي استغل فساد مبارك والغضب اللي كان في صدور الناس و زقنا بالشكل ده ؟ انتو عايزين من مصر ايه ؟!!.
Mohamed Hussein
12 أبريل
كباريه
.
الحكايه باختصار إن عم مغاوري الجنايني بعت sms لخالد على وقال له ( إنسحب يا خلّودي من انتخابات الرئاسه بلاش فضايح ) , قام خالد رد عليه ب sms وقال له : أوامرك يا صانع اللذه !!.
ده كان مشهد عبقري لصلاح عبد الله وفرعون في فيلم كباريه , عشان كده هتلاقي انسحاب خالد على لم يخلو من حكاية الرقاصه اللي بتجري على أمها ومفهّمه أهل الحته انها بتشتغل ممرضه وإن الإنتخابات هتتزور والعروسه حامل .
.
مشكلتي الأبديه إني ماقبلتش تجارة الإخوان بدين الناس وعقيدتهم ولا قبلت اليساريين اللي بيتاجرو بفقر الناس و قوتهم ولا هقبل اللي يتاجر بشهداء يناير و ثورتنا و ثورتهم , واي واحد بيلعب سياسه بطريقة التاجر بتعامل معاه على اني جزار , جززززززززار , واد يا شرده هات لنا خالد على من التلاجه وعلّقه عالخطاف ده عشان يتعلم الأدب , ولما يبقى ينسحب من الإنتخابات يقول انا انسحبت عشان انا فاشل , مش عشان تزوير وعروسه حامل , أيوه انا فاشل , يام نياظي صحي نياظي وقولي له خالد على فاشل .
.
و كل يوم من ده , تاجرو بقى زي مانتو عايزين , مالكوش عندي غير الخطّاف والساطور !!.
Mohamed Hussein
12 أبريل
كل سنه وكل أقباط مصر بخير وسعاده , كل سنه وانتو طيبين يا اصحابي الغاليين
Uohanna R. Shafik , ميريام أيوب , Sissa Saad , Michael Yousef Younan , Michael Hilal
Mohamed Hussein
12 أبريل
و حكاية هدم الأنفاق اللي بين مصر وقطاع غزه دي هتوقف حال قيادات حماس , التقارير بتقول إن 700 من حماس اتحولو ل ( مالتي مليونير عالأقل ) بسبب تجارة الأنفاق , قطن وشاش رايح و بانجو وحشيش جاي , عربيات مسروقه رايحه و سجاجيد صلاه جايه , لبن اطفال رايح و قنابل واسلحه جايه , دقيق ورز رايح وارهابيين ومتفجرات جايين , انفاق بقى ومفيش رقابه , العربيات بتدخل بالكامل في النفق , والشعار هناك ( شخلّل جيبك يا بلدينا عشان تعدّي ) .
.
و سوف يذكر التاريخ بكل فخر إن عبد المنعم أبو الفتوح ( بتاع بلال فضل ) كان بيلم التبرعات من نقابة الأطباء ونقابة الصيادله ويطلع ولا مؤاخذه في قوافل خيريه لدعم أهالينا في غزه , هو يطلع ب( القوافل ) من هنا ويرجع ب ( خيريه ) من هنا !!.
.
الله يخرب بيتك يا مبارك لبيت اللي جابك , دي مصر لو كانت أرض الكفره كنت حافظت عليها أكتر من كده .
Mohamed Hussein
12 أبريل
الأبنودي و نجم
.
قبل ما يموت الله يرحمه الشاعر الرائع أحمد فؤاد نجم كتب قصيده لعن فيها جدود أبو مرسي , يوميها أنصار الإخوان عملو حمله وقحه على شاعرنا العملاق الراحل وقالو بيشرب حشيش ومابيصليش !! .
ومن كام يوم الأبندوي أعلن تأييده للسيسي , ومن ساعتها أصحابنا النحانيح عاملين حمله ضد العملاق عبد الرحمن الأبنودي ماتقلّش سفاله عن حملة الإخوان ضد أحمد فؤاد نجم .
.
مع إن أحمد فؤاد نجم قبل ما يكتب عن مرسي كتب عن مبارك وابنه أنيل كلام وقبل منهم السادات , واتسجن أغلب سنين عمره , والأبنودي كتب أعذب الأشعار عن ثورة يناير ( أن الأوان ترحلي يا دولة العواجيز ) .
