Mohamed Hussein
17 أبريل
وعلى سبيل الأيام الغامقه
.
أعمّل لِك إيه طيب ؟ أطفي التكييف عشان تطلعي بره الصيدليه ؟ الأكاده إنك بكتيره تعملي 12 ولا 13 سنه , و وزنك كده بحسب تقديري يادوب 27 كيلو ( في شغلنا بتاخدي جرعة أطفال في المضادات الحيويه ) , يعني أخرك تنفعي سلّاكة ودان , وماحلاش ليكي مكان تكلمي فيه حبيبك في التليفون غير عندي في الصيدليه ؟ بقالك ساعه و خيلتيني رايحه جايه , يابنتي روحي كملي فترة الرضاعه بتاعتك وبعدين حبي في التليفون , هه , لقيت الحل , وجدتها , قلت لها على فكره الصيدليه متراقبه بالكاميرات , قامت طلعت تجري , مع إني شاورت لها على جهاز الإنذار بتاع الحرايق , أومال لو كنت شاورت لها على صاعق الناموس اللي متعلق في السقف كانت عملت إيه ؟!.
Mohamed Hussein
18 أبريل
السيسي , حمدين , البرادعي
.
حصل إني شكرت حزب الدستور لما تخلّى عن سلبيته وقرر إنه يدعم حمدين صباحي في الإنتخابات , ومافهمتش يعني ايه قيادات من الحزب يقولو ( اللي عايز ينتخب السيسي من الحزب له مطلق الحريه ) , مع إني هنتخب السيسي بس دي تنفع تصريحات واحد بتاع عصير قصب مش قيادي في حزب سياسي , لأ لأ حضرتك فاهم غلط مش دي الديموقراطيه ولا ممارسة العمل السياسي , ده الهطل الأزلي وبقايا و موروثات مولانا أبو خطوه .
.
قوة الحزب السياسي بتيجي من تحديد موقف ثابت ودعم لشخص واحد عشان يبقى لك وزن سياسي حقيقي , والسياسه في الأساس هي هات وخد , يعني دعمك يكون كامل لشخص زي حمدين وفي المقابل تسعى لتحالف مثلا مع التيار الشعبي في الإنتخابات البرلمانيه , أكيد فيه ناس من حزب الدستور هينتخبو السيسي وناس هتبطل صوتها , ده طبيعي جدا لكن ماينفعش يتقال في تصريح لحد من قيادات الحزب , إدّيني بقى حقنه في العضل عن المثاليه في ممارسة العمل السياسي على طريقة الأستاذ الدكتور زعزوعه الممصوص كبير عاصري القصب في الحزب .
.
امبارح والنهارده بدأت ألاحظ إن الساده الأفاضل أعضاء حزب الدستور بيعايرو حمدين صباحي بإنهم جمعو عدد من التوكيلات عشان يكمل توكيلاته ؟؟ ويقولو احنا شيلنا السكينه من على رقبه حمدين !! , هه , يا الله يا ولي الصابرين , تقطيم و بغدده بمجرد دعم شخص لمدة 3 أيام !! , بالزمه انتو منظر حزب سياسي هيعرف يندعك في شوارع مصر وحواريها ؟ ولا شوية مجازيب من بتوع ساقية الصاوي بيتاجرو في شعارات وفلايات ؟!.
.
المره اللي فاتت انتخبت حمدين والمره دي هنتخب السيسي ( لحاجه في نفس يعقوب ) ومش بعيد المره اللي بعد كده انتخب حمدين .
وعايز اقول كلمتين باختصار , الفرق بين التيار الشعبي وحزب الدستور هو هو نفس الفرق بين حمدين والبرادعي , ويبدو ان الدستوريين لسه ماخرجوش من بدلة البرادعي ونضارته اللي بيشوف بيها طشاش .
.
حمدين صباحي هو مناضل مصري محترم , مواقفه المحترمه كتير ورأيي الشخصي إن التاريخ هيقول إن أعظم مواقف حمدين الوطنيه هي مشاركته في انتخابات الرئاسه 2014 , هو عارف ان شعبية السيسي أكبر بس نزل الحلبه كفارس , والفارس بينتصر بشرف وينهزم بشرف , الفرق بين حمدين والبرادعي هو ده , هو الفرق بين الفارس والكلامنجي ( البؤ ) , حمدين يعترض على نظام حاكم لكن مايهينش دولته , يناضل ضد حكومه لكن مايلبسشي بلده في الحيط .
.
مابتفرقشي معايا الأسماء , السياسي بالنسبالي موقف , بيبان من موقفه , مابتفرقشي معايا اسمه البرادعي ولا السيسي ولا المنفلوطي , كل الإحترام لحمدين صباحي وللتيار الشعبي , و طز في حزب الدستور بدراويشه و بهاليله ...صوتي لعبد الفتاح السيسي .
Mohamed Hussein
18 أبريل
ماركيز مات يا رجاله , الله يرحمك يا حاج ماركيز , الفاتحه لروحك الطاهره , ولا هنعرف ننجّد مرتبه واحده من بعدك , ده كان عليه ضربة مخراز مايعملهاش ولا أجدع معلم في الشرابيه كلها .
.
ممممممم مره وانا في الثانويه العامه كان عندنا مدرس فرنساوي مغرم بفيكتور هوجو , و يقعد بقى طول الحصه يقول كلام بالفرنساوي كتير كده ماحناش فاهمينه وفي النص فيكتور هوجو فيكتور هوجو , قمت أنا في يوم تفتق ذهني عن سؤال لولبي عميق , وسألته مين فيكتور هوجو ده يا مسيو ؟
أستاذ علاء بص لي بصه كده ( ماتعجبكش يا مولانا ) وقال لي ده راجل كان بيبيع دره مشوي وبطاطا قدام المدرسه هنا يا محمد بس انت مالحقتهوش أصله مات من سنتين , قلت له يا خساره دانا بموت في الدره المشوي .
.
وتفوت سنين طويله وانا مقتنع بكلام مسيو علاء إن فيكتور هوجو كان بيبع دره مشوي قدام مدرسة أحمد لطفي السيد , وفين بقى لما ولاد الحلال عرفوني انه فيكتور هوجو كان بيشتغل مع ماركيز في الشرابيه ...المعلمين الكبار دول عمرهم ما هيتعوضو أبدا .
Mohamed Hussein
18 أبريل
واعرف واحد بيمارس السياسه في مصر على طريقة لاعب الكوره اللي يقولك أنا مالعبشي إلا على ملعب كتّان أو من الأخر يعني على طريقة الست اللي بتقولك أنا ماعرفش أخبز إلا في فرن أمي , وعشان كده تلاقيه كل شويه غضبان ورجع لحضن أمه و فرن أمه , ونقعد احنا بقى نتحايل عليها قصدي عليه , يا بنتي استهدي بالله وارجعي بيت جوزك وهو هيشيلك على راسه من فوق , و ترجع هي مفيش يومين تلاته وتغضب تاني عشان مش عارفه تخبز في الفرن بتاع جوزها .
أنا يتهيألي الحل معاها لازم يكون حاجه من اتنين , يا إما نجيب فرن أمها شخصيا عند بيت جوزها يا إما نعوّد الشعب إنه ياكل ديلفري على طول , وعلى رأي ماري أنطوانيت , مش لاقيين عيش ياكلو جاتوه .
Mohamed Hussein
19 أبريل
خبر بتاريخ النهارده 19/04/2014
(( وزير الدفاع يتفقد تدريبات للصاعقه البحريه و يشيد بكفاءة رجالها ))
.
تعليق ناشط سياسي عالخبر : أه بقى , ماهي أخبار السيسي لازم تتصدر كل الجرايد والقنوات وفي الأخر يقولو لنا انتخابات هتبقى نزيهه .
.
أنا رديت عليه : يا أخي اتقي الله , هو السيسي عشان بيشوف شغله ويتفقد وحداته تبقى حاجه عيب ؟ وإيه علاقة حضوره لتدريبات عسكريه بترشحه للرئاسه يا فاشلين ؟!.
.
رساله من الفيس بوك لصاحبه ومديره دكتور مارك زوكربيرج : خلاص يا رجاله , المصريين كده بقو تمام , محدش يرصّ لهم تاني !!.
Mohamed Hussein
19 أبريل
أكلي النجيله في الحقل السياسي
.
فجّرو كشك المرور عن بعد والظابط جواه , اتقتل الظابط وبقى أشلاء في لمحة عين , ده اسمه الإرهاب سيادتك , الإرهاب .
والناشط السياسي اسمه الحمار المثقف , ولو صغير في السن شويه يبقى جحش مثقف برضه , ليه بقى ؟ عشان هيسيب الشهيد ومراته وولاده اللي اتيتمو فجأه وهيقول الجمله دي ( الشرطه والجيش مش عارفين يحمو نفسهم هيحمو البلد إزاي ؟ ) , و احتمال كبير يتألق في الحموريه ويقول الجمله دي كمان ( ده معناه إن الجماعات الإرهابيه متفوقين على الشرطه في التخطيط والأجهزه ) .
.
طب فرضا يعني ان حضرتك أيها الناشط الحمار المثقف قررت بكره الصبح تشتغل حرامي , مش هتعرف تسرق لك شقه واتنين وعشره قبل الشرطه ماتعرف تجيبك ؟ طب هل ده يعني إنك عبقري ؟ هما الحراميه عباقره يا جحش ياللي عايش عمره ياكل في النجيله بتاعة الحقل السياسي ؟! طب افرض انك قررت تشتغل قوّاد ولا مؤاخذه يعني , مش هتعرف تفتح لك شقة دعاره وتاكل منها عيش سنه واتنين قبل بوليس الأداب ما يعرف يجيبك ؟ هي دي كمان محتاجه عبقريه والمعيه وتدريب وكفاءه ؟ طب افرض انك قررت تشتغل ارهابي , هه ؟ مطلوب منك ايه ؟ خد يا أخ حمار السلاح ده وخلي ظابط الشرطه ده ولا ظابط الجيش طالع بيتهم ودوس عالزناد واقتله , هه ؟ محتاج حضرتك ماجستير في الدوسه عالزناد ؟
.