.
بس أنا مش عارف أصحابي النحانيح و هما بيعملو حملتهم السافله ضد الأبنودي بيقولو فيها ايه ؟ طب الإخوان كانو بيقولو نجم حشاش , مممممممم أنا هقول لكو يا أصحابي , بصو , فيه إعلان لحلقة من برنامج منى الشاذلي هتستضيف فيها الأبنودي وماجده الرومي , في الإعلان ده الأبنودي بيبوس ماجده الرومي من خدها والعياذ بالله , اعملو حملتكو بالشكل ده بقى ( يا أبنودي ياللي بتبوس ماجده الرومي من خدها ) , أه نسيت أقول لكو حاجه , ماجده الرومي نفسها قالت أحلى كلام عن جيش مصر , اعملو حمله ضدها هي كمان , بس هتقولو فيها ايه دي ؟ سهله خالص بقى مانا لسه قايلها , قولو ( يا ماجده ياللي الأبنودي بيبوسك من خدك ) !!.
.
اشتغلو يا شباب اشتغلو , وطالما طلع لك شوية شعر تحت الإبط لازم تفهم أنك أكتر واحد بيفهم في كوكب الأرض , وإن رجولتك الحقيقه ماتكتملش إلا بالتطاول على قمم الأدب والإبداع في مصر , مستمرين مستمرين , وفي الهجايص مكمّلين !!.
Mohamed Hussein
13 أبريل
جماعة الإخوان المسلمين ( التنظيم الإرهابي الدولي ) قررت نقل مقرها من لندن بلد الكفر والفجور إلى مدينة جراتس النمساويه بلد الكفر والفجور برضه , ومن هناك هيكملو حربهم ضد الجيش المصري ( خير أجناد الأرض ) , وكله يهون في سبيل اقامة دولة الخلافه الإسلاميه ولا مؤاخذه , أه اللي هيبقى عاصمتها جراتس ولّا فيينا ( مهبط الديانات والأنبياء و الرسل و البرادعي ) واحتمال لما يقيمو دولة الخلافه دي نبقى احنا ندفع لهم الجزيه عشان احنا هنبقى الكُفّار الجدد !!.
Mohamed Hussein
13 أبريل · تم التعديل
مدرب كاراتيه في نادي بلديه المحله ( تقريبا ) عمل علاقات جنسيه مع كام ست من اللي بيترددو عالنادي وصوّرهم و بدأ يبتزهم واتقبض عليه واترمى في السجن , لحد كده والخبر عادي , اللي مش عادي بقى إن بعض الستات دول كانو زوجات لظباط شرطه , وهنا بدأت الجريمه اللي أكبر من اللي فاتت , وبدأو الإخوان وبعض الشباب الصايع المحسوب ظلما على الثوره في نشر الفيديوهات كنوع من الشماته .
طب هي يعني الست اللي انحرفت دي انحرفت عشان هي مرات ظابط ؟ طب ماهي ممكن تنحرف وهي مرات طيبيب او مهندس أو مدرس أو صيدلي أو عامل , هو الشيطان بيسأل الست قبل ما يغويها إنتي جوزك بيشتغل ايه ؟!
.
إنما على أي حال , ربنا سبحانه وتعالى بيسبّب الأسباب , والجماعه الإرهابيه الي اسمها الإخوان المسلمين دي شوفت منها كل أنواع الموبقات , كدب لأغراض سياسيه وقذف محصنات لأغراض سياسيه ونصب عالناس لأغراض سياسيه وتجاره بدين الله لأغراض سياسيه وتقوّل على سيدنا رسول الله لأغراض سياسيه وقتل لأغراض سياسيه وحرق وتخريب لأغراض سياسيه وخيانه للأرض والتراب لأغراض سياسيه وكان ناقصهم يس الحكايه دي ( كشف عورات الناس ونشر الفضايح بدل الستر ) وبرضه لأغراض سياسيه , كده بتكتمل في ذهني صورة الشيطان , جماعة إخوان الشياطين , ربنا يلعنكو في كل ملِّه ودين .
Mohamed Hussein
13 أبريل · تم التعديل
البوست اللي فات منشور في صفحة الجاليه المصريه في السعوديه , مش مهم , بإسم واحد تاني , برضه مش مهم , و بيرد على التعليقات كأن هو صاحب البوست , برضه عادي والله , اللي مش عادي بقى إن الناس كاتبه تعليقات عالبوست ( إني أقصد هو يعني لما قلت قذف المحصنات كنت بقصد الستات اللي متصورين في الفيديو !! ) , يبدو إن أغلب اللي بييجو السعوديه من مصر هما التراحليه مش اكتر , عشان كده الإخوان كانو بياخدو اصوات المصريين في السعوديه , ييجي هنا تراحلي ويعيش تراحلي ويرجع مصر يبقى شيخ جامع ومقيم شعائر وتراحلي برضه !!.
Mohamed Hussein
14 أبريل
كام شاب وراجل كده قاعدين على قهوه , بيشربو معسّل وجايز حشيش , القاعده احلوّت والكلام جاب كلام , بدأ واحد منهم الحوار وقال : أنا مايكفنيش 3 ستات في الليله , التاني قال وانا مايكفنيش 5 ستات والتالت قال أنا مايكفنيش اتنين , مممممممممممم وساعة الإمتحان بيُكرم المرء أو يهان !!.
.
هو ده اللي حصل بالظبط بعد اختراع الفيس البوك ( القهوه ) , كنا فاكرين نفسنا مثقفين وأذكياء ووطنيين وعارفين ربنا , و ياما قولنا إن الراجل المصري مايكفيهوش 7 كتب في اليوم ( مثقف ) ولو دخل امتحان ذكاء هيجيب 700 % ( عبقري ) , أما في الدين فاحنا شعب متدين أوي بقى بطبع أهله و كل واحد مننا حج بيت ربنا ييجي 300 مره , وجت ساعة الإمتحان ( الثوره ) واكتشفنا إن المرء ساعة الإمتحان بيُهان أو يُهان !!.
.
كتير من الحاصلين على مؤهل جامعي في مصر لما بتشوف كلامهم ونقاشاتهم وتعليقاتهم بتحس إنهم محتاجين يتعلمو من أول وجديد , من أول زرع وحصد وعمو حسن يشد الكرنبه , وكتير من مشايخنا محتاجين يعرفو في دين ربنا من أول زرع وحصد وإن الكدب والقتل حرام , وكتير من السياسيين الكبار عندنا محتاجين يتعلمو الفرق بين الحلم والواقع , بين المرجو و المتاح , يعني باختصار محتاجين يتعلمو ألف باء سياسه أو تعريف كلمة ( السياسه ).
.
ولما تزهق من النقاشات والحوارات والإفتكاسات والعقول المشوهه , تقول أروح صفحة الإعلانات المبوبه , نشوف مين بيبيع ايه لمين وبكام ؟ تلاقي واحد بيبيع شقته , استنى هتصل بالراجل ده , ألو سلامو عليكو , عليكم السلام , حضرتك عامل اعلان في النت عن شقه في الحي الفلاني ؟ أيوه بالظبط , حضرتك المالك ؟ أيوه , طب الشقه 165 ؟ لأ دي غلطه في الإعلان , الشقه 140 متر بس , طب حضرتك هي على شارع كذا الرئيسي ؟ لأ مش بالظبط , هي على شارع متفرع من شارع تاني متفرع من الشارع الرئيسي ده , طب حضرتك قلت عايز مبلغ كذا مقدم والباقي تقسيط ؟ لأ لأ مين قال كده أنا عايز المبلغ كاش , يافندم مش حضرتك اللي كاتب الإعلان بإيدك ؟ أيوه بس الحاجات دي اتكتبت سهوا , طب أشكرك جدا مع السلامه !!.
.
مين يشتري منّي كلب أرامنت ؟ , أصفر مشمشي , له ديل و 4 رجول , وودنين أحدهما بتطلّ عالشارع والأخرى على منور , الكلب له سلسله حديد تايواني , والمفاجأه , السعر شامل السلسله لظروف السفر !!.