خد يا جحش يا مثقف القنبله دي وحطها جنب الكشك وابعد شويه ودوس عالزرار ده , وبس خلاص هتنفجر القنبله ويموت اللي موجودين في المكان ..دي محتاجه تدريب وكفاءه ؟ .
.
طب مطلوب من ظابط الجيش وظابط الشرطه ايه بالظبط عشان أداؤه يعجب سعادتك ؟ أنا أقولك , مطلوب انه لما يمشي في الشارع يفتّش الرصيف والشجر اللي جنب منه ويستجوب العصافير ولما يروح النادي يفتش كل اللي في النادي ومطلوب منه يبقى له 35 عين وهو ماشي ويحمي مراته في البيت ويحمي عياله في المدرسه والنادي ويشك في البواب والسواق وبتاع الخضار والحمامه اللي عالشجر والراجل بتاع اللبن والفران والجزار ويحمي الحاره والمدينه والبلد وبيتي وبيتك وإلا يبقى الإرهاب سابقهم .
.
يا مولانا الأصل في طبيعة الأشياء الأمن والمشي الدوغري , أسهل حاجه في الدنيا دي إنك تشتغل حرامي أو قواد أو إرهابي , الأغبياء بيحتكرو المهنه دي لأنفسهم , واللي مسهّل الموضوع أكتر في مصر هو وجود حضرتك , أحيانا بتتعاطف وأحيانا بتبرر وأحيانا بتاكل في نجيلة الحقل السياسي وتقول الإرهاب أذكى مننا والدليل انهم بيقتلو الظباط والعساكر........أسهل حاجه إنك تقتل , يكفي جدا إنك تكون حمار ومقتنع إنك بتجاهد في سبيل الله ( هي دي كل المؤهلات المطلوبه مش اكتر ) !!.
Mohamed Hussein
19 أبريل
مرتضى منصور عمل مؤتمر صحفي وقرر الإنسحاب من سباق الرئاسه لأنه خير اللهم اجعله خير شاف رؤيا في المنام , اتنين ظباط جيش لابسين كاكي في كاكي , قام فهم ان دي رساله يا مارد , و ربنا رايد لمصر رئيس عسكري واسمه عبد الفتاح السيسي !! .
طول عمرك بتنام يا مرتضى وانت طاهر ولسانك رطب بذكر الله , أومااااااااال , على يدي , لا سبّيت ل ده ولا شتمت ده ولا خضت في عرض ده ولا سبيت 100 مله ودين لده ولا دافعت عن حرامي ولا قاتل , اللهم صل عالنبي , اللهم صل عالنبي , والنبي مش ناقص لك غير جلابيه بيضا ودقن وسبحه وطاقيه شبيكه وماعرف الفرق بينك وبين محمد حسان ( هو كمان بيشوف في منامه حاجات زي كده ) .
.
أهو اللي عمله مرتضى منصور في مؤتمره الصحفي ده ما يختلفش أبدا عن اللي عمله خالد على في مؤتمره , شوية مراقيع بتترشح عشان تنسحب واهو مؤتمر بقى وكاميرات وتصوير وليله يا عمده , واحد شاف في المنام اتنين ظباط والتاني شاف في المنام ان فيه تزوير هيحصل , دول بقى اسمهم ( مرشحين مصر النايمين ) , اللي عايشين في غيبوبه , واحد سافل وفاكر نفسه عظيم والتاني تافه وعامل نفسه زعيم !!.
Mohamed Hussein
20 أبريل ·
لسه شايف حلقة باسم يوسف الأخيره امبارح , زمان كان فيه حكايه وهميه عبيطه كده ( مجرد نكته تقريبا ) عن عادل امام , بتقول ان عادل امام راهن الناس كلها انه يقدر يضحّك أي حد في أي وقت وأي مكان , وفي مره من المرات جاله واحد وحاول عادل امام انه يضحكه ومفيش فايده , حاول تاني ومفيش فايده , وفي الأخر عادل إمام مالقاش حل غير إنه يقلع البنطلون ويورّي المشاهد ده ( الحمره بتاعة القرد ) فالراجل ضحك .
أهو انا امبارح لما شوفت حلقة باسم يوسف حسيت بقمة الإفلاس وإن باسم غالبا عشان يضحّك الناس اضطر إنه يقلع البنطلون !!.
Mohamed Hussein
20 أبريل
مصر في تاريخها الطويل حكمها ناس كتير , الإنجليز والمماليك والفرنساويين والأتراك واللي واللي واللي .
لكن ماحصلش في تاريخها ابدا انه ازدهرت التجاره اللفظيه زي ما بيحصل الأيام دي , تجاره بالدين , تجاره بالوطنيه , تجاره بالثوره والإنتماء الثوري , تجاره بكلمة مثقف تجاره بكلمة ناشط سياسي , وكل تاجر بيذل أنفاس الباقي بتجارته وبيذل أنفاس مصر معاهم , التعالي والتكبر على تراب البلد دي وادعاء الثورجيه أو الوطنيه أو التدين , التاريخ غالبا هيسجل الفتره دي من حياة مصر على إنها ( فترة حكم التجار من 2011 إلى ما شاء الله ).
Mohamed Hussein
20 أبريل
وقف عرض فيلم حلاوة روح , القبض على سما المصري .... كده نقدر نقول إن نظام الحكم في مصر بدأ يفهم و يتعامل بعقله , وعارف يعني ايه استفزاز الشارع , مش باقي غير اعتقال مرتضى منصور وعلاء عبد الفتاح ومصفى بكري واحمد موسى و محمد حسين وتبقى البلد زي الفل .
Mohamed Hussein
20 أبريل ·
و هفضل كده احارب الطواحين اللي اسمهم ( المثقفين و النخبجيّه في مصر ) , وكل ماحارب طاحونه منهم ألاقيها ( حمراااااا ) , أه الطاحونه يا جدع هي اللي حمره .
.
لما تتناقش معاهم وتسمع كلامهم عن مصر و تاريخها و مستقبلها و تشوف تعاليهم و شعاراتهم و تضحياتهم الثمينه و دورهم العظيم و أنعرتهم الكدابه تحس إن مصر حاربت اسرائيل 4 مرات صحيح بس مش جيش مصر هو اللي حارب , لا لا أبسوليوتلي , اللي حارب اسرائيل هي منظمات المجتمع المدني , واللي قدم الشهدا فدا مصر هي مكاتب حقوق الإنسان وساقية الصاوي ومكتب الإرشاد , واللي رفع العلم المصري على الضفه الشرقيه هو علاء الأسواني مع حسن البنا واللي دمر خط بارليف هما مراسلين الجزيره في القاهره .
.
فيه ناس الغباوه بالنسبالهم اختيار , و ناس الغباوه بالنسبالهم اجبار , تبرعو لبناء معهد ( العقل زينه يا ولاد اللذينه ) !!.
Mohamed Hussein
21 أبريل ·
وتلاقي الواحد في مصر دلوأتي واكل كيلو رنجه وكيلو فسيخ وحزمتين تلاته بصل أخضر وفي الأخر جايب لبانه أو عود بقدونس عشان يضيع الريحه !! , والنبي لو اتمرمغت في نص فدان بقدونس مافي فايده ( دانا شامم الريحه وانا قاعد هنا في الدمام ) , كل سنه وانتو طيبين يا مصريين , من بعيد بقى , سلِّمو من بعيد .
Mohamed Hussein
21 أبريل
إحنا العباقره يا نورماليين
.
اللهم صل عالنبي , هحكي لكو حكايه صغيره , يوم السبت اللي فات وتحديدا الساعه 12 ونص الضهر خدت مفتاح العربيه وشغلت العربيه وقلت دعاء السفر وطلعت على مدرسة بنتي ( حوالي 25 كيلو ) , وصلت عند المدرسه لقيت البوابه مقفوله ومفيش حد خالص , قلت يا نهار هباب , بنتي فين ؟ استر يارب ,مين اللي خد بنتي ؟ وفين بقى لما لقيت حارس امن من بتوع المدرسه , قال لي ( ويش جابك اليوم ؟ ) قلت له بنتي فين ؟ دانا هوديكو في داهيه , قال لي ( ويش لون ؟ اليوم السبت ومافي دراسه ) !! ...قلت له ولو , ولا يهمني السبت من التلات .
نهايته , عايز اقول يعني , إن أنا كعبقري و زملائي العباقره لا نعترف بقوانين الطبيعه والمنطق والمواعيد والأيام ولا بنعترف بنبض الشارع ولا بطبيعة السوايل وخواص الفلذات ولا الحاجات دي خالص ( فلذات اكبادنا ).
.
وعشان عبقري هروح اجيب بنتي من المدرسه يوم السبت , وممكن اروح اجيبها من المدرسه الساعه 12 بالليل في شهر سبعه , عبقري بقى تقول ايه يعني ؟ بعمل اللي انا عايزه في أي وقت وأي مكان , وليه أفتح باب الشقه بمفتاح باب الشقه لما ممكن افتحه بمفتاح العربيه أو حتى بمفتاح علبة السلامون ؟ وليه انام وانا نايم وممدّد كده لما ممكن انام وانا واقف ؟ وليه أحطّ المعلقه في بؤي وانا باكل لما ممكن احطها في وداني ؟ أومال وداني دي بتعمل ايه يعني ولا هي شبه مرايات العربيه وخلاص ؟
.