Mohamed Hussein
14 أبريل
حزب الدستور قرر بصفه رسميه إنه يدعم حمدين صباحي في الإنتخابات , الحمد لله , أخيرا الحزب عمل حاجه عليها الطلا , وطلع من عباية البرادعي , ده أفضل بكتير من حكايه احنا مقاطعين واحنا نايمين في 14 , هو صحيح السيسي اللي هيفوز برضه إنما مهم جدا وجود حزب الدستور في الشارع , عشان يبقاله صوت وكرامه و لزمه , مايبقاش حزب عالورق وفي منتديات ساقية الصاوي و صفحات الفيس بوك , ربنا يكفينا ويكفيكو شر التويتات المُحبِطه اللي بتيجي من أعالى البحار , و تحديدا من عالكرسي الخرزان اللي جنب البيسين !!.
Mohamed Hussein
14 أبريل
الدولار كان أيام الملك فؤاد ب 20 قرش وايام الملك فاروق ب 30 قرش , و بعد ما عملنا 3 ثورات ( 52 ..2011...2013 ) بقى الدولار ب 750 قرش !!.
كل شعوب العالم بتعمل ثورات وديمقراطيه عشان تطلع لقدام واحنا بنعملها عشان نرجع لورا , و تقريبا كده باقي لنا ثورتين تلاته ونوصل لل level الأخير ونقابل الوحش والديناصورات أو عالأقل نحضر سبوع شجرة الدر و محمد حسنين هيكل , حلقاتك برجلاتك يوم ورا يوم تعمل ثورات !!.
Mohamed Hussein
14 أبريل
حملة السيسي سلّمت اللجنه العيا للإنتخابات حوالي 500 ألف توكيل تقريبا النهارده , العيال الي شايلين صناديق التوكيلات مستحيل يكونو تبع شركة شحن ولا أنصار عاديين , الواد اللي شايل الصندوق ده العضله اللي في دراعه أد دماغ شريف مدكور , ده حتما ولابد يكون من كتيبة صاعقه , فيه إيه يا سيسي ؟ إنت بتشغل الصاعقه لحسابك يا جدع إنت ؟ ممممممممممم طب خلاص هسامحك المره دي إنما إعمل حسابك المره الجايه لا ممكن هسامحك أبدا .
.
الدين لله , و الترشح للجميع , و الرئاسه للسيسي !!.
Mohamed Hussein
15 أبريل
عسكري ولا نجار نابوليا ؟
.
السطحيه بتحكم عقولنا وتفكيرنا , مش عايزين رئيس عسكري , كله إلا الرئيس العسكري , على جثتنا الرئيس العسكري , إنت ماشوفتش مبارك عمل فينا إيه ؟
.
مع إننا لو كفرنا شويه بسطحية التفكير هنشوف الصوره أوضح وأشمل , السادات بطل الحرب كان عسكري وهو هو اللي عمل اتفاقيه السلام , مع إن حكاية السلام دي ماتليقش عالعسكري المصري , وعبد الناصر كان عسكري وبدأ في قواعد صناعيه عملاقه مع إنه مش مهندس ميكانيكا باور , واللي بنو مصر في الأساس أغلبهم كانو عساكر وقادة جيوش , هي طبيعة مصر كده ماكانشي بيفوت عليها عشره عشرين سنه من غير ما تدخل في حرب , موقعها الجغرافي واهميتها في منتصف الكره الأرضيه فرضو عليها إنها تعيش دايما في الوضع steady ( استعد ).
.
ولو كفرنا شويتين كمان بسطحية التفكير هنعرف إن اللي أفسد الحياه السياسيه والإقتصاديه في مصر وأهلك الحرث والنسل في ال 30 سنه اللي فاتو إسمهم كده بالترتيب ( سوزان ثابت , جمال مبارك , أحمد فتحي سرور , صفوت الشريف , حبيب العادلي , كمال الشاذلي , أحمد عز ...إلخ ) , هتلاقي واحد منهم مهندس والتاني محامي والتالت خريج ماعرفش إيه , واتحداك تطلّع لي منهم عسكري واحد , دول اسمهم البطانه الفاسده , بطانة السوء , ياريس إمسك الشيك دي عموله ومتعارف عليها وكل الرؤساء اللي قبلك كانو بياخدوها , يا باشا المصانع المملوكه للدوله حالها واقف وانتاجها ضعيف ماتيجي نخصخصها ونبيعها لرجالتنا هيفتحوها ويشغلوها زي الفل والماكنه هتطلّع قماش , يا ريس إديني حتة أرض كبيره أعمل عليها مشروع إسكان للناس عشان نحل أزمة السكن شويه , بقولك إيه يا باشا اوعى تسمع كلام الناس وتعين نائب لك , إنت العين عليك ومستهدف , فيه قلق في البلد ياريس , أنا بقترح على سعادتك نعل فتنه صغيره كده بين المسلمين والمسحيين أهو حاجه الناس تتلهي فيها .