ولما التلاجه في بيتي مش بيبقى فيها لقمة عيش ولا بؤ مايه وقاعدين نستلف ( و نتسفّخ ) من الجيران , والنبي ياختي مالاقيش عندك بصلتين ؟ هاتي فصين توم يا ست أم فاروق , والنبي تسلفينا ايد الهون يا ست ام حمد , ماعندكيش رغيفين فينو يا ست عطيات ولترين بنزين والنبي ؟ , ساعتها بقى انا لما بيفيض بيا مش بنزل اشتغل عشان أكفّي بيتي , لا بنزل اتظاهر ضد الحكومه واقول فين الجاكوزي يا كفره يا ولاد الحرام ؟!.
.
والعبقري من زملائي تلاقيه مثلا شعبيته ماتكفيش انه ينجح في انتخابات مركز شباب كفر غنام يقوم يترشّح لرئاسة الجمهوريه و بعد يومين ينسحب ويقول اصل الإنتخابات مزوره والعروسه حامل أو يقول شوفت منام !! , شوفت حبيبي وفرحت معاه , ولما ينسحب يعمل مؤتمر صحفي يلعن فيه التزوير والفاشيه اللي ضيعو فرصته وحقه في رئاسة الجمهوريه !!.
.... ماحنا عباقره بقى بعيد عن السامعين , عبقري يا بني أدم يا نورمال normal إنت , عباقره يا بشر يا نورماليين .
.
.
ورد في الأثر إن أبو زيد الهلالي قال لابو القمصان تراهني إني لو مسكت برج القاهره ده في قبضة إيدي هيدوب زي حتة الحلاوه السمسميه ؟! اللهم صل عالنبي , اللهم صل عالنبي .
Mohamed Hussein
21 أبريل
صرفت 5 روشتات ورا بعض زي بعض بالظبط ( تيبيكال ) , أموت أنا في الدكتور اللي روشتاته 4 أصناف مابيتغيّروش دول , ليل ونهار , صيف و شتا , ثورات بتقوم و حروب و بلاد بتتقسم و جيوش بتتهد وهو زي ماهو , أنا بعد كده هجيب كرتونه من كل نوع من الأربع أنواع واحطها جنب مني , وكل ما يدخل مريض معاه روشته و ييجي يدينا روشتته هقول له عيب عليك , طبّق روشتتك وحطها في جيبك , دواك جاهز يا برنس والحساب 97 ريال .
Mohamed Hussein
21 أبريل
و عشان انا مصري أوي , هتلاقيني من بين كل نساء العالم بميل للمرأه المصريه , بشوفها دايما هي الأجمل والأذكى والأرق والأطيب , هي في الإختيار رقم 1 بلا منافس , و على رأي الأغنيه ما بتقول ( لبّسني من صنع بلادي ) !!.
Mohamed Hussein
22 أبريل ·
و رجعت البيت امبارح بالليل لقيت مراتي عامله طبق رنجه كبير و مظبطاه بقى باللمون وجنب منه بصل أخضر وفلفل رومي , أنا شوفت المنظر من هنا وركبني 100 عفريت من هنا , وقلت على جثتي , الحاجات دي لا يمكن تدخل بيتي طول مانا عايش على وش الدنيا , و بس يا سيدي , كنت جعان أوي , قعدت أكل أكل أكل , لحد ما خلصت الطبق كله و شربت بعده 6 لتر مايه , إنما اعملي حسابك المره الجايه كلمتي لا ممكن تنزل الأرض أبدا !!.
Mohamed Hussein
22 أبريل
عندنا في مصر فيلم سينمائي لكل مناسبه تقريبا , يعني في احتفالاتنا الدينيه بنعرض فيلم وإسلاماه أو الشيماء ( يا ويلي , شٌلت ذراعي , إنها سليمه إنها سليمه ) , و في احتفلات نصر اكتوبر بنعرض فيلم الطريق إلى إيلات ( و مشهد نبيل الحلفاوي وهو بيخرم العسليه ) , وأحيانا فيلم من أفلام ناديه الجندي اللي كانت بتخدع الموساد كله لما تكشف حته من كتفها , وفي موسم سرقة الأطفال وقطع الكهربا بشكل مستمر بيعرضو فيلم نعيمه الصغير اللي كان اسمها فيه ( الكاتعه ) و بعد نهاية الإمتحانات في المدارس والجامعات بنعرض ( فيلم ثقافي ) .
.
إمبارح بقى لقيت فيلم جدو حبيبي لمحمود ياسين والبت اللي دمها واقف اللي انا مش عارف اسمها , أهو ده برضه ينفع فيلم مناسبات وتقريبا كده اللي قايمين عالقناه عرضوه بمناسبة البيض بتاع شم النسيم !!.
Mohamed Hussein
22 أبريل
خبر : لهذه الأسباب لا تمانع فيفي عبده من إن بنتها تشتغل رقاصه !! .
.
و عندنا في بلدنا يا بيه إبن الإرهابي بيطلع إرهابي و بنت الرقاصه بتطلع رقاصه , و زي ما الرقاصه بتقنع بنتها إن الرقص والتعري قدام الناس من الفنون ال ( ساميه ) و تقول لها ده ربنا جميل بيحب ال ( جمال ) هتلاقي برضه الإرهابي بيعلّم ابنه إن قتل العساكر والظباط والسياح والغلابه والأقباط في الشارع ده من مبادئ دينا الإسلامي ال ( ساميه ) وإن خزعبلات سيد قطب واسامه ابن لادن هي علم وفقه وحاجه في منتهى ال ( جمال ) .
Mohamed Hussein
22 أبريل
خالي كان هنا في السعوديه من كام يوم بيعمل عمره , وركبو الطياره عشان يرجعو مصر امبارح الساعه 12 بالليل من مطار جده , وبعد نص ساعه من الطيران ( كانو فوق البحر الأحمر ) قام الراجل السوّاق قصدي الطيار قال لهم في الميكروفون ( معلش يا خوانا احنا مضطرين نرجع جده تاني ) لأ مش كان ناسي الولاعه بتاعته و لا حاجه , كل الحكايه إن الطياره حصل فيها عطل مفاجئ , بعد شويه الناس بدأت تقلق وتسمع أصوات غريبه في جسم الطياره , تقريبا كده السواق داس بنزين و قرص عليها جامد فجابت وش سلندر , بدأو الناس يقولو الأدعيه واللي معاه مصحف طلعه وكعادتنا يعني في اللحظات الأخيره , المهم انهم رجعو المطار بالسلامه بس كان فيه راجل مصري عجوز لما سمع ان الطياره فيها عطل نادى عالمضيفه وقال لها ( خدي يا بت انتي هنا تعالي , شوفي لك حاجه و غطّي بيها شعرك ده , هتقابلي ربنا إزاي وانتي كده ؟! ) , هع هع والنبي يا حاج اللي يدوّر في شنطتك يلاقيك مهرّب كاسيت من ابو روحين وحاشره وسط الهدوم و لما موظف الجمرك يسألك معاك أجهزه ؟ هتقول له لأ , إنت كمان هتروح النار يا حاج و هياخدو منك الكاسيت في الأخره و احتمال يدبّسوه في محضر الجريمه !!.
Mohamed Hussein
22 أبريل
أربعه حلوين
.
و قال لي صاحبي ( و هو منفعل ) : إنت عاجبك حالك كزملكاوي كده ؟ عاجبك حالك ؟ tell me ؟
.
قلت له ( وانا هادي جدا ) : إحنا يابني جايز مانكونشي بنشجع أجمل نادي في الدنيا , أكيد فيه نوادي كتير أجمل مننا , و جايز لعّيبتنا مش أحسن لعّيبه , و جايز مدربنا أبو كرش مش أحسن مدرب , لكن إحنا الزمالكاويه عندنا ال concept بتاع الحمد لله !!.
.............
الحمد لله .
Mohamed Hussein
23 أبريل
يا بنات يا بنات
.
تعالو يا بنات ويا ستات مصر بتوع الجيل الحالي والجيل اللي قبله والجيل الرابع , تعالو على جنب كده عشان عايز أحكي لكو عن أمي ربنا يديها الصحه .
.
بقى صلّو عالنبي عليه الصلاة والسلام , الواحده منكو عندها في مطبخها أجهزه وخلاطات لتقطيع كل حاجه , عصاره للبصل والطماطم ومفرمه للحمه وعصاره للفواكه وجهاز يأوّر الكوسه و جهاز بيخرط الملوخيه , والفراخ بتيجي بانيه يعني مدبوحه ومخليه , وفرن غاز وفرن كهربا ومايكرو ويف وجهاز لتحميص العيش وجهاز لعمل الساندوتشات وجهاز للنسكافيه وجهاز للأيس كريم , إلخ .
.
يعني الواحده منكو بتجهّز الغدا كله على بعضه كده في ساعة زمن , الغدا وملحقاته , وطبعا في الساعه دي السماعه بتاعة الموبايل بتبقى في ودانها وبتسمع منير ( قبل مايتجوز ) ....
وفي شغل البيت , هتلاقي مكنسه بالكهربا ومكوه للهدوم ومكوه للسجاد ومكوه للستاير , والمكنسه بيتحط فيها صابون وشامبو وبيرفيوم كمان لو تحبي , من كام يوم شوفت مكنسه من غير سلك وبتمشي لوحدها ..يعني تطلقيها كده في الشقه وهي تكنس كل حاجه وترجعلك تقول لك خلّصت يا ستي عايزه مني حاجه تاني قبل مافصل ؟ قصدي قبل مانام ؟!.