.
خلاصة الكلام , رئيس مصر القادم و أي رئيس هييجي بعد كده , سواء كان عسكري أو مهندس ديكور أو كوافيره حريمي ولا نجار نابوليا , مش مهم , المهم الدستور اللي جابه للحكم شكله إيه ؟ , والمهم عيونا تفضل مفتوحه عليه وعلى حكومته , القنوات والجرايد موجودين وصوتك خليه حر , انتقد واعترض واقترح بدايل , ولو كلامك ماتسمعش انزل الشارع ( العنوان مايتوّهش ) , بس والنبي ولا مؤاخذه يعني مش عشان الست أم شوشو جارتكو اللي فوق غسيلها بينقّط على غسيلكو تقوم تعمل إيفنت وتنزل تطالب بسقوط النظام !!.
.
الكلام ده مش ترويج لحكم العسكر , يا أهلا بالمرشح المدني والرئيس المدني وتحت نفس الشروط والظروف , هنصبر عليه , هتبقى عينا مفتوحه عليه و على بطانته , هننتقد ونعترض بطريقة اللي بيعترض عشان يبني مش بطريقة ( خُلقنا لنعترض و نسرق ولّاعات ) !!.
Mohamed Hussein
15 أبريل
حكايات وأفلام وروايات , يا بشر يااااااااااااا بشر , المرشح العسكري مابينزلش من بطن أمه ومعاه صك الفساد ومفتاح النار ولا المرشح المدني بينزل معاه صك الشفافيه ومفتاح الجنه , الدستور اللي بيحكمك بيسمح لأي حد , أي حد حتى لو كان ابن كلب واطي انه يترشح للرئاسه , الدستور بيسمح لحرامي الغسيل اللي ماصدرتش ضده أحكام إنه يترشح ( مرشح مدني ) وبيسمح للشاذ جنسيا اللي ماتقبضشي عليه من بوليس الأداب إنه يترشح و بيسمح للرقاصه والشيخ المكفّراتي إنه يترشح , بس إنت مش عايز مشير في جيش مصر يترشح .
الدستور سمح لواحد سافل زي مرتضى منصور و واحد وقح زي علاء عبد الفتاح وعيل تافه زي خالد على انه يترشح , والدستور يسمح لأحمد المغير وعبد الرحمن القرضاوي وصافيناز والسوبكي ومصطفى بكري إنه يترشح ( كلهم مدنيين على فكره ) , حتى مدرب الكاراتيه بتاع المحله لو ماصدرش ضده حكم ينفع يبقى رئيسك المدني ( بالدستور ) وهيبقى على قلبك زي العسل , أصله مدني ولا مؤاخذه ., وفي الأخر تقولو تبرير !! , انا حاسس إني بكلم أموات ولاد أموت من نسل أموات , موميا و لها رجلين و بتلبس جزمه وشراب و تمشي عالأرض .
Mohamed Hussein
15 أبريل
مشاكلي الأربعه مع النشطاء السياسيين
.
1 - إن دستور مصر الجديد اللي المصريين صوّتو بنعم عليه بنسبة 99% مافهوش ماده بتقول ( يشترط في مرشح رئاسة الجمهوريه إنه يكون دكر !! ) عشان كده أي حد مش دكر ممكن يترشح , حتى علاء صادق ( و هيبقى اسمه مرشح مدني ) !! .
.
2- إننا وصلنا لحاله من التردّي في مفهوم الوطنيه والإحساس بحجم مصر لدرجة ان الناشط بقى بيقارن بين مصر و قطر ( راس ب راس ) !!.
.
3- إن الناشط مش فاهم الفرق بين الجملتين دول ( لفلان الحق في الترشح ) و ( لفلان الأحقّيه في الترشح ).... عشان كده أي سبع عيال صيّع قاعدين عالقهوه ممكن يرشحو واحد منهم وتاني يوم ينسحب و يطلع في الجزيره وفي الواشنطن بوست ( والجزيره طبعا هتحاسب على مشاريب القهوه ) !!.
.
4- إن الناشط في يناير 2011 قال تعالى يا جيشنا يا شريف إحمينا واحمي ثورتنا و شوارعنا وميادينا , وفي فبراير 2011 قال انت بتعمل ايه هنا يا جيش يا عرّه وايه اللي دخلك في السياسه ؟, إنت مكانك عالحدود مش هنا .
و نفس الناشط في يونيو 2013 رجع تاني وقال الحقنا يا جيشنا يا شريف وانقذ البلد معانا واحمي شوارعنا وثورتنا وميادينا , وفي يوليو 2013 قال انت بتعمل ايه هنا يا جيش يا عرّه ؟ مكانك عالحدود , ايه اللي دخلك في السياسه ؟!
الناشط عايز جيش بسوسته أو جيش بأستيك .
.
و مع إعتذاري لعم جلال عامر , أنا قلت لابويا الله يرحمه عايز أطلع ناشط سياسي , قال لي ( عيب يابني , إحنا ناس فقرا صحيح بس ماحيلتناش غير شرفنا ) !!
Mohamed Hussein
15 أبريل
و قلت له يابه العمده إزاي الإخوانجي من دول بيعرف يقنع الناشط السياسي و ياخده من إيده و ينزّله من بيته للشارع مع إن الشارع نفسه مابقاش طايقهم ؟
قال لي : يابني البيوت أسرار و ياما بين الراجل ومراته بتحصل حاجات , ربنا يهدّي سرّهم بقى !!.
Mohamed Hussein
16 أبريل
العزل هو الحل
.
جرت العاده إن كل الشركات ال مالتي ناشونال العملاقه بيكون لها مقر رئيسي و مقرات إقليميه , خد عندك مثلا ( شركة البلَاله لتأجير العَجَل والتريسيكلات في كوكب بلوتو ) و دي شركه عملاقه , غيّرت نشاطها مؤخرا , كانت زمان بتشتغل في المقاولات ولها أعمال ضخمه سابقاها في كل مكان فشر المقاولين العرب , سمعتها زي البرلنت , من أعمالها مثلا إنها عملت الواجهه بتاعة كوكب المريخ بالجرانيت والرخام والحجر الجيري , وهي اللي رصفت الطريق اللي في مدخل درب التبانه .
الشركه دي لها مقر إقليمي في قطر و مقر رئيسي في النمسا , من كام شهر كده سافر لهم حبيب الملايين , وبعد منه الإخوان نقلو نشاطهم هناك , طب المقر الإقليمي بتاع قطر ومقدور عليه , أصل العنكبوت لما يكون معشش في سقف البيت بيبقى شكله وحش ويقرفك , لكن أخره زعّافه وتمد إيدك تجيبه بيها , وتبرمها كده وخلاص , إنما النمسا بعيد عن إيدينا ومحميه بالإتحاد الأوروبي , ... طب نعمل إيه في المقر الرئيسي للشركه دي إذا كنا مش غاويين نتأجر عجل في كوكب بلوتو ؟
يتهيألي الحل هو العزل , ممكن نكمّل العدد في المقر الرئيسي ونبعت لهم من اليمن توكل كرمان و من مصر قيادات الجماعه الإرهابيه على ياسر برهامي واحمد موسى ومصطفى بكري وعلاء عبد الفتاح واحمد ماهر و ريهام سعيد , وبس كده , بعدها على طول نبني سور عااااااالي أوي حوالين النمسا ( السعوديه والإمارات هيتحمّلو تكلفة بناء السور ) و نعلنها محميه طبيعيه !!.
Mohamed Hussein
16 أبريل
المحكمه حكمت على حازم صلاح ابو اسماعيل بالسجن 7 سنوات وسنتين لإهانة القضاء , ال 7 سنين دول بتهمة التزوير في أوراق رسميه والكدب , صحابي الأنتيخ سابو الخبر وركزو في حاجتين اتنين :
أولا : إن القاضي حكم على ابو اسماعيل بالسجن وعلى مبارك بالبراءه !! مممممممممممممم يا مثبت العقل والدين يارب , خلاص أي حد تبع اي حاجه عمل أي حاجه غلط هنطلعه براءه عشان يعجبكو , تاجر المخدرات براءه وحرامي الغسيل براءه والمزوّر براءه وكله براءه بما إن مبارك هياخد براءه !!.