.
و مع ذلك الواحده منكو بتدخل عالفيس أخر النهار تلعن قسوة الحياه وظروف المعيشه وتقول طلع لي فسفوسه جنب صباع ايدي اليمين أصلي بدخل الفيس من لابتوب مش تابليت تاتش سكرين , يالقسوة الحياه , وبعدين يدخلو صاحباتها الكيوت ويعلّقو عالبوست ده , ألف سلامه يا قمر , مش معقوله انتي أكيد اتحسدتي , طب روحتي مستشفى ولا عملتي ايه ؟ ...مممممممم والورد بقى والحاجات دي .
.
تعالو بقى أحكي لكو عن الحاجه أمي ربنا يديها الصحه
أمي عندها 3 أولاد و 3 بنات ما شاء الله , مابتعرفش تقرا , كانت بتصحى من النوم وتصحينا كل واحد في معاد غير التاني , اللي رايح المدرسه غير اللي رايح الجامعه , وتجهز لنا الفطار , لأ مش ساندوتشات جبنه رومي , احنا بتوع الحاجات دي برضه ؟ الفطار كان بيبقى بقية الأكل بتاع العشا بتاع اليوم اللي قبله , يعني رز وطبيخ , أه نسيت ماكنشي عندنا تلاجه عشان كده الأكل ماينفعشي يتركن كتير
.
أمي بتسخن الرز والبطاطس ( الخضار ) عالبابور الجاز ونفطر بقى كلنا وبعد ما نمشي تبدأ هي تغسل هدومنا , لا حضرتك هدومنا ماتوسختش من القطه الشيرازي ولا عصفورة الكناريا اللي مربينها في البيت , دي اتوسخت من التنطيط على جسر الترع والمصارف وفي التراب والطين , يعني اتطينت مش اتوسخت , والهدوم دي بتتغسل في طشت نحاس كبير ولما ربنا فتح علينا بقى عندنا غساله عاديه , اللي هي عامله زي البرميل دي وخلاص , ولا اتوماتيك ولا هاف ماتيك , وطبعا مفيش مسحوق من اللي بيشيل البقع , وبالتالي مفيش حل غير دعك الهدوم لحد ما يتهد حيلها , بعد ما تخلص غسيل في ساعتين مثلا ( لأ مفش موبايل ولا وكمان ولا محمد منير ولا سماعه ) , لو فيه حاجه في الأرض محتاجه شغل ستات تعملها , يعني تشتيل رز , جمع قطن , جمع باميه .
.
وترجع عالساعه 11 مثلا تبدأ تجهز الغدا , عندنا فرن بالطين لعمايل العيش والفطير والرز المعمر .. وده بيشتغل ب ( قش الرز ) , وعندنا كانون بالطين لطبيخ الرز والمكرونه والفراخ واللحمه ( و العياذ بالله ) وأي حاجه , و ده بيشتغل بالحطب بتاع القطن ., للأسف الفرن والكانون ماكانشي فيهم ( تايمر ) عشان كده لازم تقعد قدامهم في الصهد ده.
.
وبعد ما ناكل بقى ندخل في مرحلة غسيل الاطباق ( لا مفيش ديش ووشر ) , فيه طرنبة مايه سيادتك قدام البيت , واحد مننا يطلع يدوّر لها الطرنبه لحد ما تغسل الاطباق بالسلك الألامونيا والصابونه السوده أم ربع جنيه .
.
المهم أمي كانت بتيجي أخر اليوم وماتشتكيش من الفسفوسه اللي طلعت جنب صباع ايديها اليمين , ولو كانت اشتكت ماكنتش هتلاقي حد يعمل لايك عالبوست بتاعها !!.
.
المهم يعني عايز أقول ايه من الكلام ده ؟ عايز أقول إنكو على راس ابونا من فوق , هو احنا نقدر نتكلم ؟ , we appreciate your effort أه وعهد الله .
Mohamed Hussein
23 أبريل
وردا على توريد روسيا طائرات ميج 35 لمصر قررت أمريكا إن هي كمان تورد لنا طائرات أباتشي !! .
أهي الإداره الأمريكيه دي عامله زي التلفزيون الأبيض واسود القديم بتاع زمان , لما تهنّج منك وتلاقي الإرسال اتقطع , اضربها على دماغها بالجزمه هتلاقي الإرسال رجع تاني .
Mohamed Hussein
23 أبريل
السياسه أدب مش هز كتاف
.
بعد ما كان بيهدد جيشها , اسماعيل هنيه بيشكر مصر على جهودها في المصالحه الفلسطينيه !! .
ماهو شوف حضرتك , أوّل ما أمريكا تجر ناعم معاك هتلاقي كلابها جايين وراها يقدمو أيات الشكر والإمتنان , و مش بعيد الجزيره تبدأ من بكره تقول ( ثورة 30 يونيو المجيده ) !!.
Mohamed Hussein
24 أبريل
أه يا ليل يا ليل , يا ما طال الليل
أه يا ليل يا ليل , يا ما طال الليل
عالبحر عاااااالبحر يشاورلي بتفاحه يا ليل
يحسبني يااامّه قليلة العقل فلاحه يا ليل
.
أه يا ليل يا ليل , يا ما طال الليل
أه يا ليل يا ليل , يا ما طال الليل
عالبحر عاااااالبحر يشاورلي بلامونه يا ليل
يحسبني يااامّه قليلة العقل مجنونه يا ليل
............................................................
الله الله الله الله
لما فيديو زي دي يتشاف 1300 مره بس على يوتيوب , وفيديو ( سقوط فستان اليسا من على صدرها ) يتشاف كذا مليون مره !!
لما أغنيه شعبيه بالجمال ده محدش يسمع عنها وأفلام السبكي يدخلها مليون مشاهد , لما شكل الستات وهما بيغنو ويضحكو ضحكه صافيه من القلب مايشدّش الناس ويشدهم فيديو لاهابيين ولاد كلب بيقطعو روس بعض ويلعبو بيها كوره .
يبقى فيه خلل في المجتمع , فيه أجيال منحطه وفاشله , معندهاش لا زوق ولا احساس بالجمال , يا بشر السعاده في ضحكة الست دي وهي بتغني , الجمال في صوتها , الإبداع في كلماتها الرقيقه البسيطه , السعاده هتلاقوها هنا !!.
.
الأغنيه دي أكبر من عمر قطر وقناة الجزيره وحركة حماس , أكبر من عمر ياسر برهامي بتاع سيب مراتك تُغتصب ومشايخ البترو دولارز , ولو دورت على أصل الأغنيه جايز تلاقيها اكبر من عمر أمريكا , هي دي مصر اللي بعشقها , مصر الجميله البسيطه النقيه اللي ضحكتها من القلب , ملعون أبوهم ولاد الكلب !!.
Mohamed Hussein
24 أبريل
ياسر برهامي : يجوز للزوج ترك زوجته تُغتصب حفاظا على النفس !!
.
وايه المشكله يا خوانا , الموضوع سهل خالص زي شكة الدبوس , 5 دقايق وكل واحد يروح لحاله و يا دار ما دخلك شر , و لما المغتصِب ياخد غرضه يقوم الزوج الهمام مطبطب على مراته وحاضنها حضن مطارات ويراضيها بكلمتين , ومفيش مانع يعزمها على غدوه حلوه في ام حسن عشان ترم عضمها , مممممممممممم هو انا كده ابقى داعيه سلفي كبير ؟ انا بقيت من علماء الأمه ؟ , لحمتي مسمومه يا ناس ؟ الله اكبر ولله الحمد .
.
ربنا ابتلانا باتنين ولاد كلب تجار دين , لا عندهم دين ولا حتى نخوه , واحد ماعندوش مانع يسيب أرضك تغتصب في إيد الأعداء وكان بيستعدي عليك جيوش الغرب , والتاني ماعندوش مانع يسيب مراته تغتصب , اتنين ديوسين والإسم علماء ولحومهم مسمومه !!.
.
زمان , أيام ما كان فيه نخوه ورجوله , كان الراجل ( الرااااااااجل ) لو شاف واحده ست مايعرفهاش بتتعرض للاغتصاب كان بيدافع عنها حتى لو اتقتل , بقولك ست مايعرفهاش خالص مش مراته يعني وجايز تكون من جنسيه تانيه او ديانه تانيه , مش هيسألها جنسيتك ايه ولا ديانتك قبل ماينقذها , بس ده الراجل بقى مش الشيخ السلفي ولا الشيخ الإخواني .
.
وبمناسبة ذكرى تحرير سيناء , حابب أقول إن الصهاينه معدش يلزمهم يعملو خط بارليف تاني , ولا عاد يلزمهم اسلحة دمار شامل , طول ماحنا عندنا مشايخ الإخوان ومشايخ السلفيين هينامو الصهاينه وفي بطنهم بطيخه صيفي !!.
Mohamed Hussein
24 أبريل
حالا , القوات الجويه المصريه تطارد سيارتين محملتين بالأسلحه والذخيره على حدود مصر الغربيه , واشتباكات عنيفه !!
ولاد الكلب الإرهابيين فاكرين عشان النهارده عيد تحرير سينا يبقى الجيش المصري واخد اجازه ومدلدل رجله في ماية البيسين زي واحد صاحبنا !! .
.
ياهبل يابن الاهبل , الناس دي حاربت وعدت خط بارليف واستعادت الأرض والعرض وهي صايمه , إنت بس ولاد الحرام فهموك إن الجيش القطري هو أعظم جيوش العالم , يالله مش مشكله , مكتوبالك تتنفخ النهارده نفخا مبينا مؤزّرا !!.
17 أبريل
وعلى سبيل الأيام الغامقه
.
أعمّل لِك إيه طيب ؟ أطفي التكييف عشان تطلعي بره الصيدليه ؟ الأكاده إنك بكتيره تعملي 12 ولا 13 سنه , و وزنك كده بحسب تقديري يادوب 27 كيلو ( في شغلنا بتاخدي جرعة أطفال في المضادات الحيويه ) , يعني أخرك تنفعي سلّاكة ودان , وماحلاش ليكي مكان تكلمي فيه حبيبك في التليفون غير عندي في الصيدليه ؟ بقالك ساعه و خيلتيني رايحه جايه , يابنتي روحي كملي فترة الرضاعه بتاعتك وبعدين حبي في التليفون , هه , لقيت الحل , وجدتها , قلت لها على فكره الصيدليه متراقبه بالكاميرات , قامت طلعت تجري , مع إني شاورت لها على جهاز الإنذار بتاع الحرايق , أومال لو كنت شاورت لها على صاعق الناموس اللي متعلق في السقف كانت عملت إيه ؟!.
Mohamed Hussein
18 أبريل
السيسي , حمدين , البرادعي
.
حصل إني شكرت حزب الدستور لما تخلّى عن سلبيته وقرر إنه يدعم حمدين صباحي في الإنتخابات , ومافهمتش يعني ايه قيادات من الحزب يقولو ( اللي عايز ينتخب السيسي من الحزب له مطلق الحريه ) , مع إني هنتخب السيسي بس دي تنفع تصريحات واحد بتاع عصير قصب مش قيادي في حزب سياسي , لأ لأ حضرتك فاهم غلط مش دي الديموقراطيه ولا ممارسة العمل السياسي , ده الهطل الأزلي وبقايا و موروثات مولانا أبو خطوه .
.
قوة الحزب السياسي بتيجي من تحديد موقف ثابت ودعم لشخص واحد عشان يبقى لك وزن سياسي حقيقي , والسياسه في الأساس هي هات وخد , يعني دعمك يكون كامل لشخص زي حمدين وفي المقابل تسعى لتحالف مثلا مع التيار الشعبي في الإنتخابات البرلمانيه , أكيد فيه ناس من حزب الدستور هينتخبو السيسي وناس هتبطل صوتها , ده طبيعي جدا لكن ماينفعش يتقال في تصريح لحد من قيادات الحزب , إدّيني بقى حقنه في العضل عن المثاليه في ممارسة العمل السياسي على طريقة الأستاذ الدكتور زعزوعه الممصوص كبير عاصري القصب في الحزب .
.
امبارح والنهارده بدأت ألاحظ إن الساده الأفاضل أعضاء حزب الدستور بيعايرو حمدين صباحي بإنهم جمعو عدد من التوكيلات عشان يكمل توكيلاته ؟؟ ويقولو احنا شيلنا السكينه من على رقبه حمدين !! , هه , يا الله يا ولي الصابرين , تقطيم و بغدده بمجرد دعم شخص لمدة 3 أيام !! , بالزمه انتو منظر حزب سياسي هيعرف يندعك في شوارع مصر وحواريها ؟ ولا شوية مجازيب من بتوع ساقية الصاوي بيتاجرو في شعارات وفلايات ؟!.
.
المره اللي فاتت انتخبت حمدين والمره دي هنتخب السيسي ( لحاجه في نفس يعقوب ) ومش بعيد المره اللي بعد كده انتخب حمدين .
وعايز اقول كلمتين باختصار , الفرق بين التيار الشعبي وحزب الدستور هو هو نفس الفرق بين حمدين والبرادعي , ويبدو ان الدستوريين لسه ماخرجوش من بدلة البرادعي ونضارته اللي بيشوف بيها طشاش .
.
حمدين صباحي هو مناضل مصري محترم , مواقفه المحترمه كتير ورأيي الشخصي إن التاريخ هيقول إن أعظم مواقف حمدين الوطنيه هي مشاركته في انتخابات الرئاسه 2014 , هو عارف ان شعبية السيسي أكبر بس نزل الحلبه كفارس , والفارس بينتصر بشرف وينهزم بشرف , الفرق بين حمدين والبرادعي هو ده , هو الفرق بين الفارس والكلامنجي ( البؤ ) , حمدين يعترض على نظام حاكم لكن مايهينش دولته , يناضل ضد حكومه لكن مايلبسشي بلده في الحيط .
.
مابتفرقشي معايا الأسماء , السياسي بالنسبالي موقف , بيبان من موقفه , مابتفرقشي معايا اسمه البرادعي ولا السيسي ولا المنفلوطي , كل الإحترام لحمدين صباحي وللتيار الشعبي , و طز في حزب الدستور بدراويشه و بهاليله ...صوتي لعبد الفتاح السيسي .
Mohamed Hussein
18 أبريل
ماركيز مات يا رجاله , الله يرحمك يا حاج ماركيز , الفاتحه لروحك الطاهره , ولا هنعرف ننجّد مرتبه واحده من بعدك , ده كان عليه ضربة مخراز مايعملهاش ولا أجدع معلم في الشرابيه كلها .
.
ممممممم مره وانا في الثانويه العامه كان عندنا مدرس فرنساوي مغرم بفيكتور هوجو , و يقعد بقى طول الحصه يقول كلام بالفرنساوي كتير كده ماحناش فاهمينه وفي النص فيكتور هوجو فيكتور هوجو , قمت أنا في يوم تفتق ذهني عن سؤال لولبي عميق , وسألته مين فيكتور هوجو ده يا مسيو ؟
أستاذ علاء بص لي بصه كده ( ماتعجبكش يا مولانا ) وقال لي ده راجل كان بيبيع دره مشوي وبطاطا قدام المدرسه هنا يا محمد بس انت مالحقتهوش أصله مات من سنتين , قلت له يا خساره دانا بموت في الدره المشوي .
.
وتفوت سنين طويله وانا مقتنع بكلام مسيو علاء إن فيكتور هوجو كان بيبع دره مشوي قدام مدرسة أحمد لطفي السيد , وفين بقى لما ولاد الحلال عرفوني انه فيكتور هوجو كان بيشتغل مع ماركيز في الشرابيه ...المعلمين الكبار دول عمرهم ما هيتعوضو أبدا .
Mohamed Hussein
18 أبريل
واعرف واحد بيمارس السياسه في مصر على طريقة لاعب الكوره اللي يقولك أنا مالعبشي إلا على ملعب كتّان أو من الأخر يعني على طريقة الست اللي بتقولك أنا ماعرفش أخبز إلا في فرن أمي , وعشان كده تلاقيه كل شويه غضبان ورجع لحضن أمه و فرن أمه , ونقعد احنا بقى نتحايل عليها قصدي عليه , يا بنتي استهدي بالله وارجعي بيت جوزك وهو هيشيلك على راسه من فوق , و ترجع هي مفيش يومين تلاته وتغضب تاني عشان مش عارفه تخبز في الفرن بتاع جوزها .
أنا يتهيألي الحل معاها لازم يكون حاجه من اتنين , يا إما نجيب فرن أمها شخصيا عند بيت جوزها يا إما نعوّد الشعب إنه ياكل ديلفري على طول , وعلى رأي ماري أنطوانيت , مش لاقيين عيش ياكلو جاتوه .
Mohamed Hussein
19 أبريل
خبر بتاريخ النهارده 19/04/2014
(( وزير الدفاع يتفقد تدريبات للصاعقه البحريه و يشيد بكفاءة رجالها ))
.
تعليق ناشط سياسي عالخبر : أه بقى , ماهي أخبار السيسي لازم تتصدر كل الجرايد والقنوات وفي الأخر يقولو لنا انتخابات هتبقى نزيهه .
.
أنا رديت عليه : يا أخي اتقي الله , هو السيسي عشان بيشوف شغله ويتفقد وحداته تبقى حاجه عيب ؟ وإيه علاقة حضوره لتدريبات عسكريه بترشحه للرئاسه يا فاشلين ؟!.
.
رساله من الفيس بوك لصاحبه ومديره دكتور مارك زوكربيرج : خلاص يا رجاله , المصريين كده بقو تمام , محدش يرصّ لهم تاني !!.
Mohamed Hussein
19 أبريل
أكلي النجيله في الحقل السياسي
.
فجّرو كشك المرور عن بعد والظابط جواه , اتقتل الظابط وبقى أشلاء في لمحة عين , ده اسمه الإرهاب سيادتك , الإرهاب .
والناشط السياسي اسمه الحمار المثقف , ولو صغير في السن شويه يبقى جحش مثقف برضه , ليه بقى ؟ عشان هيسيب الشهيد ومراته وولاده اللي اتيتمو فجأه وهيقول الجمله دي ( الشرطه والجيش مش عارفين يحمو نفسهم هيحمو البلد إزاي ؟ ) , و احتمال كبير يتألق في الحموريه ويقول الجمله دي كمان ( ده معناه إن الجماعات الإرهابيه متفوقين على الشرطه في التخطيط والأجهزه ) .
.
طب فرضا يعني ان حضرتك أيها الناشط الحمار المثقف قررت بكره الصبح تشتغل حرامي , مش هتعرف تسرق لك شقه واتنين وعشره قبل الشرطه ماتعرف تجيبك ؟ طب هل ده يعني إنك عبقري ؟ هما الحراميه عباقره يا جحش ياللي عايش عمره ياكل في النجيله بتاعة الحقل السياسي ؟! طب افرض انك قررت تشتغل قوّاد ولا مؤاخذه يعني , مش هتعرف تفتح لك شقة دعاره وتاكل منها عيش سنه واتنين قبل بوليس الأداب ما يعرف يجيبك ؟ هي دي كمان محتاجه عبقريه والمعيه وتدريب وكفاءه ؟ طب افرض انك قررت تشتغل ارهابي , هه ؟ مطلوب منك ايه ؟ خد يا أخ حمار السلاح ده وخلي ظابط الشرطه ده ولا ظابط الجيش طالع بيتهم ودوس عالزناد واقتله , هه ؟ محتاج حضرتك ماجستير في الدوسه عالزناد ؟
.