.
ثانيا : إنهم نسيو الاصل في الحكم والأصل في الحكايه كلها , اللي بيقول باختصار , إن القاضي بعد كذا جلسه وبعد تقديم أوراق أد كده وفي وجود ابو اسماعيل والمحامين بتوعه أصدر حكمه , وحكمه ده بيعني باختصار يا بهاليل السيده أن فضيلة الشيخ الأستاذ الدكتور المهندس العالم العلّامه الأسد الحبر الفهامه حازم صلاح ابو اسماعيل طلع ابن كلب كداب ومزور و أصر على كدبه وتزويره .
Mohamed Hussein
16 أبريل
اللي كنت خايف منه حصل , المنظمين لحملة عبد الفتاح السيسي بيشتغلو بطريقه منظمه و عينهم راميه لقدام , مالهمشي علاقه بالمنافسين و في إديهم صباع طباشير بيرسمو بيه خط على كل شارع ورصيف في مصر , خط بإسم السيسي .
أما المنظمين لحملة حمدين صباحي فكل همهم إنهم يمسحو الخط اللي مرسوم بإسم السيسي مع إن هما كمان معاهم صباع طباشير والمفروض يرسمو خط موازي بإسم حمدين !!.
بيفكروني بنكتة الإتنين اللي لقو مصباح علاء الدين , ودعكوه وطلع لهم العفريت , الأول قال للعفريت أنا نفسي أشوف أمي والتاني قال أنا نفسي الأول مايشوفشي أمه !! .
يتهيألي السيسي لو مات او انسحب من الإنتخابات أغلب المنظمين لحمة حمدين هيقعدو في بيوتهم ويقولو خلاص يا جدعان إحنا كده جبرنا والحمد لله .
.
يهدّها الديموقراطيه بتقفش على صدر الديموقراطيين , وخصوصا لما بيشربوها عالريق و هما لسه على لحم بطنهم !!.
Mohamed Hussein
16 أبريل
بنتي الصغيره قالت لي يا بابا عايزه كراسة رسم عليها صورة ( هِينّ ) hen , قلت لها حاضر , بس ايه الطلبات الغريبه دي ؟ كراسه عليها صورة فرخه ؟ هي هترسم ولا هتعمل عمل لحد ؟ طب ماجيب لها كراسه عليها رجل كتكوت روماني يتيم ؟! , المهم روحت المكتبه مالقتش كراسة رسم عليها صورة hen , قام تفتق ذهني عن فكره , جبت لها كراسة رسم عاديه وستيكرات صغيره للحيوانات ( من ضمنها ال hen ) بس الستيكرز صغيره أوي , و قلت هلزق لها الفرخه على جلدة الكراسه ويا دار ما دخلك شر , بس انا عارف بنتي كويس , مش هتقتع بالفكره الحلزونيه بتاعتي , وغالبا كده لما أروح البيت هعمل انا شكل ال hen واحتمال ابيض قدامها عشان تقتنع و تبطّل تعيط !!
Mohamed Hussein
17 أبريل
حرية ولا إنحطاط ؟
.
- حرية التعبير عن الرأي : مفهومها عند شباب كتير إني أنزل في أي وقت من غير تصاريح ولا قوانين وأحرق واكسّر واخرّب ( بعبّر عن رأيي يا أخي ) , واشوّه حيطان وابهدل عربيات القطر والأرصفه واخلع الشجر ( مانا ليا مطلب وبعبّر عنه يا أخي ) , واسبّ والعن في أي حد ولأي سبب , شيخ الأزهر ده ابن تيت والبابا ابن ستين تيت ورئيس الدوله ابن 600 تيت ورئيس الحكومه ابن 6000 تيت , والباب ده عايز الحرق هو والباترينه دي والطفايه وعلبة السجاير , أبويا نفسه ابن تيت وامي بنت ستين تيت المجتمع كله ابن 600 تيت وجيل عره عبيد وكفره ولاد حرام ( حرية رأي يا جاهل ياللي مابتفهمش حاجه في الديموقراطيه ).
.