خد يا جحش يا مثقف القنبله دي وحطها جنب الكشك وابعد شويه ودوس عالزرار ده , وبس خلاص هتنفجر القنبله ويموت اللي موجودين في المكان ..دي محتاجه تدريب وكفاءه ؟ .
.
طب مطلوب من ظابط الجيش وظابط الشرطه ايه بالظبط عشان أداؤه يعجب سعادتك ؟ أنا أقولك , مطلوب انه لما يمشي في الشارع يفتّش الرصيف والشجر اللي جنب منه ويستجوب العصافير ولما يروح النادي يفتش كل اللي في النادي ومطلوب منه يبقى له 35 عين وهو ماشي ويحمي مراته في البيت ويحمي عياله في المدرسه والنادي ويشك في البواب والسواق وبتاع الخضار والحمامه اللي عالشجر والراجل بتاع اللبن والفران والجزار ويحمي الحاره والمدينه والبلد وبيتي وبيتك وإلا يبقى الإرهاب سابقهم .
.
يا مولانا الأصل في طبيعة الأشياء الأمن والمشي الدوغري , أسهل حاجه في الدنيا دي إنك تشتغل حرامي أو قواد أو إرهابي , الأغبياء بيحتكرو المهنه دي لأنفسهم , واللي مسهّل الموضوع أكتر في مصر هو وجود حضرتك , أحيانا بتتعاطف وأحيانا بتبرر وأحيانا بتاكل في نجيلة الحقل السياسي وتقول الإرهاب أذكى مننا والدليل انهم بيقتلو الظباط والعساكر........أسهل حاجه إنك تقتل , يكفي جدا إنك تكون حمار ومقتنع إنك بتجاهد في سبيل الله ( هي دي كل المؤهلات المطلوبه مش اكتر ) !!.
Mohamed Hussein
19 أبريل
مرتضى منصور عمل مؤتمر صحفي وقرر الإنسحاب من سباق الرئاسه لأنه خير اللهم اجعله خير شاف رؤيا في المنام , اتنين ظباط جيش لابسين كاكي في كاكي , قام فهم ان دي رساله يا مارد , و ربنا رايد لمصر رئيس عسكري واسمه عبد الفتاح السيسي !! .
طول عمرك بتنام يا مرتضى وانت طاهر ولسانك رطب بذكر الله , أومااااااااال , على يدي , لا سبّيت ل ده ولا شتمت ده ولا خضت في عرض ده ولا سبيت 100 مله ودين لده ولا دافعت عن حرامي ولا قاتل , اللهم صل عالنبي , اللهم صل عالنبي , والنبي مش ناقص لك غير جلابيه بيضا ودقن وسبحه وطاقيه شبيكه وماعرف الفرق بينك وبين محمد حسان ( هو كمان بيشوف في منامه حاجات زي كده ) .
.
أهو اللي عمله مرتضى منصور في مؤتمره الصحفي ده ما يختلفش أبدا عن اللي عمله خالد على في مؤتمره , شوية مراقيع بتترشح عشان تنسحب واهو مؤتمر بقى وكاميرات وتصوير وليله يا عمده , واحد شاف في المنام اتنين ظباط والتاني شاف في المنام ان فيه تزوير هيحصل , دول بقى اسمهم ( مرشحين مصر النايمين ) , اللي عايشين في غيبوبه , واحد سافل وفاكر نفسه عظيم والتاني تافه وعامل نفسه زعيم !!.
Mohamed Hussein
20 أبريل ·
لسه شايف حلقة باسم يوسف الأخيره امبارح , زمان كان فيه حكايه وهميه عبيطه كده ( مجرد نكته تقريبا ) عن عادل امام , بتقول ان عادل امام راهن الناس كلها انه يقدر يضحّك أي حد في أي وقت وأي مكان , وفي مره من المرات جاله واحد وحاول عادل امام انه يضحكه ومفيش فايده , حاول تاني ومفيش فايده , وفي الأخر عادل إمام مالقاش حل غير إنه يقلع البنطلون ويورّي المشاهد ده ( الحمره بتاعة القرد ) فالراجل ضحك .
أهو انا امبارح لما شوفت حلقة باسم يوسف حسيت بقمة الإفلاس وإن باسم غالبا عشان يضحّك الناس اضطر إنه يقلع البنطلون !!.
Mohamed Hussein
20 أبريل
مصر في تاريخها الطويل حكمها ناس كتير , الإنجليز والمماليك والفرنساويين والأتراك واللي واللي واللي .
لكن ماحصلش في تاريخها ابدا انه ازدهرت التجاره اللفظيه زي ما بيحصل الأيام دي , تجاره بالدين , تجاره بالوطنيه , تجاره بالثوره والإنتماء الثوري , تجاره بكلمة مثقف تجاره بكلمة ناشط سياسي , وكل تاجر بيذل أنفاس الباقي بتجارته وبيذل أنفاس مصر معاهم , التعالي والتكبر على تراب البلد دي وادعاء الثورجيه أو الوطنيه أو التدين , التاريخ غالبا هيسجل الفتره دي من حياة مصر على إنها ( فترة حكم التجار من 2011 إلى ما شاء الله ).
Mohamed Hussein
20 أبريل
وقف عرض فيلم حلاوة روح , القبض على سما المصري .... كده نقدر نقول إن نظام الحكم في مصر بدأ يفهم و يتعامل بعقله , وعارف يعني ايه استفزاز الشارع , مش باقي غير اعتقال مرتضى منصور وعلاء عبد الفتاح ومصفى بكري واحمد موسى و محمد حسين وتبقى البلد زي الفل .
Mohamed Hussein
20 أبريل ·
و هفضل كده احارب الطواحين اللي اسمهم ( المثقفين و النخبجيّه في مصر ) , وكل ماحارب طاحونه منهم ألاقيها ( حمراااااا ) , أه الطاحونه يا جدع هي اللي حمره .
.
لما تتناقش معاهم وتسمع كلامهم عن مصر و تاريخها و مستقبلها و تشوف تعاليهم و شعاراتهم و تضحياتهم الثمينه و دورهم العظيم و أنعرتهم الكدابه تحس إن مصر حاربت اسرائيل 4 مرات صحيح بس مش جيش مصر هو اللي حارب , لا لا أبسوليوتلي , اللي حارب اسرائيل هي منظمات المجتمع المدني , واللي قدم الشهدا فدا مصر هي مكاتب حقوق الإنسان وساقية الصاوي ومكتب الإرشاد , واللي رفع العلم المصري على الضفه الشرقيه هو علاء الأسواني مع حسن البنا واللي دمر خط بارليف هما مراسلين الجزيره في القاهره .
.
فيه ناس الغباوه بالنسبالهم اختيار , و ناس الغباوه بالنسبالهم اجبار , تبرعو لبناء معهد ( العقل زينه يا ولاد اللذينه ) !!.
Mohamed Hussein
21 أبريل ·
وتلاقي الواحد في مصر دلوأتي واكل كيلو رنجه وكيلو فسيخ وحزمتين تلاته بصل أخضر وفي الأخر جايب لبانه أو عود بقدونس عشان يضيع الريحه !! , والنبي لو اتمرمغت في نص فدان بقدونس مافي فايده ( دانا شامم الريحه وانا قاعد هنا في الدمام ) , كل سنه وانتو طيبين يا مصريين , من بعيد بقى , سلِّمو من بعيد .
Mohamed Hussein
21 أبريل
إحنا العباقره يا نورماليين
.
اللهم صل عالنبي , هحكي لكو حكايه صغيره , يوم السبت اللي فات وتحديدا الساعه 12 ونص الضهر خدت مفتاح العربيه وشغلت العربيه وقلت دعاء السفر وطلعت على مدرسة بنتي ( حوالي 25 كيلو ) , وصلت عند المدرسه لقيت البوابه مقفوله ومفيش حد خالص , قلت يا نهار هباب , بنتي فين ؟ استر يارب ,مين اللي خد بنتي ؟ وفين بقى لما لقيت حارس امن من بتوع المدرسه , قال لي ( ويش جابك اليوم ؟ ) قلت له بنتي فين ؟ دانا هوديكو في داهيه , قال لي ( ويش لون ؟ اليوم السبت ومافي دراسه ) !! ...قلت له ولو , ولا يهمني السبت من التلات .
نهايته , عايز اقول يعني , إن أنا كعبقري و زملائي العباقره لا نعترف بقوانين الطبيعه والمنطق والمواعيد والأيام ولا بنعترف بنبض الشارع ولا بطبيعة السوايل وخواص الفلذات ولا الحاجات دي خالص ( فلذات اكبادنا ).
.
وعشان عبقري هروح اجيب بنتي من المدرسه يوم السبت , وممكن اروح اجيبها من المدرسه الساعه 12 بالليل في شهر سبعه , عبقري بقى تقول ايه يعني ؟ بعمل اللي انا عايزه في أي وقت وأي مكان , وليه أفتح باب الشقه بمفتاح باب الشقه لما ممكن افتحه بمفتاح العربيه أو حتى بمفتاح علبة السلامون ؟ وليه انام وانا نايم وممدّد كده لما ممكن انام وانا واقف ؟ وليه أحطّ المعلقه في بؤي وانا باكل لما ممكن احطها في وداني ؟ أومال وداني دي بتعمل ايه يعني ولا هي شبه مرايات العربيه وخلاص ؟
.
ولما التلاجه في بيتي مش بيبقى فيها لقمة عيش ولا بؤ مايه وقاعدين نستلف ( و نتسفّخ ) من الجيران , والنبي ياختي مالاقيش عندك بصلتين ؟ هاتي فصين توم يا ست أم فاروق , والنبي تسلفينا ايد الهون يا ست ام حمد , ماعندكيش رغيفين فينو يا ست عطيات ولترين بنزين والنبي ؟ , ساعتها بقى انا لما بيفيض بيا مش بنزل اشتغل عشان أكفّي بيتي , لا بنزل اتظاهر ضد الحكومه واقول فين الجاكوزي يا كفره يا ولاد الحرام ؟!.
.
والعبقري من زملائي تلاقيه مثلا شعبيته ماتكفيش انه ينجح في انتخابات مركز شباب كفر غنام يقوم يترشّح لرئاسة الجمهوريه و بعد يومين ينسحب ويقول اصل الإنتخابات مزوره والعروسه حامل أو يقول شوفت منام !! , شوفت حبيبي وفرحت معاه , ولما ينسحب يعمل مؤتمر صحفي يلعن فيه التزوير والفاشيه اللي ضيعو فرصته وحقه في رئاسة الجمهوريه !!.
.... ماحنا عباقره بقى بعيد عن السامعين , عبقري يا بني أدم يا نورمال normal إنت , عباقره يا بشر يا نورماليين .
.
.
ورد في الأثر إن أبو زيد الهلالي قال لابو القمصان تراهني إني لو مسكت برج القاهره ده في قبضة إيدي هيدوب زي حتة الحلاوه السمسميه ؟! اللهم صل عالنبي , اللهم صل عالنبي .
Mohamed Hussein
21 أبريل
صرفت 5 روشتات ورا بعض زي بعض بالظبط ( تيبيكال ) , أموت أنا في الدكتور اللي روشتاته 4 أصناف مابيتغيّروش دول , ليل ونهار , صيف و شتا , ثورات بتقوم و حروب و بلاد بتتقسم و جيوش بتتهد وهو زي ماهو , أنا بعد كده هجيب كرتونه من كل نوع من الأربع أنواع واحطها جنب مني , وكل ما يدخل مريض معاه روشته و ييجي يدينا روشتته هقول له عيب عليك , طبّق روشتتك وحطها في جيبك , دواك جاهز يا برنس والحساب 97 ريال .
Mohamed Hussein
21 أبريل
و عشان انا مصري أوي , هتلاقيني من بين كل نساء العالم بميل للمرأه المصريه , بشوفها دايما هي الأجمل والأذكى والأرق والأطيب , هي في الإختيار رقم 1 بلا منافس , و على رأي الأغنيه ما بتقول ( لبّسني من صنع بلادي ) !!.
Mohamed Hussein
22 أبريل ·
و رجعت البيت امبارح بالليل لقيت مراتي عامله طبق رنجه كبير و مظبطاه بقى باللمون وجنب منه بصل أخضر وفلفل رومي , أنا شوفت المنظر من هنا وركبني 100 عفريت من هنا , وقلت على جثتي , الحاجات دي لا يمكن تدخل بيتي طول مانا عايش على وش الدنيا , و بس يا سيدي , كنت جعان أوي , قعدت أكل أكل أكل , لحد ما خلصت الطبق كله و شربت بعده 6 لتر مايه , إنما اعملي حسابك المره الجايه كلمتي لا ممكن تنزل الأرض أبدا !!.
Mohamed Hussein
22 أبريل
عندنا في مصر فيلم سينمائي لكل مناسبه تقريبا , يعني في احتفالاتنا الدينيه بنعرض فيلم وإسلاماه أو الشيماء ( يا ويلي , شٌلت ذراعي , إنها سليمه إنها سليمه ) , و في احتفلات نصر اكتوبر بنعرض فيلم الطريق إلى إيلات ( و مشهد نبيل الحلفاوي وهو بيخرم العسليه ) , وأحيانا فيلم من أفلام ناديه الجندي اللي كانت بتخدع الموساد كله لما تكشف حته من كتفها , وفي موسم سرقة الأطفال وقطع الكهربا بشكل مستمر بيعرضو فيلم نعيمه الصغير اللي كان اسمها فيه ( الكاتعه ) و بعد نهاية الإمتحانات في المدارس والجامعات بنعرض ( فيلم ثقافي ) .
.
إمبارح بقى لقيت فيلم جدو حبيبي لمحمود ياسين والبت اللي دمها واقف اللي انا مش عارف اسمها , أهو ده برضه ينفع فيلم مناسبات وتقريبا كده اللي قايمين عالقناه عرضوه بمناسبة البيض بتاع شم النسيم !!.
Mohamed Hussein
22 أبريل
خبر : لهذه الأسباب لا تمانع فيفي عبده من إن بنتها تشتغل رقاصه !! .
.
و عندنا في بلدنا يا بيه إبن الإرهابي بيطلع إرهابي و بنت الرقاصه بتطلع رقاصه , و زي ما الرقاصه بتقنع بنتها إن الرقص والتعري قدام الناس من الفنون ال ( ساميه ) و تقول لها ده ربنا جميل بيحب ال ( جمال ) هتلاقي برضه الإرهابي بيعلّم ابنه إن قتل العساكر والظباط والسياح والغلابه والأقباط في الشارع ده من مبادئ دينا الإسلامي ال ( ساميه ) وإن خزعبلات سيد قطب واسامه ابن لادن هي علم وفقه وحاجه في منتهى ال ( جمال ) .
Mohamed Hussein
22 أبريل
خالي كان هنا في السعوديه من كام يوم بيعمل عمره , وركبو الطياره عشان يرجعو مصر امبارح الساعه 12 بالليل من مطار جده , وبعد نص ساعه من الطيران ( كانو فوق البحر الأحمر ) قام الراجل السوّاق قصدي الطيار قال لهم في الميكروفون ( معلش يا خوانا احنا مضطرين نرجع جده تاني ) لأ مش كان ناسي الولاعه بتاعته و لا حاجه , كل الحكايه إن الطياره حصل فيها عطل مفاجئ , بعد شويه الناس بدأت تقلق وتسمع أصوات غريبه في جسم الطياره , تقريبا كده السواق داس بنزين و قرص عليها جامد فجابت وش سلندر , بدأو الناس يقولو الأدعيه واللي معاه مصحف طلعه وكعادتنا يعني في اللحظات الأخيره , المهم انهم رجعو المطار بالسلامه بس كان فيه راجل مصري عجوز لما سمع ان الطياره فيها عطل نادى عالمضيفه وقال لها ( خدي يا بت انتي هنا تعالي , شوفي لك حاجه و غطّي بيها شعرك ده , هتقابلي ربنا إزاي وانتي كده ؟! ) , هع هع والنبي يا حاج اللي يدوّر في شنطتك يلاقيك مهرّب كاسيت من ابو روحين وحاشره وسط الهدوم و لما موظف الجمرك يسألك معاك أجهزه ؟ هتقول له لأ , إنت كمان هتروح النار يا حاج و هياخدو منك الكاسيت في الأخره و احتمال يدبّسوه في محضر الجريمه !!.
Mohamed Hussein
22 أبريل
أربعه حلوين
.
و قال لي صاحبي ( و هو منفعل ) : إنت عاجبك حالك كزملكاوي كده ؟ عاجبك حالك ؟ tell me ؟
.
قلت له ( وانا هادي جدا ) : إحنا يابني جايز مانكونشي بنشجع أجمل نادي في الدنيا , أكيد فيه نوادي كتير أجمل مننا , و جايز لعّيبتنا مش أحسن لعّيبه , و جايز مدربنا أبو كرش مش أحسن مدرب , لكن إحنا الزمالكاويه عندنا ال concept بتاع الحمد لله !!.
.............
الحمد لله .
Mohamed Hussein
23 أبريل
يا بنات يا بنات
.
تعالو يا بنات ويا ستات مصر بتوع الجيل الحالي والجيل اللي قبله والجيل الرابع , تعالو على جنب كده عشان عايز أحكي لكو عن أمي ربنا يديها الصحه .
.
بقى صلّو عالنبي عليه الصلاة والسلام , الواحده منكو عندها في مطبخها أجهزه وخلاطات لتقطيع كل حاجه , عصاره للبصل والطماطم ومفرمه للحمه وعصاره للفواكه وجهاز يأوّر الكوسه و جهاز بيخرط الملوخيه , والفراخ بتيجي بانيه يعني مدبوحه ومخليه , وفرن غاز وفرن كهربا ومايكرو ويف وجهاز لتحميص العيش وجهاز لعمل الساندوتشات وجهاز للنسكافيه وجهاز للأيس كريم , إلخ .
.
يعني الواحده منكو بتجهّز الغدا كله على بعضه كده في ساعة زمن , الغدا وملحقاته , وطبعا في الساعه دي السماعه بتاعة الموبايل بتبقى في ودانها وبتسمع منير ( قبل مايتجوز ) ....
وفي شغل البيت , هتلاقي مكنسه بالكهربا ومكوه للهدوم ومكوه للسجاد ومكوه للستاير , والمكنسه بيتحط فيها صابون وشامبو وبيرفيوم كمان لو تحبي , من كام يوم شوفت مكنسه من غير سلك وبتمشي لوحدها ..يعني تطلقيها كده في الشقه وهي تكنس كل حاجه وترجعلك تقول لك خلّصت يا ستي عايزه مني حاجه تاني قبل مافصل ؟ قصدي قبل مانام ؟!.