- حرية الإبداع الفني : هجيب واحده كده واقول لها خلي بالك طول الفلم تلبسي الفستان ده وصدرك لازم يبقى عريان , لما الأحداث تسخن شويه هنلبسك قميص نوم بدل الفستان والتصوير طبعا هيبقى في أوضة النوم , هتاخدي 3 مليون جنيه , قولتي ايه ؟ وانت ياد انت , انت هتتحب الفرسه دي وهتبص عليها من ورا الباب وهتحكي لصحابك عن جسمها بقى , يا ابراهيم يا ابراهيم , فستان هيفا حشمه اوي كده ليه ؟ لا لا لا عايز تلتين الصدر يكونو باينين , احنا دافعين لحد دلوأتي 4 مليون يا ابراهيم , الشباب تعبان يابراهيم و يتبسط , أيوه كده الله يفتح عليك يا شيخ , أهي الحته العريانه الزياده دي هتجيب لنا بتاع مليون ونص لوحدها , شوفولنا حد من الصيع اللي ماليين الحواري يساعدنا في كتابة السيناريو يا شباب , أه عايزين ألفاظ وقحه بس تكون جديده عشان تعلّم مع الناس ( حرية إبداع يا جاهل ياللي مابتفهمش في الفن والإبداع ) , يالله يا رجاله نقرا الفاتحه , اللهم صل عالنبي , يارب ارزقنا ب عشره خمستاشر مليون عشان نعوّض اللي دفعناه .
Mohamed Hussein
17 أبريل
وجع الديموقراطيه
.
لا يليق بإسم مصر أن يكون من ضمن مرشحي الرئاسه واحد زي مرتضى منصور أو واحد زي علاء عبد الفتاح أو خالد على و لا حازم صلاح ابواسماعيل , لا يليق , مصر مش صيده يا بهوات , مش بنت ليل لابسه فستان أحمر وراكنه ضهرها على عمود في شارع جامعة الدول , مصر هي مصر , اللي اتكتب اسمها مليون مره في الكتب السماويه وكتب التاريخ والأشعار والحواديت , و مجرد الترشح لرئاستها شرف لا يستحقه أشباه الرجال ولا كدابين الزفه .
أتمنى في المرات القادمه أن تكون لدى اللجنه العليا للإنتخابات صلاحية استبعاد المرشحين تحت داعي ( لا يليق بإسم مصر ) , بلا ديموقراطيه بلا زفت , وحضرتك لو ماقدرتش تفهم إن الناس دي صغيره أوي على إسم مصر فحاول تفهم إن مصر كبيره أوي عليهم !!.
Mohamed Hussein
17 أبريل
2 و خلّي بالك إن صاحبك الناشط الفيس بوكي زايط بقاله اسبوع في فيلم حلاوة روح , عمّال يسب ويلعن في الدوله و الحكومه و الإنحلال و يتكلم عن ضياع الشباب , بناة الغد و حماة المستقبل , دولة الإنحلال والإنحراف وانعدام الرقابه .
و هو هو نفسه صاحبك الناشط الفيس بوكي اللي لما سمع قرار ابراهيم محلب بوقف عرض الفيلم هتلاقيه زايط تاني في دولة المنع وتكميم الأفواه , أين حرية الإعلام والإبداع والتعبير عن الرأي ؟ دولة الإستبداد والفاشيه تطلّ برأسها من جديد يا هيفاء , قصدي يا منى !!.
Mohamed Hussein
17 أبريل
منذ قاعد بتفرج على ماتش الزمالك , و بعدين سرحت كده , إفتكرت قبل ثورة يناير بسنتين وتلاته كان الدوري المصري وصل لمستوى عالي جدا , فنيا وماديا , كان تقريبا وصل تمنه لأكتر من 400 مليون , دلوأتي لا انا شايف كوره ولا جمهور , ويتهيألي لو جهه معينه عرضت تشتري الدوري بحالته دي مش هتدفع فيه أكتر من 750 جنيه وأكلة سمك , ولو سمحنا لدخول 50 مشجع بس هيحصل شغب ( اسأل الألتراس سيادتك ) و طبعا الجزيره هتصوّر وهتقول 7000 شهيد و 170 ألف جريح في حالة خطره في ستاد القاهره , ومعنا من ستاد القاهره الشهيده شيماء اللي رافضه للإنقلاب , شهيده شيماء ممكن توصفي لنا المجزره اللي حصلت عندك من قوات الإنقلاب ؟!!.
ليست هناك تعليقات:
إرسال تعليق