.
و مع ذلك الواحده منكو بتدخل عالفيس أخر النهار تلعن قسوة الحياه وظروف المعيشه وتقول طلع لي فسفوسه جنب صباع ايدي اليمين أصلي بدخل الفيس من لابتوب مش تابليت تاتش سكرين , يالقسوة الحياه , وبعدين يدخلو صاحباتها الكيوت ويعلّقو عالبوست ده , ألف سلامه يا قمر , مش معقوله انتي أكيد اتحسدتي , طب روحتي مستشفى ولا عملتي ايه ؟ ...مممممممم والورد بقى والحاجات دي .
.
تعالو بقى أحكي لكو عن الحاجه أمي ربنا يديها الصحه
أمي عندها 3 أولاد و 3 بنات ما شاء الله , مابتعرفش تقرا , كانت بتصحى من النوم وتصحينا كل واحد في معاد غير التاني , اللي رايح المدرسه غير اللي رايح الجامعه , وتجهز لنا الفطار , لأ مش ساندوتشات جبنه رومي , احنا بتوع الحاجات دي برضه ؟ الفطار كان بيبقى بقية الأكل بتاع العشا بتاع اليوم اللي قبله , يعني رز وطبيخ , أه نسيت ماكنشي عندنا تلاجه عشان كده الأكل ماينفعشي يتركن كتير
.
أمي بتسخن الرز والبطاطس ( الخضار ) عالبابور الجاز ونفطر بقى كلنا وبعد ما نمشي تبدأ هي تغسل هدومنا , لا حضرتك هدومنا ماتوسختش من القطه الشيرازي ولا عصفورة الكناريا اللي مربينها في البيت , دي اتوسخت من التنطيط على جسر الترع والمصارف وفي التراب والطين , يعني اتطينت مش اتوسخت , والهدوم دي بتتغسل في طشت نحاس كبير ولما ربنا فتح علينا بقى عندنا غساله عاديه , اللي هي عامله زي البرميل دي وخلاص , ولا اتوماتيك ولا هاف ماتيك , وطبعا مفيش مسحوق من اللي بيشيل البقع , وبالتالي مفيش حل غير دعك الهدوم لحد ما يتهد حيلها , بعد ما تخلص غسيل في ساعتين مثلا ( لأ مفش موبايل ولا وكمان ولا محمد منير ولا سماعه ) , لو فيه حاجه في الأرض محتاجه شغل ستات تعملها , يعني تشتيل رز , جمع قطن , جمع باميه .
.
وترجع عالساعه 11 مثلا تبدأ تجهز الغدا , عندنا فرن بالطين لعمايل العيش والفطير والرز المعمر .. وده بيشتغل ب ( قش الرز ) , وعندنا كانون بالطين لطبيخ الرز والمكرونه والفراخ واللحمه ( و العياذ بالله ) وأي حاجه , و ده بيشتغل بالحطب بتاع القطن ., للأسف الفرن والكانون ماكانشي فيهم ( تايمر ) عشان كده لازم تقعد قدامهم في الصهد ده.
.
وبعد ما ناكل بقى ندخل في مرحلة غسيل الاطباق ( لا مفيش ديش ووشر ) , فيه طرنبة مايه سيادتك قدام البيت , واحد مننا يطلع يدوّر لها الطرنبه لحد ما تغسل الاطباق بالسلك الألامونيا والصابونه السوده أم ربع جنيه .
.
المهم أمي كانت بتيجي أخر اليوم وماتشتكيش من الفسفوسه اللي طلعت جنب صباع ايديها اليمين , ولو كانت اشتكت ماكنتش هتلاقي حد يعمل لايك عالبوست بتاعها !!.
.
المهم يعني عايز أقول ايه من الكلام ده ؟ عايز أقول إنكو على راس ابونا من فوق , هو احنا نقدر نتكلم ؟ , we appreciate your effort أه وعهد الله .
Mohamed Hussein
23 أبريل
وردا على توريد روسيا طائرات ميج 35 لمصر قررت أمريكا إن هي كمان تورد لنا طائرات أباتشي !! .
أهي الإداره الأمريكيه دي عامله زي التلفزيون الأبيض واسود القديم بتاع زمان , لما تهنّج منك وتلاقي الإرسال اتقطع , اضربها على دماغها بالجزمه هتلاقي الإرسال رجع تاني .
Mohamed Hussein
23 أبريل
السياسه أدب مش هز كتاف
.
بعد ما كان بيهدد جيشها , اسماعيل هنيه بيشكر مصر على جهودها في المصالحه الفلسطينيه !! .
ماهو شوف حضرتك , أوّل ما أمريكا تجر ناعم معاك هتلاقي كلابها جايين وراها يقدمو أيات الشكر والإمتنان , و مش بعيد الجزيره تبدأ من بكره تقول ( ثورة 30 يونيو المجيده ) !!.
Mohamed Hussein
24 أبريل
أه يا ليل يا ليل , يا ما طال الليل
أه يا ليل يا ليل , يا ما طال الليل
عالبحر عاااااالبحر يشاورلي بتفاحه يا ليل
يحسبني يااامّه قليلة العقل فلاحه يا ليل
.
أه يا ليل يا ليل , يا ما طال الليل
أه يا ليل يا ليل , يا ما طال الليل
عالبحر عاااااالبحر يشاورلي بلامونه يا ليل
يحسبني يااامّه قليلة العقل مجنونه يا ليل
............................................................
الله الله الله الله
لما فيديو زي دي يتشاف 1300 مره بس على يوتيوب , وفيديو ( سقوط فستان اليسا من على صدرها ) يتشاف كذا مليون مره !!
لما أغنيه شعبيه بالجمال ده محدش يسمع عنها وأفلام السبكي يدخلها مليون مشاهد , لما شكل الستات وهما بيغنو ويضحكو ضحكه صافيه من القلب مايشدّش الناس ويشدهم فيديو لاهابيين ولاد كلب بيقطعو روس بعض ويلعبو بيها كوره .
يبقى فيه خلل في المجتمع , فيه أجيال منحطه وفاشله , معندهاش لا زوق ولا احساس بالجمال , يا بشر السعاده في ضحكة الست دي وهي بتغني , الجمال في صوتها , الإبداع في كلماتها الرقيقه البسيطه , السعاده هتلاقوها هنا !!.
.
الأغنيه دي أكبر من عمر قطر وقناة الجزيره وحركة حماس , أكبر من عمر ياسر برهامي بتاع سيب مراتك تُغتصب ومشايخ البترو دولارز , ولو دورت على أصل الأغنيه جايز تلاقيها اكبر من عمر أمريكا , هي دي مصر اللي بعشقها , مصر الجميله البسيطه النقيه اللي ضحكتها من القلب , ملعون أبوهم ولاد الكلب !!.
Mohamed Hussein
24 أبريل
ياسر برهامي : يجوز للزوج ترك زوجته تُغتصب حفاظا على النفس !!
.
وايه المشكله يا خوانا , الموضوع سهل خالص زي شكة الدبوس , 5 دقايق وكل واحد يروح لحاله و يا دار ما دخلك شر , و لما المغتصِب ياخد غرضه يقوم الزوج الهمام مطبطب على مراته وحاضنها حضن مطارات ويراضيها بكلمتين , ومفيش مانع يعزمها على غدوه حلوه في ام حسن عشان ترم عضمها , مممممممممممم هو انا كده ابقى داعيه سلفي كبير ؟ انا بقيت من علماء الأمه ؟ , لحمتي مسمومه يا ناس ؟ الله اكبر ولله الحمد .
.
ربنا ابتلانا باتنين ولاد كلب تجار دين , لا عندهم دين ولا حتى نخوه , واحد ماعندوش مانع يسيب أرضك تغتصب في إيد الأعداء وكان بيستعدي عليك جيوش الغرب , والتاني ماعندوش مانع يسيب مراته تغتصب , اتنين ديوسين والإسم علماء ولحومهم مسمومه !!.
.
زمان , أيام ما كان فيه نخوه ورجوله , كان الراجل ( الرااااااااجل ) لو شاف واحده ست مايعرفهاش بتتعرض للاغتصاب كان بيدافع عنها حتى لو اتقتل , بقولك ست مايعرفهاش خالص مش مراته يعني وجايز تكون من جنسيه تانيه او ديانه تانيه , مش هيسألها جنسيتك ايه ولا ديانتك قبل ماينقذها , بس ده الراجل بقى مش الشيخ السلفي ولا الشيخ الإخواني .
.
وبمناسبة ذكرى تحرير سيناء , حابب أقول إن الصهاينه معدش يلزمهم يعملو خط بارليف تاني , ولا عاد يلزمهم اسلحة دمار شامل , طول ماحنا عندنا مشايخ الإخوان ومشايخ السلفيين هينامو الصهاينه وفي بطنهم بطيخه صيفي !!.
Mohamed Hussein
24 أبريل
حالا , القوات الجويه المصريه تطارد سيارتين محملتين بالأسلحه والذخيره على حدود مصر الغربيه , واشتباكات عنيفه !!
ولاد الكلب الإرهابيين فاكرين عشان النهارده عيد تحرير سينا يبقى الجيش المصري واخد اجازه ومدلدل رجله في ماية البيسين زي واحد صاحبنا !! .
.
ياهبل يابن الاهبل , الناس دي حاربت وعدت خط بارليف واستعادت الأرض والعرض وهي صايمه , إنت بس ولاد الحرام فهموك إن الجيش القطري هو أعظم جيوش العالم , يالله مش مشكله , مكتوبالك تتنفخ النهارده نفخا مبينا مؤزّرا !!.
ليست هناك تعليقات:
إرسال تعليق